Жаңалықтар

Қазақстандағы микроқаржы ұйымдарының (МҚҰ) таза пайдасы 2025 жылдың алғашқы алты айында 1,6%-ға төмендеп, 49,5 млрд теңгені құрады. Бұл көрсеткіш өткен жылдың сәйкес кезеңінде 50,3 млрд теңге болған. Бұл туралы Қаржы нарығын реттеу және дамыту агенттігінің есебінде жазылған.

Статистикаға сәйкес, сектор активтері қаңтардан бері 13%-ға өсіп, 1,93 трлн теңгеге жетті. Несие портфель де осындай деңгейде ұлғайып, 1,52 трлн теңгені құрады.

Сонымен бірге, несие сапасына қатысты тәуекелдер байқалады. Төленбегеніне 3 айдан асқан қарыз көлемі алты айда 18,3%-ға өсіп, 101 млрд теңгеден 109 млрд теңгеге жеткен.

Жалпы уақытынан кешіктірілген қарыз көлемі 295,6 млдр теңгеден 348,3 млрд теңгеге жеткен.

Салада құрылымды...

Алматы тұрғындарын ауызсумен толық қамту үшін 3 жаңа су қабылдау нысаны салынады. Бұл туралы өңірлік коммуникациялар қызметінде өткен жиында әкім орынбасары Алмасхан Сматлаев айтты.

Сматлаевтың айтуынша, қазіргі уақытта «Ақсай», «Ерменсай» суқабылдау нысандары салынып, ал «Барлық» су қабылдау нысаны жобаланып жатыр. Үш нысан қаланың 245 мыңнан астам тұрғынын ауызсумен қамтамасыз етеді.

Бұдан бөлек, ұзындығы 34,9 шақырымға жететін Батыс коллекторының құрылысы жүріп жатыр. Нәтижесінде Алатау және Наурызбай аудандарының 150 мың тұрғыны орталықтандырылған кәріз жүйесіне қосылады.

Жылу желілері де жаңғыртылуда

Қалада осы жылы 37 шақырым құбыр жаңартылып, 17 коммуналдық қазандық реконструкцияланған. Сонымен бірге электр және газ желілері де жаңғыртылып...

2025 жылғы ең қуатты тропикалық циклон – Рагаса супертайфуны сәрсенбі, 24 қыркүйек күні Гонконгқа дауыл мен нөсер жауын алып келді. Ал Тайваньда табиғат апатынан қаза тапқандар саны артты. Бұл туралы Kursiv.Media Reuters мәліметіне сүйене отырып хабарлайды.

Агенттіктің мәліметінше, супертайфун салдарынан Тайваньда 14 адам қаза тапты. Тағы 124 адам із-түссіз жоғалды. Елдің құтқару қызметі сәрсенбі күні елдің шығысындағы Хуалянь өңірінде орналасқан су қоймасы арнасынан асып кеткенін хабарлады.

Гонконг билігі тұрғындарға үйден шықпауға кеңес берді. Азиядағы қаржы орталығының шығыс және оңтүстік жағалаулар бойындағы тұрғын үйлерді су басты. Қаланың халықаралық әуежайы орналасқан аудан да су астында қалды.

Супертайфун Қытайдың...

11–19 қазан аралығында Алматы Аренада әлемдік теннистің үздіктері бас қосатын Almaty Open ATP 250 халықаралық турнирі өтеді. Бұл – ТМД аумағындағы жалғыз ATP 250 деңгейіндегі жарыс.

14 қазанда сағат 18:20-да турнир аясындағы шоу бағдарламасында арнайы қонақ — Қазақстанның мақтанышы Димаш Құдайберген сахнаға шығады. Сонымен қатар турнир күндері күн сайын қонақтар үшін Ninety One, Alem, M’dee, Қайрат Нұртас, Мирас Жүгінісов және ILHAN өнер көрсетеді.

Әлемдік жұлдыздар Алматыда

Кәсіби теннисшілер қауымдастығы (ATP) жарысқа қатысатын спортшылардың тізімін жариялады. Көшті әлемнің 10-ракеткасы, өткен жылғы Almaty Open чемпионы Карен Хачанов бастайды. Сондай-ақ Қазақстан кортында Даниил Медведев (18), Александр Бублик (19), Флавио Коболли...

Атырау облысында алғаш рет сталкинг бабы негізінде қылмыстық іс қозғалды. Бұл туралы жергілікті «Ақ Жайық» хабарлады.

Құрманғазы ауданында күдікті ауыл тұрғынын аңдып, үйінің ауласына кіріп, терезеден қараған әрі бейәдеп әрекеттер жасаған. Оның ішінде аулада ішкиімсіз жүрген. Оқиға бейнебақылау камераларына түсіп, кейін мессенджерде тараған.

Бұл жағдай 19 қыркүйекте болған. Алғашында іс «ұсақ бұзақылық» ретінде бағаланып, құқық бұзушы 60 сағат қоғамдық жұмысқа тартылған. Алайда қосымша дәлелдер ұсынылғаннан кейін оның әрекеті қылмыстық кодекстің жаңа 115-1-бабы «Сталкинг» бойынша қайта сараланды.

Айта кетейік, сталкингке қатысты бап 16 қыркүйектен бастап күшіне енді. Ол бойынша 200 АЕК-ке дейін (780 мың теңгеден астам) айыппұл салу, түзеу...

Түркістан облысы Сайрам ауданы Қарабұлақ ауылдық округінде мал бордақылау орталықтары бар. Одан шыққан қан мен сойылған малдың ішек-шабағы, басы,терісі мен тұяғы сияқты қалдықтары 3 жылдан бері ауыл шетіндегі арнайы орынға тасталады. Ал одан шыққан иіс айналасындағы бірнеше ауылға тарайды. Қолқаны қабатын иістен ауыл тұрғындары мезі болған. Олар қоқыс алаңын жабуды талап етеді.

Ауыл маңындағы полигон

Түркістан облысы Сайрам ауданы Қарабұлақ ауылы мен Көлкент ауылының тұрғындары мүңкіген иістен мезі болған. Ділмұрат Райымқұловтың айтуынша, ауыл шетіндегі полигонға сойылған малдың қаны мен терісі, басы пен тұяғы тасталады. Одан шыққан иістен демалу мүмкін емес.

«2-3 жылдың ішінде ауылда...

Қазақстандағы активтері бойынша төртінші ірі банк – ForteBank Home Credit Bank-тің 26,8% акциясын сатып алды. Бұл ақпарат AIX алаңында жарияланған құжатта көрсетілген. Алғаш болып бұл дерекке Telegram-арна авторы Арман Батаев назар аударды.

Құжатта «ForteBank акционерлік қоғамы Home Credit Bank-тің орналастырылған және дауыс беретін акцияларының 26,8%-ын сатып алды» делінген.

23 қыркүйекте Home Credit Bank-тің ForteBank-ке сатылғаны белгілі болды. Алайда KASE жариялаған құжатта ForteBank үлесінің нақты көлемі көрсетілмеген еді.

Бұған дейін маусым айында ForteBank Home Credit Bank-тің 100% акциясын сатып алу туралы алдын ала келісімге қол жеткізгенін хабарлаған. Ал 13 қыркүйекте Қаржы нарығын реттеу және...

Алматының биік таулы аймақтарында түнде алғашқы қар түсті. Онлайн-камералар арқылы Богданович мұздығында, «Шымбұлақ» тау-шаңғы курортының орта станциясында түсірілген кадрларда 3200 метр биіктіктегі шыңдардың қарға оранғаны анық көрінеді.

Синоптиктер бұған дейін Алматы облысының таулы аймақтарында түнде жауын-шашын түсетінін ескерткен болатын. Кейбір жерлерде қар аралас жаңбыр жауады деп болжанған.

Ал еліміздің батысы мен солтүстік-батысында антициклон ықпалымен ауа райы жауын-шашынсыз болады.

Үкімет 15 жыл бұрын Қызылағаш ауылын шайып кеткен плотинаны толығымен жаңғыртты. Бұл туралы Су ресурстары және ирригация министрлгінің баспасөз қызметі хабарлады.

«Биыл Су ресурстары және ирригация министрлігі Жетісу облысындағы Қызылағаш су қоймасының реконструкциясын аяқтады», – делінген баспасөз хабарламасында.

Су қоймасының су тасқыны кезінде пайдаланатын апатты суды жіберуге арналған каналы нығайтылып, су қабылдайтын жаңа торап салынған.

Бұдан бөлек апатты жағдайда автоматты түрде қоймадағы су көлемінен хабар беретін заманауи бақылау датчиктері орнатылған. Бұл датчиктер көмегімен автоматты түрде мониторинг жүргізіліп отырады және хабарландыру жүйесі де қосылған.

Жалпы су қоймасының сыйымдылығы 42,6 млн текше метрд...

Атырау, Павлодар, Шымкент мұнай өңдеу зауыттары жаңғыртылып, 2040 жылға дейін өңделген мұнай көлемі 18 млн тоннадан 39 млн тоннаға жетпек. Бұл туралы Энергетика министрі Ерлан Ақкенженовтің зауыт директорларымен кездесуі барысында айтылды.

Жиында 2040 жылға дейін мұнай өңдеу саласын дамыту тұжырымдамасы аясында өндіріс қуатын арттыруға бағытталған жобаларды жеделдету мәселесі қаралды. Министрдің айтуынша, Үкімет бекіткен құжатқа сәйкес, елімізде мұнай өңдеу көлемі жылына 18 млн тоннадан 39 млн тоннаға дейін ұлғаймақ.

Шымкент МӨЗ-інде қуаттылықты 6 млн тоннадан 12 млн тоннаға дейін жеткізу үшін шетелдік серіктестермен бірлескен жоба іске қосылады. Осы мақсатта Бейжіңде CNPC компаниясымен келіссөздер жүргізу жоспарланған.

Павлодар МӨЗ-інің қуатын...

Ұлттық банк (ҰБ) сынақ алаңы аясында теңгеге байланған стейблкоин шығару бойынша пилоттық жобаны іске қосты. Бұл туралы Kursiv.Media ҰБ мәліметіне сүйене отырып хабарлайды.

Қадағалаушы мекеме мәліметінше, стбейлкоин Intebix компаниясы (АХҚО-да тіркелген цифрлық активтер биржасы) Solana (халықаралық блокчейн-платформасы), Mastercard (халықаралық төлем жүйесі) серіктестерімен және Еуразиялық банкпен бірлесіп іске қосты.

«Теңгемен отандық стейблкоинді іске қосу цифрлық инновациялық шешімдерді дәстүрлі қаржы инфрақұрылымымен біріктіріп, крипто-фиат каналын кеңейтудің жаңа мүмкіндіктерін ашады. Криптовалютаны теңгемен қамтамасыз етілген стейблкоинге айырбастауға және криптокарталарды пайдалана отырып сауда операцияларын жүргізуге мүмкіндік туады», – деп хабарлады ҰБ.

Бұл жоба инновациялық цифрлық құралдар мен Қазақстанның цифрлы...

Қазақстанда 25 қыркүйектен бастап 2011 жылғы үлгідегі 5000 теңгелік банкноттар заңды төлем құралы ретінде айналымнан шығарылады.

24 қыркүйекке дейін бұл купюралар жаңа үлгідегі банкноттармен қатар қолданыста болып, дүкендер мен қызмет көрсету орындарында қабылдануға міндетті болды.

Ұлттық банк хабарлағандай, 25 қыркүйектен кейін ескі купюраларды мынадай тәртіппен айырбастауға болады:

Айта кетейік, жаңа үлгідегі 5000 теңгелік банкноттар 2023 жылдың соңында айналымға енгізілген болатын. Келер жылы тағы бірнеше банкнот айналымнан шығатынын жазған едік.

АҚШ президенті Дональд Трамп Украина Ресей басып алған жерлерді ЕуроОдақтың көмегімен қайтара алады деп есептейді. Бұл туралы ол өзінің Truth Social әлеуметтік желісіне жазды.

«Украина мен Ресей арасындағы әскери және экономикалық жағдайды біліп, түсініп, сонымен бірге мұндай жағдайдың Ресейге жасап отырған экономикалық проблемаларын көріп, мен Украина Еуропа Одағының қолдауымен, бүкіл украин жерлерін қайтара алады деп ойлаймын. Уақыт өте келе, төзімділікпен, Еуропаның, соның ішінде НАТО-ның қаржылай қолдауымен, соғыс басталған бастапқы шекараларын қайтаруы мүмкін», – деп есептейді Трамп.

Құрама Штаттар президенті Ресейдің үш жарым жыл бойы «мақсатсыз» соғысып жатқанын атап өтті.

«Путин...

Президент Қасым-Жомарт Тоқаев БҰҰ Бас Ассамблеясы 80-ші сессиясында Қазақстанның халықаралық қауіпсіздікке қатысты ұстанымын білдіріп, әлемдегі күрделі жағдайларға тоқталды.

Президенттің айтуынша, Қазақстан Украина төңірегіндегі ұзаққа созылған дағдарысқа алаңдаулы. Бұл тек аймаққа ғана емес, бүкіл дүниежүзілік тұрақтылыққа ауыр соққы болып отыр.

Соған қарамастан, қақтығысты шешудің жолы – тек келіссөздер. Екіжақты және халықаралық дипломатиялық күш-жігер жалғаса беруі тиіс. Мұнда саяси икемділік қажет. Бұл – екі тараптың да ұзақмерзімді мүдделеріне сай, — деді Тоқаев.

Мемлекет басшысы территориялық даулардың ешқашан оңай шешілмейтінін, мұндай жағдайда ұстамдылық пен жауапкершілік қажет екенін атап өтті.

Гуманитарлық дағдарыс пен Таяу Шығыс

Тоқаев...

Киев Мәскеуге Украина президенті Владимир Зеленский мен Ресей басшысы Владимир Путиннің кездесуін Қазақстанда өткізуді де ұсынған. Бұл туралы Kursiv.Media Fox News телеарнасы мәліметіне сүйене отырып хабарлайды.

Владимир Зеленский америкалық телеарнаның Special Report бағдарламасына сұхбат берді. Ол жүргізуші Брет Байерге Украина, батыс елдері және Туркия Ресейге Зеленский мен Путин саммитін Қазақстанда да өткізуді ұсынғанын айтты.

«Біз кездесуді Түркия, Сауд Арабиясы, Катар, Еуропаның Австрия мен Швейцария секілді бейтарап елдерінде өткізуді ұсындық. Біз оған: «Егер сіз Қазақстанда сияқты елде кездескіңіз келсе, біз дайынбыз» дедік. Бары осы», – деп түсіндірді Зеленский.

Путин жоғары...

Экономиканың өсімі мен құрылымдық өзгерістерін бағалауда негізгі капиталға салынған инвестициялар (НКСИ) ерекше рөл атқарады. Бұл көрсеткіш елдің өндірістік әлеуетін жаңғыртуға, жаңа жұмыс орындарын ашуға және ұзақ мерзімді даму бағытын айқындауға ықпал етеді. Қазақстан үшін бұл тақырып әсіресе маңызды, себебі ел экономикасы шикізатқа тәуелділіктен арылып, индустрияландыру мен цифрлық трансформацияға бет бұрған кезеңде тұр.

Инвестиция қай өңірде аз?

Қазақстан экономикасының болашағын айқындайтын басты көрсеткіштердің бірі – негізгі капиталға салынған инвестициялар (НКСИ). Бұл тек сандар емес: жаңа зауыттар, жолдар, мектептер мен жұмыс орындары – бәрі осы көрсеткіштің артында тұр. Инвестиция қай жаққа ағылып жатыр? Кім көшбасшы, ал қай өңір әлі де...

Қасым-Жомарт Тоқаев БҰҰ Бас Ассамблеясы 80-ші сессиясында 22 сәуірді Халықаралық жер шарын көгалдандыру күні деп жариялайтын қарар қабылдауды ұсынды.

Президенттің айтуынша, Орталық Азияда ауа температурасы әлемдегі орташа көрсеткіштен екі есе жоғары. Алатау мұздықтары тез ери бастады, бұл миллиондаған халықтың су және азық-түлік қауіпсіздігіне қатер төндіреді. Тоқаев Арал теңізінің жағдайы туралы да айтып, теңіздің солтүстік бөлігін сақталғанына тоқталды.

Одан бөлек Каспий теңізі де күннен күнге тартылып бара жатқанын айтты.

«Бұл бір өңірдің ғана проблемасы емес, жаһандық деңгейде дабыл қағатын мәселеге айналды», – деді Тоқаев. Сондай-ақ халықаралық қоғамдастықты Каспийдің су қорын сақтау үшін жедел шараларды бірлесе қабылдауға...

Қазақстан ядролық қарусыздану және жаппай қырып-жою қаруын таратпау жөніндегі жаңа диалогқа дайын. Бұл туралы мемлекет басшысы Қасым-Жомарт Тоқаев БҰҰ Бас Ассамблеясы 80-ші сессиясында айтты.

Президенттің сөзінше, 2024 жылы дүние жүзінде әскерді жарақтандыруға кеткен шығын 2,7 триллион долларды құрады. Бұл – рекордтық көрсеткіш. Ал жаһандағы зорлық-зомбылықтан келген залалдың шығыны 20 триллион долларға жуықтады. Сондықтан әлемдегі қауіпсіздік архитектурасын қайта қалпына келтіру халықаралық қоғамдастық үшін ең басты басымдық болуға тиіс.

«Біз ядролық қару қолдану қаупін күрт азайтуды, ядролық державалар арасындағы жоғары деңгейдегі диалогты қайта бастауды қолдаймыз, көпжақты әрекеттің жандануына күш салуымыз керек деп санаймыз. Кең көлемде алып қараса...

Қасым-Жомарт Тоқаев БҰҰ Бас Ассамблеясы 80-ші сессиясының Жалпы дебатында сөз сөйледі. Президент Бірікккен ұлттар ұйымын жан-жақты реформалауға тоқталды.

«Бізге БҰҰ-ны реформалау жөнінде нақты ұсыныс әзірлейтін жоғары кәсіби және оны еш ойланбастан алға жылжытатын пікірлестер тобын құру қажет. Ұйым бүгінгі сын-қатерлерге және ертеңгі міндеттерге сай болуы керек. Біріккен Ұлттар Ұйымын жаңғыртуды көздейтін мұндай батыл әрекет Қауіпсіздік кеңесін реформалаудан басталуға тиіс. Қауіпсіздік Кеңесінің құрамына Азия, Африка және Латын Америкасындағы ірі елдердің өкілдері ротация тәртібімен ұсынылуы керек. Сонымен қатар Қазақстан жауапкершілігі бар орта державалардың үні БҰҰ Қауіпсіздік Кеңесінде барынша анық естілуі қажет деп санайды», – деді Қазақстан президенті.

Тұрсынбек Қабатов «массажға барып, полиция рейді барысында ұсталды» деп кейбір БАҚ таратқан ақпаратты жоққа шығарды.

Оның айтуынша, әртіс қазір Алматы қаласындағы іс-шаралардан қолы тимей жатыр.

«Армысыңдар ағайын! Кейбір сайттарда «Тұрсынбек бір массажға барды дей ме, рейд барысында дей ме», сондай бір ақпарат тарап жатыр. Бұл – өтірік ақпарат. Сенбеулеріңізді сұраймын. Мен ешқайда барған жоқпын, еш жерде ұсталған жоқпын. Концерт берер алдында, менің аяғымнан біреулердің шалып жатқаны шығар», – деді Тұрсынбек Қабатов.

Оның сөзіне қарағанда, әртіс қазір Алматы қаласында жүр. Он бес күннен бері осы шаһарда тұрып жатыр.

«Ешқандай Манхэттен деген жерді білмейді екенмін. Ешқандай...

24 қыркүйектегі ауа райы туралы синоптиктер болжам жасады. Қазақстанның көптеген өңірінде толассыз жаңбыр жауады.  

Кей жерлерде найзағай ойнайды. Батыс пен оңтүстікте екпінді жел соғып, түнде және таңертең тұман түсуі мүмкін.

Сәрсенбі, 24 қыркүйекте, Қазақстан аумағында атмосфералық фронттардың өтуіне байланысты ауа райы жауын-шашынды болып қалады.

Батыс пен оңтүстік өңірлерде жаңбыр найзағаймен қатар жүреді.

Оңтүстік-шығыста қатты жаңбыр күтіледі. Ал таулы аймақтарда түнде кей жерлерде жаңбыр қарға ұласуы ықтимал.

Елдің басым бөлігінде жел күшейіп, түнде және таңертең тұман түседі.

Температура біртіндеп көтеріледі. Күндізгі ауа температурасы Қазақстанның көпшілік аймағында +20…+28 °C дейін жылы болады.

Шығыста күндізгі температура +10…+15 °C-тан +15…+25 °C дейін көтеріледі.

KEGOC Қазақстандағы алғашқы атом электр станциясының құрылысын ескере отырып, электр желілерін жаңғыртуды бастады.

Бұл туралы компанияның стратегия және тұрақты даму жөніндегі басқарушы директоры Эльвира Қонақбаева Kursiv Infrastructure Forum аясында айтты.

Оның айтуынша, Қазақстанның солтүстігі мен оңтүстігін байланыстыратын желілердің өткізу қабілеті 2035 жылға дейін жаңа станциялар есебінен артады. Қазірдің өзінде кейбір жобалар іске асырылып жатыр. Мәселен, 2027 жылға дейін оңтүстік аймақтың желілері қосымша 440 МВт қуат алмақ.

Сондай-ақ KEGOC батыс өңірдің энергия жүйесін елдің бірыңғай электр жүйесіне қосуды қолға алды. Бұл жұмыс аяқталғанда, өткізу қабілеті 500 МВт-қа өсіп, Маңғыстау мен Атыраудағы тұрақсыздық мәселелері азаяды.

2025 жылы жаңартылатын энергия көздерінің (ЖЭК...

Қазақстанда 2025 жылдың қаңтар-тамыз айларында 1,34 трлн теңге болатын 96 мыңнан астам автомобиль өндірілді.

Өндіріс көлемі өткен жылмен салыстырғанда 17,3%-ға артты.

20%-ға жоғары

ҚР Ұлттық статистика бюросының дерегінше, тамыз айында Қазақстандағы зауыттар жалпы құны 178,2 млрд теңге болатын 12 944 автомобиль құрастырды. Бұл көрсеткіш былтырғы кезеңмен салыстырғанда 20%-ға жоғары.

Жалпы сегіз айдың қорытындысы бойынша елде құны 1,34 трлн теңге болатын 96 203 автомобиль өндірілді. Бұл – өткен жылмен салыстырғанда 17,3%-ға өсім. Машина жасау саласында автоөнеркәсіптің үлесі – 40,6%.

Алғашқы партия конвейерден түсті

 «Автоөнеркәсіп дамып келеді. Қазір бұл салада тоғыз өндіруші жұмыс істейд...

«Қазақстан Темір Жолы» компаниясы Достық – Мойынты теміржол бағытының екінші жолдарын кезең-кезеңімен іске қосуды жоспарлап отыр. Бұл Қытай мен Еуропа арасындағы жүк транзитін арттыруға мүмкіндік береді. Бұл туралы «ҚТЖ» құрылыс жөніндегі басқарушы директоры Марат Есқалиев Kursiv Infrastructure Forum барысында мәлімдеді.

«Достық – Мойынты учаскесінде жүк қозғалысы біртіндеп, учаскелер бойынша іске қосылып жатыр. Биыл құрылыс толық аяқталады деп жоспарлап отырмыз. Басты міндетіміз – осы екінші жолдарды транзиттік пойыздар қозғалысына пайдалану мүмкіндігін беру, өткізу қабілетін арттыру», – деді ол.

Оның айтуынша, бұл ауқымды жоба қазақстандық компанияның қатысуымен жүзеге асырылуда, ал жергілікті қамту деңгейі 85%-ды құрайды. Атап айтқанда...