Жаңалықтар

31 қазанда қазақ эстрадасының жұлдызы Қайрат Нұртас Алматыда үлкен концерт өткізді. Орталық стадиондағы кеш барысында әншінің қызы Алау Нұртас сахнаға көтеріліп, әкесіне тосынсый жасады.

Қайрат Нұртас «Ол сен емес» әнін орындап жатқан уақытта бір топ биші жігіттің арасынан Алау Қайратқызы да көрінді. Ол да көптен қалыспай, сахна төрінде биледі

«Алау сахнада. Қасында әкесі тұрса да, жүрегім алқымыма тығылды. Өз тынысымды өзім естіп, қобалжыдым», – деп жазды әншінің әйелі, Алаудың анасы Жұлдыз Әбдікәрімова.

Қызының тосынсыйы мен өнеріне риза болған әнші де оны көрерменге таныстырып, көпшіліктен қолдау сұрады.

«Әкесін...

Жиһадшылар тобы Мали астанасын қоршап алды. 4 млн халқы бар Бамако қаласында бензин жоқ. Қарулы күш әскери хунтаны биліктен тайдырса, Африкадағы осы ел халифатқа айналуы мүмкін, деп жазды Financial Times.

Пригожиннің «Вагнері» қорғаған әскери хунта

Он жылдан астам уақыт бұрын «Жалғыз көзді» деген лақап атқа ие Мохтар Бельмохтар бастаған содырлар Малидің солтүстігін басып алған. 2013 жылы Франция әскери осы елге кіріп, жиһадшыларды тықсырған.

Қазір Бельмохтар жоқ, француздар қуылған, бірақ оның орнына ресейлік жалдамалы әскер келген. Демократиялық үкіметті әскери хунта биліктен тайдырған. Бірақ жиһадшылар қайтадан күш жинап, астананы қоршауға алды.

2021 жылы Ресей Малиге Евгений Пригожин бастаған «Вагнер...

Қазақстан Премьер-министрі Олжас Бектенов Астанада өткен VIII қазақстандық жаһандық инвестициялар бойынша дөңгелек үстел (KGIR-2025) аясында марапаттау рәсімін өткізді.

Astana Motors компаниясы «Өндірісті локализациялауға қосқан үлесі үшін» марапатына ие болды.

«Біздің мақсат – толық циклді автокөлік өнеркәсібін, соның ішінде компоненттер өндірісін құру. Осы бағытта біз ұсақ түйінді өндірістің жоғары үлесі бар автокөлік зауыттарын салып жатырмыз. Сондай-ақ Алматы индустриалды аймағында мультимедиялық жүйелер мен автокөлік орындықтары сияқты автокомпоненттер шығаратын технопаркті іске қостық. Біз бұл жолымызды 2011 жылы Алматыда автобус және коммерциялық көліктер шығаратын зауытты іске қосудан бастадық.

2020 жылы біз жылына 50 000 көлік шығаратын  Hyundai Trans Kazakhstan автокөлік...

Азаматтар АИ-92 бензинінің қымбаттауына, автогаз тапшылығына шағымдана алады. Энергетика министрлігі тәулік бойы шағым қабылдайтын желі ашты.

Үкімет халық үнін ескереді

1 қарашадан бастап министрлік бензин мен дизель отынын қымбат сатқан жанармай құю бекеттеріне қатысты азаматтар өтінішін тіркейді. Сонымен бірге тұрғындар сұйытылған мұнай газы (автогаз) тапшылығына да шағымдана алады.

Үкімет осындай қадам арқылы алыпсатарлармен, отын тапшылығымен күресуді көздеп отыр. Энергетика министрлігі ғана емес, Бәсекелестікті қорғау және дамыту агенттігі мен өңірдегі штабтар бірігіп жұмыс істейді.

Мекеменің мәліметінше, министрлік бензин мен дизель отынын өңірлер сұранысына сай жөнелтіп отыр. Мұнай базаларында отын жеткілікті.

«Тапшылыққа себеп болатын объективт...

«Қайрат» клубының төрт ойыншысы Қазақстан құрамасына шақыртылды. Олардың арасында жас шабуылшы Дастан Сәтбаев пен қақпашы Темірлан Анарбеков те бар.

Бұл екеуі Бельгияға қарсы ойында ел намысын қорғайды. Сонымен бірге «Қайрат» клубының тағы екі футболшысы құрамаға көмектеседі. Еркін Тапалов пен Дамир Қасаболат та ұлттық команданың сары жейдесін киеді.

Іріктеу турнирі аясындағы Қазақстан – Бельгия матчы 15 қарашада Астанада өтеді. Сосын алматылық төрт футболшы жолдастық кездесуге қатысу үшін Еуропаға аттанады. Фарер аралдарына қарсы матч 18 қарашаға белгіленген.

Ұлттық құрама биыл екінші мәрте Бельгияға қарсы ойнайды. 7 қыркүйектегі кездесуде Қазақстан 0:6 есебімен жеңіліп қалған. Қазақстанның әлем чемпионатына шыға алмайтыны сол кезде-а...

Қазақстандық теннисші Александр Бублик Париж қаласында Мастерс санатындағы ірі турнирдің жартылай финалына шықты. Ол 31 қазанда түнде австралиялық Алекс де Минаурды үш сетте жеңді.

Ширек финалдағы тартысты матч 2 сағат 23 минутқа созылды. Бублик алғашқы сетте тай-брейкте есе жіберсе, одан кейінгі екі партияда басым түсті. Есеп 6:7 (5), 6:4, 7:5. Қазақстанның бірінші теннисшісі осы матчта 16 мәрте эйс орындап, екі рет брейк жасады.

Осылайша Бублик ATP-1000, яғни Мастерс санатындағы ірі турнирдің жартылай финалына шықты. Ол канадалық Феликс Оже-Альяссиммен финалға таласады.

Бублик осы жетістігі арқасында ATP рейтингінде алғаш рет 11-орынға көтерілді. Парижде финалға шықса, үздік он теннисші қатарына қосылады...

Сенбіде Қазақстанның елдің батысында жаңбыр жауып, жел күшейіп, тұман түседі. «Қазгидромет» 31 қазанға ауа райым болжамын ұсынды.

Әлеуметтік желіде Атырау облысының Құрманғазы ауданында мемлекеттік қызметші өзіне қол жұмсап, қайтыс болғаны туралы ақпарат пайда болды, деп хабарлайды Kursiv.Media.

Кейбір мәліметтер ақпаратына сүйенсек, ол өзін аңшылық мылтықпен атып өлтірілген.

«Ақ Жайық» басылымының мәліметінше, қаза тапқан азамат — аудан әкімдігінің жер қатынастары, сәулет және қала құрылысы бөлімінің 36 жастағы басшысы Қуаныш Имашев.

Қайғылы оқиға 30-ынан 31 қазанға қараған түні болған.

«Өлім фактісі бойынша ҚР ҚК-нің 105-бабы – «суицидке жеткізу» бойынша қылмыстық іс қозғалды. Сот-медициналық сараптама тағайындалып, тергеу басталған», – деп хабарлады Атырау облысының полиция департаменті.

Қайтыс болған ер адамның артында төрт баласы қалған.

Kaspi жаңа төлем әдісі — Kaspi Alaqan-ды ұсынды. Енді дүкенде телефонсыз, интернетсіз және картасыз алақанмен төлем жасауға болады, деп хабарлайды Kursiv.Media.

Инновациялық жобаның іске қосылғаны туралы Kaspi негізін қалаушы Михаил Ломтадзе 31 қазанда Almaty театрда жаңа сервистің тұсаукесері кезінде айтты.

Ломтадзенің айтуынша, технология 2025 жылдың желтоқсанында, алдымен, Алматының сауда орталықтарында, содан кейін бүкіл ел бойынша іске қосылады. Алақанмен төлем жасау банкоматта да жасауға болады. Kaspi серіктестері үшін үш ай ішінде 0% комиссия акциясы қолданылады.

«Бұл смартфон қолданудан жылдамырақ. Бірінші рет жасап көргенде, керемет сезім болады. Бұл технологияның артында Kaspi ID сияқты қауіпсіздік шешімдері бар. Пайдаланушы алақан...

Елорда әуежайында ұшу-қону жолағын жоспарлы жөндеу жұмыстары аяқталды. Әуежайдың баспасөз қызметі хабарлауынша, жөндеу жұмыстары өз уақытында аяқталды.

Жөндеу кезінде 10:00-ден 18:00-ге дейін рейстерді қабылдауға уақытша шектеу болған. Осыған қарамастан, әуежай барлық жоспарланған рейстің орындалуын қамтамасыз етті. Кесте кешкі және түнгі уақытта жұмысты күшейту арқылы түзетілді.

Әуежайдың мәліметінше, өндірістік көрсеткіштер тұрақты болып қалды. 2025 жылдың қыркүйегінде әуежай 2 969 рейсті қабылдады және 2 972 рейсті жолға аттандырды – бұл бір жыл бұрынғыдан көп (2 733 ұшу және 2 761 ұшу).

«Жөндеуге байланысты рейстер тоқтаған жоқ. Барлық жұмыс авиакомпаниялармен және аэронавигация қызметтерімен үйлестіріліп жүргізілді. 1 қарашадан...

Президент Қасым-Жомарт Тоқаев Ұжымдық қауіпсіздік туралы шарт ұйымының бас хатшысы Иманғали Тасмағамбетовпен кездесті, деп хабарлайды Kursiv.Media.

«Қасым-Жомарт Тоқаев Ұжымдық қауіпсіздік туралы шарт ұйымының Бас хатшысы Иманғали Тасмағамбетовпен кездесу өткізді», – делінген Ақорда хабарламасында.

Тасмағамбетов Тоқаевқа қараша айының соңында Қырғыз Республикасында өтетін ҰҚШҰ Ұжымдық қауіпсіздік кеңесінің сессиясына дайындықтың қалай жүріп жатқанын баяндады. Бұған қоса, ұйым қызметінің негізгі бағыттары бойынша бірқатар мәселе талқыланған.

Иманғали Тасмағамбетов ҰҚШҰ Бас хатшысы қызметіне 2023 жылдың 1 қаңтарынан бастап 3 жылға тағайындалған болатын.

Қазақстанда 193 бар мен түнгі клуб «қауіпті» деп танылды. ІІМ бұл орындарды алкогольді заңсыз сатудан бастап төбелеске және басқа да қылмыстарға дейінгі құқық бұзушылықтар жиі кездесетін мекемелердің арнайы тізіміне енгізді, деп хабарлайды Kursiv.Media.

Бұған дейін сенатор Бибігүл Жексенбай үкіметтен барлар мен түнгі клубтарды бақылауды күшейтуді талап еткен болатын. Оның айтуынша, бұл сала «көлеңкелі экономиканың» – алкогольді заңсыз сату, салықтан жалтару және қауіпсіздікті жүйелі түрде бұзу сынды құқық бұзушылық жасайды.

Премьер-министр Олжас Бектенов Қазақстанда 15 мың бар мен клубтың 193-і келушілер үшін қауіпті деп танылғанын хабарлады. Бұл мекемелер ІІМ өз сайтында жариялайтын арнайы тізімге енді. Сондықтан азаматтар қай жерде абай болу...

Қазақстанда 2025 жылдың үшінші тоқсанында 8 000-нан астам алтын құйма сатылған. Ең көп алтын Алматы, Астана мен Қарағандыда сатылған, деп хабарлайды Kursiv.Media.

» Ұлттық Банк 2025 жылғы III тоқсанда екінші деңгейлі банктер (бұдан әрі – ЕДБ) мен банктік емес жекелеген айырбастау пунктеріне жалпы салмағы 438,4 кг болатын 8 302 өлшемді құйма сатты», – делінген Ұлттық банк мәлімдемесінде.

Алтын құймаларының 71%-ы Алматыда (5 874 дана), 7%-ы Астанада (600 дана), 6%-ы Қарағандыда (460 дана) сатылған.

Қазір елімізде өлшемді құймаларды Halyk Bank, Еуразиялық банк, Jusan Bank, ЦентрКредит Банкінде және банктік емес жекелеген айырбастау пунктерінде сатып алуға және сатуға...

Қазақстан Ішкі істер министрлігі Екатерина Биволға іздеу салды. Ол әйгілі боксшы Дмитрий Биволдың бұрынғы әйелі, деп хабарлайды Kursiv.Media.

Полиция мәліметіне сүйенсек, оның үстінен қылмыстық іс қозғалған. Ол қамауда ұстау түріндегі бұлтартпау шарасымен іздестірілді.

«Сотқа дейінгі тергеу жалғасуда. Тергеу мүддесі үшін өзге ақпарат жария етілмейді», – деп жазды ведомство.

Бұған дейін оны Қырғызстан полициясы түрлі ұлт өкілдеріне айтқан бейәдеп сөздеріне байланысты тергеуге алынған.

Екатерина Бивол – ресейлік/қырғызстандық боксшы, WBA, WBO және IBF жеңіл салмақтағы әлем чемпионы Дмитрий Биволдың бұрынғы әйелі. Ерлі-зайыптылар 2023 жылы 16 жыл бірге тұрғаннан кейін ажырасқан. Олардың екі ұлы бар — Мирон...

Мәскеудің Преснен аудандық соты ресейлік блогер және кәсіпкер Аяз Шабутдиновты жалпы режимдегі колонияға жеті жылға бас бостандығынан айыру және 5 млн рубль айыппұл төлеу жазасына кесті. Айыптау тарапы 8 жыл сұраған еді. Бұл туралы РБК жазады.

Сонымен қатар сот 47 жәбірленушінің азаматтық талап-арыздарын ішінара қанағаттандырып, жалпы сомасы 82,2 млн рубль көлемінде өтемақы төлеуді міндеттеді.

Шабутдиновты 2023 жылдың қарашасында Ресейдің Экономикалық қауіпсіздік және сыбайлас жемқорлыққа қарсы күрес басқармасы қызметкерлері ұстаған. Оған Ресейдің Қылмыстық кодекстің 159-бабының 4-бөлігі бойынша («аса ірі көлемде ұйымдасқан топпен жасалған алаяқтық») айып тағылған.

Тергеу нұсқасы бойынша, Шабутдинов пен оның серіктестері азаматтарға жоғары табысты бизнес құруға болады деген жалған әсер қалдырып, қымбат...

Биологиялық белсенді қоспалар (БАД) жүрек ауруларын емдемейді. Оның орнына маман жазып берген медициналық препаратты ішкен жөн. Мұндай пікірді кардиолог, Астанадағы Жүрек ырғағы ғылыми-зерттеу институтының доценті Ақерке Бауыржанқызы айтты.

Маманның сөзінше, жүрек ауруларының алдын алуға болады. Ол үшін дұрыс тамақтану мен спортпен айналысудан бөлек ескеру қажет бірнеше жайт бар.

Қандай жағдайда дәрігерге жүгінген жөн?

Мәселен, жүрек тамырлары бітелуі салдарынан жүрекке келетін қанның азаюы медицинада жүректің ишемиялық ауруы деп аталады. Бұл ауру тұқым қуалауы да мүмкін, адамның өмір салтына қарай жүре келе пайда болады. Туыстары жүректің кенет тоқтауы салдарынан қайтыс болғандар және 45-65 жастағы ер азаматтар тексеріліп тұрғаны жөн. Ал темек...

Forbes тізіміндегі миллионер Қайрат Мәжібаевқа тиесілі RG Brands компаниясы Pepsi өндірісін тоқтатады. Орнына өзінің Salam Premium Cola деген сусынын шығармақ. Бұл туралы кәсіпкер Арманжан Байтасовпен сұхбатында мәлімдеді.

Қайрат Мәжібаев PepsiCo-мен серіктестікті тоқтатып, енді өз брендін дамытып жатқанын айтады. RG Brands компаниясы PepsiCo-мен 25 жыл серіктес болған.

Кәсіпкердің айтуынша, әлемде бұрынғы халықаралық жеткізу тізбегі бұзылып, әр мемлекет өз экономикалық ықпал аймағын қалыптастырып жатыр. Осы жағдайда Қазақстанға шикізат пен өндірісті ғана емес, отандық басқару орталықтарын дамыту, яғни шешім қабылдау процестерін ел ішінде шоғырландыратын мүмкіндік туып отыр.

«Жаңа мән қалыптастыратын уақыт жетті. Біз енд...

Болашақта Қырғызстан жедел қартаю процесіне тап болмақ. Бұл елдегі жағдайға арналған сараптамалық шолу барысында айтылды.

24 kg хабарлауынша, алдағы жылдары жасы ұлғайған қырғыздардың саны көбейе түспек.

Зерттеу мәліметтеріне сәйкес, 2030 жылға қарай 65 жастағы және одан үлкен азаматтардың үлесі шамамен 7 пайызға жетеді. Ал 2050 жылға қарай бұл көрсеткіш 19 пайызға жуықтайды. Бұл Қырғызстанды Еуропа елдерінің деңгейіне жақындатып, әлеуметтік қорғау мен денсаулық сақтау жүйесіне жаңа сын-тегеуріндер тудырады.

«Қырғызстан демографиялық қартаю кезеңіне қазірдің өзінде енді. Бұл – алыс болашақ емес, бүгінгі шындық. Ол жүйелі әрі ведомствоаралық шешімдерді қажет етеді. Ең өзекті мәселелердің бір...

Miryildiz Mining түрік компаниясы Қазақстанда алтын мен мыс өндіруді жоспарлап отыр. Бұл туралы тау-кен компаниясының бас директоры Эмрах Эрдэм Астанадағы форумда мәлімдеді.

«Біз алтын мен мыс өндірумен айналысамыз. Түркияда зауыттарымыз бар. Олар шамамен 10 жыл бойы жұмыс істеп келеді. 2026 жылдың аяғына қарай Қазақстанда алтын өндіре бастаймыз», – деді ол Kazakhstan Global Investment Roundtable (KGIR) форумында.

Топ-менеджердің айтуынша, компания Қазақстан даму банкімен («Бәйтерек» холдингіне еншілес банк) әріптестік орнатқан.

Инвестор Miryildiz Mining бес елде алтын, мыс, мырыш және басқа да металдар өндіретінін мәлімдеді. Ал оның басты нарығы – Түркия. Компания жыл сайын 1 млн тонна мыс...

Forbes Kazakhstan тізіміндегі бизнесмен Нұрлан Смағұлов «Қайрат-Селтик» матчын көргеннен кейін, қақпашы Темірлан Анарбековке көлік сыйлағысы келген. Бірақ «Қайрат» футбол клубының иесі Қайрат Боранбаев ол ойынан қайтарды. Бұл туралы «Замандас» подкастында айтып берді.

Мен футболды көріп, қақпашыға көлік сыйлағым келді. Оның коммерциялық та астары болды. Сол кезде бәрі үйлесе кетті, әрі сыйлық, әрі жақсы флагмандық қазақстандық көлік болады. Қайрат Боранбаевқа хабарласып, осындай идея бар деп айттым. Ол қазір «күте тұр, ойланайық» деді де, жарты сағаттан кейін хабарласты. Бұл кішкене қазақилыққа келмейтін сияқты дейді. 21 жастағы бала бар болғаны, әрі қосалқы құрамда, бір ғана матч ойнады. Тіпті жүргізуш...

2025 жылдың алғашқы тоқсанында Қазақстанның сыртқы сауда балансы төмендеп, елдің төлем балансы дефицитпен аяқталған. Ұлттық банк дерегінше, ағымдағы шот 0,6 млрд доллар тапшылық көрсетті. Былтыр осы кезеңде көрсеткіш нөлге жуық болған еді.

Негізгі себеп – шикізат экспортының азаюы. Биыл қаңтар–наурыз айларында экспорт көлемі 18,9 млрд доллардан 18,3 млрд долларға дейін, яғни 2,7%-ға қысқарған.

Негізінен шетелге сатылатын мұнай, уран және түсті металл көлемі азайды:

Табиғи монополияларды реттеу комитеті Қазақстандағы коммуналдық қызметтердің құнына қатысты жаңа мәліметтерді жариялады. Ведомствоның мәліметінше, соңғы жылдардағы бағаның өсуіне қарамастан, Қазақстандағы ТКШ тарифтері ТМД елдері арасында да, әлемдік деңгейде де ең қолжетімділер қатарында қалып отыр.

Қазақстандықтар коммуналдық қызметке қанша төлейді

Сараптама халықаралық Numbeo базасының негізінде жүргізілді. Бұл база әлем бойынша нақты тұтынушылық шығындарды қадағалап отырады.

«Есептеу кезінде ауданы 42,5 шаршы метр болатын стандартты пәтер және негізгі қызметтер: электр энергиясы, жылу, сумен жабдықтау, кондиционерлеу және қоқыс шығару ескерілді. Қазақстанда коммуналдық қызметке орташа айлық шығын 27,1 АҚШ долларын құрады. Осы көрсеткішпен республика 127 елдің ішінен 98-орын...

Белгілі қазақстандық заманауи суретші Ербосын Мелдібековтің «Құлаған Назарбаев» атты мүсіндерін ресейлік өнер мұражайы сатып алды. Бұл туралы NBK басылымы хабарлады.

Туындыны Мәскеудегі жекеменшік Garage заманауи өнер мұражайы бірнеше мың долларға сатып алған. Нақты сома жария етілмеді.

Инсталляция Талдықорғанда орнатылған. 2022 жылғы Қаңтар оқиғасы кезінде наразылар құлатқан Нұрсұлтан Назарбаев ескерткішінің бес қола көшірмесінен тұрады. Сол композиция арқылы автор экс-президент мүсінінің үш секундтағы құлау сәтін бейнелеген.

Мелдібековтің бұл еңбегі алғаш рет 2024 жылдың ақпанында өткен «Боран – Байқоңыр, Жібек жолы мен Құс жолының арасында» атты жеке көрмесінде көпшілікке таныстырылған еді. Көрмені Назарбаевтың бұрынғы құдасы Қайрат Боранбаев негізін қалаған «Целинный» заманауи мәдениет...

Қазіргі кезде 156,7 мың қазақстандық шетелде еңбек етіп жүр. Олардың басым бөлігі Ресейге жұмыс іздеп кеткен: 128,8 мың адам. Корея Республикасында 15,2 мың адам еңбек етсе, Польшада 2,6 мың Қазақстан азаматы жүр. Ал екі қолға бір күрек іздеп Ұлыбританияға кеткендердің қатары 1,4 мыңнан асады.

Еңбек және халықты әлеуметтік қорғау министрлігінің мәліметінше, шетелде жұмыс істейтін азаматтардың құқықтарын қорғау бағытында бірқатар келісімдер жасалып жатыр.

Мысалы, өткен жылы Қазақстан мен Катар арасында сол елде еңбек ететін қазақстандықтардың жағдайын реттейтін келісімге қол қойылды. Ал биыл Ұлыбританиямен еңбек көші-қоны саласындағы ынтымақтастық туралы өзара түсіністік меморандумы бекітілді.

Тағы бірнеше ел: Оңтүстік Корея, Сауд...