Жаңалықтар

Арменияда Нұрлан Сабуровтың 5 шілдеде Ереванда өтетін концертін болдырмауға шақырған жазбалар кең таралып жатыр.  

Threads әлеуметтік желісінде армениялық strongman_sport_fitnes лақап есімді қолданушы қазақстандық әзілкеш туралы пікір қалдырған.

«Ереванға концертпен украиналық балалардың өлімін қаржыландырды деп айыпталып жүрген Нұрлан Сабуров келеді. Ресейде тұрып, ол Ресей армиясын қаржыландырып, жан-жақты қолдады. Екінші суретте Ресей армиясының қолынан қаза тапқан украиналық қыз көрсетілген», – деген жазба қалдырған.

Бұл пікірді қолдаған армениялық және қазақстандық қолдаушылар көп. Олар әртіске сахна бермеу керек деп есептейді. Бұған әзілкештің кезінде «Вагнер» жеке әскери компаниясымен байланысы бар жалдамалыларға мотоцикл сыйлауы түрткі болып отыр.

Десе де...

Абай облысының орталығында Semey Media Center орталығының құрылысы басталды. Ғимаратты Алматы қаласы сыйға тартқан.

Жергілікті әкімдік мәліметінше, төрт қабатты ғимараттың жалпы ауданы – 4,8 мың шаршы метр. Медиа-орталықта бейнежазба және аудиостудиялар, монтаждау бөлмелері, конференция залы, кинозал, коворкинг аймақтары орналасады. Сонымен бірге мұнда демалыс орындары мен кафе, медиа-кітапхана және басқа да қажетті инфрақұрылым қарастырылған. Бұған қоса осында журналистер аллеясы пайда болады.

Құрылыс БАҚ қызметкерлерінің күні қарсаңында басталды. Облыс әкімі Берік Уәли оны өңір журналистері үшін жақсы жаңалық деп сипаттады.

«Ғимараттың архитектуралық келбеті жақсы. Жаңа нысан «Smart sity» ауданының көркін ашатын орталық болатыны анық», – дейд...

Қытайдың техноалпауыты Alibaba АҚШ үкіметін сотқа берді. Бұған дейін елдің Қорғаныс министрлігі (Пентагон) Alibaba-ны Қытай әскерімен байланысы бар компаниялар тізіміне енгізген, бірақ технокорпорация бұл байламмен мүлде келіспейді деп жазады Reuters.

Пентагонның қара тізімі

Reuters жазуынша, Пентагонның «Қытайдың әскери компаниялары» деп аталатын арнайы тізімі бар. 8 маусымда сол тізімдегі кәсіпорындар санын 188-ге дейін көбейтті. Оның ішіне Alibaba-ны да енгізген. АҚШ технокомпанияның Қытайдың Өнеркәсіп және ақпараттық технологиялар министрлігімен байланысы бар деп есептейді. Миллиардер Джек Маға тиесілі корпорацияны елдің қорғаныс-өнеркәсіп кешеніне ықпал етеді деп айыптап отыр.

Бірақ Alibaba Group айыптаулармен мүлде келіспейді.

«Бұл...

Қазақстанда 24 маусымнан бастап 2012 жылғы үлгідегі 2000 теңгелік банкнота төлем құралы ретінде қабылданбайды. Бүгіннен бастап банкнотаның айналымда жүру мерзімі аяқталады.

Дегенмен ескі үлгідегі 2000 теңгелік банкнотасы бар азаматтар ақшасынан айырылмайды. Ұлттық банк мәліметінше, оларды қолданыстағы банкноттарға 2029 жылғы 25 маусымға дейін екінші деңгейлі банктер мен «Қазпошта» бөлімшелерінде айырбастауға болады.

Ал Ұлттық банктің филиалдары мұндай купюраларды қабылдау мен айырбастауды мерзімсіз жүргізеді.

Айырбасталатын сомаға қатысты шектеу жоқ. Алайда банктер мен «Қазпошта» өздерінің ішкі ережелеріне сәйкес комиссия алуы мүмкін. Ұлттық банктің филиалдарында айырбас жеке басты куәландыратын құжатты көрсеткен жағдайда тегін жүргізіледі.

Еске сала кетейік, «Сақ стилі» сериясымен шыққан жаңа 2000 теңгелік...

«Kazakh Tourism» ҰК» АҚ жыл сайын өткізілетін «Үздік туристік ауыл» ұлттық байқауының қорытындысын жариялады.

Жоба экологиялық және тұрақты туризмді дамытуға, сондай-ақ табиғи, тарихи және мәдени ерекшеліктері бар ауылдық елдімекендерді танытуды көздейді.

Байқау нәтижесінде 2026 жылғы Қазақстанның үздік туристік ауылдары анықталды. Олардың қатарында:

«Қазақстанның ауылдық туризмі халықаралық деңгейде де жоғары бағаланып келеді. Мысалы, 2023 жылы Алматы облысының Саты ауылы БҰҰ Дүниежүзілік туристік ұйымының беделді «Best Tourism Villages...

Алматы облысында полиция қызметкерін өлтірді деген күдікпен оның жұбайы мен ұлы ұсталды. Бұл туралы өңірлік полиция департаменті хабарлады.

23 маусым күні Кеген ауданындағы таулы аймақтан мәйіт табылғаны туралы хабар түскен. Оқиға орнына жедел-тергеу тобы барған.

Өртенген ер адамның мәйітінің табылуына байланысты қылмыстық іс қозғалды.

«Қаза болған адамның жеке басы анықталды. Оның полиция қызметкері болғаны расталды», – деп мәлімдеді полиция департаменті.

Іс бойынша бірнеше адам, оның ішінде марқұмның әйелі мен ұлы ұсталып, уақытша ұстау изоляторына қамалды.

«Қазіргі уақытта оқиғаның барлық мән-жайын анықтауға бағытталған кешенді тергеу амалдары жүргізіліп жатыр. Тергеу мүддесіне байланысты өзге ақпарат жария етілмейді», – деп...

Мемлекет басшысы Қасым-Жомарт Тоқаев облыс әкімдерімен телефон арқылы сөйлесу барысында азаматтар мүддесіне қатысты әлеуметтік мәселелерді шешу үшін нақты шаралар қабылдауды, балалар мен жасөспірімдерге арналған әлеуметтік инфрақұрылым нысандарының құрылысын жеделдетуді және барлық жобалардың сапалы әрі уақытылы аяқталуын қамтамасыз етуді тапсырған болатын.

Осы тапсырмалар аясында Жамбыл облысының әкімі Ербол Қарашөкеев Тараз қаласындағы бірқатар әлеуметтік және инфрақұрылымдық нысандарды аралап, құрылыс және жөндеу жұмыстарының барысымен танысты.

Алдымен облыс әкімі №27 орта мектептің жаңа ғимаратының құрылысымен танысты.
Аталған білім ордасының ескі ғимараттары 1957, 1963 және 1970 жылдары салынған. Бүгінде олардың тозығы жеткен. Осыған байланысты 600 орындық жаңа мектептің құрылысы жүргізілуде.

Ербол Қарашөкеев құрылыс жұмыстарын бекітілген мерзімде...

«Самұрық-Қазына» әл-ауқат қоры Брюссельде франциялық Technip Energies компаниясының еншілес компаниясы – Genesis мекемесімен келісімге қол қойды. Бұл құжат аясында мамандар Қазақстандағы төртінші мұнай өңдеу зауытының құрылысына арналған техникалық-экономикалық негіздемені (ТЭН) әзірлейді. Жобаны дайындау жұмыстарына қазақстандық серіктеспен бірлескен «TKJV» кәсіпорны да қатысады.

Жоспар бойынша жаңа зауыттың қуаттылығы өте жоғары болмақ. Кәсіпорын жылына 10 млн тоннаға дейін мұнай өңдеуі тиіс.

Салыстырмалы түрде алсақ, қазіргі жұмыс істеп тұрған Павлодар және Шымкент зауыттарының әрқайсысы жылына шамамен 6 млн тонна мұнай өңдейді.

Жаңа зауытты шикізатпен қамтамасыз ету үшін Қашаған мен Теңіз кен орындарының мұнайы, сондай-ақ мұнай құбырлары арқылы жеткізілетін мұнай қоспалары пайдаланылады.

Көптеген балалар үшін футбол шаң басқан ауладан, сол бір доп теуіп арман қуғаннан басталады. Сүйікті командасының жейдесін киіп, футбол жұлдыздарын бір мәрте болсын жақыннан көруді қиялдайды. Ал Нүкіс қаласынан келген 11 жасар Жәһангір Садықов үшін бұл арман шындыққа айналды.

23 маусым күні Хьюстон қаласында өткен Өзбекстан – Португалия матчының алдында Жәһангір алаңға шығып, ФИФА-ның ресми ойын добын алып шықты. Дәл осы сәтте трибунада ондаған мың жанкүйер отырса, әлем бойынша миллиондаған көрермен тартысты кездесуді тікелей эфирден тамашалады. Жәһангірдің бұл арманы Kia x FIFA World Cup 2026™ балалар байқауындағы жеңісінің арқасында орындалды.

«Алаңға шыққанда жүрегім қатты соғып кетт...

Солтүстік Корея басшысы Ким Чен Ынның 13 немесе 14 жастағы қызы Ким Джу Э көпшілік алдына жиі шығып жүр. Мәселен, әке мен қыз жақында әскери кемеге бірге барған. Financial Times басылымы жасөспірім қыз Солтүстік Кореяның келесі диктаторы болуы мүмкін деген болжам жасады.

FT жыл сайын Солтүстік Кореяның басқарушы элитасының ел басқарған бұрынғы екі көсем – Ким Ир Сен мен Ким Чен Ирдің бальзамдалған денелеріне тағзым ету үшін Кумсусан сарайына жиналатынына мән берді. Биыл осы ғұрып кезінде елеулі өзгеріс болған. Қазіргі басшы Ким Чен Ын қызы Ким Джу Эні ортаға алып суретке түскен.

Басылым саяси билік жас қызды жергілікт...

Чайлдфри болу яғни балалы болудан саналы түрде бас тарту – шариғатқа жат дүние. ҚМДБ осындай үкім шығарды.

Дін мамандарының сөзінше, саналы түрде балалы болудан бас тарту ислам тұрғысынан құпталмайды.

«Бұл идеология адам болмысына (фитрасына) қайшы. Үйлену және ұрпақ сүю – табиғи құбылыс. Пайғамбар (оған Алланың салауаты мен сәлемі болсын) сүннетіне қайшы. Неке қию – Пайғамбарымыздың (оған Алланың салауаты мен сәлемі болсын) сүннеті. Оның негізгі мақсаттарының бірі – адамзат тегінің сақталуы мен ұрпақтың жалғасуы», – деп жазылған ҚМДБ сайтында.

Басқарма жалпы чайлдфри идеологиясы адам табиғатына және неке мақсатына қайшы, қоғам мен ұлтты...

Есірткі саудасымен айналысатын қылмыстық топ құрып, оны басқарған Украина азаматы Польшадан Қазақстанға экстрадицияланды. Бас прокуратураның мәліметінше, ол «Kaef Mafia» интернет-дүкені арқылы есірткі және психотроптық заттар сатып отырған.

Бас прокуратура мен Ішкі істер министрлігі Интерпол қызметкерлерімен бірлесіп, халықаралық іздеуде жүрген күдіктіні елге қайтарды. Ауқымды іске Қазақстанның Польшадағы Елшілігі де қатысты.

Күдіктіге синтетикалық есірткі мен психотроптық заттарды саудалаған ірі қылмыстық топ құрып, оны басқарды деген айып тағылып отыр.

«Қылмыстық әрекет нәтижесінде банк шоттары арқылы 2,8 млрд теңгеден астам қаражат өткізілді, олар Қазақстаннан тыс жерге шығарылды, бірақ кейіннен қабылданған шаралар арқылы мемлекет пайдасына тәркіленді», – делінген хабарламада.

Франция ұлттық құрамасының бас бапкері Дидье Дешам 2026 жылғы Әлем чемпионаты өтіп жатқан жерден шұғыл түрде еліне қайтты. Бапкердің анасы қайтыс болып, команданы уақытша тастап кетуге тура келген.

Франция футбол федерациясы тәжірибелі маманға жерлеу рәсіміне қатысу үшін отанына баруға рұқсат берді.

Топтық кезеңнің соңғы матчы бапкерсіз өтеді

Осы жағдайға байланысты Дидье Дешам топтық кезеңнің үшінші туры аясындағы Норвегияға қарсы кездесуге қатыспайды. Айта кету керек, бұл ойын француз ұжымы үшін топтық кезеңдегі қорытынды ойын болмақ.

Дешамның жетекшілігімен Франция құрамасы биылғы дүниежүзілік доданы сәтті бастаған еді. Алғашқы екі ойында да сенімді жеңіске жетіп, 6 ұпай еншіледі. Осылайша, француздар мерзімінен...

Қазақстан Қарулы күштерінің әскери бөлімдеріне Voenmart пилоттық жобасы енгізіліп жатыр. Бұл платформа арқылы әскери қызметшілер қажетті тауарлар мен дайын тағамдарға тапсырыс бере алады. Тапсырыстар әскери бөлім аумағына тегін жеткізіледі.

Жобаның алғашқы кезеңі Алматы облысындағы 78460 әскери бөлімінде, Гвардейск гарнизонының оқу орталығында, Астанадағы 68665 әскери бөлімінде және Сағадат Нұрмағамбетов атындағы әскери колледжде іске қосылды. Тапсырыс рәсімдеу үшін бөлімшелерге арнайы терминалдар мен планшеттер орнатылған.

«Voenmart – әскери тұрмысты ұйымдастырудың жаңа деңгейі. Цифрлық форматтың арқасында әскери қызметшілер қажетті тауарларға ыңғайлы әрі жедел қол жеткізе алады. Voenmart арқылы жеке гигиена құралдарын, тігін бұйымдары, жеңіл тағамдар мен сусындарды, жаңа піскен жемістерді, шырындар...

Өткен аптада қазақстандық инвесторлар теңгедегі секторда BI Development, KMF Банк және Capital Leasing Group компанияларының облигацияларына үлкен қызығушылық танытты. Ал доллардағы секторда BASS Gold пен Fincraft Group компанияларының борыштық қағаздары ең көп таңдалған активтер қатарына енді.

Teniz Capital Investment  сарапшыларының талдауынша, нарық қатысушылары тұрақты табыс әкелетін құралдарға қаржы құйып жатыр.

Биржада негізінен мемлекеттік бағалы қағаздар сауда-саттығы қызған. Олардың екінші деңгейлі нарықтағы орташа кірістілігі жылдық 14,5%-15,95% аралығында қалыптасты. Қазіргі уақытта нарықта инверсия құбылысы байқалады.

Яғни қысқа мерзімді (2026–2027 жылдары өтелетін) мемлекеттік облигациялар бойынша жоғары пайыз(15,6% – 16%) ұсынылса, ұзақ мерзімд...

24 маусымға қараған түні Ұлттық гвардияның бұрынғы сарбазы Ербаян Мұхтардың жүрегі тоқтап қалды. Алайда оның отбасы мәлімдеме жасап, әскеридің өліміне дәрігерлерді айыптап отыр.

Ербаянның ағасы Наурызбай Сәкібаевтың сөзінше, өткен айда сарбаздың пневмониясы асқынып, ауруханаға алып кеткен. Арада 20 күн өткенде дәрігерлер оның анасына хабарласып, ұлының қайтқанын естіртеді.

«Үйде жап-жақсы жүрген, оның пневмониясын өзіміз емдеген едік. Кейін жедел-жәрдем шақырып, олар Ербаянды алып кетті. Ауруханада 20 күндей жатты. Менің телефонымда видеолары сақталған, ол демалған трубкасы іріңге толып кеткен. Оған ешкім қарамаған. Содан кейін инфекция кеткен ғой», – деді ол Masa Media редакциясына.

23 маусым күні Кеген асуы маңынан күйген мәйіт табылғаны туралы хабар түскен. Марқұмның жеке басы анықталды.

Polites News ақпаратына қарағанда, оның Алматы қаласы Әуезов аудандық полиция басқармасының аға жедел уәкілі, 37 жастағы Аслан Әлсеров екені белгілі болды.

Тергеу мәліметінше, ер адам кісі қолынан қаза табуы мүмкін. Кейін қылмыстың ізін жасыру мақсатында мәйітті өртеуге әрекет жасалған. Қылмыстық іс «Ауырлататын мән-жайлардағы адам өлтіру» бабы бойынша тергеліп жатыр.

Алдын ала нұсқа бойынша, іске марқұмның бұрын полицияда қызмет еткен жұбайы, кәмелетке толмаған ұлы және тағы бір адамның қатысы болуы мүмкін. Тергеу жалғасуда.

Заң бойынша, күдіктілердің кінәсі сот үкімі заңды күшіне енгенге...

Әлемдік Transfermarket порталы футболшылардың бағасын жаңартты. Қазақстандық кейбір жас таланттардың бағасы өссе, енді бірқатар легионерлердің нарықтағы құны төмендеген.

Алматылық «Қайраттың» шабуылшысы Дастан Сәтбаевтың трансферлік құны бірден 500 мың еуроға өсіп, 3,5 млн еуроға жетті. Айта кетейік, Дастан Сәтбаев «Қайрат» сапында соңғы ойының өткізіп, жақын арада лондондық «Челси» клубына аттанады.

Бағасы өскен футболшылар

Нарықтағы бағасы шарықтаған футболшы – «Астананың» жартылай қорғаушысы Мақсат Әбіраев. Оның құны бірден 800 мың еуроға қымбаттап, алғаш рет 1 млн еуроға жетті.

Сондай-ақ келесі ойыншылардың да көрсеткіштері айтарлықтай жақсарды:

СҚО-да зейнеткер әкесін балағаттап, ұрып-соғып, телефонға түсірген ұлға сот үкімі шықты.  

tv7.kz ақпаратына қарағанда, оқиға Солтүстік Қазақстан облысы Шал ақын ауданындағы Бірлік ауылында болған.

22 жастағы жігіттің қорғансыз қарт адамға балағат сөздер айтып, айқайлап, ұрып жатқаны бейнелеген  жаға ұстатарлық видео әлеуметтік желіде тарады. Бұл әрекеттерін ол өзі телефонға түсіріп тұрған.

Солтүстік Қазақстан облысының полицейлері дереу бейнежазбадағы ер адамның жеке басын анықтады. Оның зейнеткердің туған ұлы екені белгілі болды.

Жәбірленуші өзіне қол көтерген ұлын кешіріп, сот-медициналық сараптамадан өтуден үзілді-кесілді бас тартқан. Сондай-ақ ол полицияға арыз жазбаған.

Бұған қарамастан құқық қорғау органдары іс қозғап, материалдарды сотқа жолдады. Сот жас жігітті кінәл...

«Қазгидромет» РМК болжамы бойынша 24 маусымда елдің басым бөлігінде құбылмалы ауа райы болады.

Республика бойынша күн күркіреп, жаңбыр жауады, елдің солтүстік-батысында, түнде оңтүстігінде, күндіз солтүстігі мен орталығында нөсер жаңбыр жауады деп болжанды. Елдің тек солтүстік-шығысында, шығысында және оңтүстік-шығысында ғана жауын-шашынсыз ауа райы болжанады.

Ел бойынша жел күшейіп, бұршақ жаууы, дауыл тұруы ықтимал, ал оңтүстік-батыста, оңтүстікте, солтүстікте және орталықта шаңды дауыл тұрады, солтүстікте түнде және таңертең тұман түседі.

Күндіз Алматы, Ақмола, Солтүстік Қазақстан, Павлодар, Қарағанды облыстарында, сондай-ақ Абай, Жетісу облыстарында және Ұлытау облысының шығысында 35-38 градус, Жамбыл облысында 38-40 градус, Түркістан облысында 40-41 градус аптап ыстық орнайды.

Күндіз Павлодар, Қарағанды...

«Қазгидромет» мамандары шілдеде құрғақшылық болуы мүмкін өңірлерді атады. Синоптиктердің болжамынша, шілде айында еліміздің бірнеше өңірінде орташа құрғақшылық күтіледі.

Атап айтқанда:

Қаржы нарығын реттеу және дамыту агенттігі банк саласын жаңғырту мақсатында 82 жаңа нормативтік құқықтық актіні қабылдауды жоспарлап отыр. Жаңа реформа аясында банктерді лицензия түріне қарай саралап реттеу, цифрлық активтер мен ислами қаржыландыруды бақылауға қатысты нақты ережелер енгізіледі. Сонымен қатар төлем қабілетінен айырылған банктерді сауықтырудың кешенді механизмі жасалып, банк секторын қадағалауға жасанды интеллект (ЖИ) технологиялары тартылмақ.

Бұл ауқымды жұмыс үш кезең бойынша іске асырылады. Бірінші кезеңде банктер туралы жаңа заңды орындау үшін 68 құжат қабылданып үлгерді. Екінші кезеңде банктердің төлем қабілетсіздігін реттеу, қадағалау және қаржы омбудсмені институтына қатысты 12 акт мақұлданады. Ал қорытынды кезеңде қаржы ұйымдарының деректер базасын...

Алматыда көрші елдерден заңсыз дәрі-дәрмек тасымалдаған төрт фармацевтика компаниясы анықталды. Олар контрабандалық дәрілерді елдегі дәріханалар желісі арқылы сатып келген. Бұл туралы ІІМ баспасөз қызметі хабарлады.

Ұлттық қауіпсіздік комитеті тергеу барысында күдіктілердің дәрілік заттарды, соның ішінде құрамында психотроптық заттары бар препараттарды қолдан жасап, заңсыз өндірілгенін анықтады.

Бірнеше қойма мен жасырын өндірістік цех табылды. Контрафактілік өнімдер антисанитариялық жағдайда дайындалғандықтан, азаматтардың өмірі мен денсаулығына қауіп төндірген.

Жедел іс-шаралар аясында аталған заңсыз қызметті ұйымдастырушыларға ақшалай сыйақы үшін қолдау көрсеткен лауазымды тұлғалар анықталып, ұсталды. Олардың әрекеттері Қазақстан Республикасы Қылмыстық кодексінің 366-бабы бойынша сараланды.

«Тауар айналымы мен қаржылық ағындарға...

Қырғызстан билігі Қазақстанға жер алмастыруды ұсынып отыр. Бұл туралы қырғыз президентінің баспасөз хатшысы Асхат Алагөзов хабарлады.

Жер алмасу

«Бауырлас Қазақстан тарапына Тоқмақ қаласы ауданында 800 метрлік жер учаскесін теңдей алмастыру туралы ұсыныс жасалды», – деп жазды ол Facebook-тегі парағына.

Ресми мәлімет бойынша, осы жоба шамамен 150 шақырымдық ақылы автомагистраль салуға мүмкіндік береді. Жол Алматы көшесінен (Қырғызстан аумағында) Кемин қаласынан дейін созылады.

Алагөзов «осы мәселе саяси спекуляция құралына айналмауы керектігін» ескертті.

Әзірге ресми Астана Бішкек ұсынысына қалай жауап бергені белгісіз.

Мәліметтерге қарағанда, қазір Бішкек қаласынан Ыстықкөлге қарай бара жатқан көліктер Тоқмақ қаласы маңында...