Жаңалықтар

Алматыдан Мәскеуге тікелей пойыз жүре бастайды. Бұл туралы «Ресей темір жолы» компаниясы хабарлады.

Ақпаратқа сүйенсек, рейсті ашу туралы өтінішті «РТЖ»-ға «Қазақстан темір жолы» компаниясы жасаған. Рейс күн сайын жүретін болады.

Жол жүру уақыты – шамамен 3,5 күн. Жолаушыларды отырғызу/түсіру үшін аялдамалар Тараз, Шымкент, Қызылорда, Ақтөбе, Орал, Саратов, Ртищево, Тамбов, Мичуринск, Рязань қалаларында және басқа да елді мекендерде қарастырылған.

Айта кетейік, Алматы мен Мәскеу арасындағы тікелей теміржол қатынасы...

Белгілі продюсер Баян Алагөзова күйеуі Тұрсын Алагөзовке жыл сайын қызметкерлеріне 100 пәтер сыйлап отыруға ұсыныс жасағанын айтады, деп хабарлайды Kursiv.Lifestyle.

Әсел Қожақованың YouTube арнасына берген сұхбатында продюсер күйеуі Тұрсын Алагөзов «МаxiЧай» брендіндегі қызметкерлеріне 100 пәтер сыйлауға ниетті екенін айтқан да, оған қолдау көрсеткенін айтты.

«Мен сені толыққанды қолдаймын. Сен жарадың. Сенімен бірге 20 жылдан артық жұмыс істеп келе жатқан адамдар, осы марапатқа лайық», – деп Алагөзова жарын қолдаған.

Бұған қоса, ол жұбайына жыл сайын 100 пәтер сыйлап отыру керек екендігі жөнінде ескерткен.

«Бұл сен үшін минимум. Сен кем дегенде...

2024 жылы Алматы облысы Талғар ауданында кісі қолынан қайтыс болған жасөспірім Шерзат Полаттың отбасы жаңа үйге кірді, деп хабарлайды Kursiv.Media.

Қуанышты жаңалықты желіде Шерзаттың әкесі Қаржаубай Нұрымовтың отбасылық адвокаты Мейірман Шекеев жария етті.

«Сіздерге қазақ халқының атынан айтқым келіп отыр. Үйдің салынуы да, осы Шерзаттың ісін де сіздердің көңілдеріңіз шығатын үкім шығуына да барша халық тілектес болды. Бүгін осындай қуанышты жағдайға да сол әкеліп отыр. Осы үйдің салынуына атсалысқан, біріншіден, Асқар деген бауырыма алғыс айтамын. Одан қалса, Асаруме қорының басшысы Асхат та үлесін қосты. Осы үй жанға толсын. Кішкентай-кішкентай Шерзаттарымыз жүгіріп жүре берсін...

23 қазанда Алматы тұрғындары жер сілкінісі туралы хабарландыру алды. ТЖМ автоматты жүйедегі ақауға байланысты хабарламаның қате болуы мүмкін екенін жоққа шығармады.

Төтенше жағдайлар жөніндегі вице-министр Кеген Тұрсынбаевтың айтуынша, датчиктер әлсіз жерасты тербелістерін 2-3 балл күшімен тіркей алады, бірақ жүйе 5 балдан және одан жоғары теңселу кезінде ескертуге орнатылған. Сондықтан ол қате ескерту жіберді.

«Мүмкін, жүйеде ақау болды, ішінде бір өзгеріс болды. Қазір біздің мамандар – мердігер ұйым зерттейді», – деп түсіндірді Тұрсынбаев.

Ол мұндай оқиға бұрын алматылықтар қала күнін атап өткен кезде болғанын айтты. Кеген Тұрсынбаев жүйе тексеріледі деп сендірді.

Қазақстанда жер асты дүмпулерін...

Отбасы Банктің әрбір үшінші қарыз алушысы 2025 жылы өзінің алғашқы тұрғын үйін сатып алды, деп хабарлайды банктің баспасөз қызметі. Жыл басынан бері пәтер мен үй кілттерін 60 мың отбасы алды, ал берілген қарыздың жалпы көлемі 1,25 трлн теңгені құрады – бұл өткен жылдың осы кезеңімен салыстырғанда 37%-ға артық.

Атап айтқанда, жыл басынан бері алғашқы баспана сатып алған бірнеше топ өкілдері бар:

Энергетика министрі Ерлан Ақкенженов бұйрығымен Sintra Energo және KAZ Green ENERGY компанияларын энергия өндіруші ұйымдар тізіміне қосты. Соңғысы кәсіпкерлер Владимир Ким, Эдуард Огай және Владимир Жұманбаевқа тиесілі.

KAZ Green ENERGY туралы

KAZ GREEN ENERGY компаниясына «Балқаш» күн электр станциясы кіреді. Оны салу құны бірінші кезеңде (қуаттылығы 50 МВт) 21,73 млрд теңгені құрады, оның 16,95 млрд теңгесін Қазақстанның Даму Банкі 14 жылға жылдық 13,79%-бен берсе, ал қалған ақшасын компанияның өзі шығарды.

Компанияның түпкі бенефициарлары Владимир Ким, Эдуард Огай және Владимир Жұманбаевты көрсетті. Ким Forbes нұсқасы бойынша ең бай қазақстандықтардың тізімінде 5,7 млрд доллармен үшінші, Огай – 761 млн доллармен...

10 жасар алматылық биші көшеде билеп, Қазнетті таңғалдырды, деп хабарлайды Kursiv.Lifestyle.

Тhreads пайдаланушылары желіден Натан есімді баланы байқаған. Ол күн сайын Гагарин мен Ходжанов көшелерінің қиылысында Майкл Джексонның хит әндерін қосып билейді. Баланың қимылдары, сенімділігі мен энергиясы оны кішкентай қала жұлдызына айналдырды.

Оның алдында әрдайым қара қалпақ тұрады, және оған көрермендер ақша тастайды. Натан планшетке ақша жинауды армандайды және оны өз бетімен алуды жөн көрген.

Threads қолданушылары баланың өнеріне тамсанады.

«Оған планшеттің керегі жоқ, талантын ойындар өлтіреді», «Натанға ерте ме, кеш пе үлкен ұсыныстар түсуі керек», «Музыкалық талғамы жақсы екен», «Биі тамаша», «Өте талантты бала...

2026 жылдың 1 шілдесіне дейін ипотека қымбат күйінде қала береді. Себебі Қаржы нарығын реттеу және дамыту агенттігі 1 қараша қабылдануы тиіс қаулыны кейінге қалдырды, деп хабарлайды Kursiv.Media.

Мәселенің мәні

ҚНРДА ақпаратына сүйенсек, «Жылдық тиімді сыйақы мөлшерлемесінің шекті мөлшерлерін айқындау туралы» жаңа қаулы әзірленген.

«Жобада «ЖТСМ шекті мөлшерлерін айқындау туралы» Қазақстан Республикасы Қаржы нарығын реттеу және дамыту агенттігі Басқармасының 2024 жылғы 16 тамыздағы № 62 және Қазақстан Республикасы Ұлттық Банкі Басқармасының 2024 жылғы 19 тамыздағы № 45 бірлескен қаулысымен белгіленген, ипотекалық тұрғын үй қарыздары бойынша жылдық тиімді сыйақы мөлшерлемесін (ЖТСМ) 25%-дан 20%-ға...

Ерлердің гардеробы әйелдерге қарағанда қарапайым болады деген ойыңыз қате болуы мүмкін. Себебі қазір стильді үйлестіру жағынан ер-азаматтар еш қалыспайды. Биылғы маусымда экологиялық тұрғыда таза, жайлы, смарт технологиялардың көмегімен тігілген сырт киімдер тренд болып жатыр. Яғни 2025 жылдың технология, дизайн және «slow fashion» философиясының симбиозы десек артық болмас. Әр ұсақ-түйектің мәні мен орны бар. Киіске жайлы болсын деп жасалады. Олай болса, биылғы басты тренд сырт киімдерге қатысты толыққанды гайдты назарыңызға ұсынамыз.

1. Oversized киімді ұнататын болсаңыз

Бұл қандай киім екенінен бастайық: Oversized киім деп кең, қыспай тұратын киімдерді айтамыз. Сырт киімдердің ішінде күртеше, пальтолардың неше түрі бар. Бірақ үстіңізде...

Ұлттық банк төрағасының орынбасары Ерұлан Жамаубаев ЕуроОдақ санкциясына іліккен ВТБ Банк төңірегіндегі жағдайға қатысты сауалдарға жауап берді.

«Осы банк арқылы операциялар жасалмайды десе де болады. Сол себепті ВТБ қаржы саласындағы тұрақтылыққа кері әсер ете алмайды. Экономикаға қандай да бір қауіп бар деп ойламаймын», – деді топ-менеджер 23 қазанда парламенттегі журналистерге.

Оның айтуынша, салымшылардың банк таңдау құқығы бар. Осында қалу немесе басқа банк таңдау – тұтынушының өз еркінде.

Азаматтар қаржы мекемесіндегі ақшасын жаппай шығарып алса, банк тақырға отырмай ма? ҰБ өкілі осы сауалға былай деп жауап берді:

«Банк клиенттері мен халық зардап...

Ауруханаға мәжбүрлеп жатқызылғаны туралы даулы оқиғаның кейіпкері болған әйел үйіне шығарылды.

Бұған дейін бір үйдің бес баласы анасына араша сұрап, видео жариялаған. Ол жерде бес баланың үлкені Құралай анасына бір күнде шизофрения диагнозы қойылғанын айтқан. Тіпті 40 күн жындыханада жатып шыққаннан кейін, анасының танымастай өзгергенін жеткізді.

«Бір күнде анамызды жындыханаға жатқызып, бізді орталыққа жіберді. Бауырлар мүлікке таласты. Сіңілім екеумізді де ауру деп жатқызғысы келді. Қатты қорқамыз. Бізге тіреу болатын ешкім жоқ. Әкеміз ішеді, бізді іздеген емес. Анамыз жалғыз өзі қарап келді. Анамыз ауру емес. Біздің де есіміз дұрыс», – дейді жасөспірім видеода.

Әйелдің Алматыдағы...

Жеке несие рейтингі – банктер мен микроқаржы ұйымдары адамның кредит алу қабілетін бағалау үшін қолданатын негізгі көрсеткіштердің бірі. Қарапайым тілмен айтқанда, сіздің қаржылық беделіңіз бен несиеге деген жауапкершілігіңізді көрсететін балл.

Егер сіз бұрын кредитті уақытында төлеп, қарызыңызды дұрыс басқарсаңыз, несие рейтингіңіз жоғары болады. Ал, керісінше, төлемді кешіктіріп, қарыз көп болса, рейтинг түсіп кетеді. Қаржы нарығын реттеу және дамыту агенттігі жеке несие тарихын қалай жақсартуға болатынын түсіндіреді.

Қазақстанда азаматтардың несие тарихы туралы деректер екі ұйымға жинақталады: Мемлекеттік кредиттік бюро және Бірінші кредиттік бюро.

Банк, микроқаржы ұйымдары, ломбард, байланыс операторлары, тіпті кейбір коммуналдық компаниялар да сіздің төлем тәртібіңіз туралы ақпаратты...

Алматыдағы «Көк базардың» кәсіпкерлері базар әкімшілігі тарапынан қысым көріп, миллиондаған теңге көлемінде «қолма-қол төлем» жасауға мәжбүр болғандарын мәлімдеді.

Саудагерлердің өкілі Ельдос Қыдырбаевтың айтуынша, соңғы екі жылда базарды басқару бірнеше рет ауысып, әр жаңа команда сауда орындарын «қайта бөлуге» кіріскен. Әкімшілік саудагерлерге нүктелерін босатуды талап етіп, оны күрделі жөндеумен түсіндіргенімен, іс жүзінде жөндеу жүргізілмеген.

«Орындарын сақтап қалу үшін кәсіпкерлер 200 мыңнан бірнеше миллион теңгеге дейін қолма-қол ақша берген. Төлем жасаудан бас тартқандар инвестициясынан айырылды. Кейбір әйелдер тіпті физикалық қысымнан кейін медициналық көмекке жүгінген», – делінген «Аманат» партиясының хабарламасында.

Партия хатшысы Ержан Жылқыбаев мәселені жедел қарауды...

Қазақстандық блогер Аружан Айбековаға Ташкент метросында жігіттердің денесін ұстаған пранкі үшін әкімшілік іс қозғалды.

Бұл туралы полиция департаментінің баспасөз қызметі хабарлады. Полицияның пікірінше, блогер қоғамдық орында әдепсіз әрекет жасап, оны әлеуметтік желілерде таратқан.

«Өзбекстан метросында жүрген кезде қыз жолаушыларға әдейі тиіскен. Бұл сәтті видеоға түсіріп, өзінің жеке парақшаларында жариялаған. Ұсақ бұзақылық дерегі бойынша оған қатысты әкімшілік іс қозғалды», – деп мәлімдеді полиция өкілдері.

Ведомствоның мәліметінше, іс материалдары сотқа жолданған.

«Бұған дейін де ол осындай әрекет жасаған, сол кезде онымен профилактикалық әңгіме жүргізілген болатын. Алайда, көріп тұрғанымыздай, тиісті қорытынды шығармаған», – делінген...

2025 жылғы 23 қазаннан бастап Freedom Media платформасында жаңа «Ұлжан» сериалының көрсетілімі басталады. Өз болмысын сақтап, арманы арқылы тағдырын өзгертуге ұмтылған жас қыз туралы музыкалық драма.

Басты кейіпкер ауылдан шыққан, музыкалық салада өзін дәлелдеуге тырысқан бойжеткен. Ішкі күмән мен қоғамның қысымын жеңіп, өз жүрегінің үніне еріп өмірін өзгертеді. Оқиғада өзін-өзі тану, еркіндік пен жеке таңдау тақырыптары көтеріледі.

Сериалдың режиссері әрі сценарисі – Яна Скопина. «Ұлжан» жобасының идеясы қазақстандық әнші Yenlik-пен танысудан кейін туындаған. Әншінің шығармашылық жолы мен тұлғалық еркіндігі сценарийге шабыт болған.

«Бүгінде Қазақстандағы музыка әлемі ерекше серпінмен дамып келеді. Жас орындаушылар өз ойын ашық айтып...

Қазақстанның ірі мұнай кен орындарының бірі – «Қаламқас-Хазар» жобасы АҚШ санкциясына ілігуі мүмкін. Өйткені бұл кен орнын игеріп жатқан Kalamkas-Khazar Operating LLP акционерінің бірі – ресейлік «Лукойл» компаниясы. Бұл компанияға 22 қазан күні АҚШ билігі санкция салған.

Kalamkas-Khazar Operating LLP компаниясына ресейлік «Лукойл» мен қазақстандық «ҚазМұнайГаз» АҚ 50 пайыздан иелік етеді.

«Нефть и Газ Казахстана» Telegram-арнасы атап өткендей, жаңа санкция Ресей мен АҚШ президенттерінің Венгриядағы жоспарланған кездесуі кейінге қалған соң жарияланған. Санкцияның басты нысанасы – «Роснефть», «Лукойл» және олардың 50% немесе одан көп үлесі бар еншілес компаниялары.

«Kalamkas-Khazar Operating LLP АҚШ санкцияларыны...

Үкімет басшысы Олжас Бектенов сенаторларға берген жауабында Қазақстандағы төртінші мұнай өңдеу зауытын салу үшін әлеуетті төрт орын белгіленгенін, оның бірі Маңғыстау облысы екенін атап өткен

Сенаторлар сұрауы

Еске сала кетейік, сенатор Саламат Алдашев пен Бауыржан Орынбасаров Үкіметке Маңғыстау облысында қуаты 5 млн тоннаға дейінгі шағын мұнай өңдеу зауытын салу қажеттігін ұсынған еді.

Олардың айтуынша, өңірде көлік логистикасы мен туризмді дамытуға бағытталған ірі жобалар іске асырылып жатыр. Атап айтқанда, Ақтау теңіз портының тереңдетілуі, контейнерлік және авиациялық хаб құрылысы, Кендірлі әуежайы мен «Сексеуіл–Бейнеу» автожолының жобасы жүзеге асырылып жатыр. Бұл бастамалар Маңғыстаудың транзиттік әлеуетін арттырғанымен, жанар-жағармай тапшылығы өңірдің дамуын...

«Қайрат» футбол клубының негізгі қақпашысы Александр Заруцкий жарақатынан толық айығып, қайтадан жаттығу процесіне қосылды. Бұл туралы клубтың ресми парақшасы хабарлады.

Команданың Instagram желісінде жарияланған видеода Заруцкийдің жеке дайындық өткізіп жатқан сәттері көрсетілген.

Айта кетейік, Заруцкий тамыз айында Чемпиондар лигасының іріктеу кезеңіндегі матчта жарақат алған болатын. Оның орнын сол кезде Темірлан Анарбеков басқан еді. Алайда біраз уақыттан кейін Анарбековтің өзі де жарақат алып, қақпаға 18 жастағы Шерхан Қалмырза шыққан.

Осылайша, маусым барысында «Қайраттың» үш бірдей қақпашысы алаңға шығып, жанкүйерлер ықыласына бөленді.

Forbes-тің ең бай бизнесмендер тізімінде 52-орында тұрған миллиардер, Kusto Group негізін қалаушы Қанат Көпбаев бояу шығаратын Tambour компаниясын қалай сатып алғанын айтып берді. Бизнесмен келіссөзге бармас бұрын анасына хабарласып, құмалақ аштырған.

«Келіссөзге барар алдында анама хабарласып, ауылдағы құмалақшыдан сұрап көрші дедім. Тас сәтті түсіп, «бара берсін, Қанаттың жаңа жобасы жетістікке жетеді» деп айтқан», – деп еске алады кәсіпкер.

Tambour – Израильдің бояу және құрылыс материалдары нарығындағы ірі ойыншы. Kusto Group оны 150 млн долларға сатып алған. Қанат Көпбаевтың айтуынша, бояу шығаратын кәсіпорынды иесі айтқан бағадан 10 млн долларға қымбатқа алған.

Мәміле қалай...

Сегіз жастағы баланы ит талап өлтірді. Оқиға Қырғызстанның Ош облысында болды. Бұл туралы жергілікті ішкі істер бөлімі хабарлады.

Kaktus.media ақпаратына қарағанда, 22 қазанда Қара-Құлжа ауданының ішкі істер бөліміне Қара-Көз ауылынан хабар келіп түседі. Онда 2017 жылы туылған балақай аудандық ауруханада қайтыс болғаны айтылған.

ІІБ мәліметі бойынша, оған ит шабуыл жасаған. Соның кесірінен бала ауруханаға көз жұмған.  

Бұл дерек тіркеліп, тексеру жұмыстары басталған.

Бұған дейін, Алматының іргесінде бірнеше ит 9 жасар баланы қан-жоса қылып талап тастаған.

Мұның алдында жануардың шабуылынан қалай қорғану керек екені туралы жазған едік.

Батыс Қазақстан облысының Бөрілі ауданында белгісіз дрон жарылып, Қызылтал ауылының тұрғындары дүр сілкінді. Оқиға таңертең болған.

Куәгерлердің айтуынша, жарылыстың күшті болғаны соншалық, кейбір үйлердің шатыры ұшып кете жаздаған. Алдын ала мәлімет бойынша, дронға айтарлықтай қуатты жарылғыш зат байланған. Оқиға орнында пайда болған үлкен шұңқыр осыған дәлел.

Қазір оқиға орнында аудан әкімдігі, ТЖД және полиция өкілдері жұмыс істеп жатыр.

«Бөрілі ауданында ұшқышсыз ұшу аппаратының сынықтарына ұқсас заттардың табылуына байланысты тексеру шаралары жүргізілуде. Нысан елдімекен аумағынан тыс жерде табылған. Қазір оқиғаның барлық мән-жайы анықталып жатыр», – делінген полиция хабарламасында.

Министрліктің ресми түсініктемесі

Қорғаныс министрлігі оқиғадан...

Биыл 16 қазандағы Өнеркәсіп және құрылыс министрінің бұйрығымен сумен жабдықтау және су бұру қызметтері көлемін есептеу әдістемесі бекітілді

Не өзгереді

Егер жеке тұлғада су есептегіші орнатылмаған болса, тұтыну көлемі әкімдіктер бекіткен коммуналдық қызмет нормаларына сай, бір адамға шаққан есеппен анықталады. Ал есептегіш бар тұтынушылар үшін су және сарқынды су көлемі тек сол аспаптың көрсеткішімен өлшенеді

Деректер қайдан алынады

Тұтынушылардың тіркелген саны туралы мәліметті жеткізуші ұйымдар «электрондық үкімет» порталы мен мемлекеттік деректер қорлары арқылы алады. Бұл ақпарат есептеу дәлдігін арттыруға бағытталған.

Өрт сөндіру шығыны

Құрылыс нысандарындағы су жүйелерін шаю кезінде есептегіш болмаған...

Еуропа одағының (ЕО) елдері Қазақстандағы VTB Bank-ке де санкция салды. Бұл туралы ЕуроОдақ журналында жарияланды.

23 қазанда ЕО елдері Ресейге қарсы санкцияларының 19-жиынтығын мақұлдады. Шектеуге іліккендер арасында Ресейдің ғана емес, Қазақстан мен Беларусь банктері де бар. Брюссель оларды Мәскеуге салынған санкияларды айналып өтуге көмектесті деп есептейді.

Енді «қара тізімде» аты аталған қаржы мекемесі ЕО елдерімен қаржы операцияларын жүргізе алмайды. Соған байланысты банк еуро және доллармен жасалатын халықаралық айналымнан шығып қалады.

VTB Bank Kazakhstan – Ресейдің ВТБ халықаралық қаржы тобының Қазақстандағы еншілес банкі. Ол республика нарығында 16 жылдан бері жұмыс істеп келеді. Банктің ірі қалаларда 12 филиалы бар.

Алаяқтар қарапайым азаматтарға прокуратура, салық комитеті немесе банк қызметкері ретінде жиі хабарласады. Олар қауіпсіздік мақсатында телефонына келген кодты айтуын сұрайды. Егер білместікпен сол кодты алаяқтарға айтып қойсаңыз не істеу қажет? Бұған Жасанды интеллект және цифрлық даму вице-министрі Дмитрий Мун жауап берді.

1414-тен келген кодты айтсаңыз не болады

Вице-министрдің түсіндіруінше, код айтқанда, бірден картадағы ақшаны шешіп алып немесе атыңыздан несие ала салмайды. Әдетте, кодты сұрау – адамның сеніміне кірудің бірінші сатысы.

«Олар қоңырау шалып, «сіз код жібердіңіз, бәрі дұрыс» деп айтып, түрлі сұрақтар қоя бастайды немесе несие рәсімдеуді, жеке мәлімет беруді сұрайды. Мұндай жағдайда ешқандай ақпарат...