Жаңалықтар

Ливан билігінің хабарлауынша, Израильдің ел аумағына жасаған бірқатар шабуылынан кем дегенде 39 адам қаза тапты.

Бұған жауап ретінде «Хезболла» радикалды тобы Израильдің солтүстігіне және Ливанның оңтүстігіндегі израильдік әскерлерге зымырандар мен ұшқышсыз ұшу аппараттарымен соққы берді.

BBC мәліметінше, Израиль авиациясының негізгі соққылары Ливанның оңтүстігіне бағытталды. Израиль әскерилері Иран қолдайтын қарулы топтың инфрақұрылымы мен оған қатысы бар тұлғаларды нысанаға алғанын алға тартты.

АҚШ президенті Дональд Трамп 16 сәуірде Израиль мен Ливан үкіметтері арасындағы оқ атуды тоқтату туралы келісімді жариялағаннан бері Израиль мен «Хезболла» бір-біріне соққы беруді тоқтатпай келеді. Уағдаластыққа қарамастан, тараптар бір-бірін бітім шартын бұзды деп айыптап, қақтығысты жалғастырып...

Астанада 15 мамырда Әуе қорғанысы күштерінің жоспарлы іс-шаралары аясында қала үстінде жойғыш ұшақтардың демонстрациялық ұшуы өтеді. Бұл туралы Қорғаныс министрлігінің баспасөз қызметі хабарлады.

Іс-шараға дайындыққа байланысты 10 мамырдан бастап елорда әуе кеңістігінде әскери авиацияның жаттығу ұшулары басталады.

Жойғыш ұшақтардың ұшуы мен жаттығу іс-шаралары қауіпсіз биіктікте жүзеге асырылады. Қала тұрғындарының күнделікті тыныс-тіршілігіне кедергі келтірмейді.

«Елорда тұрғындары мен қонақтарынан жаттығулар мен демонстрациялық ұшу кезеңінде туындауы мүмкін қысқа мерзімді шу деңгейінің артуына түсіністікпен қарауды сұраймыз», – деп жазылған министрліктің хабарламасында.

Сонымен қатар барлық ұшулар қауіпсіздік талаптарына сәйкес ұйымдастырылады. Халыққа ешқандай қауіп төндірмейді.

Жангелдин ауылындағы бір отбасының өліміне қатысты атышулы іс бойынша сотқа дейінгі тергеу амалдары аяқталды.

Ақжайық басылымының мәліметінше, басты айыпталушы Сұлтан Сәрсемалиев қылмыстық іс материалдарымен танысып, төрт адамды өлтіру дерегі бойынша кінәсін мойындады.

Сәрсемалиевке Қазақстан Республикасы Қылмыстық кодексінің 99-бабы 2-бөлігі 1-тармағы «Екі немесе одан да көп адамды өлтіру» бойынша айып тағылды.

Бұдан бөлек, тергеу аясында ҚР ҚК-нің 188 «Ұрлық»және 190 «Алаяқтық» баптары бойынша қосымша қылмыстық істер тіркелді. Әңгіме қаза тапқан отбасының малын сату, сондай-ақ олардың банк карталарындағы ақшалай қаражатты жымқыру туралы болып отыр.

«Барлық тергеу әрекеттері аяқталды. Іс жақын арада сотқа жолданады. Сот процес...

Негізгі ҰБТ-2026 басталды, тестілеу 10 шілдеге дейін жалғасады. Бұл туралы Ғылым және жоғары білім министрлігі хабарлады.

ҰБТ-ға қатысушылар саны

240 мыңға жуық талапкер тестілеуге қатысуға өтініш берген. Тест тапсырушылардың 74%-ы қазақ тілінде, 26%-ға жуығы орыс тілінде, 851 адам ағылшын тілінде сынақтан өтпек.

«Өтініш беру кезінде талапкерлер тестілеу күнін, уақытын және пунктін өздері таңдады. ҰБТ-ның бірінші күні бүкіл еліміз бойынша 926 адам, оның ішінде елордада 359 талапкер тестілеуден өтеді», – деді Ұлттық тестілеу орталығының директора Нұрсейіт Байжанов.

Ең танымал комбинациялар

Ең көп таңдалған бейіндік пәндер комбинациясы «Математика-Физика» болып қалып отыр. Оны түлектердің 17,9%-ы таңдады.

Талапкерлерд...

Шығыс Қазақстан облысындағы «Востокцветмет» ЖШС-на қарасты Артемьев шахтасында жұмысшы қаза тапты.

Оқиғаның мән-жайы

Компанияның мәліметінше, жазатайым оқиға 2026 жылғы 9 мамырда Артемьев шахтасында болған. Алдын ала деректер бойынша, шаң-желдету қызметінің механигі жөндеу жұмыстарын жүргізу кезінде шамамен 9 метр биіктіктен құлап кеткен. Алған жарақаттарынан жұмысшы сол жерде жан тәсілім етті.

Қазіргі уақытта оқиғаның себептері мен мән-жайын анықтау үшін арнайы комиссия құрылып, тергеу амалдары жүргізіліп жатыр. Компания басшылығы қаза тапқан жұмысшының отбасына барлық қажетті көмек көрсетілетінін мәлімдеді.

Полицияның түсініктемесі

Облыстық Полиция департаменті аталған дерек бойынша сотқа дейінгі тергеу амалдарының басталғанын хабарлады.

«Аталған факті бойынша «Тау-кен немесе...

Талдықорған қаласында 1-9 мамыр аралығында өткен көкпардан ересектер арасындағы XXV Қазақстан чемпионаты аяқталды. Биылғы додаға алғаш рет 19 команда қатысып, ел тарихындағы ең ауқымды жарыс ретінде тіркелді.

19 команда төрт топқа жеребе арқылы бөлініп, алғашқы бес күнде топтық ойындардың көркін қыздырды.

Нәтижесінде топтық кезеңнен сүрінбей өткен 8 команда ширек финалға жолдама алды. Олар: Түркістан облысы, Қостанай облысы, Қарағанды облысы, Шымкент қаласы, Алматы облысы, Ақмола облысы, Жамбыл және Жетісу облыстары.

Аталған сегіз команда ширек финалда кездесіп, үздіктері жартылай финалға шықты. Бұл кезеңде Қостанай облысының көкпаршылары азулы деген Түркістан облысы командасын жеңіп жартылай финалға өткен еді. Ал, Шымкент қаласы, Жамбыл облысы және...

Бүгін, мамырдың екінші жексенбісінде, Қазақстан Аналар күнін атап өтуде. Биыл айтулы мереке 10 мамырға сәйкес келді.

Бұған дейін елімізде Аналар күні қыркүйек айында тойланатын. Алайда Үкіметтің 2023 жылғы 31 мамырдағы қаулысына сәйкес, мереке мамыр айының екінші жексенбісіне бекітілді. Мереке күні халықаралық стандарттарға сәйкестендіру мақсатында ауысты.

Аналар күнін мамырдың екінші жексенбісінде тойлау дәстүрі әлемнің 20-дан астам елінде қалыптасқан. Олардың қатарында АҚШ, Канада, Германия, Италия, Түркия, Жапония, Бразилия мен Аустралия сияқты мемлекеттер бар.

Елімізде аналардың мәртебесін көтеріп, отбасы институтын нығайту бағытында Қазақстан халқы Ассамблеясы жанынан «Аналар кеңесі» құрылған.

Бүгінде республика бойынша Аналар кеңесінің 1 713 бөлімшесі жұмыс істейді, оның ішінде...

Алматыдағы екі автобус паркіне ауаға зиянды заттардың шығарылу нормасын асырған үшін 13,3 млн теңге айыппұл салынды. Бұл туралы қала әкімдігі хабарлады.

Экологтар №3 автобус паркін тексеру барысында ондаған заңбұзушылық анықтаған. Тексеру кезінде паркте тіркелген 289 автобустың 249-ы қаралып, олардың 50-інде катализатор жоқ екені анықталды. Ал катализатор зиянды шығарындыларды азайтатын маңызды құрылғы.

Экологтардың айтуынша, мұндай жағдай алғаш рет тіркеліп отырған жоқ. Бұған дейін NEO City TRANS және TALAP T автобус парктерінде де тексеріс жүргізіліп, кейбір көліктерден зиянды қалдықтардың нормадан асқаны анықталған.

Анықталған заңбұзушылықтар бойынша әкімшілік хаттамалар толтырылып, жалпы сомасы 13,3 млн теңге айыппұл салынды. Сонымен қатар, кемшіліктерді жою туралы нұсқама...

Владимир Путин Мәскеудегі Қызыл алаңда өткен Жеңіс күніндегі сөзін Украинадағы соғысты ақтау және НАТО-ны айыптау үшін пайдаланды. Жүздеген әскери қызметшілердің алдында және бірнеше әлемдік лидерлердің қоршауында сөйлеген Ресей президенті өзінің «әділ» соғыс жүргізіп жатқанын мәлімдеді және Украинаны «бүкіл НАТО блогы тарапынан қаруланған және қолдау тапқан агрессивті күш» деп атады.

Оның бұл мәлімдемелері Кеңес Одағының нацистік Германияны жеңгеніне арналған елдегі ең ірі ұлттық мереке қарсаңында Ресейдің кейбір бөліктеріндегі салмақты мерекелік шаралар аясында айтылды. Салтанатты шаралар қарсаңында Ресей мен Украина АҚШ президенті Дональд Трамп жұма күні жариялаған үш күндік бітімді сақтауға келісті.

Әскери техникасыз өткен парад

Соңғы жиырма жылға жуық уақыт...

Stadiumdb.com порталы болашақта Чемпиондар лигасының матчтарын қабылдауы мүмкін ең таңдаулы стадиондардың жобаларын жариялады, деп хабарлайды Sports.kz. Бұл тізімге Барселона (Испания), Милан, Рим, Неаполь (Италия), Париж (Франция), Стамбул (Түркия), Лондон, Манчестер, Ньюкасл (Англия), Лиссабон (Португалия) және Алматы (Қазақстан) қалаларындағы жаңа ареналардың жобалары кірді.

Дереккөздің мәліметінше, Чемпиондар лигасы мен өзге де ірі турнирлер үшін ең көп күтілетін жобалар қатарында Милан мен Интердің жаңа жоспарлары, «Наполидің» болашақ үйі және Барселонадағы қайта жөндеуден өтіп жатқан «Камп Ноу» бар. Сондай-ақ «Арсенал» өз стадионын 80 мың орынға дейін кеңейтуді көздесе, «ПСЖ» тіпті 90 мың адамдық арена салуды жоспарлап отыр. Осы алпауыттардың қатарында Алматының «Қайраты...

Алматыда Ұлы Отан соғысындағы Жеңістің 81 жылдығына орай ауқымды еске алу және мерекелік іс-шаралар өтті. Қала тұрғындары мен қонақтары сұрапыл соғыста ерлік көрсеткен ата-бабалар рухына тағзым етіп, бейбіт күннің мәнін ұлықтады.

Мерекенің негізгі шарасы дәстүрлі түрде 28 гвардияшы-панфиловшылар атындағы саябақта ұйымдастырылды. Қала әкімі Дархан Сатыбалдының қатысуымен Даңқ мемориалындағы Мәңгілік алауға гүл шоқтары қойылды. Салтанатты рәсім барысында жиналған қауым майданда қаза тапқан жауынгерлерді бір минут үнсіздікпен еске алды.

Саябақ ішінде мерекелік атмосфера орнап, тұрғындарға «дала асханасынан» дәм ұсынылды. Сонымен қатар, қазақстандық танымал артистердің қатысуымен өткен мерекелік концерт кештің сәнін келтіріп, патриоттық әндер шырқалды.

Алматы қаласының әкімі Дархан Сатыбалды қала...

Мемлекет басшысының тапсырмасы бойынша Қазақстан Республикасының Премьер-министрі Олжас Бектенов, Парламент Сенатының төрағасы Мәулен Әшімбаев және Парламент Мәжілісінің төрағасы Ерлан Қошанов Жеңіс күніне орай Астана қаласындағы «Отан Ана» монументіне салтанатты түрде гүл шоқтарын қойды. Бұл шара сұрапыл соғыс жылдарындағы қаһармандардың өлшеусіз ерлігіне тағзым ету және өшпес рухын ұлықтау мақсатында ұйымдастырылды. Бұл туралы ҚР Үкіметінің баспасөз қызметі хабарлады.

Майдан мен тыл қаһармандарын еске алу

Салтанатты рәсім барысында жиналғандар соғыс даласында ерлікпен қаза тапқан қазақстандық майдангерлерді, тылда ерен еңбек көрсеткен қажырлы азаматтарды және барлық соғыс құрбандарын бір минут үнсіздікпен еске алды. Тағзым ету шарасы өткен тарихтың қасіреті мен жеңістің маңызын...

Қазақстан Президенті Қасым-Жомарт Тоқаев Мәскеуге жасаған жұмыс сапары аясында Ресей басшысы Владимир Путинмен келіссөздер өткізді. Кездесуде тараптар екіжақты күн тәртібіндегі маңызды мәселелерді, соның ішінде экономикалық көрсеткіштер мен алдағы мемлекеттік сапардың жоспарын талқылады. Бұл туралы Ақорданың баспасөз қызметі хабарлады

Экономикалық серіктестік пен инвестиция

Кездесу барысында Қасым-Жомарт Тоқаев соңғы бес жылдың қорытындысы бойынша Ресейдің Қазақстан экономикасына инвестиция салудағы көшбасшы елдердің бірі екенін атап өтті. Президенттің айтуынша, екі ел арасындағы сауда-саттық динамикасы жоғары қарқынмен дамып келеді.

«Алдын ала болжам бойынша, биыл тауар айналымы 30 миллиард долларлық межеден асады. Бұл — өте жақсы көрсеткіш», – деді Мемлекет...

Президент Қасым-Жомарт Тоқаев қазақстандықтарды Ұлы Жеңістің 81 жылдығымен құттықтады. Президент өз сөзінде 9 мамыр күні еліміз майдангерлер мен тыл еңбеккерлерінің өлшеусіз ерлігіне шынайы ризашылықпен тағзым ететінін атап өтті.

Ардагерлерге тағзым

Президент соғыс ардагерлері мен тыл еңбеккерлерінің қаһармандығына тоқталып, оларға деген ризашылығын білдірді.

«Бүгін біз майдан даласында Отан үшін от кешіп, ерлік жасаған жауынгерлерге және тылда табанды еңбек еткен ардагерлерге шынайы ризашылық сезіммен тағзым етеміз. Қасіретті жылдардың барлық ауыртпалығын қайыспай көтеріп, Жеңіске жеткен аға буынға айрықша құрмет көрсетеміз», – деді Қасым-Жомарт Тоқаев.

Мемлекет басшысы Қазақстанның ортақ Жеңістегі рөлін сандармен айшықтады. Оның айтуынша, миллиондаған...

«Соғыс әйелдің бейнесі емес» – осыдан 43 жыл бұрын жарияланған, соғыс жайлы ең шынайы жазылған еңбектің бірі. Авторы Светлана Алексиевич – әдебиет бойынша Нобель сыйлығының лауреаты. Документалды-әдеби еңбекте Екінші дүниежүзілік соғысқа қатысқан жүздеген әйелдердің естелігі жиналған. Ұзақ жылдар бойы ресми пропаганда Ұлы Отан соғысындағы тек «батырлық пен жеңісті» ғана сипаттап, оның екінші жағын елеусіз қалдырып келді.

Бұл кітап сол жеңістің артында тұрған ауыр қайғыны, қарапайым жауынгердің уайымы мен ішкі эмоциясын, тұрмысы арқылы соғыстың нағыз трагедиясын көрсетуге тырысады. Автор Светлана Алексиевичке естелігін бөліскен әйелдер майдандағы және майданнан кейінгі өмірі жайлы сыр шертеді. 9 мамыр Жеңіс күнінің қарсаңында сол кітаптан кейбір үзінділерд...

Қазақстан президенті Қасым-Жомарт Тоқаев Мәскеуге жұмыс сапарымен келді, деп хабарлайды Ақорданың баспасөз қызметі.

Ертең ол Ұлы Отан соғысындағы Жеңістің 81 жылдығына арналған салтанатты іс-шараларға қатысады. Ресей астанасында парад және ардагерлерге құрмет көрсетіліп, халық ерлігі еске алынатын естелік акциялары күтілуде.

Бұған дейін Ресей президенті Владимир Путин қазақстандық әріптесін мерекемен құттықтаған болатын, бұл ретте Кремль Тоқаевтың Мәскеуге сапарын қазақстандық лидер тарапынан жасалған достық қадам деп атады.

Сондай-ақ, сапар аясында Қасым-Жомарт Тоқаевтың Владимир Путинмен жеке кездесуі жоспарланғаны белгілі.

Кремль хабарлағандай, 8 мамырда Мәскеуге Өзбекстан президенті Шавкат Мирзиёевтің де ұшағы қонды.

Сонымен қатар, РФ президентінің баспасөз қызметінің мәліметінше, Мәскеуге мына тұлғалар келеді: Беларусь президент...

АҚШ Қарулы Күштері қолбасшылықтың нұсқасы бойынша Оман шығанағындағы Иран портына кірмек болған Иран туы астындағы екі бос мұнай танкеріне соққы берілгенін мәлімдеді.

«АҚШ Әскери-теңіз күштерінің F/A-18 Super Hornet жойғыш ұшағы USS George H.W. Bush (CVN 77) авианосецінен ұшып шығып, жоғары дәлдіктегі оқ-дәрілермен екі танкердің де түтін мұржаларына дәл тигізіп, оларды істен шығарды», – деп хабарлайды АҚШ-тың Орталық қолбасшылығы X әлеуметтік желісінде.

Оның мәліметінше, кемелер теңіз блокадасының шарттарын сақтамай, Иран портына өтпек болған. Америкалық тарап тағы бір танкердің 6 мамырда дәл осы аймақта істен шығарылғанын алға тартуда.

Сонымен қатар, Иранның Fars агенттігі Ормуз бұғазындағы жағдайдың шиеленіскенін...

Елдің солтүстігі мен батысында жаңбыр жауып, найзағай ойнайды, оңтүстігі мен шығысында күн жылы болады. «Қазгидромет» 9 мамырға ауа райы болжамын ұсынды.

Қазақстан құрамасы Бірінші дивизиондағы хоккейден әлем чемпионатының қорытынды матчында Франциямен ойнады.

Талғат Жайлауов мынадай құрамды шығарды: Шутов (Нурек) – Никитин-Бреус, Симонов-Логвин-Ляпунов; Михайлов-Данияр, Старченко-Шестаков-Муратов; Гайтамиров-Хорошев, Савицкий-Өмірбеков-Ғатиятов; Оразов, Әсетов-Шайхмедденов-Қайыржан.

Алғашқы екі кезеңде соғылған шайба болған жоқ, үшінші кезеңде есепті француздар ашты, бірақ кейін Дмитрий Бреус (51-минут) есепті теңестірді. Ойын овертайм мен буллит сериясына ұласып, онда қазақстандықтар мықтылық танытты – 2:1.

Бұған дейін Қазақстан Литваны (4:1), Жапонияны (6:0), Польшаны (3:2) және Украинаны (5:4 Б) жеңіп, мерзімінен бұрын бірінші орын мен әлемдік хоккейдің элитасына жолдаманы қамтамасыз еткен болатын.

Белгілі кәсіпкер, BI Group компаниясының негізін қалаушы Айдын Рахымбаев пен оның жұбайы Анар Рахымбаева әлемдегі ең ірі филантроптар қауымдастығы – «Giving Pledge» («Жомарттық анты») бастамасына қосылды. Бұл туралы ерлі-зайыптылар ресми мәлімдеме жасап, арнайы хат жолдады.

Рахымбаевтардың басты мақсаттары

Кәсіпкер өз хатында жиған капиталын «өмірдің құндылығы емес, ізгілік жолындағы құрал» деп санайтынын жеткізді. Олардың қайырымдылық қызметі келесі үш бағытты қамтиды:

«Елдің несібесін елге қайтару»

Қазақстан мен Түркия әскери жүктерді әуе кеңістігі арқылы транзиттеу туралы келісті. Екі ел үкіметтері арасындағы келісімді ратификациялау туралы тиісті заңға президент Қасым-Жомарт Тоқаев қол қойды, деп хабарлайды Ақорда.

Құжат Қазақстан мен Түркия Республикасының әуе кеңістігі арқылы әскери мүлік пен персоналды тасымалдау тәртібін реттейді.

Келісім мұндай транзиттің шарттары мен тетіктерін айқындайды. Заңның мәтіні баспасөзде жарияланады және белгіленген тәртіппен өз күшіне енеді.

Бұған дейін Қорғаныс министрінің орынбасары Асқар Мұстабеков келісімді ратификациялаудың іс жүзінде не білдіретінін түсіндірген болатын. Ол Қазақстанның өз бітімгершілік күштерін оқу-жаттығуларға жеткізу үшін Түркияның әуе кеңістігін бұрыннан пайдаланып келе жатқанын еске салды. Енді мұндай құқыққа Түркия...

Алматыда ішінде кәмелетке толмаған баланың болуына байланысты PS Tokyo ойын клубы уақытша жабылды, деп хабарлады Polisia.kz.

Рейд барысында полицейлер ойын-сауық мекемесінен жасөспірімді анықтады. Түнгі уақытта кәмелетке толмаған баланың қасында ата-анасы немесе заңды өкілдері болуы тиіс, бірақ ол жалғыз болған.

Тексеру нәтижесі бойынша клуб иесіне қатысты әкімшілік құқық бұзушылық туралы іс қозғалды. Қарау нәтижесінде уәкілетті орган нысанның қызметін үш айға тоқтату туралы шешім қабылдады. Сондай-ақ, компания 129 750 теңге көлемінде айыппұл төлеуге міндеттелді.

«Мұндай фактілерге жол беруге болмайды. Заң бәріне ортақ және әрбір ойын-сауық нысанының иесі кәмелетке толмағандардың құқықтарын қорғау мен қауіпсіздігін қамтамасыз ету талаптарын қата...

Танымал мессенджер Telegram ЖИ-боттарды дамытуға, чаттарды автоматтандыруға және пайдаланушылардың жасанды интеллектпен жұмыс істеуіне арналған ірі жаңартуын таныстырды. Бұл жолы қолданбаға 10-нан астам жаңа функция мен жүздеген техникалық түзетулер енгізілген.

Чат ішіндегі ЖИ-көмекшілер

Басты жаңалық — ЖИ-боттарға арналған «қонақ режимі». Енді боттарды кез келген жеке немесе топтық чатқа @username арқылы шақыруға болады.

Боттардың өзара сөйлесуі және автоматтандыру

Бұдан былай ЖИ-ассистенттер бір-біріне жауап бере алады. Бұл жұмыс процестерін толық автоматтандыруға жол ашады. Сонымен қатар:

Қазақстан президенті Қасым-Жомарт Тоқаев Ұлы Отан соғысындағы Жеңістің 81 жылдығына арналған салтанатты іс-шараларға қатысу үшін Мәскеуге барады. Бұл туралы мемлекет басшысының кеңесшісі-баспасөз хатшысы Айбек Смадияровтың ресми Telegram-арнасы хабарлады.

Кремль алдағы сапарға қатысты түсініктеме беріп, оны Қазақстан басшысы тарапынан жасалған «достық қадам» деп атады.

«Сапар аясында Қасым-Жомарт Тоқаевтың Владимир Путинмен жеке кездесуі жоспарланған. Мемлекет басшылары Ресей Президентінің мамыр айының соңына жоспарланған Қазақстанға сапары қарсаңында стратегиялық ынтымақтастықтың негізгі мәселелерін талқылайды», – делінген хабарламада.

Бұған дейін Кремль сайтында Мәскеудегі парадқа шақырылған шетелдік лидерлер мен мәртебелі қонақтардың ресми тізімі жарияланған болатын. Алайда ол кезде бұл тізімде Орталық Азия...