Жаңалықтар

Еуропалық комиссия Ресейге қарсы санкциялар тізіміне қытайлық мұнай өңдеу зауыттарын да кіргізбекші. Бұл жайлы дереккөздеріне сілтеме жасаған Reuters жазады.

ЕО қытайлық мұнай зауыттары «көлеңкелі флот» арқылы Ресей мұнайын сатып алып жатыр деп күдіктеніп отыр. Сол үшін жаздан бері арнайы зерттеу жүргізген. Енді санкцияны қабылдау үшін ЕО-ға мүше барлық елдің келісімі керек.

Агенттіктің дерегінше, шектеулердің жаңа пакеті 12 қыркүйекте жариялануы мүмкін. Тізімге Ресейге Батыс шектеулерін айналып өтуге көмектесіп жүрген үшінші елдердің компанияларын да қоспақшы. Орталық Азияның екі елінің банктері де енгізіледі деген болжам бар.

Бұған дейін ЕО 18-ші санкциялар пакеті аясында екі қытай банкін және Үндістандағы Вадинар қаласында орналасқан ір...

Freedom AI Talks іс-шарасында Freedom Finance Insurance басқарма төрағасы Азамат Керімбаев жасанды интеллект технологияларын пайдалану колл-орталықтың қызметін жеңілдетіп, қоңыраулар ағынын реттеуге көмектескенін айтты.

Керімбаевтың айтуынша, алдымен компанияның колл-орталығында 35 адам жұмыс істеген және бұл тұста компанияның нарықтағы үлесі шамамен 10% болған. Алайда бизнес ауқымы кеңейген сайын қоңыраулар саны айына 65 мыңға дейін өскен.

«Осының әсерінен колл-орталықта 100 адам жұмыс істей бастады. Алайда бұл процессті қиындатты: яғни олардың оқыту және бақылау қажет болды, ал қоңыраулардың себептерін талдап отыруға іс жүзінде мүмкіндік болмады», – деп атап өтті Керімбаев.

Компания жасанды интеллект көмегіне жүгініп, тұтынушылардың сұраныстарын реттеуге көшт...

10 қыркүйек күні Қазақстан қор биржасында (KASE) рубльмен сауда-саттық көлемі бір күнде 47%-ға өсіп, 5,43 млрд рубльге жетті. Бұл көрсеткіш доллармен жасалған сауда көлемінің шамамен 23%-ына тең. Сарапшылар мұны Ресей валютасының доллармен салыстырғанда күрт әлсіреуімен байланыстырады.

Экономист Эльдар Шамсутдиновтың айтуынша, Қазақстандағы доллар бағамы Ресей нарығымен салыстырғанда төмен болып тұр.

Мәселен, Мәскеу биржасында көкқағаз құны 1 доллар = 85,0 рубль бағамы бойынша, 541,9 теңгеге тең болса, Қазақстанда ол арзанырақ. Ал қолма-қол нарықтағы бағам ($1 = ₽86,81 → ₸553,6) одан да жоғары. Айырмашылық биржамен салыстырғанда шамамен 3,8 теңге, ал қолма-қол нарықпен салыстырғанда 15,5 теңгені құрап отыр.

Теориялық тұрғыда бұл арбитраж...

Зейнетақы жинақтарын тіс емдеуге аудару тоқтатылады. Бұл туралы «Отбасы банк» хабарлады.

«15 қыркүйектен бастап enpf-otbasy.kz платформасында тіс емдеуге зейнетақы жинақтарын (БЖЗҚ қаражатын) пайдалану бойынша өтінімдер қабылдау тоқтатылады», – делінген ақпаратта.

15 қыркүйекке дейін берілген барлық өтінім қалыпты тәртіпте қаралады.

Тіс емдеуге БЖЗҚ қаражатын пайдалану үшін өтінім қабылдау қашан қайта басталатыны хабарлаған жоқ.

Айта кетейік, бұған дейін Қаржы мониторингі агенттігі Бірыңғай жинақтаушы зейнетақы қорынан жалған құжатпен, стоматологиялық қызмет көрсету тәсілімен 200 млрд теңгені заңсыз шығару фактілері анықталғанын хабарлады.

Шығыс Қазақстан облысында шетел азаматтары заңсыз жолмен қымбат металдар өндірген. Халықаралық топтың заңға қайшы жұмысын ІІМ әшкерелеген.

«ШҚО-да қымбат металдарды заңсыз өндіргені үшін 19 шетелдік азамат ұсталды», – делінген ІІМ хабарламасында.

Ішкі істер министрлігінің облыстық департаменті өңірде «Құқықтық тәртіп» жедел-профилактикалық іс-шарасын жүргізген. Пайдалы қазбаларды заңсыз игерумен 19 шетел азаматы және 2 өңір тұрғыны айналысып келген.

Полиция тергеу барысында алтын және басқа да бағалы компоненттерді өндіруге арналған техникаларды тәркілеген. Олардың арасында экскаваторлар, бульдозерлер, ұсатқыш құрылғылар мен кен өндіруге арналған арнайы жабдықтар бар. Сонымен қатар құрамында алтын қоспалары бар металл бұйымдар да айға...

Павлодарда жылу беру маусымы басталады. Бұл туралы «Павлодарэнерго» АҚ мен әкімдіктің бірлескен мәлімдемесінде айтылған.

Осылайша, қала әкімдігі қаулысына сәйкес 10 қыркүйектен бастап Павлодарда жылу беріліп жатыр. Ең алдымен ауруханалар, мектептер, балабақшалар сияқты әлеуметтік мекемелерге жылу беріледі.

Көппәтерлі тұрғын үйлер жылыту жүйесіне кейінірек қосылады.  Ережеге сәйкес, тұрғын үйлерге жылу қосу үшін сыртқы ауа температурасы үш күн қатарынан +10 °C немесе одан төмен болуы қажет.

Айта кетейік, қыркүйекте республика аумағында күн салқын болады. Синоптиктердің болжамына сәйкес, ауа температурасы төмендеп, республиканың оңтүстік-шығысы мен шығысындағы таулы аудандарда жауын-шашын жаууы мүмкін. Солтүстік, орталық және шығыс өңірде үсік жүруі ықтимал. Түнде және таңертең тұман түседі деп...

Кәсіпкерлерге енді қағазбастылыққа уақыт кетірудің қажеті жоқ. Freedom Bank «Өрлеу» мемлекеттік бағдарламасы аясында елімізде бірінші болып ЖШС үшін цифрлық кредитті іске қосты. Енді микро, шағын және орта бизнес иелері үйден шықпай-ақ, 12,6% (ЖТСМ 12,6%-дан 13,6% дейін) тұрақты мөлшерлемемен кредит ала алады. Кредит кепілсіз және комиссиясыз беріледі.

Онлайн-кредитке өтінім беру үшін corpcredit.bankffin.kz сілтемесіне өтіп, компанияның БСН нөмірі  мен директродың ЖСН және телефон нөмірін енгізу жеткілікті. Кредит бойынша құжаттар автоматты түрде қалыптастырылады және электрондық цифрлық қолтаңба (ЭЦҚ) арқылы қол қойылады. Өтінім бойынша шешім  қабылдау уақыты 3 сағатқа созылады, ал қаражат  24 сағат ішінде шотқа түседі.

Айналым қаражатын толықтыруға берілетін қарызды...

Каспий құбыры консорциумы (КТК) 2025 жылғы 29 тамыздағы теңізге мұнай төгілгеннен кейін келтірілген зиянды сотқа дейінгі тәртіпте өтеді. Шамамен 1 млрд 142 млн теңге айыппұл төледі. Бұл туралы компания сайтында жазылған.

Төтенше жағдайды танкерге мұнай тиеу кезінде болған. Шикізаттың бір бөлігі айлақтағы шлангілер арқылы теңіз бетіне төгіліп кеткен.

«Росприроднадзор теңіз терминалында болған оқиғадан кейін қоршаған ортаға тиген залалды бағалауды аяқтады. Ведомство акваторияны тексеріп, алынған сынамаларды зерттеп, мұнай төгілуінің салдарын жоюға қатысқандардан ақпарат жинап, қажетті есептеулер жүргізді. Нәтижесінде төгілген мұнайдың қайтарылмайтын шығыны 8,43 текше метр немесе 6,7 тонна болғаны анықталды», – деп жазылған хабарламада.

Қазақстан мен Венгрия су дипломатиясына басымдық берілген қос дипломды магистратура бағдарламасын іске қосты. Бұл туралы су ресурстары және ирригация министрлігі хабарлады.

Қазақ ұлттық су шаруашылығы және ирригация университеті венгриялық Корвинус университетімен бірлесе жұмыс істеп жатыр.

«Бұдан бөлек, биыл тамызда Еуропалық комиссия Erasmus Mundus Design Measure бағдарламасы аясында 60 000 еуро көлемінде грант бөлді. Бұл грант су ресурстары мен су дипломатиясы бойынша интеграцияланған бірлескен магистратура бағдарламасын әзірлеу үшін Еуропаның үш және Орталық Азияның төрт университетінен құралған консорциумға, оның ішінде ҚазҰСШИУ-ге берілді», – деп хабарлады министрлік.

15 ай ішінде консорциум сарапшылары толық әзірленген бағдарламаны Еуропалық комиссияны...

Алматы әкімі Дархан Сатыбалды ғалымдармен кеңес өткізіп, Қасым-Жомарт Тоқаев жолдауда міндеттеген тапсырмаларды жүзеге асыру мәселесін талқылаған. Бұл туралы Алматы әкімдігінің баспасөз қызметі хабарлады.

Әкім төрағалығымен өткен кеңеске ғылыми қауымдастық өкілдері, жоғары оқу орындарының басшылары және жас ғалымдар қатысқан. Жиында президент тапсырмасы бойынша өңірде инновациялық экожүйе қалыптастырып, ЖИ технологияларын дамыту мәселелері қозғалған.

Сатыбалды жолдауда қамтылған экономиканы әртараптандыру, жаңа салаларды дамыту және ғылым мен технология үшін қолайлы орта қалыптастыру мәселелірен тоқталып өтіп, қаланың бұл салаларды дамытуда әлеуеті зор екенін атап өткен.

«Жаһандық өзгерістер жағдайында Алматының бәсекеге қабілеттілігін арттырып, оның әлеуетін барынша тиімді пайдалану қажет...

Туған қызын аюға жегізгісі келген әйел ақыры оны бауыздап өлтірді. Ташкентте 34 жастағы әйел жеті жастағы қызына пышақ жұмсаған.

Gazeta ақпаратына қарағанда, осы әйел 2022 жылдың қаңтарында үш жасар қызын Ташкент хайуанаттар бағындағы аюдың торына тастаған еді. Ол кезде қыз бала аман қалған. Бұл жайт өзбек қоғамын тіксіндірген еді.

Құқық қорғау органдарының мәліметінше, күдікті Зилола Туляганова жазда психоневрологиялық ауруханада емделген. Кейін амбулаториялық бақылауға алынған. Махалле өкілдері оның жағдайы жақсы, өзін қалыпты ұстайтынын айтқан. Әйелдің бір ұлы да бар.

Қызын өлтіргеннен кейін ол қамауға алынып, Өзбекстан Қылмыстық кодексінің 97-бабы («Адам өлтіру») бойынша іс қозғалды.

Мұның алдында жасөспірім телефонмен ойнауға тыйым...

2025 жылдың қаңтар–тамыз айларында Қазақстан экономикасы 6,5%-ға өсті. Бұл жөнінде Ұлттық статистика бюросы хабарлады.

Негізгі өсім сауда, өнеркәсіп және байланыс салаларындағы оң көрсеткіштердің есебінен қалыптасқан.

Өнеркәсіп жалпы 7,6%-ға артты. Әсіресе, өңдеу секторында өсім қарқыны жеделдеп, 6,5%-ды құрады. Оның басты қозғаушы күштері – машина жасау (+15,1%), тамақ өнімдері өндірісі (+10,1%), мұнай өңдеу (+7,6%), химия өнеркәсібі (+7,5%) және металлургия (+1,1%).

Сауда көлемі 8,9%-ға , негізінен көтерме сауда есебінен ұлғайды. Қазіргі таңда бұл бағыттың үлесі жалпы сауданың үштен екісінен асады (66,6%). Аймақтар арасында ең жоғары өсім Шымкентте (+21,3%), одан кейін Шығыс Қазақстан облысында (+5,7%) және Жетісу облысында (+0,6%) тіркелді.

Бұған дейін...

2001 жылдың 11 қыркүйегінде бүкіл әлемді дүр сілкіндірген лаңкестік әрекет жасалды. АҚШ-тың шығыс жағалауынан ұшып шыққан төрт жолаушы ұшағын террористер басып алып, оларды тірі бомбаға айналдырды.

Егіз мұнараларға шабуыл

Алғашқы екі ұшақ Нью-Йорктегі дүниежүзілік сауданың символы саналатын егіз мұнараларға бағытталды. Сағат 08:46-да Солтүстік мұнараға соғылған ұшақ ғимараттың жоғарғы қабаттарын от пен түтінге орап, жүздеген адамды қамауда қалдырды. Арада он жеті минут өткенде екінші ұшақ Оңтүстік мұнараға соғылды. Екі алып құрылыс жалындап жанып, ақыры бар-жоғы екі сағаттың ішінде күл-талқан болып құлады.

Пентагон мен Пенсильваниядағы ұшақ

Үшінші ұшақ Вашингтонға бет алды да, таңғы 09:37-де Пентагонға соғылып, АҚШ-ты...

Freedom Bank жылжымайтын мүлікті бағалау қызметін автоматтандырғаннан кейін, 7 айда 1 миллион ипотекалық өтінімді өңдей алды. Бұл туралы Freedom AI Talk талқылауы барысында банктің директорлар кеңесінің мүшесі Айдос Жұмағұлов айтты. Оның сөзінше, клиенттер үйде отырып емес, бөлімшеге келіп өтінім берсе, мұндай көлемді жұмысты атқаруға ондаған жылдар кететін еді.

Жұмағұловтың сөзінше, салада алғашқы болып автоматтандыру жүйесін енгізу арқылы компания нарықтағы үлесін көбейте алды. Себебі осыған дейін ипотека алғысы келген адам бірнеше ай бойы банкке өзі барып, әрбір әрекеті үшін қосымша бірнеше күн жұмсайтын болған. Ал іске Freedom Bank-тің автоматтандырылған жүйесі кіріскенде, өтініш жіберу, мүлікті бағалау сынды қызметтердің көпшілігін үйде отырып істеу...

АҚШ-та белгілі саяси белсенді әрі Дональд Трамптың жақтасы Чарли Киркке қастандық жасалды. Оқиға Юта штатының Utah Valley университеті кампусында ел алдында сөз сөйлеп жатқан кезде болды.

31 жастағы Киркке белгісіз біреу 100–200 метр қашықтықтан оқ атқан. Мойнынан жарақат алып, ауыр жағдайда ауруханаға жеткізілді. Дегенмен, дәрігерлер оның өмірін сақтап қала алмады.

АҚШ президенті Дональд Трамп өз әлеуметтік желісі Truth Social парақшасында Чарли Кирктің қазасын растады. Трамп бүкіл ел бойынша төрт күн бойы мемлекеттік туларды түсіру туралы шешім қабылдағанын хабарлады.

«Ұлы әрі аңызға айналған Чарли Кирк өмірден өтті. Барлығы оны жақсы көрді, мен де қатты құрметтедім. Мелания...

Freedom Broker қаржылық талдау департаментінің директоры Ерлан Әбдікәрімов жасанды интеллект инвестициялық саладағы сарапшыларды толығымен алмастыра алмайтынын айтады. Бұл пікірді ол Freedom AI Talk талқылауы барысындa айтты. Сарапшының сөзінше, қор нарығы шешімдерінің күрделі болуы оны алгоритмге көшіруін қиындатады.

Әбдікәрімов технологияны тиімді қолдану, нақтырақ айтқанда, модельдерді оқыту мен кері байланыс орнату үшін алдымен нақты деректер қажет екенін атап өтті.

«Қор нарығы модельдеуге болатын объект емес. Ол адамдардың эмоцияларына негізделген және қатысушылардың шешімдері нарықтың өзін тікелей өзгертеді», – деп түсіндірді ол.

Сарапшының пікірінше, AI есептерді талдау және деректер түйіндемесін дайындау сияқты күнделікті процестерді автоматтандыруға көмектессе де, оған үлкен...

Қазақстандық Q-pop жанрының негізін қалаған Ninety One тобы әлеуметтік желілерінде comeback деп жазба қалдырып, тыңдармандарын қуантты.

Айта кетейік, 2023 жылдың қарашасында топ GAP TOUR гастролін аяқтағаннан кейін, шығармашылыққа уақытша үзіліс жариялаған еді. Тур Астана, Алматы және Шымкент қалаларында өткен болатын.

Ninety One тобы 2022 жылы JUZ Entertainment лейблімен келісімшартты тоқтатып, содан бері шығармашылық жолын дербес жалғастырып келеді. Ал 2020 жылы топтың лидері, AZ лақап атымен өнер көрсеткен Азамат Зенкаев ұжымнан кетіп, топ төрт адаммен өнерін жалғастыруға мәжбүр болды.

Осы жылдар ішінде ерекше стилімен, батыл бейнелерімен және тың музыкалық бағыттарымен отандық шоу-бизнесті дүр сілкіндірген ұжым қоғамда үлкен талқылауларға да себеп...

«Қазгидромет» РМК мәліметінше, бейсенбі, 11 қыркүйек 2025 жылы Қазақстанның басым бөлігінде жаңбыр жауып, найзағай ойнайды.

Атмосфералық фронтальды бөліктермен байланысты циклонның әсерінен еліміздің солтүстігінде, шығысында және орталығында қатты жаңбыр, бұршақ жауып, екпінді жел соғады. Кей өңірлерде шаңды дауыл күтіледі. Түнде және таңертең батыс, солтүстік, шығыс аймақтарда тұман түседі.

Ал Қазақстанның батысында, оңтүстік-батысында және оңтүстігінде жауын-шашынсыз күн райы болжанып отыр.

Өзбекстан президенті Шавкат Мирзиёев пен ФИФА басшысы Джанни Инфантино арасындағы кездесуде маңызды келісімге қол жеткізілді. Тараптар ФИФA-ның Орталық Азияға арналған аймақтық кеңсесін Ташкент қаласында ашу жөнінде уағдаласты.

Инфантино Өзбекстан ұлттық құрамасының алдағы жылы өтетін футбол бойынша әлем чемпионатына жолдама алуымен құттықтады.

Өзбекстан Президент әкімшілігінің мәліметінше, әңгіме барысында футболды ұйымдастыру және басқару жүйесін жаңа деңгейге көтеру бағытындағы серіктестік жайы талқыланды. Сондай-ақ Өзбекстан мен ФИФА арасындағы тиімді әріптестікті кеңейту мәселелері қарастырылды.

Кездесу барысында тараптар футболды, әсіресе жастар арасында дамытуға ерекше көңіл бөлді. Осы орайда ФИФА республикада жаңа футбол орталығының ашылуын қолдады.

Ливерпульде (Ұлыбритания) өтіп жатқан бокстан әлем чемпионатында Қазақстан құрамасының төрт бірдей өкілі жартылай финалға жолдама алды.

Төрехан Сабырхан (70 келіге дейін) алғаш рет ересектер арасындағы әлем чемпионатында жүлдегер атанды. Ширек финалда франциялық Макан Траорені айқын басымдықпен жеңіп, кем дегенде қола медальді қоржынға салды.

Махмұд Сабырхан (55 келіге дейін) да жарқырай түсті. Жапониялық Руй Ямагучимен кездесуде қарсыласын бірінші раундта-ақ нокдаунға жіберіп, айқын басымдықпен жеңіске жетті. Осылайша, жартылай финалға шығып, финал жолдамасы үшін бақ сынайтын болады.

Әйелдер құрамасы да жетістіктерімен қуантты. Елдана Тәліпова (80 келіден жоғары) жаңа зеландиялық Элин Даниэль Ли-Лоны тізе бүктіріп, кем дегенде қола медаль алуға мүмкіндік алды. Ал Виктория...

Мәжіліс депутаты Марат Башимов Президент Қасым-Жомарт Тоқаевтың бір палаталы Парламент құру туралы бастамасына қатысты өз пікірін білдірді.

Мәжілісмен мұндай тәжірибе көптеген унитарлық мемлекеттерде барын айтады. Заң шығару ісінде бір палаталы Парламеттің беретін мүмкіндіктері өте көп екенін атап өтті.

«Бір палаталы Парламент болса заңдар тез қабылданады. Жауапкершілік күшейеді, тікелей халық сайлайды. Сенаттың құзыреттері мәжліске өтеді. Ол қандай құзереттер дегенге келсек, кейбір билік иелерін Сенат тағайындайды. Оның барлығы мәжіліске өтсе, оның құзыреті күшейетіні анық. Ықпалды парламент деп осыған дейін айтып жүрген едік, міне соған жәймен келе жатырмыз», – деді депутат.

Башимов бір палаталы Парламенттің бюджетті үнемдеу ісінде де зор...

Он жылдан кейін сахнаға қайта оралған әнші Сырым Исабаев TalkLike жобасына берген сұхбатында Қайрат Нұртаспен арадағы түсініспеушіліктің себебін ашып айтты.

Әншінің айтуынша, шығармашылық жолының басында Қайрат екеуінің ой-өрісі бір жерден шығып, достық пен шығармашылық байланыс жақсы дамыған.

«Менің әндерім оған ұнайтын, екеуіміз жиі тыңдап, жаңа бағыттарды талқылайтынбыз. Бәрі жүйелі түрде келе жатты», – дейді Исабаев.

Алайда уақыт өте келе әркімнің жеке көзқарасы мен пікірі қалыптаса бастаған.

«Сол кезде түсіндік: егер осылай жалғаса беретін болса, арты ұрыспен аяқталатынын. Бұл жерде біреуді кінәлау дұрыс емес. Ол кезде бәрін Қайраттың анасы...

Блогер Райхан Жұмамұратова «аутистер көбейіп кетті, оларды емдеу керек, егер емделмесе өлтіру керек» деген пікірі үшін кешірім сұрады.

Ол ешқандай арам ойы болмағанын, мұндай пікірді эмоциямен айтып жібергенін атап өткен.

«Ауыр сөздер айтқаным үшін аутист балалардың ата-анасынан кешірім сұраймын. Мен арам, жаман оймен айтқан жоқпын, эмоцияға беріліп айтып қойдым», – дейді ол жариялаған видеосында.

Блогердің даулы сөздерінен кейін «Autism Kazakhstan» ұлттық қауымдастығы Бас прокуратура және ішкі істер министрлігіне ерекшелігі бар балалардың ата-аналарынан түскен көптеген өтінішке байланысты ресми сұрау жолдаған.

Артынша блогерге қатысты қылмыстық іс қозғалғаны хабарланды.

Блогердің сөзіндерін Еңбек министрі Светлана Жақыпова да айыптаған.

ЖИ саласында ерекше белсенді дамып келе жатқан қазақстандық стартап Higgsfield AI Series A аясында 50 млн доллар инвестиция тартты. Бұл туралы компанияның негізін қалаушының бірі Ерзат Дулат жариялады.

Раундты GFT Ventures венчурлық қоры басқарды, ал басқа инвесторлардың қатарында BroadLight Capital, NextEquity Partners, AI Capital Partners және Menlo Ventures бар.

Бұған дейін Higgsfield AI алдыңғы қатарлы венчурлық қорлар мен «бизнес-періштелерден» 16 млн доллар инвестиция тартты. АҚШ, Қытай және Жапонияда миллиондаған аудитория жинай алған.

Higgsfield AI – жасанды интеллект негізіндегі видео жасауға арналған платформа. Компания өнімін TikTok, Instagram, YouTube сияқты платформаларға контент жасаушылар, музыканттар, жарнама агенттіктері және брендтер қолдана алады...