Жаңалықтар

Қостанай облыстық полиция департаменті қаза тапқан қызметкердің отбасына 23 млн теңге өтемақы төлейтін болды. Бұл туралы tobolinfo.kz хабарлады.

2024 жылы Ұзынкөл аудандық полиция бөлімінің криминалисі Құмар Шойтасов қаза тапқан. Тергеу дерегінше, бұрын сотталған Виктор Сербокрыл полицейдің үйіне кіріп, оның үйіне келгенін күтіп, бірнеше рет пышақ сұққан. Шойтасов оқиға орнында қайтыс болды. Айта кетейік, бұған дейін ол криминалист ретінде Сербокрылға қатысты қылмыстық істі тергеуге қатысқан.

Сот үкімімен Сербокрыл өмір бойына бас бостандығынан айырылды. Сонымен қатар ол жәбірленуші тарапқа 5 млн теңге өтемақы төлеуге міндеттелді.

Марқұмның анасы да ұлының қазасына байланысты полиция департаментінен 23 млн теңге көлемінде бір реттік өтемақы өндіру...

Солтүстік Қазақстан облысында шетелдіктерге жеке сәйкестендіру нөмірін беруде заңбұзушылықтар болғаны анықталды. Бұл туралы облыс прокуратурасы хабарлады.

«Азаматтарға арналған үкімет» мемлекеттік корпорациясы» филиалы шетелдіктерге олардың Қазақстан аумағында болмай жеке сәйкестендіру нөмірлерін алу туралы 720 өтініштін рәсімдеген. Бұл заң бұзу саналады.

Кінәлілер заңда белгіленген жауапкершілікке тартылып, берілген жеке сәйкестендіру нөмірлерінің күшін жою шаралары жүргізіліп жатыр.

Сонымен қатар 2025 жылдың 3 шілдесінде қадағалау органының материалдары бойынша Петропавл қаласының және М.Жұмабаев ауданының полиция органдары «Ақпаратты заңсыз жою немесе өзгерту» бойынша сотқа дейінгі тергеп-тексерулерді бастады.

Қазір тергеу амалдары жүргізіліп жатыр.

Желілік маркетинг (ағылшын тілінен MLM – multi-level marketing) бүкіл әлемде, соның ішінде Қазақстанда да дамыған кәсіп түру. Мұндай компаниялар жоғары табыс табасыз, жұмыс кестесі ыңғайлы, «өз-өзіңе жұмыс істеу» мүмкіндігі мен халықаралық құрылымда мансаптық өсу мүмкіндігін уәде етеді. Көпшілік үшін бұл таптырмас жұмыс: аз ғана қаражат салып, көп ақша табуға болатындай көрінеді.

Алайда желілік маркетингтің бәрі бірдей оңай жұмыс емес. Біреулер оны тауар мен қызмет сатуға негізделген нақты бизнес-модель деп санаса, енді біреулер қаржылық пирамидалардың баламаса деп есептейді. Қай жерде адал бизнес аяқталып, қай жерде алдау басталатынын түсіну үшін мұны егжей-тегжейлі қарастыру қажет.

Желілік маркетинг пен пирамиданың айырмашылығы

Негізг...

Италия президенті опера әншісі Әйгерім Алтынбекті құттықтады. Бұл туралы Борт №1 Telegram арнасы хабарлады.

«Президент Серджо Маттарелла опера әншісі Әйгерім Алтынбектің өнеріне жоғары баға беріп, оны биыл Италияда өткен ХІ халықаралық CLIP 2025 опера байқауында жеңімпаз атануымен құттықтады», – делінген ақпаратта.

Бұған дейін қазақстандық опера әншісі Әйгерім Алтынбек әлемнің ең беделді театрларының бірі – Италиядағы «Ла Скала» академиясына қабылданып, Андреа Бочеллимен дуэт айтатыны хабарланды.

Әйгерім Алтынбек – халықаралық вокалдық байқаулардың бірнеше дүркін жүлдегері. Соның ішінде әйгілі композитор Джакомо Пуччинидің 100 жылдығына арналған байқауда жеңімпаз атанып, Италияның Модена қаласында өткен Николай Гяуров атындағы жарыста үшінші орын...

Алматыдан Атырауға бағытталған ұшақта қазақстандық белгілі әнші Бейбіт Қорған жанжал шығарды. Kozachkov offside Telegram-арнасы таратқан мәліметке сәйкес, әнші мас күйінде дөрекі сөйлеп, әуе компаниясының ережелерін орындаудан бас тартқан. Бұл туралы Курсивтің орыс тіліндегі редакциясы жазды.

Ұшақ қонған соң оны полиция қызметкерлері алып кеткен. Әншіге қатысты «ұсақ бұзақылық» және «құқық қорғау органының заңды талабына бағынбау» баптары бойынша әкімшілік хаттама толтырылған.

Атырау қаласындағы сот Бейбіт Қорғанды екі құқықбұзушылық бойынша кінәлі деп танып, оған 196 мың теңге көлемінде айыппұл салды.

«Реал Мадрид» клубының жартылай қорғаушысы Федерико Вальверде алматылық жанкүйерлердің әуежайда күтіп алғанына қатысты ойын айтты.

Баспасөз конференциясы кезінде БАҚ өкілдері жанкүйердің футболшыларды күтіп алғанына қатысты сұрақ қойды.

«Реал Мадрид» үшін бұл қалыпты жағдай. Біз бұл жерде бұрын ойнаған емеспіз, бірақ бізді қарсы алғанын көру қуантты. Кеш болғанына қарамастан, әуежайдан шыққан кезде «Реал Мадрид» жанкүйері көп екенін көріп қуандық. Бізден алыс ел болғанына қарамастан, мұнда жанкүйердің көп болғаны футболдағы ең әдемі көрініс. Біз үшін үлкен құрмет. Жанкүйерлерге жеңіс сыйлаймыз деген ойдамыз», – деді Вальверде.

Айта кетейік, Испанияның «Реал Мадрид» футбол клубы Алматыға 28 қыркүйекте келді. Команда УЕФА...

«Реал Мадрид» клубының бас бапкері Хаби Алонсо «Қайрат» командасы туралы пікір білдірді.

«Қалай болғанда да біз алаңға шығамыз. 11 ойыншы алаңға шығады. Команда барынша «Қайратқа» қарсы ойнауға дайындалды. Команда чемпиондар лигасында алғаш рет ойнап жатқанын білеміз», – деді Алонсо.

Айтуынша, мадридтік «Реал» ойыншылары «Қайраттың» «Селтик», «Спортингке» командасына қарсы ойынын көрген.

«Ойын көрсеткен жақсы. Қысым көрсетеміз, шабуыл жасаймыз. Біз де жақсы ойын көрсетуге тырысамыз. Бұл өте қарқынды ойын болғалы тұр. «Қайрат» командасы физикалық, тактика тұрғысынан да өте ұйымдасқан команда. Біз олар үшін мықты серпіліс екенін білеміз. Ойынды қарқынды бастауға тырысамыз», – дед...

Түркістандық футбол жанкүйері үйінің қақпасына алматылық «Қайрат» пен мадридтік «Реал» клубының эмблемасын салып шыққан. Бастапқыда ол тек «Реал Мадрид» эмблемасын салғысы келген. Алайда ойын сүйікті футбол клубы Чемпиондар лигасы аясында қазақстандық командамен ойнайтын болғандықтан, қақпасына «Қайрат» клубының эмблемасын да салуды жөн деп тапқан.

18 жастағы Рамазан Сәдуақас сурет салумен 10 жылдан бері айналысады.

«Кешке үйге келген соң қолым қалт еткенде салып жүрдім. Хоббиім десем болады. Үлкен ағам суретші, идея авторы да сол кісі. Бояуына артық шығын кеткен жоқ. Үйдегілер де дәл осы суретті салғаныма қарсылық танытпады», – дейді Рамазан.

Жігіт бұрыннан «Реал Мадрид» жанкүйері екенін...

Бас прокуратурада бірқатар аумақтық прокурорлардың ротациясын жүргізгенін хабарлады.

Президенттің келісімі бойынша Бас прокурордың бұйрығымен Батыс Қазақстан облысының прокуроры болып аға әділет кеңесшісі Ұласбекұлы Нұрбек, Маңғыстау облысының прокуроры болып аға әділет кеңесшісі Құшалиев Серікқали Жанбыбекұлы тағайындалған.
 
Сондай-ақ бірқатар аумақтық прокурорлардың ротациясы жүргізілген.

Жаңа Салық кодексі күшіне енген соң, арнайы салық режимдерінің қатары қысқарады Өзін-өзі жұмыспен қамтығандарға жаңа режим енгізілсе, шағын және орта бизнеске жеңілдетілген шарттар жасалады. Ал аграрлық сектордағы бұрынғы жеңілдіктер сақталады. Салық кодексіндегі өзгерістерді Мемлекетттік кірістер комитеті түсіндіреді.

Өзін-өзі жұмыспен қамтығандарға жеке кәсіпкер ретінде тіркелудің қажеті болмайды. Олар табыс салығынан толық босатылады, тек табысының 4%-ын әлеуметтік төлемдер ретінде аударады. Барлық міндеттемелерді арнайы мобильді қосымша арқылы орындауға болады, ал интернет-платформалардан табыс тапқан жағдайда төлемдерді ұстау мен аударуды платформа операторларының өздері жүргізеді.

Шағын және орта бизнес үшін де шарттар жеңілдетілмек. Енді оңайлатылған декларация негізіндегі режимді пайдалану кезінде жылдық табыс шег...

Әнші Рүстем Жүгінісовке хиджабтағы қыз туралы сөзі үшін айыппұл салынды. Енді ол 78 640 теңге көлемінде айыппұл төлейді.

Мұндай шешім әртістің қоғамда дүрбелең тудырған екі жария мәлімдемесіне байланысты қабылданды. Сарапшылардың қорытындысы бойынша, оның сөздері қоғамда діни алауыздыққа түрткі болуы мүмкін.

Алғашқы дау

2023 жылдың 31 желтоқсанында Жүгінісов TikTok-тағы Zhugunussov атты парақшасында Жаңа жылды тойлаудың мән-маңызына қатысты видео жариялады. Ол бұл мерекені пайғамбар да, қазақ халқының ата-бабалары да тойламағанын айтты. Бұл сөздер қоғамда үлкен пікірталас тудырып, сараптама мұндай мәлімдемеде діни келіспеушіліктерді өршітетін сипат бар деп бағалады.

Мешіттегі жүгенсіздік

Екінші оқиға Ақтөбедегі мешітте болған жағдайға байланысты. Онда бір...

Президент Қасым-Жомарт Тоқаев жаңа Оқу-ағарту министрі Жұлдыз Сүлейменованы қабылдады. Бұл туралы Ақорда хабарлады.

Кездесу барысында Қасым-Жомарт Тоқаев мемлекеттік және салалық бағдарламалар мен ұлттық жобаларды тиімді іске асырудың маңыздылығына тоқталып өтіп, жаңа министрге білім беру сапасын арттыруды, саладағы өзекті мәселелерді уақтылы шешуді тапсырған.

Сонымен бірге азаматтармен тығыз қарым-қатынас орнату мәселесіне мән беру қажет екенін де ескерткен.

Еске сала кетсек, бүгін 29 қыркүйекте президент Оқу-ағарту министрі болған Ғани Бейсембаевты қызметінен босатып, орнына Жұлдыз Сүлейменованы тағайындады.

Министр ауыспай тұрып, жеке мектептердің ұстаздары Астанаға барып, ереуіл өткізуді жоспарлаған. Жекеменшік білім беру ұйымдарының республикалық қауымдастығы төрайымы Роза Садықованың айтуынша...

Алматы полициясы «Қайрат» пен «Реал» арасындағы УЕФА аясында өтетін халықаралық футбол ойынына сақадай-сай дайын екенін хабарлады. Бұл шара қала үшін үлкен спорт мерекесі болатындықтан полицейлер қауіпсіздік пен тәртіпке ерекше назар аударып отыр.

Қалалық Полиция департаментінің баспасөз қызметінің мәліметінше, құқықтық тәртіп пен қауіпсіздікті қамтамасыз ету үшін кешенді шаралар қабылданған. Қоғамдық тәртіпті күзетуге 2,5 мыңнан астам қызметкер тартылады. Олар жанкүйерлер мен ойынға қатысушылардың қауіпсіздігіне және жол қозғалысын реттеуге аса мән бермек.

«Қымбатты алматылықтар, қадірлі қонақтар! Ертең қаламызда «Қайрат – Реал Мадрид» арасындағы халықаралық футбол матчы өтіп, үлкен оқиғаның ордасына айналады. Біз әлемнің түкпір-түкпірінен келген жанкүйерлерді көргенімізге қуаныштымыз. Бұл...

Ғани Бейсембаевты оқу-ағарту министрі қызметінен алар қарсаңында өңірлердегі ұстаздар Астанаға барып, Ақорда алдында ереуіл өткізбек болған. Өйткені жеке мектептердің біразы мамыр айының ақысын әлі ала алмай жүр. Бұл туралы Kursiv.Media-ға Жекеменшік білім беру ұйымдарының республикалық қауымдастығы төрайымы Роза Садықова айтты.

Ұстаздар ереуілі

«Қазіргі жағдайды баяндар болсам, мамыр айының ақысын әлі алмаған мектептер бар. Ұстаздардың конституциялық құқығы бұзылды деп санаймыз. Мұғалімдер мен кәсіпкерлер бүгінгі күнге дейін шыдап келді. Расында да, Ақорданың алдына барамыз деген сөздер шықты. Қауымдастығымдағы мектептер емес. Түркістан облысы және басқа да кәсіпкерлер ереуіл өткізу үшін бейсенбі күні (25 қыркүйек) Астанаға барады...

Интернет алаяқтар «Darknet» нарығымен байланысты «RAKS exchange» сервисі арқылы заңсыз жолмен табылған қаражатты жылыстатып отырған. Бұл туралы Қаржылық мониторингі агенттігі хабарлады.

«Блокчейн арқылы криптотранзакцияларды бақылау барысында интернет-алаяқтық пен есірткі саудасынан түскен кірістерді жылыстатуға кәсіби қызмет көрсеткен «RAKS exchange» атты криптоайырбастау сервисі анықталды. Аталған сервис қылмыстық ортада жоғары беделге ие болған және 5 млн астам қолданушысы бар 20 ірі «Darknet» нарығымен жұмыс істеген», – делінген агенттік хабарламасында.

Агенттік мәліметінше, бұл сервис арқылы ТМД елдеріндегі Қазақстан, Ресей, Украина және Молдова елдерінің 200-ден астам есірткі дүкендері 3 жыл қатарынан заңсыз қаражат жылыстатып келген.

Жалпы бұл платформа...

Дүйсенбі, 29 қыркүйек күні Қазақстан қор биржасындағы саудада теңге құнсызданды. АҚШ долларының бағамы 4 теңгеге өсіп, күндізгі сауда қорытындысы бойынша 548,79 теңге деңгейінде қалыптасты.

Биржадағы мәміле шамамен 250 млн доллар көлемінде жасалған. Сарапшылардың пікірінше, валюта бағамы алдағы уақытта 548,7–₸549,5 теңге дәлізінде тұрақталуы мүмкін.

Айырбастау пункттерінде доллар қазірдің өзінде 550 теңгеден жоғары сатылып жатыр.

Өткен апта соңында да теңге қысымға ұшыраған еді: жұма күні сауда 545,80 теңге деңгейінде жабылып, орташа сараланған курс 544,45 теңге болып, апталық максимумды тіркеген.

Германияның ең ірі әуе компаниясы Lufthansa 2030 жылға дейін әкімшілік аппараттағы шамамен 4000 жұмыс орнын қысқартатынын жариялады. Үнемдеу цифрландыру, автоматтандыру және үдерістерді тиімдірек ету есебінен жүзеге аспақ, деп жазады Euronews.

Lufthansa біраз уақыттан бері пайда азайып, шығындардың көбейіп жатқанымен күресіп келеді. Компания ішіндегі дереккөздер алдағы жылдары Lufthansa әкімшілік аппаратының шамамен 20 пайызын қысқартатынын хабарлаған.

Дүйсенбі күні Мюнхенде өтетін инвесторларға арналған іс-шарада компания шығындарды қысқарту жоспарын таныстырады деп күтіліп отыр.

Француздың AirFrance-KLM немесе британдық British Airways компанияларына қарағанда, Lufthansa соңғы жылдары позициясын қалпына келтіруде қиналып келеді. Компания көрсеткіштері әлі де 2019 жылғы, яғни коронавирус пандемиясына дейінгі деңгейден төмен.

Бір жылдан сәл астам уақыт бұрын Lufthansa...

Chery компаниясы Tiggo 8 кроссоверінің жаңартылған нұсқасының алғашқы суреттерін жариялады. Бұл модель келесі буын ретінде таныстырылып отыр. Жаңа модельдің сыртқы келбеті жаңарып, айтарлықтай үлкейген. Ресми таныстырылымы 2025 жылдың IV тоқсанына жоспарланған.

Жаңа Chery Tiggo 8 үшін алдыңғы бөліктің екі түрлі дизайны әзірленген. Екеуі де қазіргі нұсқамен салыстырғанда өзгеше. Бірінші нұсқада дәстүрлі жарық элементтері қолданылған, жүріс шамдары BMW маркасының оптикасын еске салады. Екінші нұсқада негізгі шамдары бамперге жасырылған, екі қабатты фаралар орнатылған. Сонымен қатар, бұл нұсқалар радиатор торының пішіні мен ішкі құрылымы, бампердің сыртқы пішіні жағынан да ерекшеленеді. Артқы бөлікте енді біртұтас жарық шамы пайда болып, шығатын түтік конфигурациясы өзгертілген.

Жаңа Tiggo...

Түркістан облысында 46 млрд теңгеге салынып жатқан «Қасқасу» тау-шаңғы курорты құрылысы 2029 жылы аяқталады. Бұл туралы орталық коммуницкациялар қызметінде өткен брифингте Туризм индустриясы комитетінің төрағасы Нұртас Кәріпбаев айтты.

Облыс әкімдігі «Қасқасу» тау-шаңғы курорты инфрақұрылымы, электрмен жабдықтау және кәріз құрылысына қолдау көрсету үшін шамамен 3 млрд теңге бөлген.

«Әкімдік ақпараты бойынша, жобаның құны шамамен 46 млрд теңге. Құрылыс 2029 жылға дейін жалғасады, құрылыс-монтаждау жұмыстары 2024-2028 жылдары жүргізіледі», – деді Кәріпбаев.

«Қасқасу» тау-шаңғы курорты салынатыны 2019 жылы айтылды. Сол кезде жоба Түркістан облысының 2024 жылға дейінгі әлеуметтік-экономикалық дамуының кешенді жоспарына енгізілді.

Жоспар бойныша теңіз деңгейінен 1750-ден...

«Солтүстік Қазақстан облысы бойынша «Азаматтарға арналған үкімет» Мемлекеттік корпорациясы» Ресейдің 720 азаматына жеке сәйкестендіру нөмірін заңсыз берген. Бұл туралы Бас прокуратураның баспасөз қызметі хабарлады.

«Солтүстік Қазақстан облысының прокурорлары шетел азаматтарына жеке сәйкестендіру нөмірлерін беру кезінде заң бұзушылықтарды анықтады», – делінген баспасөз хабарламасында.

Прокуратура мәліметінше, «Солтүстік Қазақстан облысы бойынша «Азаматтарға арналған үкімет» Мемлекеттік корпорациясы» КАҚ филиалы заң талаптарына қайшы келетін әрекеттерде жол берген. Нәтижесінде 720 шетелдік азаматқа Қазақстан Республикасының аумағында болмағанына қарамастан, өтініштері рәсімделіп, жеке сәйкестендіру нөмірлері бірелген.

Прокуратура шешімімен заңда көрсетілген нормаларға сәйкес, мұндай жеке сәйкестендіру нөмірлерінің күші жойылып, кінәлі азаматтар жауапқа...

29 қыркүйек күнгі сауда сессиясында ForteBank (тикер: ASBN) акцияларының құны күрт төмендеді. Бағалы қағаздар 9,5% арзандап, ₸16,80 теңгеден сатылды. Бұған Қазақстан жеке инвестора қауымдастығы назар аударды

Жалпы сауда көлемі 35,6 млн теңгені құрады. Айта кету керек, ASBN бағалы қағаздары KASE индексінің құрамына кірмейді.

Қыркүйек айының басында ForteBank акциялары екі есе арзандап барып қайта қымбаттаған болатын. Ол кезде банк бағалы қағазы 22,26 теңгеден 12,26 теңгеге дейін арзандады.

Жақында қаржы ұйымы Home Credit Bank акцияларының 26,8%-ын сатып алды.

ForteBank-тің түпкі иесі – кәсіпкер Болат Өтемұратов. Forbes оның дәулетін 3,7 млрд доллар деп бағалап, Қазақстандағы ең бай...

Halyk Bank Ресейдің Тула қаласында орналасқан парк-отельді 5,7 млрд теңгеге сатуды жоспарлап отыр. Бұл ақпарат банктің Halykzalog сайтында жарияланған.

Қонақүй кешенінің жалпы аумағы шамамен 10,5 мың шаршы метрді құрайды. Оның ішінде 8,3 мың шаршы метрі пайдалануға берілген, ал 2,2 мың шаршы метріне VIP-корпус пен SPA-орталықтың құрылысы аяқталмаған.

Отель Тула қаласының «Мәскеу» вокзалынан 12,2 шақырым және автовокзалдан 8,6 шақырым жерде орналасқан. Кешен бес негізгі корпустан және бірнеше инфрақұрылымдық нысандардан тұрады.

Мұнда мейрамхана, лобби-бар, спорт залы, конференция және банкет залдары, балалар бөлмелері, ойын алаңдары, ойын-сауық паркі, от жағатын арнайы алаң, сондай-ақ күзетілетін автотұрақ бар. Конференц-залдар заманауи техникамен жабдықталған.

Қонақүйде барлығы...

Елдегі мұнай компанияларына жалпы, 50 млрд теңге көлемінде айыппұл салынған. Компаниялар оның тек 1 млрд теңгесін өтеген.

Жалпы елде жер қойнауын пайдалануға қатысты 327 келісімшарт жасалған. Оның 133-і барлаумен байланысты, 12-сі дайындық кезеңінде, 182 келісімшарт бойынша өндіру жұмыстары жүргізіледі.

Ал 2025 жылғы 1 маусымнан бастап ҚР Энергетика министрлігі қолданыстағы заңнамаға сәйкес, көмірсутектер саласындағы жер қойнауын пайдаланушылардың келісімшарттық міндеттемелерді орындауын мониторингілеу бойынша кешенді жұмыс жүргізген.

Бұл жұмыстар нәтижесінде жалпы мұнай компанияларына салынған айыппұлдар мен берешектердің жалпы сомасы 50 млрд теңге құрағанын анықтаған. Оның ішінде 2024 жылғы айыппұлдар көлемі – 19 млрд теңгені құраған.

«Жер...

Қасым-Жомарт Тоқаев Италия президенті Серджо Маттарелланы І дәрежелі «Достық» орденімен марапаттады. Ал Маттарелла Тоқаевқа Италияның ең жоғары наградасы – «Италия Республикасына сіңірген еңбегі үшін» орденін тапсырды. Бұл туралы Ақорда хабарлады.

Тоқаев Италия президентіне халықтың қолдауына ие болған көшбасшы, әлемге танымал беделді саясаткер деп баға берді.

«Еліңізде экономика, инновациялық технология саласында тың жобалар жүзеге асырылып жатыр. Экология, «жасыл» энергетика бағытында озық бастамаларыңыз бар. Италияның терең тарихы, бірегей мәдени мұрасы – бүкіл адамзаттың құнды қазынасы», – деді президент.

Айтуынша, екі ел арасындағы саяси диалог жоғары деңгейде жүріп жатыр. Сауда-экономикалық және мәдени-гуманитарлық байланыс қарқынды дамып келеді.

Маттарелла...