Жаңалықтар

Honda компаниясы АҚШ-та 2016–2021 жылдары шығарылған Civic маркалы шамамен 406 мың көлікті ерікті түрде кері қайтарып жатыр. Бұл туралы автоконцерннің ресми сайтында хабарланды.

Компанияның түсіндіруінше, көлікті кері қайтаруға өндірістегі ақау себеп болған. Алюминийден жасалған 3276 дөңгелек дискіде болттар бекітілетін жерлерге орнатылуға тиіс болат шеге болмауы мүмкін. Мұндай жағдайда дөңгелек орны майысып, бекіткіштер босап, қозғалыс кезінде доңғалақ ажырап кетуі ықтимал.

Honda көлік иелеріне ресми дилерлік орталықтарға барып, көліктерін тегін тексеруден өткізуге кеңес берді. Компанияның мәліметі бойынша, 7 қарашаға дейін бұл ақаудан жол апаты тіркелмеген.

Компанияның дерегінше, аталған жүйедегі ақау 412 көлікте тіркелген.

Бұл – Honda-ның биылғы алғашқы кері шақыруы...

Филиппин аралдарында күшті жел мен су тасқынын тудырған «Калмаэги» тайфуны (жергілікті жұрт «Тино» дейді) ауыр зардапқа әкеп соқты. Апаттың алдын алу және басқару ұлттық кеңесі (NDRRMC) қаза тапқандар мен зардап шеккендердің саны артқанын растады.

GMA News агенттігінің мәліметінше, 9 қарашадағы жағдай бойынша 224 адам көз жұмған, тағы 109 адам із-түссіз жоғалған. Бұған дейін 188 адамның қаза тапқаны хабарланған болатын.

6 қарашада елде ұлттық төтенше жағдай режимі енгізілген.

Табиғи апат Лусон, Висаяс және Минданао аралдық топтарын қамтыған 24 провинцияны шарпыды. Көптеген өңірде электр желілері істен шыққан, ондаған әуе рейсі тоқтатылды.

Филиппин ақпарат агенттігі (PNA) хабарлағандай...

Қазақстан тұрақты авиациялық отын (SAF – Sustainable Aviation Fuel) өндіру жобасын іске асыруды жоспарлап отыр. Бұл туралы Энергетика министрлігінде өткен кездесуде мәлім болды.

Вице-министр Қайырхан Тұтқышбаев Халықаралық азаматтық авиация ұйымының (ИКАО) Еуропалық және Солтүстік Атлант аймақтық бюросының директоры Николя Ралломен авиация саласын экологиялық тұрғыдан дамыту және тұрақты авиаотынды енгізу мәселесін талқылаған.

Министрліктің хабарлауынша, Қазақстан «жасыл» экономикаға көшу бағытын ұстанып, жаңартылатын энергия көздері мен экологиялық жобаларды дамытуға ерекше мән беріп келеді. Осы бағыттағы басым міндеттердің бірі – экологиялық таза авиаотын өндіруді жолға қою.

Энергетика министрлігі бұл жобаны АҚШ-тың LanzaJet компаниясымен бірлесіп жүзеге асыруға ниетті.

Қайырхан Тұтқышбаевтың айтуынша...

Солтүстік Қазақстан облысында қатты жауын-шашын мен ауыр жүк көліктері қозғалысы салдарынан «Тимирязев – Сарыкөл – Қостанай облыс шекарасы» автожолының 0-30 шақырым аралығында жол жамылғысы бүлінді. Бұл туралы «ҚазАвтоЖол» хабарлайды.

Осыған байланысты 2025 жылғы 9 қараша сағат 11:00-ден бастап аталған учаскеде жөндеу-қалпына келтіру жұмыстары жүргізіледі. Сол себепті көліктің барлық түрінің қозғалысына уақытша шектеу қойылды.

Қостанай қаласынан Тимирязев ауданына қатынау үшін жүргізушілерге мына республикалық маңызы бар балама жолдарды пайдалану ұсынылады:

Қаржы нарықтарының ағымдағы жағдайы және болжамдары

Қазіргі таңда әлемдік қаржы нарықтарында өзгерістер белсенді жүріп жатыр. Бұл өзгерістерге АҚШ және Еуропа нарықтарында байқалған төмендеу, сонымен қатар шикізат нарықтарында бағаның тұрақсыздығы себеп болып отыр. Әсіресе, осы аптада S&P 500 индексі мен басқа да ірі қор индекстері қатты құлдырау көрсетуде, бұл өз кезегінде инвесторлар мен талдаушыларды алаңдатып отыр.

Дүниежүзілік нарықтардағы ахуал

S&P 500 индексінің өткен аптадағы өзгерісі -2,12% болса, Dow Jones индексі -1,31%-ға төмендеген. Бұл әлемдік нарықтарда қаржы құралдарының құнының төмендеуін және АҚШ экономикасындағы кейбір белгісіздіктерді көрсетеді. Осылайша, нарықтардағы тұрақсыздық үрдісі сақталып отыр. Бұған қоса, Қытай мен Ресей нарықтары өздерінің әлсіз динамикасын...

Президент Қасым-Жомарт Тоқаев теннисші Елена Рыбакинаны Эр-Риядта өткен WTA қорытынды турниріндегі жеңісімен құттықтады. Бұл туралы Ақорда хабарлады.

«Қазақстандық және әлемдік теннис спортының тарихындағы осынау айтулы жетістігіңізбен шын жүректен құттықтаймын және ризашылығымды білдіремін.

Дүбірлі додадағы жеңісіңізді, теннистің дамуына қосқан үлесіңізді және аталған спортты елімізде насихаттауға сіңірген еңбегіңізді ескере отырып, Сізді ІІІ дәрежелі «Барыс» орденімен марапаттау туралы Жарлыққа қол қойдым», – деді Тоқаев.

Сондай-ақ президент Рыбакинаға зор денсаулық, бақ-береке және Қазақстан Республикасының даңқын асыратын жаңа жетістіктер тіледі.

Қазақстанның бірінші ракеткасы Елена Рыбакина Эр-Рияд қаласында өткен WTA қорытынды турнирінің финалында әлемнің бірінші ракеткасы Арина Соболенконы жеңіп, турнирдің чемпионы атанды. Қорытынды есеп – 2:0 (6:3, 7:6).

Бірінші сетте Рыбакина өз ойынын сенімді бастап, қарсыласына еш мүмкіндік берген жоқ. Қазақстандық спортшы брейк жасап, 6:3 есебімен алғашқы сетте жеңіске жетті.

Екінші сет одан да тартысты болды. Қос теннисші де өз доптарын ұстап, тай-брейкке дейін жетті. Сол жерде Рыбакина төзімділік танытып, жеңісті жұлып алды.

Бұл жеңіс Еленаның мансабындағы ең ірі жетістіктерінің бірі. Осылайша WTA қорытынды турнирінің чемпионы атанып, 5,235 млн доллар көлемінде жүлде алады. Бұл сома шамамен 2,7 миллиард теңгеге тең және...

Кешке қарай отбасы болып бас қосылғанда фильм қарайтын дәстүр қалыптастырғандар болады. Бұрын-соңды ондай дәстүр болмаса да, неге бірге фильм көрмеске? Бірге күліп, кей сәттерде бір жылап, кейін талқыласаңыздар, неткен ғажап?! Олай болса, Kursiv.Media тілшісі кейінгі 5 жылда шыққан отбасылық фильмдер топтамасын назарыңызға ұсынады. Мұнда Disney, Pixar-лардың үздік туындыларын топтастырдық.

1. «Элементарно» (Elemental, 2023)

Режиссері: Питер Сон
Дыбыстағандар: Лия Льюис, Мамуду Ати, Ронни дель Кармен
Студия: Pixar / Disney

Бұл картинада адамдар стихия түрінде бейнеленеді. Яғни су, от және ауа бірлесіп өмір сұреді. Жалынды Эмбер — от, Уэйд — су. Бір қарасаңыз, от пен су бірге бола алмайтындай көрінеді. Өйткені олар бір-бірін өшіред...

Астанада тоғыз қабатты тұрғын үйдің қасбетінде орналасқан кондиционер қондырғысы мен сыртқы кірпіш қаптамасы опырылып түсті. Бұл туралы төтенше жағдайлар министрлігі хабарлады.

Оқиға Алматы ауданы Тәуелсіздік даңғылы 24Б мекенжайындағы үйде болған.

Бірінші қабаттағы дүкеннің кіреберісінде 150 шаршы метр аумақта қаптама мен кондиционер қондырғысы құлағаны анықталды.

«Құтқарушылар зардап шеккендерді шығарып, қасбеттің одан әрі құлау қаупін жойды. Зардап шеккендер жедел жәрдем бригадасына тапсырылды», – делінген ақпаратта.

Бұған дейін Павлодар қаласында салынып жатқан нысанда үйіндісі астынан 58 жастағы ер адамның мәйіті табылды. 

Тараз маңындағы фосфор зауытында химиялық зат өртенді. Бұл туралы өңірдің төтенше жағдайлар қызметі хабарлады.

Сары фосфор қоймасында затты тасымалдауға арналған ыдысқа құю кезінде химиялық зат төгілеген. Содан кейін от тұтанып, түтін шыққан.

Жамбыл облысының ТЖД хабарлауынша, зауыт қалыпты режимде жұмыс істеп тұр, қауіпсіздік шаралары күшейтілді.

Өрт кәсіпорын қызметкерлері күшімен тез арада сөндірілді. Құтқарушылардың мәліметінше, зардап шеккендер жоқ.

«Ақпарат экология департаментіне және тиісті органдарға белгіленген тәртіппен...

Павлодар облысында көлік қозғалысы шектелді. ҚазАвтоЖолдың хабарлауынша, шектеу 2025 жылдың 8 қарашасы сағат 16:00-де енгізілді.

«Павлодар облысында ауа райының бұзылуына байланысты республикалық маңызы бар «Астана – Шідерті – Успенка – РФ шекарасы» 255-416 шақырымындағы учаскеде көліктің барлық түрі қозғалысына шектеу қойылады», – делінген ақпаратта.

Бұл аймақ Шідерті ауылынан Атамекен ауылына дейінгі аралықты қамтиды.

Жолды 2025 жылдың 9 қарашасы сағат 08:00-де ашу жоспарланған.

Шектеу қойылған жолдар туралы толық ақпаратты www.qaj.kz сайтындағы «Ақпараттық картадан» көруге болады.

Одан бөлек сағат 14:00-де ауа райының нашарлауына байланысты келесі көлік қозғалысына шектеу қойылады:

Қазақстанның бірінші ракеткасы Елена Рыбакина WTA қорытынды турнирі финалында жеңіске жетсе, 5,235 миллиона доллар алады. Бұл шамамен 2,7 млрд теңге.

Топтық кезеңде Елена үш матчта жеңіске жетті. Алдымен америкалық теннисші Аманда Анисимованы (әлемнің 4-ракеткасы), польшалық Ига Швентекті (2-орын) және ресейлік Екатерина Александрованы (10-орын) жеңді.

Содан кейін жартылай финалда Рыбакина америкалық теннисші америкалық Джессика Пегуланы (5-орын) ұтты. Осылайша төрт жеңіске жеткені үшін Елена Рыбакина 2 695 000 доллар сыйақы ұтып алды.

WTA қорытынды турнирі Эр-Рияд-та (Сауд Арабиясы) өтіп жатыр. Елена финалда Беларусь теннисшісі – әлемнің бірінші ракеткасы Арина Соболенкомен бақ сынайды.

Ресейлік LOBODA (Светлана Лобода) мен қазақстандық әнші Say Mo (Мөлдір Есембек) жаңа бейнебаян шығарды. «One Night» трегіне бейнебаянды қазақстандық топ түсірген.

Сондай-ақ туындыдан Jamal&Ganja ретінде белгілі қос продюсердің қолтаңбасын бірден тануға болады.

Бейнебаянды SHULAMAH және SHEKER жобалары арқылы танымал Айтөре Жолдасқали түсірген.

Бұған дейін Say Mo-ның Қазақстан мен Өзбекстанды аралап, концерт беретіні айтылды.

Қырғызстанда Жогорку Кенешке кезектен тыс сайлауда көпмандатты сайлау округтері бойынша депутаттыққа кандидаттарды тіркеу аяқталды.

Қырғыз Республикасының Орталық сайлау және референдум өткізу комиссиясының хабарлауынша, барлығы 467 кандидат тіркелді. Ішінде 276 ер адам және 191 әйел бар.

Үгіт-насихат науқаны 10 қараша басталады.

Айта кетейік, Қырғызстанда Жогорку Кенеш депутаттарын кезектен тыс сайлау 2025 жылдың 30 қарашасы өтеді.

Қазақстанда жүрген қырғыз азаматтары сайлауға қатыса алады. Олар үшін елде 7 сайлау учаскесі ашылады.

Сайлау учаскесі Алматы, Астана, Қарағанды, Атырау, Шымкент және Тараз қаласында жұмыс істейді. Жалпы шекара сыртындағы қырғыздар үшін өзге елдерден 90-ға жуық сайлау учаскесін ашу жоспарланған.

АҚШ президенті Дональд Трамп АҚШ, Қазақстан және Орталық Азияның басқа елдері арасында жаңа қарым-қатынастардың басталғанын мәлімдеді. Ол мұны Вашингтонда өткен C5+1 саммитінен кейін айтты.

«Ақ үйде бес ғажап елдің президентімен саммит өткізу құрметіне ие болдым. Олар Қазақстан президенті Қасым-Жомарт Тоқаев, Өзбекстан президенті Шавкат Мирзиёев, Тәжікстан президенті Эмомали Рахмон, Қырғыз Республикасы президенті Садыр Жапаров және Түрікменстан президенті Сердар Бердімұхамедов», – деп жазды Трамп Truth желісінде.

Сөзінше, кейінгі отыз жылда АҚШ президенттері Орталық Азия елдеріне тиісті деңгейде назар аудармаған. Алайда бұл елдер пайдалы қазбаға бай. Трамп талантты адамдар бар бұл аймаққа да көңіл бөлуге ниетт...

Павлодар қаласында салынып жатқан ғимарат үйіндісі астынан 58 жастағы ер адамның мәйіті табылды. Бұл туралы облыстық төтенше жағдайлар департаменті хабарлады.

Оқиға «Казахстанская правда» көшесіндегі құрылыс алаңында болған. Нысанда еден плитасы құлаған.

Павлодар облысының полиция департаменті оқиға фактісі бойынша қылмыстық кодексінің «құрылыс жұмыстарын жүргізу кезінде қауіпсіздік ережелерін бұзу» бабы бойынша қылмыстық іс қозғады.

Қазақстан Ресей мен Украина арасында келіссөзге алаң ұсынуға дайын. Бұл туралы Қасым-Жомарт Тоқаев New York Times басылымына берген сұхбатында айтты.

New York Times хабарлауынша, Қазақстан Ресеймен жақын одақтас болса да, Тоқаев Украинадағы соғысқа қатысты бейтарап позицияны сақтауға тырысып келеді.

«Тоқаев мырза Украинада атысты тоқтату «мүмкін» деп санайтынын және келіссөзді өз аумағында өткізуге дайын екенін айтты», – деп жазды басылым.

Айта кетейік, Тоқаев Вашингтон қаласына барды. Сапар барысында Қазақстанның Авраам келісіміне қосылғаны ресми түрде жарияланды.

Алматыда жаңа жылдық костюммен жүгіру жарысы өтеді. Бұл туралы қала әкімдігі хабарлады.

Minimarathon.Kz биыл бесінші рет өткелі жатыр.

Жоспар бойынша іс-шара 2025 жылы 28 желтоқсанда Алатау ауданындағы Almaty Arena кешені маңында өтеді.

«Қатысушылар 2026 метрлік символдық қашықтықты еңсеріп, карнавалды костюм киіп, жаңа жылды көтеріңкі көңіл күймен қарсы алады», – делінген ақпаратта.

Жарысқа әртүрлі жастағы және мүмкіндігі шектеулі азаматтар, сондай-ақ оңалту орталықтардың тәрбиеленушілері де қатыса алады.

Айта кетейік, қазақстандықтар Тәуелсіздік күніне орай желтоқсанда қосымша бір күн демалады.

Қазақстанның бірінші ракеткасы Елена Рыбакина Эр‑Риядта өтіп жатқан WTA қорытынды турнирінің жартылай финалында америкалық Джессика Пегуланы жеңді.

Кездесуде отандасымыз тамаша камбэк жасап, қорытынды есеп 4:6, 6:4, 6:3 болды. Ойын 2 сағат 5 минутқа созылды.

Ойын қорытындысынан кейін, Рыбакина журналистер алдына шығып сұхбат берді.

«Мен әр ұтыс ойынына мән беруге тырыстым. Сондай-ақ агрессивті ойнадым, бұл маған жеңіске жетуге мүмкіндік берді деп ойлаймын», – деді теннисші.

WTA қорытынды турнирі Эр-Рияд-та (Сауд Арабиясы) өтеді. Жүлде қоры – 15,5 миллион доллар.

Айта кетейік, осыған дейін отандық теннисшінің 25 қазанда денсаулығына байланысты Токиодағы турнирді жалғастырудан бас тартқанын...

Павлодар облысында жолаушылар автобусы кюветке аударылды, деп хабарлады аймақтың полиция департаменті. Апат салдарынан бір адам қаза тауып, тағы алтауы түрлі дәрежедегі жарақаттар алды.

«Алдын ала мәліметтер бойынша, 7 қарашада Шідерті кентінен 10 шақырым жерде орналасқан «Павлодар-Қызылорда» автожолында автобус жүргізушісі көлікті кюветке аударып жіберген», — деп хабарлады ПД.

Полиция қылмыстық іс қозғап, апат фактісі бойынша тергеуді бастады, оның барысында болған оқиғаның себептері анықталады.

Осыған дейін Шығыс Қазақстан облысында жүк көлігімен жеңіл көлік соқтығысып, бес адам қайтыс болып, бір адам зардап шеккенін жазған едік.

Сенбіде ел аумағында қайтадан күн жылынып, кейбір өңірлерде қар аралас жаңбыр, ал кейбірінде жаңбыр жауады деп күтілуде. «Қазгидромет» 8 қарашаға ауа райы болжамын ұсынды.

Павлодарда салынып жатқан мектепте құрылыс конструкциялары қирағаннан кейін, жаңа ақпар пайда болды. Алдын ала мәліметтер бойынша, үйінділердің астында 1967 жылы туған ер адам болуы мүмкін. Зардап шеккен екі адам ауруханаға жатқызылды.

Павлодар облысының полиция департаменті оқиға фактісі бойынша Қазақстан Республикасы Қылмыстық кодексінің «құрылыс жұмыстарын жүргізу кезінде қауіпсіздік ережелерін бұзу» бабы бойынша қылмыстық іс қозғалғады.

«Қазіргі уақытта болған оқиғаның барлық мән-жайын анықтау бойынша тергеу жүргізілуде», – деп толықтырды өңірлік полиция.

Оқиға орнында жедел штаб, өңірлік ТЖД күштері үйінді арасында қалған азаматты шығаруға тырысуда. Оны іздеу үшін адам денесінің жылуын сезетін арнайы құрылғылар қолданылуда.

Оқиға «Казахстанская правда...

Қазақстан мен Nvidia қуаттылығы 100 МВт болатын 2 млрд долларлық жасанды интеллект тәуелсіз орталығын құрады. 7 қарашада АҚШ-та қазақстандық Freedom Holding Corp. америкалық компаниямен тиісті келісімге қол қойылды. Келісімді Тимур Турлов, Nvidia және Қазақстанның Жасанды интеллект және цифрлық даму министрлігі жасасты.

Freedom Holding Corp. негізін қалаушы әрі негізгі акционері Тимур Турлов Орталық Азия аймағындағы инновацияларға берік негіз барын айтты.

«Біз Қазақстанның жасанды интеллекттің әлемдік ландшафтындағы позициясын нығайтуға бағытталған осы революциялық бастаманың бір бөлшегі болғанымызға қуаныштымыз. Біздің тәжірибемізді Nvidia озық технологияларымен және министрліктің стратегиялық қолдауымен біріктіре отырып, жасанды интеллект саласындағы инновациялар үшін берік негіз құруға және бүкіл...

«Қайрат» футбол клубының және Қазақстан футбол құрамасының ойыншысы Дастан Сәтпаев пен Қазақстан бокс құрамасының мүшесі, екі дүркін Әлем чемпионы Аида Әбікеева «Дарын» мемлекеттік жастар сыйлығының иегері атанды, деп хабарлайды Kursiv.Media.

Тиісті құжат Мәдениет және ақпарат министрлігінің сайтында жария болды. Әбікеева мен Сәтпаев «Спорт» номинация бойынша үздік атанған. Бұдан бөлек, мемлекеттік сыйлыққа лайық деп танылғандар арасында белгілі әнші Еңлік және виоленчелист Бағжан Октябрь бар.

Мемлекеттік сыйлық жалпы «Ғылым», «Дизайн және бейнелеу өнері», «Спорт», «Театр және кино» , «Эстрада», «Журналистика», «Халық шығармашылығы», «Қоғамдық қызмет», «Әдебиет», «Классикалық музыка» номинациялары бойынша беріледі.

Айта кетейік, бұған дейін Дастан Сәтпаевтың Қазақстандағы ең қымбат футболшы атанғанын...