Жаңалықтар

Алматыда 25 күн хабарсыз кеткен 16 жастағы жасөспірім қамауға алынды. Бұл туралы Алматы полициясы хабарлады.

Бұған дейін жасөспірімнің 28 шілдеден бері іс-түссіз кеткені хабарланды. Анасының сөзінше, ол қоқыс тастауға шығып, оралмаған.

Әйел 22 тамызда Tengrinews.kz сайтына ұлының аман-есен табылғанын айтқан. Оның сөзінше, қоқыс тастауға шыққан күні үш ер адам жасөспірімді көлікке күштеп отырғызып, Шымкентке алып кеткен. Содан кейін ұрып-соғып, күш қолданған. Кейіннен Түркістан облысына алып барған, жасөспірім сол жерде қашып кеткен.

Алматы полициясы әйелдің құқық қорғау органдарына тамыздың басында жүгінгенін растады.

«Тексеру барысында жоғалып кеткен азаматтың аса ірі көлемдегі алаяқтық дерегі бойынша тіркелген қылмыстық іске...

Қазақстан Қорғаныс министрлігі әскерге шақыру тәртібіне өзгерістер енгізуді ұсынып отыр. Жобалық құжатқа сәйкес, әскерге шақырылушыларды SMS-хабарлама арқылы шақыру ресми түрде бекітіледі.

Сондай-ақ, жаңа түзетулерде азаматтарға әскерге шақырудан кейінге қалдыруды мемлекеттік қызмет арқылы рәсімдеу мүмкіндігі қарастырылған.

Құжат «Ашық НҚА» порталында жарияланып, 9 қыркүйекке дейін қоғамдық талқылауға ұсынылды.

Еске сала кетейік, Қазақстанда мерзімді әскери қызметке шақыру жылына екі рет нақты белгіленген уақытта өтеді: күзде — 1 қыркүйектен 31 желтоқсанға дейін, көктемде — 1 наурыздан 30 маусымға дейін.

Алматы облысының орталығы мәртебесін алғалы бері Қонаев экономикасына 308,8 млрд теңге инвестиция құйылды. Қалада жыл соңына дейін екі жаңа зауыт салынады. Бұл туралы Kursiv.Media өңір әкімдігінің мәліметіне сүйене отырып хабарлайды.

Облыс әкімдігі Қонаев қаласына инвестиция тарту, өнеркәсіпті дамыту бағытында ауқымды жұмыстар атқарылып жатқаны туралы мәлімет жариялады. Қалада «Оспанова Девелопмент» балық өңдеу зауыты іске қосылғаны, жұмыс істеп тұрған кәсіпорын жаңғыртылып жатқаны айтылды. Қонақ үйлер мен демалыс аймақтарының құрылысы жүргізіліп, жаңа жұмыс орындары ашылған.

Ресми деректерге сәйкес, Қонаев қаласының инвестициялық портфелі жалпы құны 2,4 трлн теңге болатын 39 жобадан тұрады. Олар 2030 жылға дейін жүзеге асырылып, 17 мың жаңа жұмыс...

Электровелосипед иелері де мемлекеттік нөмір алып, тіркеуден өтуі керек. Себебі бұл көлік түрлері мопед санатына жатқызылған. Алматы қаласының полициясы электровелосипедтерді тіркеу қажет екенін түсіндіріп, ресми парақшасында видео жариялады.

Не себепті тіркеу керек?

Полиция хабарлауынша, қалада соңғы жылдары мұндай көлік түрлеріннің саны артқан. Электровелосипедтер экологиялық таза әрі қолжетімді. Бірақ азаматтар көбінде электровелосипедтерін тіркеуге асықпайды екен.

Электр көмегімен жүретін бұл велосипед түрлері өзінің техникалық сипаттамалары бойынша мопед санатына жатқызылады. Өйткені оның жылдамдығы сағатына 40–45 шақырымға дейін жетеді, әрі қуаты 400 Вт-тан жоғары. Бұл көрсеткіштер заңда белгіленген шекті мәндерден асып кетеді.

Полиция мәлімдемесі

Алматы қаласы ПД...

2025 жылғы 4-5 қыркүйекте Астана қаласында Astana International Forum қолдауымен жылдың басты қаржы оқиғаларының бірі – VIII Astana Finance Days (AFD) форумы өтеді. Биылғы іс-шараның тақырыбы – «Болашақтың негізін қалайтын капитал». Тақырып ағылшын тіліндегі «capital» сөзінің қос мағынасын: біріншісі, Астана – Қазақстанның астанасы (capital) және Шығыс пен Батыс тоғысқан, қарқынды дамып келе жатқан қаржы орталығы, екіншісі мағынасы –  орнықты өсудің қозғаушы күші ретінде капиталды (capital)  білдіреді.

Әлемде капитал үшін қызу бәсеке күшейген бүгінгі заманда қолдағы ресурстарды ұтымды пайдалану – климаттың өзгеруінен бастап экономиканы өсіруге және технологияны ілгерілетуге дейінгі сын‑қатерлерді жеңудің негізгі кепіліне айналып отыр.

Биыл Astana Finance Days-те әлемнің 70-тен...

«Росатом» бас директоры Алексей Лихачев Қазақстанда АЭС салуға қатысты өткен референдум халықтың толық қолдауын көрсеткенін айтады. Бұл туралы ол қазақстандық журналист Ақмарал Баталоваға берген сұқбатында айтқан.

«Меніңше бұл Қазақстан халқының алдында жария түрде міндеттеме алу рәсімі іспеттес болды. Бұл оқиғаны осылай бағалар едім. Үлкен ауылының тұрғындары бәрі келіп, қолымды алып, «сіздерді күтеміз» деп айтты. Референдумда ол жердегілердің 100%-ға жуығы атом технологиясын салуды қолдады», – дейді ол.

Лихачев Қазақстанның атом энергетикасы саласында тәжірибесі бар екенін айтқан. Кеңес одағы кезінде Ақтаудағы БН-350 реакторы электр қуатын, жылу және ауыз суды қамтамасыз еткен. Енді ел қуатты жаңа...

Қостанай қаласында Telegram арқылы есірткі саудасын ұйымдастырып келген қылымсытық топ мүшелеріне қатысты сот үкімі шықты. Бұл туралы Қаржылық мониторинг агенттігінің Қостанай облысы бойынша департаменті хабарлады.

Агенттік хабарлауынша, бір топ адам Telegram мессенджерінде «Thс Seller» атты наркошоп ашқан. Бұл виртуалды дүкенде 2 мыңнан астам тұтынушыға есірткі сатылған. Жалпы айналым көлемі 100 млн теңгеден асқаны хабарланады.

Қылмыстық топ, есірткі саудасынан түскен қаражатты дропперлердің көмегімен қолма-қол ақшаға айналдырып отырған.

Тергеу қызметкерлері тінту барысында жалпы салмағы 30 келіден асатын марихуана мен гашиш тәркілеген. Сонымен бірге заңсыз жолмен табылған ақшаға алынған екі автокөлік те тәркіленген.

«Сот...

S&P Global Ratings халықаралық рейтинг агенттігі Қазақстан бойынша болжамды «тұрақтыдан» «жайлы» деп өзгертті. Бұл туралы Kursiv.Media Ұлттық банк мәліметіне сүйене отырып хабарлайды.

Қазақстанның орталық банкінің мәліметінше, S&P Global Ratings ел рейтингін «ВВВ-» деңгейінде растады.

«Болжам ел экономикасын ырықтандыру мен әртараптандыруға, сонымен бірге мемлекеттік басқару тиімділігін арттыруға және бюджет тапшылығын азайтуға бағытталған шаралардың оң динамикасын көрсетеді», – деп сипаттады ҰБ.

Бұған қоса, агенттік сыртқы қарыздың қалыпты мөлшерін және халықаралық резервтердің тұрақты деңгейін атап өтті.

Болжамның оң екенін анықтайтын факторлардың ішінде S&P ақша-несие саясаты негізінің нығаюын, Ұлттық Банктің инфляцияның өсуін тежеу әрекетін және квазифискалдық операциялар...

Павел Дуров өзінің Париждегі тұтқындалуын француз полициясының қателігінен болғанын мәлімдеді. Бұл Францияның имиджіне нұқсан келтіргенін айтады.

Париждегі тұтқындау 

Telegram негізін қалаушы 2024 жылдың 24 тамызында Париж әуежайында ұсталған болатын. Кәсіпкер төрт күн қамауда болып, кейін сот бақылауымен босатылған.

Өз мәлімдемесінде Дуров бұл тұтқындауды бұрын-соңды болмаған және заңдық негізсіз жағдай деп атап өтті. Оның айтуынша, бұл әрекет мессенджер қолданушыларының іс-әрекеттеріне байланысты болған, ал ол олардың әрекеттеріне жауапты емес.

«Біздің модерация процедураларымыз салалық стандарттарға сәйкес келеді, әрі Telegram барлық заңды міндеттейтін сұраныстарға жауап беріп келеді», – деді Павел Дуров.

Құқық қорғау...

Қазақ ғалымдары суды көп қажет етпейтін күріш сортын шығарды. Бұл туралы Су ресурстары және ирригация министрлігінің баспасөз қызметі хабарлады.

«Сыр сұлуы»

Министрлік мәліметінше, Қызылорда облысының Ы.Жақаев атындағы Қазақ күріш шаруашылығы ғылыми-зерттеу институтының мамандары аталмыш күріш сортын сынақтан өткізіп жатыр. Жаңа күріш сортына «Сыр сұлуы» деген атау берілген. Бұл сорттың еркешелігі басқа күріш түрлеріне қарағанда ерте пісіп жетіледі.

Мәселен, әдеттегі күріш түрлерінің пісіп жетілуі үшін 120-125 күн қажет. Ал «Сыр сұлуының» пісіп жетілуі үшін 105-110 күн жеткілікті. Сонымен бірге аталмыш күріш түрі жергілікті ауа райы мен топыраққа толық бейімделген. Егер бұл өнім түрін барлық агротехникалық талаптары...

Жезқазған – Астана бағытындағы пойыз жүк вагонына соқтығыспау үшін тоқтауға мәжбүр болды. Бұл туралы «Қазақстан темір жолы» баспасөз қызметі хабарлады.

Оқиға 24 тамыз сағат 21:38-де Қызылжар – Түйемойнақ аралығында (Жарық – Жезқазған учаскесі) болған.

«12 км/сағ жылдамдықпен келе жатқан №107 жолаушылар пойызының машинисі кедергіге 300 метр қалғанда шұғыл тоқтады. Бұған жолда жүк вагонының тұрғаны себеп болған. Зардап шеккендер жоқ, кейбір жолаушы дереу тоқтау салдарынан жеңіл жарақат алды», – делінген ақпаратта.

ҚТЖ хабарлауынша, пойыз 23:14-те қайта қозғалды. Теміржол инфрақұрылымы мен локомотив зақымданбаған.

Оқиғаның мән-жайы анықталып жатыр. Ол жерде басқарма төрағасының орынбасары бастаған комиссия жұмыс істеп...

Алматы облысында Қаржаубай Нұрымовтың отбасына арналып демеушілердің қаражаты есебінен жаңа үй салынып жатыр. Бұл туралы адвокат Мейірман Шекеев хабарлады.

Үйдің құрылысына Асқар есімді азамат қаржылай қолдау көрсетіп отыр. Ол өзінің атын жариялағысы келмегенімен, халық нағыз батырды білуі тиіс екенін атап өтті. «Асқар бауырыма Алла денсаулық берсін», – деп жазды Мейірман Шекеев.

Сонымен қатар, Алматы облысы әкімдігі құрылыс барысын толық бақылауда ұстап, барлық құжаттарын рәсімдеп, жұмысты соңына дейін жеткізуге уәде берген.

«Мен үшін уәде – ҚР Азаматтық кодексінің талабына сәйкес міндеттеме. Ал міндеттемеден біржақты бас тартуға жол берілмейді. Ол соттағы...

Ақтау қаласының 20 жастағы тұрғыны Данияр Жақсылық Грузияда із-түссіз жоғалып кетті. Туыстары оны 18 тамыздан бері іздестіріп жатыр. Бұл туралы жергілікті Lada басылымы хабарлайды.

Маңғыстаулық басылым мәліметінше, Жақсылық Ақтаудан Тбилисиге түнгі рейспен ұшып барған. Оны соңғы мәрте әуежайды көрген. Шекарадан өткені тіркелген. Бірақ содан кейін онымен байланыс үзілген.

Жас жігіттің туыстары оны бір аптадан бері іздестіріп жатыр. Оларға «Lider.kz» іздестіру тобының еріктілері де қосылды.

Ерекшеліктері: бойы 175 см, орташа денелі.

Данияр Жақсылықты көрген немесе қайда жүргенін білетін адамдар болса, мына телефондарға хабарлассын: +7 (700) 499-7292 или 102.

Еліміздің танымал продюсері Баян Алагөзова кенже қыздары — Алиса мен Алманың тұсаукесерін дүркіретіп өткізді. Сән-салтанатты шара Алматыдағы «The Ritz-Carlton Almaty» мейрамханасында өтіп, қазақ шоу-бизнесінің жұлдыздарын бір жерге жинады.

Мерекелік кешке эстрадының танымал әншілері: Мәдина Сәдуақасова, Жазира мен Жанболат, Ерке мен Райым, актриса және тележүргізуші Аша Матай, продюсер Жан Мұқанов және басқа да өнер жұлдыздары қатысты.

Кішкентай сәбилердің тұсауын Баянның үлкен қызы Айсәуле Бақытбек пен актриса Аша Матай кесті.

Қонақтар...

«Қазгидромет» 25 тамызда елдің бірнеше өңіріне қолайсыз ауа райы туралы ескертті. Орталық және оңтүстік өңірлерінде аптап ыстық болады. Өрт шығу қаупі жоғары. Елдің батыс, солтүстік және шығыс өңірлерінде найзағай ойнап, бұршақ жауады. Қызылорданың шығысында, Түркістанның солтүстігінде шаңды дауыл тұрады. Солтүстік пен шығыста тұман түседі.

Батыс және оңтүстік өңірлердегі ауа райы

Маңғыстау облысында ауа температурасы күндіз +30+35°С, облыстың оңтүстігінде +38°С-қа дейін жоғарылайды. Соған байланысты өңірде өрт шығу қаупі жоғары. 25 тамызда оңтүстік-шығыстан жел соғады. Күндіз облыстың солтүстік-батысында екпіні 15-18 м/с дейін күшейеді.

Қызылорда облысында ауа температурасы күндіз +30+35°С-тан +32+37°С, облыстың оңтүстігінде +40°С-ға дейін аптап ыстық болады. Өрт шығуы мүмкін...

25 тамыз күні сағат 13:00-де УЕФА Чемпиондар лигасының плей-офф кезеңінде өтетін «Қайрат» — «Селтик» ойынына қосымша билеттер сатылымға шығады. Бұл туралы «Қайрат» футбол клубы хабарлады.

Бұл мүмкіндік УЕФА тарапынан резервтен қайтарылған билеттердің есебінен пайда болды. Қайтарылған шамамен 1000 орын клуб иелігіне берілді. Енді жанкүйерлер оларды сатып ала алады.

Билеттерді Qairat SuperApp мобильді қосымшасы арқылы, сондай-ақ Ticketon сайтынан алуға болады.

Ұйымдастырушылар әр жанкүйерге тек бір билеттен ғана рәсімдеуге болатынын ескертеді. Сонымен қатар, алыпсатарлардан алынған билеттер жарамсыз деп танылады. Егер стадионға кірер кезде жеке басын куәландыратын құжаттағы деректер билеттің иесімен сәйкес келмесе, жанкүйер стадионға кіргізілмейді.

Еске сала кетейік, 26 тамыз күн...

10 машинаны ұтысқа қойып, курстарын сатқан ерлі-зайыпты Ерболат Жанәбілов пен Эльмира Төлегенованы құмар ойындар мен лотерея қызметін реттеу комитетіне шақырды. Құзырлы оргардар блогерлер ұйымдастырған ұтыстың қаншалықты заңды екенін тексереді.

«ҚР ТСМ жанындағы құмар ойындар мен лотерея қызметін реттеу комитетіне азамат С.-дан жоғарыда көрсетілген блогерлер ұйымдастырған бағалы сыйлықтарды ұтысқа салудың лотерея қызметі туралы заңнама талаптарына сәйкестігін тексеру жөнінде өтініш келіп түсті. Қазіргі уақытта азамат Жанабыловқа ӘҚБтК-нің 743-бабының 1-бөлігіне сәйкес түсініктеме беру қажеттілігі туралы хабарлама жолданды, оның нәтижелері бойынша әкімшілік іс қозғау мәселесі қаралатын болады», – деп жазылған хабарламада.

ҚР Туризм және спорт министрлігін...

Қырғызстандағы Жеңіс шыңында аяғын сындырып, тауда қалған ресейлік альпинист Наталья Наговицына қаза тапты. Бұл туралы елдің Төтенше жағдай министрлігі хабарлады.

«Растаймын. Оның қаза тапқаны туралы болжамды біздің барлық сарапшылар айтты», – деді Қырғызстан ТЖМ баспасөз қызметінің жетекшісі Әділ Чарыгов.

Оның айтуынша, құтқару операциясы ауа райының күрт нашарлауына байланысты тоқтатылды. Mash телеграм арнасы құтқарушылардың альпинистке жетуге жасаған соңғы әрекеті түсірілген видеоны жариялады. Онда 6100 метр биіктікте құтқарушылардың қарлы боранды бұзып өтіп бара жатқанын көруге болады. Бірақ Наговицына бұдан да биік, 7140 метрде болған, ал ол жерде ауа райы тіпті ауыр. Арнаның дерегінше, Натальяның денесі көктемге...

АҚШ президенті әкімшілігі Украинаға ұзарған қашықтықтағы 3,35 мың ERAM зымыранын сатуды мақұлдады, деп хабарлайды The Wall Street Journal (WSJ). Олар Украинаға алты апта ішінде жеткізілуі тиіс.

Басылымға сұхбат берген спикерлердің сөзінше, әскери көмектің жалпы құны 850 млн долларды құрайды. ERAM зымырандарынан бөлек бұл пакетке тағы не кіретіні әзірге белгісіз. Көмектің негізгі бөлігін еуропалық елдер қаржыландырған.

WSJ жазғандай, АҚШ билігі зымырандарды сату туралы шешімді Дональд Трамптың Ресей президенті Владимир Путинмен Аляскада және Украина президенті Владимир Зеленскиймен Вашингтонда келіссөздері аяқталғанша кейінге қалдырған.

ERAM зымыраны (SM-6 Extended Range Active Missile немесе Standard Missile-6 ERAM) — АҚШ-та жасалған заманауи көпмақсатты зениттік-зымырандық кешеннің құрамындағы...

2025 жылдың тамызына қарай Қытайда чикунгунья безгегінің 1,3 мыңнан астам жаңа жағдайы тіркелді. Бұл – вирустық ауру, ол кейде ауыр асқынуларға, тіпті өлімге әкелуі мүмкін. Дегенмен науқастардың басым бөлігі жазылып, өмір бойына иммунитетке ие болады. Ал Қазақстан аумағына чикунгунья тарау қаупі бар ма? Осы материалда түсіндіруге тырысамыз.

Чикунгунья дегеніміз не, қалай жұғады және қалай өтеді?

Чикунгунья – дәл осы аттас вирустың қоздыратын жұқпалы ауруы. Негізгі таралу жолы – масаның шағуы. Көбіне бұл Aedes aegypti және Aedes albopictus масалары. Олар Денге мен Зика безгектерін де тасымалдайды.

Жұғу механизмі: маса ауру адамды шағады → вирус оның асқазанына түсед...

Ақтауда 3 жасар баланың үстіне 50 келілік аттракцион бөлігі құлап кетті. Оқиғадан кейін оған емдеу және психологиялық көмек қажет болып отыр деп жазады Lada.kz

Басылым мәліметінше, «Apollo» балалар ойын-сауық орталығында салмағы шамамен 50 келі болатынқұрылғы баланың үстіне құлаған.

Анасының айтуынша, құрылғы мүлде бекітілмеген және ол электр қалқанын жабу үшін қолданылған. Сыртынан жұмсақ матамен қапталғанымен, ішінде ауыр металл блок болған.

«Аттракцион бөлігі ешқандай бекітусіз тұрған. Өзім көтеріп көрдім, бірақ ол тым ауыр болып шықты,» – дейді Айгүл Бисембаева.

Оқиғадан кейін бүлдіршін ауруханаға жеткізілді. Баланың аяғы қатты ауырып қалды, бірақ ешқандай сүйек сынбаған. Дәрігерлер оған МРТ...

Елімізде мектеп асханаларына арналған жаңа ас мәзірі бекітілгелі жатыр. Бұл туралы «Jibek joly» телеарнасындағы «Бүгін LIVE» бағдарламасында ДСМ Санитариялық-эпидемиологиялық бақылау комитетінің басқарма басшысы Гүлшарат Қожатова айтты.

«Денсаулық сақтау жүйесін дамыту үшін маңызды мақсат қойылған. Оның бірі — 4-10 жас аралығындағы балалар арасында семіздік деңгейін төмендету. Ол үшін мектептегі балалардың дұрыс тамақтануы аса маңызды. Сондықтан да жаңа стандарт енгізіліп жатыр. Оны әзірлеуге халықаралық сарапшылар тартылды. Онда ас мәзірінде қанттың мөлшері 3,6 есеге, тұз мөлшерін 5 есеге төмендету қарастырылған», — деді басқарма басшысы.

Сондай-ақ спикер жаңа мәзір әлі нақты бекітілмегенін атап өтті.

«Қазірг...

«Otpan Logistic» компаниясына қарайтын №109 және №110 Маңғыстау – Ақтөбе бағытындағы пойыздарының жолсеріктері наразылыққа шықты. Олар еңбек жағдайына байланысты Қасым-Жомарт Тоқаевқа, «ҚТЖ» АҚ басқарма төрағасы Талғат Алдыбергеновке және облыс әкімі Нұрдәулет Килыбайға ашық хат жолдады. Бұл туралы Lada.kz жазады.

Жолсеріктердің сөзінше, бастапқыда компания мен қызметкерлер арасындағы келісімшарт бәріне қолайлы болған, алайда кейінірек жұмысшылар әлеуметтік жеңілдіктер мен артықшылықтардың бір бөлігінен айырылған.

Әлеуметтік пакет қысқарып, пансионаттар мен тоқсандық төлемдер жойылады. Қызметкерлердің сөзінше, тіпті 109 және 110 пойыздарды тендер арқылы сату жоспарланып отыр, бірақ жолсеріктер «жекенің қолына өтуді» қаламайды. Енді қызметкерлер «Жолаушылар тасымалы» АҚ қарамағына қайта өткізуді сұрап отыр.

Әлеуметтік желіде Қонаев қаласында болған жанжалдың видеосы тарады. Бейнежазбада көліктерге мінген жас жігіттердің өзара ерегеске дайындалып жатқанын байқауға болады.

Екі көлікпен келген жас жігіттер машинадан түсіп, жүк салғыштан әлдебір қару алып, «кездесуге» дайындалады. Оларға қарсы тарап та көлікпен келеді. Бірақ кадрден көргеніміздей, машинадан түспестен, екі адамды қағып өтеді. Оларды жолдастары көлікке салып, алып кетеді. Видеоның соңғы кадрлерінде зардап шеккен адамның бейнесі көрінді. Оның жүзінде өте ауыр жарақаттар бар, кей тұсын тіккенін байқауға болады.

Алматы облысы полициясының мәліметінше, қазір бұл іске қатысты сотқа дейінгі тергеу ісі басталды. Ізін суытпай екі адам қамауға алынған. Тағы бір 20 жастағы жігітке іздеу...