Жаңалықтар

АҚШ президенті Дональд Трамп Портленд қаласына (Орегон штаты) әскери күш кіргізу туралы бұйрық берді. Әскерилердің негізгі міндеті – қөші-қон және кедендік бақылау қызметінің (ICE) нысандарын қорғау.

Reuters агенттігінің хабарлауынша, Трамп қажет болған жағдайда әскери бөлімшелерге «толық күш қолдануға» рұқсат берілетінін мәлімдеді. Оның айтуынша, бұл шаралар федералды мекемелерді «антифа қозғалысы мен өзге де ішкі террористердің шабуылынан қорғау үшін» қажет.

Алайда Орегон билігі мұндай шешімге қарсы шықты. Портленд мэрі Кит Уилсон қалаға қажет әскер жоқ екені айтты.

«Президент бұл жерден заңсыздық та, зорлық-зомбылық та таппайды. Егер бірдеңе болса, ол тек өзі ұйымдастырған жағдайда ғана болады...

Үндістанның оңтүстігіндегі Тамилнад штатында актер әрі саясаткер Виджайдың сайлауалды митингі кезінде болған дүрбелең салдарынан кемінде 39 адам көз жұмды. Қаза тапқандардың арасында балалар да бар. Бұл туралы BBC агенттігі хабарлайды.

Оқиға Карур округінде өтті. Жергілікті биліктің хабарлауынша, іс-шараға ондаған мың адам жиналған. Митинг бірнеше сағатқа кешігіп басталып, осы уақыт ішінде адамдардың жағдайы күрт нашарлаған.

Штат үкіметінің өкілі Сентил Баладжи мәлімдегендей, 50-ден астам адам жарақат алды. Денсаулық сақтау министрі Ма Субраманианның айтуынша, қаза тапқандардың қатарында кемінде 16 әйел, 9 ер адам және 6 бала бар.

Тамилнадтың бас министрі Мутхувел Карунанидхи зардап шеккендерге көмек көрсету үшін көршілес аудандардан дәрігерлер...

27 қыркүйекте Испания Ла Лигасының 7-турында мадридтік «Атлетико» өз алаңында «Реалды» қабылдап, 5:2 есебімен жеңіске жетті.

Матчқа дейін «Реал» жеті кездесу қатарынан жеңіп, турнир кестесінде көш бастап тұрған. Оның ішінде Чемпиондар лигасында «Олимпик Марсельді» 2:1 есебімен ұтқан болатын. Ал «Атлетико» тоғызыншы орында еді және алғашқы турда «Ливерпульден» жеңіліп, қиын жағдайда жүрген.

Ойын басталғаннан-ақ Диего Симеоне шәкірттері белсенді қимылдады. 14-минутта Робин Ле Норман есеп ашты – 1:0. Алайда көп ұзамай Килиан Мбаппе мергендігімен танылып, таразы басын теңестірді. Кейін Арда Гюлер әдемі соққымен «Реалды» алға шығарды – 1:2. Бірақ алғашқы тайм соңында Александер Серлот есепті қайта теңестірді – 2:2.

Екінші кезеңде...

Президент Қасым-Жомарт Тоқаев қазақстандықтарды Еңбек күнімен құттықтады.

Президенттің айтуынша, бұл мереке еліміз үшін ерекше мәнге ие, өйткені еңбек пен еңбекқорлық – ұлттық идеологияның басты құндылықтарының бірі.

Тоқаев биылғы Жұмысшы мамандықтары жылында еліміздің өркендеуіне адал еңбегімен үлес қосып жүрген түрлі кәсіп иелеріне және барша еңбеккерлерге құрмет білдірді.

«Қастерлі Отанымыз үшін аянбай еңбек етіп жүрген, кәсіби шеберлігін үнемі шыңдайтын, өндірісте жоғары жетістіктерге қол жеткізуді мақсат ететін және әр істе алғырлық пен жаңашылдық танытатын отандастарымызға ризашылығымды білдіремін», – деді Президент.

Ол қоғамда адал еңбекті дәріптеу және жас ұрпақты еңбекқорлыққа тәрбиелеу арқылы Қуатты әрі Әділетті Қазақстанның берік іргетасы...

«ҚазМұнайГаз» ҰК АҚ және италиялық Eni S.p.A. энергетикалық компаниясы Маңғыстау облысының Жаңаөзен қаласында қуаты 50 МВткүн электрстансасының құрылысын аяқтап, оны пайдалануға берді деп хабарлайды компания баспасөз қызметінен.

 Нысанды іске қосу — жалпы қуаты 247 МВт болатын Гибридті электр стансасын салу жобасын жүзеге асырудың бірінші кезеңі болды. Бұл жоба күн, жел, газ электр стансаларынан тұрады және ҚМГ-ның төмен көміртекті даму бағдарламасы аясында салынып жатыр.

Жаңа күн электр стансасы заманауи фотоэлектрлік технологиямен жабдықталған. 80 гектарға жуық аумақта LONGi компаниясының 80 000-нан аса күн панелі орнатылған. Осы панельдердің тиімділігі — олар екі жағынан да энергия шығарады. Жалпы, бұл кешен жылына 86 млн кВт•сағ таза энергия өндіретін болады...

Астанада полиция тұрғын үй кешендерінің бірінің жертөлесінде орналасқан заңсыз студияны анықтап, қызметін тоқтатты, деп хабарлайды Polisia.kz.

Бұл шара «Стоп трафик» жедел-профилактикалық іс-шарасы аясында жүргізілді. Студия интернет желісінде жарияланған арсыз жарнамалар арқылы әшкереленген.

Құқық қорғау органдарының дерегінше, нысан иесі анықталып, қолданыстағы заңнамаға сәйкес тексеру жүргізілуде. Оған қатысты жауапкершілікке тарту шаралары қабылданатын болады.

Полиция өкілдері мұндай орындардың қоғамның моральдық құндылықтары мен мәдени мұрасына қатер төндіретінін атап өтті. Әсіресе, елорда — рухани әрі мәдени дамудың үлгісі саналуы тиіс қала болғандықтан, жастарға кері әсер ететін арсыз әрекеттерге жол берілмейді.

Сонымен қатар, полиция кез келген арсыздыққа итермелейтін немесе қоғамдық моральға қайшы іс-әрекеттер заң аясында қата...

Елімізде Орталық Азиядағы әлемге әйгілі америкалық кино мектебінің алғашқы филиалы – New York Film Academy Kazakhstan салтанатты түрде ашылды. Жаңа кампус Energo University мен Dala Edge креативті паркі базасында Қаскелеңде құрылды.

Іс-шараға New York Film Academy президенті және бас атқарушы директоры Майкл Янг, ҚР Ғылым және жоғары білім министрі Саясат Нұрбек, Алматы облысының әкімі Марат Сұлтанғазиев, АҚШ-тың ресми өкілдері, сондай-ақ кино және медиа индустриясының қайраткерлері қатысты.

Ашылу рәсімінің атмосферасы кинематографиялық стильде ұйымдастырылды: қонақтарды ерекше «дубль түсіру» қойылымы қарсы алды. Салтанат барысында студенттер өнер көрсетіп, АҚШ-тың Алматыдағы Бас консулы Мишель Еркин жаңа оқу орнының мәдени және шығармашылық мәнін атап өтт...

Қостанай облысындағы ауылдардың бірінде Shacman маркалы жүк көлігі автожанармай құю станциясына соғылды. Куәгерлердің айтуынша, оқиға Тобыл кентіндегі «Мұнай Өнімдері» желісіне тиесілі жанармай бекетінде болған деп жазады «Наша газета».

«НГ»-ға Қостанай облыстық полиция департаментінің баспасөз қызметінде хабарлағандай, бұл дерек бойынша тексеру жүргізіледі.

Алдын ала мәлімет бойынша, жүргізуші автожанармай станциясымен соқтығысып қалған, – делінген ПД хабарламасында. – Оқиға салдарынан зардап шеккендер жоқ. Оқиға орнында полиция қызметкерлері жұмыс істеп жатыр.

Жүк көлігінің жүргізушісі тексеруден өтіп, оның мас еместігі анықталды. Полиция қосымша ақпаратты кейінірек беретінін мәлімдеді.

Алматыда екі жаңа автобус паркі мен газ толтыру станциясы салынады. Бұл туралы Алматы әкімі Дархан Сатыбалды көлік инфрақұрылымын дамыту мәселелері бойынша өткен кеңесте айтылды.

Күн тәртібінде жаңа автобус парктерін салу, жылжымалы құрамды қажетті сервистік инфрақұрылымен қамтамасыз ету және қосымша автомобильдік газ толтыру компрессорлық станцияларын салу мәселелері қаралды.

Автомобильдік ГТКС-мен бірге әрқайсысы 300 автобус сыйымдылығы бар екі автобус паркін салу үшін жер телімдері мен жеке инвесторлар анықталды. Олардың бірі Құлжа трактісінің аумағында, екіншісі – Мөңке би көшесінің солтүстігінде орналасады.

Қала басшысы бейінді басқармаларға жер телімдерін рәсімдеу және инженерлік желілер бойынша техникалық шарттар беру үдерістерін жеделдетуді тапсырды.

Екі нысанның құрылысы келесі жылды...

Қазақстан футбол федерациясы (ҚФФ) ресми сайтында ұлттық және жастар құрамаларының қазан айындағы матчтарына арналған кеңейтілген ойыншылар тізімін жариялады.

Әлем чемпионаты-2026 іріктеу кезеңінде Қазақстан құрамасы 10 қазанда Астанада Лихтенштейнге, 13 қазанда Скопьеде Солтүстік Македонияға қарсы ойнайды. Бұл кездесулерде команданы кім басқаратындығы әзірге белгісіз. Бас бапкер Али Алиевтің қызметінен кеткені туралы ресми ақпарат жоқ. Дегенмен Бельгиямен (Брюссельде 0:6) өткен матчтан кейін ол отставкаға кеткенін мәлімдеді, ал ҚФФ атқару комитетінің мүшелері оның өтінішін қабылдағаны туралы деректер бар.

Құрамаға қабылданған ойыншылар:

Тізімге 38 ойыншы енді.

Қақпашылар: Мұхаммеджан Сейсен («Астана»), Стас Покатилов («Сабах», Әзербайжан), Бекхан Шайзада («Ордабасы»), Қажымұқан Төлепберген («Оқжетпес»);

Қорғаушылар: Әлібек Қасым («Ақтөбе»), Ян Вороговский («Астана...

Соңғы үш жылда 83 мың гектар жер мемлекетке қайтарылды, олардың жалпы сомасы – 6,1 млрд теңге. Бұл туралы Алматы облысы прокуратурасынан хабарлайды.

Мемлекетке қайтарылған жердің 21 мың гектары бұрынғы жоғары лауазымды шенеуніктердің, олардың туыстарының, сондай-ақ «Forbes» тізіміне кіретін адамдардың меншігінде болған. Жалпы құны – 1,6 млрд теңге

Прокуратураның талап – арызы бойынша 2025 жылы мамыр айында Кулибаевтар отбасына тиесілі Қапшағай жағалауындағы жер учаскесі мемлекетке қайтарылды. Сол сияқты депутаттық сауалда көрсетілген тағы 9 гектар жағалау аумағы қайтарылды.

«Іле ауданының жерлеріне қатысты-жұмыс жүргізілуде, тексеру нәтижелері туралы жұртшылықты хабардар ететін боламыз», – деп ескертеді прокуратурадан.

Алматыда Satbayev University қабырғасында «Білім берудегі шахмат» III Халықаралық конференциясы өтті. Оны Халықаралық шахмат федерациясының (ФИДЕ) қолдауымен ұйымдастырушы – Қазақстан шахмат федерациясы (KazChess). Бас серіктесі – Freedom Holding Corp.

Конференцияның 2 күнінде Қазақстан, Түркия, Армения, Еуропалық Одақ елдері мен АҚШ-тың жетекші сарапшылары және білім беру саласында істейтін 350-ден астам қазақстандық білім беру шахматының дамуын талқылады.

Конференция бағдарламасында шахматты білім беруге интеграциялаудағы халықаралық тәжірибе мен практика назарға ұсынылды. Түркия шахмат федерациясының президенті Фетхи Апайдын Түркияның тәжірибесі туралы баяндама жасады. Халықаралық мектеп шахматы федерациясының өкілдері Надежда Кравчук пен Ділдә Наурызбаева мектепте шахматты дамытудағы халықаралық тәсілдемелерді тілге тиек етті. Полиция генерал-майоры және ҚР...

Дженифер Лопестің бейнесін кілемге салған әйгілі қазақстандық суретші Әсел Сабыржанова тағы бір туындысын таныстырды. Ол танымал актер Джеки Чанның да суретін кілемге түсірген.

Ол еңбегін Instagram-ға жариялады. Әселдің айтуынша, Salem Entertainment суретші мен Джеки Чанды кездестіруді жоспарлаған.

Еске салайық, бұған дейін ол Алматы мен Астанада концерт қойған Джей Лоның суретін кілемге бейнелеген. Оны тіпті әнші өз инстаграмында жариялады.

Ал жақында Қазақстанда әйгілі актер Джеки Чан қонақ болды.  Режиссер әрі продюсер Рүстем Омаровтың сөзінше, ол жаңа жобаға қатысуы мүмкін.

Алматыда Самғау ықшамауданындағы Құлан көшесінде екі қабатты тұрғын үй өртенді. От көршілес бір қабатты үйдің шатырына және уақытша салынған құрылысқа тарады, деп хабарлады ҚР ТЖМ.

Ведомствоның мәліметінше, өрт сөндірушілер күшейтілген дәрежеде жұмыс істеді. Тығыз салынған құрылыстар мен жоғары өрт қауіптілігіне қарамастан, олар жалынның таралуын тоқтатты. Бір мезгілде суды өртті сөндіруге және көршілес құрылыстарды қорғауға бағыттады.

Өрт 250 шаршы метр аумақта толық сөндірілді. Жапа шеккендер туралы ақпарат жоқ.

Бұған дейін Қарағандыда Бұхар Жырау даңғылында бір қабатты моншаға жапсарлас салынған донерхана өртенген еді. Жанғыш от тез арада ғимараттың шатырына тараған, бірақ уақытында сөндірілді.

Қазақстандағы алғашқы атом электр станциясына атау беру бойынша конкурсқа бір тәулікте Egov Mobile арқылы 9 945 ұсыныс келіп түсті. Бұл жайлы Атом энергиясы жөніндегі агенттіктің баспасөз қызметінен хабарлайды.

Байқауға қатысу eGov Mobile мобильді қосымшасы арқылы жүргізіледі: басты бетте «АЭС-ке атау ұсыныңыз» деген баннер орналастырылған.

Байқауға еліміздің кез келген тұрғыны қатыса алады. Ол үшін:

Ұсыныстар 2025 жылғы 10 қазанға дейін қабылданады. Конкурстың ережелерімен ҚР Атом энергиясы жөніндегі агенттігінің ресми сайтында және ведомствоның әлеуметтік желілеріндегі парақшаларында...

Қазақстандықтардың сатып алу дағдылары олардың жас ерекшелігіне тікелей байланысты: біреулер тиімді жеңілдіктерді іздесе, енді бірі ыңғайлылықты бағалайды, ал үшіншілері үшін бренд философиясы маңызды. Мұндай жағдай ритейлерге қиындық тудырады — бұрынғыдай ортақ тәсілдер енді жарамсыз. Әр түрлі аудиторияға нақты  ұсыныс пен арнайы коммуникациялық  бағдар  қажет. Бұл материалда — Қазақстандағы зумерлер, миллениалдар, икстер мен бумерлер арасындағы негізгі тұтынушылық үрдістерге шолу жасалады.

K-pop буыны: зумерлер ақшаны қалай  жұмсайды?

Зумерлер (Z) — шамамен 1997–2010 жылдары туған жастар. Бұл буын цифрлық дәуірде өскендіктен, интернетке әбден үйренген және бренд жайлы ақпаратты желіден іздеуді жақсы меңгерген. Қазақстанда зумерлер ең оптимист тұтынушылар қатарына жатады: олар жиі сауда жасайды...

Түркістан облысы Қазығұрт ауданында әлеуметтік жағдайы төмен отбасыларға, жалғызбасты аналар мен мүгедектерге берілген үйдің қабырғасы қайта жарылды. Ұйқы мен күлкіден қалған тұрғындар үйіндінің астында қаламыз ба деп уайымдайды. Kursiv Media тілшісі ауданға барып, тұрғындармен тілдесіп қайтты.

Қазығұрт ауданының тұрғыны Айгүл Ергешбаеваға жергілікті әкімдік әлеуметтік жағдайы төмен жалғызбасты ана ретінде 2 бөлмелі пәтер берген. Оның бұдан бөлек баспанасы жоқ. Бүгінде осы пәтердің ішіне кірудің өзі қорқынышқа айналған. Әр бөлменің қабырғалары сөгіліп, күннен күнге кеңейіп барады. Тіпті едені түсіп, ішкі бөлмелердің есігі жабылмай қалған.

«Үкіметтің аударған ақшасына неге халыққа жөндеп үй соғып бермейді? Соңғы рет бір жарым ай...

Қасым-Жомарт Тоқаев Түркіменстан президенті Сердар Бердімұхамедовқа құттықтау хатын жолдады. Ол барша түрікмен халқын Тәуелсіздік күнімен құттықтады деп хабарлайды Ақорда.

Президент жеделхатында екі ел арасындағы ынтымақтастықтың даму қарқыны жоғары екенін атап өткен. Сонымен қатар бірлескен күш-жігердің арқасында мазмұны байи түскен ықпалдастықтың стратегиялық серіктестік рухына және қос халықтың мүддесіне толық сай келетініне тоқталған.

Қасым-Жомарт Тоқаев сан қырлы мемлекетаралық байланысты жан-жақты нығайтуға бейіл екенін растап, Сердар Бердімұхамедовтің бауырлас түрікмен халқының игілігі мен өсіп-өркендеуі жолындағы жауапты мемлекеттік қызметіне табыс тіледі.

Біз көрші елдердегі ең қымбат компанияларды анықтап, олардың нарықтағы жағдайын салыстырамыз. Бұл компаниялардың қаншалықты құнды екенін білу, әр елдің экономикасы мен қор нарығының даму деңгейін түсінуге көмектеседі. Қазақстан, Өзбекстан, Қырғызстан, Моңғолия, Әзірбайжан мен Грузия елдеріндегі ең ірі компаниялар арқылы, әр елдің нарықтарының қандай мүмкіндіктері мен әлсіз тұстары бар екенін көреміз. Бұл мәліметтер аймақтағы экономика мен инвестициялар туралы жақсы түсінік береді.

Өзбекстан

Өзбекстанның ең қымбат нарықтық компаниясы – «UzAuto» 1,6 млрд доллар капитализациясымен. Бұл компания Өзбекстанның автоөнеркәсіп саласының алдыңғы қатарлы өкілдерінің бірі. Өзбекстанның қор нарығы соңғы жылдары өсіп келеді, бірақ Қазақстанмен салыстырғанда ол әлі де жеткілікті дамымаған. Елде...

26 қыркүйекте Израиль премьер-министрі Биньямин Нетаньяху БҰҰ Бас Ассамблеясының 80-сессиясында сөйлеген уақытта делегациялардың дені наразылық ретінде залдан шығып кетті. Бұл туралы Kursiv.Media Reuters мәліметіне сүйене отырып хабарлайды.

Нью-Йорктегі наразылық акциялары қалаға Нетаньяху келген уақыттан басталған. Ол сессия өтіп жатқан залда да жалғасты.

Нетаньяху Палестинаны дербес мемлекет ретінде мойындауды «ессіздік» деп атады. Ол костюміне qr-код жапсырып шығып, залдағы адамдарды телефонды соған қарай бұруды өтінді. Онда 2023 жылғы 7 қазанда ХАМАС содырларының Израильге қалай шабуылдағаны туралы видео бар. Газа секторындағы әскери операция осы оқиғадан кейін басталғаны мәлім.

Бір күн бұрын дәл осы залда Палестина президенті Махмуд Аббас сөз сөйлеп, ол...

Президент Қасым-Жомарт Тоқаев Хорватияның Загреб қаласында өткен күрес түрлері бойынша Әлем чемпионатындағы жоғары жетістіктері үшін спортшылар мен бапкерлерді марапаттау туралы жарлыққа қол қойды. Бұл туралы Ақорда хабарлайды.

Грек-рим күресінен әлем чемпионы атанған Айдос Сұлтанғали «Құрмет» орденімен марапатталды. Еркін күрестен қола жүлде алған Нұрқожа Қайпанов та осындай құрметке ие болды. Бұған қоса, жаттықтырушы Камал Гаджимагомедов «Құрмет» орденімен марапатталды.

Әлем чемпионатының қола жүлдегері Асылжан Есенгелді «Ерен еңбегі үшін» медаліне ие болды. Оның бапкері, Алматы қаласы «Шаңырақ» шағын ауданы олимпиада резервінің республикалық мамандандырылған мектеп-интернат-колледжінің жаттықтырушысы Еркебұлан Кешубаевқа да дәл осындай медаль бұйырды.

Сонымен бірге, Тоқаев Спортты дамыту дирекциясының жаттықтырушысы Юрий Мельниченкоға алғыс...

Ұлттық экономика министрлігі арнайы салық режимін қолданушылар тізімін талқылауға шығарды. 1111 кәсіп түрінің 795-і салық жеңілдігін пайдалана алмайды. Жоба Ашық НҚА порталында жарияланды. Бұл туралы Kursiv.Media хабарлайды.

Министрлік жаңа Салық кодексі аясында үкімет қаулыларының жобасын ұсынды. Талқылауға екі құжат шығарылды:

Тыйым салу тізімі

Салық жеңілдігін пайдалана алмайтындар:

Париж қаласындағы Ваграм алаңында Шымкент әкімдігі сыйға тартқан қазақ қызғалдағы ұрығын табыстау және отырғызу салтанатты рәсімі өтті. Бұл туралы Kursiv.Media сыртқы істер министрлігінің мәліметіне сүйене отырып хабарлайды.

Қазақ қызғалдағын Франция астанасына жеткізу осы елде екі жыл қатарынан ұйымдастырылған «Қазақ ауылы» (Village Kazakh) жобасы аясында жүзеге асты.

Іс-шараға Қазақстанның Франциядағы елшісі Гүлсара Арыстанқұлова, Париждің 17-округінің мэрі Жеффруа Буллар, «QazElles» қауымдастығының өкілдері, сонымен бірге жергілікті тұрғындар мен Қазақстанның достары қатысты.

«Жаңаруды, достықты және үйлесімділікті білдіретін қызғалдақ – тарихи отаны қазіргі Қазақстан аумағында орналасқан гүл. Оның Парижде отырғызылуы экономика мен инновациялардан бастап, білім, ғылым және мәдениетке дейінг...

Алматы қаласының зообағында амур жолбарысының күшіктері дүниеге келді. Бұл туралы Kursiv.Media мегаполис әкімдігінің мәліметіне сүйене отырып хабарлайды.

Зообақтағы амур жолбарысы екі еркек күшік туды. Мекеме қызметкерлері оларды Бентли мен Айки деп атады.

«Бұл – соңғы жылдардағы алғашқы төл және Қызыл кітапқа енгізілген сирек түрді сақтау жолындағы маңызды қадам», – деп атап өтті қала әкімдігі.

Амур жолбарысы – жалғыз жүретін жыртқыш. Сондықтан жұп құруы мен төлдеуі ерекше күтімді қажет етеді. Зообақ мамандары серігін мұқият таңдап, жануарларға барынша қауіпсіз жағдай жасады.

Әкімдік мәліметінше, жолбарыс күшіктері 14 маусымда дүниеге келіп, алғашқы айларын тыныш аймақта өткізді.