Жаңалықтар

Вьетнамның ROX Group инвестициялық тобы Алматыдағы Almaty Downtown жаңа іскерлік ауданын дамытуға қызығушылық танытты. Компания қалада тұрғын үйлер, кеңселер, сауда орындары мен демалыс аймақтарын қамтитын көпфункционалды кешен салуды ұсынып отыр, деп хабарлайды Kursiv Media қала әкімдігіне сілтеме жасап.

Алматы қаласының әкімі Дархан Сатыбалды ROX Living Global компаниясының бас директоры Чан Тхи Ми Лок бастаған вьетнамдық делегациямен кездесті. Кездесу барысында инвесторлар Almaty Downtown аумағында ауқымды құрылыс жобасын жүзеге асыру жөніндегі ұсыныстарын таныстырды.

Жоба аясында тұрғын үйлер, кеңсе ғимараттары, сауда алаңдары, әлеуметтік инфрақұрылым нысандары мен демалыс орындарын салу қарастырылған.

Әкімнің айтуынша, әлемнің 12 елінде жұмыс істейтін ROX Group жылжымайтын мүлік...

Алматыда көлік тұрағына қатысты жанжал кезінде ер адамның тамағын пышақпен орып жіберген, деп хабарлайды Kursiv.media.

Kriminal Kazakhstan ақпаратына қарағанда, 4 қазан күні кешке 37 жастағы Данил Щетников пен көршісі арасында көлік қоятын орынға байланысты жанжал туындап, арты төбелеске ұласқан.

Қаза тапқан ер адамның жақындарының айтуынша, жанжалдан кейін қатысушылардың бірі бауырына телефон соққан. Оқиға орнына келген ер адам Данилдің тамағына пышақ сұққан. Жәбірленуші ауруханаға жеткізілгенімен, бір аптадан кейін көз жұмған.

Полицияның мәліметінше, ер адамдар алдымен сөз таластырған. Кейін жәбірленушіге өлімге әкелген жарақат салынған. 37 жастағы күдікті ұсталып, қамауға алынған.

Куәгерлердің айтуынша, жанжал болған автотұрақта қазір үсті матамен жабылған...

«Қазгидромет» 15, 16 және 18 қазанға ауа райы болжамын жариялады. Оған сәйкес, елдің басым бөлігінде жаңбыр және қар аралас жауын-шашын күтіледі, деп хабарлайды Kursiv.Media.

15 қазанда елдің шығысы мен оңтүстік-шығысында кей уақыттарда жауын-шашын молынан түседі деп болжанады. Елдің шығысында көктайғақ болады. Тек республиканың орталығы мен оңтүстігінде ауа райы жауын-шашынсыз болады.

16-17 қазанға қараған түндері елдің оңтүстік-шығысында 1-2 градус үсік жүреді. Республика бойынша желдің күшейіп, түнде және таңертең тұман түсуі мүмкін.

Ауа температурасы

Елдің батысында ауа райы түнде +7…+15°С-қа дейін, күндіз +17…+25°С-қа дейін төмендейді;

Ақтөбе облысында түнде +1…+6°С, өңірдің солтүстігі мен шығысында −1…−3°С, күндіз +15…+23°С-қа дейін төмендейді;

Қостанай облысында...

Құрылтай кулуарында сыртқы істер министрінің бірінші орынбасары Ержан Ашықбаев Ресейге жұмысқа кетіп, соғыс аймағында қалған 14 қазақ жігітіне қатысты пікір айтты, деп хабарлайды Kursiv.media.

«Қазақстан азаматтарының қақтығыс аймағына қалай тап болғаны әзірге белгісіз. Қазір бұл жағдайдың мән-жайы анықталып жатыр. Құжаттарға қол қойылған болып отыр. Ресей тарапымен келіссөздер жүргізіліп, азаматтардың отбасыларымен байланыс орнатылып жатыр», – деді Ашықбаев.

Журналистердің «Қазақстанның Ресейдегі консулдығы азаматтардың қақтығыс аймағына түсуіне жол бермеу бағытында тиісті жұмыс жүргізбеді ме?» деген сұрағына жауап берген спикер бұл пікірмен келіспейтінін айтты.

Оның сөзінше, әр азамат өзі қол қоятын құжаттармен мұқият танысуы керек. Әр адамның жауапкершіліг...

2026 жылғы 13 қазандағы жағдай бойынша Қазақстанда дәнді және дәнді-бұршақты дақылдар егілген алқаптың 96%-ы жиналды. Жиналуға тиіс жалпы егіс көлемі – 15,6 млн гектар. Бастырылған астық көлемі 23,05 млн тоннаға жетіп, ел бойынша орташа өнімділік гектарына 15,2 центнер болды.

Өңірлер арасында ең жоғары өнімділік Алматы облысында тіркелді – гектарына 53 центнер. Қызылорда облысында бұл көрсеткіш 45 центнерді құрады. Одан кейін Жетісу – 27,2, Түркістан – 25,4 және Жамбыл облыстары – 22,1 центнермен тұр.

Астанада тұрғын үй алуды жоспарлап жүрген азаматтар ипотеканың бастапқы жарнасына мемлекеттен 1,5 млн теңгеге дейін тұрғын үй сертификатын ала алады, деп хабарлайды Kursiv.media.

Бұл қолдау пәтер сатып алу кезінде төленетін бастапқы жарнаның бір бөлігін жабуға мүмкіндік береді. Алайда сертификат алу үшін белгілі бір талаптарға сай болу қажет. Соның бірі – отбасының табысына қойылатын шектеу.

Кімдер тұрғын үй сертификатын ала алады?

Бағдарлама аясында мына санаттағы азаматтар мемлекеттік қолдауға үміткер бола алады:

Тұрғын үй сертификаты ипотекалық қарыз бойынша бастапқы жарнаны...

Қазақстанда лудоманиямен күрес күшейіп, құмар ойындарға ақша жұмсайтын азаматтар үшін несие алу тәртібі қатаңдай түспек. Қаржы нарығын реттеу және дамыту агенттігі заңнамалық актілерге маңызды түзету енгізді, деп жазады Kursiv.Media

Егер азамат соңғы алты айда құмар ойын ұйымдастырушыларға жалпы сомасы 300 мың теңгеден асатын үш немесе одан да көп рет ақша аударса, я болмаса бір ретте 500 мың теңгеден астам төлем жасаса, банк оны «күдікті/ақшаны жылыстату тәуекелі жоғары» клиенттер тізіміне жатқызады.

Банктер Қазақстанда лицензиясы жоқ онлайн-казинолар мен шетелдік букмекерлік кеңселердің пайдасына жасалатын кез келген төлемдерді автоматты түрде анықтап, толығымен бұғаттауға тиіс.

Ресми табыс қана...

Белгілі балмұздақ өндіруші Shin-Line Group компаниясы Алматы облысында тамақ қоспалары мен хош иістендіргіштер шығаратын зауытты іске қосты. Өндіріс орны Қазақстан экономикасына 300 миллиард теңгеге дейін инвестиция тартуға және отандық шикізатты өңдеуді жақсартуға бағытталған, деп хабарлайды Kursiv Media.

Кәсіпорын отандық сусын, кондитерлік өнімдер, снектер және ет өнімдерін өндірушілерді қажетті ингредиенттермен қамтамасыз ететін болады.

Зауыттың ауданы 3 мың шаршы метрді құрайды, ал өндірістік қуаты – жылына 8 мың тоннаға дейін өнім шығаруға қауқарлы.

Кәсіпорын Shin-Line Group компаниясының Қазақстанда тамақ кластерін құру жөніндегі стратегиялық жобасы аясында іске қосылды. Бұл жоба елдің тамақ өнеркәсібіне 300 млрд теңгеге дейін шетелдік инвестиция тартуды...

Қазақстанда қытайлық Changan Eado Max седанына көлік құралы типін мақұлдау туралы жаңа құжат рәсімделді. Құжат 2029 жылғы 8 қазанға дейін жарамды. Өндіруші ретінде Алматыдағы Astana Motors Manufacturing Kazakhstan зауыты көрсетілген.

Eado Max моделі Eado Plus-тен ірі

Құжатқа сәйкес, Eado Max седанының ұзындығы – 4 785 мм, ені – 1 840 мм, биіктігі – 1 440 мм. Доңғалақ базасы 2 765 мм-ге тең. Ал, Қазақстанда сатылып жатқан Changan Eado Plus моделінің ұзындығы – 4 730 мм, ал доңғалақ базасы – 2 700 мм.

Құжатта көлемі 1,5 литрлік қозғалтқыш көрсетілген. Оның қуаты – 133 кВт (шамамен 181 ат күші), айналу момент...

Санкт-Петерборда анасы сірке қышқылын беріп өлтірмек болған 12 жастағы бала жасанды комаға түсті, деп хабарлайды Kursiv.media.

РИА Новости агенттігінің хабарлауынша, бұл туралы құқық қорғау органдарының өкілдері хабарлаған.

«Бала жасанды комаға енгізілді, жағдайы ауыр», – деді құқық қорғау органдарының өкілі.

Өткен сенбіде Санкт-Петербург соттарының бірлескен баспасөз қызметі жергілікті тұрғын әйелдің адам өлтіруге оқталу ісі бойынша екі айға қамауға алынғанын хабарлады.

Тергеу нұсқасы бойынша, әйел алдымен 12 жастағы ұлының тамағына 70 пайыздық сірке қышқылын құйып, бетіне де осы сұйықтықты шашқан. Содан кейін оны көлге батырып өлтірмек болған.

Алайда бала жағаға шығып, өтіп бара...

Каспийдегі қайғылы оқиғадан аман қалған Ақжол, Бекет және Никита есімді үш сарбаздың ауруханада бірге отырған суреті әлеуметтік желіде жарияланды. Фотосуретті сарбаздардың бірінің анасы Instagram парақшасына жүктеп, қиын сәтте қолдау көрсеткен жандарға алғыс айтты, деп хабарлайды Kursiv Media.

Ақжолдың анасы Самал Кеуелова ауруханада өткізген күндерін еске алып, сол уақытта үш сарбазға бірдей қамқор болғанын жазды.

«Ауруханада жатқан сол 3–4 күнде тек Ақжолдың ғана емес, Бекет пен Никитаның да анасы болдым», – деп жазды ол.

Жарияланған суретте үш жігіттің аурухана бөлмесінде бір дастарқан басында отырғанын көруге болады.

Алматыда Республикалық физика-математика мектебінің (РФММ) 47 оқушысы ішек инфекциясына ұқсас белгілермен ауруханаға түсті, деп жазады Kursiv.Media.

Қоғамдық денсаулық сақтау басқармасының мәліметінше, балалар 12 және 13 қазанда аруханаға жатқызылған, қазір дәрігерлердің тұрақты бақылауында. Тағы сегіз бала мектеп-интернатта оқшауланып, медициналық бақылауға алынған. Оқушылар жаппай уланды деген күдік бар, бірақ нақты себептер әлі анықталмады.

Мектеп пен асхана уақытша жабылды

Санитариялық-эпидемиологиялық бақылау департаменті мектеп-интернат пен асхананың жұмысын уақытша тоқтату туралы шешім қабылдады.

Мамандар балалардың неден ауырғанын анықтау үшін тексеру жүргізіп жатыр. Зертханаға қажетті сынамалар алынып, инфекцияның нақты көзі анықталмақ.

Айта кетейік, Алматыдағы Республикалық физика-математика мектебі 1972 жылы құрылған. Мұнда оқушылар математика...

Қазақстан құрамасының шабуылшысы Дастан Сәтбаев Англия Чемпионшипіндегі «Бернли» мен «Чарльтон» арасындағы матчқа қатыcпады. Оған футболшының құқығын иеленетін лондондық «Челси» клубы рұқсат бермеген, деп хабарлайды Kursiv.Media.

Бұл туралы Burnley Express басылымының журналисі Мэтт Скрафтон жазды.

«Никки Хайен жаңа ғана «Челсидің» Дастан Сәтбаевқа бүгін кешке ойнауға рұқсат бермегенін айтты. Сондай-ақ Зеки Амдуни тобығындағы жарақатына байланысты 4–6 аптаға қатардан шықты. Бір қиындықтың артынан екіншісі келді», – деп жазды журналист.

Nicky Hayen has just revealed that Chelsea didn’t allow Dastan Satpayev to play tonight. Zeki Amdouni is also facing 4-6 weeks out with his...

Түркістан облысының Қазығұрт ауданында жеке үйді жөндеу кезінде шатыр астынан 5 млн теңгеден астам ақша табылды. Ақшаны үй жөндеуге көмектесіп жүрген тұрғындар тауып, полицияға хабарлаған, деп жазады Kursiv.Media.

Тәртіп сақшыларының мәліметінше, жергілікті тұрғындар қарт әйелдің үйін жөндеуге көмектескен. Жұмыс барысында олар шатыр астынан ақша салынған бірнеше пакет тапқан.

Кейін сол үй иесі бұл ақша өзінікі екенін, көп уақыт бойы жинап жүргенін айтты. Дегенмен полиция қажетті тексеру жұмыстарын жүргізіп, мән-жайды анықтағаннан кейін ғана ақшаны заңды иесіне қайтармақ.

Құқық қорғау органдары бөтен мүлік немесе ақша табылған жағдайда полицияға дереу хабарлау керектігін еске салды.

Оқи отырыңыз: Астанада жолаушыға...

Депрессия адамның көңіл күйіне, ойлау қабілетіне және күнделікті өміріне кері әсер ететін психикалық дерт екені белгілі.

Дүниежүзілік денсаулық сақтау ұйымының мәліметінше, депрессия – психикалық денсаулықтың бұзылысының кең таралған түрі. Әлемде ересектердің 5,2 пайызы ауырады. Депресияға ер адамдардан гөрі әйелдер жиі ұшырайды екен.  

Жақыныңыздың депрессияға ұшырағанын қалай тануға болады? Ең алдымен, күйеуіңіздің (әйеліңіздің) немесе туысыңыздың мінез құлқында күрт өзгеріс болады. Бұрын еңбекқор адам аз уақыт ішінде «жалқаулана» бастаса, әп-сәтте тындыратын шаруасына енді тым ұзақ уақыт жұмсап, ісі өнбей жатса, ашушаң, тұйық болып кетсе, бұл – алғашқы қоңырау.

Жақындарының сезімталдығы мен қолдауы да науқас адам үшін аса маңызды. Онсыз көп...

АҚШ-тың Лас-Вегас қаласында өтіп жатқан 23 жасқа дейінгі балуандар арасындағы әлем чемпионатында Қазақстан құрамасы екінші алтын медалін жеңіп алды. Грек-рим күресінен Юсуф Ашрапов әлем чемпионы атанды, деп хабарлайды Kursiv.Media.

72 келіге дейінгі салмақ дәрежесінде сынға түскен қазақстандық балуан финалда Армения өкілі Гаспар Тертерянмен белдесті.

Шешуші кездесуде қарсыласынан басым түскен Юсуф Ашрапов алтын медаль иеленіп, Қазақстан қоржынына екінші алтынды салды.

Бұған дейін грек-рим күресінен Айбек Айтбеков те әлем чемпионы атанған еді. Ол 60 келіге дейінгі салмақ дәрежесінің финалында Әзербайжан балуаны Эльмир Әлиевті жеңді.

Осылайша, Қазақстанның грек-рим күресі құрамасы Лас-Вегастағы U23 әлем чемпионатында әзірге екі алтын медаль жеңіп алды.

Шығыс Қазақстан облысында №18 мекеменің қызметкерлері күзетілетін аумаққа белгісіз зат салынған түйіншекті лақтырмақ болған ер адамды ұстады, деп хабарлайды Kursiv.Media.

Polisia.kz хабарлауынша, оқиға 13 қазанға қараған түні «Қадағалау» режимдік-профилактикалық іс-шарасы кезінде болған.

Тексеру барысында ер адамның жанынан скотчпен оралған түйіншек табылды. Оның ішінде өзіне тән иісі бар жасыл түсті өсімдік тектес зат болған.

Тәркіленген заттың құрамын анықтау үшін сот сараптамасы тағайындалды. Оқиға қызметкердің кеудесіне тағылған видео камераға түсіп қалған.

Қазір мамандар оқиғаның барлық мән-жайын анықтап жатыр.

Айта кетейік, осыған дейін Алматыдағы колонияда екі сотталған суицид жасағаны туралы ақпарат тараған еді.

Солтүстік пен шығыста жаңбыр жауса, батыста шаңды дауыл күтіледі. «Қазгидромет» 14 қазанға арналған ауа райы болжамын ұсынды, деп хабарлайды Kursiv.Media.

Астанада көшпелі бұлт, жауын-шашынсыз, жел 7-12 м/с. Ауа температурасы түнде +1…+3°C, күндіз +14…+16°C.

Алматыда көшпелі бұлт, жауын-шашынсыз, жел 3-8 м/с. Түнде температура +8…+10°C, күндіз +19…+21°C.

Шымкентте көшпелі бұлт, жауын-шашынсыз, жел 8-13 м/с. Ауа температурасы түнде +8…+10°C, күндіз +24…+26°C.

Ақтауда көшпелі бұлт, жаңбыр, жел 9-14, екпіні 15-20 м/с. Ауа температурасы түнде +15…+17°C, күндіз +22…+24°C.

Ақтөбеде ашық, жауын-шашынсыз, жел 2-7 м/с. Ауа температурасы түнде +4…+6°C, күндіз +22…+24°C.

Атырауда көшпелі бұлт, жауын-шашынсыз, жел 9-14, екпіні 15-18 м/с. Ауа температурасы түнде +14…+16°C, күндіз +23…+25°C.

Жезқазғанда көшпелі бұлт, жауын-шашынсыз, жел 3-8 м/с...

Павлодар қаласының 26 жастағы тұрғыны ипотекалық несие рәсімдеуге көмектесуге уәде беріп, азаматтарды шамамен 80 млн теңгеге алдаған, деп хабарлайды Kursiv.Media.

Сот оны ірі мөлшерде бірнеше рет алаяқтық жасағаны үшін кінәлі деп танып, амнистияға байланысты үш жылға бас бостандығынан айыру жазасын тағайындады.

Тергеу деректеріне сәйкес, ер адам 2025 жылдың қыркүйегінен 2026 жылдың ақпанына дейін тұрғындарға өзіне тиесілі жауапкершілігі шектеулі серіктестік арқылы кеңес беру қызметтерін ұсынған. Ол «Отбасы банк» арқылы ипотекалық несие рәсімдеуге, жеңілдетілген автонесие алуға және «Даму» қорының бағдарламалары бойынша қаржыландыруға көмектесуге уәде берген.

Азаматтар оның сөзіне сеніп, бірнеше миллион теңгеге дейін бастапқы жарна төлеген. Алайда ер адам алған ақшаны уәде...

Өскемен қаласындағы студенттер жатақханасының тоғызыншы қабатындағы бөлмеден өрт шықты. Тілсіз жау 16 шаршы метр аумақты шарпыған, деп хабарлайды Kursiv.Media.

ТЖМ мәліметінше, өрт 30-шы гвардиялық дивизия көшесінде орналасқан жатақханада болған. Жатақхана әкімшілігі тұрғындарды жедел эвакуациялаған.

Оқиға орнына жеткен өрт сөндірушілер жалынды сөндіріп, өрттің одан әрі таралуына жол бермеді.

Оқиға салдарынан ешкім зардап шеккен жоқ. Қазір өрттің шығу себебі анықталып жатыр.

Айта кетейік, осыған дейін Өскеменде үш қабатты тұрғын үй өртеніп, 8 адам эвакуацияланған еді.

Қазақстанда бес мыңнан астам бұқаралық ақпарат құралы жұмыс істейді. Журналистердің кәсіби құқықтарының кеңеюі және әлемдегі ірі интернет-платформалармен өзара іс-қимылдың жаңа тетіктерінің енгізілуі ақпарат саласындағы өзгерістердің ауқымын көрсетеді. Елде сөз бостандығын қамтамасыз ету, ақпаратқа қол жеткізу және азаматтарды цифрлық кеңістікте қорғау мақсатында заңнама жетілдіріліп келеді. Бұл туралы ЕҚЫҰ-ның Варшавада өткен Адами өлшем жөніндегі конференциясының сегізінші сессиясында саясаттанушы Бақытжан Бұхарбай айтты.

Халықаралық аудитория алдында сөз сөйлеген сарапшы Қазақстанның медиа кеңістігіндегі алуан түрлілікке назар аударды. Оның айтуынша, бүгінде елде бес мыңнан астам БАҚ тіркелген. Олардың қатарында үш мыңнан астам баспа басылымы, 255 телеарна, 100-ге жуық радиостанция және шамамен 1,5 мың интернет-ресурс бар.

Медиа...

Астанада 42 жастағы жүргізуші жолаушы қызға әдепсіз ұсыныстар жасағаны үшін 10 тәулікке әкімшілік қамаққа алынды, деп хабарлайды Kursiv.Media.

Оқиға туралы елорда тұрғыны әлеуметтік желіде жазған. Оның айтуынша, сапар кезінде жүргізуші интимдік сипаттағы сұрақтар қойып, жыныстық қатынасқа түсуді ұсынған. Бұған қоса, ол қызды белгіленген бағытпен емес, басқа жолмен алып жүрген.

Жолаушының сөзінше, жүргізушінің әрекетінен қорыққан ол көлікті тоқтату үшін сылтау ойлап тауып, құрбысына қоңырау шала бастаған. Осыдан кейін жүргізуші сабасына түсіп, жолақысын төлеуді сұраған.

Әлеуметтік желідегі жазбадан кейін полиция қызметкерлері 42 жастағы жүргізушіні анықтаған.

13 қазанда Астана қаласының әкімшілік құқықбұзушылықтар жөніндегі мамандандырылған ауданаралық соты жүргізушіге қатысты ұсақ бұзақылық жасау дерегі бойынша...

Қазақстан Энергетика министрлігі Ресей аумағындағы магистральдық газ құбырында болған апатқа қатысты түсініктеме берді, деп хабарлайды Kursiv.Media.

Ведомствоның мәліметінше, оқиға Қазақстандағы тұтынушыларды газбен қамтамасыз етуге әсер етпеген.

Апат Түрікменстан, Өзбекстан, Қазақстан және Ресейдің газ тасымалдау жүйелерін байланыстыратын «Орта Азия – Орталық» магистральдық газ құбырында болған.

Министрліктің хабарлауынша, оқиғадан кейін Қазақстанның газ тасымалдау жүйесінде ауытқулар тіркелмеген. Ресейден газ жеткізу және Қазақстан аумағы арқылы Өзбекстанға газ транзиті жоспарға сай жалғасып жатыр.

«Қазақстан Республикасына ресейлік газ жеткізу қолданыстағы келісімшарттар аясында және берілген өтінімдерге сәйкес штаттық режимде жүзеге асырылып жатыр. Қазақстан аумағы арқылы Өзбекстан бағытында ресейлік газ транзиті де жоспарланған...

Бельгия королі Филипп Қазақстан мен Бельгияның Еуропа және Орталық Азия арасындағы байланысты нығайтуға мүмкіндігі мол екенін айтты, деп хабарлайды Kursiv.Media.

Ол екі елдің бизнес өкілдерін энергетика, маңызды минералдар, көлік-логистика, қаржы және туризм салаларындағы ынтымақтастықты дамытуға шақырды.

Корольдің айтуынша, Бельгия Еуропа нарығына шығатын маңызды қақпа болса, Қазақстан географиялық орналасуы мен табиғи ресурстарының арқасында сауда, инвестиция және жасыл экономика орталығына айналып келеді.

Сондай-ақ Қасым-Жомарт Тоқаев, король Филипп пен патшайым Матильда Астанадағы Alem.ai халықаралық жасанды интеллект орталығын аралады. Қонақтарға орталықтың даму стратегиясы, TUMO Astana білім беру бағдарламасы және Қазақстан-Бельгия бірлескен жасанды интеллект және математика зертханасының жұмысы таныстырылды.

Зертханада жасанды интеллект арқылы бейімдеп...