Жаңалықтар

Alatau City қаласының бас жоспарын жасауға сингапурлық компаниялар қатысты. Бұл жайлы Be Woman форумында кәсіпкер, девелопер Юрий Цхай айтып берді

Юрий Цхай – кәсіпкер, Alatau City жобасының жеке инвесторының бірі. Оған тиесілі Caspian Group компаниясы арқылы қаладағы сауда-логистикалық орталық, шағын және орта бизнеске арналған бизнес-парк, сондай-ақ IT мен қаржы секторларын дамыту жоспарланып отыр.

Кәсіпке келгенге дейін Юрий Цхай спортта жүрді, бокстан КСРО мен Қазақстанның еңбек сіңірген жаттықтырушысы. Белгілі боксшы, Мәскеудегі Жазғы Олимпиаданың күміс жүлдегері, қазір Forbes тізіміне кірген бизнес Серік Қонақбаевты тәрбиелеген.

Нью-Йорк шабыт берді

«1986 жылы спорттың арқасында мен Нью-Йорк қаласына...

Қазақстанның Даму Банкі (ҚДБ) «ЛОТТЕ Рахат» кондитерлік компаниясына экспорт алдында 3 млрд теңгеге қаржыландырды.

Банк компанияға қайта толтырылатын несие желісін ашқан. Бұл қаражат шоколад, бәліш, кәмпит және басқа да өнімдерді өндіру мен шетелге жеткізу шығынын жабуға бағытталады.

ҚДБ атап өткендей, экспорт алдындағы қаржыландыру – банктің негізгі бағыттарының бірі. Оның мақсаты – отандық компаниялардың шетел нарығына шығуына және экспорт көлемін арттыруына қолдау көрсету.

Бұған дейін банк көмегімен қазақстандық көптеген кәсіпорын өнімлерін шетелге жеткізіп, ірі экспорттық келісімдерге қол жеткізген.

«ЛОТТЕ Рахат» – Қазақстандағы ірі кондитерлік кәсіпорындардың бірі. Компания Алматыдағы негізгі фабрика мен Шымкенттегі өндірістік алаңда жұмыс істейді. KASE мәліметіне сәйкес,фабриканы...

Қытай компаниясы Жамбыл облысында жылына 1 млн тонна жүгері өңдейтін зауытты іске қосады. Бұл туралы Ауыл шаруашылығы министрлігінің баспасөз қызметі хабарлады.

Жобаны Fufeng Group компаниясы жүзеге асырады. Бұл компания өңірде 800 млн долларға жылына 1 млн тонна жүгеріні қайта өңдеуге қуатты толықтай біріктірілген  өнеркәсіптік парк салады.

Бұл парк кешенінде бірнеше зауытпен қатар жылу электр станциясы жұмыс істейтін болады. Атап айтқанда:

Зауыттар 2026 жылдың І тоқсанынан бастап ішінара іске қосыла бастайды.

Инвестор кәсіпорынды тұрақты түрде шикізатпен қамтамасыз ету үшін осы...

Ara Media YouTube арнасында документалист-журналист Асылхан Мамашұлының «Қилы кезең» атты авторлық жобасының екінші бөлімі шықты. «Қонаевты кетіру, ескі билікті айыптау» деген бөлімде аты айтып тұрғандай Дінмұхаммед Қонаевты Қазақстан Компартиясы Орталық Комитетінің бірінші хатшысы қызметінен кетіру, Желтоқсан оқиғасы мен одан кейінгі жағдайлар баяндалған.

Журналист келтірген фактілерден Қонаевты қызметінен алу халық үшін бір күнде болған жайт көрінгенімен, бұл жоспарланған жұмыс болғанын, түрлі ойындар жүргенін көреміз.

Асылхан Мамашұлы шығарылымды Қонаев қанша сыналса да 74 жасында 1986 жылы 8 ақпанда қызметіне қайта сайланып алғанынан, КСРО бас хатшысы М.Горбачев оны орнынан алу ойынан айнымағанынан бастайды.

Бұл кезде Қазақстан КСР басшыларының арасы әбден суыған кез. Шілдеде...

Қазақстандықтар үшін депозит ақша жинаудың сенімді құралы болып тұр. Банктер қазір салымшыларды жоғары табыс пен әртүрлі шарттармен қызықтырып жатыр. 2025 жылдың күзінде жылдық тиімді мөлшерлемелер 17–19% деңгейіне жетіп, кейбір банктер қосымша артықшылықтар ұсына бастады. Digital Business басылымы ең пайдалы әрі ыңғайлы депозиттер тізімін жасаған.

Bereke Bank 18% жылдық тиімді мөлшерлемемен депозит ашады. Мерзімі – 3 айдан 2 жылға дейін, ең төменгі сома – 5 мың теңге. Пайыз күн сайын есептеліп, қосылып отырады. Бірақ ақша қосуға да, ішінара алуға да болмайды.

Freedom Bank-тің «Капитал» депозитінде мөлшерлеме – 17%. Мерзімі – 3 айдан 3 жылға дейін, ең төменг...

Енді жүргізушілерге көліктеріне жасалған өзгерістерді заңдастыру жеңілдей түспек. Ішкі істер министрлігі көлік құралын қайта жабдықтау туралы куәлікті цифрлық форматқа ауыстыруды ұсынып отыр.

Тиісті бұйрық жобасы қазірдің өзінде «Ашық НҚА» порталында жарияланды және 2025 жылғы 13 қазанға дейін қоғам талқылауында болады.

Қағаз құжаттармен әуре болмайсыз

Қазіргі таңда көліктің құрылымына өзгеріс енгізу үшін жаңа бөлшектер орнатудан бастап, кузовты қайта жасауға дейін арнайы ХҚКО-ға барып, біршама құжат жинап, оны бірнеше күн күту қажет. Енді бұл процестер онлайн жасауға болады.

Егер жоба мақұлданса, өтінішті онлайн түрде беруге болады, ал жүргізілген жұмыстар мен сарапшылардың қорытындыларына қатысты барлық қажетті деректер жүйеге автоматты түрде...

Өзбекстандық лайк басқаны үшін 3 жылға сотталды. Ол алты жыл бұрын жарияланған діни мазмұнды дәріске «класс» деген белгі басқан.

«Сотталушы У.Алмарданов «Redmi Note 13» телефонында орнатылған «Одноклассники.ру» мессенджеріндегі «Улугбек Алмарданов» атты аккаунтынан 2019 жылы Абдухани Умаровтың («Абдуллаh домла») «Жәннатқа ғашықтар» атты радикалды идеяларға толы дәрісіне «класс» басып, оны виртуалды достарына таратқан», – деп хабарлады Сурхондария уәлоятының соттары.  

Сот осы әрекеті үшін оны Өзбекстан Қылмыстық кодексінің 244-1-бабы 3-бөлігінің «г» тармағында көрсетілген қылмыс жасады деп таныды.

Қумқорған аудандық қылмыстық істер жөніндегі сотының 2025 жылғы 1 шілдедегі үкіміне сәйкес, Алмарданов кінәлі деп танылып, 3 жылға бас...

Қазақстанда алдағы жылдары әлемдік қонақүй брендтерінің қатары көбейеді. Елдің 11 өңірі мен қаласында халықаралық стандарттарға сай 24 жаңа қонақүй салу жоспарланып отыр. Жобалар жеке инвестициялар есебінен жүзеге асады.

Халықаралық қонақүй желілері Қазақстан өңірлеріне ерекше қызығушылық танытып отыр.

«Біз туристік инфрақұрылымның сапасын арттырып, өңірлердің туристік тартымдылығын күшейту мақсатында халықаралық қонақүй желілерімен жұмыс жүргізіп жатырмыз. Қазақстанда сапалы орналастыру орындарына деген сұраныс тұрақты түрде артып келеді. Бұл іскерлік белсенділік пен туристер санының көбеюіне байланысты. Халықаралық қонақүй брендтерінің болуы сервис стандарттарын арттырып қана қоймай, нарықтағы бәсекелестікті де ынталандырады», – деді «Kazakh Tourism» ҰК» АҚ басқарма төрағасының м.а. Даниел Сержанұлы.

Қазақстанның SCAT әуе компаниянысының паркі жаңа Boeing 737 MAX 8 ұшағымен толықты. Бұл туралы Азаматтық авиация комитеті хабарлады.

«SCAT әуе компаниясының флоты тағы бір жаңа Boeing 737 MAX 8 әуе кемесімен толықты», – делінген баспасөз хабарламасында.

Комитеттің мәліметінше, бұл әуе компаниясының осы үлгідегі он бірінші ұшағы. Жалпы компанияда 35 замануи ұшақ бар. Жыл басынан бері компания Boeing 737 MAX 8 үлгісіндегі 3 жаңа ұшақ сатып алған. Жылдың аяғына дейін дәл осы үлгідегі тағы бір ұшақ жеткізіледі.

Boeing 737 MAX 8 әуе кемесі халықаралық стандарттарға сәйкес жоғары экологиялық тиімді ұшақ түрі саналады.

Жалпы, Қазақстан...

Қырғызстан халқының 11%-ы түрлі психикалық ауруға шалдыққан. Мұны Денсаулық сақтау министрі Эркин Чечейбаев мәлімдеді.

24 ақпаратына қарағанда, тұрғындар арасында үрей, депрессия, суицидке бейімділік, сондай-ақ алкоголь, темекі мен психоактивті заттарға тәуелділік кең тараған.

Сондықтан Қырғызстанда алғаш рет психикалық денсаулыққа қатысты ұлттық стратегия әзірленіп жатыр. Министр бұл саладағы стигманы азайтып, психиатриялық қызметтерді халыққа жақындатпақ. Бұл үшін жанұялық дәрігерлермен бірге психиатр, психолог және медбике жұмыс істейтін командаларды құру жоспарланып отыр.

Психиатриялық клиникаларға жөндеу жүргізу мен төсек-орын санын көбейту қажет екені айтылды.

Дүниежүзілік денсаулық сақтау ұйымының болжамынша, психикалық дерттердің таралуы алдағы уақытта да өседі. Сол себепті Қырғызстан 2030 жылға дейін психикалық денсаулық стратегиясын...

30 қыркүйек күні Алматыда футбол тойы болмақ. Жергілікті «Қайрат» мадридтік «Реалға» қарсы алаңға шығады. Алайда стадионнан билеттерді бәрі бірдей ала алмады. Сондықтан жанкүйерлер үлкен экран орнатылған барлар мен мейрамханаларды іздеп, ойынның атмосферасын трибунадан тыс жерде сезінуге тырысып жатыр.

Депозит пен алдын ала төлем – басты шарт

Қаладағы барлар мен мейрамханалардың көбі матч күні депозит жүйесін енгізді. Көптеген мекемеде орындар әлдеқашан толып қойған, ал кейбірінде алдын ала төлем талап етіледі.

Алматылықтарға ұсынылып отырған бірнеше нұсқа:

Қазақстан банк секторында жаңа ірі мәміле болуы мүмкін деген әңгіме күшейді. Экономист әрі қаржы ұйымдарының бұрынғы топ-менеджері Ғалым Құсайыновтың пікірінше, қазақстандық ForteBank-ті мажарлық OTP Bank сатып алуы ықтимал.

Бұл болжамға негіз болған жағдай – Қаржы нарығын реттеу және дамыту агенттігінің (ҚНРДД) төрағасы Мәдина Әбілқасымованың мәлімдемесі. Агенттік басшысы Шығыс Еуропадан бір инвестор Қазақстандағы банктердің бірін сатып алуды қарастырып жатқанын хабарлаған. Алайда нақты қай банк екенін атаған жоқ.

Құсайыновтың болжамы

Сарапшының айтуынша, Қазақстандағы он ірі банктің ішінде шетелдік инвестор үшін қолайлы нысан ретінде ForteBank ерекшеленеді. Құсайынов өз болжамын нақты мысалдармен түсіндіреді:

2024 жылдың қорытындысы бойынша Қазақстан Hyundai және Lexus брендтерін сатуда ең ірі нарықтардың бірі атанды.

Car Industry Analysis деректеріне сүйенсек, 2024 жылы Қазақстанда 44 361 жаңа Hyundai автокөлігі сатылған. Бұл 2023 жылмен салыстырғанда 5% төмен. Осылайша, есептік кезеңде Hyundai брендінің сату көлемі жағынан Қазақстан 17‑орынды иеленген. Италияда — 49 477, Францияда — 45 746, Польшада — 31 005 көлік сатылған. Ал ең көп сату Америка Құрама Штаттарында (836 802), Үндістанда (605 424) және Оңтүстік Кореяда (547 794) орын алған.

Car Industry Analysis деректері Қазақстан автокөлік одағы жариялаған ресми мәліметтермен шамалас. 2025 жылдың қаңтарында жарияланған ақпаратқа сай, 2024 жылы ресми...

Кореяда күйеуінің жыныс мүшесін кесіп, унитазға тастаған 57 жастағы әйел кісі өлтіруге оқталды деген айыпты жоққа шығарды.

Korea JoongAng Daily дерегінше, ол 1 тамыз күні күйеуіне бірнеше рет пышақ салып, кейін жыныс мүшесін кесіп алған. Сосын унитазға ағызып жіберген. Шабуылға қызғаныш себеп болған.

Сотта әйел заңсыз басып кіруді мойындағанымен, кісі өлтіруге ниеті болмағанын жеткізді. Оның 39 жастағы күйеу баласы да оқиғаға қатысқан. Ол ауыр жарақат келтіргенін ғана мойындаған.

Әйелдің 36 жастағы қызы да әкесінің жүрген жерін анықтау үшін жеке детектив жалдап, заңды бұзғанын айтқан.

Прокуратура әйелге электронды бақылау орнатуды сұрады. Жәбірленуші аман қалған. Отадан кейінгі жағдайы тұрақты.

Мұның алдында...

Алматыда 16 қыркүйек күнгі жаңбыр кезінде опырылып кеткен Аманжол көшесіндегі жағдай үшін мердігер жауапқа тартылады. Бұл туралы Алматы әкімдігінің баспасөз қызметі хабарлады.

Көшеда инженерлік желілерді жүргізу жұмысымен «СпецСтрой Групп ЛТД» ЖШС айналысқан. Жаңбырдағы апаттан кейін, Қала құрылысын бақылау басқармасы компанияға жоспардан тыс тексеріс жүргізген. Басқарма Саин, Шаляпин, Яссауи және Жандосов көшелерінің аумағында инженерлік желілерде жүргізіліп жатқан жұмыстардың құрылыс нормасын бұза отырып жүргізілгенін анықтаған.

«Тексеріс барысында «СпецСтрой Групп ЛТД» ЖШС бірқатар құрылыс нормасын бұзғаны анықталды. Атап айтқанда, траншеялардың қия беткейлері бекітілмеген, жергілікті дымқыл топырақ қабаттап нығыздалмастан қайта көміліп, кейбір учаскелерде траншеяға жер асты сулары толып қалған...

Қазақстандағы жеке кәсіпкерлердің 53,4%-ы әйелдер. Шағын және орта бизнес саласындағы кәсіпорындардың 48,2%-ын әйелдер басқарады. Бұл туралы Алматыда өтіп жатқан Be Woman форумында Мәдениет және ақпарат министрі Аида Балаева айтты.

«Еліміздің әйелдерін экономиканың қозғаушы күші деп айта аламыз. Дамушы деген деңгейден әлдеқашан өткен мемлекетімізге әлемнің қатынасы әйелдер арқылы көрініс табады. Қазақ әйелінің орташа жасы – 75.8 жыл.Бұл тек жеке көрсеткіш қана емес, Қазақстандағы жалпы денсаулық сақтау жүйесінің сапа деңгейін білдіреді. Қазақстандағы әрбір бесінші әйелдің жоғары білім бар. Еліміздің жоғары оқу орындарындағы әрбір екінші студент – әйел. Ғылым әлемінде 55,7%-ы – әйел зерттеушілер», – деп атап өтт...

Тамыз айында қазақстандықтардың доллар мен еуроға деген сұранысы артып, нетто-сатылым көлемі айтарлықтай көбейген. Ал рубльдің жағдайы әлі де әлсіз: сатылым басым болғанымен, шілдемен салыстырғанда қысқарған. Бұл туралы Ұлттық банк статистикасында жазылған.

Доллар

Шілде айында айырбастау орындары арқылы доллардың нетто-сатылым көлемі 120,8 млрд теңгені құраса, тамызда бұл көрсеткіш 138,8 млрд теңгеге жетті. Яғни, бір айдың ішінде доллар операцияларының көлемі 17,9 млрд теңгеге өсті. Бұл халықтың АҚШ валютасына деген қызығушылығының арта түскенін білдіреді. Әсіресе, Алматы қаласы көш бастап, тамыз айында 61,5 млрд теңгелік нетто-сату көлемін көрсетті (шілдеде – 42,4 млрд теңге).

Еуро
Еуроға да сұраныс жоғары. Шілде айында еуро...

«Үздік педагог» республикалық байқауының биылғы іріктеу кезеңіне 1468 маман қатысып, оның 793-і облыстық деңгейде бақ сынады.

Оқу-ағарту министрлігінің орта білім беру комитетінің ақпаратына қарағанда, дәстүрлі конкурстың финалдық кезеңіне 174 маман жолдама алған.

«Оның ішінде орта білім беру, кәсіптік және техникалық білім беру, мектепке дейінгі, қосыша білім беру ұйымдарының педагогтері бар. Өз ісінің шебері деп танылған бұл мамандар енді республикалық кезеңде «Үздік педагог» атағы үшін сайысқа түседі», – деп хабарлады министрліктің баспасөз қызметі.

Байқаудың мақсаты – білім беру жүйесін дамытуға елеулі үлес қосып жүрген, тыңғылықты жұмысымен, ерекше шеберлігімен көзге түскен ұстаздарды анықтау.

25 қыркүйек күн...

Сүт безі обырына қарсы алғашқы скринингтен өтпеген әйелдердің бұл дерттен көз жұму қаупі 40%-ға артатыны анықталды. Мұндай қорытындыны Швециядағы Каролин институтының ғалымдары мәлімдеп отыр. Зерттеу нәтижесі British Medical Journal (BMJ) журналында жарияланды.

Ғалымдар 1991 жылдан 2020 жылға дейін Швецияда алғаш рет маммографиядан өтуге шақырту алған жарты миллионға жуық әйелдің деректерін талдаған. Зерттеу қатысушылары 25 жыл бойы бақылауда болған. Нәтижесінде әйелдердің 32%-ы алғашқы маммографияға келмегені анықталды. Осы топтағы әйелдер кейінгі тексерулерге де сирек қатысқан. Соның салдарынан оларда сүт безі қатерлі ісігі көбінесе аурудың асқынған сатысында анықталып, емдеу мүмкіндігі төмен болған.

25 жылдық бақылау нәтижесінде алғашқы тексеруден өтпеген әйелдер арасында сүт безі қатерлі ісігінен...

Алматы әкімі Дархан Сатыбалды қаладағы құрылыс және жөндеу жұмыстарының сапасы мен мерзіміне қатысты алаңдаушылық білдірді.

Әкімнің айтуынша, қаладағы ең үлкен түйткіл – мердігерлердің өз міндетін тиісінше орындамауы. Қомақты қаржы бөлінгеніне қарамастан, кейбір нысандарда жұмыстар уәде етілген мерзімде аяқталмай, сапасыз атқарылып жатыр.

«Бірнеше ондаған техника мен жұмысшы жұмылдырылады деп жоспарланған нысандарда бар болғаны бір-екі көлік пен санаулы адам жүр. Ал тұрғындар опырылып кеткен жолға, шаң мен топыраққа, қазылғаннан кейін қайта қалпына келтірілмеген аумақтарға шағымданып жатыр. Бұл жұмыс емес, бұл жауапсыздық», – деді қала басшысы.

Дархан Сатыбалдының мәліметінше, тек бірнеше мердігер ұйымға ғана 38 млрд теңгеден астам...

Президент Қасым-Жомарт Тоқаев Ақорданың лауазымды шенеуніктерін қызметінен босатып, орындарын ауыстырып жатыр. 25 қыркүйек күні басталған ауыс-түйіс бүгін 26 қыркүйек күні де жалғасты.

Президент Ержан Хозеұлы Қазыханды Қазақстан Республикасы Президентінің халықаралық мәселелер жөніндегі көмекшісі лауазымынан босатып, Женева қаласындағы (Швейцария) Біріккен Ұлттар Ұйымының бөлімшесі мен басқа да халықаралық ұйымдар жанындағы Қазақстан Республикасының Тұрақты өкілі лауазымына тағайындады.

Бұл қызметте істеген Ерлан Алтынбайұлы Әлімбаев Женева қаласындағы Біріккен Ұлттар Ұйымының бөлімшесі мен басқа да халықаралық ұйымдар жанындағы Қазақстан Республикасының Тұрақты өкілі лауазымынан босатылған.

Сонымен бірге президент Сыртқы істер министрі Мұрат Нұртілеуді қызметінен босатып, шенеунікті Қазақстан Республикасы Президентінің халықаралық инвестиция және сауда...

АҚШ президенті Дональд Трамп TikTok бойынша келісімге қол қойды. Құжатқа сәйкес, әлеуметтік желінің 80% акциясы америкалық корпорациялардың бақылауына өтеді және ел аумағында жұмысын жалғастыра алады.

Алгоритмдер АҚШ нарығына бейімделген «жаңа әрі қауіпсіз» нұсқаға қайта оқытылады. Қытайлық бас компания бұл жүйелерге толықтай қол жеткізу мүмкіндігін жоғалтады.

Келісім құны 14 млрд доллар деп бағаланды. АҚШ вице-президенті Джей Ди Вэнс TikTok енді «америкалықтарға қарсы насихат құралы ретінде қолданылмайды» деп мәлімдеді. Оның айтуынша, қолданушылар қосымшаны бұрынғыдан да сенімді пайдалана алады.

Сондай-ақ Дональд Трамп Түркия президенті Режеп Тайып Ердоғанмен жеке кездесуінде оны Ресейден мұнай сатып алуды тоқтатуға шақырды. Трамптың айтуынша, Мәскеудің Украинадағы әскери әрекеттері аяқталмайынша...

Астанада аумақтық қорғаныс бригадасының бөлімше командирі, 3-сыныпты сержант Рауан Әбілханов бес күнде 600 шақырымды еңсеруді мақсат етіп отыр.

Жүгіру бағыты: Астана – Көкшетау – Астана. Марафон «Көктал» саябағынан басталып, Қорғаныс министрлігінің ғимараты алдында мәреге жетпек. Күн сайын спортшы 120 шақырымнан жүгіріп, әр 40 шақырым сайын демалуды жоспарлаған.

«Оған дайындық үшін екі ай бердік. Осы уақыт ішінде Рауан күн сайын 40 шақырымнан артық жүгіріп отырды», – деді елорда аумақтық қорғаныс бригадасының командирі, полковник Омар Орынбаев.

Әбілханов бұл ерекше сынақты Республика күніне арнап отыр. Бұдан бөлек, ол алдағы уақытта Қарағанды тас жолы арқылы Балқашқа дейінгі 1000 шақырымды...

Президент Қасым-Жомарт Тоқаев Сыртқы істер министрі Мұрат Нұртілеуді қызметінен босатты. Бұл туралы Ақорда хабарлады.

«Мемлекет басшысының Жарлығымен Мұрат Әбуғалиұлы Нұртілеу Қазақстан Республикасы Президентінің халықаралық инвестиция және сауда ынтымақтастығы жөніндегі көмекшісі болып тағайындалды, ол бұрынғы атқарған лауазымынан босатылды, – делінген Ақорда хабарламасында.

Оның орнына Сыртқы істер министрі болып Ермек Беделбайұлы Көшербаев тағайындалған. Ол бұрынғы қызметінен босатылған.

Айта кетсек, кеше 25 қыркүйек күні президент бірқатар лауазымды тұлғаларды қызметінен босатқан болатын. Лауазымынан босатылғандар арасында Президент кеңесшісі Зүлфия Сүлейменова, ҚР Президентінің экономикалық мәселелер жөніндегі көмекшісі Қанат Шарлапаев және Президенттің көмекшісі Тамара Дүйсенова бар.