Жаңалықтар

Шымкентте зорлық көрді деп хабарланған колледж оқушысының ісі қылмыс құрамының болмауына байланысты тоқтады. Дегенмен бұған жәбірленуші тарап қарсы. Оқиға қалай болды, іс неге тоқтады?

Шымкент полициясы Түркістан қаласының тұрғыны, 16 жастағы қызға қатысты қылмыстық істің қысқарғанын мәлімдеді. Бұдан бұрын «Не молчи» қоры 2 жыл бұрын 16 жасар қызды Түркістан облысы Иқан ауылының 20 жастағы тұрғыны зорлап, артынан алып қашқанын хабарлаған еді. Бұл некеге қыздың ата-анасы қарсы болған.

«Ата-анасы қызын бірден іздеп ауылға барған. 70 жастағы әкесі шу шығарып, қызын алып кеткен. Ізінше полицияға арызданған. Тергеуші, прокурор және тергеу бөлімінің орынбасары әкесіне қыздың ерікті түрде келін...

Отбасы банк «Aqyl» депозитіне байланысты шарттар жаңартылғанын хабарлады.

2025 жылдың 13 қазанынан бастап «Aqyl» білім беру депозиттік шотының мөлшерлемесі жылдық 14,9 пайыз (ЖТСМ – 16%-дан бастап) болады.
Жаңа мөлшерлеме келесі жағдайларға қолданылады:
– 2025 жылдың 13 қазанынан бастап ашылған жаңа салымдарға;
– Сол күннен бастап ұзартылған салымдарға.

Қолданыстағы шарттар салым мерзімі аяқталғанға дейін өзгеріссіз қалады.

Отбасы банктің хабарлауынша, «Aqyl» – Ұлттық қор қаржысын баланың болашағына жинауға және көбейтуге арналған тиімді депозит. Білім беру шығындарының өсуі мен валюта бағамдарының ауытқуы аясында Aqyl салымы ұзақмерзімді жинақ үшін ең тиімді әрі қорғалған құралдардың бірі болып қала береді.

Мәжіліс депутаты Ринат Зайыт Денсаулық сақтау мәселелері бойынша өзгерістер енгізу туралы заң жобасының таныстырылымында Денсаулық сақтау министрлігін сынға алды.

Ринат Зайыт бұған дейін мәжілісте медицина саласын талқылау барысында «Сіздер ақшасы бар адамды емдеп, ақшасы жоқ адамды емдемейсіздер, бұл не алалау?» деп вице-министрден сұрағанын айтты. Сонда депутат министрліктің «Бұл – Денсаулық сақтау министрлігінің ұстанып отырған саясаты» деген жауабына таңғалған.

«Сондықтан сіздерге заңды емес, бірінші саясаттарыңызды өзгерту керек сияқты. Президенттің Жолдауында міндетті медициналық сақтандыру деген жоқ, «ерікті медициналық сақтандыру» деген бар. Сондықтан оны кім міндетті сақтандыру қылды? Бүгінгі заң жобаларыңызда медициналық туризмді дамытамыз дедіңіздер. Шетелден Қазақстанға емделушілерд...

Биыл есірткі тұтынғаны үшін 15 адам ішкі істер органдарынан қуылған. Бұл туралы орталық коммуникациялар қызметінде өткен брифингте есірткі қылмысына қарсы іс-қимыл комитетінінің басқарма басшысы Бахытжан Әмірханов айтты.

Айтуынша, мұндай қызметкерлерді министрлік өзі анықтаған.

«Құқық қорғау саласында қызмет ететін 15 шақты адамның есірткі тұтынғаны анықталды, олар қызметтен кетті», – деді Әмірханов.

Әмірханов министрлікке қарасты мекемелерде қызмет ететіндердің 99%-ы антына адал екенін айтып өтті.

Ресми ақпаратқа сәйкес, елде тоғыз айда есірткіге қатысты 6 мыңнан астам құқық бұзушылық анықталды, оның ішінде 2,7 мыңы – қылмыстық іс. Олар:

2022 жылғы Қаңтар оқиғасынан кейін құрылған «Қазақстан халқына» қорына Beeline Қазақстан компаниясы 2 млрд теңге аударып, оны қайда жұмсау керектігін өзі шешкен. Бұл туралы осы компанияның топ-менеджері Анар Жұмағұлова мәлімдеді. Корпоративтік қор директоры 21 қазанда Kursiv ESG 2025 форумында сөйледі.

«Көпшілікке мәлім Қаңтар оқиғасынан кейін «Қазақстан халқына» қоры құрылды. Елге көмектесу үшін кәсіпкерлерге осы қорға ақша салуы керек болды. Біз қордан өзіміз бөлген 2 млрд теңгенің қайда жұмсалатынын бақылауды талап еттік», – дейді Билайн топ-менеджері.

Оның айтуынша, компания қомақты қаражатты сегіз мектепті дамытуға бөлген.

«Шалғай ауылдардағы мектептерді құрал-жадбықтармен қамтамасыз еттік. Сол кезде елде білім саласының жағдайы...

Осы уақытқа дейін мардымды жөндеу көрмей келген республикалық маңызға ие Қарағанды – Қарқаралы тасжолының орташа жөндеу жұмыстары аяқталды. Бұл туралы «ҚазАвтоЖол» ҰК» АҚ хабарлады.

Өңір үшін маңызды жол

Қарағанды – Қарқаралы бағыты өңір үшін стратегиялық маңызға ие. Бұл жол облыс орталығын Қарқаралы қаласымен байланыстырып, туристік және табиғи нысандарға көлікпен қолжетімділікті қамтамасыз етеді. Жолдың жалпы ұзындығы шамамен 200 шақырымды құрайды.

Аталған бағытты жергілікті тұрғындармен қатар ұлттық парк пен табиғи аймақтарға бет алған туристер де пайдаланады.

2025 жылы 85 шақырым жол жаңартылды

Ағымдағы жылы мердігерлер Көкпекті-Шешенқара бағытындағы жалпы ұзындығы 85 шақырым болатын учаскелерде орташа жөндеу жұмыстарын...

Өткен жылы Қазақстанның батысындағы су тасқыны кезінде Freedom Holding Corp. компаниясының қызметкерлері алғашқылардың бірі болып зардап шеккендерге көмек ұсынған және қаражат жинауды өздері ұйымдастырған. Бұл туралы Kursiv ESG Conference 2025 форумында холдингтің тұрақты даму жөніндегі бас директоры Бағлана Мусина айтты.

Оның сөзінше, компания жалпы құны 80 млрд теңгеден асатын ондаған әлеуметтік жобаны жүзеге асырып келеді. Бірақ су тасқыны кезінде бастама жоғарыдан емес, қызметкерлердің өздерінен шыққан.

«Біздің қызметкерлер арнайы шот ашуды, өз еріктерімен қаражат жинап, оқиға орнына барып, зардап шеккен азаматтарға көмектесуді ұсынды», – деді Мусина.

Компанияның HR-мамандар тобы бастаманы дереу қолдап, еріктілермен бірге Орал қаласына аттанғанын айтты. Олар жергілікті тұрғындар мен балаларға көмек көрсетіп, төтенше жағдайға арналған...

Қаржы министрлігі халықаралық қаржы нарығында 500 млн доллар еурооблигация орналастыруды бастады. Құнды қағаздардың айналым мерзімі – бес жыл, өтеу мерзімі 2030 жылдың 28 қазанына дейін жалғасады.

Эмитент жариялаған табыстылық бағдары АҚШ қазынашылық облигацияларының мөлшерлемесіне қосылған 120 базистік пункт деңгейінде белгіленген. Облигация бойынша купондық мөлшерлеме тұрақты, төлем жарты жыл сайын жүргізіледі.

Жаңа қаржы құралы бірден үш биржада листингке шығарылады: Лондон қор биржасы (LSE), Astana International Exchange (AIX) және Қазақстан қор биржасы (KASE).

Эмиссия бойынша ұйымдастырушылар қатарында Citi, J.P. Morgan және Standard Chartered сынды халықаралық қаржы ұйымдары бар. Сонымен қатар, Halyk Finance пен Teniz Capital қосымша жетекші менеджерлер ретінде тартылған...

Шымкент қалалық денсаулық сақтау басқармасының шаруашылық жүргізу құқығындағы залалсыздандыру орталығының қызметкерлері шу шығарды. Айтуларынша, жұмыс – ауыр, жалақы – аз. Тазалықшылардың айлық жалақысы 80 мың теңгеге жетпейді, медбикелердің айлық жалақысы 100 мыңнан сәл-ақ асады. Қазір мекемеде қызметкерлерді қысқарту басталған. Жұмыс құралдарының тозығы жеткен. Қызметкерлердің бұл сөзін орталық әкімшілігі растады.

Айлық жалақы – 79 мың теңге

60 жастағы Гүлжан Майсүпова залалсыздандыру орталығында 15 жылдан бері тазалықшы болып жұмыс істейді. Айлық жалақысы – 79 мың теңге. Оның сөзінше, алғашында орталықта 12 тазалықшы жұмыс істеген. Қазір олардың бесеуі ғана қалған.

«79 мың теңге қай жыртығымды жамайды? Жұмысқа...

Chevrolet Cobalt-тың басты бәсекелесі пайда болмақ. Ол – Kia Soluto. 1,4 литрлік атмосфералық қозғалтқышпен жабдықталған шағын седан Қазақстанда биыл жылдың соңына дейін сатылымға шығады.

Бюджеттік сегментте жаңа модель

Kia компаниясының ресми дистрибьюторының мәліметінше, Soluto моделі Қазақстан нарығына 2025 жылдың соңына дейін шығарылады. Кейбір елдерде бұл көлік Kia Pegas («Киа Пегас») атауымен де белгілі. Автомобиль күнделікті жүруге арналған қолжетімді әрі сенімді көлік ретінде ұсынылады.

Капот астында қуаты 95 ат күшіне тең 1,4 литрлік атмосфералық қозғалтқыш орнатылған. Ол 5 сатылы механикалық немесе 4 сатылы автоматты беріліс қорабымен жұмыс істейді. Қазақстанда тек автоматты нұсқасы сатылады. Қарапайым құрылымы мен техникалық қызмет...

Yandex Qazaqstan әлеуметтік жобалар жетекшісі Мария Тимофеева блогер мен құлағының мүкісі бар такси жүргізуші арасындағы жанжал туралы пікір айтты. Топ-менеджер Kursiv ESG 2025 форумында сөйледі.

Оның айтуынша, республикада 900 мыңнан астам адамға курьер немесе такси саласында жұмыс ұсынып отырған компания үшін мүмкіндігі шектеулі адамдарға жағдай жасау өте маңызды.

«Мен үшін өте жауапты мәселе. Біздің өнімдеріміз мүмкіндігі шектеулі жандарға ыңғайлы болуы керек. Оларға табыс табуға мүмкіндік беру маңызды. Мәселен, көлікке отырған жолаушы таксишінің құлағы нашар еститінін білген уақытта ол туралы пікірі бірден өзгеріп шыға келетінін көрдік. Азаматтар оны қалыпты жағдай деп түсінуі керек», – дейді Тимофеева.

Yandex Qazaqstan оқушылар үшін тегін бағдарламалау мектебі жобасын жүргізеді. Бұл туралы Kursiv ESG Conference форумында Yandex Qazaqstan әлеуметтік жобалар жетекшісі Мария Тимофеева айтып берді.

«Біз талантты балаларды іріктеп, оларға бағдарламалауды тегін үйретеміз. Бір жылдық курстардан кейін олар мықты ЖОО-ларға түсіп, ерте жастан табыс таба алады. Біздің серіктестеріміз – Назарбаев интеллектуалдық мектептері. Жеті жылдан бері Қазақстанның алты өңірінде жұмыс істеп келеді», – деп атап өтті ол.

Бұл жобаға 14-17 жас аралығындағы жасөспірімдер қатыса алады. Іріктеу қыркүйекте басталады. Байқаудан өткен балалар Алматы, Астана, Петропавл, Талдықорған, Шымкент және Қостанайда аптасына екі рет бағдарламалау сабағын өтеді. Python...

Beeline Қазақстан елдегі танымал онлайн-сауда алаңы – OLX Kazakhstan-ды сатып алды. Келісім құны 75 млн долларды құрайды. Бұл туралы Beeline компаниясының иесі – халықаралық цифрлық оператор VEON Ltd. және OLX Group хабарлады.

Beeline Қазақстан енді OLX Kazakhstan-ның 100% үлесіне ие болады. Компания өкілдері мұны цифрлық қызметтер аясын кеңейтуге бағытталған маңызды қадам деп атады.

VEON Group бас директоры Каан Терзиоглу Beeline Қазақстанның цифрлық инновациялар бойынша жетекші компания екенін айтып, онлайн-сауда алаңын сатып алу тұтынушыларға жаңа мүмкіндіктер ашатынын атап өтті.

Beeline Қазақстан бас директоры Евгений Настрадин бұл бірігу екі компанияның мүмкіндіктерін күшейтетінін айтты. Оның сөзінше, OLX платформасын Beeline экожүйесіне қосу арқылы...

«ҚазМұнайГаз» ұлттық компаниясы Ақтөбе облысында орналасқан «Шығыс» көмірсутек жобасын бірлесіп іске асыру үшін стратегиялық серіктес іздеп жатыр. Бұл жайлы компанияның баспасөз қызметі хабарлады.

Мәлімделген талаптарға сәйкес, әлеуетті серіктестің меншікті капиталы кемінде 200 миллион доллар болуы тиіс.

«ҚазМұнайГаз» жаңа «Шығыс» жер қойнауын пайдалану жобасын бірлесіп жүзеге асыру үшін стратегиялық әріптес іздеуде. Бұл кен учаскесі мемлекеттік қорды басқару бағдарламасына енгізілген және ұлттық компанияларға жер қойнауын пайдалану құқығын беру көзделген көмірсутек қорлары тізіміне кіреді», – делінген компания таратқан хабарламада.

Серіктес компанияның Қазақстанда немесе шетелде кемінде 10 жылдық мұнай-газ саласындағы өндірістік тәжірибесі, сондай-ақ геологиялық барлау жұмыстарында кемінде...

Бір топ депутат банктер мен басқа да коммерциялық ұйымдар атауында «халық» («народный», «халықтық») сөзін қолдануды заңмен тыйым салуды ұсынып отыр. Парламенттің 50-ден астам депутаты қол қойған бастама қолдау тапса, «Банктер және банк қызметі туралы» заңның 7-бабына енгізілуі ықтимал. Бұл туралы мәжілісмен Марат Башимов әлеуметтік желідегі парақшасында жазды.

Депутаттардың ұсынысына сәйкес, банк атауында бұған дейін тыйым салынған «ұлттық», «орталық», «мемлекеттік», «республикалық» сөздеріне қоса, енді «халықтық», «халық» сөздерін де қолдануға болмайды. Бастамашыл топ мұндай шешімнің құқықтық және қоғамдық негізі бар екенін айтады.

Мәжілісмендердің пікірінше, «халық» сөзі – Қазақстанда жай сөз емес, Конституциялық мәнге ие категория.

«Конституцияны...

Әзербайжан президенті Ильхам Әлиев ел аумағы арқылы Арменияға жүк транзитіне қойылған барлық шектеу алынғанын айтты, деп хабарлады АРА. Бұл туралы Әлиев Астанада президент Қасым-Жомарт Тоқаевпен келіссөз барысында айтқан.

«Әзербайжан оккупация кезеңінен бері қолданылып келген Арменияға жүк транзитіне қатысты барлық шектеуді алып тастады. Арменияға жөнелтілген ең алғашқы транзиттік жүк қазақстандық астық болды», – деді Әлиев.

Айта кетейік, шектеулер Таулы Қарабах қақтығысына байланысты 1990 жылдардан бері қолданылып келген.

Ақорданың хабарлауынша, Қазақстан – Әзербайжан арасындағы жүк тасымалдау көлемі былтыр 62 пайызға өсіп, 4,5 миллион тоннаны құрады.

«Биылғы көрсеткіштер де көңілге сенім ұялатады...

Қазақстанда тұрақты даму жөніндегі халықаралық есеп беру стандарттарына (IFRS-дің S1 және S2) көшу басталды. Бұл туралы Kursiv ESG Conference 2025 форумында EY серіктесі, Орталық Азия, Кавказ және Украина елдеріндегі климаттың өзгеруі мен тұрақты даму саласындағы қызметтер тәжірибесінің жетекшісі Виктор Коваленко мәлімдеді.

Оның айтуынша, жаңа стандарттарға көшу процесі ресми түрде басталып кетті. Ол үшін Қаржы министрлігі мен Ernst & Young бірге енгізу жөніндегі «жол картасын» әзірлеп жатыр.

«Қазақстан бұл бағытқа түсті. Біз қаржы министрлігімен бірге осы стандарттарға көшу жол картасын жасап жатырмыз. Жоба іске қосылды, процесс жүріп жатыр. ҚНРДА және Ұлттық банкпен өзара байланыс орнатылған», – деді Коваленко.

Спикердің түсіндіруінше, халықаралық стандарттарға көшу ESG-мәліметтерді ашу...

Алматыда түсірілім барысында кино көліктерін полиция тоқтатып, жүргізушілерді қамауға алған оқиға қоғамның назарын аударды. Бұл туралы фильмнің продюсері Айсәуле Әбілда өзінің Facebook парақшасында жазды.

Продюсердің айтуынша, оқиға 5 қазан күні Әл-Фараби мен Достық көшелерінің қиылысында болған. Түсірілім тобы 2004 жылды бейнелейтін сахна түсіріп жатқан. Сол себепті үш көлікке сол кезеңнің нөмірлері ілінген. Алайда, полицейлер бұл нөмірлерді «жалған мемлекеттік тіркеу белгілері» деп бағалап, хаттама толтырған.

«Бізде Алматы қалалық мәдениет басқармасынан және Полиция департаментінен кино түсіруге рұқсат қағазы бар еді. Соған қарамастан, қырағы полицейлер хаттама толтырып, жүргізушілерді бір тәулікке қамады», – деп жазды продюсер.

Құқық қорғау...

Қасым-Жомарт Тоқаев пен Ильхам Әлиевтің төрағалығымен Қазақстан мен Әзербайжанның жоғары мемлекетаралық кеңесінің екінші отырысы өтті.

Жиынның күн тәртібінде көлік, логистика, цифрландыру, отын-энергетика кешені, сондай-ақ мәдени-гуманитарлық салалардағы ынтымақтастық мәселелері қарастырылды.

Мемлекет басшысы мұндай формат Қазақстан-Әзербайжан қатынастарының ерекше сипатын паш ететінін атап өтті.

Кеңес екіжақты ынтымақтастықтың барлық бағыты бойынша ортақ шешім шығаратын тиімді алаңға айналды. Әзербайжан – Қазақстан үшін ерекше ел, бауырлас мемлекет. Бізді ортақ тарихи тамырластық, бай рухани-мәдени мұра біріктіреді, менталитетіміз бен ұстанымдарымыз ұқсас. Сан қырлы ынтымақтастығымыз осы мызғымас құндылықтардың негізінде дамып келеді. Ильхам Гейдар оглу, Сіздің Қазақстанға жасаған мемлекеттік сапарыңыздың маңызы зор. Сіздің сапарыңыз ек...

Астанаға келген Әзербайжан президенті Ильхам Әлиев Баку мен Ереванның қазіргі қарым-қатынасы туралы айтты.

Әлиев халықаралық ұйымдарда Қазақстанның қолдауын әрқашан сезінетінін айтып, сол үшін алғыс айтты.

«Әзербайжан мен Армения арасындағы бейбітшіліктің жаңа кезеңі басталды. Соңғы қарулы қақтығыстардан кейін небәрі екі жыл өтпей жатып бейбітшілік туралы келісімді парафирлеу деңгейіне жету екі тараптың да саяси ерік-жігерінің жоғары екенін көрсетеді. Әрине, Әзербайжан мен Армения арасындағы қатынастарды қалыпқа келтіру ісінде АҚШ президенті Дональд Трамптың рөлі ең жоғары бағаға лайық», – деді Әлиев.

Айта кетейік, тамызда Вашингтонда Армения мен Әзербайжан арасында келісім жасалды. Армения премьер-министрі Никол Пашинян мен Әзербайжан президенті Ильхам...

Салық кодексінде еңбек қызметін платформалық жұмыспен ұштастыру мүмкіндігін қарастыру керек. Yandex Qazaqstan басшысы Тимур Шалекенов Kursiv ESG Conference 2025 форумында осындай ұсыныс айтты.

Оның сөзінше, курьерлер мен жүргізушілер өздерін әлеуметтік тұрғыда қорғалған қызметкер ретінде сезінуі және оны басқа қызмет түрлерімен ресми түрде қатар атқара алуы маңызды.

«Бұл – толыққанды жұмыс екенін, оның тұрақты табыс көзі, икемді кестесі бар және кез келген өңірде жұмыс істеуге мүмкіндік беретінін түсіну – маңызды қадам. Біз курьерлер мен орындаушылардың платформадан табыс тауып қана қоймай, әлеуметтік қорғанысқа ие болуын қалаймыз. Бұл – біз үшін басты фактор», – деді Шалекенов.

Ол...

Қазақстан әзірге Карашығанақ кен орнынан өндірілетін газды өңдеуде Ресейдің Орынбор газ өңдеу зауытына балама таба алмай отыр. Энергетика министрі Ерлан Ақкенженовтің сөзін «Интерфакс-Қазақстан» агенттігі келтіреді.

Министрдің айтуынша, қазіргі таңда Қарашығанақ кен орнында өндірілетін газдың едәуір бөлігі шетелде өңделеді.

«Бүгінгі күні, өкінішке қарай, бізде балама жоқ. Қарашығанақтың шамамен 9 млрд текше метр газы жыл сайын Орынбор газ өңдеу зауытында өңделеді», – деді Ақкенженов.

Қазақстан өз газ өңдеу зауытын салмақ

Министр отандық газ өңдеу инфрақұрылымын дамыту қажет екенін айтып, Қаршығанақта жаңа газ өңдеу зауытын салу мәселесі көтерілгенін жеткізді.

Дүниежүзілік банк тобының мүшесі Адалят Әбдіманапованың пікірінше, Қазақстандағы банктер ESG-сауат ашуға ерекше көңіл бөлуі тиіс. ESG сарапшысы Kursiv ESG 2025 конференциясында осындай ұсыныс тастады.

«Қазақстандағы банктердің кейбірі ESG-сауат ашумен белсенді түрде шұғылданып жүр. Осы уақытқа дейін қаржы сауаты маңызды болса, енді ESG-ге кезек келді. Банктер сауат ашудың осындай түрін өз клиенттері арасында дәріптей алады», – деп есептейді Әбдіманапова.

Қазақстан бизнесі үшін ESG таңсық ұғым емес. Мәселен, компаниялар жыл сайын ESG есептерін жариялап отырады. Әбдіманапова елдегі қаржы нарығын қадағалаушы мекеменің осындай есептер стандарттарын қабылдағанын елеулі оқиға ретінде атап өтті.

Environmental, Social, Governance – Қоршаған орта, Әлеумет...

Қазақстанда бюджетті қысқарту үрдісі медицина саласында да көрініс берді. Биыл 1 қазаннан бастап Денсаулық сақтау министрлігі томотерапияны жоғары технологиялық қызметтер тізімінен алып тастаған. Ведомствоның тиісті бұйрығы осы саланың мамандарын, ауыр дертке шалдыққан қарапайым азаматтарды қатты алаңдатып отыр. Себебі онкологиялық науқастар өмірлік маңызды емнен қағылады.

Министрліктің бұйрығына сәйкес, томотерапия әдісімен емдеуге арналған бюджеттік қаржыландыру іс жүзінде тоқтатылған. Бұл – онкологиялық ауруларды, соның ішінде балаларды емдеуде қолданылатын дәлді радиациялық сәулелендірудің бірегей технологиясы. Бұйрық күшіне енгеннен кейін, томотерапия клиникалық-шығындық топтар (КШТ) бойынша төленетін қызметтер санатына ауыстырылған. Алайда жаңа жүйе бойынша төлем мен мемлекеттік тапсырысты орналастыру тетігі бекітілмеген.

Астанадағы Ұлттық баспасөз клубында өткен баспасөз...