Жаңалықтар

Қазақстанда магистратура мен докторантураға түсуге өтініш қабылдау 28 қазаннан басталады. Бұл туралы Ғылым және жоғары білім министрлігі хабарлады.

Ведомствоның мәліметінше, өтініш беру ҚР ҒЖБМ Ұлттық тестілеу орталығының app.testcenter.kz сайты арқылы жүзеге асырылады. Құжаттар 2025 жылғы 10 қарашаға дейін қабылданады.

«Тестілеудің өзі қараша-желтоқсан айларында өтеді. Өтініш беру кезінде түсуші тестілеуді тапсыру қаласын өз еркімен таңдай алады. Өтініштерді қабылдау мерзімі аяқталғанға дейін (10 қарашаға дейін) тестілеу тілін, бағытын және қаласын өзгертуге мүмкіндік бар. Тестілеуді өткізу күні туралы ақпарат түсушінің жеке кабинетінде ағымдағы жылғы 14 қарашада қолжетімді болады», – делінген министрлік хабарламасында.

Магистратураға...

Қазақстан ұлттық құрамасының бас бапкері міндетін атқарушы Талғат Байсуфинов 2025 жылдың соңғы ойындарына қатысатын футболшылардың кеңейтілген тізімін жариялады, деп хабарлайды ҚФФ баспасөз қызметі.

Құрама тізімі төмендегідей:

Қақпашылар:
Темірлан Анарбеков («Қайрат»), Мұхамеджан Сейсен («Астана»), Бекхан Шайзада («Ордабасы»), Қажымұқан Төлепберген («Оқжетпес»).

Қорғаушылар:
Арсен Аширбек («Оқжетпес»), Әділбек Жұмаханов («Елімай»), Еркін Тапалов («Қайрат»), Сергей Малый, Сағадат Тұрсынбай, Сұлтанбек Астанов (барлығы – «Ордабасы»), Наурызбек Жагоров («Тобыл»), Ян Вороговский («Астана»), Әлібек Қасым, Талғат Құспаев, Бақыт Каиров (барлығы – «Ақтөбе»), Нұралы Әліп («Зенит», Ресей).

Жартылай қорғаушылар:
Рамазан Оразов, Жан Әли Пайруз, Алмас Төлеубай, Ғалымжан Кенжебек (барлығы – «Елімай»), Муроджон Халматов («Ордабасы»), Ерсұлтан Қалдебеков («Қайсар»), Дамир Қасабулат («Қайрат»), Георгий Жуков...

Аккумулятор – көліктің электр жүйесінің негізгі қуат беруші орталығы. Дәл осы құрылғы қозғалтқыштың оталуын, жарық шамдарының, пештің, әйнек жылытқыштардың және мультимедианың жұмысын қамтамасыз етеді. Бірақ кейде жүргізушілер мынадай жағдайға тап болуы мүмкін: кілтті бұрайсыз– ал көлік оталмайды. Стартер айналмайды, шамдар әрең жанып тұр. Демек, аккумулятор тағы да «отырып» қалған.

Неліктен бұлай болады? Шынымен батарея мүлде жарамсыз ба, әлде оны іске қосуға бола ма? Төменде аккумулятордың тез «отыруының» он негізгі себебін және мұндайды болдырмау жолдарын қарастырамыз.

Кез келген заттың  тозатын уақыты болады

Аккумулятордың орташа қызмет мерзімі – 3-5 жыл. Уақыт өте келе батарея ішінде химиялық өзгерістер жүреді: пластиналар сульфаттанады...

Әлеуметтік желіде авторлардың бірі Алматыдағы Қаныш Сәтбаев атындағы №56 мектеп-гимназиясының ғимараты қирап жатыр деп мәлімдеген видео тарады.

Кадрлардан жұмысшылардың ғимараттың төбесінде бетон бұзатын ауыр балғаны қолданғаны көрінеді. Пост авторы қаланың «тарихи келбетін жоғалтып жатқанын» айтып, бұл мектеп – сақтауға тиіс кеңестік ампир стилінің үлгісі деп мәлімдеді.

Алайда Алматы қаласының құрылыс басқармасы бұл мәлімдемелерді жоққа шығарды.

«Мектепте сейсмикалық нығайту және күрделі жөндеу жұмыстары жүргізіліп жатыр. Бар ғимараттарды сүру көзделмеген. Ғимараттың тарихи қасбеті сақталады», – деді ведомство өкілдері.

Басқарма қайта жаңарту жобасы қазіргі білім беру стандарттарына сай оқу кеңістіктерін көздейтінін нақтылап өтеді. Сондай-ақ көпфункционалды спорт...

Қазақстандық блогерлер мен жұлдыздар отандық брендтерді жиі таңдайды. Оған жарнама төленетіні ғана себеп емес. Жергілікті дизайнерлердің қолынан шыққан туындылар шынымен шетелдіктердікінен еш кем емес. Стилі жарасқан, сапасы үйлескен киімдер мен аксессуарларды күнделікті өмірде неге тағып, кимеске? Бүгінгі материалымызда Instagram-нан алдыңыздан талай шыққан, белгілі блогерлердің аутфитінен көрген брендтер туралы айтамыз.

MERÁLY

Бұл бренд кейінгі жылдары қазақстандық сән әлемінде көп аталып жүр. Негізін қалаған  – Меруерт Орынбек. Басқа салада жүріп, хоббиін табысты кәсіпке айналдыра алған адам. Меруерт ұлттық компанияда алты жылдай IT-аналитик болып істеген. Іштей шығармашылыққа жақын, сұлулықты жақсы көретін ол бос уақытында киім тігіп, тоқығанды жақсы көреді екен. Бала...

Түркістан облысында медициналық мекемеден қашып кеткен сотталушы ұсталды.

«Жедел-іздестіру шараларының нәтижесінде Түркістан облысы полиция департаментінің криминалдық полиция қызметкерлері медициналық мекемеден қашқан сотталушыны ұстады. Ол Түркістан қаласындағы танысының үйінен табылды», – деп хабарлады Түркістан облысы полиция департаментінің баспасөз қызметі.

Қазіргі таңда күдікті тергеу изоляторына қамалды.

«Қажетті барлық процессуалдық шаралар жүргізіліп жатыр, оқиғаның мән-жайы анықталуда. Аталған факті бойынша сотқа дейінгі тергеу басталды», – деп атап өтті полиция департаменті.

Ведомство мәліметінше, жағдай Түркістан облысы полиция департаментінің бастығының жеке бақылауында.

«Сотталушыны ұстау мақсатында ауқымды жедел-іздестіру шаралары ұйымдастырылды, бақылау бекеттер...

АҚШ президенті Дональд Трамп Канадаға салынатын тарифтерді 10%-ға арттыратынын жариялады. Бұл шешім Онтарио провинциясы үкіметінің АҚШ-тың кедендік саясаттарын сынға алған жарнамалық бейнеролигіне жауап ретінде қабылданды, деп хабарлайды Bloomberg.

Трамптың Truth Social платформасындағы жазбасы жарнаманы төңіректеген бірнеше күндік пікірталастан кейін жарияланды. Сол роликте еркін сауданы қолдаған бұрынғы президент Рональд Рейганның көзқарасы келтірілген болатын. Бұл жарнама қазіргі Ақ үй басшысының ашуын тудырып, Канадамен келіссөздердің уақытша тоқтауына себеп болды.

«Фактілердің өрескел бұрмалануы мен дұшпандық әрекеттерге байланысты мен Канадаға салынатын тарифті қолданыстағы мөлшерге қосымша тағы 10 пайызға көтеремін», – деп жазды Трамп.

АҚШ президенті бұл шешімнің нақты қандай...

25 қазан кешінде Шымкент қаласында мерекелік отшашу кезінде құрғақ шөп тұтанып, өрт шықты.

Әуелі өрттің видеолары әлеуметтік желіге тарап кеткен. Кейін ресми орган – Шымкент қалалық төтенше жағдайлар департаменті ақпарат таратты. Ресми мәліметке сәйкес, өрт сағат 23:42-де Нұрсат шағынауданында басталған.

Қалалық Төтенше жағдайлар департаментінің мәліметінше, өрт 23:50-де толық сөндірілген. Тілсіз жауды ауыздықтауға 18 қызметкер мен төрт бірлік өрт сөндіру техникасы жұмылдырылған.

Жалын шарпыған аумақтың көлемі 250 шаршы метрді құрады. Оқиға салдарынан зардап шеккендер жоқ.

Қазақстанда азаматтарды курьер арқылы алдайтын алаяқтықтың жаңа схемасы қызу талқыға түсті. Белгілі блогер өз атынан несие рәсімдеуге талпынған алаяқтардың әрекетін жариялап, жұртшылықты сақ болуға шақырды.

Қазақстандық блогер Абай Қабдрашитов (Abailuck) өзін алдамақ болған алаяқтардың әрекеті туралы айтып берді. Алаяқтар курьер ретінде танысып, оған жалған сәлемдеме жеткізбек болған. Блогер бұл жөнінде инстаграм парақшасында видео жариялады.

Алаяқтардың әрекеті

Блогердің айтуынша, арнайы форма киген ер адам маркетплейстен тапсырыс берілгендей қорап әкелген. Алайда сәлемдеме тым жеңіл болғандықтан, күдік туғызған.
Содан кейін «курьер» блогерден растау кодын дауыстап айтуын сұраған. Бірақ хабарлама маркетплейстен емес, 1414 нөмірінен келген. Сол сәтте Abailuck алаяқтармен бетпе-бет келгенін...

Қазақстанның 16 өңірінде мандатын тапсырған депутаттардың орнына келетін депутаттарды сайлау науқаны басталды.

71 бірмандатты сайлау округтері бойынша мәслихат депутаттарын сайлау (қосымша сайлау) өтеді. Оның ішінде 4 облыстық мәслихат депутаты, 15 қалалық мәслихат депутаты, 52 аудандық мәслихат депутаты сайланады.

Орталық сайлау комиссиясының мәліметінше, бұл сайлау науқанына 429 сайлау комиссиясы: 16 аумақтық, 58 аудандық, қалалық, 70 округтік, 285 учаскелік сайлау комиссиялары, 2750 сайлау комиссиясының мүшесі жұмылдырылған.

Аталған науқанды өткізуге дайындық шеңберінде бұған дейін Орталық сайлау комиссиясының мүшелері мен аппараттың жауапты қызметкерлері қосымша сайлау өтетін 13 өңірге инспекциялық сапармен барып қайтқан.

Республика маңызы бар қалалар – Астана, Алматы және Шымкент...

Әлемдегі ең биік ғимарат – Дубайдағы 828 метрлік Бурдж Халифа мұнарасы тағы да Қазақстан туының түстерімен жарқырады. Мемлекеттік ту алып ғимараттың қасбетінде жарқыраған сәтте Мемлекеттік әнұран да шырқалды.

Ерекше сәтті Дубайдағы Қазақстан елшілігі өзінің Instagram парақшасында жариялады.

«Біріккен Араб Әмірліктері Қазақстанды Республика күнімен құттықтады», – делінген желідегі жазбада.

Қазақстанда Республика күні ресми түрде 2023 жылдан бастап қайта мерекеленіп келеді. Бұл мереке ел тарихындағы аса маңызды кезең – мемлекеттік тәуелсіздікке бастау болған күнмен тығыз байланысты.

1990 жылы 25 қазанда Қазақ Кеңестік Социалистік Республикасының Мемлекеттік егемендігі туралы Декларациясы қабылданды. Бұл құжат Қазақстанның саяси және экономикалы...

Продюсер Бағым Мақсатқызы «Қазақстанның еңбек сіңірген қайраткері» атағын алды. Бір күн бұрын дәл осындай атаққа оның туған әпкесі, актриса әрі продюсер Баян Алагөзова ие болған.

Екі атақ та Республика күніне орай тапсырылды. Бағым куәлікті Мәдениет және ақпарат министрі Аида Балаеваның қолынан алды.

«Елге еңбегі сіңген қайраткер атану – мен үшін үлкен мәртебе, өмір жолымдағы маңызды белес», – деп жазды продюсер әлеуметтік желіге.

Мәдениет қайраткері министрге алғыс айтуды да ұмытпады. Бұған қоса, ол осы атаққа сай болуға тырысатынын айтты.

«Қазгидромет» мәліметінше, 26 қазанда елдің көп бөлігінде ауа райы тұрақты болады. Күзгі мезгілдің ерекшелігіне сай, ауа температурасы төмендеп, жауын-шашын көбейеді.

Орталық аймақтар

Республиканың орталық өңірлерінде ауа райы бұлтты, бірақ жауын-шашын болмайды. Ауа температурасы күндіз +2…+7°С, түнде -3…+1°С. Желдің жылдамдығы 5-10 м/с, кейде 15 м/с-қа жетуі мүмкін.

Астана қаласында таңертең күн ашық болады, бірақ таңғы сағаттарда тұман түсуі ықтимал. Сол себепті автокөлік жүргізушілер абай болуы керек.

Оңтүстік аймақтар

Қазақстанның оңтүстік өңірлерінде күн жылы, бірақ жаңбыр жаууы мүмкін. Алматы облысында күндіз +8…+13°С, түнде +3…+6°С. Шымкентте ауа райы тұрақты. Температура +10…+15°С. Таңертең жаңбыр жауады деп болжанды (30-40%).

Жел...

АҚШ президенті Дональд Трамптың Оңтүстік және Орталық Азиядағы арнайы өкілі Серхио Гор мен мемлекеттік хатшының орынбасары Кристофер Ландау Қазақстан мен Өзбекстанға келеді. Сапар 26-30 қазан аралығында өтеді.

Америкалықтар аймақтағы екі елдің үкіметтерімен кездесіп, экономика және қауіпсіздік мәселелерін талқылайды.

«Құрама Штаттар Орталық Азиядағы серіктестерімен әріптестікті әрі қарай дамытып, екіжақты байланыс пен сауданы нығайтқысы келеді», – деп жазылған АҚШ үкіметінің сайтындағы ресми мәліметте.

Бұған қоса, дипломаттар АҚШ-тың C5+1 платформасы аясында Орталық Азиядағы әріптестігінің 10 жылдығын атап өтуге ерекше мән береді.

Осының алдында Kursiv.Media Трамп әкімшілігі Қазақстандағы вольфрам кені үшін қытайлармен таласып жатқаны туралы жазған. Елдег...

АҚШ президенті Дональд Трамп әкімшілігі Украинадағы соғысты тоқтату үшін Ресейге тағы санкция салуы мүмкін. Бұл туралы Reuters Ақ үйдегі дереккөздерінің мәліметіне сүйене отырып хабарлады.

Президент Владимир Путин соғысты доғармаса, Трамп әкімшілігі Ресейге қарсы қосымша санкциялар енгізеді. Осындай мәліметті агенттікке америкалық бір шенеунік, сонымен бірге саяси жағдайды жақсы білетін тағы бір дереккөз берген. Олар қосымша шектеулер дайын тұрғанын мәлімдеген.

Бұған қоса, АҚШ-тың ресми өкілдері еуропалық әріптестеріне ЕО-ның Ресей активтерін Киев үшін қару-жарақ сатып алуға жұмсау ниетін қолдаған. Мұндай мәліметті Reuters-ке америкалық екі шенеунік жеткізген.

АҚШ осы аптадаға ғана Ресейге қарсы санкция енгізгені мәлім. Шектеулерге «Лукойл» мен «Роснефть» компаниялары іліккен...

Мәнерлеп сырғанаушы Михаил Шайдоров Әлем кубогының Бейжіңдегі кезеңінде қола жүлдегер атанды.

21 жастағы Шайдоров қысқа бағдарламасын 88,33, ал еркін бағдарламасын 174,34 ұпайға орындады. Екі бағдарлама қорытындысы: 262,67 ұпай.

Бірінші орынға жапон атлеті Шун Сато (278,12) көтерілсе, күміс жүлдені Италия спортшысы Даниэль Грассль алды (269,43 ұпай).

Михаил Қытай астанасындағы жарыста еркін бағдарламасында аса күрделі секіру элементтерін орындады. 3A+1Eu+4Sq күрделі каскадын қазылар алқасы 18.20 ұпайға, ал 4Lz пен 4F куадтарын 11,50 және 11 ұпайға бағалады. Шайдоров тағы бір күрделі каскад – 4T+3T үшін 15,07 ұпай алды. Дегенмен ол 4T элементін орындау барысында құлап қалып, әжептәуір ұпай жоғалтты.

Қазақстан 2026 жылы Италияда...

Әлемнің ірі елдерінің жетекшілері Республика күнімен құттықтап, президент Қасым-Жомарт Тоқаевтың атына құттықтау жеделхат жолдады. Олардың арасында Дональд Трамп, Си Цзиньпин және Владимир Путин бар. Құттықтаулар мәтінін Ақорда жариялады.

Трамп құттықтауы

АҚШ президенті Дональд Трамп Қазақстанмен әріптестікті арттырғысы келетінін айтқан.

«Құрама Штаттар Қазақстанмен арадағы тығыз экономикалық байланысты және қауіпсіздік саласындағы ынтымақтастықты жоғары бағалайды. Алдағы жылдары кеңейтілген стратегиялық серіктестікті одан әрі нығайтуға ниетті», – делінген жеделхатта.

Қытай тілегі

ҚХР төрағасы Си Цзиньпин Қазақстан қоғамында татулық пен тұрақтылық салтанат құрып, экономика қарқынды дамып келе жатқанына тоқталған.

«Қытай тарапы Қазақстанмен...

Әйгілі эстрада жұлдызы Димаш Құдайберген әлемге танымал боксшы Геннадий Головкинге қолдау көрсетті. Қазақстан Олимпиада комитетін басқаратын GGG енді World Boxing халықаралық федерациясы президентіне үміткер болып тіркелген.

Димаш әлеуметтік желіге Головкинмен бірге түскен суретін жариялап, чемпион жеткен жетістіктерді атап өтті.

«Біздің даңқты жерлесіміз Геннадий Головкин бүгін халықаралық World Boxing федерациясының президенті лауазымына таласатынын мәлімдеді. Мен әрдайым оның мақсаткерлігіне, рухының мықтылығына және елімізге деген адалдығына тәнтімін.

Көп жылдар бойы ол Қазақстанның беделін әлемдік аренада асқақтатты, енді бокстың жаһандық имиджін нығайту жолында еңбек етпек. Чемпионымызды қолдайық!» – деп жазды эстрада әншісі.

Бір күн бұрын Головкин халықаралы...

Екінші дүниежүзілік соғыс ардагері Қамбар Сәрсенов 25 қазанда 101 жасқа толды. Қарияны бір топ әскери қызметкер құттықтап барды. Бұл туралы Қорғаныс министрлігінің баспасөз қызметі хабарлайды.

Қамбар Сәрсенов 1924 жылғы 25 қазанда Қостанай облысында дүниеге келген. 1942 жылы әскер қатарына шақырылып, оқу-жаттығудан кейін майданға аттанған. Ол Беларусь, Латвия және Литва жерлерінде шайқасып, Кенигсбергті алу операциясына қатысқан. Майданда үш рет жараланған.

Республика күні ақсақалды әскери қызметшілер құттықтап барды. Ардагерге қорғаныс министрінің атынан Отан алдындағы еңбегі үшін құттықтау хаты табысталды.

Ардагер келген қонақтарға ықылас танытып, барша халықты Республика күнімен құттықтады. Майдан даласында ауыр сынақтарды бастан өткерген қарт жауынгер елге амандық, отбасыларға бақ-береке...

Мемлекет басшысы Қасым-Жомарт Тоқаеев 25 қазанда Ұлттық қауіпсіздік комитетінің төрағасы Ермек Сағымбаевты қабылдап, артынша оның орынбасары Қанатай Далматовты қызметтен алды. Бұл туралы Ақорда хабарлады.

Ресми мәлімет бойынша, Сағымбаев президентке биыл атқарған жұмыс туралы есеп берді. Комитет төрағасының айтуынша, ұлттық қауіпсіздік органдары экстремизм мен терроризмге қатысы бар 67 адамды ұстаған. Радикал ағымды ұстанатын 83 адам сотталған.

«Ішкі істер министрлігімен бірлесе қабылданған шаралар нәтижесінде 17 қылмыстық топ құрықталып, олардың 244 мүшесі ұсталды. 96 адам қамауға алынды».

Бұған қоса, заңсыз айналымнан 453 қару, 64 граната, алты мыңға жуық оқ-дәрі тәркіленді. 16 есірткі зертханасы, 25 халықаралық және...

Қазақстаннан шыққан Зәуре Мұхамәдиева Ұлыбритания атынан халықаралық Universe Beauty сұлулық байқауына қатысады. Осының алдында 51 жастағы әйел жергілікті жарыста жеңіске жеткен.

Әлеуметтік желілерге жариялаған үндеуінде Мұхамәдиева қайдан шыққанын ешқашан ұмытпайтынын атап өтті.

«Тәж – мен үшін күш-жігердің, өзіме сенімді әйелдің белгісі іспеттес. Мен оны мақтанышпен киіп жүремін. Жарыстарға Ұлыбритания атынан қатыссам да,, Қазақстаннан шыққанымды мақтан тұтам», – деп жазды ол Instagram-дағы парағына.

Қазақстанда туған Зәуренің үш жоғары білімі бар. Ол жиырма жылдан астам уақыт мұнай-газ саласында істеген, қызын өсірген. Бірнеше жыл бұрын Мұхамәдиева Ұлыбританияға қоныс аударған. Ол жаңа мәдениет пен өмірге бейімделу оңайға соқпағанын...

25 қазанда президент Қасым-Жомарт Тоқаев Республика күні және Егемендік туралы декларацияның қабылдануына 35 жыл толуына орай мемлекеттік ту көтеру рәсіміне қатысты. Бұл туралы Ақорда хабарлады.

Салтанатты шара «Ақорда» резиденциясы алдындағы алаңда ұйымдастырылды. Құрмет қарауылының басшысы президентке рапорт берді. Содан кейін мемлекеттік ту көтеріліп, әнұран орындалды.

Көк байрақты ту көтеру рәсімі республиканың барлық өңірінде жалғасады.

Егемендік декларациясы 1990 жылғы 25 қазанда қабылданды. Бір жылдан кейін Қазақстан тәуелсіздігін жариялады.

Республика күні қарсаңында Ғылым және жоғары білім министрі Саясат Нұрбек 16 жас ғалымға пәтер куәліктерін салтанатты түрде табыстады. Бұл туралы министрліктің баспасөз қызметі хабарлады.

Министр жас ғалымдардың өмір сапасы мен әлеуметтік әл-ауқаты президенттің ерекше назарында екенін атап өтті.

«Ғылым тек идея мен ізденістен ғана тұрмайды, ол тұрақты қолдау мен қолайлы жағдайды да қажет етеді. Бүгін Ұлттық мереке қарсаңында 16 жас ғалымға пәтер кілттері табысталып жатыр. Бұл – мемлекетіміздің жас зерттеушілерге көрсетіп отырған жүйелі қолдауының және ғылым саласын дамытуға деген берік ұстанымының айқын көрінісі», – деді Саясат Нұрбек.

Президент 2024 жылғы 31 мамырда жастармен кездесіп...

Президент Қасым-Жомарт Тоқаев 21 жастағы Шұғыла Өмірбекті күрестен әлем чемпионатының (U23) жеңімпазы атануымен құттықтады. Бұл туралы Ақорда хабарлады.

«Бұл – тарихи жеңіс. Өйткені еліміз мұндай халықаралық жарыста алғаш рет алтын медаль иеленіп отыр.

Әр салада өзінің табандылығымен, еңбекқорлығымен табысқа жететін жастардың өсіп келе жатқаны қуантады. Шұғыланың алдағы уақытта да биік белестерді бағындыра беруіне тілектестік білдіремін!» – деді Тоқаев.

Жастар арасындағы әлем чемпионаты Сербияның Нови Саде қаласында өтіп жатыр. Шұғыла Өмірбек финалда түрік қызы Туба Демирмен белдесіп, 12:8 есебімен жеңіске жетті.