Жаңалықтар

Қайрат Әділгерейге Лондон полициясы 400 фунт стерлинг айыппұл салды. Оған актердің темекі тұқылын құтыға салуы түрткі болған.

Бұл туралы әнші әрі актердің жары Бақыт Тұрман әлеуметтік желідегі парақшасы арқылы хабарлады.

«Таңғы астан кейін шытырман оқиғамыз басталып кетті. Әдеттегідей, мына кісінің кесірінен. Таңғы асымызды ішіп, сыртқа шығып тұрсақ, бір полиция қызметкері жақындап келді», – дейді Бақыт Тұрман.

Оның айтуынша, ол Қайраттан төлқұжатын сұраған. Таңғы асқа кірер кезде, темекі тартқанын, бірақ қоқыс жәшігін пайдаланбағанын алға тартқан. Сөйтсе, актер темекі тұқылын қоқыс салатын құтыға емес, бір стақанға сала салған.

«Соған 400 фунт...

Қазан айында Алматыда жаңа тұрғын үй бағасы бірден 2,9%-ға қымбаттап кетті. Бұл соңғы жылдардағы ең көп айлық өсімдердің бірі.

DataHub сарапшыларының мәліметінше, мұндай күрт өсім өте сирек болады. Мәселен 2015 жылдың қаңтарынан бері тұрғын үй бағасының бірден өсіп кетуі жеті рет тіркелген.

Екінші нарықтағы үй бағасы

Екінші нарықта да бағаның айтарлықтай өсуі байқалады, қазан айында пәтерлердің бағасы қыркүйекпен салыстырғанда 2,1%-ға артты. Бұл сегменттегі орташа айлық өсім жыл басынан бері шамамен 2%-ды құрайды. Ал Алматыдағы жалдау ақысы 1,7%-ға қымбаттады. Бұл соңғы екі жылдың қазан айларындағы орташа көрсеткіштерден жоғары.

«Бұған дейін де бағаны...

Қаржы нарығының сарапшылары теңге бағамы жыл соңында 532,8 теңге деңгейінде сақталып, ал инфляция 11,2%-ға дейін төмендейді деп болжап отыр. Қазақстан қаржыгерлер қауымдастығы (ҚҚҚ) қараша айында қаржы нарығы мамандары арасында жүргізілген сараптама нәтижесін жариялады.

Шолуға банк, сақтандыру және брокерлік ұйымдардың өкілдері мен қаржы сарапшылары қатысқан.

Үш ай қатарынан өскен инфляциялық болжам қарашада төмендеп, 12,1%-дан 11,2%-ға түсті. Бұған базалық мөлшерлеменің жоғарылауы, теңгенің нығаюы, жанармай мен коммуналдық тарифтердің уақытша бекітілуі және Үкімет пен Ұлттық банктің инфляцияны төмендетуге бағытталған бірлескен шаралары әсер еткен.

Сарапшылардың пікірінше, Ұлттық банк 28 қарашадағы отырыста базалық мөлшерлемені 18% деңгейінде сақтауы ықтимал.

Қазақстан климаттық стандарттарды жаңартты. Енді елдің көміртек бейтараптығына көшуі халықаралық талаптармен тікелей үйлестіріледі.

Сауда және интеграция министрлігіне қарасты «ҚазСтандарт» екі жаңа ұлттық стандарт әзірледі:

«Бұл екі стандарт халықаралық ISO 14068-1:2023 және IWA 42:2022 стандарттарымен бірдей. Олардың қабылдануы Қазақстанның 2060 жылға дейін көміртектік бейтараптыққа қол жеткізу стратегиясында көзделген міндеттерді іске асырудағы маңызды кезең болды. Сондай-ақ бұл стандарттарды қабылдау Қазақстанның жаһандық климаттық саясаттағы рөлін күшейтеді. Олар шығарындыларды жауапты басқаруға және ғылыми негізделген климаттық шешімдерді енгізуге...

Алматы облыстық соты сот «әділетсіз үкім шығарған жағдайда өзін-өзі өртейміз» деген Хасан Қасымбаевтың туыстарына ескерту жасады.

Tengrinews.kz ақпаратына қарағанда, 10 қараша күні айыпталушының соңғы сөзі айтылды. Талғар аудандық сотының алдында оны қолдаушылар жиналды. Олар «әділ шешім» шығаруды талап етті. Айыпталушының анасы Гүлнар Нуракенова мен жұбайы Зүлфия Қасымбаева жиналғандардың алдында сөз сөйлеп, «сот әділетсіз шешім қабылдаса, өзін-өзі өртеуге дайын» екенін айтты.

Алматы облыстық соты мұндай әрекеттерге қатаң ескерту жасап, сотқа қысым көрсету, қауіп төндіру және қоғамдық тәртіпке қауіп төндіретін кез келген әрекеттердің заңмен тыйым салынғанын еске салды.

«Мұндай әрекеттер әділ сот төрелігіне араласу болып...

Қарағандыда көлік жүргізушісі жол жиегінде келе жатқан әйелді қағып тоқтамастан қашып кеткен. 25 жастағы келіншек баласын бақшадан алып, үйіне жаяу қайтып келе жатқан. Көлік келіншекті «Динамо» шұлық-тоқыма фабрикасының маңындағы тротуармен жүріп келе жатқан сәтте соққан, деп жазады eKaraganda.kz

Куәгерлер түсірген видеода әйелдің жерде жатқан сәті, ал оның қасында баласының жылап тұрғаны көрінеді.

Жәбірленуші жедел жәрдеммен Макажанов атындағы көпсалалы ауруханаға жеткізілді. Анасының сөзінше, қызының аяғы сынған. Дәрігерлер жағдайын орташа ауыр деп бағалады. Кішкентай бала қатты қорқып қалған, бірақ зақым алмаған.

Полицияның мәліметінше, көлік жүргізушісі оқиға орнынан қашып кеткен. Алайда бір тәуліктен кейін күдікті ұсталып, көлік айыптұрағына қойылған.

3 қарашада Шымкентте жаяу жүргіншілер жолынан...

Түркістан облысы Ордабасы ауданы Төрткүл ауылындағы 16 жасар қыздың өлімі бойынша іс облыстық қылмыстық істер жөніндегі ауданаралық сотында жабық қаралатын болды. Бұл туралы Kursiv.Media-ға облыстық соттың баспасөз қызметі хабарлады.

Іс Қылмыстық кодекстің «Адам өлтіру» бабы, «Зорлау» бабы және «Сексуалдық сипаттағы зорлық-зомбылық әрекеттері» бабымен түскен.

«Сот Қылмыстық процестік кодекстің 29-бабы 1-бөлігінің талабына сай басты сот талқылауын жабық процесте өткізу керек қажет деп есептеді» делінген сот хабарламасында.

Басты сот талқылауы ертең, 11 қараша күні сағат 10:00-ге тағайындалған.

Еске сала кетер болсақ, қайғылы оқиға биыл 6 маусымға қараған түні болған. Ауыл тұрғындарының сөзінше, қыз өз...

АҚШ Өзбекстан аумағындағы бірлесіп игерілетін пайдалы қазбалар кен орындарына алғашқы кезектегі қолжетімділік құқығын алады.

Газета ақпаратына қарағанда, Америка тарапы Өзбекстанға шағын модульдік ядролық реакторлар мен қорғаныс саласына арналған жабдықтар жеткізеді. Бұдан бөлек, Air Products компаниясы Өзбекстанда метанол өндіретін зауытқа 3 млрд долларға дейін инвестиция салуды жоспарлап отыр.

АҚШ Мемлекеттік департаменті 6 қарашада Вашингтонда Өзбекстан президенті Шавкат Мирзиёев пен АҚШ президенті Дональд Трамптың кездесуі нәтижесінде қол жеткізілген бірқатар келісімнің егжей-тегжейін жариялады.

Мәлімдемеде екі ел үкіметтері экономика, қауіпсіздік және гуманитарлық салада жан-жақты ынтымақтастықты нығайту бағытында жұмыс істеп жатқаны, бұл өзара тұрақтылық пен өркендеуге ықпал ететіні айтылған.

Президент Трамп АҚШ-ты стратегиялық минералдармен...

«Еуразиялық банк» директорлар кеңесінің төрағасы Шухрат Ибрагимов «Еуразиялық қаржы компаниясы» (ЕФК) өз активтерін сатпайтынын мәлімдеді. Ол бұл туралы Forbes Kazakhstan-ға берген сұхбатында айтты.

«Біздің активтерді сату туралы ойымыз жоқ. Банк те, сақтандыру компаниясы да, жалпы қаржы тобы, бәрі өз орнында қалады», – деді ол.

Ибрагимов Eurasian Resources Group (ERG) төңірегіндегі қауесеттерге де жауап берді. Ол компания да, оның Қазақстан мен Африкадағы өндірістік активтері де сатуға шығарылмағанын нақты айтты.

«Бұл тек алып-қашпа сөздер. Кім және не мақсатпен мұны таратып жүргенін білмеймін. Бірақ бір нәрсе анық: менің мақсатым...

Мемлекет басшысы Қасым-Жомарт Тоқаев УЕФА Атқарушы комитетінің мүшесі және «Пари Сен-Жермен» (ПСЖ) футбол клубының президенті әрі акционері Нассер Әл-Хелаифимен кездесті.

Кездесуде Президент еліміздегі футбол саласын дамыту мәселесіне арнайы тоқталды. Қасым-Жомарт Тоқаев қазіргі таңда Қазақстанда футбол клубтарын жекешелендіру және бәсекелес орта қалыптастыру бағытында нақты шаралар жүргізіліп жатқанын атап өтті.

Мемлекет басшысы Нассер Әл-Хелаифиге футболды халықаралық деңгейде насихаттауға және осы спорт түрінің дамуына қосқан үлесі үшін алғыс айтты.

Сонымен қатар тараптар Қазақстан мен халықаралық спорт ұйымдарының өзара ынтымақтастығын нығайту мәселелерін талқылады.

Кездесу соңында Қасым-Жомарт Тоқаев Қазақстанның Халықаралық падел федерациясымен әріптестігі елде жаңа спорт түрі, паделдің дамуына және оның танымалдығын арттыруға...

2015 жылы жарыққа шыққан және үш бірдей жаңартудан өткен сегізінші буындағы Toyota Hilux пикапының тоғызыншы буыны шыққалы жатыр. Жаңа үлгі алғаш рет толықтай электрлі күштік қондырғымен, екі электр қозғалтқышымен жабдықталған нұсқада ұсынылды. Толық техникалық сипаттамалар әлі жарияланбағанымен, Toyota Hilux-тың сыртқы және ішкі көрінісінің алғашқы ресми суреттерімен бөлісті. Жаңа модельдің Азия елдері нарығына шығуы 2026 жылға жоспарланған.

Жаңа Hilux қос кабинамен жабдықталған. Өлшемдеріне келер болсақ, ұзындығы – 5320 мм, ені – 1855 мм, биіктігі – 1800 мм, ал дөңгелек базасы– 3085 мм. Бұл өлшемдер алдыңғы буыннан аса ерекшеленбейді.

Toyota Hilux пикапының электр қозғалтқыштары 196 ат күші қуат өндіреді, ал оларды...

Петропавл қаласында «Қызылжар» футбол клубының жеке қаржыландыру жүйесіне көшуіне байланысты маңызды келісімге қол қойылды. Құжат клубтың спорттық бренді, инфрақұрылымы мен активтерін жаңа меншік иесіне беру тәртібін айқындайды.

Бұл келісім президент Қасым-Жомарт Тоқаевтың кәсіби футбол клубтарын жекешелендіру жөніндегі тапсырмасын орындау аясында жүзеге асып отыр.

«Қызылжар» клубының жаңа инвесторы ретінде кәсіпкер Сергей Кан анықталды. Енді Кан клубтың даму стратегиясын, инфрақұрылымдық жобаларын және спорттық көрсеткіштерін жақсартуға жауапты болады.

Спорттық сабақтастық туралы құжат Қазақстан футбол федерациясы (ҚФФ), сондай-ақ FIFA және UEFA қолдауымен өтетін жарыстарға қатысуға қатысты құқықтар мен міндеттердің берілуін реттейді.

Осылайша, «Қызылжар» елдегі алғашқы жеке қаржыландырылатын футбол клубтарының бірі болмақ. Бұған...

Елімізде есірткі қылмысымен күресуге енді жасанды интеллект көмектеседі. Бас прокурор Берік Асылов ЖИ негізіндегі екі инновациялық құралдың қалай жұмыс жасайтынын түсіндіріп берді.

Crypto Trace және ProkAi деп аталатын инновациялық құралдарды Шымкент қаласының прокуратурасы мен отандық IT-әзірлеушілер бірлесіп жасаған.

«Екі жоба да Мемлекет басшысының «Заң мен Тәртіп» идеологиясын қоғамда ілгерілету шеңберінде өтеусіз негізде іске асырылды және прокуратураның теңгеріміне берілді«, – деп жазды Асылов Х әлеуметтік желісінде.

Есірткі бизнесінің ақшасын анықтай алады…

«Crypto Trace» – бұл жаңа буынның іздеу жүйесі, ол желідегі транзакцияларды талдауға және есірткі бизнесінің ақшасын анықтауға көмектеседі.

Вице-премьер – Ұлттық экономика министрі Серік Жұманғарин Taldau Talks подкастында үкіметтің дағдарысқа қарсы шаралар қабылдауына не себеп болғанын түсіндірді. Оның айтуынша, кейінгі кезде бірнеше реформаның бір мезгілде жүргізілуі әлеуметтік және экономикалық толқу қаупін арттырған.

«Реформалар бір-біріне қабаттаса бастады. Мұнда, бір жағынан, тұрғын үй-коммуналдық шаруашылық реформасы, сонымен қатар салық реформасы, бюджет реформасы қатар жүрді. Сондықтан біз оларды уақытша тоқтата тұруға шешім қабылдадық», – деді министр.

Жұманғаринның пайымдауынша, дағдарысқа қарсы шаралар елдегі реформаны тоқтату емес, уақытша «үзіліс» ретінде қарастырылу керек.

«Біз еш реформаны тоқтатқан жоқпыз. Бюджет-салық реформасы да, қаржылы...

Шымкентте жүкті әйелдердің атына жалған әлеуметтік төлем рәсімдеген әйел әшкереленді. Бұл туралы қалалық прокуратура хабарлайды

Құзырлы органның хабарлауынша, ол жеке кәсіпкерлердің электрондық қолтаңбаларын пайдаланып, жүкті әйелдерді қағаз жүзінде түрлі кәсіпорындарға жалған жұмысқа орналастырады. Одан әрі олардың атына әлеуметтік төлем рәсімдеп, бөлінген қаражатты өз пайдасына жұмсаған.

Мемлекетке келтірілген шығын көлемі – 217 млн теңге.

Қазір Қылмыстық кодекстің 190-бабының 4-бөлігі (аса ірі көлемде алаяқтық) бойынша іс қозғалды. Тергеу амалдарын Шымкент қаласы бойынша Экономикалық тергеу департаменті жүргізіп жатыр.

Соңғы кезде жұмыс істемей, табыссыз отырған келіншектерге мемлекеттен берілетін декреттік төлемдерді заңсыз алуды үйрететін курстар пайда болған. Еңбек және халық әлеуметтік қорғау министрлігі декретке өте үлкен қаражатпен...

10 қараша күні сағат 10:45-те Жамбыл облысы Төтенше жағдайлар департаментінің «112» пультіне Тараз қаласы, Төле би даңғылында газ қондырғысы орнатылған автокөліктің өртенгені туралы хабар түсті.

Оқиға орнына ТЖД-ның жедел әрекет ету бөлімшелері дереу жетіп, өртті сөндіру жұмыстарына кірісті. Өрт сөндірушілердің жедел әрекетінің арқасында тілсіз жау сағат 10:56-да толық сөндірілді.

Қаза тапқандар мен зардап шеккендер жоқ. Қазіргі уақытта өрттің шығу себебі анықталып жатыр.

Куәгерлердің айтуынша, оқиға қалалық әкімдік ғимаратыны...

Хасан Қасымбаевтың әйелі өзін-өзі өртейтінін айтты. Талғар аудандық сотында Хасан Қасымбаевтың ісі бойынша сот аяқталуға жақын.  

NEGE ақпаратына қарағанда, бүгін сотта айыпталушылар соңғы сөздерін айтады.

Хасан Қасымбаевтың туыстарының пікірінше, «прокурор дәлелсіз 15 жыл сұрап отыр».

«Мен о бастан айтып жатырмын, күйеуімнің еш кінәсі жоқ. Оны үйде үш балам күтіп отыр. Осыдан әділ шешім шығармаса, осы жерде өзімді өртеймін», – деді Х.Қасымбаевтың әйелі Зүлфия Қасымбаева.

Хасанның туыстары соттан «әділдікті« «талап етті.

«Біз соған дейін барамыз. Осы жерде адам өлімі болады. Мен өзімді құрбандық жасаймын. Әділдік керек. Осыншама жұрт Хасан үшін...

Болашақта мүлде ақша болмауы мүмкін. Бұл жайында Tesla компаниясының негізін қалаушы Илон Маск болжам жасады.

Ведомсти ақпаратына қарағанда, ол бұл пікірін компания акционерлерінің жиналысында айтқан.

«Мүмкін, болашақта мүлде ақша болмайтын шығар. Немесе ақша қалады, бірақ оны ваттпен өлшейтін боламыз. Мысалы, қанша энергия өндіруге болатынын электр қуаты тұрғысынан есептеу арқылы», – деді ол.

Маск әзілдеп, акционерлерге «Tesla акцияларын ұстай тұрғандарыңыз жөн», – деп те қағытты.

31 қазанда миллиардер Джо Роганның подкастында сөйлеген сөзінде, «жасанды интеллект (ЖИ) 2030 жылға дейін смартфондарды толығымен алмастыра алады» деп болжаған еді. Оның айтуынша, нейрожелі иесінің қажеттіліктеріне өздігінен бейімделе алатын...

Жоғары аудиторлық палата жүргізген тексерістен кейін ветеринариялық, фитосанитариялық және азық-түлік қауіпсіздігін қамтамасыз етуге жауапты 28 лауазымды тұлға түрлі деңгейдегі тәртіптік жауапқа тартылды.

Палата биыл тамыз айында осы салада аудит жүргізіп, бірқатар заң бұзушылықтар мен қаржылық кемшіліктерді анықтаған. Нәтижесінде бюджет және өзге де заңнама талаптарының сақталуын қамтамасыз етпеген қызметкерлердің жауапкершілігін қарау тапсырылды.

Тәртіптік шаралар Ауыл шаруашылығы министрлігінің, сондай-ақ оған қарасты ұйымдар мен әлеуметтік-кәсіпкерлік корпорациялардың қызметкерлеріне қатысты қолданылған.

Атап айтқанда,

21 жастағы Асылжан Алтай ағылшынды жеңіл үйренуге арналған Aleem қосымшасын дайындап шығарды. Қазір бұл қосымша App Store-да ең танымал қолданба атанды. Тіпті шет тілін үйренуге арналған әйгілі Duolingo-дан бұрын бірінші орынға шыққан. Бұл жайлы Асылжан тредстегі жазбасында хабарлады.

Асылжан Алтай – Шымкент қаласының тумасы, қазір АҚШ-та оқиды. Ол өзі де ағылшын тілін үйренемін деп жүріп, түрлі кедергілерге тап болған. Сондықтан өзі үшін шет тілін меңгерудің ерекше әдісін ойлап тапқан. Оның негізінде Aleem қосымшасы пайда болады.

«Әзірге қолданба тек iOS-та қолжетімді, андройд үшін бейімделіп жатыр. және тек орыс, ағылшын тілдері ғана бар, қазақ тілін енді іске қосамыз», – дейд...

Ұлттық банк төрағасы Тимур Сүлейменов инфляция бойынша 5%-дық нысаналы көрсеткіш (таргет) өзгеріссіз қалатынын мәлімдеді. Бұл туралы ол Taldau Talks подкастында айтты.

«Инфляцияны 5%-ға дейін түсіру – Ұлттық банк пен Үкіметтің ортақ мақсаты. Бұл көрсеткіш Президент Жарлығымен бекітілген. Біз осы деңгейге ұмтылуымыз қажет, себебі ол теңгерімді экономикалық өсім, төмен инфляция және инвестициялық әрі әлеуметтік тұрғыдан қолайлы ортаны қамтамасыз етеді», – деді ол.

Экономика «қызып барады»

Тимур Сүлейменов қазіргі кезде ел экономикасының «өз мүмкіндігінен де жоғары қарқынмен» өсіп жатқанын атап өтті. Бұл – экономика қызып барады деген сөз.

Бас банкирдің айтуынша...

Әйелдер теннис қауымдастығы (WTA) Эр-Риядта өткен маусымның қорытынды турнирінен кейін, жаңартылған әлемдік рейтиңін жариялады.

Жаңа тізімге сәйкес, үздік үштік өзгеріссіз қалды:

Қазақстанның бірінші ракеткасы Елена Рыбакина рейтингте бір саты жоғары көтеріліп, алтыншы орыннан бесінші орынға жайғасты.

Рыбакина бұл жарыста барлық қарсыласын сенімді түрде жеңіп, бес матчтың бәрінде үздік нәтиже көрсетті. Финалда рейтинг көшбасшысы Арина Соболенконы айқын басымдықпен ұтып, маусымды жарқын жеңіспен аяқтады.

Қазақстанның тағы бір теннисшісі Юлия Путинцева өз орнын сақтап, әлемдік рейтингтің 73-сатысында қалды.

Ал жұптық рейтингте ел намысын қорғап жүрген Анна Данилина екі саты төмендеп...

Бірыңғай жинақтаушы зейнетақы қорындағы (БЖЗҚ) жинақты пайдалану мүмкіндігі кеңейтілмекші. Өнеркәсіп және құрылыс министрлігі арнайы заң жобасын әзірледі.  

Жаңа өзгеріс бойынша, зейнетақы қорындағы қаржыны:

Министрліктің түсіндіруінше, осыған дейін зейнетақы қаржысымен ипотеканың негізгі бөлігін немесе үстіндегі пайызын да жабуға болатын еді. Ал жаңа өзгеріс бойынша, БЖЗҚ қаржысымен тек негізгі қарызды жаба аласыз, ипотека пайызын жабуға пайдалануға болмайды.

Құжатта жазылғандай, бұл өзгерістерге жаңа Салық кодексі себеп болып отыр. Еске салайық, енді 2026 жылдан бастап зейнетақы қоры төлемдерінен, сондай-ақ баспана алу немесе емделуге пайдаланылатын біржолғы зейнетақы төлемдерінен жеке...

Бүгін Қырғызстанда Жогорку Кенеш депутаттарының мерзімінен бұрын өтетін сайлауының үгіт-насихат кезеңі басталды.

24 kg ақпаратына қарағанда, бұл туралы Орталық сайлау комиссиясы хабарлаған.

Үгіт науқаны 10 қарашадан – 29 қарашаға дейін 20 күнге созылады. Заңға сәйкес, дауыс беру күніне бір күн қалғанда, яғни «тыныштық күні» тоқтатылады.

ОСК мәліметінше, сайлауға 467 кандидат тіркеліп отыр. Олардың 276-сы – ер адам, 191-і – әйел. Бүгіннен бастап кандидаттар кездесу, митингі, пікірталас өткізіп, БАҚ пен интернетте материал жариялауға, өздеріне немесе қарсыластарына дауыс беруге шақыруға құқылы.

Әлеуметтік желілер бұл оқиғаға дереу жауап берді. Әлемуеттік желі ұранға, уәдеге және бірдей өңделген фотосуретке толып кетті.

За...