Жаңалықтар

Шымкентте құрылыс алаңында 24 жастағы жігіт қайтыс болды. Бейресми ақпаратқа қарағанда, марқұм құрылысы аяқталмаған жеделсатыдан құлап мерт болған. Оқиғаға қатысты полиция қылмыстық іс қозғады.

Шымкентте жаңадан салынып жатқан тұрғын үйден 24 жастағы Үмітжан Балтабаевтың денесі табылды. Әлеуметтік желіде тараған ақпаратқа қарағанда, ол құрылысы бітпеген үйдің жеделсатысынан құлап мерт болған. Қайғылы оқиға жұмыс уақытында болған. Марқұмның жақындары іс қозғалмағанына, көмек берілмегеніне шағымданған.

Марқұмның туыстары қайғылы оқиғаны растағанымен, оған қатысты қандай да бір пікір беруден бас тартты. Құрылысқа жауапты мекеме де бұл туралы тіс жармады. Ал еңбек инспекциясы комитетінің Шымкент қаласы бойынша департаментіне құрылыс алаңындағы адам өлу фактісін полиция хабарлаған.

Екінші АЭС те Алматы облысының Жамбыл ауданында салынады деп жоспарланып отыр. Ғылым және жоғары білім министрі Саясат Нұрбектің айтуынша, тағы бір нысан салынғанымен, кадр тапшылығы болмайды.

«Кадр даярлауды бірден қолға алдық. Қазірдің өзінде бірнеше ұлттық университет базасында, оның ішінде әл-Фараби атындағы қазақ ұлттық университеті, Сәтпаев университеті, Шығыс Қазақстандағы және Түркістандағы университетте арнайы бағдарлама ашылды. Биылдан бастап шығыстағы оқу орны МАГАТЭ бекіткен бағдарлама негізінде білім беріп жатыр», – дейді Саясат Нұрбек.

2026 жылы Францияның атом электр энергетикасы саласындағы ең мықты Гренобль университетінің филиалы ашылады. Сондай-ақ Кореяның KAIST ұлттық зерттеу институты ашылады деп жоспарланған. Ол жерде...

Қазақстан президенті Қасым-Жомарт Тоқаев жасанды интеллект саласына маманданған зерттеу университетін ашуды тапсырды. Ғылым және жоғары білім министрі Саясат Нұрбектің айтуынша, Қазақстанға қажет модельді енгізу үшін әлем университеттерін зерттеу қажет.

«Тапсырманы қабылдап алдық, енді барлық нұсқаны қарастырамыз. Қазір университеттің қай жерден қалай ашылатынын нақты айта алмаймын. Әлемдік тәжірибеде де бірнеше нұсқасы бар. Біріккен Араб Әмірліктерінде Мұхаммед бен Заид атындағы мамандандырылған жасанды интеллект университеті зерттеумен айналысады. Тек магистратура мен докторантура деңгейінде білім береді», – дейді министр.

Екінші нұсқасы – бакалавриат деңгейінде маман даярлау. Ведомство елімізге қажет модельді енгізу үшін бірнеше елдегі тәжірибені зерттейді.

Halyk Bank-ке өзбекстандық Click акциясын сатып алуға рұқсат берілді. Бұл туралы Қаржы нарығын реттеу және дамыту агенттігінен хабарлады.

«Қаржы нарығын реттеу және дамыту агенттігінің басқармасы «Қазақстан Халық Банкі» акционерлік қоғамына «Click» акционерлік қоғамының (Өзбекстан Республикасы) капиталына қомақты қатысуға рұқсат беру туралы» қаулыны қабылдады», – деп жазылған хабарламада.

Click – Өзбекстандағы ең танымал төлем жүйелерінің бірі. Қазір оның 20 миллионнан астам қолданушысы бар. Click арқылы күн сайын 2 миллионнан астам төлем жасалады. 2024 жылы компанияның кірісі 35,3%-ға, ал пайдасы 37,5%-ға өскен.

Шілдеде отандық банк Click-тің 49%-ын сатып алмақшы екенін хабарлаған. Бұл мәміле үшін банк...

Мәжіліс мінберінде анасын құттықтап, басы дауға қалған депутат Ардақ Назаров өзінің қалай чемпион болғанын айтып берді.

«2005 жылы маусым айында мен тұңғыш қазақтан шыққан панкратионнан, ММА-дан  әлем чемпионы болдым. 2006  жылы Таллин қаласында еуропалықпен  төбелестім. 2007 жылы Алматы қаласында Brandon Garden-мен  төбелестім. Атақты Ройс Грэйстің өзі алып келді. 2008  жылы екінші мәрте әлем чемпионы болдым», – деді Назаров kursiv.media тілшісіне.

Назаров жалпы ММА-дан 25 жекпе-жек өткізгенін еске салып өтті. Оның екеуінде тең түсіп, қалғанында жеңіске жеткен.

«2009 жылы Хьюстон қаласына тұңғыш қазақ болып барып, жергілікті чемпионды нокуатпен жеңдім.  2001-2010 жылдар арасында...

Алкогольсіз сусындар өндірушісі Galanz Bottlers компаниясының басқарма мүшелері 2024 жылы 62,7 млн теңге табыс тапты. Бұл көрсеткіш өткен жылмен салыстырғанда 74%-ға жоғары деп жазылған қаржы есебінде.

2023 жылы басқарма мүшесі төртеу болса, 2024 жылы оның құрамында бес адам болды. Бірақ олар бір уақытта жұмыс істемеген. Жыл бойы басқармада төраға Ихтияр Заурбеков пен Арслан Жұмабаев тұрақты қызмет етті.

Шілде айында басқармадан Еділ Әкімжанов шығарылып, оның орнына Ирина Быченкова келді. Жыл соңында, желтоқсан ортасында, басқарма төрағасының орынбасары Талғат Бидайбеков қызметінен кетіп, оның орнын Жұмабаев басты.

Жалақы мен сыйақының айтарлықтай өсуі компания пайдасының артуымен байланысты болуы мүмкін. 2024 жылы Galanz Bottlers-тің таза пайдасы...

Қазақстандағы банктердің қайтарылмай жатқан қарызы жылдан-жылға көбейіп барады. Ұлттық банктің дерегінше, қыркүйек айының басында төленбеген мерзімі 90 күннен асқан кредиттердің (NPL 90+) көлемі 1,4 трлн теңгеге жеткен.

Жыл басында бұл көрсеткіш 1,09 трлн теңге деңгейінде болған еді. Яғни ай сайын проблемалық қарыз көбейіп келеді.

Жалпы алғанда, банктердің несие портфелі биыл едәуір өскен: қаңтардағы 35,8 трлн теңгеден қыркүйекте 40,9 трлн теңгеге дейін жетті. Бірақ сонымен қатар мерзімі өткен берешек те артып отыр.

Статистикадан халықтың кредитті төлеуі қиындап бара жатқанын байқауға болады. Жыл басында қазақстандықтардың мойнында 3 ай бойы төленбеген 790 млрд теңге кредит болған. 8 айдың ішінде бұл...

Әлемнің ең бай адамы Марста тұрғысы келеді. Илон Маск өзіне тиесілі X әлеуметтік желісінде осылай деп жазды.

«Қазір менде Американың ғана паспорты бар. Мен осында тұрып, осында дүниеден өтемін. Немесе Марста (Американың бір бөлігінде)», – деп мәлімдеді миллиардер.

Қызыл ғаламшарға ұшып бару – Масктің басты армандарының бірі. Сол үшін ол ғарыш саласын игеруге қыруар ақша салып, алысқа ұшатын ғарыш кемелерін жасап, сынақтан өткізіп жүр.

Осының алдында Маск Starship ғарыш кемесі Марсқа 2026 жылдың аяғында ұшады деп хабарлаған. Миллиардердің айтуынша, оның бортында адам тәріздес Optimus роботы болады. Егер сынақ сәтті өтсе, онда ғарышкерлер Қызыл ғаламшарға...

Арьятара Шакья есімді бүлдіршін бұрынғы Кумаридің орнына сайланып, енді бірнеше жыл бойы ғибадатханада өмір сүреді.

СNN ақпаратына қарағанда, бұл дәстүр бойынша қыз бала жыныстық жетілуге жеткен кезде қарапайым адам саналып, орнын босатады.

Кумари тек 2-4 жас аралығындағы Шакья әулетінің қыздары арасынан таңдалады. Олардың терісі, шашы, көзі, тісі мінсіз болуы шарт әрі қараңғылықтан қорықпауы тиіс. Қыз әрқашан қызыл киім киіп, маңдайына «үшінші көз» белгісі салынады.

Жаңа «құдайды» Дашайн мерекесінің сегізінші күні Катманду көшелерімен алып өтіп, храмға кіргізді. Мыңдаған адам оған гүл мен ақша ұсынып, аяғына маңдайын тигізіп құрмет көрсетті. Ал бейсенбіде ол ел президентін де, қарапайым халықты да алғаш рет...

Freedom Holding Corp. Қазақстандағы өңдеу салаларының қыркүйектегі PMI көрсеткіші бойынша шолуын жариялады. Онда өндіріс қарқыны қатарынан төрт ай бойы қысқарғаны айтылған.

Компания мәліметінше, 2025 жылдың үшінші тоқсанының аяғында өнеркәсіптегі іскерлік белсенділік одан сайын нашарлады. Саладағы жағдайдың төмендеуіне негізінен өндірістің айтарлықтай қысқаруы әсер етті. Оны 2023 жылғы желтоқсандағы нашар көрсеткішпен салыстыруға болады.

Тапсырыс ұлғайғанына қарастан, компаниялар сұранысты өтеу үшін дайын өнім қорын пайдалануға мәжбүр.

Manufacturing PMI (Сатып алу менеджерлерінің индексі) қыркүйекте 49,2 мәнінде тіркелді (тамызда – 47,9). Алайда ол әлі де 50 шегінен төмен. Бұл іскерлік белсенділіктің төмендегенін, мұндай жағдай төртінші ай қатарынан жалғасып келе жатқанын көрсетеді.

Қыркүйекте жұмыспен қамту мен...

2-4 қазан күндері Қазақстанның басым бөлігінде қар аралас жаңбыр жауады, көктайғақ болады. Республиканың шығыс және оңтүстік-шығыс аймақтарында қатты жауын-шашын болады. «Қазгидромет» ел аумағында жел күшейіп, тұман түсуі мүмкін деп хабарлайды .

Бірақ қазанның онынан кейін жағдай өзгеруі мүмкін. Орта Азия мен...

Қазақстанда азаматтардың атына жалған несиелерді рәсімдеумен жүйелі түрде айналысатын ұйымдасқан қылмыстық топ әрекет етіп жатыр. Мәжіліс депутаты Асхат Рақымжанов осылай деп мәлімдеді.

Банк қызметкерлері клиенттер атына несие рәсімдейді

Оның айтуынша, жалған несиелерге қатысты мәселе жаппай белең ала бастаған. Кейінгі уақытта депутаттарға зардап шеккен азаматтардан көптеген шағым келіп түсіп жатқанын айтады. Мәжілісмен бұл алаяқтық әрекеттер ел ішінде, екінші деңгейлі банк қызметкерлерінің тікелей қатысуымен жүзеге асырылып жатыр деп пайымдайды.

«Несиелер жалған немесе жарамсыз сенімхаттар негізінде, көбінесе кейінге шегерілген күнмен, сондай-ақ азаматтардың биометриялық сәйкестендіруінсіз және келісімінсіз рәсімделеді», – деді депутат.

Мәжілісменнің айтуынша, жұмыс сапарлары барысында...

Алматыда айына 150% пайда түсіреміз деп уәде берген қаржы пирамидасы әшкереленді. Бұл туралы Қаржы мониторингі агенттігі хабарлады.

«Boxy Wealth» деп аталған заңсыз жобаға 180-нен астам азамат алданған. Ұйымдастырушылар салымшыларға тәулігіне 5–10% табыс береміз деп сендірген. Бұл көрсеткіш айына 150%-дан асады, ал жылдық табыстылығы 1800%-дан жоғары болған.

Сонымен қатар жаңа адамдарды тартып келгендерге 10% сыйақы ұсынылған.

Азаматтардан жиналған ақша дропперлердің банк карталары арқылы қабылданып, кейін криптоәмиян шоттарға аударылған. Нәтижесінде 180 адамға 230 млн теңгеден астам шығын келтірілген.

Қаржы пирамиданың ұйымдастырушысы екі айға қамауға алынып, тергеу жалғасып жатыр. Қылмыстық-процестік кодекстің 201-бабына сәйкес, өзге ақпарат жарияланбаған.

Бұған дейін криптовалютадан пайда уәде...

Мәжіліс депутаты Екатерина Смышляева жасанды интеллект мемлекеттік қызметшілердің орнын баспайтынын айтады.

Оның сөзінше, жасанды интеллект сараптауды қажет ететін қызметті алмастыра алады.

«Осы операциялардан бөлек ЖИ қосымша жұмыс орындарын және қосымша қажеттілікті де туындатады. Мысалы, білікті салалық агентті «үйрету» үшін ол агентпен жұмыс істейтін он шақты маман болуы керек. Олар өз біліктілігін пайдаланып, оны қайта оқытып, кейін ол белгілі бір процесті өздігінен орындай алатын дәрежеге жетеді. Демек осы адам еңбегі бәрібір сұраныста болады. Сондықтан функциялар жойылмайды, жұмыс орындары қысқармайды, оның орнына функциялар қайта бөлінеді. Яғни, адамның күнделікті тапсырмаларға емес, шығармашылыққа, біліктілікті қажет ететін тапсырмаларға көбірек уақыты болады...

Өзбекстан президенті Шавкат Мирзиёев елдегі мақтаны шығынсыз жинап алу үшін 10 күнге төтенше жағдай жариялады. Бұл жайлы Gazeta.uz басылымы жазады.

Биыл елде 875 мың гектар жерге мақта егілген, бірақ оны жинап алу қарқыны төмен. Сурхандария, Хорезм, Ферғана және Әндіжан облыстарындағы көрсеткіштер қанағаттанарлық деп танылса, Самарқанд, Сырдария және Навои облыстарындағы жағдай әлі де қанағаттанарлықсыз. Жинауға 900-ден астам техника тартылған, фермерлерге жанармай мен тыңайтқыш жеңілдікпен беріліп отыр.

Ауыл шаруашылығын қолдау қоры департаментінің директоры Абдурашид Исроиловтың айтуынша, биыл қытайлық мақта сорттары егілген. Сол егінді шығынсыз жинау үшін төтенше жағдай жарияланып отыр. Жұмысшыларға күн сайын қолма-қол ақша төлеу жүйесі енгізіледі, техникалардың жұмысы...

2025 жылдың қыркүйегінде Ұлттық Банк «айналым» тетігі аясында, яғни отандық өндірушілерден алтын сатып алуға жауап ретінде валюта сату арқылы экономикадан 290 млрд теңгені алып тастады. Алдағы тоқсанда осы тәсілмен 1,4 трлн теңгені айналымнан шығармақ.

Реттеуші атап өткендей, әлемдік нарықта алтын бағасының өсуі теңге эмиссиясын арттырды. Сондықтан алынған өтімділік көлемі осы үрдістен кейін қалып отыр.

Осыған байланысты төртінші тоқсанда Ұлттық Банк қосымша 1,4 трлн теңгеге баламалы сома көлемінде шетел валютасын сатуды жоспарлап отыр. Бұл ай сайын орта есеппен 466,7 млрд теңгеге тең, яғни тамыз-қыркүйек айларындағы көрсеткіштен 60,9%-ға артық.

Қазір әлемдік нарықта алтын бағасы рекорд орнатып унциясы...

Президент Тоқаев білім беру саласына жасанды интеллектіні кеңінен енгізу барысында оның қауіп-қатерлерін қаперден шығармауды ескертті.

Тоқаевтың пікірінше, бұл жерде жасанды интеллектіні теріс пиғылда пайдалану секілді этикалық мәселелер бар.

«Нейрожелі берген жауапқа сеніп, оқушылар сыни пайымдау, іздену және сараптау қабілетінен айырылып қалуы мүмкін. ЖИ білім беру үдерісін жетілдіруге тиіс. Бірақ оның іргелі негізін алмастырмауы керек. Сондықтан Үкімет академиялық адалдықты қамтамасыз ету бағытында кешенді шаралар қабылдауы қажет», – деді Президент.

Президент еңбек нарығы күн санап өзгеріп жатқанын атап өтті.

«Көптеген кәсіп иелерінің жұмысын енді автоматты жүйе атқаратын болады. Мұндай үрдіс қазірдің өзінде...

Шымкентте 22 мыңнан аса баланың әкесі, не шешесінен алимент өндіріледі. Бүгінде борышкерлердің берешегі 4 млрд 640 млн теңгеге жеткен. Алимент төлеушілердің ішінде әйелдер де бар.

Шымкентте 14 мыңға жуық адам алимент төлеуден жалтарып жүр. Салдарынан алимент берешегі 4 млрд 640 млн теңгеге жеткен. Бұл туралы қала прокурорының көмекшісі Бауыржан Мырзаәлиев Kursiv.Media хабарлады. Оның пікірінше, алимент өндіру әлеуметтік маңызы жоғары істердің санатына жатады. Биылғы жылдың бүгінгі күніне дейін прокуратураның араласуымен мәжбүрлі түрде 600 миллион теңгеден аса алимент өндірілген.

«Биыл алимент төлеу туралы сот шешімін орындамағаны үшін 291 борышкер әкімшілік жауапқа тартылды. Оның ішінде 195 борышкерге қатысты...

Президент Қасым-Жомарт Тоқаев жасанды интеллект (ЖИ) саласында мамандар даярлайтын мамандандырылған зерттеу университетін құруды тапсырды.

Университетке ерекше мәртебе беріледі. Ал оның жұмысына әлемнің үздік жоғары оқу орындары тартылады. Үкімет тиісті ұсыныстарды 2025 жылдың соңына дейін дайындауы тиіс.

Мемлекет басшысы бұл университет ғылым, білім және инновацияның орталығына айналуы қажет екенін айтты. Негізгі мақсат – жасанды интеллекті экономиканың барлық саласына енгізе алатын кадрлар даярлау.

«Бүгінде жаһандық білім мен технология нарығындағы бәсекелестік аса жоғары. Сондықтан талантты жастардың сапалы білімді шетелде ғана емес, өз елінде де алуына мүмкіндік болуы керек. Қазақстанның болашағы осыған байланысты», – деді Президент.

Сондай-ақ Қасым-Жомарт Тоқаев жасанды...

Қырғызстан президенті Садыр Жапаров балалар мен әйелдерге қарсы жасалған қылмыстарға өлім жазасын енгізуді тапсырды.

24.kg ақпаратына қарағанда, кәмелетке толмаған Айсулуу есімді қызды Қырғызстанда ерекше қатыгездікпен өлтірген. Осы іс Садыр Жапаровтың жеке бақылауына алынды. Бұл туралы оның баспасөз хатшысы Аскат Алагозов хабарлаған.

Айтуынша, президент қоғамды дүр сілкіндірген «бұл қылмыс туралы хабарды терең өкінішпен» қабылдаған.

Жапаров өзінің әкімшілігі жанындағы құқықтық қамтамасыз ету басқармасының бастығы Мурат Укушевке заңнамалық өзгерістерді дайындауды тапсырған. Ондағы мақсат – балаларға, қыздарға және әйелдерге қарсы жасалған қылмыстар үшін жазаны барынша қатаңдату.

Атап айтқанда, балаларды зорлаған, сондай-ақ әйелдерді зорлап өлтіргені үшін өлім жазасын енгізу нормасы қарастырылып жатыр. Садыр Жапаровты...

Мәжіліс депутаты Бақытжан Базарбек «Қайрат» пен «Реал Мадрид» арасындағы матчты тамашалауға барып, стадионға кіру кезінде-ақ ұйымдастыру жұмысы дұрыс жүрмегенін аңғарғанын мәлімдеді.

Депутат: шетелдік тәжірибе қажет

Депутаттың айтуынша, матчты ұйымдастыру деңгейі көңіл көншітпеген. Мыңдаған жанкүйер сағаттап кезекте тұрып, стадионға кіре алмай қиналған.

«Жанкүйерлерді кіргізуде ешқандай өркениетті тәртіп болмады. Ең алдымен, еріктілер өте көп болды. Бірақ еріктілер бұл үлкен топқа көмектесе алмады. Қоғамдық тәртіпті реттейтін бірыңғай жүйе мүлде болмады», – деді ол.

Базарбек қазақстандық спорт шенеуніктерін, Футбол федерациясы мен Туризм және спорт министрлігін Еуропаға тәжірибе алмасуға жіберу қажет деп санайды. Оның пікірінше, олар Милан мен...

Қазақстанның банк секторы 2025 жылғы тамыз айында 223 млрд теңге таза пайда тапты. Ұлттық банк мәліметінше, сегіз айдың қорытындысы бойынша жиынтық табыс 1,86 трлн теңгеге жеткен.

Осылайша, қазақстандық банк секторы тамыз айында айтарлықтай табыс көрсетіп, жылдық жиынтық өсімді сақтап отыр. Көш басында Halyk Bank мен Kaspi Bank тұр. «Банк ЦентрКредит» жоғары серпін көрсетіп, алғашқы үштіктегі орнын нығайтты. Дегенмен, бірқатар банктер, әсіресе BNK Commercial Bank пен Заман-Банк айлық шығынға ұшыраған

Ең ірі табыс тапқан банктер

Айлық көрсеткіш бойынша бірінші орында Halyk Bank келеді. Тамыз айында банк табысын 78,9 млрд теңгеге арттырып, жыл басынан бергі жиынтық пайдасын...

УЕФА Чемпиондар лигасының ресми аккаунтында топтық кезеңнің екінші турындағы үздік төрт қақпашыны таңдады. Олардың қатарында «Қайраттың» ең жас қақпашысы Шерхан Қалмырза да бар.

УЕФА Мбаппенің соққысын қайтарған Шерханның сейвін үздік деп тапқан. Одан бөлек тізімге Угурджан Чакыр («Галатасарай»), Роберт Санчес («Челси») және Витезслав Ярош («Аякс») енді.

Шерхан қатарынан екінші рет Чемпиондар лигасының үздік қақпашылары қатарына кірді. Бұған дейін «Спортингке» қарсы өткен матчта жеңіліп қалғанына қарамастан, УЕФА қазақстандық қақпашының ойынын ерекше атап өткен еді.

Алматыда өткен тарихи матчта «Қайрат» «Реал Мадридтен» 0:5 болып ойсырай жеңілді. Бірақ соған қарамастан қалың көпшілік жас қақпашының ойынына тәні болып, мақтауын...

ІІМ орынбасары Санжар Әділов Қуандық Бишімбаев пен ҰҚК-нің бұрынғы басшысы Кәрім Мәсімовке түрмеде ерекше жағдай жасалып жатыр деген қауесетті жоққа шығарды.

Оның айтуынша, бұл жалған ақпарат.

«Олар жазасын заң талаптарына сәйкес өтеп жатыр», – деді Әділов журналистке берген сұхбатында.

Журналистер кезінде лауазымды қызметтер атқарып, істі болғандарға қандай да бір жеңілдіктер жасала ма деп сұрады. Әділов заң барлығына ортақ, ондай тұлғаларға артықшылықтар болмайды деп сендірді.

Еске салайық Қуандық Бишімбаев 2024 жылдың мамырында азаматтық некедегі жары Салтанат Нүкенованы ерекше қатыгездікпен өлтіргені үшін 24 жылға сотталған болатын.

Сот оны жүйелі түрде азаптап, аса қатыгездікпен кіс...