Жаңалықтар

Белгілі саясаткер Заманбек Нұрқаділов экс-президент Нұрсұлтан Назарбаевқа тарту еткен суретші Мақсат Бексұлтанның картинасы «далада қалған», деп хабарлайды Kursiv.Lifestyle.

Ақпаратты Фейсбук парақшасында журналист Жұлдыз Төлеу таратты. Айтуынша, Заманбек Нұрқаділов Мақсат Бексұлтанның «Аңырақай шайқасы» картинасын сатып алып, Нұрсұлтан Назарбаевтың туған күніне сыйлаған. Картина Астанадағы «қазіргі тұңғыш президент» музейінде сақталған. Алайда Нұрқаділов оппозицияға кетіп, жұмбақ жағдайда қайтыс болғаннан кейін картина мұражайдың жәдігерлер есебінен шығарылып тасталған.

«Картинамның жағдайы не боп жатыр екен деп алаңдап, әдейілеп іздеп Астанаға, сол мұражайға бардым. Картинам жоқ. Архивтен де іздедім, табылмады. Кейін мұражайдың бір қызметкері маған «ол картинаны мұражайдың жәдігерлер есебінен шығарып тастады...

Offside сериалының продюсері әрі басты рөлдегі актер Рүстем Омаров сериалдың шықпай қалуына байланысты пікір білдірді, деп хабарлайды Kursiv.Media.

Омаровтың айтуынша, оқиға депутат Құдайберген Бексұлтановтың «Сәке», «Прокурор» сериалдарына қатысты пікір білдіргенінен басталған. Бексұлтанов осы сериалдарда боқауыз сөздердің көп екендігі туралы айтқан.

Актердің сөзінше, оның Instagram парақшасы мен сериалдың Youtube-каналы блокқа түскен.

«300 мыңға жуық адам YouTube-арнамызға жазылған еді. Оның да неліктен бұғатталып қалғанын білмеймін. Қазір жөндеуге тырысып жатырмыз. Бірақ бұл қорқынышты емес. Шешуге болатын мәселе. Басқа Youtube-арна ашып аламыз. Егер оған да бірнәрсе болса, DVD немесе видео-касетада шығара береміз. Сондықтан қорықпаңдар сериалды міндетті түрде шығарамыз...

Бірінші футбол лигасында ойнайтын «Хан Тәңірі» клубының ойыншысы Диас Төлеу матч кезінде есінен танып, ойын алаңында қайтыс болды, деп хабарлайды Kursiv.Media.

Ақпаратты Қазақстан футбол федерациясы растады. Федерация құзырлы органдармен бірлесіп, арнайы комиссия құрып, тексеру жүргізбік. Оқиғаның мән-жайын білу үшін Федерация бас хатшысы Давид Лория мен клубтар арасындағы жарыстар дирекциясының басшысы Бақытжан Пазылхайыр Алматы қаласына шұғыл аттанған.

«Қазақстан футбол федерациясы марқұмның отбасы мен жақындарына, сондай-ақ командасына қайғыра көңіл айтады. Бұл – қазақстандық футбол қауымдастығы үшін ауыр әрі орны толмас қайғы», – делінген хабарламада.

Әзірге федерация марқұмның отбасына құрметпен қарап, расталмаған ақпарат таратпауға шақырды. Қосымша...

Қазақстандықтар көлік сатып алмас бұрын лизингке жүгіне алады. Яғни көлікті алдымен жалға алып, кейін өз атына жаздыру мүмкіндігі ұсынылады, деп хабарлайды Kursiv.Media.

Лизинг қызметін ұсыну туралы Үкімет бастама көтерді. Шешім халықтың автокөлік сатып алуын жеңілдетпек.

«Отандық автоөндірушілер мен екінші деңгейлі банктер халықтың жеңіл автокөлік сатып алуын қаржыландыру бағдарламаларын одан әрі жалғастырады. Жеке тұлғаларға жеңіл автокөлік сатып алу бойынша лизинг тетігі енгізіледі. Бұл азаматтардың автокөлік сатып алу мүмкіндіктерін кеңейтуге бағытталған», – делінген Үкімет хабарламасында.

Бұл шара президент Қасым-Жомарт Тоқаевтың тапсырмасы бойынша қабылданған. Шара макроэкономикалық тұрақтылықты қамтамасыз етуге және экономикалық реформалардың теріс салдарын жеңілдетуі тиіс...

Үкімет коммуналдық қызмет тарифі 2026 жылдың көктеміне дейін қымбаттамайтынын жария етті. Бағаның өсуін тежеу коммуналдық қызметтерді жеткізушілердің шығындарын қысқарту есебінен қамтамасыз етілетін болады, деп хабарлайды Kursiv.Media.

Бұл ретте ТКШ объектілеріне жоспарланған барлық жөндеулер мерзімінде өтуі тиіс. Аз қамтылған отбасылар үшін тұрғын үй көмегі бағдарламасы сақталады.

Сонымен қатар тұрақтандыру қорлары әлеуметтік маңызы бар азық-түлік тауарларының бағасын ұстап тұру үшін фермерлерді қолдау үшін көбірек қаражат алады.

Бұл шешім президент Қасым-Жомарт Тоқаевтың тапсырмасы аясында Үкімет қабылдаған бірнеше шараның қатарына еніп отыр. Осыған дейін бензин мен дизель бағасын қымбаттатуға мораторий жарияланғанын жазған едік.

Үкімет ҚҚС бойынша есепке қою шегінен асқан салық төлеушілерді әкімшілік жауапкершілікке тартпайтын болды. Сондай-ақ салық әділет органдары шағын және орта бизнеске камералдық және салықтық тексеру жүргізбей-ақ, оңайлатылған тәртіппен есептен шығару науқанын өткізеді, деп хабарлайды Kursiv.Media.

«Жаңа Салық кодексінің шағын және орта бизнес қызметіне теріс әсерін азайту мақсатында оңайлатылған декларация негізіндегі арнайы салық режимін қолдануға салынатын басы артық шектеулерді алып тастау туралы шешім қабылданды. Тыйым салынған тізімде, қолданыстағы заңнамадағыдай, тек 44 қызмет түрі сақталады», – делінген Үкімет хабарламасында.

Үкімет 2026 жылдың 1 қаңтарынан бастап салықтық әкімшілендіруді «таза парақтан» бастамақ. Шара өз кезегіден микро және...

Банктердің ипотекалық несиелеудегі белсенділігінің төмендеуіне байланысты Үкімет жеңілдетілген ипотека көлемін екі есеге – 500 млрд теңгеге дейін ұлғайту туралы шешім қабылдады, деп хабарлайды Kursiv.Media.

Үкімет ақпаратына сүйенсек, шара тұрғын үйді азаматтар үшін қолжетімді етуге мүмкіндік береді. Шешім Мемлекет Басшысы Қасым-Жомарт Тоқаевтың тапсырмасы аясында қабылданған. Макроэкономикалық тұрақтылықты қамтамасыз етуге және экономикалық реформалардың теріс салдарын жеңілдетуі тиіс.

Қаржыландыру «Наурыз» және «Наурыз-Жұмыскер» бағдарламалары бойынша жүргізіледі. Сондай-ақ, «Әскери баспана» бағдарламасы қайта басталады. Соның арқасында жыл сайын 7 мыңға жуық әскери қызметкердің отбасы қайталама нарықтан пәтер сатып ала алады.

Бұдан бөлек, осы бағдарлама аясында құрылыс компанияларымен үш жылға бағаны белгілеу міндеттемесімен тұрғын үй...

16 қазаннан бастап Қазақстанда АИ-92 маркалы бензин мен дизель отынының бағасын көтеруге уақытша тыйым салынады. Шектеулер инфляция деңгейі тұрақталғанға дейін қолданылады, деп хабарлайды Kursiv.Media.

Үкіметтің баспасөз қызметі таратқан ақпаратқа сүйенсек, шешім президент Қасым-Жомарт Тоқаевтың тапсырмасы бойынша қабылданған. Шара макроэкономикалық тұрақтылықты қамтамасыз етуге және экономикалық реформалардың теріс салдарын жеңілдетуі тиіс.

Премьер-министр Олжас Бектенов Энергетика министрлігіне, Монополияға қарсы ведомствоға және өңірлердің әкімдіктеріне мораторийдің сақталуын және нарықтың жанар-жағармаймен қамтамасыз етілуін бақылауды тапсырды.

Айта кетейік, осыған дейін қыркүйекте елдегі инфляция деңгейі 12,9%-ға жеделдегені туралы жазған едік.

Жамбыл облысының әкімдігі 287 млн теңгеге өткізген мемлекеттік сатып алуды мәжіліс депутаты Әбутәліп Мүтәліге тиесілі BESupply компаниясы жеңіп алған, деп хабарлайды Kursiv.Media.

Тендерді өңірдің білім басқармасы өткізген. «Мекеме» ақпараттық жүйесін сүйемелдеу және техникалық қолдауға қатысты конкурс болған. Келісімшарт 2025 жылдың соңына дейін жасалған.

Алайда мемлекеттік сатып алуға қатысты бірнеше қызықты дерек бар. Алғашқысы жеңімпаз компанияның су жаңа мәжіліс депутатына тиесілі болуы. Тағы бір қызықты дерек конкурстың өткізілген уақыты, яғни құжаттарды 16 қыркүйекке қараған түні – сағат 00:06-дан таңертеңгі 9:06-ға дейін ғана тапсыру мүмкін болған.

Nege.kz telegram-арнасының ақпаратына сүйенсек, «Электрондық қаржы орталығы» байқау бастапқыда 4 қыркүйекте басталғанын хабарлаған...

Қостанайда 15 жасар бала ата-анасынан 2,5 млн теңге ұрлап, жақсы өмір сүру үшін Астанаға қашып кетуге тырысқан. Оны ұстап алған полиция қызметкерлеріне ата-анасымен тіл табыса алмай әрі мектепте қиындық туындағаннан кейін қашқысы келгенін айтты, деп хабарлайды Kursiv.Media.

Polisia.kz ақпаратына сүйенсек, жасөспірім танысына кітап апарып беремін деп бірнеше күн бұрын үйден шығып кеткен. Қайтып оралмағаннан кейін ата-анасы іздеу салған.

Жасөспірімді полиция 15 қазанға қараған түні Ақмола облысында тапты. Полиция Екатеринбург-Алматы тас жолында автокөлікті тоқтатып, кәмелетке толмаған жолаушыны тапқан.

Жасөспірімнің Астанаға кетіп бара жатқаны, отбасы сақтап қойған ақшаны алып кеткені белгілі болған. Жас жігіттің айтуынша, ол үйдегі жанжал мен мектептег...

Қыстың қақаған аязында далаға шығып, көлік қыздыру оңай емес. Мұндайда көптеген жүргізушілер: көлікті міндетті түрде қыздыру керек пе, әлде бірден айдап кетуге бола ма деп сұрап жатады. Бұл тақырып талай жылдан бері талқыланып келеді. Біреулер үшін көлікті қыздыру – қозғалтқыштың ұзақ қызмет етуінің кепілі, ал басқалар үшін – босқа жағылған жанармай мен экологияға зиян келтіру.

Көлікті қыздырмай тізгіндеу қозғалтқышқа қалай әсер етеді

Аязды күндері қозғалтқыш майы қоюланып, бөлшектер арасында айналымы баяулайды. Егер көлік бірден қозғалысқа түссе, май барлық арна арқылы айналып үлгермейді, нәтижесінде бөлшектер металмен үйкеліп, тозу жылдамдайды. Бұл, әсіресе, ескі және көп тізгінделген көліктерге қатысты.

Қазақстанда 2000 жылдардың басынан бері алғаш рет теңгелік депозиттер бойынша жылдық тиімді мөлшерлеме 20%-ға жетеді. Freedom Bank 26 қазаннан бастап салымдар бойынша ставкалардың өскенін жариялады. «Капитал» депозиті бойынша жарты жыл мерзімге мөлшерлеме 18,5%-дан 20%-ға дейін өседі, деп хабарлайды Kursiv.Media.

Қаражатты толықтыруға және алуға болмайтын «Капитал» депозиті бойынша алты ай мерзімге ең жоғары мөлшерлеме 20% құрайды. Үш ай мерзімге мөлшерлеме 17%–дан 18%-ға дейін, бір жылға – 15,7%-дан 16,9%-ға дейін өседі. Екі жылға мөлшерлеме 12,4%, ал үш жылға – 7,4% құрайды.

Икемді шарттарды ұсынатын «Копилка» депозиті (қаражатты алуға және толтыруға болатын) бойынша ең жоғары мөлшерлеме (13 ай мерзімі) 15,6%-дан 16,8%-ға...

Қарағандыда 15 жастағы жасөспірімді зорлаған 39 жастағы ер адамға сот үкімі шықты.

Сот таратқан ақпаратқа сәйкес, 2025 жылдың ақпанында қыздың анасы мен өгей әкесі жасөспірімге 38 жастағы адамға күйеуге шығуды ұсынған. Ер адамның қанша жаста екенін білгеннен кейін қыз ұсыныстан бас тартқан.

Қарсы болғанына қарамастан қыздың өгей әкесі наурызда жасөспірімді танысымен бірге Қарағандыға жіберген. Олар жалдамалы пәтерге тоқтаған. Сол жерде ер адам кәмелетке толмаған қызды зорлаған.

Прокурор ер адамды 17 жыл бас бостандығынан айыруды сұраған. Жәбірленуші тарап та қатаң жаза қолдануды талап етті. Қорғау тарабы істі жеңіл бапқа ауыстыруды сұраған.

«Сотталушының кінәсі жәбірленуші, оны...

Соңғы уақытта спорттық стильдегі көліктерге сұраныс артып келеді. Орташа жолсыз жерлерден өте алатын қала көлігі, қазіргі заман үшін ақылға қонымды таңдау. Осы орайда US News басылымының сарапшылары 2025 жылы шығарылған ең сенімді кроссоверлердің рейтингін жасады.

Toyota 4Runner

2025 жылғы «Toyota 4Runner» жаңа 4,0 литрлік V6 қозғалтқышымен жабдықталған. Жанармайды көп тұтынғанымен, қазіргі талаптарға сай жетілдірілген рамасы бар. Бұл модель жылдам үдеумен немесе жүк көтергіштік қабілетімен ерекшеленбейді, бірақ ұзаққа шыдамдылығы мен жолсыз жерлерден өту қабілеті бұл кемшіліктерді толық жабады. J.D. Power сенімділік бағасы: 86/100.

Chevrolet Blazer

Blazer қуатты әрі үнемді екі қозғалтқыш нұсқасымен және стандартты функцияларды...

Алматыда автокөліктер тексеру күшейеді. Жылжымалы экологиялық зертханаларды пайдаланып, автомобильдерді тексеру бойынша рейд жалғаса береді деп ескертеді қала әкімдігі баспасөз қызметі.

Тексерісті тұрақты экологиялық мониторинг аясында «Eco Almaty» ЖШС жол полициясы қызметкерлерімен бірге жүргізеді. Олар ауаның ластануын азайтуға, пайдаланылған газдардың улылығын бағалауға, көліктер арасындағы экологиялық бұзушылықтарды анықтауға бағытталған.

«Тұрақты тексерулер ластану көздерін уақытылы анықтауға және оларды жою бойынша шаралар қабылдауға көмектеседі. Бұл қаладағы ауа сапасын жақсартуға ықпал етеді»,- деп атап өтті Алматының экология басқармасы.

Әкімдік мәліметінше, 2025 жылы 4-10 қазан аралығында мамандар 224 көлікті тексерді. Оның 138-і бензинмен немесе газбен жүрсе, 23-інің зиянды заттардың рұқсат етілген...

АҚШ-тың Федералды Монета сарайы Стив Джобстың бейнесі салынған бір долларлық естелік монетаны шығаратынын жариялады. Бұл монета 2026 жылы айналымға енеді деп жоспарланған.

Эмиссия 2018 жылдан бері жүзеге асырылып келе жатқан American Innovation 1 доллар Coin бағдарламасы аясында жүзеге асады.

Бағдарлама елдің технологиялық дамуына әсер еткен өнертапқыштар мен ғылыми жаңалықтарды мәңгі есте қалдыру мақсатында қолға алынған. Әрбір шығарылған монета белгілі бір штатпен байланысты. Стив Джобс бейнеленген доллар Калифорния штатын таныстырады, дәл осы жерде Apple негізін қалаған тұлға дүниеге келіп, кейін Кремний алқабы қалыптасқан еді.

Монета дизайнын суретші Элана Хаглер мен мүсінші Фиби Хемфилл әзірлеген. Алдыңғы бетінде Стив Джобс Калифорнияның солтүстігіне...

ForteBank акционерлерінің Home Credit Bank-пен бірігу мәселесін талқылайтын жиыны 2026 жылдың ақпанына шегерілді. Бұл туралы банк Astana International Exchange (AIX) алаңында хабарлады. Алғашында жиналыс 2025 жылдың 29 қазанына жоспарланған болатын, енді 2026 жылдың 26 ақпанында өтеді.

Қазірге дейін ForteBank Home Credit Bank акцияларының тек 26,8%-ын ғана сатып алған. Сарапшылардың пікірінше, мәміле бірнеше кезең бойынша жүзеге асып жатқандықтан, бірігу процесі созылып отыр.

ForteBank акционерлерінің 26 ақпанға белгіленген жиналысында ForteBank-ті Home Credit Bank-ті қосу арқылы қайта ұйымдастыру және Home Credit Bank-ті ForteBank-ке қосу туралы шарт жобасын бекіту мәселесі қаралады.

Home Credit Bank Чехияның ең бай әйелі Рената Келлнерова мен оны...

АҚШ президенті Дональд Трамп пен оның отбасы мүшелері бір жылдың ішінде криптовалюта нарығында 1 млрд доллардан астам табыс тапты. Мәліметті Financial Times жариялады.

Басылым мұндай табыс Трамп әкімшілігінің крипто саласын дамытуды сөздеген саясатының нәтижесінде келді деп есептейді. Осы екеуі 427 млн доллар кіріс әкелген. Бұған қоса World Liberty Financial токенінен түскен табыс 550 млн долларға бағаланды. Сонымен бірге, USD1 стейблкоинының сауда көлемі 2,71 млрд доллардан асып кетті.

Трамптың криптожобалары оның қағаз түріндегі таза капиталының көлемін де арттырды. Мәселен, оның Trump Media & Technology Group компаниясындағы үлесі 1,9 млрд доллар тұрады. Компанияға Truth Social әлеуметтік желісі қарайды.

Құрама Штаттар президентін...

Қазақстанда 2025 жылғы қыркүйекте жылдық инфляция 12,9%-ға жетті. Бұл – тамыздағы 12,2%-дан жоғары көрсеткіш. Яғни бағаның өсу қарқыны қайта жеделдеп отыр. Ұлттық банктің дерегінше, елдің 18 өңірінде инфляция қарқыны артса, тек бір өңірде баяулап, тағы бірінде өзгеріссіз қалған.

Азық-түлік тауарларының бағасы бір жылда 12,7%-ға өсті (тамызда – 11,7%). Ұлытау облысында азық-түлік қатты қымбаттап, 15,8%-ды құрады. Ал Алматы қаласында 9,2%-ға өсіп, ең төменгі көрсеткішті байқатты.

Бұл айырмашылық аймақтардағы логистика, нарықтағы бәсекенің деңгейі және өнім тасымалының құнына байланысты болуы мүмкін.

Азық-түлікке жатпайтын тауарлар да қымбаттады

Киім-кешек, тұрмыстық техника, жанар-жағармай сияқты азық-түлікке жатпайтын тауарлардың бағасы жылдық мәнде 10,8%-ға өст...

Екі жыл бұрын басына екі оқ тиіп қайтыс болған сарбаз Қайсар Сұлтановтың ісі бойынша тергеу қайта басталды. Марқұмның анасы Сәуле Тілеубергенованың айтуынша, қылмыстық іс бұған дейін «суицид жасады» деген желеумен екі рет жабылған. Алматыда өткен баспасөз конференциясына заңгер Инга Иманбай құзырлы органдардан қылмыстық іс қозғалған бапты ауыстыруды сұрады.

Істің мән–жайы

21 жастағы Қайсар Сұлтанов 2023 жылдың 9 қазанында Астанадағы Ұлттық ұланның №6636 әскери бөлімінде қаза тапқан. Сол уақытта әскерге қабылданғанына үш ай болған. Ресми ақпарат бойынша, сарбаз өзіне қол жұмсаған. Ал анасы Қайсардың басына екі оқ тигенін айтып, ұлы кісі қолынан қаза тапқанына сенімді.

Алты...

Қазақстанда өлім-жітім деңгейі азайды. 2025 жылдың алғашқы жартысында 64,6 мың адам қайтыс болды. Өткен жылдың осы кезеңімен салыстырғанда 2,3%-ға аз. Сонымен бірге жерлеу қызметтерінің көлемі де қысқарды. Мәселен кәсіпорындар мен жеке кәсіпкерлер 2,5 млрд теңге табыс тапқан, ал былтыр көрсеткіш 2,9 млрд болған.

Energyprom.kz мәліметіне сүйенсек, ең көп қызмет Алматыда көрсетілген – 711 млн теңге. Одан кейін Қарағанды облысы – 695 млн теңге, Ақмола облысы – шамамен жарты миллиардты құрайды. Ең аз Ұлытау облысында, мұнда мыңға жетпейтін адам қайтыс болған.

«Қайтыс болудың негізгі себептері бұрынғыдай, қан айналымы жүйесінің аурулары, ісіктер, тыныс алу және ас қорыту...

Сидней қаласының бір тұрғынының туу туралы куәлігі жеті беттен тұрады. Оның есімі 2253 сөзден тұрады. Гиннестің рекордтар кітабына енген азамат туралы CNN телеарнасы жазды.

Онымен таныспақ болып, есімін сұрай қалсаңыз, кім екенін білу үшін 20 минут бойы тыңдап тұруға тура келеді. 1991 жылы алғаш рет үйленген уақытта некелесу сәтінде күйеу баланың есімін толық атауға тура келген. Аяғына дейін шыдамаған қонақтар тойханада тамақ жеуге кірісіп те кеткен.

60 жастағы Уоткинс әлемдегі ең ұзын есімнің иесі. Ол Гиннестің рекордтар кітабына да енген. Дүниеге келген уақытта қойылған есімі бар болғаны үш сөзден тұрады: Лоуренс Грегори Уоткинс. Рекордтар кітабын оқып шыққан Лоуренс есіміне...

Ұлыбритания үкіметі Ресейдің «Лукойл» компаниясына қатысты санкцияларды жұмсартып, Қазақстандағы мұнай жобаларына қатысуына уақытша рұқсат берді. Бұл шешім 2027 жылдың 14 қазанына дейін күшінде болады.

Ұлыбританияның Қаржы министрлігі Russian Oil Exempt Projects (INT/2025/5635700) деп аталатын арнайы лицензия жариялады. Бұл құжат ресейлік мұнай компанияларына қатысты енгізілген санкциялардың кейбір халықаралық жобаларға таралмайтынын нақтылайды.

Лицензия бойынша, «Лукойл», «Газпром нефть» және «Роснефть» сияқты компаниялар Қазақстан мен Әзербайжандағы маңызды мұнай-газ жобаларында жұмысын жалғастыра алады.

Санкциядан босатылған жобалар тізіміне Теңізшевройл, Қарашығанақ Петролеум Оперейтинг Б.В., Каспий Құбыр Консорциумы (КҚК) кіреді.

Ұлыбритания бұл жобалар үшінші елдердің энергетикалық қауіпсіздігі үшін маңызды деп есептейді. Мысалы, КҚК арқылы Қазақстан мұнайының шамамен...

Алматы облысы Жамбыл ауданындағы жағдайдан кейін 7 жасөспірімге қатысты тергеу жүріп жатыр. Бұл туралы Бала құқықтары жөніндегі уәкіл Динара Зәкиева жазды.

Бұған дейін Қарғалы ауылында бір топ жасөспірім мектеп оқушысын зорлап, видеоға түсірді деген ақпарат тарады. Алматы облысы полициясы тергеу жүріп жатқанын мәлімдеді.

«7 жасөспірім анықталды. Тергеу жүріп жатыр. Бала құқықтары жөніндегі жергілікті уәкіл мен психологиялық қолдау орталығы мамандары оқиға орнында жұмыс істеп жатыр», – деп жазды Зәкиева.

Полицияның хабарлауынша, оқиға жеке үйдің бірінде болған. Оқушыларының әрекетін білген директор бірден полицияға хабарласқан.