Жаңалықтар

FlyArystan әуекомпаниясы әуежайда тіркеуден өткен адамдардан ақы алмау туралы ұсынысты қарастырып жатыр. Бұл туралы Көлік министрлігінің азаматтық авиация комитеті төрағасы Салтанат Томпиева айтты, деп хабарлайды KursivMedia.

Кей қызметке ақы алмау ұсынылды

Томпиеваның айтуынша, FlyArystan компаниясына тариф саясатын қайта қарау туралы тапсырма берілді.

«Егде жастағы адамдар кей жағдайда телефонды қолданып, QR арқылы тіркеуден өте алмайды. Адам тіркеуден өтіп үлгермей қалса немесе онлайн тіркеуден өте алмайтын адамдарға көмектесуді тапсырдық. Мұндай көмек көрсеткен жағдайда ол үшін ақы алмау мүмкіндігін қарастыру тапсырылды», – дейді Kazahstan Travel forum-ға қатысқан комитет төрағасы.

Салтанат Томпиева қазақстандықтардың FlyArystan көрсететін қызмет сапасына...

Қайрат» футбол клубының ардагері Құралбек Ордабаев Дастан Сәтпаевтың Қазақстан ұлттық құрамасына шақырылуына байланысты туындаған жағдайға пікір білдірді.

Оның айтуынша, соңғы матч алдында жас ойыншы өзін жайсыз сезінгенімен, командаға көмектескісі келіп, бұл туралы ешкімге айтпаған. Соған қарамастан, толық ойын өткізіп, тіпті гол соққан.

«Матчтан кейін ауырсыну күшейіп, Дастан медициналық штабқа жүгінуге мәжбүр болды. Тексеру нәтижесінде сол жақ жамбас бұлшықетінде шамамен төрт сантиметрге жуық ісіну, сіңірдің созылуы мен микрожарықтар анықталды. Бұл жас ағза үшін айтарлықтай жүктеме, сондықтан дәрігерлер оған клуб базасында қалып, толық қалпына келу курсынан өтуді ұсынды. Клуб бұл жағдайды ұлттық құраманың медициналық штабымен келісіп, ресми...

Қазақстан соңғы жылдары тек смартфон мен тұрмыстық техника ғана емес, киім-кешек пен іш киімдерді де шетелге қайта экспорттай бастаған.

Energyprom ақпаратына қарағанда, бұл туралы Ұлттық статистика бюросының және Мемлекеттік кірістер комитетінің деректері көрсетеді.

Мәселен, 2024 жылы елімізден экспортталған іш киім көлемі өндірілген өнімнен бірнеше есе көп болды. Өткен жылы Қазақстанда барлығы 1,3 млн дана іш киім тігілсе, шетелге 11,1 млн дана жөнелтілген. Бұл – 3,7 есе өсім. Биылғы жеті айда да бұл үрдіс жалғасып, экспорт тағы 25,9%-ға артты.

Бұған ұқсас жағдай басқа да жеңіл өнеркәсіп тауарларында байқалады. 2024 жылы 681 мың дана сырт киім өндіріліп, 5,3 млн дана экспортталған...

QazaqGaz-дың еншілес компаниясы экологиялық талаптарды бұзғаны үшін 1,2 млрд теңге айыппұл арқалады. Ақтөбе облысының экология департаменті табиғатты қорғау прокуратурасының тапсырмасы бойынша, «Интергаз Орталық Азия» акционерлік қоғамының филиалына тексеру жүргізген.

Тексеріс нәтижесінде Шалқар ауданындағы Бозой жерасты газ қоймасында екі ұңғыма экологиялық рұқсатсыз бұрғыланғаны анықталды. Заң бойынша атмосфераға зиянды заттар шығару және қалдықтарды орналастыру үшін арнайы рұқсат қажет. Мұндай құжаттың болмауы эмиссияны заңсыз, яғни шекті мөлшерден асқан деп есептеледі және айыппұл салуға негіз болады.

Прокуратураның мәліметінше, анықталған фактілер бойынша төрт әкімшілік іс қозғалып, жалпы сомасы 1,2 млрд теңге көлемінде айыппұл салынған. Компания өз еркімен тек 20 млн теңгесін өтеген, ал қалған...

Денсаулық сақтау министрлігі баға саясатының сақталуын бақылау мақсатында дәріханаларға жоспардан тыс тексерулер жүргізеді. Бұл туралы Денсаулық сақтау министрі Ақмарал Әлназарова хабарлады.

Оның айтуынша, 2025 жылғы 1 шілдеден бастап Қазақстанда дәрі-дәрмектерді таңбалау жүйесі енгізілді, соның арқасында тұтынушылар үшін препараттардың бағасы ашық болды. Алайда жаңа ережелер күшіне енгенге дейін әкелінген дәрі-дәрмектердің қалғаны ескі бағамен сатылуда.

«Біз көтерме-бөлшек сегментінде бағаның 23%-ға төмендегенін байқап отырмыз. Бүгінде барлық дәріханаларда баға тұтынушыларға ашық көрсетілген. Ескі қорды сату үшін аздаған уақыт берілді», — деп түсіндірді министр.

Әлназарованың айтуынша, министрлік енді дәріханалардың бекітілген баға саясатын қаншалықты сақтап жатқанын бақылауға кіріспек. Ел бойынша...

Нью-Йоркте «Өрмекші әйелдің сүйісі» атты фильмнің тұсаукесері өтті. Алайда кештің басты назарында фильм емес, Дженнифер Лопес пен Бен Аффлектің қайта қауышуы болды.

Бірнеше ай бұрын ғана ресми түрде ажырасқан 56 жастағы әнші әрі актриса Дженнифер Лопес пен 53 жастағы актер, режиссер Бен Аффлек көпшілік алдына бірге шықты. Олардың бұл қадамы жанкүйерлер мен БАҚ өкілдерінің ерекше қызығушылығын тудырды.

Қызыл кілем үстінде Лопес иықтары ашық, бел тұсында өрмекші бейнесімен әшекейленген Harris Reed брендінің әсерлі көйлегін таңдаса, Аффлек классикалық стильдегі көк түсті костюм мен ақ жейде киіп келді. Екеуі өзін еркін ұстап: Бен Дженниферді белінен жаймен құшақтап тұрса, Лопес оның арқасына қолын қойып...

7 қазан күні Мексиканың астанасы Мехико әуежайында мыңдаған халық, әлемге танымал қазақстандық әнші Димаш Құдайбергенді қарсы алу үшін арнайы келген еді. Бұл Димаштың Мексика жеріне алғаш келуі.

Жанкүйерлер қазақ тілінде жазылған плакаттар ұстап, Димаштың әндерін бірге орындап, әуежай залын нағыз концерттік алаңға айналдырды. Әншіні күтіп алған сәт желіде кеңінен таралып, бүкіл әлемнің назарын аударды.

Димаш 8 және 10 қазан күндері Мехикода екі үлкен концерт өткізеді. Ұйымдастырушылардың мәліметінше, екі концертке де...

Әлемге әйгілі спорттық киім бренді Adidas үй жануарларына арналған жаңа күзгі топтамасын ұсынды. Бұл туралы HypeBeast басылымы хабарлады.

Брендтің үй жануарларына арналған киім желісі алғаш рет биыл мамыр айында шыққан. Енді adidas сұраныстың артуына байланысты киімдер үлгісін артырып отыр. Компания мәліметінше, соңғы жылдары ит пен мысыққа арналған сәнді киімдерге қызығушылық айтарлықтай өскен.

Жаңа adidаs Originals Pet топтамасы үй жануарларын «нағыз сән иконасына айналдыруды» мақсат етеді. Жинаққа логотиппен безендірілген желден қорғайтын жеңіл күртешелер, жылы жилеттер мен спорттық костюмдер кіреді.

Қазіргі уақытта adidas Originals Pet топтамасы тек Қытайда сатылады. Компания әзірге басқа елдерге шығару жоспарын жариялаған жоқ.

Израиль армиясының Газа секторына шабуылдарынан 67 мыңнан астам палестиналық қаза тапты. Шамамен 193 мың ғимарат қирады немесе зақымданды. Олардың арасында жүздеген аурухана мен мектеп бар. Мәліметтерді Reuters агенттігі жариялады.

2023 жылғы 7 қазанда ХАМАС палестиналық тобы Израильдің оңтүстігіне шабуылдады. Артынша Израиль армиясы Газа секторындағы әскери операциясын бастады. Содан бері екі жыл өтті, бірақ Таяу Шығыстағы соғыс әлі тоқтаған жоқ.

Газа секторындағы адам шығыны

Палестина денсаулық сақтау министрлігінің мәліметінше, 2023 жылғы 7 қазаннан бері Газада 67 мыңнан астам адам қаза тапты. Олардың шамамен үштен бірі 18 жасқа толмаған балалар.

Министрлік адамдарды содыр немесе бейбіт халық деп бөлмейді. Бұған...

Енді банк картасын 500 мың теңгеден көп сомаға толтыратын кезде ЖСН жазуды сұрайды. Бұл туралы Қаржылық мониторинг агенттік төрағасының орынбасары Қайрат Бижанов хабарлады.

Оның түсіндіруінше, қаржыны заңсыз айналымға шығару үшін банкоматтардан қолма-қол ақша шешіп алу әлі де пайдаланады.

«Мұндағы негізгі осалдық – жіберуші мен алушыны тиісінше сәйкестендірместен жасырын операциялар жүргізу мүмкіндігі. Ондай операциялар көбінесе басқа адамдардың карталарын, номинал иелердің атында тіркелген карталарды пайдалану арқылы жүзеге асады. Қауіпті азайту үшін агенттік реттеушімен бірге іс жүзінде қолданылатын шешімдер пакетін әзірледі. Ең алдымен, картаға 500 мың теңгеден асатын ақша салынғанда енді жіберушінің ЖСН-нын міндетті түрде көрсету қажет болады...

Қазақстанда жылына 75 мың аборт жасалады. Денсаулық сақтау министрі Ақмарал Әлназарова бұл көрсеткішті төмендету үшін емханаларда тегін контрацептив таратылады деп мәлімдеді.

«Бүгінде Қазақстанда жыл сайын 75 мың аборт жасалады екен. Әрине, қазіргі заманауи отбасын жоспарлау тәсілдері бар кезде, біз бұл көрсеткішті төмендетуге жұмыс істеуіміз керек. Өйткені әрбір аборт – әйелдің денсаулығы мен өміріне төнген қауіп», – деп атап өтті Ақмалар Әлназарова Үкімет отырысында.

Оның сөзінше, қазір жағдайды реттеу үшін мемлекеттік емханалар әлеуметтік әлжуаз топтағы әйелдерге бала көтерудің алдын алатын дәрі таратады. Бірақ министрлік басшысы оның өзі түсік деңгейін төмендету үшін жеткіліксіз болып тұрғанын мойындайды.

Шымкенттегі Жібек жолы көшесінде жүргінші әйел 103 бағыттағы қоғамдық көліктің астына түсіп мерт болды. Қалалық полиция департаментінің алдын ала дерегі бойынша, марқұм белгіленбеген жерден жолды кесіп өтпек болған. Ол алған жарақатынан оқиға орнында қайтыс болды.

«Қоғамдық көліктің қатысуымен болған жол-көлік оқиғасы бойынша қылмыстық іс қозғалды. Қазіргі таңда оқиғаның барлық мән-жайын анықтауға бағытталған кешенді тергеу әрекеттері жүргізілуде» деп хабарлады қалалық полиция департаменті.

Қалалық полиция департаментінің дерегінше, биыл қазан айына дейін Шымкентте түрлі жол-көлік оқиғасынан 47 адам қайтыс болған. Ал өткен жылы 67 адамның өмірі қиылған.

2026 жылы Қазақстанда электрондық денсаулық паспорттары қолжетімді болады. Осының арқасында қазақстандықтар зертханалық талдаулардың нәтижелерін, диагноздарды, дәрігер тағайындауларын және емделу тарихын онлайн режимде көре алады. Бұл туралы Денсаулық сақтау министрі Ақмарал Әлназарова мәлімдеді.

Оның айтуынша, жаңа жүйенің негізі біртұтас медициналық деректер қорынан тұрады. Оны іске қосу 2025 жылдың желтоқсан айына жоспарланған. Сол кезде азаматтарға өздерінің электрондық денсаулық паспорттарына қолжетімділік беріледі.

Сонымен қатар, Қазақстандағы ауруханаларда жасанды интеллект (ЖИ) технологиялары енгізілуде. Олар дәрігерлерге КТ, МРТ және рентген суреттерінен ауыр ауру белгілерін жылдам анықтауға көмектеседі.

Дегенмен, жасанды интеллект дәрігердің орнын алмастырмайды, ол тек шешім қабылдауды қолдап, медицинаны қолжетімдірек етеді. Кейбір емханаларда ЖИ ассистенттері дәрігерлерд...

Қазақстанда кейінгі жылдары көлеңкелі экономика үлесі 16%-ға дейін төмендегенімен, кәсіпкерлердің салықтан жалтаруы қысқармай тұр. Мәселен 260 мыңға жуық жеке кәсіпкер бір ай бойы күніне тек бір чек шығарып келген. Бұл туралы Қаржы министрі Мәди Такиев мәлімдеді.

2024 жылы 402 мыңға жуық бақылау-кассалық машинасы немесе тіркелгендердің 39 % чек бермегені анықталған.

«Сонымен қатар 16 755 бақылау-кассалық машина POS-терминалдар мен QR-төлемдер бойынша түсімдер болғанымен чек берілмеген. Бір ай бойы күніне тек бір ғана чек шығарып келген немесе түсімнің бірдей сомасын көрсетіп келген, 260 мыңға жуық салық төлеуші анықталды», – деді министр.

Биыл салық орғандарының тиіст...

Қазақстандық дәрігерлер науқасты қабылдап, қарауға берілетін 15 минуттың жеткіліксіз екенін айтып шағымданып жатыр. Олар бұл уақыттың басым бөлігі Damumed-ті толтыруға кететінін айтады. Журналистер бұл сұрақты министр Ақмарал Әлназароваға да қойып көрді.

Денсаулық сақтау министрі науқасты қарау уақытын ұзарту мәселесімен 2024 жылдан бері айналысып келе жатқанын айтады. Былтыр бірнеше медициналық-ақпараттық жүйелерді біріктіргеннің арқасында дәрігерлердің жұмыс уақыты 40 пайызға азайды деп сендірді.

«Екінші мәселе, орта буын медицина қызметкерлеріне осы жұмыстарды жүктеу мәселесі бұйрықпен бекітілді. Бүгінгі таңда барлығын жасадық деп айта алмаймыз, себебі әлі де жұмыс көп. Жыл аяғына дейін қазақстандықтардың барлық деректері үлкен ұлттық қоймаға жинақталуда. Бүгінгі таңда...

Қаржылық мониторинг агенттігі төрағасының орынбасары Қайрат Бижанов блогерлердің онлайн-казино жарнамалауына қатысты қылмыстық жауапкершілік енгізуді ұсынды. Бұл туралы Үкімет отырысында мәлімдеді.

Бижановтың айтуынша, соңғы уақытта блогерлердің онлайн-казиноны жарнамалауы жаппай сипат алып, қоғамда ойынқұмарлық тәуелділіктің артуына себеп болып отыр.

«Онлайн-казино жарнамалаған блогерлер саны көбейіп барады. Көпшілігі заңды білсе де, жүйелі түрде елемейді. Қолданыстағы әкімшілік айыппұлдар олардың табысымен салыстырғанда тым төмен. Сондықтан мұндай әрекетке қылмыстық жауапкершілік қарастыру қажет», — деді ҚМА өкілі.

Агенттіктің дерегінше, қазіргі таңда 18 блогер әкімшілік жауапкершілікке тартылған, ал бас-аяғы 37 инфлюенсер онлайн-казино жарнамалаған.

Бижанов атап өткендей, ұсынылып отырған өзгеріс қаржы пирамидаларын жарнамалауға қарсы қолданылып...

Шетелге тур сатып алған азаматтар 2026 жылы тағы төрт қалада туристік кодты тексере алады. Бұл туралы «Туристік қамқор» корпоративтік қорының директоры Асылхан Есілов Kazakstan Travel Forum-да айтты.

Қазір азаматтар үш қаладағы әуежайда туристік кодты жылдам тексере алады.

«Бірінші кезеңде туристерге туркодты тексеру оңай болу үшін Алматы, Астана және Шымкенттегі әуежайларға арнайы монитор қойылды. Екінші кезеңде Ақтөбе, Қарағанды, Атырау және Ақтаудағы әуежайларға арнайы техника қойылады. Жоспар бойынша бұл жұмыстар 2026 жылдың көктемінде орнатылады», – дейді Есілов.

Туркод –  саяхатқа немесе турпакетке берілетін код. Ол туроператорлар мен агенттіктер жүйесінде турды, тапсырысты немесе броньды анықтау үшін қолданылады.

Алматыға қашан жылу беретіні белгілі болды. Мегаполисте жылыту маусымы биыл әдеттегіден ертерек басталады. Өйткені күн суыта бастады.

Алматы қаласы әкімі кеңесшісі Ильзат Акчуриннің айтуынша, 8 қазаннан бастап әлеуметтік нысандарға жылу беріледі

Тұрғын үйлерді орталық жылу жүйесіне қосу 10 қазаннан басталады.

Алматыда ауа температурасының күрт төмендеуіне байланысты қала әкімі Дархан Сатыбалдының тапсырмасымен жылыту маусымын әдеттегіден ертерек бастау туралы шешім қабылданды. 8 қазаннан бастап қалада орталық жылыту жүйесіне қосылу жұмыстары басталады.

Жылу, ең алдымен, балабақша, мектеп және медициналық мекеме сынды әлеуметтік нысандарға берілмек. Бұл туралы Алматы қаласының Энергетика және сумен жабдықтау басқармасы хабарлады.

«Тұрғын үйлерді орталық жылу жүйесіне қосу 10 қазаннан...

Жаңа бақылау жүйесі енгізілгеннен кейін, Қазақстандағы ауруханаларда жалған тіркеу фактілері көбейіп кетті. Статистикамен алар болсақ, өткен жылмен салыстырғанда мұндай деректер 19 есе артқан. 2025 жылдың қыркүйегінде 502 млн теңгеге бұзушылықтар анықталды. Бұл туралы Әлеуметтік медициналық сақтандыру қоры басқарма төрағасы Айдын Құлсейітов мәлімдеді.

Жалған тіркеулер

Айдын Құлсейітовтің айтуынша, жалған тіркеу санының өзі де 17 есе азайған.

«Маусым айындағы пилоттық кезеңде жалған тіркеулер анықталған медициналық ұйымдардың үлесі 44% болса, тамызға қарай бұл көрсеткіш 18%-ке дейін төмендеді. Әсіресе, ірі бұзушылықтар санатында нәтиже айқын байқалады. Маусымда 43 ұйым 200 АЕК-тен асатын жалған тіркеулерге жол берсе, тамызда олардың саны...

Қазақстан футбол федерациясы Лихтенштейн және Солтүстік Македонияға қарсы өтетін ойындарға шақыртылған ұлттық құраманың нақты тізімін жариялады.

Басты жаңалық блогер Мерей Әбілованың жұбайы, қорғаушы Дінмұхамед Қашкен құрамаға шақырту алған. Бұл шешім әлеуметтік желілерде талқыға түсті.

Көптеген жанкүйер Қашкеннің маусым бойғы көрсеткіштері ұлттық құрама деңгейіне сай еместігін айтып, Еркін Тапалов пен Александр Мрынский секілді тұрақты ойнап жүрген қорғаушылардың шақырылмағанына наразылық білдіріп отыр.

25 жастағы Қашкен биылғы маусымда барлығы 12 матч өткізген: оның 5-ін «Ұлытау», 7-сін «Жетісу» сапында. Гол мен нәтижелі пас тіркелмеген. Соған қарамастан, қорғаушы алдағы ойындарға қатысуға мүмкіндік алды.

Айта кетсек, қазіргі таңда ұлттық құраманың бас бапкері міндетін атқарушы Талғат...

Миллиардер Александр Беловичтің компаниясы Алматы облысында ірі қойма салды. BAZIS компаниялар тобының құрамына кіреті Focus Logistics компаниясының «Focus Aksengir» логистикалық паркі ашылды. Бұл туралы Алматы облысы әкімдігі хабарлады.

Focus Logistics компаниясының құрылтайшысы – Bazis Holding Company. Ал бұл компанияның түпкі иесі – миллиардер Александр Белович. Bazis компаниясын Александр ұлы Павелмен бірге басқарады. Forbes нұсқасы бойынша Беловичтер отбасы 2025 жылы Қазақстанның ең бай кәсіпкерлері тізімінде 15-орында тұр. Олардың байлығы 681 миллион доллар деп бағаланған. Ал 2024 жылы Белович «ең ірі рантье» (жылжымайтын мүліктен табыс табатын тұлғалар) рейтингінде 5-орынға ие болған.

70 млрд теңгелік инвестициялық жоба

Астанада салынып жатқан Ellington туристік ауданы құрылысы 2028 жылға қарай аяқталуы мүмкін. Бұл туралы қаланың инвестициялар және кәсіпкерлікті дамыту басқармасы басшысы Халел Әкімжанов айтты.

«Қалада ең үлкен сауда ойын-сауық орталығы салынып жатыр. Ол жерде аквапарк болады. Құрылысы 2-3 жылда аяқталады деп жоспарланған. Шетелдік компания өз қаражатына салынып жатыр, бюджеттен ақша бөлінбеген. Әкімдік тарапынан су, кәріз инфрақұрылымын тарту бойынша көмек көрсетіліп жатыр», – дейді Әкімжанов.

Бұған дейін қалада көпфункционалды туристік аудан құру инвестиция жобасын іске асыру мақсатында Астана әкімдігі мен «Ellington Group KAZ» Ltd компаниясы арасында меморандумға қол қойылды. Жоба құны шамамен 1 млрд доллар

Қазақстанда 2025 жылдың өзінде 13,2 трлн теңге заңсыз ақшаны банкоматтардан шешіп алған. Қаржылық мониторинг агенттігі төрағасының орынбасары Қайрат Бижанов Үкімет отырысында осындай мәліметті жариялады.

Шенеуніктің айтуынша, заңсыз операциялар көрсеткіші биыл 1 трлн теңгеге артты.

«Заңсыз ақшаны шығару үшін банкоматтарды қолдану өзекті мәселеге айналды. Қолданған шараларға қарамастан, заңсыз операциялар көлемі артып барады. Биыл ғана 13,2 трлн теңге қолма-қол ақша шешіп алынған. Бұл былтырғыға қарағанда 1 трлн теңгеге көп», – дейді Бижанов.

Агенттіктің мәліметінше, 2024 жылы заңсыз операциялардан түскен 12,2 трлн теңге шешіп алынған.

Бижановтың айтуынша, мұндай операциялар өзгенің картасын қолдану арқылы жүзеге асып жатады. Соған байланысты...

Денсаулық сақтау министрі Ақмарал Әлназарова сақтандырылмаған қазақстандықтар қандай скринингтерден тегін өте алатынын айтты.

Министрдің мәлімдеуінше, келесі жылы 1 қаңтардан бастап қан айналым жүйесінің аурулары, қант диабеті, глаукома, вирусты гепатиттерді ерте анықтауға арналған скринингтер нысаналы санаттағы барлық сақтандырылмаған адамға тегін болады.

Сондай-ақ Әлназарова созылмалы аурулары бар пациенттерге динамикалық бақылау жетілдірілгенін атап өтті. Бұдан бөлек бастапқы медициналық-санитариялық көмек дәрігерлерінің қабылдау уақыты ұлғайтылды, жоспарлы қабылдаулар енгізілді және мейірбике ісінің құзыреті кеңейтілген.

«МСАК жанынан жедел жәрдем кабинеттері ашылып, жедел медициналық жәрдемнің 4-санаты МСАК жұмыс уақытында көрсетілетін болды. Скринингтер (медициналық тексерулер) егде жастағы адамдар үшін (76 жасқа дейін) кеңейтіліп, , ол қосымша...