Жаңалықтар

Таяу Шығыстағы соғыс әлемдік экономикаға «ауқымды әсер» етеді. Reuters агенттігіне берген сұхбатында Дүниежүзілік банк президенті Аджай Банга осылай мәлімдеді.

Оның пікірінше, соғыс ерте аяқталған жағдайда жаһандық экономикалық өсім 0,3-0,4%-ға, ал қақтығыс созылып кетсе, 1%-ға дейін төмендеуі мүмкін. Инфляция базалық болжам бойынша 0,2-0,3%-ға, ал жағымсыз сценарийде 0,9%-ға дейін өсуі ықтимал екенін айтады.

Дүниежүзілік банктің болжамына сәйкес, биыл дамушы елдер мен экономикасы қарқынды дамып жатқан елдердің өсімі 3,65% болады (қазан айындағы болжам 4% еді). Ал соғыс ұзаққа созылған жағдайда бұл көрсеткіш тек 2,6%-ға ғана жетуі мүмкін. Төтенше сценарийде инфляция 6,7%-ға дейін көтерілуі мүмкін.

Банганың айтуынша, Дүниежүзілік даму банкі өз...

Көпбалалы ана, блогерге айналған мектеп директоры Ақмоншақ Нұртаза бүгінде Баян Алагөзованың «Алтын ханым» әлеуметтік жобасына қатысып жатыр.

Ақмоншақ Нұртаза Айнұр Асанбердіге берген сұхбатында жобаға дайындық барысында өзіне қатаң талап қойып, қысқа уақыт ішінде 10 келі салмақ тастағанын айтты. Оның айтуынша, бұл нәтижеге жету оңай болған жоқ. Бірақ «Алтын ханым» атағына лайықты болу үшін жасалған бұл қадам оның ерік-жігерінің қаншалықты мықты екенін көрсетті.

«Бұл әлеуметтік жобаның бір бөлшегі болу оңайға соқпай жатыр, бірақ нәтижесі көңіл қуантады», – дейді қатысушы.

«Алтын ханым» байқауы 14 сәуір күні сағат 19:00 де Алматыдағы Республика сарайында өтеді. Байқауда 27 қатысушы өз...

12 сәуірде Мажарстандағы парламент сайлауы нәтижесінде елді 16 жыл басқарған Виктор Орбан биліктен кетіп. Оның орнына оппозиция жетекшісі Петер Мажар келеді.

Саяси бетбұрыс

Мажарстан премьер-министрі Виктор Орбан жексенбідегі парламент сайлауында өзі басқаратын «Фидес» партиясы жеңілгенін мойындады. Ол «Тиса» оппозициялық партиясының жетекшісі Петер Мажарды жеңісімен құттықтады.

Сайлаушылардың 79%-ы қатысқан ірі саяси науқанда «Тиса» партиясы 53,5%, ал «Фидес» 38% дауыс жинады. Енді Петер Мажар басқаратын партия парламенттен 138 орын алады. Ал оның қарсыласына бар болғаны 55 орын бұйырды.

Мажарстан – парламенттік республика. Елдегі маңызды шешімдерді заң шығарушы органда басымдыққа ие күш қабылдайды. Парламентті басқаратын партия ел премьер-министрін анықтайды. Петер Мажардың «Тиса...

Астанадағы үш баланың өлімінен кейін қылмыстық іс қозғалды. Бұл туралы Астана қаласы полициясы хабарлады.

Айта кетейік, Астананың Есіл ауданындағы 21 қабатты тұрғын үйде өрт шығып, үш бала қайтыс болды.

Ведомство мәліметінше, тергеу-жедел іс-шаралары жүргізіліп жатыр.

«Оқиғаның барлық мән-жайын анықтауға бағытталған жедел іс-шаралар кешені жүргізіліп жатыр. Тергеу нәтижелері бойынша тиісті құқықтық баға беріледі», – деп хабарлады полиция.

Өрт 15-қабаттағы пәтерден шыққан. Өртті сөндіру барысында жанып жатқан пәтерден күйік алған әйел құтқарылып, жедел медициналық жәрдем бригадасына тапсырылды. №1 көпсалалы қалалық ауруханаға жатқызылды. Оқиға орнынан кәмелетке толмаған үш баланың мәйіті табылды.

Алматы қаласында Қазақстан Республикасы Мемлекеттік кеңесшісі Ерлан Қарин төрағалығымен «Қазақстан тарихы: ежелгі дәуірден бүгінге дейін» атты жеті томдық академиялық басылымды дайындау жөніндегі редакциялық алқаның кезекті отырысы өтті.

Жиында XIX ғасыр мен ХХ ғасырдың басындағы Қазақстан тарихына арналған бесінші томның қолжазбасы қаралды. Жаңартылған құрылымы мен мазмұнын авторлар ұжымының жетекшісі, тарих ғылымдарының докторы, Ш.Уәлиханов атындағы Тарих және этнология институты директоры, академик Зиябек Қабылдинов таныстырды. Оның айтуынша, том редакциялық алқа мүшелерінің ұсыныстары негізінде толықтырылып, ғылыми тұрғыда жетілдірілген.

Талқылау қорытындысы бойынша редакциялық алқа мүшелері бірауыздан бесінші томды баспаға дайындауға мақұлдады.

Күн тәртібіндегі келесі мәселе – Қазақстан тарихының кеңестік кезеңіне арналған алтыншы томның қолжазбасын қарау...

Қасым-Жомарт Тоқаевтың атынан белгілі журналист, «Ulysmedia.kz» ақпараттық-талдамалық порталының бас редакторы Самал Ибраеваға мемлекеттік награда табыс етілді.

Марапатты ҚР Премьер-Министрінің орынбасары – Мәдениет және ақпарат министрі Аида Балаева салтанатты түрде тапсырды. Самал Ибраева отандық журналистиканы дамытуға қосқан үлесі үшін «Ерен еңбегі үшін» медаліне ие болды.

«Ерен еңбегі үшін» медалі қызметтің түрлі салаларындағы, соның ішінде мәдениет, ақпарат және қоғамдық өмір бағытындағы елеулі еңбегі мен жетістігі үшін беріледі.

Еске сала кетейік, бұған дейін Kursiv Media тілшілері жоғары мемлекеттік марапатқа ие болған еді.

Бұхарада өткен бейресми кездесу барысында Өзбекстан Президенті Шавкат Мирзиёев Қасым-Жомарт Тоқаевқа Қазақстан тарихы үшін маңызы зор, бұрын-соңды жарияланбаған бірегей құжаттарды табыс етті. Бұл жәдігерлер екі ел арасындағы рухани сабақтастықтың жаңа символына айналды.

Түркістан тарихының беймәлім беттері

Ақорданың баспасөз қызметі хабарлағандай, Қазақстан тарапына 1920–1950 жылдар аралығындағы құнды мұрағаттардың көшірмелері берілді. Бұл материалдар тікелей Түркістандағы киелі нысандарға қатысты:

Бұл архивтердің ең басты құндылығы олардың басым бөлігі осы уақытқа дейін ғылыми айналымға енбеген және еш жерде жарияланбаған.

«Бұл материалдардың мәдени және...

Көне Бұхара төрінде өткен Қазақстан мен Өзбекстан басшыларының кездесуінде Шавкат Мирзиёев Қасым-Жомарт Тоқаевтың мемлекет басқарудағы стратегиялық қадамдарына жоғары баға беріп, бауырлас халықтың қолдауын жеткізді.

Экономикалық серпіліс пен цифрландыруға құрмет

Шавкат Мирзиёев Қазақстанның соңғы жылдардағы экономикалық жетістіктеріне ерекше тоқталды. Ол әлемдегі күрделі геосаяси жағдайға қарамастан, Қазақстан экономикасының 300 млрд доллардан асуын үлкен көрсеткіш деп атады.

«Шикізаттық емес сектор жанданып, шағын және орта бизнестің үлесі 40 пайызға жуықтады. Бұл – жүйелі реформалардың жемісі. Әсіресе, Қазақстандағы Цифрландыру және жасанды интеллект жылы аясындағы бастамалар өңір үшін үлгі боларлық іс», – деді Өзбекстан басшысы.

Өзбекстан Президенті Қасым-Жомарт Тоқаевтың халықаралы...

NASA басшысы Джаред Айзекман 2026 жылдың шілдесінде «Союз МС-29» кемесінің ұшырылуын өз көзімен көру үшін Байқоңыр ғарыш айлағына келуді жоспарлап отыр.

Шілде айына жоспарланған миссия аясында Халықаралық ғарыш станциясына (ХҒС) американдық астронавт Анил Менон мен ресейлік ғарышкерлер Пётр Дубров және Анна Кикина аттанбақ. Анил Менон үшін бұл ХҒС-қа жасалатын алғашқы сапары болмақ.

NASA өкілдері Айзекманның сапары аясында «Роскосмос» басшысы Дмитрий Бакановпен жеке кездесуі мүмкін екенін жоққа шығармайды. Ведомствоның хабарлауынша, NASA басшысы станция бойынша әріптес барлық шетелдік ғарыш агенттіктерінің жетекшілерімен тұрақты түрде кездесулер өткізіп тұрады.

Қазақстан және SpaceX: 2027 жылға жоспар

Ресейлік кемелер Байқоңырдан аттанып жатқанда, Қазақстан ғарыш саласындағы жеке...

Пәкістан астанасы Исламабадта АҚШ пен Иран арасындағы соңғы онжылдықтардағы ең жоғары деңгейдегі ресми келіссөздер басталды. Бірнеше күндік белгісіздіктен кейін екі елдің жоғары лауазымды өкілдері аймақтағы шиеленісті бәсеңдету мақсатында кездесті.

Делегация құрамы: кімдер келді?

Америкалық делегацияны АҚШ вице-президенті Джей Ди Вэнс бастап келді. Оның құрамында президенттің арнайы өкілі Стив Уиткофф пен Дональд Трамптың күйеу баласы Джаред Кушнер де бар. Вэнс Исламабадқа қонбас бұрын АҚШ-тың «ізгі ниетпен» келгенін, бірақ кез келген жағдайға дайын екендерін ескертті.

Иран тарапын Парламент спикері Мохаммад-Багер Галибаф бастаған делегация таныстырады. Оның қасында Сыртқы істер министрі Аббас Арагчи мен Орталық банк төрағасы Абдолнасер Хеммати бар. Галибаф келіссөз алдында...

Президент Қасым-Жомарт Тоқаев жұмыс сапарымен Өзбекстан Республикасына келді. Мемлекет басшысын Бұхара қаласының әуежайында Өзбекстан Президенті Шавкат Мирзиёев зор ілтипатпен қарсы алды.

Салтанатты қабылдау

Бұхара әуежайында қазақстандық көшбасшының құрметіне арнайы салтанатты қарсы алу рәсімі ұйымдастырылды. Екі ел арасындағы достық пен бауырластықтың белгісі ретінде ұлттық әндер шырқалып, би ұжымдары өз өнерлерін көрсетті. Бұл сапар бауырлас мемлекеттер арасындағы стратегиялық әріптестіктің жаңа белесі ретінде бағалануда.

Жұмыс сапарының аясында маңызды іс-шаралар жоспарланған. Екі ел басшылары еркін форматта кездесіп, өңірлік қауіпсіздік пен екіжақты ынтымақтастықтың өзекті мәселелерін талқылайды.

Сондай-ақ Қасым-Жомарт Тоқаев пен Шавкат Мирзиёев Бұхараның көне мәдени мұраларымен танысады. Президенттер қаланың өнеркәсіптік әлеуетін көрсететін бірқатар нысандарды...

Астана төрінде қазақстандық теннистің жарық жұлдызы, ұлттық құраманың белді мүшесі Зарина Диястың кәсіби мансабын аяқтауына арналған салтанатты рәсім өтті.

Билли Джин Кинг кубогы (BJK Cup) аясындағы Қазақстан мен Канада құрамаларының кездесуі кезінде ұйымдастырылған бұл шара спортшының жанкүйерлері мен әріптестері үшін ерекше тебіреніске толы сәт болды.

Салтанатты шара барысында Қазақстан теннис федерациясының президенті Болат Өтемұратов Заринаға қазақы дәстүрмен иығына шапан жауып, еліміздің намысын әлемдік аренада абыроймен қорғағаны үшін алғыс білдірді. Сондай-ақ Зарина Дияс кішкентай теннисшілер мен жас жанкүйерлер үшін автограф-сессия өткізді.

Ішкі істер министрлігінде өткен кеңейтілген алқа отырысында 2026 жылдың бірінші тоқсанындағы жедел қызмет қорытындылары шығарылды. Министр Ержан Сәденовтің төрағалығымен өткен жиында еліміздегі құқықтық тәртіпті нығайту мен «Заң мен Тәртіп» қағидатын іске асыру мәселелері талқыланды.

Қылмыс азайып, ашылу көрсеткіші артқан

Биылғы жылдың алғашқы үш айында криминогендік ахуал тұрақтылық танытты. Өткен жылдың сәйкес кезеңімен салыстырғанда қылмыс саны 9%-ға (2150 дерекке) азайған. Сонымен қатар кәмелетке толмағандар арасындағы және тұрмыстық құқықбұзушылықтар саны қысқарды. Қоғамдық орындар мен мас күйінде жасалатын қылмыстар деңгейі төмендеп, қылмыстардың ашылу көрсеткіші барлық санат бойынша жақсарған.

Интернет-алаяқтықпен күрес және цифрландыру

Цифрлық қылмыстарға қарсы іс-қимыл нәтижесінде интернет-алаяқтық фактілері азайған. Әсіресе...

Президент Қасым-Жомарт Тоқаев отандық ғылымның дамуына зор үлес қосқан бірқатар ғалымдарды мемлекеттік наградалармен марапаттау туралы жарлықтарға қол қойды.

Атап айтқанда, шығыстану ғылымына сіңірген елеулі еңбегі, филология саласының қытайтану бағытын терең зерттеп, қазақ тарихына қатысты тың деректерді жинақтауға және ұлттық мәдени құндылықтарды насихаттауға қосқан үлесі үшін Дүкен Мәсімханұлы ІІІ дәрежелі «Барыс» орденімен наградталды.

Сондай-ақ белгілі ғалым, филолог Айнұр Әбиденқызы «Қазақстанның еңбек сіңірген қайраткері» құрметті атағына ие болды.

Президент құттықтау жеделхатында бұл марапаттар ғалымдардың ұзақ жылғы табанды еңбегі мен іргелі ғылыми ізденістерінің нәтижесі екенін атап өтті. Сонымен қатар Мемлекет басшысы шығыстанушыларға және олардың отбасыларына амандық, шығармашылық табыс тіледі.

Қазақстан Премьер-лигасының 5-ші туры аясында Қостанайда жергілікті «Тобыл» алматылық «Қайратты» қабылдайды. 

Тікелей эфирді қайдан көруге болады?

Ойын, бүгін, 11 сәуір сағат 18:00-де басталады. Жанкүйерлер ойынды «Sport+ Qazaqstan» телеарнасында, «Кинопоиск» платформасы мен YouTube-та KFF League ресми арнасы арқылы тамашалай алады. 

Командалардың қазіргі жағдайы

«Қайрат» (Кестеде 1-орын):

Алматылық клуб маусымды сәтті бастады. 4 ойыннан кейін 10 ұпай жинап, кестенің ең жоғарғы сатысында тұр. Соңғы матчтарында «Астананы» 4:0 есебімен тас-талқан етіп, Қазақстан Кубогында «Жайықты» 3:1 есебімен жеңген.

«Тобыл» (Кестеде 16-орын):

Қостанайлықтар үшін Премьер-лиганың басталуы ауыр болды. Қазіргі уақытта команда 1 ұпаймен соңғы орында тұр. Алайда, 8 сәуір күні Қазақстан...

Президент Қасым-Жомарт Тоқаев АҚШ Президенті Дональд Трампқа «Артемида-2» ғарыш миссиясының сәтті аяқталуына байланысты құттықтау жеделхатын жолдады. Бұл туралы Ақорда хабарлады.

Мемлекет басшысы аталған миссияны соңғы жарты ғасырдағы Айға жасалған алғашқы пилотталған ұшу ретінде атап өтіп, оның ғарышты игеру тарихындағы жаңа кезеңнің бастауы екенін жеткізді.

Тоқаев өз жеделхатында америкалық ғылымның озық жетістіктеріне жоғары баға беріп, мұндай табыстар адамзаттың таным көкжиегін кеңейтіп, әлем бойынша ғалымдар мен инженерлердің жаңа буынына шабыт беретінін атап өтті.

Сонымен қатар, Қазақстан Президенті Дональд Трампқа «Артемида» бағдарламасын әрі қарай жүзеге асыруда және басқа да ғарыш саласындағы бастамаларында табыс тіледі.

Еске сала кетейік, «Артемида-2» миссиясының астронавттары Жерге сәтті оралып...

NASA-ның төрт астронавты бар «Орион» ғарыш кемесі Калифорния жағалауындағы Тынық мұхитына сәтті қонды. Осылайша, жарты ғасырдан астам уақыттан бері алғаш рет адамдардың Айға ұшуын көздеген «Артемида-2» экспедициясы аяқталды.

Қону барысы

Ғарыш кемесі жоспар бойынша АҚШ-тың батыс жағалауындағы жергілікті уақытпен сағат 17:08-де (Гринвич бойынша 11 сәуір, 00:08) су бетіне түсті.

NASA өкілдері «Орионның» қонуын «оқулықтағыдай мінсіз» деп сипаттады.

Алайда, қонғаннан кейін экипаж бен құтқару тобы арасында спутниктік телефон байланысында аздаған қиындықтар туындады. Осыған байланысты астронавтар өз әрекеттерін Хьюстондағы ұшуды басқару орталығы арқылы үйлестіруге мәжбүр болды.

«Артемида-2» 1 сәуірде ұшырылды. Бұл – аса ауыр Space Launch System зымыранының екінші ұшырылымы және...

Қарағандыда патрульдік полиция қызметкерлері қайғылы жағдайдың алдын алып, тоғыз қабатты үйдің шатырының жиегінде тұрған қызды құтқарып қалды.

Өңірлік полиция баспасөз қызметінің мәліметінше, оқиға 10 сәуірде Университет көшесінде болған. Шатырдағы жасөспірім туралы хабарлама Жедел басқару орталығына түскен.

Оқиға орнына патрульдік полиция қызметкерлері Жалғас Смағұлов пен Ғылымхан Қаратағанов келді. Полицейлер қызбен сөйлесуге тырысқанымен, ол ешқандай жауап бермеген. Осыдан кейін олар шатырға көтеріліп, қолайлы сәтте оны қауіпсіз жерге алып шықты.

«Біз уақыт созуға болмайтынын түсіндік. Абайлап жақындап, ыңғайлы сәтте оны қауіпсіз аймаққа шығардық», — деді патрульдік полиция инспекторы Ғылымхан Қаратағанов.

Құтқарғаннан кейін қыз есінен танып...

Павлодарда №116 балабақшаның 33 жастағы тәрбиешісіне қатысты сот процесі жүріп жатыр. Ойын аймағынан түсірілген адам шошырлық видео желіге тарап кеткеннен кейін үлкен жанжал туындады.

Кадрларда әйелдің бүлдіршіндерді ұрып-соғып, итеріп, лақтырып және шашынан сүйреп жүргенін көруге болады. Іс бойынша тергеу сегіз айға созылды. Нәтижесінде 16 бала жәбірленуші деп танылды.

Сот-медициналық сараптама бірнеше сәбидің денесінде көгерулер мен сырылулар бар екенін растады. Әйелге Қылмыстық кодекстің бірден екі бабы – ҚР ҚК-нің 140-бабы («Кәмелетке толмағандарды тәрбиелеу жөніндегі міндеттерді орындамау») және ҚР ҚК-нің 110-бабы («Қинау») бойынша айып тағылып отыр.

Жәбірленуші тараптың адвокаты Дәурен Қосдәулетов соттың бейнежазбаларды көріп шыққанын және куәгерлердің бір бөлігінен жауап алғанын хабарлады.

Солтүстікте аяз, батыста жаңбыр болады. Негізінен елдің көп бөлігінде түнде және таңертең тұман түседі деп болжануда. «Қазгидромет» 11 сәуірге ауа райы болжамын ұсынды.

Қазақстандағы Азия даму банкінің аға экономисі Геннадий Рау биыл инфляция төмендеп, экономикалық өсім шамамен 5% деңгейінде сақталса халықтың әл-ауқаты жақсарып, нақты табысының өскенін байқауы мүмкін екендігін айтты. 

«Өкінішке қарай, статистикаға қарасақ, табыс айтарлықтай өспеген. 2025 жылғы халықтың нақты табысы бойынша деректерді қарасақ, олар өсудің орнына тіпті аздап төмендегені де байқалды. Бұл жағдайда үкіметтің өзі де басты себеп ретінде жоғары инфляцияны атап өтті. Үкімет инфляцияны төмендету үшін қажетті шара қабылдап жатыр», – деді ол. 

Былтыр қазан айында Экономика министрлігі, Қаржы нарығын реттеу және дамыту агенттігі мен Ұлттық банк бірлесіп жұмыс жоспарын қабылдады. Оның аясында экономикадағы несиелеуд...

Жасөспірім қыз өзін сегіз жігіттің зорлағанын айтып берді. Олар қорқыту және бопсалау арқылы оны түнде үйден шығуға мәжбүрлеп, заңсыз әрекеттер жасап келген. Алматы облысының Тегістік ауылында 15 жастағы қызбен жыныстық қатынасқа түсу фактісі бойынша екі адам ұсталып, уақытша ұстау изоляторына (УҰИ) қамалды, деп хабарлады өңірлік прокуратура.

Бұған дейін заңгер Инга Иманбай мен зардап шеккен қыздың өзі баспасөз мәслихатын өткізіп, жетім қыздың екі ай бойы 16-25 жас аралығындағы сегіз жігіт тарапынан зорлық-зомбылыққа ұшырағанын айтқан болатын.

Олар мектеп оқушысын қорқытып, бопсалау арқылы түнде үйінен шығуға мәжбүрлеп, зорлап келген.

Қыз ата-анасынан айырылған, ағасы мен жеңгесінің отбасында тәрбиеленіп жатыр.

Жағдайды мектеп директоры...

Семей қаласының қылмыстық істер жөніндегі ауданаралық сотында мүгедектігі бар балаларды тәрбиелеп отырған және аз қамтылған отбасыларды алаяқтық жолмен тақырға отырғызған «Ц» қоғамдық қоры басшысының үстінен үкім шықты.

Сотта белгілі болғандай, сотталушы С. 2023 жылдан 2025 жылдың наурызына дейін халықтың әлеуметтік осал топтарымен жұмыс істей жүріп, ақша жымқырудың қылмыстық схемасын іске асырған.

Ол жәбірленушілерге мынадай жалған ақпарат берген:

Сенімге кіру үшін ол жәбірленушілерге, тіпті қор қызметкерлері мен құрылыс салушыларға пәтерлерді жалған көрсету шараларын ұйымдастырған. Алғашқы жарна немесе «демеушілік көмек...

Жерорта теңізінің орталық бөлігінде кеме апатқа ұшырап, 80-нен астам мигрант із-түзсіз жоғалғандар тізімінде тұр. Қайық Ливияның жағалаудағы Таджура қаласынан шығып, жолда аударылып кеткен, деп хабарлайды The Associated Press.

БҰҰ жанындағы Халықаралық көші-қон ұйымының (IOM) алдын ала мәліметтері бойынша, кеме Ливияның Таджура қаласынан шығып, Еуропаға бағыт алған. IOM дерегінше, бортта 120-ға жуық адам болған.

Сапар кезінде қайық қолайсыз ауа райына тап болып, ішіне су тола бастаған, соңында аударылып кеткен.

32 адам құтқарылды. Оларды сауда кемесі мен буксир бортына шығарып алып, кейін Италияның жағалау күзеті тірі қалғандарды Лампедуза аралына жеткізді. Сондай-ақ екі адамның мәйіті табылғаны белгілі болды.

Жерорта теңізі мигранттар үшін...