Жаңалықтар

Алматы полициясы Орталық стадионда өтетін «Қайрат» пен «Пафос» арасындағы халықаралық футбол матчы кезінде жанкүйерлердің тәртібі мен қауіпсіздігін қамтамасыз етеді. Бұл туралы ІІМ хабарлады.

Министрлік мәліметінше, полиция қызметкерлері қоғамдық тәртіпті сақтап, спорт нысаны маңындағы жол қозғалысын реттейді. Бұған қоса, полиция матч кезінде Алматы қаласында көлік қозғалысына ішінара шектеу енгізілуі мүмкін. Осыған байланысты тұрғындарға жол бағытын алдын ала жоспарлап, уақытша шараға түсіністікпен қарауға кеңес берді.

«Алматы полициясы футбол кешінің тыныш әрі жайлы өтуі үшін барлық қажетті шараны қабылдап отыр. Мұндай іс-шаралардағы қауіпсіздік тек тәртіп сақшыларына ғана емес, азаматтардың жауапкершілігіне де байланысты. Жанкүйерлерден тәртіп сақтап, полициямен өзара ынтымақтасты...

Композиторлар одағының мүшесі Юрий Аравин 84 жасында қайтыс болды. Қаралы хабарды мәдениет және ақпарат министрі Аида Балаева жеткізді.

«Юрий Аравин – қазақтың халық музыкасын кеңінен насихаттаған танымал тұлғалардың бірі. Ұлттық мәдениетке бар жан-тәнімен берілген азамат ретінде фольклорлық мұраларды жинақтау мақсатында көптеген ғылыми-шығармашылық экспедицияларға бастамашысы болды. Көптеген көне музыкалық туындыларды жаңғыртып, ғылыми жүйеге түсірді», – деп жазды Балаева.

Қазақ мәдениетінің көрнекті қайраткері Юриф Аравин – «Парасат» және «Отан» ордендерінің иегері, Композиторлар одағының мүшесі, профессор.

«Юрий Аравин қазақ музыкасына, халық композиторлары мен ақындарының мұрасына арналған бірқатар телерадио бағдарламаларын жасады. Қазақ фольклорына...

Алматыда өткен тауда жүгіру жарысына қатысқан Владимир Кривенцов көз жұмды. Оқиға Іле Алатауы баурайында, «Экстремалды атлетика» ұйымы өткізген спорттық шара барысында болды.

Ұйымдастырушылардың мәліметінше, спортшыға жарыстың басында өзін жайсыз сезінгеннен кейін шұғыл көмек көрсетілген. Оқиға орнына ТЖД қызметкерлері бірнеше минут ішінде жетіп, алғашқы медициналық көмек көрсетіп, «Медеу» кешеніндегі құтқару бөліміне жеткізген. Алайда, өкінішке қарай, оны аман алып қалу мүмкін болмаған.

«Барлық қажетті шара уақытылы жасалды, бірақ дәрігерлер өмірін сақтап қала алмады» деп хабарлады ұйымдастырушылар.

Қайтыс болған азамат тәжірибелі спортшы, түрлі жарыстардың тұрақты қатысушысы болған. Ол сайысқа дейін медициналық тексеруден өтіп, спортпен айналысуға рұқсат алған.

Қазақстанның шығысында, Өскемен қаласының оңтүстігінде жер сілкінді. Дүмпу қуаты – 4,1 балл. Бұл туралы Ресей ғылым академиясы Геофизика қызметінің Алтай-Саян филиалы хабарлады.

Мекеме мәліметінше, жер сілкінісі 19 қазанда Астана уақытымен сағат 22:07-де тіркелген. Жерасты дүмпу ошағы Өскемен қаласынан 327 км, Қытаймен арадағы шекарасына 36 км жерде орналасқан. Оның қуаты – MSK64 сейсмикалық есептеу әдісі бойынша 4,1 балл.

Жер сілкінісінен зардап шеккендер туралы мәлімет түскен жоқ.

Естеріңізге сала кетейік, 2025 жылғы 6 қазанда Қазақстанның оңтүстігінде жер сілкінген. Сол кезде дүмпу ошағы Алматы қаласынан оңтүстік-батысқа қарай 465 км жерде, Қырғызстан аумағында орналасқан. Жерасты дүмпуінің магнитудасы 5.9 балл болған.

Қорғаныс министрі Дәурен Қосанов пен «Отбасы банк» басқарма төрайымы Ләззат Ибрагимова әскери қызметкерлерді тұрғын үймен қамтамасыз ету мәселесін және «Әскери баспана» жеңілдетілген ипотека бағдарламасын қайта іске қосу жоспарын талқылады. Бұл жайлы Қорғаныс министрлігі хабарлады.

Министр жеке құрамның әлеуметтік әл-ауқаты ведомствоның басым бағыттарының бірі екенін, сондай-ақ тұрғын үй бағасының қымбаттауы жағдайында жеңілдетілген тұрғын үй бағдарламаларына қолжетімділіктің ерекше маңыздылығын атап өтті.

«Әскери қызметшілер үшін жеңілдетілген ипотекалық несиелерге нақты қолжетімділік маңызды. Қазіргі уақытта ондай мүмкіндік жоқ, ал тұрғын үй бағасының өсуінен бастапқы жарна жинау іс жүзінде мүмкін емес», – деді Қосанов.

Министрдің сөзінше, 15 мыңнан астам әскери...

Тараз футбол мектебінен шыққан талай жас бүгінде ұлттық құраманың негізгі тірегіне айналды. Бауыржан Исламхан, Мұхамеджан Сейсен, Бахтиер Зайнутдинов, Ғалымжан Кенжебек, Дінмұхаммед Қараман, Әрсен Әшірбек, Дәурен Жұмат ел намысын қорғап жүрген бойыншылардың барлығы да бір адамнан тәлім алған. Ел арасында «Дядя Ваня» атанып кеткен Иван Ильницкий – Тараз футболына еңбегі сіңген, Қазақстан футболына өз үлесін қосып жүрген жан.

Бала күнгі арманнан басталған жол

Иван Ильницкий Украинаның Полтава қаласында дүниеге келген. Екі жасында ата-анасымен бірге Қазақстанға, Жамбыл облысы Жамбыл ауданының Бірлесу-Еңбек ауылына қоныс аударған. Сол ауылда өсіп, футболға деген сүйіспеншілігі бала күннен басталады. Жол көрсететін бапкер болмағандықтан, Иван өзі ізденіп...

Мәжіліс депутаты Татьяна Савельеваның айтуынша, жұмыс тобы Қазақстанда экономиканың түрлі салаларына қатысты банк ашуға тыйымды алып тастау мәселесін талқылап жатыр. Енді елде ауыл шаруашылығы, құрылыс және басқа да банктер пайда болуы мүмкін.

Депутаттың мәліметінше, жұмыс тобы жаңа заң жобасын талқылауға қатысты он жиналыс өткізіп үлгерген. Отырыстарға нарық өкілдері де қатысқан.

«Аграрлы, құрылыс және басқа да салаларға арналған банктер ашуға тыйымды алып тастау туралы ұсыныстар да талқыланды. Олар экономиканың нақты салаларына несие беретін құралға айналып, капиталдың әмбебап банктерде шоғарлануын азайтар еді», – дейді депутат.

Бұған қоса, Савельева Ұлттық банк экономикаға, әсіресе шағын және орта кәсіпке кредит...

2025 жылдың бірінші жартыжылдығының қорытындысы бойынша Қазақстан Numbeo рейтингінде жол қозғалысы индексі бойынша 89 елдің ішінде 44-орынға ие болды. Елдің индексі – 136,3. Бұл көрсеткіш неғұрлым жоғары болса, жолдағы жағдай соғұрлым күрделі дегенді білдіреді. Бұл туралы Kursiv.media finprom.kz-ке сілтеме жасап хабарлайды.

Жол қозғалысы индексі көлік жүйесінің кешенді бағасын көрсетеді. Оған жолға кететін орташа уақыт, жолаушылардың сапарға көңілі толмауы, көмірқышқыл газ шығарындылары және жол инфрақұрылымының жалпы тиімсіздігі сияқты факторлар кіреді.

Қазақстанда жолға кететін орташа уақыт – 35,8 минут. Көлік жүйесінің тиімсіздік индексі – 141,3, бұл жеке автокөліктердің қоғамдық көлікке қарағанда жиі қолданылатынын және жұмысқа ұзақ уақыт жүріп баратынын көрсетеді. Күніне...

Талғат Бигелдинов атындағы Әскери әуе күштері балансында тұрған АН-26 ұшағын аукционға шығарды.

Ақтөбедегі институт балансындағы ескі ұшақ Астанадағы 19132 әскери бөлімінде тұр. Әскери техника институттың балансында болғанымен, оны сатушы – Қазарнаулыэкспорт мекемесі деп көрсетілген. Ұшақтың құны – 8,2 млн теңге. 1980 жылы шығарылған. Ұшуға жарамсыз. Қайта жөндеу қажеттігі болмағандықтан, ұшақтан керекті бөлшектері мен саймандары алынып, металға бөлініп сатылуы мүмкін.

«Ұшақтың техникалық жай-күй актісінде өз формулярларына сәйкес агрегаттарымен, авиациялық жабдықтар блоктарымен, радиоэлектрондық жабдықтармен және авиациялық қару-жарақпен толық жасақталғаны көрсетілген. Сонымен бірге, 2025 жылғы анықтамаға сәйкес, ұшақта авиациялық қару-жарақ пен 6110 бұйымының «тану және белсенді жауап...

20 қазанда Моңғолия президенті Хурэлсух Ухнаа парламенттің үкімет басшысын қызметтен алу жөніндегі шешіміне вето қойды. Елде саяси дағдарыс басталды.

Президент қарсылығы

Президент әкімшілігі заң шығарушы органның жұма күні қабылдаған шешімін Конституцияға қайшы деп есептейді. Өйткені алғашқы күні кворум жиналмай, дауысқа салу ертесіне өткізілген.

Ұлы Құрал – Моңғолия парламенті президент ветосын айналып өте алады, бірақ ол үшін депутаттардың үштен екісі шешімді қолдауы керек.

Өткен аптада парламент үкіметті бар болғаны төрт ай басқарған премьер-министрді қызметтен алуды дауысқа салған. Оған премьер Занданшатардың министрлерді тағайындау кезінде депутаттар пікірін ескермеуі себеп болған. Бұған қоса, өткен аптада парламент спикерінің де қызметтен кетуі елде...

Атышулы блогер Жан Ахмадиев көпшіліктің сынына ұшыраған Олжас Байділдиновті жекпе-жекке шақырды. Өзінің инстаграм парақшасында арнайы видеоүндеу де жариялаған.

«Олжас, егер өзіңді шалбар киген жігітпін десең, жұрттың алдында бос сөзбен емес, менімен жекпе-жекке шық. Сені ресми түрде жекпе-жекке шақырып отырмын. Бірақ бұл – екеуміздің ғана айқасымыз емес, бұл – ел намысының айқасы. Қазақтың тілін, мақтанышын, рухын таптаған әр сөзің үшін жауап бересің», – дейді ол видеосында.

Олжас Байділдинов – Энергетика министрінің бұрынғы кеңесшісі, «Байдильдинов. Нефть» телеграм арнасының авторы. Cондай-ақ өзін Алмэкс Жобасының басшысы, Самұрық-Қазына қоғамдық кеңесінің, Сенат жанындағы сарапшылар клубының, Бәсекелестікті қорғау және дамыту агенттіг...

Қарағандыда алаяқтарға алданған 232 адамның ісі ведомствоаралық деңгейде тексерілетін болды.

Еске сала кетейік, бұған дейін Мәжілістегі «Аманат», «Ауыл» және «ЖСДП» партияларының депутаттары Бас прокурорға, Ішкі істер министрі мен Ұлттық банк төрағасына сауал жолдаған еді. Олардың сауал жолдауына Қарағанды қаласындағы бастамашыл топтың өтініші түрткі болған. Қарағандыда кибералаяқтардың әрекетінен және банк жүйесінің ақшалай-несиелік операцияларындағы олқылықтардан 232 адам зардап шеккен. Олардың көбі зейнеткерлер және әлеуметтік осал санатқа жататын азаматтар.

Айтуларынша және ұсынылған құжаттарға сәйкес, қазір қаржылық қызметтер тұтынушыларының құқықтары мен заңды мүдделерін тиісінше қорғауға жауапты мемлекеттік органдар, сондай-ақ елдің цифрлық даму және байланыс саласына жауапты орган азаматтарды кибералаяқтардың әрекеттерінен қорғау...

Orbis Kazakhstan компаниясы Қытайдың Geely брендіне тиесілі Coolray және Emgrand модельдерін Қазақстанда шығарады. Өндіріс Алматы қаласында салынып жатқан Orbis Manufacturing зауытында жүзеге асырылады.

Екі модель де CKD (тұтастай бөлшектеу) технологиясы бойынша құрастырылады.

Аталған жоба Geely Automobile International Corporation компаниясымен бұған дейін жасалған стратегиялық әріптестік туралы келісім аясында іске асырылуда. Қазіргі уақытта тараптар жобаны жүзеге асыру бағытында белсенді жұмыс жүргізіп жатыр.

«Geely компаниясымен бірлесе отырып жүзеге асырылатын өндірісті жергіліктендіру процессі – бұл жай ғана жоба емес, екі тарап арасындағы ұзақ мерзімді ынтымақтастықты нығайтатын стратегиялық қадам. Orbis Kazakhstan құрамындағы G-Motors Kazakhstan еншілес компаниясы бірнеше жылдан бері Geely маркасыны...

Сиыр етін экспорттауға жыл соңына дейін тыйым салынуы мүмкін. «Ашық НҚА» порталында Ауыл шаруашылығы министрлігі әзірленген арнайы құжат жарияланды.

Оған сәйкес, ірі қара малдың етін Қазақстан аумағынан өзге елдерге және ЕАЭО елдеріне экспорттауға 2025 жылдың 31 желтоқсанына дейін тыйым салады.

«Бұл шара елдің азық-түлік қауіпсіздігін қамтамасыз ету, мал шаруашылығы өнімдерін өнімдерін өңдеуді дамыту, сондай-ақ сиыр етіне бағаны тұрақтандыру мақсатында енгізілді», – деп жазылған құжатта.

Құжат қазанның 22-не дейін ашық талқылауда болады.

Қыркүйек-қазанда елдегі сиыр еті бағасы күрт өсіп, келісі 4500-ге дейін жетті. Ауыл шаруашылығы министрлі еттің қымбаттауын «тариф және жанар-жағармайдың өсуімен байланысты...

Қазақстандағы мемлекеттік ұйымдарға өз бетінше жеке мобильді қосымшалар әзірлеуге тыйым салады. Олар тек eGov және Aitu платформаларында жүзеге асырылуы керек. Премьер-министр Олжас Бектенов төрағалық ететін Цифрлық штаб осындай шешім қабылдады.

Үкіметтің түсіндіруінше, бұл шешім «азаматтар үшін қолайлы әрі қауіпсіз цифрлық орта қалыптастыру мақсатында» жасалған.

«Ыңғайлы және қауіпсіз цифрлық ортаны қалыптастыру мақсатында барлық мемлекеттік мобильді сервистер SuperApp қағидаты бойынша eGov және Aitu экожүйелеріне кезең-кезеңімен біріктірілетін болады. Интеграция мобильді қосымшалардың бытыраңқылық мәселесін жояды, үдерістерді жеделдетеді және халыққа мемлекеттік қызметтер көрсету сапасын арттырады», – деп жазылған премьер-министр сайтында.

Сондай-ақ Ұлттық экономика, Жасанды интеллект және цифрлық даму министрліктеріне...

Жасанды интеллектің дамуы енді тек технология емес, еңбек нарығының болашағын анықтайтын факторға айналды. Microsoft компаниясының соңғы зерттеуіне сүйене отырып, автоматтандыру қарқыны күрт өсіп, тұтас кәсіби бағыттар ЖИ жүйелерімен ішінара алмастырылып жатыр, деп жазады ranking.kz.

Зерттеу генеративті жасанды интеллектің (мысалы, ChatGPT, Midjourney, Gemini және т.б.) әртүрлі мамандықтарда қалай қолданылатынына және адамның еңбегін алмастыру әлеуеті қаншалықты жоғары екеніне арналған.

Қай салалар ең үлкен қауіп аймағында

Ең алдымен, тәуекел аймағында – сату және клиенттермен жұмыс істеу салалары. Бұл бағыт 0,32 балл көрсеткішін алған. Көрсеткіш неғұрлым жоғары болса, алдағы жылдары осы саладағы негізгі функцияларды нейрожелілер мен автоматтандырылған жүйелер орындай алуы...

Шығыс Қазақстан облысында «QazConstructions» ЖШС басшылығы әлеуметтік нысан құрылысына бөлінген қаражатты жымқырды деген күдікке ілінді.

Қаржылық мониторинг агенттігінің хабарлауынша, тергеу Шығыс Қазақстан және Абай облысында 7 аудандағы 11 әлеуметтік нысан құрылысына байланысты жүргізіліп жатыр.

Күдіктілердің қатарында «QazConstructions» ЖШС-ның бұрынғы директорының орынбасары, Күршім ауданы мәслихатының депутаты бар.

«Қылмыстық әрекет салдарынан төрт дене шынықтыру-сауықтыру кешені мен 20 мыңнан астам адам тұратын жеті ауылды сумен қамтамасыз етуге арналған су құбыры желілері пайдалануға берілмеген. Жымқырылған қаржының жалпы көлемі 2 млрд теңгеден асады», – делінген ақпаратта.

Қылмыстық жолмен алынған табысқа күдіктілер Астанадағы қымбат санаттағы тұрғын үй кешендерінен пәтерлер, «Lamborghini...

2025 жылдың екінші тоқсанында азаматтардың нақты ақшалай табысы 0,8%-ға азайды. Ұлттық статистика бюросы осындай мәлімет жариялады.

Мекеменің мәліметінше, биыл екінші тоқсанда жан басына шаққанда орташа номинал табыс 2024 жылдың осы кезеңімен салыстырғанда 10,4%-ға артып, 236,5 мың теңгеге дейін жетті. Дегенмен екінші тоқсанда инфляция 11,3% болғанын ескерсек, нақты табыс 0,8%-ға төмендеді.

Ірі қалалардағы табыс

Республикалық маңызға ие үш қаланың ішінде табыс өсімі жөнінен Астана алда келеді. Елордада бұл көрсеткіш 2024 жылмен салыстырғанда 12,2%-ға артып, 337 мың теңгеге жетті. Шымкент қаласында табыс 11,5%-ға ұлғайып, 153,5 мың теңге болды.

Алматы жалпы табыс көлемі жөнінен озып тұр. Мегаполисте жан басына шаққандағы...

Pana Asia компаниясы Шығыс Қазақстан облысында, Бұқтырма су қоймасының Самар жағалауында халықаралық деңгейдегі курорт салады. Бұл туралы Самар ауданының әкімі Серік Жеңісов айтты деп жазады Kursiv.Media.

«Біз Pana Asia атты танымал қонақүй компаниясымен әріптестік туралы меморандумға қол қойдық. Мемлекет басшысының тапсырмасына сәйкес, туризмді дамыту жұмыстарын жалғастырып жатырмыз. Pana Asia – бутиктік Pana Hotels қонақүйлері бренді төңірегінде экожүйе қалыптастырып жатқан алғашқы отандық басқарушы компания», – деді аудан әкімі.

Қазір су қоймасы жағалауында заманауи серуен аймағын жасауға арналған жобалық-сметалық құжаттама әзірленіп жатыр. Сондай-ақ аудан әкімдігі инвестициялық белсенділікті қолдау мақсатында «Туризм және инвестициялар орталығы» құрылатынын атап өтт...

Бір күн бұрын, 19 қазанда Ресейдің Орынбор газ өңдеу зауыты дрондар шабуылына ұшырап, Қазақстаннан шикізат қабылдауды уақытша тоқтатты. Бұл зауыт шикі газды арзанға сатып алып, өңделген көгілдір отынды Қазақстанға үш есе қымбат бағаға сатып отыр.

Орынбор және Қазақстан

Орынбор газ өңдеу зауыты (Орынбор ГӨЗ) – әлемдегі ең ірі газ өңдеу кешендерінің бірі. Ресейдің «Газпром» компаниясына қарасты зауыт 1974 жылы құрылған. Мұнда тазартылған газ, сұйық көмірсутектер (пропан, бутан), гелий және басқа да химиялық заттар шығарылады.

Қазақстанмен серіктестік күшейген тұста зауыт қарқынды дамыды. 2006 жылы Қазақстан мен Ресей үкіметтері Орынбор ГӨЗ базасында шаруашылық қоғам құруға келісті. Соның арқасында қазақ газын...

Қазақстанның АҚШ-тағы жаңа елшісі тағайындалды. Ақорданың хабарлауынша, бұл қызметті енді Мағжан Ілиясов атқарады.

«Мемлекет басшысы жарлығымен Мағжан Ілиясов Қазақстанның Америка Құрама Штаттарындағы төтенше және өкілетті елшісі болып тағайындалды», – делінген ақпаратта.

Ілиясов Ұлыбритания және Солтүстік Ирландия құрама корольдігіндегі елші, Исландиядағы, Ирландиядағы елші қызметін қоса атқарушы лауазымдарынан босатылды.

Айта кетейік, бұған дейін АҚШ-та елші болған Ержан Ашықбаев Сыртқы істер министрінің бірінші орынбасары лауазымына тағайындалды.

Мағжан Ілиясов туралы не белгілі

Ілиясов 2016-2020 жылдары Қазақстанның Нидерланды Корольдігіндегі төтенше және өкілетті елшісі, Химиялық қаруға тыйым салу жөніндегі ұйым жанындағы тұрақты өкіл болған.

2020-2022 жж...

Трамп пен Зеленскийдің Ақ үйдегі кездесуінде екі тарап бірнеше рет сөз таластырды. АҚШ басшысы Ресей президентімен телефон әңгімесінен кейін, Украина кей аумағын Мәскеуге беру керек деп көндірмекші болған. Халықаралық басылымдар екі лидердің кездесуі жайлы осылай жазады.

The Washington Post  жазуынша, АҚШ-тың арнайы елшісі Стив Уиткофф кездесу кезінде Донбассты Ресейге беру керек екені жайлы айтқан. Ол аймақта негізінен орыс тілді азаматтар тұратынын айтып, Зеленскийді көндірмек болған.

Кездесудің жай-жапсары жайлы басылымға Ақ үйде болған екі жоғары лауазымды шенеунік құпия айтқан. Олардың сөзінше, бір күн бұрын телефонмен болған әңгімеде Ресей басшысы егер соғыс аяқталғанын қаласа, Украинаның Донбасстан толығымен бас тартуы керек...

19 қазан күні таңертең Париждің қақ ортасында орналасқан әйгілі Лувр мұражайында бұрын-соңды болмаған ұрлық жасалды. Бетперде киген төрт адам бар-жоғы жеті минуттың ішінде Наполеон Бонапарт пен француз монархтарына тиесілі асыл тастар мен әшекей бұйымдарды ұрлап кеткен.

Тергеу және алғашқы табылған жәдігер

Париж прокуратурасы «ұйымдасқан ұрлық» және «қылмыстық сөз байласу» баптары бойынша тергеу бастады. Тергеуге мәдени құндылықтардың заңсыз айналымымен күрес жөніндегі арнайы қызмет те қатысып жатыр.

Францияның мәдениет министрі Рашида Дати TF1 телеарнасына берген сұхбатында ұрланған бұйымдардың бірі: патшайым Евгенияның тәжі мұражай маңынан сынған күйінде табылғанын айтты.

«Бұл тәж XIX ғасырдағы тарихи жәдігер. Оның құрамында...

Ресейлік теннисші Даниил Медведев Алматыда өткен ATP–250 санатындағы Almaty Open–2025 турнирінің басты трофейін жеңіп алды. 14-ші нөмірлі спортшы финалда француз Корентен Мутені 7:5, 4:6, 6:3 есебімен ұтып, 160,5 мың доллар ақшалай жүлдені иеленді.

Финалдық матч 2 сағат 36 минутқа созылды. Медведев кездесуде сегіз эйс жасап, бес рет қос қателік жіберді және тоғыз брейк-пойнттің төртеуін тиімді пайдаланды.

26 жастағы Муте финалда бір эйс соғып, бірде-бір қос қателік жасамады және бес брейк-пойнттің үшеуін іске асырды.

Ал жұптық сында француз теннисшілері Тео Аррибаж бен Альбано Оливетти жеңімпаз атанды. Шешуші кездесуде неміс спортшылары Якоб Шнайттер мен Марк Вальнерді 6:4, 7:6 (10:8) есебімен ұтып...