Жаңалықтар

Маусым ауысқан сайын тренд те өзгеріп отырады. Тіпті былтыр күзде сән болған киімдер мен әшекейлер биыл ескіріп қалуы мүмкін. Минимализм мен саналы тұтыну ережелерін ұстанатындар гардеробын жаңартуға ұмтыла қоймас. Ал енді сәнқой бойжеткендер мен әйелдер трендтен алыстамауға тырысады. Олай болса, сән әлеміндегі тенденцияларға тоқтала отырып, 2025 жылғы күзгі образдар туралы топтама дайындадық. Оқырманға кішігірім спойлер болсын: тіпті минимализм ұстанатын болсаңыз да, трендтегі кей киімдер үйіңізден табылуы ғажап емес. Өйткені бұрынғы үлгілер уақыт өте жаңартылып, қайта сәнге айналып отырады.

Сырт киімдерді қалай таңдаймыз?

1. Пальто-халат пен классикалық тренч
Бұл сырт киімдерсіз күзді елестету мүмкін емес. Биылғы трендте халат сияқты пальто...

«Қазгидрометтің» хабарлауынша, алдағы күндері елдің көптеген өңірінде күн ашық болады. Алайда шығыстағы аймақтарда -13 градусқа дейін аяз болады деп болжанды.

Осы аптада Қазақстанның басым бөлігіне солтүстік-батыс антициклоны әсер етеді. Соған байланысты жауын-шашынсыз, күн ашық болады.

Республиканың солтүстігі мен шығысында ғана жаңбыр мен қар жаууы мүмкін. Ел аумағында жел күшейіп, тұман түседі. Ал оңтүстік-батыста, оңтүстікте шаңды дауыл тұрады.

Түнгі уақытта солтүстік және орталық өңірлерде ауа температурасы 1–7 градус аязға дейін төмендейді. Күндіз 4–16 градус жылы болады.

Шығыс өңірлерде түнде ауа температурасы 5–13 градус аязға дейін төмендеп, күндіз 3–11 градус жылы болады деп болжанды.

Қалған өңірлерде ауа температурасы біртіндеп жоғарылайды.

Ватиканның бас дипломаты Израильдің Газа секторындағы «қанды қырғынын» қатаң сынады. Кардинал Пьетро Паролин армия ХАМАС содырларын емес, қорғансыз халықты қырып жатыр деп есептейді. Бұл туралы Reuters хабарлайды.

Рим папасы Левтің бас орынбасарларының бірі саналатын кардинал Ватикан ақпарат агенттігіне сұхбат берді. Мәлімдеме 2023 жылғы 7 қазанда ХАМАС тобының Израильге шабуылына екі жыл толуына орай жарияланды.

«Израиль армиясы ХАМАС содырларын жою үшін жүргізіп отырған соғысы әбден қалжыраған, үйлері үйіндіге айналған мекенде тұруға мәжбүр қорғаныс халыққа қарсы бағытталғанын мойындағысы келмейді», – дейді Паролин.

Ол халықаралық қауымдастықтың, өкінішке қарай, осы қырғынды тоқтата алмай отырғанын, ал шамасы жететін елдер...

Ақтөбе облысының Алға ауданында ірі цемент зауытының құрылысы басталды. Жоба құны – 120 млрд теңге. Оны West China Cement ірі қытай цемент компаниясымен бірге жүзеге асырып жатыр.

Кәсіпорын жылына 2 миллион тонна цемент өндіруге қауқарлы. Нысан құрылысы 2026 жылдың соңына қарай аяқталады деп жоспарланған.

Жобаға мыңға жуық жұмысшы тартылды. Қазір инженерлік желілер орнатылып, қызметкерлерге арналған жатақхана құрылысы жүріп жатыр. Ал зауыт іске қосылғанда, кәсіпорында 500 тұрақты жұмыс орны ашылады.

«Осы жоба цемент импортына тәуелділікті азайтып, ішкі нарықты құрылыс материалдарымен тұрақты қамтамасыз етуге мүмкіндік береді. Ең бастысы – құрылыс кестеге сай және барлық технологиялық талаптарды сақтай...

Сот Түркістан облысы Қазығұрт ауданында 8-сынып оқушысын азғындық жолға түсірген мұғалімді бас бостандығынан айырды.

Істі Түркістан облыстық қылмыстық істер жөніндегі мамандандырылған ауданаралық соты қараған. Сотталушы Қазығұрт ауданы Атажұрт ауылындағы Бауыржан Момышұлы атындағы мектептің дене шынықтыру пәні мұғалімі Айбек Алауов «Он алты жасқа толмаған адамдарды азғындық жолға түсіру» бабымен кінәлі деп танылды. Ол 12 жыл 6 айға бас бостандығынан айырылды. Оған қоса педагогикалық және кәмелетке толмағандармен жұмыс істеуге байланысты лауазымдарды атқару құқығынан өмір бойына айырды.

Сотталушы жазасын қауіпсіздігі орташа түзеу мекемесінде өтейді. Оның бұған дейінгі түрмеде отырған бір күні жаза мерзімінің бір жарым күніне есептелетін болды.

«Сот ісі бойынша барлы...

Абай облысы, Үржар ауданына қарасты Бестерек ауылындағы жол апатынан зардап шеккен тоғыз жастағы қыз қайтыс болды. Ол шағын ауылдағы апаттан көз жұмған төртінші бала.

Үржар аудандық ауруханасы бас дәрігерінің орынбасары Мадина Ноғайбаеваның Kursiv.Media тілшісіне хабарлауынша, оқушы қыз жол апатынан кейін комада болған. Жағдайын жақсарту мақсатында оны ауданнан Семей қаласына жеткізген. Алайда бала ауыр қалден шыға алмай, ауруханада көз жұмды.

Естеріңізге сала кетейік, 19 тамызда Toyota көлігін басқарған адам екі отбасының балаларын қағып кеткен. Бір отбасы осы оқиғадан үш баласынан айрылды. Екінші отбасы үш жастағы құлыншағын жерледі, ал Айерке мен Ерәділ есімді екі балалары аман қалды.

Жол апатынан қатты зардап...

Бизнесмендер Genesis автокөліктерін таңдайды: Қазақстанда неге «байыпты салтанат» көңілді баурап алуда.

9-11 қазан аралығында Алматыда өтетін New Vision форумында әлемнің жетекші бизнес көшбасшылары мен сарапшылары бас қосады. Astana Motors құрамындағы Genesis автобренді іс-шараның серіктесі атанды. Дәл осы автокөліктермен Booking.com негізін қалаушы Джефф Хоффман, Apple компаниясының маркетинг жөніндегі бірінші директоры және Electronic Arts (EA Sports) Трип Хокинс, жазушы әрі гуманист Робин Шарма, форумның басқа VIP қонақтары мен спикерлері қала ішінде қозғалады. Ал форум спикері, Astana Group негізін қалаушы Нұрлан Смағұлов Genesis G90 LWB көлігімен келеді.

Қазақстан – Genesis-тің стратегиялық  таңдауы

Astana Motors құрамындағы Genesis Auto Kazakhstan дистрибьюторы 2024 жылғы...

Қостанай облысы Амангелді ауданы әкімдігі Салтанат Нүкенованың есімі жазылған тақтаға қатысты ақпарат таратты.

Бұған дейін Салтанат Нүкенованың есімі «Амангелді» туристік кешеніндегі мемориалдық тақтаға жазылғаны, оның Қазақстан тарихына ықпал еткен тұлғалар қатарына енгізілгені айтылды.

Әкімдік «Салтанат Нүкенова есімі жазылған тақта «Ұлттық жады қабырғасы» мемориалында орналасқан» деген ақпаратты жоққа шығарды.

Ресми ақпаратқа сәйкес, 2020 жылдан бастап Амангелді ауылында меценаттың бастамасымен көпфункционалды туристік кешеннің құрылысы жүргізіліп келеді. Ол жерде «Ұлттық жады қабырғасы» атты мемориалды қабырға бар. Оған тарихи тұлғалардың есімдері жазылған 296 ескерткіш тақта орнатылған. Қазір ол әкімдікке тиесілі.

Ал Салтанат Нүкенованың аты жазылған тақта «Ұлттық жады қабырғасына» қатысы жоқ жабық нысанға...

Талдықорғанда 7 қазаннан бастап жылыту маусымы басталады деп хабарлайды қала әкімдігі.

Ең алдымен жылу мектеп, балабақша, аурухана тәрізді әлеуметтік маңызы бар нысандарға беріледі.

Қала бойынша жылу жүйесімен 750 көпқабатты тұрғын үй, 1 285 жеке тұрғын үй, 210 бюджеттік ұйым және 1 322 коммерциялық нысан қамтылады.

«Жылу беру жұмыстарына байланысты барлық қауіпсіздік шараларын қатаң сақтап, жылу батареяларын мұқият тексеріп, негізгі талаптарды орындауларыңызды сұраймыз», – деп ескертеді әкімдіктен.

28 қыркүйектен бастап Астанада, 6 қазаннан бастап Таразда жылу беру маусымы басталды.

Әзірге Алматыға қашан жылу берілетіні хабарланған жоқ. Әкімдіктің түсіндіруінше, даладағы температура +8°С немесе...

Қазақстандықтар үшін кредит алу барған сайын қиындай түспек. Өйткені несие пайызы қымбаттап, банктер клиентке қоятын талабын күшейтеді. Мұндай тұжырымды Қазақстан қаржыгерлер қауымдастығының (ҚҚҚ) сарапшылары жасады.

Олардың айтуынша, қазір қаржы жүйесіне қысым түсіріп отырған басты екі фактор бар: жоғары пайыздық мөлшерлеме мен банктердің ең төменгі резервіне қойылатын талаптардың күшеюі. Бұл жағдай банктердің таза пайдасын қысқартып, несие беруін азайтады.

Қауымдастық шолуында атап өтілгендей, қазіргі кезде кредит пен депозит бойынша мөлшерлемелердің айырмасы азайып барады. Бұл жайт банктерді қарыз беруде барынша сақ саясат ұстануға мәжбүрлейді.

2025 жылдың үшінші тоқсанында нақты мөлшерлеме көктемдегі 7,1%-дан 3,6%-ға дейін төмендеді. Бұл көрсеткіш соңғы он жылдағы орташа деңгейге...

Соңғы жылдары білім беру саласындағы мұғалімдердің табысы өскенімен, инфляцияны ескерсек, нақты табыс керісінше төмендеп отыр.

Мәселен, пандемия жылдары педагогтердің жалақысында айтарлықтай өсім байқалған болатын. 2020 жылы – 31%, 2021 жылы – 24,1%. Бұл кезеңде ел экономикасындағы орташа өсім сәйкесінше 14% және 17,5% болды.

Алайда кейінгі жылдары бұл қарқын бәсеңдеп, инфляцияның шынайы әсері байқала бастады. 2025 жылдың алғашқы жартыжылдығында білім саласындағы кей маман иелерінің табысында шамалы өсім тіркелсе, кейбірі керісінше төмендеген. Мәселен:

Кәсіби күйзеліс...

Өзбекстан футбол қауымдастығы 2006 жылғы әлем чемпионы, «Алтын доп» иегері, әйгілі италиялық қорғаушы Фабио Каннаваромен келісімшартқа қол қойды.

Футбол тарихындағы ең мықты қорғаушылардың бірі саналған Каннаваро үш бірдей әлем чемпионатына қатысып, 2006 жылы Италия құрамасымен бірге Әлем біріншілігінің жеңімпазы атанған. Сол жылы ол футболшыларға берілетін ең беделді марапат «Алтын допты» иеленді.

Енді әйгілі маман Өзбекстан ұлттық құрамасын АҚШ, Канада және Мексикада өтетін 2026 жылғы футболдан Әлем чемпионатына дайындайды.

Еске сала кетейік, Өзбекстан құрамасы тарихында алған рет футболдан әлем чемпионатына жолдама алған еді.

Шығыс Қазақстан облысында Зайсан әуежайы 2026 жылы ашылады. Бұл туралы облыс әкімдігінің баспасөз қызметі Kursiv.Media ресми сауалына берген жауабында мәлімдеді.

Әуежай аумағындағы нысандар

Ресми ақпарат бойынша 184,6 гектар жер телімі әуежай салуға берілген. Инженерлік желі үшін қосымша жер де бөлінген.

Әуежай аумағында ұшу-қону жолағы, 4 ұшаққа арналған перрон, сағатына 150 жолаушы өткізу мүмкіндігі бар жолаушылар терминалы, команда-диспетчер пункті, апат-құтқару қызметі ғимараты және өндіріс-техника нысаны болады.

Үкіметтің баспасөз қызметі бұған дейін ұшу-қону жолағы ұзындығы 2200 метр болатынын хабарлады. Бұл әуежай аймағында Bombardier Q400, ATR-72 және басқа да ұқсас типтегі ұшақтарды қабылдауға мүмкіндік береді.

Құрылыс қалай...

Қазақстанның бірінші ракеткасы Александр Бублик 11–19 қазан аралығында Алматыда өтетін ATP-250 санатындағы Almaty Open-2025 турнирін өткізіп алады. Бұл туралы Қазақстан теннис федерациясы хабарлады.

Ұйымның мәліметінше, Бубликтің жарыстан шеттетілуіне Ханчжоудағы финалда алған жарақаты себеп болған. Жарақаттың салдарынан Пекиндегі және Шанхайдағы турнирлерде толыққанды өнер көрсете алмай, алғашқы айналымдарда ұтылып қалған еді.

Медициналық штаб Александрға жүктемені азайтып, жарақаттың нақты сипатын анықтау және қажетті оңалту шараларын жүргізу үшін шұғыл тексеруден өтуді ұсынды, – делінген ресми хабарламада.

Еске сала кетейік, бұған дейін біз Almaty Open-2025 жарысына қатысатын теннисшілер тізімін жариялаған болатынбыз.

2025 жылғы физиология және медицина саласындағы Нобель сыйлығы иегерлері анықталды. Оны америкалық ғалымдар Мэри Брункоу мен Фред Рамсделлге, сондай-ақ жапон зерттеушісі Симон Сакагутиге берді. Бұл туралы Нобель комитеті хабарлады.

«Олар адам ағзасына иммундық жүйенің өзі зиян келтірмеуін қамтамасыз ететін шеткі иммундық толеранттыққа қатысты революциялық жаңалықтары үшін марапатталады», – деп жазылған комитеттің ресми хабарламасында.

Шеткі иммундық толеранттық – иммундық жүйедегі маңызды тетік.

Кейде аутоиммундық ауру кезінде иммунитет өз ағзасындағы жасушаларға шабуыл жасайды. Шеткі иммундық толеранттық соны болдырмай, аутоиммундық аурулардың алдын алады. Ал онымен айналысатын ағзадағы Т-лимфоциттер (Tregs). Америкалық және жапон ғалымдары осы Т-лимфоциттерін анықтады...

ҚР Ғылым және жоғары білім министрі Саясат Нұрбек Қазақ спорт және туризм академиясының студенті, жас қақпашы Шерхан Қалмырзамен кездесті.

Кездесу барысында министр бұқаралық спорттың қоғамдағы маңызы мен жоғары білімнің жастардың болашағын қалыптастырудағы рөлін атап өтті.

«Мемлекет басшысы балалардың денсаулығы мен сапалы білім алуына ерекше мән береді. Бұл – еліміздің келешегіне тікелей қатысы бар мәселе. Біз жастарды жан-жақты қолдап, олардың әлеуетін ашуға және елдің халықаралық беделін арттыруға жағдай жасап келеміз. Әр спортшы халықаралық стандарттарға сай білім алуы тиіс. Бұл оларға тек спорттағы жетістікке емес, өмірдің басқа салаларында да табысқа жетуге мүмкіндік береді. Шерханның жетістіг...

Қазақстанда 2025 жылдың 6 айында қолма-қол ақшасыз төлемдердің көлемі 100,7 трлн теңгеге жетіп, бір жылда 20%-ға артты. Ұлттық Банктің мәліметінше, барлық транзакцияның 98%-ы қолма қол ақшасыз форматта жасалған, ал QR-код арқылы төлемдер POS-терминалдарды басып озды.

Ұлттық Банктің төлем жүйелері арқылы жалпы 746 трлн теңгеге 54,6 млн операция орындалды. Бұл өткен жылмен салыстырғанда көлемі бойынша 9,2%-ға, саны жағынан 34%-ға көп.

Бірінші жартыжылдықта халық төлем карточкалары мен банктердің мобильді қосымшаларын белсенді қолданған. Әр қазақстандыққа орта есеппен төрт төлем картасынан келеді, оның екеуін тұрақты қолданады.

Сонымен бірге халықаралық ақша аударымдары қысқарды: шетелге жіберілген қаражат көлемі 16%-ға азайып, 321 млрд теңгені құрады...

«Дорстройтрест» құрылыс компаниясының басшысы Ерден Нұрабаев жеті жылға сотталды. Ал «Samruk-Kazyna Construction» топ-менеджері Асқар Құсайынов қашып жүр.

Қаржылық мониторинг агенттігінің хабарлауынша, Нұрабаев Астана қаласында «Көк Төбе» көппәтерлі тұрғын үй кешені құрылысына бөлінген бюджет қаражатын жымқырды деп танылды. Агенттік мәліметінше, «Samruk-Kazyna Construction» мен «Дорстройтрест» арасында құрылысқа инвестиция тарту туралы шарт жасалып, мердігерге 2,6 млрд теңге аванс аударылған.

«Алайда құрылыс жұмыстары тиісті талаптарға сәйкес жүргізілмей, белгіленген мерзімде аяқталмаған. Аванстың едәуір бөлігі құрылысқа қатысы жоқ қарыздарды өтеуге және автокөлік сатып алуға жұмсалған», – деп хабарлайды құзырлы мекеме.

Бұдан бөлек, 650 млн теңге жалған шарттар арқылы сыбайлас компанияларды...

Air Astana президенті Питер Фостердің жұбайы Татьяна Фостер әуе билеттерінің неге қымбат екендігін түсіндірді.

Фостердің айтуынша, Air Astana көптен бері толықтай мемлекеттік құрылым емес. IPO-дан кейін компания өзін-өзі қаржыландыратын акционерлік қоғам ретінде жұмыс істейді. Мемлекет әуекомпанияны тікелей қаржыландырмайды, барлық шығындар өз кірісінен жабылады.

«Air Astana субсидия алмайды, бюджет есебінен өмір сүрмейді және шығындарын мемлекетке жүктемейді. Компания өз табысын өзі табады, акционерлерге (оның ішінде „Самұрық-Қазынаға“) дивиденд төлейді және пайдасын қайтадан техникаға, қауіпсіздікке инвестициялайды », – деп жазды ол инстаграм парақшасында.

Татьяна Фостердің сөзінше, Air Astana табысының елеулі бөлігі ұшақ сатып алу мен лизингке жұмсалады...

Елімізде үш ай бойы жұмыс істемеген азаматтар есепке алынады. Бұл өзгеріс 2026 жылдың 1 қаңтарынан бастап күшіне енеді. Әрі қарай деректер Міндетті әлеуметтік медициналық сақтандыру (МӘМС) жүйесіне беріледі. Бұл туралы Үкімет қаулысында айтылған.

Бұл шешім жеңілдігі бар азаматтарды нақты есепке алу және әлеуметтік қызметтердің сапасын арттыру мақсатында қабылданған. Барлық дерек МӘМС жүйесіне жіберіледі.

Мәліметтер тек қазақстандықтар бойынша емес, шетел азаматтары, оның ішінде ЕАЭО елдерінен келген еңбек мигранттары мен олардың отбасы туралы да жинақталады. Тізімге жұмыссыз ретінде тіркелгендер, мүгедектігі бар баланы тәрбиелеп отырған жұмыс істемейтін ата-аналар, І топтағы мүгедектігі бар адамға күтім жасайтын азаматтар, зейнеткерлер мен ардагерлер кіреді.

Жұмыс істемейтін...

Әлемде геосаяси ахуал нашарлаған сайын, алтын мен криптовалюталар құны жоғарылап жатыр. Өйткені инвесторлар активін аман сақтап қалудың амалын іздеп, сенімді қаржы құралдарын көптеп сатып алады. Соның арқасында биткоин (BTC) тағы бір тарихи межені бағындырды.

Айналдырған бір аптаның ішінде бірден 10 мың долларға қымбаттаған BTC құны жексенбі күні 125 мың доллардан асты. Биткоин осындай биік межеге алғаш рет көтеріліп отыр. Биыл жазда оның 120 мың долларды бағындыруының өзі қаржы саласында елеулі оқиғаға баланған.

Криптовалюталардың төресі – Bitcoin қазір шамамен 124 мың доллардың шамасында саудаланып жатыр. Құны көтерілген сайын, оның нарықтағы жалпы капиталы да арта түседі. Қазір ол 2 трлн...

Қазан айында Отбасы банк жалдамалы тұрғын үйді үлестіру процесін бастайды. Енді кезекте тұрған азаматтар банк сайтында өз деректерін растауы қажет. Егер табыс туралы мәліметтер жаңартылмаса, бағдарламаға қатысушыға пәтер берілмей қалуы мүмкін.

Бұл тұрғын үй реформасы аясында жүзеге асуда. Реформаға сәйкес пәтерлер азаматтардың кезекке тұрған күні мен табыс деңгейіне байланысты үлестіріледі.

Үлестіруге қатысу үшін кезекте тұрған азаматтар orken.otbasybank.kz порталы арқылы жеке деректерін жинауға және өңдеуге келісім беруі қажет.

Бұл орайда Өнеркәсіп және құрылыс министрлігі азаматтарға келісім беру және кезек мәртебесін тексеру жолдарын түсіндіретін толыққанды видео-нұсқаулық жариялады.

Егер қандай да бір қиындықтар туындаса, қазақстандықтар ХҚКО-дағы өзіне-өзі қызмет көрсету аймақтарынан немесе Отбасы банкін...

Әйгілі актер, режиссер Джеки Чанның Алматыға жасаған көп талқыланған сапарының сыры ашылды. Белгілі болғандай, бұл келу «Құдай сауыты: Үкім» («Доспехи Бога: Ультиматум») атты культтік франшизаның жаңа түсірілімдерімен байланысты екен.

Аңызға айналған киноның төртінші бөлімі Қазақстанда түсірілмек. Миллиондаған көрерменнің көңілінен шыққан «Құдай сауыты» сериясының жаңа фильмі еліміздің табиғаты мен мәдениетін халықаралық аренада кеңінен танытуға мүмкіндік бермек.

Еске сала кетейік, қыркүйек айының соңында Джеки Чан Алматыға келіп, Salem Entertaiment өкілдерімен кездескен еді.

Қыркүйек айында Astana International Exchange (AIX) биржасындағы сауда көлемі шамамен 145,9 млн АҚШ долларын (78,9 млрд теңге) құрады.

AIX биржасында акция құны ең көп өскен компания – алтын өндіруші Solidcore болды. Оның акциялары отыз төрт пайызға қымбаттады

Екінші орында «Қазатомөнеркәсіп» келеді. Уран өндіруші компанияның бағалы қағаздары 14,6 пайыз өсім байқатқан.

Үшінші орынға «ҚазМұнайГаз» ұлттык компаниясы шықты. Оның акциялары бір айдан 11 пайыз қымбаттады.

Ал тамыз айында көш басында Банк ЦентрКредит болған. Бір айда банк акциялары 38 пайыз қымбаттаған еді. Бірақ қыркүйекте БЦК, Kcell, Halyk Bank, «Қазақтелеком», Kaspi мен Central Asia Metals акциларын арзандаған.

Қазіргі кезде Astana International Exchange...