Жаңалықтар

Қазақстанда баспана саудасы бәсеңдеді. 2026 жылғы қыркүйекте тұрғын үйді сатып алу-сату бойынша 35 406 мәміле тіркелді. Бұл тамыздағы көрсеткіштен 1,1%-ға, ал былтырғы қыркүйекпен салыстырғанда 14,3%-ға аз, деп жазады Kursiv.Media.

Биылғы тоғыз айда ең көп мәміле маусымда жасалған – 39 053. Одан кейін көрсеткіш үш ай қатарынан төмендеп, қыркүйекте 35,4 мыңға түсті. Ал 2025 жылы ең жоғары көрсеткіш желтоқсанда тіркелген: бір айда 53 128 мәміле жасалды.

Өңірлер арасында Алматы мен Астана алда келеді. Қыркүйекте Алматыда 7 248, Астанада 6 119 мәміле тіркелді. Екі қалаға елдегі барлық мәміленің 37,8%-ы тиесілі.

Пәтер мен жеке үй саудасында қозғалыс әртүрлі. Тамызбен салыстырғанда пәтерлер бойынша...

Әзербайжан астанасы Бакуде және өзге де қалаларда наразылық акциялары жүріп жатыр. Ел тұрғындары үкіметтің мектепте орамал тағуға тыйым салғанына наразы деп жазады Kursiv Media Азаттықтың Әзербайжан қызметіне сілтеме жасап.

21 қыркүйекте Әзербайжан Министрлер кабинеті мемлекеттік мектептердегі киім үлгісіне қатысты ережелерге өзгеріс енгізген. Жаңа талап бойынша, мектеп формасына қойылатын ортақ тәртіпке сай келмейтін және зайырлы білім беру қағидатына қайшы келетін қосымша киім элементтеріне тыйым салынады. Бір атап өтерлігі құжатта нақты қандай киім түрлері шектелетіні көрсетілмеген.

Осыдан кейін қазанның басында Баку мен өзге де аймақтардағы тұрғындар хиджаб киетін оқушылар мен мұғалімдерді сабаққа кіргізбейтінін айтып, шағымдана бастаған. Жауап ретінде ата-аналар мен...

Шымкентте инвесторлардың банк шоттарына қойылған шектеулерді уақытында алып тастамаған төрт салық қызметкері әкімшілік жауапқа тартылды. Олардың біріне 216 мың теңгеден астам айыппұл салынды, деп хабарлайды Kursiv.media.  

Шымкент прокуратурасының мәліметінше, салық органдары «White Fellow-Deer» ЖШС-ның шығыс операцияларын тоқтату туралы шешім шығарғаны белгілі болған.

Кейін компания корпоративтік табыс салығы бойынша қосымша есептілік тапсырып, салық органының талабын орындаған.

Заң бойынша салық органы шектеуге себеп болған жағдайлар жойылғаннан кейін әкімшілік актінің күшін бір жұмыс күнінен кешіктірмей жоюға міндетті. Алайда Шымкент қаласы бойынша мемлекеттік кірістер департаменті инвестордың шоттарындағы операцияларды қайта жүргізуге төрт айдан кейін ғана рұқсат берген.

Осы жағдайға байланысты кінәлі қызметкер әкімшілік құқы...

Абай облысында тұрғындарға берілетін ауызсудың сапасына қатысты шикілік шықты, деп хабарлайды Kursiv.Media.

Мақаншы ауданының прокуратурасы халықты ауызсумен қамтамасыз ету кезінде заңнама талаптарының сақталуына тексеру жүргізген.

Тексеру барысында тұрғындарды қауіпсіз ауызсумен қамтамасыз етуге қауіп төндіретін бірқатар бұзушылықтар анықталды.

«Атап айтқанда, Бұғыбай, Қызылбұлақ және Қызылжұлдыз ауылдарындағы блок-модульдік станцияларда су сүзу жүйелерінің жоқтығы анықталды. Сонымен қатар аталған нысандарда санитариялық-қорғау аймақтары белгіленбеген және қажетті санитариялық қорытындылар алынбаған», – делінген ақпаратта. .

Сондай-ақ Бекет және Қабанбай ауылдарында бюджет қаражаты есебінен салынған, жалпы құны 2 млрд теңгеден асатын сумен жабдықтау желілері құрылыс аяқталғаннан кейін коммуналдық кәсіпорынның балансына берілмегені анықталған...

Астанада әлеуметтік кәсіппен айналысатын азаматтар өз жобасын дамытуға 5 млн теңгеге дейін мемлекеттік грант ала алады. Елорда әкімдігі жаңа бизнес-идеяларды қолдауға арналған ашық конкурс жариялады. Өтінімдер 15-20 қазан аралығында онлайн қабылданады, деп хабарлайды Kursiv.Media.

Грантқа кімдер қатыса алады

Астана әкімдігі мәлімдегендей, конкурсқа әлеуметтік кәсіпкерлік субъектілерінің тізіліміне енгізілген кәсіпкерлер мен «Бір ауыл – бір өнім» бағдарламасының финалистері қатыса алады.

Өтінімдер тек kezekte.kz платформасы арқылы қабылданады. Қатысушылар белгіленген нысан бойынша электрондық өтінім мен қажетті құжаттардың толық пакетін ұсынуы керек. 20 қазаннан кейін жіберілген өтінімдер қаралмайды.

Грант алу үшін қандай талаптар қойылады

Мемлекеттік қолдауға үміткер кәсіпкерлер...

Қазақстан ресейлік құс шаруашылығы өнімдерін жеткізуге қатысты кейбір шектеулерді алып тастады. 8 қазаннан бастап елге Мәскеу және Иркутск облыстарынан құс өнімдерін әкелуге қайта рұқсат етілді, деп хабарлайды Kursiv.Media.  

АРК жаңалықтарының мәліметінше, шешімді Қазақстан Ауыл шаруашылығы министрлігі Ветеринарлық бақылау және қадағалау комитеті қабылдаған.

«Енді Мәскеу және Иркутск облыстарынан құс шаруашылығы өнімдерін Қазақстанға қайтадан әкелуге болады. Сондай-ақ бұл өнімдерді ел аумағы арқылы транзитпен өткізуге де рұқсат етілді. Тек жұмыртқа әкелуге әлі де тыйым салынады», – делінген хабарламада.

Айта кетейік, аталған тауарларды елге кіргізуге тыйым қыркүйек айында салынған еді. Шектеулер 19 қыркүйекте күшіне еніп, етт...

Ұлттық банк халықаралық резервтегі алтын үлесін төмендетіп, оны сатуға көшуді жоспарлап отыр. Бас банк жыл соңына дейін алтынның резервіндегі үлесін шамамен 3 пайызға қысқартып, 75 пайыз деңгейінде сақтамақ, деп жазады Bloomberg басылымы.

Бұл шешімге АҚШ қазынашылық облигациялары кірістілігінің артуы мен доллардың тартымдылығы, сондай-ақ резервтерді қайта теңгерімдеу қажеттігі себеп болып отыр.

Бұған дейін Қазақстан әлемдегі ең ірі алтын сатып алушылардың бірі болып келген. Алайда Ұлттық банк төрағасының орынбасары Әлия Молдабекованың айтуынша, қазіргі уақытта алтынның резервтегі үлесі 78 пайызға жуықтап, тым жоғары деңгейге жеткен.

Қыркүйек айының соңында шетел валютасындағы резерв 66,4 миллиард долларды құрап, Ұлттық банктің алтын...

НАТО альянсқа мүше елдерге Ресей шабуыл жасаса, оған қарсы тұратын қорғаныс стратегиясын жасап шықты,  деп хабарлайды Kursiv.media.

Euronews ақпаратына қарағанда, НАТО-ның Еуропадағы біріккен қарулы күштерінің бас қолбасшысы Алексус Гринкевич Варшава қауіпсіздік форумында альянстың жаңа қорғаныс стратегиясын таныстырды.

Оның мақсаты – НАТО елдеріне жасалған кез келген шабуылдың нәтижесіз болуын қамтамасыз ету.

«Соғыс теориясы» деп аталатын стратегия Ресей сияқты ықтимал қарсыластардың альянс аумағына басып кіруіне және әскери әрекеттер жүргізуіне жол бермеуге бағытталған. Гринкевичтің айтуынша, НАТО шабуылды тоқтатуға, қарсыластың күшін әлсіретуге және оның соғыс жүргізу қабілетін жоюға дайын.

Стратегия үш кезеңнен тұрады:

Block (бөгеп тоқтату) – қарсыластың алғашқы шабуылына тойтарыс беріп...

Қазақстанда шетел азаматтары мен азаматтығы жоқ адамдарға ЖСН беру кезінде олардың елде заңды жүргені тексерілуі мүмкін. Ішкі істер министрлігі осыған байланысты мемлекеттік қызмет көрсету қағидаларына өзгеріс енгізуді ұсынып отыр, деп хабарлайды Kursiv.Media.

Шетелдіктерді қалай тексереді

Жаңа тәртіп бойынша, ЖСН беру немесе бұрынғы нөмірге түзету енгізер алдында адамның Қазақстанда заңды жүргені не тұрып жатқаны тексеріледі. Ол үшін иммигранттар туралы деректер базасындағы ақпарат пайдаланылады.

ІІМ бұл өзгеріс шетелдіктердің елде болу заңдылығын тексеруге және ЖСН рәсімдеу кезінде қолданылатын мәліметтердің дұрыстығын арттыруға мүмкіндік беретінін мәлімдеді.

Құжат «Ашық НҚА» порталында жарияланды. Құжат 28 қазанға дейін қоғамдық талқылауда болады.

2026 жылы жасанды интеллект саласындағы әлемдік шығындар 49,5%-ға артып, 2,67 трлн долларға жетуі мүмкін, деп хабарлайды Kursiv.Media Gartner зерттеу компаниясының баспасөз қызметіне сілтеме жасап.

Зерттеуде жазылғандай, 2027 жылы жасанды интеллектіге жұмсалатын шығындардың өсімі 36%-дан асып, 3,637 трлн долларға жетеді.

«Болашақтағы жұмыс жүктемелерін қамтамасыз ету үшін жасанды интеллект инфрақұрылымына деген сұраныс жоғары күйінде қалып отыр», – деп атап өтті Gartner жетекші сарапшысы Джон-Дэвид Лавлок.

Оның айтуынша, жасанды интеллектіге арналған деректер орталықтарының қуаттарын іске қосу – адамзат тарихындағы бұрын-соңды болмаған ең ірі инфрақұрылымдық жоба.

«ЖИ-ге арналған қуатты серверлерді сатып алу — әлі де е...

Бәсекелестікті қорғау және дамыту агенттігі inDrive сервисіне бәсекелестік туралы заңнаманы бұзбау және жолаушылардың құқығын шектемеуді талап етіп, ескерту жасаған.

«Бұған 2026 жылғы 11 қазанда «Яндекс Go» сервисінің уақытша қолжетімсіз болуына байланысты inDrive қызметіне сұраныстың күрт артуы және жекелеген жағдайларда жол жүру құнының үш есеге жуық өскені туралы БАҚ-та жарияланған ақпарат негіз болды», делінген хабарлама.

Ал inDrive комиссиясын міндетті салықтарды төлеуге жететіндей етіп төмендеткенін, сондай-ақ жолаушылар мен жүргізушілер арасындағы саудаласудың шекті мөлшеріне қатысты шектеу енгізгенін хабарлаған.

«Алдын ала ескерту ықтимал құқық бұзушылықтардың алдын алуға, тұтынушылардың құқықтарын қорғауға және такси агрегаторлары нарығында...

Ақтөбеде ер адам қызбен жанжалдасып, артынша пышақтап өлтірді. Бұл сәт камераға түсіп қалған, деп хабарлайды Kursiv.media.

Kriminal Kazakhstan ақпаратына қарағанда, қайғылы оқиға 10 қазан күні сағат 22:30 шамасында Ақтөбе қаласындағы Сәтпаев көшесінде болды.

Алдын ала мәліметтер бойынша, қыз бен оның танысының арасында жанжал туындаған. Артынша оған пышақ салған.

Бұл сәт бейнежазбаға түсіп қалған. Ер адам қызға жақындап келіп, сөйлеседі. Қыз тәжікелесуден қашып, орнынан тұрып, кете бастайды. Жігіт артынан жүгіріп барып, пышақ сұғады. Қызды мойнынан ұстап, көліктердің тасасына сүйреп әкетеді.   

Алған жарақаттарынан жәбірленуші оқиға орнында көз жұмған.

Кісі өлтірді деген күдікпен Атырау қаласының 28 жастағы тұрғыны ұсталды. Адам...

Қайрат Нұртастың концерті кезінде топтың астында қалып, тапталып, ауруханаға түскен бойжеткен әлі де жансақтан бөлімінде жатыр. Бұл туралы Жетінші арнаға сілтеме жасаған Kursiv Media жазады.

Дәрігерлер дерегінше, 18 жастағы қыздың жүрегі мен миы зақымданған. Әлі есін жимаған. Мамандар жағдайын ауыр деп бағалап отыр. Одан бөлек бойжеткен концертте есінен танып жатқанда әлдекімдер ұялы телефоны мен құжаттарын ұрлап кеткен көрінеді.

Қазір бұл жағдайды полиция тексеріп жатыр. Әзірге жәбірленушінің туыстары сұхбат беруден бас тартты.

Еске салайық, 10 қазанда Шымкенттегі Қажымұқан Мұңайтпасұлы атындағы стадионда өткен Қайрат Нұртастың концертіне кезекте тұрған адамдар қысылып, үлкен кептеліс болды. 18 жастағы қыз жарақат...

Маңғыстау облысында Төремұрат батырдың өмірі мен ерлігі туралы «Қан мен Серт» атты тарихи фильм түсіріліп жатыр. Бұл туралы Kursiv.Media Қоғамдық коммуникациялар орталығына сілтеме жасап жазады.

Қазір түсірілім тобы Бейнеу ауданында жұмыс істеп жатыр. Фильмнің кейбір көріністері табиғат аясында, тарихи орындарда түсіріледі.

Картина режиссері – Ақан Сатаев. Фильмге Қазақстанның халық әртісі Тұңғышбай Жаманқұлов, актер Дінмұхамед Ахимов пен Болат Әбділманов та қатысып жатыр.

Жобаның идеясын ұсынып, бас продюсері болған – Бағытжан Достанов. Сценарийді жазуға алты ай кеткен. Ал түсірілім жұмыстары алдын ала жоспар бойынша бір жарым айға созылады.

Төремұрат Тайлыбекұлы (1821–1863) – Кіші жүздің Таз руынан шыққан батыр. Ол палуан...

Ақтауда екі қыз балалар алаңындағы матрасты өртеп жіберген. Соның салдарынан ойын кешені, әткеншектер мен жердегі жұмсақ жабын өртеніп, 4 млн 890 мың теңге шығын келген деп жазады Kursiv Media Lada.kz-ке сілтеме жасап.

Оқиға 11 қазанда 32А шағынауданындағы №15 үйдің ауласында болған. Тұрғындар балалар алаңынан түтін шыққанын байқап, құтқарушыларға хабарлайды. Алғашында алаңда қоқыс өртенген деп тіркеледі. Бірақ кейін екі жасөспірім қыздың алаңда жатқан матрасты өртегені анықталды.

«Болашақ Өзен» ЖШС өкілдерінің мәліметінше, полиция оқиғаға қатысы бар екі қызды анықтаған. Компания келтірілген шығынды өндіріп алу үшін құқық қорғау органдарына арыз дайындап, қыздардың ата-аналарын жауапкершілікке тартуды көздеп отыр.

Компания балалар алаңының жалпы...

12 қазанда Петропавл қаласындағы Труд көшесі бойында орналасқан өндірістік нысанда 35 жастағы жұмысшы қаза тапты. Алдын ала мәлімет бойынша, ер адам өндірістік қондырғының ішіне құлап кеткен, деп хабарлайды Кursiv.Media.

Жергілікті басылымның ақпаратына сүйенсек, Солтүстік Қазақстан облысы полициясы адам өліміне әкеп соққан еңбекті қорғау қағидаларын бұзу дерегі бойынша қылмыстық іс қозғады. Қазір тергеушілер оқиғаның мән-жайын анықтап жатыр.

Басылымның жазуынша, қайғылы оқиға «Сұлтан» фабрикасында болған. Дереккөздің айтуынша, жұмысшы қамыр илейтін машинаны тазалау кезінде оның ішіне түсіп кетіп, ауыр жарақат алған.

Сондай-ақ басылымға марқұмның осы өндіріс орнында көп жылдан бері жұмыс істегені хабарланған. Алайда бұл мәліметтер әзірге ресми түрде расталған жоқ.

Полиция...

Атырау облысының Қызылқоға ауданындағы Миялы ауылынан шұғыл көмекке мұқтаж 18 жастағы науқас тікұшақпен Атырауға жеткізілді, деп хабарлайды Кursiv.Media.

Төтенше жағдайлар министрлігінің хабарлауынша, медициналық эвакуацияны «Қазавиақұтқару» ұшқыштары санитариялық авиация дәрігерлерімен бірлесіп жүзеге асырды.

Ұшу кезінде экипаж қауіпсіздікті қамтамасыз етті. Ал медицина қызметкерлері жол бойы науқастың жағдайын үздіксіз бақылап отырды.

Айта кетейік, осыған дейін Алматы маңында Іле Алатау сілемдерінде жарақат алған екі ресейлік альпинист Төтенше жағдайлар министрлігінің құтқару тікұшағымен құтқарылды.

Дариға Бадықова мен Олжас Абай шаңырақ көтеріп, дүркіретіп үйлену тойларын жасады, деп хабарлайды Kursiv.LifeStyle.

Қуанышты жаңалықты желіде тележүргізуші Ләйлә Сұлтанқызы бөлісті.

«Олжас пен Дариғаның бөпесінің қырқынан шыққанына бір ай толды. Кино әлемі бір бөлек, ал өмірде Олжас пен Дариға — біздің @mariyam_fund_kz қорының демеушілері. Олар қолдау көрсеткен оралдық жұп бірнеше жыл бойы ата-ана болуды армандап, талай қиындықты бастан өткерген. Бірнеше сәтсіз ЭКО әрекетінен кейін, қорымыздың қолдауымен армандарына жетіп, бүгінде ата-ана атанып, бақытқа кенеліп отыр. Біреудің қолдауы — бір отбасының өмірін өзгертіп, үлкен арманын ақиқатқа айналдыруы мүмкін», – деп жазды Сұлтанқызы.

Тележүргізушінің желідегі жазбасына қолданушылар...

Елдің басым бөлігінде таңертең тұман күтіледі, батыста кей жерлерде шаңды дауыл соғады, дегенмен оңтүстік пен батыста күн жылы болады. «Қазгидромет» 13 қазанға ауа райы болжамын ұсынды, деп хабарлайды Кursiv.Media.

Астанада көшпелі бұлт, жауын-шашынсыз, жел 3-8 м/с. Ауа температурасы түнде +2…+4°C, күндіз +13…+15°C.

Алматыда көшпелі бұлт, жауын-шашынсыз, жел 3-8 м/с. Ауа температурасы түнде +10…+12°C, күндіз +20…+22°C.

Шымкентте көшпелі бұлт, жауын-шашынсыз, жел 8-13, екпіні 15-20 м/с. Ауа температурасы түнде +8…+10°C, күндіз +21…+23°C.

Ақтауда көшпелі бұлт, жауын-шашынсыз, жел 9-14, екпіні 15-20 м/с. Ауа температурасы түнде +14…+16°C, күндіз +24…+26°C.

Ақтөбеде ашық, жауын-шашынсыз, жел 2-7 м/с. Ауа температурасы түнде +5…+7°C, күндіз +21…+23°C.

Атырауда ашық, жауын-шашынсыз, жел 9-14 м/с. Ауа температурасы түнде...

Қазақстанның Жоғарғы соты 2027-2028 жылдары ТМД-ға қатысушы мемлекеттердің Жоғарғы соттары төрағалары кеңесіне төрағалық етеді. Бұл шешім Минскіде өткен кеңестің екінші отырысында қабылданды, деп хабарлайды Кursiv.Media.

Ақпаратқа сүйенсек, Қазақстанның Жоғарғы сотының төрағасы Асламбек Мерғалиев 8–9 қазанда Беларусь астанасында өткен жиынға қатысып, сот жүйесін цифрландыру тәжірибесімен бөлісті. Атап айтқанда, сот істерін эксаумақтық тәртіппен бөлу, сот отырыстарын онлайн көрсету және судьялардың жұмысында жасанды интеллектіні пайдалану мәселелерін таныстырды.

Отырыс барысында ТМД елдері соттарының шешімдерін тану және орындау, судьяларды даярлау, олардың біліктілігін арттыру және алдағы екі жылға арналған ынтымақтастық жоспары талқыланды.

Кеңеске қатысушылардың шешімімен 2027-2028 жылдары Астанада екі отырыс өткізу жоспарланды. Олар онлайн және...

Алматыда жол жөндеу жұмыстарына байланысты Төле би және Пушкин көшелерінің кейбір учаскелерінде көлік қозғалысы уақытша шектеледі, деп хабарлайды Кursiv.Media.

Қалалық әкімдіктің хабарлауынша, Төле би көшесінде 16 қазанға дейін Әшімов көшесінен Нұрпейісов көшесіне дейінгі аралықта екі бағыттағы қозғалыс шектеледі. Бұл учаскеде апаттық-қалпына келтіру жұмыстары жүргізіліп жатыр.

Пушкин көшесінде 12-18 қазан аралығында Мақатаев көшесінен Райымбек даңғылына дейінгі учаске күн сайын сағат 21:00-ден таңғы 06:00-ге дейін жабылады. Күндіз көлік қозғалысы ашық болады.

Айта кетейік, Алматыда LRT-ның бірінші кезеңі 2027 жылдың желтоқсанында аяқталады. Ол Алатау ауданындағы Индустриялық аймақтан Момышұлы көшесі арқылы Төле би көшесіне дейін, одан Төле би бойымен Абылай хан даңғылы арқылы Алматы-2 вокзалына дейін барады. 

Екінш...

Ауғанстанда 2026 жылдың шілде-қыркүйек айлары аралығында киім кию мен сыртқы келбет талаптарын бұзды деген күдікпен 53 адам ұсталған. Олардың 52-сі — әйел, біреуі — кәмелетке толмаған қыз, деп хабарлайды Кursiv.Media.

БҰҰ-ның Ауғанстанға көмек көрсету миссиясының (UNAMA) хабарлауынша, оқиға Герат пен Кабул қалаларында болған. Әйелдер чадра кимегені, шашы көрінгені, ашық түсті орамал таққаны, макияж жасағаны немесе қасында жақын туысы саналатын ер адамсыз қоғамдық орындарға шыққаны үшін ұсталған. Олардың бірнеше сағаттан кейін босатылғаны айтылады.

БҰҰ әйелдерге, соның ішінде дүкен иелеріне тіл тигізу, күш қолдану және қамауға алумен қорқыту жағдайларына алаңдаушылық білдірді. UNAMA қауіпсіздікке қатысты қорқыныш пен қоғамдық қысым салдарынан мұндай оқиғалардың нақты...

Қазақстанның Сыртқы істер министрлігі Сауд Арабиясында жүрген азаматтарды сақтық шараларын күшейтуге шақырды. Бұған елдің азаматтық инфрақұрылымына жасалған шабуылдар себеп болған, деп хабарлайды Кursiv.Media.

Ведомство қазақстандықтарға жергілікті билік нұсқауын орындауды, адам көп жиналатын және қауіпті нысандардан аулақ болуды ұсынады. Сондай-ақ аса қажеттілік болмаса, әуежайларға бармауға және шұғыл болмаса сапарларды кейінге қалдыруға кеңес берді. Әуежайға барар алдында әуе компаниясынан рейстің мәртебесін нақтылау қажет.

Төтенше жағдай туындаған кезде Қазақстан азаматтары Эр-Риядтағы елшілікке немесе Жиддадағы бас консулдыққа хабарласа алады.

Шұғыл байланыс нөмірлері:

Министрлік азаматтарды Қазақстан СІМ мен Сауд Арабиясының құзырлы...

Польшада мектептерге жасалған бірнеше шабуылдан кейін білім беру мекемелерінің қауіпсіздігін қамтамасыз етуге 24 мыңға жуық полицей тартылды. Олар мектеп маңын патрульдеп, ғимараттардың ішін тексеріп жатыр, деп хабарлайды Кursiv.Media.

Radio ZET ақпаратына сүйенсек, оқушы қауіпті зат алып келді деген күдік туындаса, қызметкерлер оның сөмкесін тексере алады. Құқық қорғау органдары интернеттегі қауіп-қатерлерді де тәулік бойы бақылауда ұстап отыр.

12 қазан таңындағы дерек бойынша, операция басталғалы 80 мыңға жуық білім беру нысаны тексеріліп, 135 адам ұсталған. Олар интернетте қауіпті жазбалар жариялау, тыйым салынған заттарды алып жүру, шабуыл әзірлеу немесе оған шақыру сияқты әрекеттер бойынша күдікке ілінген.

Польша полициясының басшысы Марек Боронь компьютерлік...