Жаңалықтар

Uzbekistan Airways әуе компаниясы америкалық Boeing компаниясымен 22 Boeing 787 Dreamliner ұшағын сатып алу жөнінде келісімге отырды. Бұл туралы АҚШ президенті Дональд Трамп өзіне тиесілі әлеуметтік желісіне жазды.

Келісім құны 8 млрд доллардан асты. Құрама Штаттар президентінің айтуынша, жаңа келісім АҚШ-та 35 мыңнан аса жұмыс орнын ашуға мүмкіндік береді.

Ақ үй басшысы осы мәселені Өзбекстан президенті Шавкат Мирзиёевпен талқылаған.

«Президент Мирзиёев – сөзінде тұратын адам. Біз онымен басқа да көптеген сала бойынша жұмыс істей береміз», – дейді Трамп.

Әуе компаниясының мәліметінше, жаңа ұшақтарды 2031 жылдан бастап жеткізе бастайды. Соның арқасында компания маңызды бағыттар...

Ливерпульде әлем чемпиондары атанған ағайынды Сабырхандарға Шымкент әкімдігі көлік пен пәтер сыйлады. Шымкент қаласының әкімі Ғабит Сыздықбеков бокс және өзге де спорт түрлерінен Әлем және Азия чемпиондарымен кездесті.

Әкім Қазақстан құрамасының Ливерпульде өткен бокстан әлем чемпионатында жеткен тарихи жеңісіне тоқталды.

Кездесу барысында ерекше құрмет ағайынды Сабырхандарға көрсетілді. Махмұд Сабырхан екінші рет әлем чемпионы атанса, небәрі 19 жастағы Төрехан Сабырхан тұңғыш рет әлем чемпионатының шыңына шығып, Қазақстан тарихында есімін қалдырды. Олардың жетістігін атап өткен қала әкімдігі ағайынды чемпиондарға көлік пен пәтер кілтін табыс етті.

Сонымен қатар әкімдік тарапынан өзге де спортшылардың жеңістері аталды. Бангкокта өткен жастар арасындағы Азия чемпионатында...

Иран мен Ресей жаңа АЭС құрылысы жөнінде келісімдерге қол қояды. Жобаны іске асыруға қажетті барлық келіссөз бен зерттеу толық аяқталды деп хабарлайды Press TV.

Иран Атом энергиясы ұйымының басшысы Мохаммад Эслами Ресейге сапары барысында Иранда жаңа атом электр станцияларын салу жөнінде келісімдерге қол қойылатынын растады. Эслами бастаған делегация 25-29 қыркүйек аралығында өтетін Дүниежүзілік атом энергетикасы апталығына қатысу үшін Мәскеуге барды.

Эсламидің айтуынша, Иран мен Ресей арасындағы келісімшарт сегіз жаңа АЭС салуды қарастырады, оның төртеуі Бушерде орналасады. Ол қалған станцияларды салу жөнінде Ресей жағына хабарланатынын айтты. Иран тарапының мәліметінше, қазір құрылысқа арналған орындар да таңдалып дайындалған.

Келісімге қол қойылғаннан кейін...

Түркістан облысының прокуратурасы мүлкін жасырып, атаулы әлеуметтік көмекті заңсыз алған масыл отбасыларды анықтады. Бұл туралы Бас прокуратураның баспасөз қызметі хабарлады.

«Прокуратура органдары атаулы әлеуметтік көмек (АӘК) алу үшін азаматтардың өздерінің нақты табыстарын және жұмыс істейтін отбасы мүшелерінің санын жасырған фактілерін анықтады», – делінген баспасөз хабарламасында.

Атап айтқанда, Сарыағашта 11 отбасы, Келесте 6 отбасы, Мақтааралда 2 отбасы табысын жасырып мемлекет қаржысынан 4,2 млн теңгені заңсыз иемденгені белгілі болған.

Бұдан бөлек Келес ауданындағы 13 тұрғынның атаулы әлеуметтік көмекке өтініш берген кезде отбасымен бірге тұратын мүшелерін әдейі жасырып, отбасының жиынтық табысын төмендетіп, кедейшілік шегінен аспауға...

Қазақстан мұнай кен орындарындағы жобалар бойынша АҚШ-пен әрі қарай ынтымақтастыққа мүдделі және өз энергетикалық экспорттық бағыттарын әртараптандыруға ниетті. Бұл туралы Қазақстан Президенті Қасым-Жомарт Тоқаев Американың бизнес өкілдерімен өткен «дөңгелек үстел» барысында айтты.

АҚШ – Қазақстан экономикасына 100 млрд доллардан астам қаржы құйған ірі инвестор. Қазір Қазақстанда 630-дан астам америкалық компания табысты жұмыс істеп жатыр. Олардың қатарында Chevron, ExxonMobil, Boeing, Visa, Mastercard, Meta, Wabtec, Citibank секілді танымал брендтер бар.

Қасым-Жомарт Тоқаев бұрыннан екіжақты ынтымақтастықтың негізі саналатын энергетика секторын алғашқы басымдық ретінде атады.

«Chevron және ExxonMobil компанияларының соңғы 30 жылда елімізге қомақты әрі табысты инвестиция салғанын...

Энергетика министрлігі Қазақстан Өзбекстанға бензин сатып отыр деген мәліметті жоққа шығарды. Бұл туралы Kursiv.Media министрлік мәлімдемесіне сүйене отырып хабарлайды.

«Қазір Қазақстаннан Өзбекстанға немесе өзге елдерге бензин экспорты жүзеге асырылмайды. Елде мұнай өнімдерін сыртқы шығаруға тыйым салынған. Үкімет заңсыз сауда мен контрабандамен күрес жоспарын іске асырып жатыр», – деп мәлімдеді министрлік.

Мекеменің мәліметінше, ақпарат құралдарының бірі биыл көктемдегі бір жолғы уақытша шара туралы жазған.

Үкімет маусым айынан бастап бензин экспортын толық тоқтатты.

Министрлік мұндай шара ішкі нарықты тұрақтандыруға, жанармай қорын айтарлықтай ұлғайтуға мүмкіндік бергенін атап өтеді.

«Жаздың басына қарай АИ-92 бензин...

Бүгін, 23 қыркүйек күні, сағат 17:00 де «Қайрат» пен «Реал Мадрид» арасындағы көптен күткен ойынның билеттері ресми сатылымға шығады. Осығай орай Freedom Ticketon бірнеше ережелерді түсіндірді.

Кезек жүйесі

Ticketon.kz сайтында билеттерді сату арнайы екі сатылы кезек жүйесі арқылы ұйымдастырылады:

1. Сайтқа кіру кезегі – қолданушылар көп болған жағдайда алдымен арнайы күту бөлмесі ашылады.

2. Іс-шараға кезек – сайтқа кіргеннен кейін «Қайрат – Реал Мадрид» батырмасын басқан жанкүйер жеке күту бөлмесіне өтеді, мұнда тікелей билеттерге кезек қалыптасады.

Жанкүйерлер кезекте тұрған орындарын жоғалтпайды. Егер бет кездейсоқ жабылып қалса, 10 минут ішінде қайта кірсе, кезек сақталады. Сонымен қатар, күту бөлмесінде...

Араға 26 жыл салып грек-рим күресінен әлем чемпионатында Қазақстанның әнұраны шырқалды.

Әлем чемпионының жеңісі туралы Айдос Сұлтанғалидің ата-анасы Сұлтанғали Кеулімжаев пен Апиза Самилова ішкі толқынысымен бөлісті.

— Қазір қандай сезімде екенімізді сөзбен айтып жеткізу қиын. Қалың елім — қазағым қалай уайымдаса, біз де солай тақымымызды қысып отырдық. Алладан дұға жасап, күні-түні тіледік. Сол тілектерді Алла қабыл етіп, баламыз жеңіске жетті, — дейді әкесі Сұлтанғали Кеулімжаев Jibek Joly арнасының «Бүгін LIVE» бағдарламасында берген онлайн сұхбатында.

Әкенің айтуынша, Айдос бұл жеңіске оңай жеткен жоқ. Бұған дейін халықаралық додалардан қола жүлделер алып жүрген.

...

Қазақстандағы спорт федерациялары тек бюджеттен ғана қаржыландырылмайды. Танымал бизнесмендер, Forbes тізіміндегі миллиардерлер де демеуші болады. Жылына спортшылардың жарысқа қатысуына, жүлделеріне деп миллиондаған қаражат салады. Осы меценат бизнесмендер жайлы Kursiv Media-ның бүгінгі материалында ұсынамыз.

Қайрат Боранбаев

«Қайрат» футбол клубы Чемпиондар Лигасына шыққаннан кейін Боранбаевтың «өткені ұмытылып», халықтың қошеметіне бөленді.

Қайрат Боранбаев «Қайрат»футбол клубын 2012 жылы сатып алды. Ол басқаратын «ҚазРосГаз» клубтың 70%-ын, ал әкімдік 30%-ын иеленді. Сол уақыттан бері клуб үлкен трансформациядан өтті. Басшылық чемпиондарды өз ішінен тәрбиелеп шығаруға күш салды. Жаңа даму бағдарламалары жасалды, инфрақұрылымды дамытты.

2013 жылы «Қайраттың» С.Квочкин атындағы балалар академиясы...

Hyundai Motor 2020-2025 жылдары шығарылған 568 580 Palisade көлігін  қауіпті ақауға байланысты кері қайтарып жатыр. Бұл туралы АҚШ-тың Жол қозғалысы қауіпсіздігін қамтамасыз ету жөніндегі ұлттық басқармасы (NHTSA) автоконцернге сілтеме жасай отырып хабарлады.

Мәселенің төркіні неде?

Hyundai Palisade көліктерінің қауіпсіздік белдігінен ақау анықталды. Бұл жабдықта зауыттық стандарттарға сай келмейтін бөлшектер пайдаланылған болуы ықтимал. Әсіресе күн суытқанда белдік толық құлыпталмай қалуы мүмкін. Егер белдік сенімді түрде бекітілмесе, жол-көлік оқиғасы кезінде жүргізуші де, жолаушы да қажетті қорғаныссыз қалады. Мұндай жағдай жарақат алу қаупін едәуір арттырады.

Бұл ақау қандай көліктерден анықталды? АҚШ-тың Жол қозғалысы қауіпсіздігін қамтамасыз ету жөніндегі ұлттық басқармасының мәліметінше...

Қазақстанның бірінші ракеткасы, әлемдік рейтингте 19-орында тұрған Александр Бублик Қытайдың Ханчжоу қаласында өтіп жатқан ATP 250 турнирінің финалына шықты.

Жартылай финалда Бублик жергілікті теннисші У Ибинді (№196) сенімді жеңді. Қарсыласын 6:3, 6:3 есебімен екі сетте ұтты. Ойын 1 сағатқа созылды.

Кездесу барысында қазақстандық спортшы 17 эйс жасап, небәрі үш қос қате жіберді. Сондай-ақ 5 брейк-пойнттің үшеуін тиімді пайдаланды.

Финалда Александр Бублик француз теннисшісі Валентен Ройемен кездеседі.

Қазақстан Президенті Қасым-Жомарт Тоқаев Халықаралық футбол федерациясының (FIFA) президенті Джанни Инфантиномен кездесті. Бұл туралы Ақорда хабарлады.

Кездесу барысында тараптар Қазақстандағы футболды дамыту, әсіресе балалар спортын қолдау және заманауи инфрақұрылым салу мәселелерін талқылады. Мемлекет басшысы елімізде жүзеге асырылып жатқан FIFA Arena бағдарламасына жоғары баға беріп, Федерацияға алғысын білдірді.

Президент Қасым-Жомарт Тоқаев Қазақстан FIFA-мен ынтымақтаса отырып, аймақта футбол қарқынды дамитын елге айналатынына сенім білдірді.

Өз кезегінде Джанни Инфантино Тоқаевқа футболға ерекше назар аударғаны үшін алғыс айтып, ұлттық футболдың деңгейін көтеруге бағытталған бірлескен жобаларды іске асыруға дайын екенін жеткізді.

Еске сала кетейік, бұған дейін FIFA Қазақстанның ауылдарына 100 футбол алаңын салатынын...

28 жастағы «Пари Сен-Жермен» және Франция құрамасының шабуылшысы Усман Дембеле алғаш рет әлемнің ең үздік футболшысына берілетін беделді «Алтын доп» жүлдесін алды.

Париждегі «Шатле» театрында 22 қыркүйек күні өткен 69-шы салтанатты рәсімде маусым-2024/25-тің үздіктері марапатталды.

Дембеле бұл маусымда ПСЖ-мен бірге Чемпиондар лигасын, Франция біріншілігін, ел Кубогын және Суперкубокты жеңіп алды. Сондай-ақ клубтық әлем чемпионатында күміс жүлдегер атанды. Жалпы алғанда 35 гол соғып, 16 нәтижелі пас берді. Осылайша Дембеле «Алтын доп» иеленген алтыншы француз футболшысы атанды. Бұған дейін осы марапатты Раймон Копа, Мишель Платини, Жан-Пьер Папен, Зинедин Зидан және Кәрім Бензема алған еді.

Усман Дембеле туралы

Усман Дембеле...

БҰҰ Бас Ассамблеясының 80-ші сессиясы аясында Қазақстан Президенті Қасым-Жомарт Тоқаев Украина Президенті Владимир Зеленскиймен жүздесті. Бұл туралы Ақорда хабарлады.

Кездесу барысында екі ел басшылары экономикалық және гуманитарлық ынтымақтастықты дамыту мәселелерін талқылады. Әсіресе, сауда-экономикалық байланыстарды кеңейту, мәдени-гуманитарлық жобаларды жүзеге асыру жайлы сөз болды.

Владимир Зеленский Украинадағы қазіргі жағдайға қатысты өз ұстанымын ортаға салды. Украина президенті аймақтағы бейбітшілік пен қауіпсіздік мәселелерінің маңыздылығына тоқталды.

Қасым-Жомарт Тоқаев та осы мәселеге байланысты пікірін білдіріп, қақтығыстарды бейбіт жолмен шешудің қажеттігін атап өтті. Қазақстан Президенті дипломатиялық келіссөздер мен халықаралық диалогты жалғастыру – ахуалды тұрақтандырудың басты жолы екенін ерекше айтты.

Осылайша, екі ел көшбасшылары күрделі геосаяси жағдайда да...

Қасым-Жомарт Тоқаев Нью-Йоркте Amazon компаниясының аға вице-президенті Дэвид Запольскимен кездесті.

Ақорданың хабарлауынша, тараптар цифрландыру, байланыс және жасанды интеллект саласындағы жобаларды талқылаған.

Президент Amazon компаниясының еліміздің Жасанды интеллект және цифрлық даму министрлігімен, сондай-ақ «Қазақтелеком» компаниясымен бірлескен жобаларды жүзеге асыру жоспарына қолдау білдірген.

«Ынтымақтастық Қазақстан аумағындағы жылдамдығы жоғары интернетті қамтамасыз ету және киберқауіпсіздікті нығайту секілді стратегиялық маңызды бағыттарды қамтиды. Amazon тек елімізге қатысты жобаларды жүзеге асырумен шектелмей, Қазақстанды спутниктік байланыстың өңірлік хабын қалыптастыруға болатын алаң ретінде қарастырып отыр», – делінген ақпаратта.

Қазақстан президентінің Нью-Йоркке жұмыс сапары аясында «Қазақтелеком» және Amazon Kuiper компаниялары Kuiper спутник желісінің қызмет...

Астанада Шыңғыс Айтматов көшесі 23-26 қыркүйек аралығында ішінара жабық болады. Бұл туралы Көлік және жол-көлік инфрақұрылымын дамыту басқармасы хабарлады.

«Қорғалжын тас жолынан Ш.Қосшығұлұлы көшесіне дейінгі учаскеде Шыңғыс Айтматов көшесі бойынша жол төселеді. Соған байланысты 23-26 қыркүйек аралығында бұл учаске ішінара жабылады», – делінген ақпаратта.

Жөндеу жұмыстары Қорғалжын тас жолынан Қосшығұлұлы көшесіне қарай жүргізіледі. Қозғалыс Қосшығұлұлы көшесінен Қорғалжын тас жолына қарай бір бағытта ғана ұйымдастырылады.

«Жүргізушілер мен жаяу жүргіншілерден маршруттарды алдын ала жоспарлауды және қозғалысты ұйымдастырудағы ықтимал өзгерістерді ескеруді сұраймыз», – делінген ақпаратта.

Шымкент қаласы әкімінің орынбасары тағайындалды. Бұл туралы әкімдіктің баспасөз қызметі хабарлады.

«Президенті әкімшілігінің келісімімен және қала әкімінің өкіміне сәйкес, Шымкент қаласы әкімінің орынбасары лауазымына Берік Беркімбаев тағайындалды», – делінген ақпаратта.

Берік Беркімбаев 1980 жылы Шымкент қаласында туған. Қазақ мемлекеттік заң академиясын және Шеффилд университетін (Ұлыбритания) бітірген.

Еңбек жолын 2001 жылы прокуратура органдарында бастаған. 2010-2022 жылдар аралығында Жоғарғы соттың және Әділет министрлігінің құрылымында басшылық қызметтер атқарды.

2022-2023 жылдары Мемлекеттік қызмет істері агенттігі төрағасының орынбасары болған.

2023 жылдың ақпан-мамыры аралығында Президент әкімшілігі басшысы хатшылығының меңгерушісі болған.

2023 жылдың мамырынан қазірге дейін Президенті әкімшілігінің мемлекеттік инспекторы лауазымында қызмет...

Астана сотында Перизат Қайрат пен Ғайни Алашбаеваға шыққан үкім апелляциялық сатыда қаралады.

Соттың хабарлауынша, адвокаттың шағымы негізінде сот отырысы 24 қыркүйекте өтеді.

2025 жылдың шілдесінде Biz Birgemiz Kazakhstan 2030 қорының жетекшісі Перизат Қайрат 10 жылға бас бостандығынан айырылды. Ол қылмыстық кодекстің 190-бабы 4-бөлігінің 2-тармағы бойынша – «Алаяқтық», 218-бабы 3-бөлігінің 3-тармағы – «Аса ірі көлемде қылмыстық жолмен алынған кірістерді заңдастыру (жылыстату)» бойынша кінәлі деп танылды.

Перизат Қайраттың анасы Ғайни Алашбаева 7 жылға сотталды. 

Қасым-Жомарт Тоқаев АҚШ-та PepsiCo қоры директорлар кеңесінің төрағасы Стивен Кихоны қабылдады.

Кездесуде PepsiCo компаниясының Қазақстандағы инвестициялық жобасын жүзеге асыру барысы талқыланды.

Әлемге әйгілі бренд Алматы облысында снэктер шығаратын зауыт құрылысына кірісті. Инвестиция көлемі – 368 млн доллар.

Президент жобаны іске асырудан түсуі мүмкін экономикалық пайдаға назар аударды. Компания 900-ге тарта тұрақты жұмыс орнын ашудан бөлек, қытырлаққа арналған картопты жергілікті жерде өсіруге ниетті.

Стивен Кихоның айтуынша, бағдарламаға Павлодар, Ақмола, Қарағанды, Алматы және Жетісу облыстарынан 15-ке жуық шаруашылық қосылған. Бұдан бөлек, шикізатты сақтау базасын кеңейтіп, картоп өнімділігі мен сапасын арттыру үшін ғылыми тәсілге жүгіну жоспарланып отыр.

Қасым-Жомарт Тоқаев PepsiCo компаниясының орнықты...

Елімізде құрылыс жұмыстарының көлемі 18,1% артты. Бұл туралы Ұлттық статистика бюросы жариялаған мәліметте көрсетілген.

Осылайша 2025 жылдың қаңтар-тамызында құрылыс көлемі 18,1% өсіп, 4 851 млрд теңгені құрады. Өсім елдің 18 өңірінде байқалды. Ең жоғары көрсеткіш Қызылорда (+44,6%), Солтүстік Қазақстан (+41,5%), Батыс Қазақстан (+37,5%), Қостанай (+35,6%), Жетісу (+29,6%) және Түркістан (+27,2%) облыстарында тіркелді.

Атқарылған жұмыстардың негізгі бөлігі жолдар мен метро құрылысына (24,3%), тұрғын үй емес ғимараттарға (21,8%) және тұрғын үйлерге (13%) тиесілі. Пайдалануға берілген тұрғын үйдің жалпы алаңы былтырғы қаңтар-тамыз айларымен салыстырғанда 4,5% өсіп, 10 935,3 мың шаршы метрді құрады. Оның ішінде 21,1 мың – жеке үйлер, 1,1 мы...

Алматы мен Оңтүстік Кореяның Кёнсан-Намдо провинциясы жедел саты өндірісі мен білім беру саласын дамыту бойынша келісімге қол қойды. Бұл туралы Алматы әкімдігінің баспасөз қызметі хабарлады.

Әкімдіктің мәліметінше Алматы әкімі Дархан Сатыбалды Корея Республикасының Кёнсан-Намдо провинциясының губернаторы Пак Ван Сумен ресми кездесу өткізген. Бұл кездесуде үш негізгі меморандумға қол қойған.

Оған сәйкес тараптар мынадай салаларды бірлесіп дамытады:

«Бұл құжаттар іскерлік қарым-қатынасты бекемдеуге, жоғары технология мен білім беру саласында ортақ жобаларды жүзеге асыруға және тәжірибе алмасуға жол ашады», – делінген баспасөз...

Alatau City банкіне тиесілі сервистер жұмысын тоқтата бастады. 25 қыркүйектен бастап енді Alatau City Market маркетплейсі жұмыс істемейді. Бұл туралы компанияға сауал жолдаған «Ручная экономика» телеграм арнасы жазады.

Маркетплейстегі азық-түлік жеткізу, әуе және теміржол билеттерін брондау, кино мен театр билеттерін сатып алу қызметтері қолжетімсіз болады. Банк өкілдерінің айтуынша, қаржы ұйымы алдындағы стратегия өзгергендіктен осындай шешім қабылданған.

«Біз азық-түлік жеткізу сервисінің жұмысын кезең-кезеңімен тоқтатуды ұйғардық. Бұл біздің жаңа басымдықтарымыз бен басқа жобаларды дамыту жоспарымызға байланысты. Осыған орай супермаркет қызметі қазір қолжетімсіз. Қызметті қайта іске қосу жоспарланбайды», – деп атап өтті банктің баспасөз қызметінен.

Alatau...

Pfizer компаниясы артық салмақпен күресу жөніндегі стартапты 4,9 млрд долларға сатып алуға келісті. Бұл туралы Kursiv.Media Bloomberg мәліметіне сүйене отырып хабарлайды.

Америкалық Pfizer, салмақ түсіруге арналған жобасы сәтсіздікке ұшыраған соң, Metsera Inc. стартапын сатып алатын болды. Фармкомпания оның әр акциясына қолма-қол 47,50 доллар, сонымен бірге 22,50 доллар қосымша ақша төлейді. Бұл туралы компанияның дүйсенбі, 22 қыркүйекте таратқан мәлімдемесінде сөз болды.

Pfizer коронавирус індеті аяқталғаннан кейін, қайтадан бас көтеріп жатыр. Енді ол ескі дәрілерді жаңасына алмастыруға көшті.

Metsera артық салмақтан арылу саласында болашағы зор компаниялардың бірі. Ол салмақ түсіретін бірнеше препарат дайындаумен айналысып жүр.

Стартап салмақ түсіретін дәріні адамға...

Сауда министрі Арман Шаққалиев әлеуметтік маңызы бар азық-түлік бағасын қымбаттатқандарға қатаң шара қолданылатынын айтты.

Бұл жайлы министр 80-нен астам сауда желілерінің өкілдері қатысқан кеңейтілген отырыста айтқан.

Жиында бағаны тұрақтандыруға бағытталған қосымша шаралар айтылған. Оған Қазақстан сауда желілері қауымдастығы, облыс әкімдерінің орынбасарлары, сондай-ақ Magnum Cash&Carry, Small&Skif, Anvar, Dina, Dana, Norma, Metro, Toimart, Galmart, INMART, Greenwich және басқа да ірі сауда желілері қатысқан.

«Министр Үкімет бекіткен әлеуметтік маңызы бар тауарларға 15% мөлшеріндегі сауда үстемесін сақтау қажеттігін еске салып, бұзушылық тіркелген жағдайда қатаң шаралар қолданылатынын ескертті», – делінген ақпаратта.

Мәселен, сауда үстемесін асырып жібергені үшін жыл басынан...