Жаңалықтар

Блогер Митя Байзаров Instagram-да Қазақстандағы ең үлкен қонақүй туралы баяндады. Төрт жұлдызды King Hotel Astana елорданың оң жағалауында орналасқан. Оны кезінде экс-президент Нұрсұлтан Назарбаев ашқан.

23 қабаттан тұратын қонақүй ғимаратында 475 нөмір бар. Блогердің есептеуінше, күнді бір нөмір ауыстырсаң, бәріне түнеп шығу үшін бір жарым жыл уақыт кетеді. 2009 жылы ашылған уақытта Астанадағы ең үлкен ғимараттардың бірі болған. Билік Алматыдан елордаға көшкен кезде бой көтерген қонақүйдің даңқы қазір ұмытылып бара жатыр. Бірақ оның рекордын елдегі ешбір қонақүй қайталай алмады.

Байназаров мұндағы тамақтың дәмді, елордадағы бағамен салыстырғанда, нөмір жалдау ақысы арзан екенін айтып отыр. Мәселен, Booking.com сайтының мәліметінше, қарашада екі орынды...

«Отбасы банк» Жамбыл облысының жастарына арналған «Әулиеата жастары» тұрғын үй бағдарламасы бойынша өтінім қабылдауды бастады.

Бағдарлама өңірде жастарды баспанамен қамтамасыз етуге бағытталған және оған 35 жасқа дейінгі тұрғындар қатыса алады.

Жеңілдетілген ипотека шарты бойынша қарыз сомасы 15 млн теңгеге дейін беріледі. Егер таңдалған тұрғын үйдің құны бұдан жоғары болса, бағаның айырмасын үміткер өз қаражатымен төлейді.

Бағдарлама бойынша бастапқы жарна бар болғаны 5%, ал жылдық пайыздық мөлшерлеме 5% деп белгіленген.

Сонымен қатар жылдық тиімді сыйақы мөлшерлемесі (ЖТСМ) 5,2%-дан 5,7%-ға дейін болады. Қарызды өтеу мерзімі 19 жылға дейін қарастырылған.

Бағдарламаға қатысу үшін өтінімдер 28 қазаннан 6 қарашаға дейін қабылданады...

Әйелдер күресінен әлем чемпионы атанған Шұғыла Өмірбекке Түркістан облысының әкімі Нұралхан Көшеров Changan x5 автокөлігінің кілтін табыстады. Ал бапкері Нұржігіт Ерімбетовке 2 млн теңге берілді.

Бұған дейін балуанды президент Қасым-Жомарт Тоқаев құттықтап, жетістігін «тарихи жеңіс» деп атады.

21 жастағы Шұғыла Өмірбек Түркістанда тұрады. 9 жасынан бастап күреспен айналысып келеді. Бала күнінен Түркістан қаласындағы Бекзат Саттарханов атындағы спорт кешенінде жаттыққан.

«Сербиядағы әлем чемпионатының (U23) жеңімпазы атану – менің ең үлкен жетістігім. Бұған бір ай, бір жылда жеткен жоқпын, 12 жылдық еңбегімнің жемісі. Жарыстың алдында екі апта Алматы облысында оқу-жаттығу жиынына қатыстық. Оған дейін де Түркістанда дайындықты...

Қазақстан алдағы қыста электр энергиясының тапшылығын сезінбейді. Бұл туралы Үкіметтегі баспасөз брифингінде «KEGOC» АҚ басқарма төрағасы Нәби Айтжанов мәлімдеді.

Айтжановтың айтуынша, елдегі энергия жүйесі тұрақты жұмыс істеп тұр, ал шамалы тапшылық Ресейден импорт есебінен өтеліп отыр.

«Қазір 330 МВт көлемінде аздаған тапшылық бар, бірақ ол Ресейден келетін қуат арқылы толық жабылып отыр. Алдағы жылыту маусымында, жөндеу жұмыстары аяқталған соң, тапшылық болмайды деп болжап отырмыз. Қажетті энергия көлемі Ресей Федерациясынан алынады. Сондықтан бүгінгі таңда еліміз өз қажеттілігін толық қамтамасыз етіп отыр», – деді Айтжанов.

Энергетика вице-министрі Санжар Жаркешов те Қазақстанның электр энергиясымен өзін-өзі толық қамтып...

Қазақстан мен Қытай шекарасында астық тиелген 3000 вагон тұрып қалған. Бұл туралы «Қазақстан темір жол компаниясы» хабарлады.

Қазан айында Қытай Халық Республикасы Алтынкөл бекеті арқылы келетін пойыздарды қабылдауды азайтқан. Егер бұған дейін тәулігіне 14 пойыз қабылданса, қазір бұл көрсеткіш 10 пойызға дейін төмендеді, кей күндері 6 пойыз өтіп жатыр.

Өйткені Қытайдың уәкілетті органдары қазақстандық астық өнімдеріне терең тексеріс жүргізіп жатыр. Астық Үрімші және Бейжің қалаларында зертханалық сараптамадан өтеді. Бұл тексеру процесі 5–10 күнге дейін созылады.

Осы жағдай Қазақстан тарапының теміржол инфрақұрылымындағы қозғалысқа әсер етіп, Қытай бағытына жөнелтілуі тиіс экспорттық және транзиттік жүгі бар шамамен 3 000 вагон жиналып...

38 жастағы аргентиналық футболшы Лионель Месси 2026 жылы өтетін Әлем чемпионатына қатысқысы келеді. Әйгілі шабуылшы NBC телеарнасының тікелей эфирінде осылай деп мәлімдеді.

2026 жылғы маусымда Месси 39 жасқа толады. Соған қарамастан, футболшы Аргентина құрамасына әлем чемпионы атағын қорғауға көмектескісі бар.

«Әлем чемпионатына қатысу – ерекше сезім. Менің де осы додадан тыс қалғым келмейді», – дейді шабуылшы.

Әлем чемпионаты Солтүстік Американың үш елінде: АҚШ, Канада және Мексикада өтеді.

«Бар күшіммен ойнап, ұлттық құрамаға көмегім тие ме? Жағдайымды келесі маусымға дайындық барысында бағамдаймын. Шешімді сосын қабылдаймын. Әлбетте, әлем біріншілігінде ойнағым келед...

Қыркүйек айында екінші деңгейлі банктер беретін кредиттердің пайыздық мөлшерлемесі айтарлықтай қымбаттады. Ұлттық банктің мәліметінше, бизнеске берілетін кредиттің де, халық алатын қарыздың да пайызы өсім көрсеткен. Әсіресе, тұтынушылық бағыттағы несие қымбаттаған.

Жеке тұлғалар мен жеке кәсіпкерлер үшін теңгеде алынған кредиттің орташа сыйақысы 21%-дан 21,4%-ға көтерілген. Ал заңды тұлғалар үшін мөлшерлеме бір айда 0,1 пайыздық тармаққа өсіп, 19,1%-ды құрады.

Банктер шетелдік валютада беретін кредиттің пайыздық мөлшерлемесі біршама төмен. Қаржы ұйымдары заңды тұлғалар мен халыққа орта есеппен 6,9 пайызбен кредит береді.

Қазіргі кезде банк секторының ел экономикасына берген кредиті 41,6 трлн теңгені құрайды. Соның 17,6 трлн теңгесі бизнестің алған несие болса...

Қасым-Жомарт Тоқаев Финляндия Президентімен келіссөз жүргізді. Ол Александр Стуббтың сапарын екі ел арасындағы ынтымақтастықты дамытуға тың серпін береді деп сенетінін жеткізді.

Бұл туралы Ақорданың баспасөз қызметі хабарлады.

«Қазақстан мен Финляндия арасында достыққа әрі өзара түсіністікке негізделген ықпалдастық орнаған. Екі елдің ортасында шешімін таппаған мәселе жоқ. Дегенмен инвестиция және сауда салаларында бірқатар мүмкіндік бар. Сіздің бастамаңызбен өтіп жатқан бизнес-форумның орны ерекше», – деді Тоқаев.

Сонымен қатар, Президент аталған жиынға қатысатынын мәлімдеді. Оның пікірінше, бұл екі елдің кәсіпкерлерінің іскерлік байланыстарын дамытуға зор септігін тигізеді.

«Бұдан бөлек, гуманитарлық ынтымақтастыққа айрықша мән береміз...

28 қазанда таңертең Ақтау қаласындағы көпқабатты үйлердің бірінде газ баллоны жарылып, бес адам ауруханаға түсті. Бұл туралы жергілікті Lada.kz хабарлады.

Басылымның мәліметінше, жарылыс тұрғын үйдің жертөлесінде болған. Маңғыстау облыстық денсаулық сақтау басқармасы зардап шеккендер туралы мәлімет берді. Мекеме дерегінше, ауруханаға бес адам түсті. Олардың үшеуі – бала. 1973 жылы туған бір науқас облыстық аурухананың жансақтау бөлімінде жатыр. Оның денесі қатты күйіп қалған.

2003 жылы туған бір науқастың жарақаты жеңіл болғандықтан, дәрігерлер көмегінен кейін үйде емделуге шығарған.

Облыстық балалар ауруханасына үш бала түскен. 15 жастағы қызға иіс тигені анықталды. Дәрігерлер оның жағдайын орташа ауыр деп бағалады. Он жастағы тағы бір...

Қазақстанның шығысындағы Курчатов қаласында жылу электр орталығын (ЖЭО) салуға арналған тендер жариялау жоспарланып отыр. Бұл туралы Энергетика министрі Ерлан Ақкенженов мәлімдеді.

«Бүгінгі таңда Екібастұз ГРЭС-3 (2 640 МВт) құрылысына инвестор анықтау бойынша тендер өткізілді, сондай-ақ Курчатов қаласында қуаты 700 МВт болатын жылу электр станциясын (ЖЭС) салуға тендер жариялау жоспарланып отыр», – деді ол Үкімет отырысында.

Министрдің айтуынша, бұл электр станциялары экологияға әсерді барынша азайтатын «таза көмір» технологиялары негізінде дамиды. Сөзінше, тікелей келісімшарттар аясында Энергетика министрлігі «Самұрық-Энерго» компаниясымен бірлесіп Көкшетау (240 МВт), Семей (360 МВт) және Өскемен (360 МВт) қалаларында жылу электр орталықтарын салып жатыр...

Қытай мен Өзбекстандағы шулы пранктермен танымал болған блогер Аружан Айбекова басындағы жағдайға қатысты пікір білдірді. ҚазАқпаратқа берген сұхбатында «болашақта пранк түсірерде әбден ойланатын болдым» дейді.

«Ташкентте пранк видео түсіру туралы тек мен емес бүкіл команда шешім қабылдады. Видеоны жариялағаннан кейін бұрын сабақ алмаған ба деп көпшілігі жаза бастады. Мен командаға роликті өшіруді ұсындым, хейт болуы мүмкін деп ескерттім. Бірақ идея менікі болмағаннан кейін қарсы тұра алмадым», – деп түсіндіреді Аружан.

Болған жағдайлардан кейін Аружан пранк түсіру туралы ойын өзгерткен.

«Болған жағдайға тек мен кінәлімін деп есептемеймін, бірақ мұндай пранк...

Қазақстан 2029 жылға қарай елдегі электр энергиясына деген қажеттілікті толық жабуды жоспарлап отыр. Бұл мақсатта 2025 жылы 621 МВт-тан астам қуат көздерін іске қосу көзделген.

Бұл туралы бүгін Үкімет отырысында энергетика және электр энергиясы саласын дамыту мен цифрландыру барысы туралы баяндаған энергетика министрі Ерлан Ақкенжанов мәлімдеді.

«Министрлік энергетикалық қауіпсіздікті нығайтуға, инфрақұрылымды жаңғыртуға, қуаттылықты арттыруға және цифрлық шешімдерді енгізуге бағытталған жүйелі шараларды тұрақты түрде қабылдап келеді. Энергетика саласын 2035 жылға дейін дамыту жоспары аясында 26 гигаваттан астам жаңа генерациялық қуатты іске қосу көзделген», – деді ол.

Жаңа қуаттар қолданыстағы станцияларды жаңғырту және жаңа генерациялық нысандар салу...

Мьянмада алаяқпен күрес операциясы барысына 10 мыңға жуық шетел азаматы ұсталды. Бұл туралы Bloomberg хабарлады. Олардың арасында Қазақстан азаматтары да болуы мүмкін.

Агенттік мәліметінше, кейінгі тоғыз айда Мьянманың әскери билігі 10 мыңға жуық шетел азаматын ұстаған. Хунта оларды интернет алаяқтықпен айналысу үшін елге заңсыз кірді деп есептейді.

Елдің ақпарат министрлігі 27 қазанда арнайы операция туралы мәлімет жариялады.

«2025 жылғы 30 қаңтардан 26 қазанға дейін Мьянма билігі елге заңсыз кірген 9964 шетел азаматын ұстады. Олардың 9339-ы Таиланд арқылы депортацияланды, ал қалған 625-і елден шығаратын уақытты күтіп, қамауда отыр», – делінген ресми ақпаратта.

Министрлік жақында...

ҚР Энергетика министрлігі «Лукойлдың» Қазақстандағы активтерін сату мәселесіне қатысты пікір білдірді. Энергетика вице-министрі Санжар Жаркешовтің айтуынша, ресейлік компанияның үлестерін сатып алу немесе қайта бөлу туралы айтуға әлі ерте. Өйткені ресми келіссөздер басталған жоқ, Қазақстан әзірге жағдайды бақылап отыр.

Ресейлік «Лукойл» компаниясы бірнеше елдің санкциясына ұшырауына байланысты шетелдік активтерін сататыны туралы ақпарат тараған.

Осы ретте журналистер Қазақстан «Лукойлдың» елдегі мұнай-кен жобаларындағы үлесін сатып алуы мүмкін бе деген сұрақ қойды. Алайда вице-министр бұл мәселе әзірге талқыланып жатпағанын айтты.

«Сыртқы істер министрлігі мен Энергетика министрлігі шетелдік әріптестермен байланыста. Бұл – жаңа ақпарат, нақты айтуға әлі ерте. Алдағы...

Қазақстанда энергетика саласындағы ірі жобалардың бірі – Семей және Өскемен қалаларындағы жылу электр орталықтарының (ЖЭО) құрылысы 2026 жылдың наурызында басталмақ. Бұл туралы Үкімет отырысында премьер-министр Олжас Бектенов мәлімдеді.

Премьер-министрдің айтуынша, «Самұрық-Энерго» компаниясы осы мерзімге дейін барлық дайындық шарасын аяқтап, құрылысқа толықтай кірісуі тиіс.

«Самұрық-Энерго» компаниясы келесі жылғы наурыз айының соңына дейін Семей және Өскемен қалаларында жылу электр стансаларының құрылысын бастау үшін барлық қажетті іс-шараларды аяқтасын. Бұл ретте ауаны ластайтын зиянды қалдықтар бойынша заманауи экологиялық стандарт нормаларының сақталуын қамтамасыз ету қажет», – деді Олжас Бектенов.

Сонымен қатар үкімет басшысы KEGOC компаниясына еліміздің батыс аймағын Бірыңғай...

Қарақат Әбілдина өкпесін айтып, «Ұлытау» этно-рок тобының еңбегі еленбей қалғанына наразы екенін білдірді.

Оның пікірінше, «Ұлытау» тобы кеше тағы да елеусіз қалған.

«Қазір әлеуметтік желіде қозғап жатқан мәселе туралы менің де айтарым бар! 25 жыл бойы домбыраны арқалап, 25 жыл бойы қазақтың үнін әлемге танытып, 25 жыл бойы мәдениет үшін тынымсыз еңбек еткен «Ұлытау» тобы кеше тағы да елеусіз қалды», – деді әнші.

Қарақат Әбілдинаның айтуынша, олар марапат сұрап отырған жоқ. Алайда еңбектің ескерілмеуін әділетсіздік деп есептейді.

«Олар – қазақтың брендіне айналған бірегей топ.  Олар – Моцарт пен Құрманғазыны бір...

АҚШ кәсіпкері Илон Маск «Уикипедияға» балама жоба – Grokipedia 0.1 платформасын таныстырды. Жаңа сайтта шамамен 900 мыңға жуық мақала бар.

Қазіргі уақытта жоба 0.1 нұсқасында жұмыс істеп тұр. Басты беттегі мәліметке сәйкес, Grokipedia кітапханасында 885 279 мақала бар, ал «Уикипедияда» олардың саны 8 миллионнан асады.

Илон Маск Х әлеуметтік желісіндегі жазбасында Grokipedia-ның 1.0 нұсқасы он есе жақсырақ болады деп мәлімдеді. Ол тіпті қазіргі нұсқаның өзі «Уикипедиядан асып түседі» деп есептейді.

Ал «Уикипедияның» негізін қалаушының бірі Джимми Уэйлс Washington Post басылымына берген сұхбатында Grokipedia-дан үлкен үміт күтпейтінін айтты. Оның пікірінше, мәтінді өңдеуге арналған жасанды интеллект модельдері әлі жетілмеген, сондықтан қателіктер көп болады.

Илон Масктің жобасы  Grok чат ботының негізінде жұмыс істейді. Оның Chatgpt чат-ботынан артықшылығы туралы...

Семей түрмесінде жазасын өтеп жатқан ер адам қайтыс болды. Ол зорлық жасағаны үшін бас бостандығынан айырылған. Бұл туралы Абай облысы бойынша қылмыстық-атқару жүйесі департаменті хабарлады.

Ресми ақпарат бойынша, ер адам өзін жайсыз сезінгеніне байланысты мекеменің медициналық бөліміне жүгінген.

«Тексеруден кейін оған алғашқы медициналық көмек көрсетіліп, жедел медициналық жәрдем шақырылған. Алайда қабылданған шараларға қарамастан, сотталған ауруханада көз жұмды. Алдын ала болжам бойынша, өлімге инсульт себеп болға», – делінген ақпаратта.

Бұған дейін Түркістан облысында медициналық мекемеден қашып кеткен сотталушы ұсталды.

Екібастұз қаласындағы МАЭС-3 станциясын салатын инвестор табылмай тұр. Бұл туралы Үкімет отырысында Энергетика министрі Ерлан Ақкенженов мәлімдеді. Министрлік тендер өткізгенімен, нәтижесіз болған.

Ақкенженовтің мәліметінше, инвесторды анықтауға жарияланған тендерге тек бір компания қатысқан. Қазақстан заңнамасына сәйкес, тендер жарамды деп танылу үшін кемінде екі компания қатысуы керек.

Осы жағдайға байланысты министрлік Үкімет Аппаратына «бір көзден сатып алу» тәсілімен келісімшартқа отыру туралы шешім қабылдауды сұрап хат жолдаған.

Министр қазіргі уақытта Үкіметтің түпкілікті шешімін күтіп отырғанын мәлімдеді.

Екібастұз қаласындағы үшінші электр станциясын салуға қатысты тендер екі рет өткізілген. Біріншісі талапқа сай өтінімнің болмауынан жарамсыз деп танылса, екінші ретінде бір ғана өтінім түскен...

Бішкек қалалық соты Temirov Live, Kloop.kg және «Айт айт десе» медиажобаларын экстремистік деп танығанын растады. Бұл туралы Kaktus Media жазады.

Сот шешімімен Temirov Live, Kloop.kg (ҚҚ «Клооп Медиа») және «Айт айт десе» медиажобаларының ақпараттық материалдары, сондай-ақ Т.Б.М. (Болот Темиров) пен Т.Р.Р. (Ринат Тухватшин) қызметі экстремистік деп танылды.

Сонымен қатар Болот Темиров пен Ринат Тухваштиннің басшылығымен немесе қатысуымен жұмыс істейтін Temirov Live, Kloop.kg (ҚҚ «Клооп Медиа») және «Айт айт десе» жобаларының интернеттегі қызметіне тыйым салынды.

Аталған шешімді орындау міндеті Қырғыз Республикасының Цифрлық даму және инновациялық технологиялар министрлігіне қарасты Байланыс саласындағы реттеу және қадағалау қызметіне жүктелді.

Былтыр Бішкек соты Kloop Media қоғамды...

Қырғызстанда танымал боксшы Дмитрий Биволдың бұрынғы әйелі Екатерина Биволға қатысты қылмыстық іс бойынша тергеу жүріп жатыр. Оны ұлт араздығын туғызды деп айыптаған. Бұл туралы Бішкектің ішкі істер басқармасы хабарлады.

Тергеу нұсқасына қарағанда, қылмыстық істің Екатеринаның көпшілік алдында қырғыз халқына тіл тигізуіне қатысы бар. Бивол оны әлеуметтік желілерге 21 қазанда таратқан. Артынша қырғыз милициясы «ұлт араздығын туғызу» бабы негізінде қылмыстық іс қозғады, деп хабарлады 24.kg.

Екатерина Биволға сырттай айып тағылған. Сот оны қамауға алу шарасын таңдап, полиция күдіктіге іздеу жариялады. «Ұлт араздығын туғызу» бабы бес жылдан жеті жылға дейінгі аралықта түрме жазасын қарастырады. Тергеу жүріп жатыр.

Милиция мәліметінше, Екатерина өзі жариялаған...

Шетелдіктер Алматыда теракт ұйымдастырмақ болған. Бұл туралы Ұлттық қауіпсіздік комитеті хабарлады.

«2025 жылдың қыркүйегінде комитет Алматы қаласында 5 шетелдік азамат жоспарлаған террорлық актісінің алдын алды. Бәрі қамауға алынып, тергеу жүргізіліп жатыр», – делінген ақпаратта.

Сонымен қатар қыркүйек пен қазанда терроризмді насихаттады деген күдікпен қылмыстық істер аясында 8 қазақстандық қамауға алынды.

«Сол кезеңде ҰҚК материалдары бойынша 6 адам террористік және экстремистік қылмыстар жасағаны үшін түрлі мерзімге бас бостандығынан айыруға сотталған», – делінген ақпаратта.

Айта кетейік, жыл басынан осындай қылмыс үшін 89 адам қылмыстық жауапкершілікке тартылды, оның ішінде алты адам...

Бір аптада S&P 500 индексі 6,791.68 деңгейінде 2.72%-ға өскен. Аптаның соңғы күнінде индекс тарихи максимум 6765 межесін жаңартып, 6807,11 пунктіне жетті. Тағы рекорд жаңартуға мүмкіндіктер жоғары. АҚШ-тың қыркүйек айындағы инфляция (ИПЦ) туралы деректердің шығуы барысында қарапайым ауытқулар болуы мүмкін.

Қор нарығы осы апта бойы тұрақсыз болды. АҚШ Президенті Дональд Трамптың Қытайға қатысты қолдау көрсеткен мәлімдемелері бастапқыда әсер етсе, кейінірек ірі корпоративтік жаңылыстар орын алды. Netflix (NFLX) бразилиялық салықтық дау мәселесі салдарынан Уолл-стриттің консенсус болжамынан төмен пайда тапты, ал Tesla (TSLA) пайдасы 37%-ға төмендеді, себебі Илон Маск робоармиясына көбірек назар аударады. NFLX пен TSLA-ның әлсіз есебі бүкіл америкалық «бигтех»-ке көлеңке түсірд...

2025 жылдың 9 айында республикалық бюджетке жоспарланған қаржының 95%-ы, яғни 15,3 трлн теңге түскен. Алайда қазынаға салық 467,5 млрд теңгеге кем құйылды. Қаржы министрлігі мұны ішкі өндіріс тауарларына қосылған құн салығы (ҚҚС) мен корпоративтік табыс салығы (КТС) бойынша жоспардың орындалмауымен түсіндіреді.

Республикалық бюджет кірістері трансферттерді есепке алғанда 15,1 трлн теңгені құрады, бұл жоспардың 94,4 пайызы. Трансферттерді есептемегендегі таза кірістер 10,5 трлн теңгені құрап, жоспардың 97,3 пайызына жетті. Былтырғы жылдың сәйкес кезеңімен салыстырғанда таза кірістер 1,4 трлн теңгеге артқан.

Бюджет құрылымында негізгі үлес салық түсімдеріне тиесілі. 2025 жылғы 1 қазанға дейін бюджетке 9,95 трлн теңге салық түскен. Дегенмен бұл жоспарланған...