Жаңалықтар

Ресей президенті Владимир Путиннің биыл Қазақстанға шамамен қай уақытта келетіні мәлім болды. Бұл туралы көрші елдің баспасөзі жазды.

Мәскеу мен Астана Путиннің 2026 жылғы Қазақстанға сапары қай уақытта өтетінін талқылап жатыр. Бұл туралы Ресейдің Астанадағы елшісі Алексей Бородавкин хабарлады. Оның айтуынша, Путиннің Қазақстанға сапары мамыр айында өтеді.

«Жыл сайынғы осындай сапарлар дағдыға айналды. Қазір сапар күні мен келіссөздер мазмұнын анықтап жатырмыз», – дейді Бородавкин ТАСС агенттігіне.

Елшінің мәлімдеуінше, Путиннің Қазақстанға сапары екі ел қарым-қатынасы тарихындағы «ең жарқын беттерінің біріне айналады».

2026 жылғы мамырдың аяғында Астанада Еуразия экономикалық кеңесі Жоғары жиынының отырысы өтеді. Оған...

16 ақпаннан бастап православ күнтізбесі бойынша Масленица мерекесі басталды. Бұл шығыс славян халықтарының көктемді қарсы алу мерекесі деп жазады Kursiv Media.

Бұл мерекені христиандар бір апта бойы тойлайды. Аптаның бірінші күні бір-бірімен көріседі, сабаннан «қарауыл» дайындайды. Жастар бір-бірін қонаққа шақырып, ойындар ойнайды. Масленицаның ең басты дәстүрінің бірі – құймақ пісіру. Славяндар алтын түсті, күнге ұқсайтын дөңгелек құймақ пісіріп, көктемді, жылулықты шақырады. Адамдар бір-бірімен кешірім сұрап, өткен реніштерін ұмытып, татуласады.

Аптаның соңында «қарауыл» өртеп, қысты шығарып салады. Ал 23 ақпаннан бастап славяндардың «Оразасы» басталады. Бұл жылы жеті аптаға созылады. Ал оны христиандардың басты мерекесі Пасха аяқтайды.

Еске салайы...

АҚШ президенті Дональд Трамп Израиль тарапынан Иранға қарсы соққыларын қолдауға дайын екенін мәлімдеген.

CBS News ақпаратынша, Иранмен келісімге қол жеткізілмеген жағдайда,  АҚШ Тель-Авивтің баллистикалық зымыран бағдарламасына қарсы соққыларын қуаттамақ.

Телеарнаның мәліметінше, Трамп бұл ұстанымын желтоқсан айында Флоридадағы кездесуде Израиль премьер-министрі Биньямин Нетаньяхуға жеткізген. Егер АҚШ пен Иран арасында келісім жасалмаса, Вашингтон Израильдің әскери әрекеттерін қолдауы мүмкін екені айтылған.

Израиль премьері дипломатиялық келіссөздерге күмәнмен қарайтынын бірнеше рет айтқан. Оның пікірінше, ықтимал келісім тек Израильдің емес, бүкіл әлемнің қауіпсіздігін ескеретін талаптарды қамтуы тиіс.

Айта кетейік, ақпан айының басында Оман аумағында өткен АҚШ пен Иран өкілдерінің келіссөзінде тараптар диалогты жалғастыруға келіскен...

Қазақстан спортшыларының 2026 жылғы Қысқы Олимпиада ойындарындағы 16 ақпанға арналған жарыс кестесі белгілі болды. Туризм және спорт министрлігі отандастарымыздың жарыс бағдарламасын жариялады.

Италияның Милан және Кортина-д’Ампеццо қалаларында өтіп жатқан дүбірлі дода аясында бұл күн қазақстандық жанкүйерлер үшін ерекше тартысты болмақ.

Бағдарламаның басты бәсекелерінің бірі – ерлер арасындағы тау шаңғысы жарысы. Бұл сайыста Қазақстан намысын Ростислав Хохлов қорғайды. Жарыс Астана уақытымен сағат 14:00-де басталады.

Одан кейін, сағат 15:18-де шорт-тректен 500 метр қашықтықтағы іріктеу жарыстары өтеді. Бұл сында ел намысын Денис Никиша мен Абзал Әжғалиев қорғайды.

Ал кешкі бағдарламада трамплиннен шаңғымен секіруден командалық турнир. Жарыс Астана уақытымен 23:00-де басталады. Қазақстан құрамасы сапында...

Олимпиада чемпионы Михаил Шайдоров әлеуметтік желіде видео жариялап, қазақстандықтарға алғыс айтты.

«Мемлекет басшысына көрсеткен қолдауы үшін үлкен алғыс айтқым келеді. Федерация президентіне мәнерлеп сырғанаудың дамуына қосқан үлесі үшін рахмет айтамын. Қазақстандарға, трибунада және экран алдында қолдау көрсеткен жанкүйерлерге, әлеуметтік желілерде жазба қалдырған баршаңызға ерекше алғыс. Кейінгі екі күнде ұйықтаған жоқпын, қандай сезімде екенімді сөзбен жеткізу мүмкін емес», – деді Шайдоров.

Шайдоровтың жеңісі

Қазақстанды...

Алматыда өткен айтыстың видеосы YouTube платформасында жарияланды. Бұған дейін айтыскер Балғынбек Имаш, Айнұр Тұрсынбаева, Жандарбек Бұлғақов және Сырым Әуезхан бетпе-бет кездесіп айтысқан еді.

Айтыс әуелі әлеуметтік желіде басталды. Содан кейін көптен бері айтыс сахнасына шықпай кеткен Айнұр Тұрсынбаева Түркиядан Қазақстанға арнайы келді.

Instagram желісіндегі ақпараттарға сүйенсек, айтысты тікелей эфирде бес мыңға жуық адам тамашалаған. 

Қазақстандық мәнерлеп сырғанаушы Михаил Шайдоровқа Олимпиада ойындарындағы жеңісі үшін сыйақы беріледі.

Оның мөлшерін спорт министрлігі бекіткен. Соған сәйкес, Олимпиада ойындарында алтын медаль жеңіп алған қазақстандық спортшыларға 250 мың доллар сыйақы қарастырылған.

Қазіргі бағам бойынша Шайдоров алатын сыйақы шамамен 123,7 миллион теңгені құрайды.

Forbes дерегіне сәйкес, Қазақстан ең жоғары сыйақы тағайындайтын мемлекеттердің қатарына кіреді.

Мәселен Италияда алтын медаль үшін шамамен 213 000 доллар көлемінде төлем қарастырылған, Кипрде – 177 000 доллар, Болгарияда – 151 000 доллар, Литвада – 133 000 доллар, Косовода – 130 000 доллар және Эстонияда 118 000 доллар төленеді.

Шайдоровтың жеңісі

Қазақстандық мәнерлеп...

Өскеменде ауа сапасының нашарлауына байланысты оқушылар қашықтан оқу форматына көшірілді. Бұл туралы Өскеменнің білім бөлімі хабарлады.

Редакция мәліметінше, 2026 жылдың 16 ақпанында 0-11 сынып оқушылары үйде оқиды. Бұл өзгеріс екі ауысымдағы оқушыларға қатысты болып отыр.

Бұған дейін Шығыс Қазақстан облысы әкімдігінің экология департаменті ауа сапасын тексерген.

«Ауа сапасы орташа деңгейде бағаланады және тұрғындар денсаулығына қауіп төндірмейді», – деп хабарлады мамандар.

Әкімдік ауа сапасына көліктер, өнеркәсіптік кәсіпорындар және от жағып отырған жеке тұрғын үй секторы әсер етеді деп мәлімдеді. Сонымен қатар екі гидроэлектр станциясының болуы Ертіс пен Үлбі өзендерінің қыс мезгілінде қатуына жол...

Қазақстандық әзілкеш Нұрлан Сабуровқа Украинада қылмыстық іс қозғалды. Бұл туралы заңгер Евгений Прониннің Telegram-арнасында хабарланды.

«Украинаның қауіпсіздік қызметі менің өтінішім негізінде Қазақстан Республикасының азаматы Нұрлан Сабуровтың ықтимал қылмыстық құқық бұзушылық жасауы бойынша мәліметтерді бірыңғай тергеу тізіліміне енгізіп, сотқа дейінгі тергеуді бастады», – деді украиналық заңгер Пронин.

Оның сөзінше, Сабуров Ресей әскеріне материалдық көмек берген болуы мүмкін деген жайт ресми тергеу аясында тексеріледі.

Бұған дейін Ресей билігі әзілкеш Нұрлан Сабуровтың Ресей аумағына 50 жылға дейін кіруіне тыйым салды.

Содан кейін әзілкештің Ресей әскеріне материалдық көмек көрсеткені туралы ақпарат тарады. Ресейлік басылымдардың дерегінше, ол...

Елде жыл сайын онкологияға шалдыққан 5 мыңға жуық бала ем қабылдайды. Бұл туралы денсаулық сақтау министрлігі мәлімдеді.

Ресми ақпарат бойынша кейінгі 10 жылда көрсеткіш өзгермеген – 100 мың балаға шаққанда орта есеппен 9,7 бала қатерлі ісікке шалдығады.

Окнологияға шалдыққан балалардың 36%-дан астамында жіті лейкоз, 20%-ында орталық жүйке жүйесінің ісігі, 7%-ында лимфомалар анықталған. Одан кейінгі орында нейробластома және герминогенді ісіктер тұр.

Министрліктің хабарлауынша, жыл сайын 556 төсек базасында 5 мыңға жуық бала ем алады. 2013 жылдан бастап 529 гемопоэздік дің жасушасын трансплантаттау жүргізілген.

«Көз торының ісіктері үшін 90-нан астам селективті интраартериялық химиотерапия операциясы жасалды. Жылына...

Дінмұхамед Қонаевтың жиені, энергетик Алтай Қадыржанов өмірден өтті. Қаралы хабар Қонаев қорының әлеуметтік желідегі парақшасында жарияланды.

«Алтай Қадыржанов Қазақстанның энергетикалық жүйесін құру мен нығайту жолында еңбек етті. Дінмұхамед Қонаевтың жиені болса да кез келген артықшылықтан бас тартып, өзін іспен, біліммен және табанды еңбегімен дәлелдеді», – делінген ақпаратта.

Бұған дейін Қонаевтың қарындасы Роза Қонаева 91 жасында өмірден өтті.

Астанада LRT станциясында өрт шықты. Зардап шеккендер жоқ, өрттің неден шыққаны анықталып жатыр.

Төтенше жағдайлар қызметіне Сарайшық ауданындағы қоғамдық көлік аялдамасында өрт шыққаны туралы хабар түскен.

«Оқиға орнына жеткен бойда, салынып жатқан нысан аумағындағы аялдама павильонының жертөлесінен түтін шыққаны анықталды. Электр қалқанындағы электр кабельдері мен құрылыс қоқысы жалпы көлемі 10 шаршы метр аумақта өртенген», – деп хабарлады мамандар.

Өрт сөндірушілер жедел түрде өртті сөндіріп, оттың көрші бөлмелерге таралуына жол бермеген.

Қазақстандықтар мәнерлеп сырғанаушы Михаил Шайдоровтың Олимпиада ойындарындағы жеңісінен кейін Денис Тенді еске алды.

Әлеуметтік желіде қолданушылар Денис Теннің Қазақстандағы спортқа қосқан үлесі мен қазасы туралы жазып жатыр.

Ал Алматы тұрғындары Денис Теннің ескерткішіне гүл шоқтарын қойған.

«Михаилдың жеңісі Денисті еске салды. Денистің ескерткіші алдында жаңа гүлдер пайда болғанын аңғардым. Өзі болмаса да, оның ізі бар екенін сезгендеймін…», – деп жазды Threads желісін қолданушыларының бірі.

Ол сондай-ақ ескерткіш маңынан видео жариялаған.

Қазақстандық әнші Қайрат Нұртас пен актриса Жұлдыз Әбдікәрімова елордадағы үйіне қонақ шақырып, қоныстой жасады. Бұл туралы актриса әлеуметтік желідегі парақшасында жазды.

«Қоныстойдың басын үлкендер ашып берді. Бұйыртса енді кезек-кезегімен бәріңізді шақырамын», – деді Әбдікәрімова.

Келген қонақтардың арасында әншінің ата-анасы Нұртас Айдарбеков пен Гүлзира Айдарбекова да бар. Жайылған дастарқан басынан отбасының өзге де туыстарын көруге болады.

Әлеуметтік желі қолданушылары отбасының татулығына сүйсініп, ізгі тілектерін жолдап жатыр.

«Сіздерді көріп бүкіл Қазақстан қуанып отырған шығар», «Ата-анаға баласының жылы назарынан басқа не керек? Немерелерін көріп бәрін ұмытып кетті» деп жазды желі қолданушылары.

S&P 500 индексі 7000 деңгейіне ұмтылуда

Азиядағы баяу саудадан кейін Еуропа нарығы әртүрлі бағытта ашылды, ал АҚШ индекстерінің фьючерстері шамалы өсім көрсетті. Осы аптадағы маңызды деректердің ішінде тек жұмыссыздық бойынша апталық өтінімдер ғана бар. Негізгі назар жұма күнгі инфляция деректеріне және келесі аптадағы бөлшек сауда компанияларының табыс есептеріне аударылмақ.

АҚШ нарығында соңғы кездері тұрақсыздық байқалуда. Кеше де осыған ұқсас жағдай орын алды: жұмыс орындары туралы есептен кейін акциялар алдымен қымбаттады, бірақ кейінірек трейдерлер «бұл деректер ФРЖ мөлшерлемені төмендетуді кешіктіреді» деген болжаммен пайданы бекітіп, акциялар бағасы төмендеді.

Күннің соңында баға төмендегенде сатып алушылар (dip buyers) белсенділік танытып, индекстерді ең төменгі нүктеден...

Қазақстан президенті Қасым-Жомарт Тоқаев Сербия президенті Александр Вучичті құттықтады.

15 ақпанда Сербия халқы Мемлекеттілік күнін тойлап жатыр.

Мемлекет басшысының айтуынша, бұл мереке серб халқының ұлттық бірлікке, дербестік пен дәйекті дамуға ұдайы бейіл екенін көрсетеді.

«Жеделхатта еліміздің Сербиямен шынайы достыққа және ортақ ұмтылысқа негізделген берік қарым-қатынасты жоғары бағалайтыны жазылған», – деп хабарлады Ақорда.

Тоқаев Александр Вучичтің мемлекеттік қызметіне табыс, ал Сербия халқына бақ-береке тіледі.

Бұған дейін Тоқаев Олимпиада чемпионы Михаил Шайдоровты II дәрежелі «Барыс» орденімен марапаттады. 

Ulytau Group компаниясы Олимпиада ойындары чемпионы Михаил Шайдоровқа Астанадан үш бөлмелі пәтер сыйлады.

Компания әлеуметтік желідегі парақшасында жеңімпазды құттықтап, сыйға берілетін пәтердің Есіл жағалауында орналасқанын жазды.

«Ulytau Group компаниясы атынан сізге алғыс білдіріп, Астана қаласындағы Есіл өзені жағалауында орналасқан New City Life тұрғын үй кешенінен үш бөлмелі пәтерді сыйға тартамыз», – деп жазды компания мамандары.

Бұған дейін чемпионға қазақстандық өнерпаз Димаш Құдайберген көлік сыйлайтынын айтты. Ал inDriver компаниясы негізін қалаушы Арсен Томский Михаилдың әкесіне Audi Q8 автокөлігін сыйлады.

Одан бөлек президент Қасым-Жомарт Тоқаев Михаил Шайдоровты II дәрежелі «Барыс» орденімен марапаттады.

Шымкентте Нұрай Серікбайдың қырық күндік асы берілді. Қайтыс болған бойжеткеннің ағасы әлеуметтік желіде жазба жариялап, күдіктіні өмір бойына бас бостандығынан айыруды сұрады.

«Бүгін Нұрайдың 40 күндік асы өтті. Жап-жас, нәзік қыздың қырқына көп адам келіп, көңіл білдірді. Бізден кейін және біздің алдымызда үлкен жасқа келіп қайтқан кісілердің жылдық асын беріп жатты. Соның арасында қаршадай қыздың қырқын беру өте ауыр екен. Жүректі езеді, қинайды», – деп жазды Нұрайдың ағасы Сұлтан Серікбай.

Енді өсіп келе жатқан гүлді тамырымен бірге жұлған адамды өмірбақи бас бостандығынан айырды деген үкімді күтеміз, деп толықтырды ол.

Нұрай Серікбайды...

Димаш Құдайберген Михаил Шайдоровты Қысқы Олимпиададағы жеңісімен құттықтады. Арнайы лебізін видеоға жазып, инстаграм парақшасында жариялаған.

«Мишабай, бауырым! Олимпиада алтыны құтты болсын! Құрметті ағайын, не деген мереке! Не деген той! Мұз үстіндегі қимылың, өнерің дүйім жұртқа шабыт, рух сыйлаған үлкен азаматқа айналдың. Еліміздің саңлағы, менің досым, өзіңнің ағаң, өкінішке орай, халқымыздың маңдайына сыймай кеткен асыл перзенті Денисімізді жоқтатпадың. Ағаңның, халқымыздың алдыңдағы борышыңды жоғары деңгейде өтедің», – дейді әнші құттықтауында.

Михаил Димаштың орындауындағы әнді таңдағанына марқайып қалғанын да айта кетті.

«Қуантып қойдың, көп рахмет! Осы орайда саған темір тұлпар сыйлаймын. Аз да болса...

Павлодар облысының Майқайың кентінде екі адамның мәйіті табылуына байланысты полиция қылмыстық тергеу бастады. Қазіргі уақытта оқиғаның барлық мән-жайын  анықтауға бағытталған тергеу жүріп жатыр деп хабарлады құзырлы органдардан.

Баянауыл ауданы әкімдігінде нақтылағандай, отбасы мүшелерінің бірі ұзақ уақыт бойы дәрігер қабылдауына келмеген, мемлекеттік орган өкілдерін үйіне кіргізуден бас тартқан. Соның нәтижесінде 13 ақпанда тиісті санкциялар алынғаннан кейін, полиция қызметкерлері тұрғын үйге кіріп, екі адамның мәйітін тапты.

Тағы алты жастағы баланы көрді, қазір ол Майқайың ауруханасының балалар бөліміне жеткізілді. Тексеру қорытындысы бойынша дәрігерлер баланың денсаулығы жақсы, жас ерекшелігіне сай дамып отырғанын, ешқандай ауытқулар анықталмағанын мәлімдеді.

«Заңды өкілдерінің болмауына байланысты бала алдағы уақытта Үміт әлеуметтік қызметтерге мұқтаждарды қолдау орталығы КММ-не орналастырылады...

Бүгін қазақстандықтар Михаил Шайдоровтың жеңісін тойлап жатыр. Таңертеңнен бері әлеуметтік желі қолданушыларды желіні Шайдоровқа арнаған жазбалармен толтырды. Бірі Михаилды құттықтап Денис Тенді құттықтаса, бірі оның есігінің алдына «асфальт төсеуді» сұрайды.

Қазақстанда Михаил Шайдоров күні

Көпшілігі 14 ақпандағы Әулие Валентин мерекесі емес, Михаил Шайдоров күні деп жазады.

Шайдоровтың жеңісінен кейін Денис Тенді еске алып, сағынышын білдіргендер де бар. Теннің тағдырын ешкім қайталамасын деп тілейді.

Чемпион болғаннан кейін үйінің алдына асфальт төсеген Елдос Сметовті да еске түсіріп, Мишаның көшесін жөндеуді де сұрайды.

Еске салайық, Италиядағы Қысқы Олимпиадада Михаил Шайдоров мәнерлеп сырғанаудан алтын медаль алып, чемпион атанды. Бұл жеңісті бес жыл күттім...

Бауыржан Абжанов жаңа қызметке тағайындалды, ол Қазақстан Республикасының Ұлттық қорғаныс университетін басқарды. Бұл туралы Ақорданың баспасөз қызметі хабарлады.

«Мемлекет басшысының өкімімен Бауыржан Садықұлы Әбжанов Қазақстан Республикасы Ұлттық қорғаныс университетінің бастығы лауазымына тағайындалды», – деп жазылған хабарламада.

Жаңа қызметке тағайындалғанға дейін Бауыржан Абжанов  Ұлттық ұлан бас қолбасшысының орынбасары қызметін атқарды.

Оған дейін, 2018 жылдың қарашасынан бастап Петропавл қаласындағы Ұлттық ұлан академиясын басқарған. Ал одан бұрын, 2018 жылдың қаңтар айынан бастап Ұлттық ұлан Бас қолбасшылығының инспекторлық-талдамалық басқармасының бастығы, сондай-ақ Әскери кеңестің хатшысы болып жұмыс істеді.

Осы айдың басында Тоқаев Қорғаныс министрінің орынбасарларын қабылдаған еді. Президент оларға Тоқаев ведомстводағы жетекшілік ететін бағыттары бойынша бірқатар тапсырма берді.

Белгілі әртіс Нұрлан Қоянбаев соңғы салған сторисімен көпшілікті алаңдатып қойды. Ол жол апатына түсті ме деген сұрақ туындады.

Қоянбаев ауруханада жатқан суретін салған. Төсекте ақ жайма жамылған, бір қолымен тұтқадан ұстап отыр.

«Жолда абай болыңыздар», – деп жазған ол сторисіне.

Әртістің инстаграм парақшасында 2 млн оқырманы бар. Танылмал продюсер, актер әрі тележүргізуші. Қазір әлеуметтік желідегі белгілі инфлюенсер, трендсеттердің қатарында.

Қоянбаев Threads желісінде де өте белсенді. Тіпті оқырмандар оған «Threads президенті» деген атақ берді. Жақында ол әр аптаның сәрсенбісінде желіде Қазақстанды мақтап отыруды ұсынған.

Бүгін Астанада жаңа Конституция жобасына арналған «Референдум–2026» онлайн-марафоны өтіп жатыр. Шара жаңа Конституция жобасын түсіндіруге арналған ақпараттық алаң ретінде ұйымдастырылған. Алты сағатқа жоспарланған марафон барысында Конституция жобасының негізгі бағыттары жан-жақты талқыланады деп хабарлайды Kursiv Media тілшісі.

«Ток-шоу»  және «Сараптау: бұрын және қазір» алаңында 100-ге жуық спикер «Жаңа Конституция: өзгерістердің мәні», «Жаңа Конституцияның Преамбуласы», «Егемендік пен Тәуелсіздік – бәрінен қымбат», «Человек в центре государственной политики», «Заң және тәртіптің үстемдігі мемлекет қызметінің негізгі қағидаты», «Тарихи-мәдени мұраны сақтау, төл мәдениетті қолдау», «Семья и брак», «Құрылтай ықпалы: құзыреті мен міндеті», «Қазақстан Халық кеңесі», «Ұлттық заңнама мен халықаралық шарттардың арақатынасы», «Волонтерская деятельность», «Экологиялы...