Жаңалықтар

Абай университеті Қазақстанның балабақшалары мен мектептерінде үлкен сұранысқа ие болып отырған әйгілі Мария Монтессори әдістемесін ғылыми негізде дамытуды қолға алмақ. Осы мақсатта отандық жоғары оқу орны Италияның Перуджа қаласындағы тұңғыш Халықаралық Мария Монтессори орталығымен серіктестік туралы келісімге қол қойды.

Бұл құжат аясында елімізде алғаш рет Монтессори ғылыми-зерттеу зертханасы ашылады. Сонымен қатар Абай университетінің базасында болашақ тәрбиешілер мен мұғалімдерді халықаралық деңгейде оқытып, оларға арнайы сертификат беретін ұлттық орталық құрылады. Қазіргі таңда бұл әдістеме Қазақстанның 11 қаласындағы 40-тан астам балабақша мен орталықта қолданылып жатқанымен, оны заманауи ғылыммен ұштастырып, кәсіби мамандар даярлайтын отандық академиялық база жетіспейтін еді. Енді италиялық сарапшылармен бірлесіп...

Қазақстанда енді қытайлық GAC автомобильдерін құрастырып, өндірісін толықтай елімізге бейімдемекші. Қытайда іс-сапармен жүрген премьер-министр Олжас Бектенов Guangzhou Automobile Group директорлар кеңесінің төрағасы Фэн Синьямен кездесіп, осындай келісімге келді.

Екі тарап кездесуде Қазақстанда автомобиль өндірісін дамыту мәселесін сөз етті. Жоба жүзеге асса, Қазақстанға GAC автомобильдерін сырттан дайын күйінде әкеліп сатпай, оны өз елімізде құрастыратын болады.

Алдағы екі жылда GAC зауытында кәдімгі бензинмен жүретін де, электр мен бензинді қатар тұтынатын гибридті де модельдерді қоса алғанда, барлығы 17 мың дана автокөлік шығару жоспарланып отыр.

GAC компаниясы – Fortune Global 500 рейтингіне кіретін Қытайдың ірі автомобиль өндірушісі. Түрлі брендтермен автокөліктің бірнеше түрін...

Air Astana ұлттық компаниясы елу жаңа Airbus ұшағын сатып алады. 8,3 млрд еуроның келісіміне Бельгияда қол қойылды. Бұл туралы «Самұрық-Қазына» әл-ауқат қорының басшысы Нұрлан Жақыпов мәлімдеді.

Airbus A320 және A321 ұшақтары Қазақстанға 2031 жылдан бастап жеткізіле бастайды.

«Еншілес компаниямыз – Air Astana ұлттық әуе компаниясы үшін 50 жаңа Airbus ұшақтарын сатып алу жөнінде келісім жасалды. Осы мәміле біздің еуропалық бизнеспен әріптестігімізді жаңа деңгейге көтереді», – дейді Жақыпов.

Топ-менеджер әуе компаниясы директорлар кеңесінің төрағасы қызметін де атқарады. «Самұрық-Қазына» қоры, 2026 жылғы 1 сәуірдегі мәлімет бойынша, Air Astana жай акцияларының 41,18%-ына ие.

Бұған дейін Air...

2005-2025 жылдар аралығында Нидерландтан Қазақстанға тартылған тікелей инвестициялар көлемі 124 млрд доллардан асты. Бұл туралы Қазақстан–Нидерланд Іскерлік кеңесінің II отырысында Қазақстанның Сыртқы сауда палатасы Басқарма төрағасының кеңесшісі әрі міндетін атқарушы Дана Қасымова айтты.

23 маусымда Астанада Қазақстан мен Нидерланд арасындағы сауда-экономикалық, инвестициялық және іскерлік ынтымақтастықты одан әрі нығайтуға бағытталған Қазақстан–Нидерланд Іскерлік кеңесінің II отырысы өтті.

Дана Қасымова Нидерландтың Қазақстанның Еуропалық одақтағы негізгі экономикалық серіктестерінің бірі екенін және көптеген жылдар бойы ел экономикасына инвестиция салатын шетелдік инвесторлар арасында бірінші орын алып келе жатқанын атап өтті.

Айтуынша, 2005–2025 жылдар аралығында Нидерландтан Қазақстанға тартылған тікелей инвестициялар көлемі 124 млрд доллардан асты.

Deepal және Avatr брендтері Қазақстан нарығына электромобильдер мен гибридті көліктерін биыл күзде шығаруды жоспарлап отыр. Бұл туралы Business FM эфирінде Changan компаниясының жергілікті дистрибуция директоры Денис Коломацкий мәлімдеді.

Оның айтуынша, мұндай шешім Қытай автоконцерні өкілдерімен жүргізілген келіссөздерден кейін қабылданған.

«Қазір біз модельдерді таңдап жатырмыз. Уақыт өте аз қалды. Болжам бойынша, күзде бұл көліктер Қазақстанда ресми түрде сатылымға шығады», – деді Коломацкий сұхбат барысында.

Сонымен қатар ол аталған бренд көліктеріне ресми сервистік қызмет көрсету қолжетімді болатынын растады.

Deepal және Avatr – қытайлық Changan автоконцернінің электр және гибридті көліктер шығаруға маманданған қосалқы брендтері.

Бұған дейін...

Президент Қасым-Жомарт Тоқаев пен Бельгия Премьер-министрі Барт де Вевер екі ел ынтымақтастығының қазіргі жай-күйі мен перспективасын талқылады.

Ақорданың ақпаратына қарағанда, олар саяси диалогты нығайту, сауда-экономикалық және инвестициялық байланыстарды дамытуға айрықша назар аударған.  

Мемлекет басшысы Бельгияны Қазақстанның Еуропалық Одақтағы басты серіктестерінің бірі ретінде атады.

Қасым-Жомарт Тоқаевтың айтуынша, экономикалық ықпалдастықтың қарқыны бұдан да зор әлеуетке ие. Бельгия Қазақстан экономикасына қаржы құйған 10 жетекші инвестордың қатарына кіреді. Соңғы 20 жылда аталған елден келген тікелей инвестицияның жалпы көлемі 15 миллиард доллар болды.

Өзара сауда айналымы да тұрақты түрде өсіп келеді. Оның көлемі былтыр 580 миллион доллардан асты.

«Қазақстанда...

Алматы облысы, Талғар қаласында белсенді Айман Жарылқасымова пикетке шықты. Осы әрекет арқылы ол қаладағы ауызсу мәселесіне назар аударғысы келген. Бірақ пикет басталмай жатып оны ұстап әкетті деп жазады Hronika.kz

Айманның сөзінше, қала тұрғындары 18 жылдан бері таза суға қол жеткізе алмай келеді.

«Біз су мәселесін айтсақ, «сабыр, сабырға келіңіздер» дейді. Жылдар бойы осы сөзбен тыныштандырып келеді. Мен осы мәселені 2008-жылдан бері көтеріп келемін. Билік жыл сайын Талғарға таза су келеді, жаңа құбырлар салынады деп уәде береді. Түрлі жобалар болды, қыруар қаржы бөлінді, бірақ нәтиже жоқ. Міне, 2026 жыл келді, жағдай одан әрі ушығып...

Ақтөбе облысы, Қандыағаш қаласындағы «Тұмар» мейрамханасында 113 адам уланғаннан кейін полиция қылмыстық іс қозғады. Санитарлық ережелерді бұзды, гигиеналық нормативтер сақталмаған деген күдікпен сотқа дейінге тергеу басталды,

«Тергеу аясында оқиғаның барлық мән-жайын жан-жақты, толық және объективті анықтауға бағытталған қажетті тергеу әрекеттері жүргізіліп жатыр», – деп хабарлады Ақтөбе облыстық Полиция департаментінен.

Қылмыстық Кодекстің 304-бабы бойынша, күдіктілер екі жылға дейін бас бостандығынан айырылуы немесе шектеуі мүмкін. Немесе айыпты тарапқа 2000 АЕК көлемінде (8 650 000 теңге) айыппұл салынады.

Қазір зардап шеккендер Ақтөбедегі жұқпалы аурулар ауруханасында және Мұғалжар аудандық ауруханасында жатыр. Облыстық әкімдің баспасөз-қызметінің мәліметінше, олардың жағдайы орташа, кейбірін...

Депутат Мақсат Толықбай Қазақстанның бірнеше облысында салынуға тиіс жол құрылысына бөлінген 6 млрд теңгеге іздеу салды.

Оның айтуынша,  бір топ депутат Қызылорда, Ақтөбе, Ақмола облыстарында жол салуға қыруар қаржы бөлдірткен. Бұл заң аясында бекітілген.

«Қысқасы, тендерді ұтып алған – қызылордалық «Дорстрой» деген компания. Ол жолды салып бітірген жоқ. Керісінше, мемлекеттен түскен ақшаны шешіп алумен айналысты. Соңында компанияны банкрот деп жариялай салады. Кім ақымақ? Үкімет, мемлекет ақымақ», – дейді депутат.

Мақсат Толықбай аталған компанияның құрылтайшысын кабинетіне шақырған. Ол да өзін жәбірленуші екенін айтқан.

«Досқан Жүнісов бастаған бір топ компанияны рейдерлік әрекетпен тартып алған. Ол басында өзін ірі кәсіпкер ретінде таныстырады. Компанияларының

Ауыл шаруашылығы министрлігі Жайық өзеніне бекіре тұқымдас балықтардың 1 миллионнан астам шабағын жіберді. Бұл туралы ведомсвтоның баспасөз қызметі хабарлады.

Бұл жұмыс Қазақстанның Каспий теңізінің су биологиялық ресурстарын сақтау жөніндегі мемлекетаралық міндеттемелерін орындау мақсатында жүзеге асырылды.

Қолданылып отырған биотехнология басқа балық өсіру кәсіпорындарында бекіре өсіру үшін пайдаланылатын әдістерден ерекшеленеді. Бұл жерде шабақтардың өміршеңдігі мен табиғи ортаға бейімделуі жоғары деңгейде қамтамасыз етіледі.

Атап айтқанда, өсіру тоғандарында өсіру әдісі табиғи жағдайларға барынша ұқсас. Мәселен, тоған жағдайында өсірілген шабақтар қоректі өздігінен табады, температуралық және гидрологиялық өзгерістерге жақсы бейімделеді және табиғи су айдындарына жіберілгеннен кейін өміршеңдігі едәуір жоғары болады.

2026 жылға арналған...

Жазда қарбыз сатып алатындар көп. Алайда көпшілікті «қарбызда нитрат көп емес пе» деген сұрақ алаңдатады. Мамандардың айтуынша, нитраттың мөлшерін үй жағдайында дәл анықтау қиын. Дегенмен кейбір белгілерге назар аудару арқылы күмәнді өнімді ажыратуға болады.

Нитрат деген не

Нитраттар – өсімдіктің өсуін жылдамдату үшін қолданылатын тыңайтқыштардың құрамындағы заттар. Олар белгілі бір мөлшерде қауіпсіз саналады. Алайда шамадан тыс қолданылған жағдайда жеміс-жидек пен көкөністе нитрат мөлшері көбейіп кетуі мүмкін.

Дүниежүзілік денсаулық сақтау ұйымы (ДДҰ) нитраттардың шамадан тыс түсуі адам ағзасына зиян келтіруі мүмкін екенін ескертеді. Әсіресе балалар мен асқазан-ішек жолы аурулары бар адамдар үшін сақтық қажет.

Қарбыздағы нитраттың көп болуы мүмкін...

23 маусымда халықаралық Green SM компаниясы Қазақстан нарығына ресми түрде шығып, өзінің толықтай электрлі такси сервисін таныстырды.

Алматыда өткен салтанатты шараға Вьетнамның Қазақстандағы Елшісі Нгуен Тхань Ле, қалалық Кәсіпкерлік және инвестициялар басқармасының басшысы Берікбол Мәндібаев, сондай-ақ үкімет мүшелері, бизнес пен технология, энергетика және қаржы саласының өкілдіктері қатысты.

Қала көшелерінде қандай көліктер жүреді?

Алғашқы кезеңде Green SM Алматы тұрғындары мен қонақтарына арналған заманауи, толықтай электрлі VinFast VF 6 Eco кроссоверлер паркін қызметке қосты.

Бұл көліктердің басты ерекшелігі: салоны кең, толықтай электр қуатымен әрі дыбыссыз жүреді.

Бұған қоса, компания тек техникаға ғана емес, қызмет көрсету мәдениетіне де үлкен мән беріп отыр...

Аптап ыстық Еуропа елдерін әбігерге салды. Кейінгі бірнеше күнде Францияда қырық адам суға кетсе, Испанияда ауа температурасы 45 градусқа дейін көтерілді.

«Омега-блок» құбылысы

Франция премьер-министрі өткен демалыс күндерден бері елде ыстықтан бас сауғалаған 40 адам суға кеткен. Ұлыбритания, Италия және Испанияда да күн қатты ысыды.

Дүниежүзілік метеорология ұйымының мәліметінше, басқа әлемге қарағанда, Еуропада ауа температурасы екі есе жоғары жылдамдықпен көтеріліп келеді. Қазіргі ыстықты «омега-блок» деп аталатын құбылыс туғызған. Осындай атмосфералық құбылыс кезінде ауа массалары өте баяу қозғалады немесе бір орнында апталар бойы тапжылмай тұрып алады. Соған қарағанда, Еуропада ыстық әлі біраз уақыт басылмайтын сияқты.

Желдеткіш таусылып қалды

Францияны...

Әлем чемпионатында Өзбекстан мен Португалия арасындағы матчтың алдында өзбек жанкүйерлері АҚШ-тың Хьюстон қаласын Өзбекстанның қаласына айналдырып жібергендей. Хьюстон көшелері өзбек ұлттық нақышына бөленіп, халыққа тегін палау да таратылып жатыр.

Фан-аймақтағы ұлттық нақыш

Өзбекстанның ресми фан-аймағына жиналған мыңдаған жанкүйерлер өз ұлттық құрамасын әнмен, бимен және мемлекеттік рәміздермен қызу қолдап жатыр. Бұл жерде футбол атмосферасы ғана емес, сонымен қатар шетелдік қонақтар үшін Өзбекстанның бай мәдениеті, дәмді ұлттық тағамдары мен қонақжайлылығы таныстырылатын арнайы мәдени бағдарлама ұйымдастырылған.

Енді ЭЦҚ арқылы Ұлттық куәландырушы орталығының жеке кабинетіне кіру үшін қосымша растаудан өту қажет. Пайдаланушылар SMS-код немесе eGov Mobile қосымшасы арқылы жеке басын растауға тиіс.

Ұлттық куәландырушы орталықтың (ҰКО) жеке кабинетіне кіру кезінде екі факторлы аутентификацияны енгізілді. Жаңа жүйе пайдаланушылардың есептік жазбаларының қауіпсіздігін күшейтіп, электрондық цифрлық қолтаңбаны (ЭЦҚ) рұқсатсыз пайдаланудан қорғауға бағытталған.

Яғни жүйеге кіру кезінде пайдаланушылар электрондық цифрлық қолтаңба (ЭЦҚ) мен кілт құпиясөзінен бөлек, қосымша растаудан өтуі қажет. Ол үшін бір реттік SMS-кодты немесе eGov Mobile қосымшасындағы цифрлық жеке куәліктен алынатын кодты енгізу керек.

«Бұл механизм Мобильді азаматтар базасында телефон нөмірі тіркелмегендіктен Қазақстан...

БҰҰ зерттеуі анықтағандай, Израиль әдейі палестиналық балаларға қарсы соққы жасап отырған. Газа секторындағы соғыста қаза тапқандардың 30%-ы – балалар.

Адамзатқа қарсы қылмыс

Біріккен Ұлттар Ұйымының арнайы комиссиясы Израиль Батыс жағалауда адамзатқа қарсы қылмыс жасады деген тұжырымға келді. Сейсенбі күні жарияланған баяндама мазмұнымен Reuters танысып шықты.

Израиль билігі мен қауіпсіздік күштері палестиналық балаларды әдейі қудалап, тұтас бір ұлтты геноцидке ұшыратқан, Батыс жағалауда адамзатқа қарсы қылмыс жасаған, делінген баяндамада. Зерттеуде Газа секторындағы соғыста қаза тапқандардың 30%-ы балалар екені айтылған.

Халықаралық комиссияның былтыр қыркүйекте жариялаған баяндамасында Израиль геноцид жасағаны айтылып, премьер-министр Биньямин Нетаньяху және басқа да лауазым иелері сыналған. Сол...

Алматының Алмалы аудандық сотында 15 маусымда «ҚазТАГ» пен «Фридом Финанс» ісі бойынша сот процесі басталды. «ҚазТАГ» ХАА бас редакторы Әмір Касенов пен Астана тұрғыны Жанна Қапарова жалған ақпарат таратты деп айыпталып отыр. Ал агенттіктің бас директоры Әсет Матаев бұзақылық және қызметтік міндеттеріне адал қарамау баптары бойынша сотқа тартылған.

«Курсив» даудың қалай басталғанына шолу жасады.

2024 жылдың қазаны – 2025 жылдың жазы

Оқиға Жанна Қапарованың анасы – зейнеткер Қарлығаш Қапарованың арызынан басталды. Ол қор нарығындағы операциялардан шығынға ұшырағанын айтып, Астанадағы Экономикалық тергеп-тексеру департаментіне жүгінген.

Қапарованың арызы негізінде «Фридом Финанс» компаниясының бұрынғы қызметкері Темірлан Бековке қатысты сотқа дейінгі тергеу 2024 жылдың қазанында...

Өзбекстан құрамасы Әлем чемпионатының келесі кезеңіне өту үшін бар күшін салады. Футболшылар Португалияға қарсы ойында соңғы секундқа дейін күреседі. Команда бапкері Фабио Каннаваро осылай деп мәлімдеді.

Өзбекстан мен Португалия құрамалары арасындағы матч 23 маусым, сейсенбі күні Астана уақытымен кешкі сағат 22:00-де басталады. Ойын АҚШ-тың Хьюстон қаласында өтеді.

Бір тәулік бұрын өзбек футболшылары Атлантадан Хьюстонға келіп жетті. Құраманың негізгі дайындық базасы «Atlanta United Training Center» кешенінде орналасқан. Футболшыларды Хьюстонда бір топ жанкүйер күтіп алды.

Шешуші матч қарсаңындағы брифингте бас бапкер Фабио Каннаваро бүгінгі ойынға қатысты ойын ортаға салды.

«Біз Португалияның футбол философиясын зерттеуге тырыстық. Олар әрдайым допқа...

Қырғызстанның Тоқмақ қаласында жастар арасындағы жаппай төбелес атыспен аяқталды. Олар көшеде көлікпен бірін-бірі қуып атысқан.

24 kg ақпаратына қарағанда, оқиға кеше, 22 маусым күні болған. Тоқмақ қаласындағы «Гавайи» демалыс орталығының аумағында бір топ жастардың арасында жанжал болып, соңы атысқа ұласқан. 22 күдікті ұсталған.

Шу облыстық ІІБ мәліметінше, жастар өзара сөзге келіп, кикілжің басталған. Артынша жаппай төбелес болған. Одан соң оқиғаға қатысушылар бір-бірін автокөлікпен қуа бастаған.

Куәгерлердің айтуынша, қуу барысында атылған оқ дауысы естіліп, көліктерге тас лақтырылған.

Оқиға салдарынан Mercedes-Benz Sprinter шағын автобусы зақымданып, оның терезелері мен бүйірлік айналары сынған.

Аталған факті бойынша «Бұзақылық» бабы негізінде қылмыстық іс қозғалды. Тергеу...

«Қазақстан Ғарыш Сапары» ұлттық компаниясы мен ауыл шаруашылығындағы спутниктік аналитикаға маманданған люксембургтік «Hydrosat» компаниясы бірлескен қызмет туралы шартқа қол қойды. Бұл құжат аясында елімізде ғарыштық технологиялардың көмегімен су ресурстарын тиімді басқару қолға алынады.

Екі жақ бірлесіп «Copernicus және Hydrosat қолдану арқылы Қазақстандағы су ресурстарын басқару» деп аталатын пилоттық жобаны жүзеге асырады. Негізгі мақсаты – ғарыштан алынған нақты мәліметтер арқылы егістіктерді суару жүйесін ретке келтіру және суды ысырапсыз, тиімді пайдалану.

Бастама аясында люксембургтік серіктес өзінің заманауи спутниктік технологиялары мен аналитикалық бағдарламаларын ұсынады. Осы жүйенің көмегімен жердің ылғалдылығы, судың булану деңгейі және ауыл шаруашылығы дақылдарының жай-күйі ғарыштан тапжылмай қадағаланып отырады.

Көлік сертификаттары базасында Қытайда шығарылған Volkswagen Tayron L кроссовері пайда болды. Ол Қазақстан нарығында брендтің ресми түрде ұсынылатын екінші моделі болуы мүмкін. «Курсив Авто» жаңа көлік туралы белгілі ақпараттарды ұсынды.

Tiguan моделінің туысы

Қазір Қазақстанда Volkswagen маркасының ресми түрде сатылып жатқан жалғыз моделі –  флагмандық Touareg кроссовері. Алайда алдағы айларда бұл жағдай өзгеруі мүмкін.

Tayron L моделінің «ҚазСтандарт» тізілімінде тіркелуі көліктің Қазақстан нарығына шығуы мүмкін екенін көрсетеді. Өтініш беруші ретінде Orbis Auto құрамындағы брендтің ресми дистрибьюторы саналатын «Mercur Autos» ЖШС көрсетілген.

Tayron L жаңа буындағы Volkswagen Tiguan моделімен бір платформада жасалған. Кроссовердің ұзындығы шамамен 4,7 метр, ал доңғалақ базасы...

23 маусым, сейсенбі күні Астана қаласында 13 қабатты тұрғын үй өртенді.

Төтенше жағдайлар министрлігінің мәліметінше, өрт Байқоңыр ауданындағы Отырар көшесінде орналасқан биік тұрғын үйден шыққан. Өрт сөндірушілер бригадасы тілсіз жаумен алысып жүр.

Түскі сағат 12:09-да өрт оқшауланғаны хабарланды. Жедел қабылданған шаралардың арқасында ашық жалын сөндірілді.

Мәліметтерге қарағанда, оқиға орнына алғашқы өрт сөндіру бөлімшелері келген сәтте техникалық қабаттағы балкон өртеніп жатқанын көрген.

Зардап шеккендер туралы ақпарат түскен жоқ.

Бір күн бұрын «Қазгидромет» бірнеше өңірде 42 градусқа дейін аптап ыстық болатынын, өрт қаупі жоғары екенін ескерткен.

Тоқаев осы күндер ресми сапармен Брюссельде жүр. Басты мақсаты – Еуропа жетекшілерімен кездесу. Euronews жазуынша, күн тәртібіндегі негізгі мәселе – Қытай мен Еуропаны Орталық Азия арқылы байланыстыратын «Орталық дәліз» маршруты. Қазақстан президенті былтыр Самарқандта өткен «ЕО – Орталық Азия» саммитінде берілген уәделердің орындалуын пысықтау үшін келді дейді еуропалық басылым.

Орталық Азия Ресейге балама ма?

Еске салайық, былтыр сәуірде Еуропалық Одақ пен Орталық Азия жетекшілері (Қазақстан, Өзбекстан, Қырғызстан, Тәжікстан және Түркіменстан) Самарқандта бас қосқан. Тараптар ынтымақтастықты, бірлескен жобаларды, инвестиция мен өзара байланысты нығайтуға уағдаласқан.

Арада бір жылдан астам уақыт өткенде, Қасым-Жомарт Тоқаев сол саммитте ЕО-ға берілген уәделердің нәтижесін...

Алматы полицейлері ІІМ Есірткі қылмысына қарсы іс-қимыл комитетімен бірлесіп, жасырын зертхананың жұмысын тоқтатты.  

Арнайы операция «Қарасора» жедел-профилактикалық іс-шарасы аясында жүргізілді. Нәтижесінде ұзақ уақыт бойы тыйым салынған заттарды өндірумен және таратумен айналысқан заңсыз қызметтің жолы кесілген.

«Тінту барысында көптеген құрал-жабдықтар мен химиялық компоненттер тәркіленді. Олардың қатарында қолдан жасалған реактор, сұйықтық толтырылған ондаған канистр, зертханалық ыдыстар, таразылар, вакуумды қаптау құрылғылары және есірткіні орауға арналған жүздеген пакет бар», – делінген хабарламада.

Зертхана синтетикалық есірткіні өнеркәсіптік көлемде өндіруге бағытталғаны анықталып отыр.

Тәркіленген барлық зат сот сараптамасына жіберілді. Қазіргі уақытта жедел-іздестіру және тергеу шаралары жүргізіліп жатыр.

Айта кететін жайт...