Жаңалықтар

Қазақстандық «Ауру» фильмі премьерадан кейін, цензураға ұшырап, 21+ деңгейі қойылып, кинотеатрда тек 22:00-ден кейін көрсетілетін болады, деп хабарлайды Kursiv.Media.

Режиссер Айтөре Жолдасқали түсірген «Ауру» фильмі 13 қараша күні прокатқа шыққан. Картинада ерлі-зайыптылардың «онкологиядан зардап шеккен» әйелге деп жалған ақпарат таратып, ақша жинауы туралы баяндалады. Басты рөлдерді Ділназ Құрманғали мен Аян Өтепберген сомдаған.

Айтөре Жолдасқали фильмнің цензураға ұшырағанын хабарлады. Бұған қоса, фильмдегі соңғы эпизод қысқартылған.

«Мен үшін ең өкініштісі, фильмнің контекстіндегі маңызды көріністі кесіп тастады. Яғни соңғы эпизодты қысқартты. Ол фильмнің қорытындысын сәл өзгертеді», – деді ол өзінің Telegram арнасында.

Сонымен қатар фильмнің жас...

Kaspi.kz құрылтайшысы әрі басшысы Михаил Ломтадзе елордалық «Жеңіс» футбол клубын сатып алып, Астанада әлемдік деңгейдегі балалар академиясын құруға инвестиция салады, деп хабарлайды Kursiv.Sport.

«Жеңіс» ақпаратына сүйенсек, Ломтадзе футбол клубын президент Қасым-Жомарт Тоқаевтың Қазақстанда футболды дамыту стратегиясы аясында алған.

Ломтадзе Астанадағы «Жеңіс» базасында әлемдік деңгейдегі футбол академиясын құруды жоспарлаған. Академияда жас таланттар тегін жаттығатын болады.

«Менің арманым – Қазақстанда және Англияда ең талантты жас футболшылар, болашақ жұлдыздар тәрбиеленетін әлемдік деңгейдегі кәсіби балалар футбол академиясын құру. Оқыту толығымен тегін болады. Жас спортшылар еліміздің және футболдың отаны – Англияның жетекші мамандарымен жаттығуға мүмкіндік алады. Футбол – көптеген елдерде...

Қарағанды облысында адам өліміне әкеп соққан жол апаты үшін жүргізушіге үкім шығарылды. Ол жеті адамның өліміне кінәлі деп танылып, бес жылға бас бостандығынан айырылды. Сонымен қатар, ер адам жеті жылға көлік жүргізу құқығынан айырылды.

Жол апаты 2025 жылғы 5 шілдеде Алматы-Екатеринбург автожолының 791-ші шақырымында орын алды. Соттың мәліметінше, жүргізуші Kia Sedona көлігін Балқаш бағытында жүргізіп, басып озуға тырысқан.

Жүргізуші жол қозғалысы ережесі мен белгілерін елемей, көлігімен шұңқырға қарай жүріп, көлік қоршауға соғылып өртеніп кеткен. Апат салдарынан Kia Sedona-ның жеті жолаушысы оқиға орнында қаза тапты. Жүргізуші мен тағы бір жолаушы ауруханаға жатқызылды.

Сотта Қылмыстық кодекстің 345-бабының 4-бөліміне сәйкес (екі және...

Астана қаласының әкімдігі «Арыстан» тұрғын үй кешенінде лифт құлағанына байланысты тексеру жұмыстарын бастады. Тұрғын үй кешенінде 16 лифт болған, олардың 6-ы ғана жұмыс істеп тұрған. Қалған 10 лифт жарамсыз деп танылған.

Төтенше жағдай 13 қарашада Мұқан Төлебаев көшесіндегі тұрғын үй кешенінде лифт жөндеу кезінде орын алған.

«Апат салдарынан лифт компаниясының бір қызметкері сол жерде қаза тапты. Зардап шеккен екі адам №1 қалалық ауруханаға жеткізілді», — деп хабарлады қалалық денсаулық сақтау басқармасы.

Ресми мәліметтерге сәйкес, зардап шеккендердің бірі ауыр жағдайда реанимацияда, екіншісі жарақат бөліміне жеткізілді. Екеуі де барлық қажетті медициналық көмекті алады.

Сондай-ақ оқиға туралы...

Қазақстан президенті Қасым-Жомарт Тоқаевтың тапсырмасы әрі Үкіметтің қаулысына сәйкес жойқын жер сілкінісінен зардап шеккен Ауғанстан халқын қолдау мақсатында гуманитарлық көмек жіберілді, деп хабарлайды Kursiv.Media.

Төтенше жағдайлар министрлігінің ақпаратына сүйенсек, Қазақстан мемлекеттік материалдық резервтен дәрі-дәрмектер, медициналық құралдар, төсек-жабдықтар, шатырлар және өзге де қажетті заттарды жөнелткен. Бұған қоса, зардап шеккендерге медициналық көмек көрсету үшін арнайы дәрігерлер тобы жасақталып, жолға шықты. 

«Гуманитарлық жүктің құрамына жалпы салмағы 18 тонна болатын 34 атау енгізілді. Жүк Қазақстан Республикасы Қорғаныс министрлігінің ұшағымен жеткізіліп, гуманитарлық көмек бүгін ауған тарапына табысталады», – делінген хабарламада.

Гуманитарлық көмекті аттандыруға «KazAID» Қазақстандық халықаралық даму агенттіг...

Қожа Ахмет Ясауи атындағы Халықаралық қазақ-түрік университетінде Түркі елдерінен келген жастар білім алып жатыр.

30 жылдан астам уақыт бойы. Жыл сайын бұл оқу ордасына қазақ тілін үйренуге әртүрлі елдерден студенттер келеді.

Ғылым және жоғары білім министрлігіның ақпаратына қарағанда, биыл университеттің Дайындық орталығында Әзербайжаннан келген үшем – Зехра, Эсра және Лала Азизовалар мен Қырғызстаннан келген егіздер – Батма және Зуура Акканалиевалар білім алып жатыр.

Қазақ тілін үйренуді бастағандарына небәрі бір ай болса да, тыңдаушылар еркін сөйлеп, өз ойларын қазақ тілінде жеткізе алады. Дайындық орталығында оқу орданың ішкі гранты негізінде Түркі мемлекеттерінен келген жастар білім алып, қазақ тілімен қатар түрік және...

Биыл жарық көрген деректі фильмдердің ішінде мол эмоция сыйлайтын, құнды дерекке толы, көрермен көңілінен шыққандары аз емес. Әсіресе, жаһандық мәселелерді айшықтап ашып қана қоймай, ерекше ұсына білген режиссерлердің шеберлігін атап өтпесе болмайды. Kursiv.Media тілшісі 2025 жылы шыққан үздік 10 деректі фильмге шолу дайындады.

1. Predators (реж. David Osit)

Не туралы: To Catch a Predator true-crime-шоуына талдау жасалған. Мұнда қылмысты «әшкере» қылатын телевизиялық форматтағы шоудың қалай көпшілік сүйіп қарайтын бағдарламаға айналғаны туралы ғана айтылып қоймай, қатысушылардың тағдыры мен шоудың қоғамға тигізген әсері де талқыланады. 

Кімге қызық болуы мүмкін: медиасын, true-crime, журналист этикасы сынды тақырыпқа қызығатындара ұсынамыз. Себебі фильмді көрген адам тергеу...

Абай облысындағы әйелдер колониясында үйлену тойы өтті. Қамауда отырған 30 жастағы әйел 50 жастағы сүйіктісіне тұрмысқа шықты. Бұл туралы ІІМ сайты хабарлады.

Жас жұбайлар Астанада сот барысында танысқан. Істі қарап жатқан уақытта айыпталушы өзін жайсыз сезініп, жедел жәрдем шақыртылған. Көмекке келген фельдшер сол сәтте жас сотталушыға назар аударған. Содан кейін де байланысын үзбей, моральдық тұрғыдан қолдау көрсетіп отырған.

«Ол тергеу изоляторына барып, хат жазып, кеңес беріп, қиын сәттерде жанынан табылған. Уақыт өте келе олардың арасындағы байланыс шынайы сезімге ұласқан», – деп баяндады махаббат хикаясын polisia.kz.

Фельдшер сүйіктісіне өмірлік серік болуды ұсынып, неке қию...

Астанада БҰҰ 80 жылдығына орай фотокөрме ашылды. Көрмеге бұған дейін жарияланбаған немесе көп жерде кездесе бермейтін тарихи 80 фотосурет қойылған.

Арасында Қазақстан президенті Қасым-Жомарт Тоқаев, елдің бұрынғы президенті Нұрсұлтан Назарбаев пен Қазақстанның халық әртісі Димаш Құдайбергеннің фотосы да бар.

«Фотокөрмеде БҰҰ қызметінің маңызды кезеңдерін бейнелейтін бұрын жарияланбаған немесе кең таралмаған 80 кадр қойылған. Мұнда шынайы эмоция, қажу, шешім қабылдаған сәттерді көруге болады» – дейді ұйымдастырушылар.

Мәселен мына фото 1948 жылы қыркүйекте түсірілген. Мұнда БҰҰ штаб-пәтері құрылысы басталған сәт көрсетілген. Оған бас хатшының міндетін атқарушы Бенджамин Коэн қатысып, құрылысты бастап берген.

1980 жылы түсірілген фото шешек...

Астанадағы көпқабатты тұрғын үйде лифт құлап, бір адам көз жұмып, екеуі ауруханаға жеткізілді.

Денсаулық сақтау басқармасының мәліметінше, елордадағы «Арыстан» тұрғын үй кешеніндегі көпқабатты үйдің лифті үзіліп, сол жерде жөндеу жұмыстарын жүргізіп жүрген бір адам көз жұмып, екі адам ауыр жарақат алған.

«Қайғылы оқиға Төлебаев көшесінде жүргізілген жөндеу жұмыстары кезінде болған. Тағы екі қызметкер №1 көпсалалы қалалық ауруханаға жеткізілген. Бір науқастың жағдайы – орташа ауыр, екіншісінікі – ауыр. Бірі анестезиология, реанимация және интенсивті терапия бөлімінде, екіншісі политравма бөлімінде жатыр. Оларға қажетті барлық медициналық көмек толық көлемде көрсетіліп жатыр», –  делінген хабарламада.

Әлеуметтік желіде тараған бейнежазбада тұрғындар...

Түркістан облысы Жетісай ауданында 10 мектеп жөндеу көрмей тұр. Мамандар ол мектептерде оқу қауіпті дейді. Ал жауапты орындар мәселенің шешілмеуін қаржы бөлінбеуімен байланыстырады.

Жетісай ауданы Көрікті ауылындағы 600 орындық №77 мектептің едені төрт елі шөгіп кеткен. Қабырғалары жарылғаннан арғы беті көрінеді. Төбесінен су кеткен. Мектептің салынғанына 12 жыл болған. Бірақ қазірдің өзінде бірінші қабаты сабақ өтуге жарамсыз деп танылған.

«Мына сыныптың ортасы қазандық сияқты. 30-35 см-ге ортасы кіріп кеткен. Бұл жерде оқушы қалай отырады? Тек бұл сыныпта емес, 1-қабаттың 90 пайызы осы күйде», – дейді ауыл тұрғыны Махамбет Қырбасов.

Тұрғындар «мектеп әу баста сапасыз салынды...

Diversity Visa – DV-2027 лотереясына қатысуға тіркелу қазіргі уақытта жабық тұр. Бұл туралы АҚШ Мемлекеттік департаменті хабарлады.

Ведомствоның мәліметінше, интернетте өтінім қабылдау басталды деген жалған ақпарат көп. Кейбіреулер «жеңу мүмкіндігін арттырамыз» немесе «сауалнаманы кепілдікпен рәсімдейміз» деген уәде тарап жатыр.

Мемлекеттік департамент бұл мәлімдемелердің бәрі шындыққа сай емес екенін атап өтті.

«DV-2027 тіркеуі басталды деген жалған ақпарат. Нәтижеге әсер ете аламыз деп айтқан тұлғалар туралы мәлімет бар. Бұл – шындыққа жанаспайды», – делінген хабарламада.

Тіркеудің ашылу мерзімі мен өтінім беру рәсіміндегі өзгерістер ресми travel.state.gov сайтында жарияланады. Өтінімді тек бағдарламаның ресми порталы – eDV арқылы...

«Ұлттық төлем корпорациясы» (ҰТК) қазақстандықтар шетелде жүргенде QR-кодпен төлем жасау мүмкіндігін енгізіп жатыр. Бұл туралы Central Asia Fintech Summit 2025 аясында «Ұлттық төлем корпорациясы» АҚ басқарма төрағасы Жанар Самаева хабарлады.

Самаеваның айтуынша, бұл қызмет ішкі нарықтағы QR төлемдері секілді жеңіл әрі қауіпсіз болмақ.

«Біз бірнеше мемлекетпен келіссөз жүргізіп жатырмыз. Әсіресе, қазақстандықтар жиі саяхаттайтын елдерге басымдық береміз. Ең қисынды бағыт – Азия елдері», – деді ол.

Мұндай төлем моделі бүгінде Таиланд, Сингапур, Малайзия және Қытайда кеңінен қолданылады. Бұл елдерде бірыңғай QR жүйесі банк карталарына балама ыңғайлы құралға айналған. Қазақстан да дәл осы бағытта алға жылжып...

Журналист Аман Тасыған сазгер Арман Дүйсеновтың жұбайы Айсұлу Айданқызынан сұхбат алды. Марқұмның әйелі жолдасының неден қайтыс болғанын айтып берді.

«Маған Калелхан Иманмәди қоңырау соқты, зауытқа тез жетуімді сұранды.Не боп қалды деп едім, тез жетіңіз жедел-жәрдем келе жатыр деді. Зауытқа жеткенде жедел-жәрдем тұр екен. Ұлым екеуміз фельдшерлермен бірге екінші қабатқа көтерілдік. Сол кезде Арманның бетіп жауып тастаған екен. Не болды деп сұрағанда, жүрегі тоқтап қалған деді. Ешқандай жертөледе болмаған, зауыттың аумағындағы екі қабатты ғимарат», – деді Айсұлу Айданқызы.

Ол марқұм жолдасының зауытта неге жүргенін өзі де білмеген. Ал оған қоңырау соқты деген Калелхан Иманмәди...

Астана мен Бурабай арасында әуе рейсі қосылуы мүмкін. Елорданы курорт аймағымен әуе бағыты арқылы байланыстыру жоспарланып отыр.

Бұл туралы Ақмола облысының әкімі Марат Ахметжанов брифингте мәлімдеді.

Tengrinews ақпаратынша,  Шортанды-Бурабай курорттық аймағы облыстың туристік картасында ерекше орын алады. Наурыз айында 2029 жылға дейінгі даму жоспары бекітіліп, онда туристік, көлік және инженерлік инфрақұрылымды жаңғыртуға басымдық берілген.

Сонымен қатар, әкім туристерге «жай ғана көл жағасындағы демалыстан бөлек әсер ұсынғымыз келеді» деп атап өтті. Осы мақсатта биыл Бурабайда тікұшақпен экскурсия іске қосылған.

Бұдан бөлек, шағын аэродром салып, Астанамен тікелей әуе рейсін ашу көзделіп отыр.

«Қазір Астанамен тікелей әуе қатынасын...

13 мен 14 қарашаға қараған түні футбол жанкүйерлерін нағыз тартысты түн күтеді. Еуропалық аймақтағы 2026 жылғы Әлем чемпионатының іріктеу кезеңінің 5-турында Франция мен Украина, сондай-ақ Ирландия мен Португалия арасындағы ойындар өтеді.

Франция – Украина

Париждегі әйгілі «Парк де Пренс» стадионында өтетін орталық кездесу түнгі сағат 00:45-те (Астана уақытымен) басталады. Тікелей трансляцияны Qazsport арнасынан көруге болады. Бірінші айналымда Дидье Дешам шәкірттері Киевте Украинаны 2:0 есебімен тізе бүктірген еді. Қазір «үш түсті» команда 10 ұпай жинап, D тобында жеңіліссіз келе жатыр және көш бастап тұр.

Ребров баптайтын Украина құрамасы болса, 7 ұпаймен екінші орында. Соңғы ойындарда Исландияны (5:3) және...

Динара мен Тимур Құлыбаевқа тиесілі Халық банк 2025 жылдың алғашқы тоғыз айында шамамен 810 млрд теңге таза пайда тапты. Қазақстандағы ең ірі банк есебі KASE-де жарияланды.

Бұл былтырғы көрсеткіштен шамамен 170 млрд теңгеге артық. 2024 жылғы алғашқы тоғыз айда қаржы мекемесі 639 млрд теңге таза пайда тапқан.

Елдегі ең ірі екінші деңгейлі банкке қаңтар-қыркүйек айларында қызмет көрсету мен комиссиядан шамамен 102 млрд теңге таза табыс түсті. Бұған қоса, шетел валютасымен
операциялар, қаржы активтері және міндеттемелер бойынша таза пайда 142 млрд теңге болды.

Айта кетейік, Halyk Bank тоғыз айда шамамен 173 млрд теңге табыс салығын көлеген. Бұл былтырғы көрсеткіштен шамамен...

«Қазақ Аруы – 2025» ұлттық сұлулық байқауының финалы, бүгін, 13 қараша күні сағат 19:00-де Алматыдағы Республика сарайында өтеді. Еліміздің әр өңірінен іріктелген 20 ең сұлу, ең өнерлі финалист тәж үшін өзара бақ сынайды. Кештің тікелей эфирін көрермендер BM Production YouTube арнасынан тамашалай алады.

Қалай дауыс беруге болады?

13 қараша күні сағат 19:00-де финалдың басталуымен бірге онлайн дауыс беру де іске қосылады. Дауыс беру тек ресми арналар арқылы жүргізіледі:

1-тәсіл. Сайт арқылы

2-тәсіл...

Қазақстан Үкіметі мал шаруашылығы саласында агробизнесті қолдау мен дамытудың 2026-2030 жылдарға арналған кешенді жоспар жобасын әзірлей бастады. Бұл туралы Үкімет басшысы Олжас Бектеновтің депутаттарға берген жауабында жазылған.

Құжат Мемлекет басшысының 2025 жылғы 8 қыркүйектегі Қазақстан халқына Жолдауында берілген тапсырмасын орындау мақсатында әзірленіп жатыр.

Құжат нені көздейді

Олжас Бектеновтің сөзінше, кешенді жоспар жобасында мал шаруашылығының барлық бағыттарын қолдау мен дамыту шаралары көзделген. Олардың қатарында асыл тұқымды мал сатып алуға жеңілдетілген және ұзақ мерзімді кредит беру, «Даму» қоры арқылы кепілдендіру тетігін енгізу (қамтамасыз ету деңгейі 80 пайызға дейін), салалық қызметкерлердің отбасылары үшін әлеуметтік жағдай жасау, дәстүрлі жайылымдық пайдалану жүйесін...

Түркістан облысы Төле би ауданы Ленгір қаласындағы түрмеге телефон кіргізбек болған жүргізуші ұсталды. Оны мекеме қызметкерлері мен әскерилер құрықтады.

Шымкент қаласы және Түркістан облысы бойынша қылмыстық-атқару жүйесі департаменті баспасөз қызметінің дерегінше, күдіктіден 10 телефон мен телефон қуаттағыштары және 10 CIM карта тәркіленген.

«Заңбұзушылық жедел бағыт бойынша анықталды. Әскерилер мен мекеме қызметкерлері тексеру кезінде телефондар мен оның қуаттағыштарын жүргізуші көлігінен, нақтырақ айтқанда, көліктегі құрылыс материалдарының арасынан тапқан. Ұсталған жүргізушіге Әкімшілік кодекстің «Қылмыстық-атқару жүйесiнің мекемелерiнде, арнаулы мекемелерде ұсталатын адамдарға тыйым салынған заттар, бұйымдар мен нәрселер беру» бабымен шара қолданылады», – дейді департаменттің баспасөз қызметкері Ұлан Әбибулла.

Оны...

Астанада «Этика, иман және жасанды интеллект: цифрлық қоғамдағы діни қызметкерлердің рөлі» тақырыбында дін қызметкерлеріне арналған семинар өтті.

Іс-шараны Дін істері жөніндегі басқармасының қолдауымен «QAMQOR-ASTANA» қоғамдық қоры ұйымдастырған.

«Бұл семинар имамдар мен дін саласында оңалту жұмыстарымен айналысатын теологтарға арналған. Қазір ЖИ құралдарын меңгеру маңызды. Бүгін медиа саласында жасанды интеллектті пайдалану, ақпараттың шынайылығын тексеру және ЖИ қолданудағы этикалық қағидаттар талқыланады», – деді «QAMQOR-ASTANA» қорының теологы Дастан Сақан.

Семинар барысында 30-дан астам дін маманы жасанды интеллектті діни және ағартушылық қызметте тиімді пайдалануды үйренеді.

Іс-шараға Астана қаласы Дін істері жөніндегі басқармасының діни бірлестіктермен жұмыс бөлімінің басшысы...

Freedom Bank басқарма төрайымы Гүлфайруз Ахметова Қазақстан барлық Орталық Азия елдеріне ортақ бірыңғай QR жүйесін құра алатынын мәлімдеді. Оның айтуынша, мұндай бірыңғай QR енгізу туристер мен кәсіпкерлер үшін ыңғайлы болмақ.

Central Asia Fintech Summit аясында Қазақстанда ресми түрде бірыңғай банкаралық QR іске қосылды. Гүлфайруз Ахметованың айтуынша, өздерінің банкі өз QR төлем жүйесін бұған дейін-ақ іске қосқан, өйткені мұндай сервис – әлемдік тренд.

«Менің ойымша, Қазақстанда бүкіл Орталық Азия үшін бірыңғай QR жүйесінің орталығы әрі бастамашысы болуға толық мүмкіндік бар. Біз Оңтүстік-Шығыс Азияны мысал ете аламыз: Сингапур мен Таиланд 2017-2018 жылдардан бастап бірыңғай QR жүйесін қолданып келед...

Жоғары аудиторлық палатаның (ЖАП) нұсқамаларын орындамағаны немесе тиісінше орындамағаны үшін 18 лауазымды тұлға мен 4 мемлекеттік орган әкімшілік жауапкершілікке тартылды. Бұл жайлы ведомствоның баспасөз қызметі хабарлады.

Істі болғандар қатарында:

» Жоғары аудиторлық палата нұсқамаларының 4 тармағын орындамауға байланысты Ұлытау облысының Жезқазған, Сәтбаев қалалары мен Ұлытау ауданының әкімдіктеріне қатысты сотқа талап қою бастамасы көтерілді. Мәселелер қаралу сатысында», – деп хабарлайды ұйымның баспасөз қызметі.

Сондай-ақ Медициналық және фармацевтикалық бақылау комитеті төрағасының міндетін атқарушы, «Семей» әлеуметтік-кәсіпкерлік корпорациясының қызметкерлері, бірнеше облыс басқармалары мен...

Жапония астанасы Токионың жер асты барларының бірінде аяқ қолы балғадай қыздар өнер көрсету сәнге айналды. Бұл туралы Reuters хабарлады.

Спорттық төстартқыш пен тар шолақ шалбар киген қыздар бір мезетте грейпфрутты жалаң қолымен мыжып, өздерінің шымыр денесін көрсетіп, келушілерді таңдай қақтырды.

Ырғақты музыка, неон шамдар мен қызғылт фон – мұның бәрі фитнес тақырыбындағы Muscle Girls («Бұлшық етті қыздар») барында ерекше атмосфера тудырды. Әлеуметтік желіде бұл орын хитке айналды.

Бардың менеджері Хитоми Харигэ былай дейді:

«Жапонияда әдетте адамдар нәзік, арық, ұсақ денелі әйелдерді әдемі деп санайды. Бірақ бізге келетін қонақтардың көзқарасы мүлде басқа».

2020 жылды...