Жаңалықтар

Қазақстанда әскери қызметшілер мен олардың отбасыларына күйзеліс пен қиын жағдайларда көмектесетін Telegram-бот іске қосылды. Бұл туралы Қорғаныс министрлігі хабарлады.

Цифрлық кеңесші тәулік бойы және аноним түрде жұмыс істейді.

«AI-sulu тірі маманның орнын алмастыра алмайды, бірақ ол қиын сәттерде алғашқы көмек көрсетіп, тыңдай отырып, қажетті кеңес пен ресурстарға бағыттай алады», – деді Ұлттық әскери-патриоттық орталықтың ақпарат бөлімінің бастығы Қасымхан Туитин.

Telegram-бот қазақ және орыс тілдерінде қолжетімді. Жаңа қызметті таныстыру барысында деструктивті мінез-құлықтың алдын алу, күйзеліс тұрақтылығын дамыту, психологиялық жұмыстарда IT-құралдарды қолдану және жастармен жұмыс істеудің ерекшеліктері талқыланды. Психотерапия, суицидология және әскери психология саласындағы сарапшылар сөз...

Мектептерде сабақ енді жаңа оқулықтар өтетін болады. Бұл туралы Оқу-ағарту министрлігінің баспасөз қызметі хабарлады.

«29 қыркүйектен бастап еліміздің 34 пилоттық мектебінде 2026–2027 оқу жылына арналған жаңа оқулықтардың апробациясы басталады. Апробацияны ҚР Оқу-ағарту министрлігінің Білім мазмұнын сараптау республикалық ғылыми-практикалық орталығы ұйымдастырады», – делінген баспасөз хабарламасында.

Апробация 4-сынып оқушыларының оқулықтары бойынша жүргізілмек. Олар:

Бұдан бөлек 7–10 сыныптарға арналған мынадай жаңа оқулықтар да апробациядан өтеді:

Атырау қаласындағы ескі базарда ақбөкен еті сатыла бастады. Оны Оралдан жеткізген. Бұл туралы Kursiv.Media жергілікті «Ақ Жайық» газетінің мәліметіне сүйене отырып хабарлайды.

Базардағы сатушылардың бірінің айтуынша, көрші өңірден шамамен екі тонна ет жеткізілген. Өнім бірден өтіп кеткен.

«Жақсы өтіп жатыр. Тұрғындардың бірі келілеп алса, тағы біреулер тұтастай жон етін сұратты. Бәрі заңды – құжаттарымыз бар, аңшылық шаруашылығынан, ветеринарлар тексерген», – дейді атыраулық сатушы Вячеслав.

Оның айтуынша, ақбөкенді атпайды, тұзаққа түсіріп сояды. Ақбөкен етінің көтерме бағасының бір келісі 2 мың теңге тұрады. Бөлшек саудадағы баға – 2200 теңге.

Басылым дала аңының еті сатылып жатқан...

Алматыдағы META университетінде қазақ тіліндегі MBA бағдарламасының ресми ашылуы өтті. Салтанатты рәсімге жиналған кәсіпкерлер бұл оқиға қазақ тілді білікті басшыларды, менеджерлерді дайындау, қалыптастыру жолындағы елеулі қадам екенін айтады.

META университеті GSB директоры, экономист Мақсат Халық бағдарламаны қазақ тілінде оқуытудың маңызына тоқталды.

«Біз ағылшын тілінде білім алғанда әуелі аударамыз. Сосын оны түсініп, сұрағымызды дайындап, оны аударып, жеткізем дегенше біраз қиындықтан өтетінбіз. Енді міне, қазақ тілінде басқарушылық білім беретін бағдарлама іске қосылып отыр. Қазақ тілінде алынған білім ғана ертең бизнес қауымдастығында қазақ тілінің мәртебесін өсіре алады. Қазақ тілінде білім алған кәсіпкер, ертең кәсібін ұлттық болмысқа сәйкес қалыптастырып...

«Монако» ойыншысы Поль Погба және бірнеше спортшы Газа секторындағы жағдайды айыптау үшін бірігіп, мәлімдеме жасады.  

Le Figaro ақпаратына қарағанда, олар Израильді еуропалық жарыстардан шығарып тастауды талап етіп отыр.

«Спортшылар бейбітшілік үшін»

Поль Погба («Монако» ФК), марокколық Хаким Зиеш және британиялық боксшы Зак Челли сынды спортшылар «Спортшылар бейбітшілік үшін» деген ұран көтерді. «Газа секторындағы геноцидті» айыптайтын мәлімдемеге қол қойды.

Барлығы қырық сегіз спортшы «спорт әділеттілік, адалдық және адамгершілік қағидаттарын қорғауы тиіс» екенін айтты. Олар УЕФА ұйымдастыратын жарыстардан Израиль командаларын шеттетуге шақырды. Бұл бастаманы мұсылман спортшыларын қорғаумен айналысатын британдық Nujum Sports ұйымы үйлестірген.

«Бұл саясат немесе...

Қазақстанда депозиттерге кепілдік беру жүйесі құрылған 25 жыл ішінде халықтың жинағы қарқынды өсті. Егер 1999 жылы жеке тұлғалардың депозиттері небәрі 53 миллиард теңге болса, 2024 жылдың қорытындысы бойынша бұл көрсеткіш 24 триллион теңгеге жетіп, 460 есе артты. 2025 жылдың 1 қыркүйегіне қарай көлемі одан әрі өсіп, 26 триллион теңгені құрады. Айта кетерлігі, депозиттердің долларлануы тарихи минимум – 22,7%-ға дейін түсті. Бұл туралы КДКБҚ хабарлайды.

Депозит нарығы қалай дамыды

Қазақстанның депозиттерге кепілдік беру қорының (ҚДКБҚ) мәліметінше, соңғы жылдары халық күрделірек әрі табыстылығы жоғары қаржы құралдарына көбірек қызығушылық танытып отыр. 2018 жылдан бастап жинақ салымдары мен мерзімді салымдар...

Ақордада соңғы уақытта ауыс-түйіс көбейіп кетті. Президент Қасым-Жомарт Тоқаев бірқатар көмекшілері мен министрлерді қызметінен босатты. Мұндай өзгерістердің себебін Ақорда түсіндірді.

Президенттің баспасөз хатшысы бұл өзгерістерді әдеттегі кадрлық ротация екенін айтады.

«Кейінгі кадрлық өзгерістерге байланысты БАҚ өкілдерінен көптеген сауал келіп жатыр. Ең алдымен, мына мәселені баса айту керек, бұл – әдеттегі кадрлық ротация. Негізгі мақсат – мемлекеттік жүйедегі ең маңызды бағыттардың тиімділігін күшейту», – деп түсіндіреді Желдібай.

Халықты Сыртқы істер министрінің қызметінен кеткені таңқалдарды. Ақорда президенттің ұлттық экономикаға түсетін инвестиция көлемін арттыру мақсатында Мұрат Нұртілеудің лауазымын өзгерткенін хабарлайды.

«Бұл маңызды...

Оқу-ағарту министрі Ғани Бейсембаев лауазымынан босатылды. Бұл туралы Ақорда хабарлады.

Мемлекет басшысының Жарлығымен Ғани Бектайұлы Бейсембаев Қазақстан Республикасының Оқу-ағарту министрі лауазымынан босатылды, – делінген хабарламада.

Ғани Бектайұлы Бейсембаев 1969 жылы Қызылорда облысында дүниеге келген. Абай атындағы Алматы мемлекеттік университетін бітірген. Философия және психология ғылымдарының докторы.

Ол еңбек жолын 1989-1995 жылдары Алматы облысы Талғар ауданы №14 орта мектебінде қазақ тілі мұғалімі, директордың оқу-тәрбие жөніндегі орынбасары болып бастады. Әр жылдары түрлі лауазымды қызметтер атқарған.

2022 жылдың тамыз айынан бастап-Қазақстан Республикасының Білім вице-министрі.
2023 жылғы қаңтардан бастап-ҚР Білім министрі.

2023 жылдың қаңтарынанн бастап Оқу-ағарту министрі лауазымына...

Мемлекет басшысының Жарлығымен Жұлдыз Досбергенқызы Сүлейменова Қазақстан Республикасының Оқу-ағарту министрі қызметіне тағайындалды. Бұл туралы Ақорда хабарлады.

Жұлдыз Сүлейменова бұған дейін ҚР Парламенті Мәжілісінің депутаты ретінде заң шығару жұмыстарымен айналысып, жастар саясаты, білім беру мен әлеуметтік мәселелерге қатысты бірқатар ұсынысты алға тартқан.

2000–2004 жылдары Әл-Фараби атындағы Қазақ ұлттық университетінің (ҚазҰУ) Тарих факультетінде «Тарих» мамандығы бойынша білім алған. Кейін 2006–2008 жылдары осы университеттің Философия және саясаттану факультетінде «Мәдениеттану» мамандығы бойынша докторантураға түсті.

2008–2011 жылдары ҚазҰУ докторантурасын «Философия және саясаттану» бағыты бойынша аяқтап, 2012 жылы «Мәдениеттану» мамандығы бойынша PhD дәрежесін қорғап шықты.

Студенттік жылдары ҚазҰУ-дың студенттік өзін-өзі басқару ұйымының төрағасы болып, жастар...

Қазақстан 2025 жылдың соңына дейін түсті металдардың кейбір түрлерін елден шығаруға тыйым салды. Бұл шешім ішкі нарықты стратегиялық маңызды шикізатпен қамтамасыз ету мақсатында қабылданды.

Өнеркәсіп және құрылыс министрлігінің бұйрығына сәйкес, 2025 жылдың 7 қазанынан бастап, Қазақстан аумағынан барлық көлік түрлерімен келесі өнімдерді әкетуге болмайды:

Бұдан бөлек, құрамында сурьма элементі басым өнімдер мен тазартуға арналған басқа да түрлерінің экспортына шектеу қойылады.

Осылайша, елден мыс пен оның қорытпаларының негізгі дайындамаларын шығаруға 31 желтоқсан 2025 жылға дейін...

Жаслан Мәдиев жаңадан құрылған Жасанды интеллект және цифрлық даму министрі болып тағайындалды. Бұл туралы Ақорда хабарлады.

«Мемлекет басшысының Жарлығымен Жаслан Хасенұлы Мәдиев Қазақстан Республикасы Премьер-Министрінің орынбасары – Жасанды интеллект және цифрлық даму министрі болып тағайындалды», – делінген баспасөз хабарламасында.

Еске сала кетсек, елде Жасанды интеллект министрлігі құрылатынын 8 қыркүйек күні Қазақстан халқына жолдауы кезінде президент Қасым-Жомарт Тоқаев айтқан болатын.

Жаңа министрліктің нақты қандай шаралармен айналысатыны жөнінде және қандай бағытта жұмыс жүргізетіні туралы KursivMedia басылымы арнайы маманнан сұрап білген болатын.

Қаржы нарықтары әлем бойынша әртүрлі бағытта қозғалып, көп жағдайда белгісіздік пен тәуекелдерге толы болды. Осы апталық қысқаша шолу мен аналитикалық талдауда біз S&P 500 индексінің өзгерісі, әлемдік мұнай мен алтын бағалары, сондай-ақ Қазақстандық қор нарығы мен валюталық бағамдарды талдаймыз. Сонымен қатар, елдер арасындағы негізгі қор нарықтарындағы ауытқуларды қарастырамыз.

АҚШ Қаржы Нарығы: S&P 500 индексінің қозғалысы

Апта басында S&P 500 индексі 0,64%-ға төмендеп, 6616 ұпай деңгейінде болды. Бұл төмендеу дәрежесі апта ішінде 1,4%-ға дейін жетті, индекс 6568 ұпайға дейін құлады. Бұл жағдайда индекстің төмендеуі бірқатар факторлармен түсіндіріледі. Атап айтқанда, АҚШ-тың Федералды резерві (ФРС) төрағасы Джером Пауэллдің инфляцияға қатысты мәлімдемелер...

Испанияның атақты «Реал Мадрид» футбол клубы Алматыға келді. Команда УЕФА Чемпиондар Лигасы аясында «Қайратқа» қарсы матч өткізеді.

Алматы әуежайының дерегінше, футболшылар 28 қыркүйек күні түнгі 23:58-де Iberia әуе компаниясының рейсімен жетті. Ұшақ шамамен жеті сағат әуеде болып, жеті мың шақырым жолды артта қалдырды.

Алматының әуежайында мадридтік ұжымды мыңдаған адам күтіп алды. Қалаға келген соң «Реал» ойыншылары InterContinental Almaty қонақүйіне орналасты. Қонақүйдің алдында да ине шаншар жер болмай жанкүйерлер сүйікті командасын көру үшін жиналып тұрды.

Әлдебір блогер, әнші не актердің жеке бизнесін бастап жатқанын естісек, таңғалмайтын болдық. Өйткені қазақстандық жұлдыздар әлеуметтік желі һәм сахнамен шектелмей, табысын арттырудың түрлі тәсілін тапқан. Ішінде шынында кәсіпті өзі жүргізетіндері де, атын пайдаланып үлесін алатындар да бар. Әсіресе, осыдан он жылдай уақыт бұрын блогерлер мен вайнерлер дәуірі енді қызып жатқан шақта көбі өз атынан ашқандай фаст-фуд желілерін, мейрамхана жұмыстарын жүргізген. Оның бірқатары көп ұзамай жабылып тынғанын да білеміз. Ал кейінгі кездері киім, IT-жоба, бьюти сынды салаға кіретіндер көбейіп жатыр. Олай болса, жеке кәсібін бастаған қазақстандық жұлдыздардың топтамасын назарыңызға ұсынамыз.

Жұлдыздар неге кәсіп ашуға құмар?

Әлқисса, бизнеске әркімнің-ақ бар...

Алматы әкімі Дархан Сатыбалды Тұрғыт Озал көшесіндегі №58 мектеп қасындағы қосалқы нысанның құрылыс барысын тексерді. Бұл мектептің жанында 576 орындық жаңа корпус бой көтеруі тиіс еді. Оның ішінде кең спорт залы, оқу кабинеттері, асхана мен акт залы қарастырылған. Құрылыстың басы 2024 жылдың шілдесінде басталғанымен, белгіленген кестеден айтарлықтай кешігіп жатыр.

Құрылыс барысына әкімнің көңілі толмады. Ол балалардың сынып жетіспей, тар жерде отырғанын айтып, мәселені соза бермей шешуді талап етті. Қала басшысы мердігерге екі апта ғана уақыт берді. Егер осы аралықта жағдай түзелмесе, шарт біржола бұзылатынын ескертті.

«Екі апта – соңғы мүмкіндік. Күн сайын маған жұмыс барысы туралы...

Испаниялық «Реал Мадрид» Чемпиондар лигасының Алматыда өтетін матчына қатысатын команда құрамын жариялады.

Бұл тізімде Килиан Мбаппе, Винисиус Жуниор және Джуд Беллингем сияқты атақты ойыншылар бар.

«Реал Мадрид» құрамында қақпада Тибо Куртуа, Андрей Лунин және Хави Наварро ойнайды. Қорғаныс шебінде Давид Алаба, Марко Асенсио, Альваро Каррерас, Фран Гарсия, Дин Хейсен мен Давид Хименес бар.

Ортада Джуд Беллингем, Эдуардо Камавинга, Феде Вальверде, Орельен Тчуамени, Арда Гюлер және Дани Себальос өнер көрсетсе, шабуыл шебінде Винисиус Жуниор, Эндрик, Килиан Мбаппе, Родриго, Гонсало, Браим Идас пен Франко Мастантуоно алаңға шығуы мүмкін.

Қазақстан Үкіметі астық өндірушілер мен экспорттаушыларға көрсетілетін мемлекеттік қолдау шараларын мерзімін тағы бір жылға созды. Енді тасымалдау шығынын азайту үшін субсидия 2026 жылғы 1 қыркүйекке дейін төленбек. Бұл туралы Ауыл шаруашылығы министрлігі хабарлады.

Бағдарламаның негізгі мақсаты – астық логистикасын жеңілдетіп, шаруалардың қаржы жүктемесін азайту және қазақстандық өнімнің шетел нарығындағы бәсекеге қабілеттілігін арттыру. Субсидия көлемі экспорттық бағытқа байланысты әр тоннаға 20–30 мың теңге аралығында төленеді.

Ресей, Кавказ, Прибалтика, Иран, Қытай және басқа да бағытта эспорталатын астыққа субсидия төленбек. Бұл қазақстандық диқандардың теңіз порттарына шығуына мүмкіндік беріп, алыс нарықтарға жол ашады.

Осы ауыл шаруашылығы жылында фермерлер мен трейдерлерге...

Біріккен Ұлттар Ұйымы Иранға қарсы қару-жарақ эмбаргосы мен өзге де санкцияларды қайта қалпына келтірді. Бұл шешім Ұлыбритания, Франция және Германия Тегеранды 2015 жылғы ядролық келісімді бұзды деп айыптаған соң қабылданған. Бұл туралы Reuters агенттігі хабарлады.

Санкциялар уранды байытуға тыйым салу, баллистикалық зымырандарға шектеу қою және ондаған тұлғалар мен компаниялардың активтерін бұғаттауды қамтиды.

Иран бұл айыптауларды жоққа шығарып, жауабы қатаң болатынын мәлімдеді. Дегенмен, ел президенті Масуд Пезешкиан Тегеранның ядролық қаруды таратпау туралы шарттан шықпайтынын атап өтті.

Сонымен қатар, Иран Германия, Франция және Ұлыбританиядағы елшілерін кеңеске қайтарып алды.

Еуроодақ өкілдері дағдарысты тек келіссөздер арқылы шешуге болатынын айтса, АҚШ пен...

Астанада күннің суытуына байланысты тұрғын үй мен әлеуметтік нысандар орталық жылу жүйесіне қосыла бастады. Бұл туралы қала әкімдігінің баспасөз қызметі хабарлады.

«Сыртқы ауа температурасының төмендеуіне байланысты елордада тұрғын үй мен әлеуметтік нысандарды орталық жылу жүйесіне қосу жұмыстары басталды», – делінген хабарламада.

Әкімдік мәліметінше, қосу жұмыстары кезең-кезеңімен жүргізіледі. Мектептер, балабақшалар мен ауруханаларға жылу бұдан бұрын, өтінімдер бойынша берілген.

Жалпы қосу процесі бірнеше күнге созылады. Синоптиктердің болжамына сәйкес, қалада тәуліктік орташа температура +9 градус болады, түнде нөлден төмен түсуі мүмкін.

Бұған дейін жылу маусымына дайындығы артта қалған аймақтар аталған.

Қостанай, Ақмола, Батыс Қазақстан, Қарағанды және...

Алматыда дәстүрлі Almaty Marathon – 2025 ұйымдастырылды. Бұл жарыс қалада қатарынан он төртінші рет өтіп отыр. Биыл марафонға 60-тан астам елден 16 мыңға жуық адам қатысты. Бұл туралы Алматы қаласының әкімдігі хабарлады.

Қатысушылар 10 шақырымнан бастап 42,2 шақырымға дейінгі қашықтықта бақ сынаған.

Марафон алғаш рет 2012 жылы өткен. Ол кезде бірнеше мың адам ғана қатысса, бүгінде жарыстың ауқымы едәуір кеңейіп отыр. Қатысушылар саны бойынша биылғы көрсеткіш – жарыс тарихындағы ең жоғары деңгейдің бірі.

Қатысушылардың қатарында қазақстандықтардан бөлек, шетелдік спортшылар да болды. Филиппиндік Джона Флорида Алматыдағы атмосфераның ерекше әсер қалдырғанын атап өтті.

«Мыңдаған адаммен бірге...

30 қыркүйек күні «Қайрат» клубына қарсы ойнайтын «Реал Мадрид» командасының футболшылары бүгін түнде Алмаға келуі мүмкін. Алматы халықаралық әуежайының кестесіне сәйкес, 28 қыркүйектен 29-ы қыркүйекке қараған түні 00:50-де Мадрид қаласынан ұшқан әуе кемесі Алматыға қонады.

Алматы мен Мадрид қаласы арасында тікелей әуе рейсі жоқ. Iberia airlines компаниясының ұшағы Мадрид қаласынан Алматы әуе жайына келіп қонады.

Қос клуб арасындағы матч Алматының Орталық стадионында өтеді. 23 қыркүйек күні аталмыш ойынға билеттер сатылды. Билеттердің бағасы 30 мыңнан 250 мың теңгеге дейін жетті.

Матчты стадионда тамашалау үшін Қазақстаннан ғана емес, алыс-жақын шетелден де жанкүйерлер келеді. Әсіресе Испаниядан 1000-нан астам жанкүйер арнайы ұшып...

1 қыркүйектен 1 қарашаға дейін Қазақстанда жыл сайынғы емханаға тіркелу науқаны өтеді. Осы кезеңде әрбір азамат өзіне ыңғайлы медициналық ұйымды таңдап немесе ауыстырып, отбасылық дәрігерге тіркеле алады. Бұл шара неге маңызды, емхананы қалай дұрыс таңдау керек және мемлекеттік пен жекеменшік ұйымдарда тегін қандай қызметтер алуға болатынын Asmed емханалар желісінің медициналық директоры, ревматолог Гүлнар Серікалиқызы Есіркепова айтып берді.

Неліктен поликлиникаға тіркелу науқанына қатысу маңызды?

Бұл кезеңде медициналық ұйымдар өз мүмкіндіктерін таныстырып, ал тұрғындар әр емхананың артықшылықтарын салыстырып, өзіне қолайлысын таңдай алады. Жыл бойы адамдар мұндай ақпаратқа сирек қол жеткізеді: қай жекеменшік клиникалар МӘМС бойынша қызмет көрсетеді, қай жерде...

АҚШ президенті Дональд Трамп Портленд қаласына (Орегон штаты) әскери күш кіргізу туралы бұйрық берді. Әскерилердің негізгі міндеті – қөші-қон және кедендік бақылау қызметінің (ICE) нысандарын қорғау.

Reuters агенттігінің хабарлауынша, Трамп қажет болған жағдайда әскери бөлімшелерге «толық күш қолдануға» рұқсат берілетінін мәлімдеді. Оның айтуынша, бұл шаралар федералды мекемелерді «антифа қозғалысы мен өзге де ішкі террористердің шабуылынан қорғау үшін» қажет.

Алайда Орегон билігі мұндай шешімге қарсы шықты. Портленд мэрі Кит Уилсон қалаға қажет әскер жоқ екені айтты.

«Президент бұл жерден заңсыздық та, зорлық-зомбылық та таппайды. Егер бірдеңе болса, ол тек өзі ұйымдастырған жағдайда ғана болады...

Үндістанның оңтүстігіндегі Тамилнад штатында актер әрі саясаткер Виджайдың сайлауалды митингі кезінде болған дүрбелең салдарынан кемінде 39 адам көз жұмды. Қаза тапқандардың арасында балалар да бар. Бұл туралы BBC агенттігі хабарлайды.

Оқиға Карур округінде өтті. Жергілікті биліктің хабарлауынша, іс-шараға ондаған мың адам жиналған. Митинг бірнеше сағатқа кешігіп басталып, осы уақыт ішінде адамдардың жағдайы күрт нашарлаған.

Штат үкіметінің өкілі Сентил Баладжи мәлімдегендей, 50-ден астам адам жарақат алды. Денсаулық сақтау министрі Ма Субраманианның айтуынша, қаза тапқандардың қатарында кемінде 16 әйел, 9 ер адам және 6 бала бар.

Тамилнадтың бас министрі Мутхувел Карунанидхи зардап шеккендерге көмек көрсету үшін көршілес аудандардан дәрігерлер...