Жаңалықтар

Алматы қаласы Жетісу ауданының әкімі Ләззәт Жылқыбаева Солтүстік айналым көшесі бойындағы жайма базарлар мен жерасты, жерүсті өткелдеріндегі заңсыз сауда нүктелерімен күрес жайында айтып берді.

Әкім заңсыз саудамен күресте жиі жүргізілетін рейдтер мәселені толық шеше алмай отырғанын мойындады. Десе де Айнабұлақ ықшамауданы Жұмабаев көшесіндегі жабайы сауданы тоқтату бағытындағы жұмыстар бірқатар нәтиже берген. Ол жерде әкімдік пен жергілікті тұрғындар ортақ чат ашып, жаңа заңсыз сауда нүктесі пайда болған жағдайда тұрғындар чатқа жолдап, әкімдік бірден әрекет етуге көшкен.

Ал Солтүтік айналым көшесі бойындағы жерасты және жерүсті өткелдеріндегі жағдай біршама күрделілеу. Әкімнің сөзінше, күннің жылынуымен ол жақта сауда қыза түседі. Аталған мәселені шешу...

«First Heartland Jusan Invest» акционерлік қоғамы өзінің ресми атауын «Alatau City Invest» акционерлік қоғамы деп өзгертті. Бұл туралы компания Қазақстан қор биржасына (KASE) жолдаған ресми хабарламасында мәлімдеді.

Сонымен қатар, атқарушы орган мүшелеріне төленген сыйақы көлемі туралы мәліметті жария етті.

2024 жылы компанияның атқарушы орган мүшелеріне төленген жиынтық сыйақы сомасы 187,9 млн теңгені құраған. Бұл көрсеткіш компания төлеген бүкіл жалақы мен ақшалай сыйақыларды қамтиды.

Брокердің басқарма құрамында бес адам болса, директорлар кеңесінде үш адам бар.

Брокердің 100 пайыз жай акциясы First Heartland Jusan Bank акционерлік қоғамына тиесілі. Jusan Bank жақында атауын Alatau City Bank деп өзгертті.

Қазірг...

Жұма, 11 шілдеге арналған валюта бағамы анықталды. Қазақстан қор биржасының (KASE) мәліметінше, қазір 1 АҚШ доллары 518,34 теңге тұрады. Ұлттық валюта бағамы екі күн бойы нығайса, Bitcoin жаңа рекорд орнатты. Басқа да криптовалюта құны артты.

Доллар тағы да арзандады

Доллар бір тәулікте 0,56 теңгеге арзандады. Теңге кеше де нығайған. Жалпы алғанда, шілде айы ұлттық валюта үшін айтарлықтай тұрақты болып тұр. Теңге 24 маусымнан бері шамамен 518-520 теңге аралығында сақталып тұр. Салыстырар болсақ, тура бір ай бұрын доллар 508 теңге болған. Содан бері АҚШ валютасы шамамен 10 теңгеге күшейгенімен, кейінгі бірнеше күн бойы теңге құнын айтарлықтай жоғалта қойған жоқ.

Kurs.kz сайтының мәліметінше, Алматы қаласындағы ақша айырбастау мекемелерінде бір...

Астанада өтіп жатқан Comic Con Astana-2025 гик-мәдениет фестивалінің аясында «Аниме дубляжы: қазақша даббинг» атты шеберлік сабағы ұйымдастырылды. Іс-шараны Anidybys дубляж студиясы танымал блогер DickThor-мен бірлесіп өткізді.

Шара қазақ тілінде өтті және анимені дыбыстауға қызығатын жастарды, шығармашылық мамандықтарда оқып жүрген студенттерді, сондай-ақ болашақ дубляж актерлерін бір алаңға жинады. Ұйымдастырушылардың айтуынша, шеберлік сабағына жоғары қызығушылықтың болуы қазақтілді дубляжға деген сұраныстың артып келе жатқанын көрсетті.

Қатысушылар тек кәсіби кеңестер тыңдап қана қоймай, дубляж актерінің рөлін өздері де сынап көру мүмкіндігіне ие болды.

Қазақ тіліндегі аниме

Шеберлік сағаты барысында сөз алған Anidybys студиясының негізін қалаушы, дубляж режиссері әрі дыбыс маманы Диас...

Шымкенттегі №125 мектептің пайдалануға берілгеніне 8 жыл болды. Ал мектептің спорт залы апатты жағдайда деп танылғанына 1 жылға жуықтаған. Десе де онда не жөндеу жүрмеген, сүрілмеген, не қауіпсіздік шаралары сақталмаған.

Мектеп әкімшілігі өткен оқу жылында оқушылар толыққанды дене шынықтыру сабағын оқи алмады деп налиды. Егер осылай созбалаңға салынса, биылғы оқу жылында қайғылы жағдай бола ма деп алаңдайды. Бұл мәселеден қалалық білім басқармасы мен қалалық құрылыс басқармасы хабардар.

Апатты спорт зал

№125 мектеп директорының шаруашылық ісі жөніндегі орынбасары Өмірзақ Керімбековтің айтуынша, спорт залдың көлемі 600 шаршы метр. Зал едені шамамен 15 сантиметрге түсіп кеткен. Қабырғалары ашылып, жарылып тұр.

Қырғыз Республикасының жоғары оқу орындары Қазақстан азаматтарына 10 білім грантын ұсынып отыр. Бұл жайлы «Болашақ» халықаралық бағдарламалар орталығының баспасөз қызметі хабарлады.

Мұндай мүмкіндік Қазақстан мен Қырғызстан үкіметтері арасындағы білім беру саласындағы ынтымақтастық туралы келісім аясында беріліп отыр. Грантқа үміткер болу талаптары — ашық әрі қолжетімді.

Гранттар үш бағыт бойынша бөлінеді:

Техникалық мамандықтар — 4 орын:

Медицина саласы — 3 орын:

Гуманитарлық және экономикалық мамандықтар — 3 орын:

«Оқу орыс және қырғыз тілдерінде жүргізіледі. Сондықтан тілдік кедергі оқу үшін...

Қазақстанда спортшылар, жаттықтырушылар мен спорт төрешілеріне қатысты этика талаптары енгізілді. Енді оларға бейәдеп сөздер қолдануға, діни көзқарасын жария көрсетуге және діни үгіт-насихат жүргізуге тыйым салынады. Бұл туралы 2025 жылғы 27 маусымда Туризм және спорт министрі Ербол Мырзабосынов қол қойған «Қазақстан Республикасының спорттық этикасын бекіту туралы» бұйрығында жазылған.

Екі бөлімнен тұратын құжат

«Спорттық этика» ережесі екі бөлімнен тұрады: жалпы ережелер және тәртіп қағидалары.

Жалпы ережелерде жаттықтырушы, төреші, спорттық жарыс, спорттық іс-шара және спорттық этика ұғымдарына анықтама беріледі. Құжатта спорттық этика – спортшыларға, жаттықтырушыларға, жаттықтырушы-оқытушыларға және төрешілерге арналған мінез-құлық нормаларының жиынтығы ретінде сипатталған.

Этикалық тәртіп ережелері

Бір кездері интернеттегі ойынқұмар хакерлер мен программистердің ермегі саналған биткоин бүгінде әлемдік қаржы жүйесіне ықпал ете алатын күшке айналды. «Цифрлық алтын», «болашақтың ақшасы» деп аталып жүрген бұл криптовалюта туралы соңғы жылдары естімеген жан кемде-кем. Ендеше, Bitcoin криптосының қайдан шыққаны, қалай дамығаны және 2025 жылы бағасы қалай өзгергеніне тоқталайық.

Биткоин қалай пайда болды?

Бәрі 2008 жылы басталған. Әлем қаржы дағдарысынан ес жия алмай жатқанда, Сатоши Накамото деген бүркеншік атпен танылған адам (немесе адамдар тобы) биткоин жүйесін сипаттайтын ғылыми мақаласын жариялады.

Онда үшінші тарап, яғни, банк немесе делдалға жүгінбей-ақ ақша аударуға мүмкіндік беретін жүйе сипатталған еді. Бұл жаңалы...

«ҚазАвтоЖол» республикалық маңызы бар автомобиль жолдарындағы жол-көлік оқиғаларының санын азайту мақсатында заманауи ролик қоршаулар орнатуды қолға алғанын хабарлады. Мұндай нысандардың бірі Астана қаласының айналма жолында орналасқан.

Ұлттық компания аталған құрылғылар соқтығысу кезінде соққы күшін едәуір азайтып, жарақат алу қатерін төмендететінін айтады.

Роликтік қоршаулар неден тұрады

«Полиуретанды көбік материалынан жасалған айналмалы барабандар соққы кезінде кинетикалық энергияны айналу есебінен сейілтуге қабілетті. Үшөлшемді буферлік және ұстап тұру рамалары көлік қозғалысын қоршау бойымен бағыттайды, қарсы бағыттағы жолаққа немесе жол жиегіне шығып кетудің алдын алады. Берік металл тіректер қоршаудың жоғары механикалық жүктемеге төтеп беруін қамтамасыз етеді,» – дейді компаниядағылар.

Жұмыс...

Трамп Мәскеуді бомбалауға уәде берген. Бұл туралы АҚШ президенті 2024 жылы демеушілердің жасырын кездесуінде мәлімдеген.

СNN ақпаратына қарағанда, Трамп Ресей мен Қытайға әскери сипаттағы қоқан-лоққы жасаған. Бұл әңгімесін Украинаға шабуылын тоқтату мақсатымен, Ресей президенті Владимир Путинге айтқан.

Сонымен қатар, Дональлд Трамп Тайванға басып кірсе, Бейжіңді де бомба астына алатынын ескертіпті.

Трамптың сөзіне қарағанда, ол Путинге:

«Егер Украинаға басып кірсеңдер, мен Мәскеуді бомбалап жоқ қыламын. Бұл менің таңдауым емес – міндетім» деген.

Трамптың айтуынша, Путин бұған бастапқыда күмәнмен қарапты. Десе де, «10 пайыз сенді» деп тұжырымдайды АҚШ президенті.

Трамптың сөзіне сенсек, ол Си Цзиньпинге де...

10 шілде, бейсенбі күні, Қазақстанның екі бірдей командасы — Шымкенттік «Ордабасы» мен «Ақтөбе» 2025/26 маусымындағы Еурокубоктық ойындарын бастайды. Алғашқы кезеңде қос ұжым сырт алаңда ойнайды.

«Торпедо» – «Ордабасы»: Конференциялар лигасындағы алғашқы сынақ

Шымкенттің «Ордабасы» командасы УЕФА Конференциялар лигасының алғашқы іріктеу кезеңінде Грузияның Кутаиси қаласындағы «Торпедо» клубымен кездеседі. Қос команданың алғашқы ойыны 10 шілде күні, сағат 21:00-де Рамаз Шенгелия атындағы стадионда өтеді. Жауапты матч бір аптадан кейін Шымкентте өтеді.

Екі матчтың қорытындысы бойынша жеңіске жеткен команда екінші іріктеу кезеңіне жолдама алады. Ал ұтылған ұжым Еурокубоктық маусыммен қош айтысады.

Айта кетейік, «Ордабасы» өткен маусымда Қазақстан Премьер-лигасында төртінші орын алған болатын...

Денсаулық сақтау министрлігі Оқу-ағарту министрлігімен бірлесіп елдегі медициналық колледждер тексерілетінін хабарлады.

Мақсат – медицина қызметкерлерінің білімін сапалы жаңа деңгейге шығару. Олардың ішінде фельдшер, мейіргер, акушер, зертханашы және басқа да мамандарды оқыту үрдісі тексеріледі.

Бақылау төмендегідей негізгі бағыттар бойынша жүзеге асырылады:

* оқытушылар құрамының біліктілік талаптарына сәйкестігі;
* оқу процесін материалдық-техникалық жарақтандыру;
* оқу жоспарлары мен бағдарламаларын орындау;
* санитариялық-эпидемиологиялық нормалар мен қауіпсіздік талаптарын сақтау;
* іске асырылатын білім беру бағдарламалары бойынша қолданыстағы аккредиттеудің болуы.

«Бақылау жоспарлы түрде жүргізіледі. Бұзушылықтар анықталған кезде — білім беру қызметіне лицензияны тоқтата тұруға немесе күшін жоюға дейінгі заңнамада көзделген шаралар қолданылады», – деп атап...

Астанадағы Министрліктер үйінде өрт шықты. Astanovka98 Telegram-каналының хабарлауынша, белгісіз біреу турникетке қарай тұтанатын зат лақтырған.

ТЖД қызметкерлері өрт сөндіргіш көмегімен жалынды оқшаулады.

Ер адам оқиға орнында ұсталды. Қазір полиция оның жеке басы мен әрекет ету себебін анықтап жатыр.

Алдын ала мәліметке сәйкес, зардап шеккендер жоқ.

«Курсив» редакциясы бұл оқиғаға байланысты полиция департаментіне қосымша ақпарат алу үшін жүгінді.

«Богатырь Көмір» компаниясы корпоративтік табыс салығын (КТС) төмен мөлшерлемемен есептегені үшін бюджетке 777 млн теңге төлеуі тиіс.

Қазақстандағы ең ірі көмір өндірушілердің бірі КТС-ті заңда белгіленген мөлшерлемеден төмен есептеген. Бұл туралы Павлодар облысы бойынша Мемлекеттік кірістер департаментінің тексеру қорытындысына сілтеме жасап, облыстық прокуратураның баспасөз қызметі хабарлады.

Тексеріс барысында компания 15% орнына 5% мөлшерлеме қолданғаны белгілі болды. Осыған байланысты салық органдары кәсіпорынға 777 млн теңге көлемінде КТС-ті қайта есептеп төлеу туралы хабарлама жіберген.

Алайда «Богатырь Көмір» бұл шешіммен келіспей, сотқа жүгініп, бірінші сатыдағы сот салық органдарының талабын жойған. Бұған жауап ретінде Павлодар облысының прокуратурасы апелляциялық шағым беріп, облыстық сот...

Биыл Алакөлде туристерді қабылдауға қатысты дұрыс жағдай жасалмаған. Өңірдегі жанармай бекеттерінде жанармай жоқ және кептеліс күшейген. Әлеуметтік желіде өңірде қалыптасқан жағдайға қатысты видеолар тарады. Бұл мәселеге президент Қасым-Жомарт Тоқаев та назар аударған.

«Мемлекет басшысы халықтан келіп түскен көптеген шағымға байланысты Алакөл маңындағы әйгілі туристік аймақтың демалушыларды қарсы алуға дайындығы төмен екеніне Үкіметтің назарын аудард», – делінген Ақорда хабарламасында.

Президент танымал туристік аймақтың қажетті туристік инфрақұрылыммен қамтылмағанын, қызмет көрсету мен қауіпсіздік деңгейі де нашар екенін атап өткен.

Тоқаев өңірде қалыптасқан проблемаларды тез шешуді тапсырған. Президент тапсырмасына сәйкес, үкімет қысқа мерзімде елдегі барлық туристік...

Олигархтардан қайтқан аса бағалы әшекей бұйымдар аукционға шығарылды. Электронды сауда алаңында жарияланған алқалардың арасында әлемдік элиталық брендтер де бар.  

«Қайтарылған активтерді басқару компаниясы» E-Qazyna электрондық сауда алаңында мемлекет меншігіне қайтарылған активтерді шығарды.

Ең қымбат әшекей — Van Cleef & Arpels” брендіне тиесілі алқа. Оның бастапқы бағасы 38,5 млн  теңгеден асады. Сипаттамада көрсетілгендей 84 грамм болатын бұл алқа 16,92 карат гауһар тас және ақ алтынмен көмкерілген.

Одан кейінгі орында —  «Frank Muller» брендіне тиесілі алқа. Бастапқы бағасы  5,2 млн теңгеден басталады. 750 пробалы ақ алтынан тұратын әшекейдің самлағы 52 грамм, тастарының жалпы саны 230. Сондай-ақ, 4,6 караттық ақ гауһар тастармен...

2025 жылдың сәуір-маусым айларында әлемде ақша-кредит саясатын жұмсарту үрдісі кері кетіп бара жатқаны байқалады. Ірі экономикалар жұмсарту саясаттын берік ұстанса, дамушы елдер қатаң шараға жүгінуге мәжбүр. Солардың ішінде Қазақстан Ұлттық банкінің күннен-күнге күшейіп келе жатқан инфляцияны тізгіндеу әрекетін осы екеуінің арасына қоюға болады.

Әлем елдеріндегі жағдай

Kursiv Research әлемнің 80 еліндегі ақша-кредит саясатының маңызды үш тетігіне тоқсан сайын сараптама жасап отыр. Олар: орталық банктер белгілеген мөлшерлеме, тұтыну инфляциясының динамикасы және осы екеуінің айырмашылығы (шынайы мөлшерлеме).

Биыл сәуір-маусым айларында нарығы ірі 30 экономиканың екеуі ғана мөлшерлемені көтерсе, 19 орталық банк түсірген. Дамушы экономикаларға жататын 50 елдің (оның арасында...

LRT рельс жолының 80%-ы төселді. Бұл туралы CTS хабарлады.

«10 шілдедегі жағдай бойынша, LRT желісінің жалпы ұзындығы 22,4 шақырымның 18 шақырымына жолдың үстіңгі құрылысы төселді. Бұл бүкіл желінің 80%-ын құрайды», – делінген ақпаратта.

Құрылыс барысында құрамында темір мөлшері жоғары көміртекті немесе төмен легирленген болаттан жасалған рельстер қолданылады. Темір ылғал мен ауа әсерінен тотығады, соның салдарынан бетінде тат пайда болады.

«Барлық рельс жаңа және арнайы LRT жобасы үшін 2025 жылы шығарылған. Жаңа рельстерде таттың пайда болуы ақау емес, табиғи құбылыс. Бұл – рельстік болатқа тән стандартты ерекшелік, ол инфрақұрылымның қауіпсіздігі мен беріктігіне...

2025 жылғы 1 сәуірдегі мәлімет бойынша, Қазақстанның сыртқы борышы 170,5 млрд АҚШ долларын (88 трлн теңге) құрады. Бұл көрсеткіш жыл басымен салыстырғанда 5,7 млрд долларға артқан. Ұлттық банк статистикасына сәйкес, сыртқы борыш төлем балансы операциялары (3,4 млрд доллар) мен валюта бағамының өзгерісі (2,3 млрд доллар) есебінен өскен. Яғни доллардың қымбаттауы салдарынан сыртқы қарыз құны 4 айда 2,3 млрд долларға қымбаттаған.

Сыртқы борыштың құрылымы қандай?

Сыртқы қарыздың негізгі бөлігі – ұзақ мерзімді борыш. Яғни өтеу мерзімі бір жылдан асатын қарыз үлесі 87,1%-ды құрайды. Бұл жағынан алғанда, Қазақстанның өтімділік тәуекелдері төмен. Алайда ұзақ мерзімді қарыздар нарықтағы өзгерістер: пайыздық мөлшерлеме...

Samsung Galaxy Z Flip7 смартфонын таныстырды. Бұл – ыңғайлы әрі көпфункционалды бүктелмелі ықшам смартфон.

Galaxy Z Flip7 жасанды интеллектімен жабдықталған және мультимодальды мүмкіндіктерге ие. Қалтаға оңай сыйып кетеді. Бірақ өте қуатты.

Смартфон Galaxy AI жасанды интеллектінің мүмкіндіктерін, кең сыртқы Flex экранын, флагмандық камераны және ерекше танымал ультракомпакт дизайнын біріктіреді. Жасанды интеллект негізінде жұмыс істейтін интуитивті дауыс арқылы басқарудан бастап, селфи түсіруге арналған озық функцияларға дейін қамтылған.

Ауқымды әрі жарық экран

Flex экранның бетіне контент әдемі үйлеседі. Хабарламаларды жылдам жіберіп, сапалы селфи жасауға таптырмас мүмкіндік. Жарқын Flex экраны күн сәулесі тікелей түссе де, анық әрі қанық болып шығады.

...

Алматыда әл-Фараби даңғылы мен Назарбаев даңғылының қиылысында көлік өртенді. Оқиға туралы хабар 9 шілде сағат 15:39-да түскен.

Оқиға орнына барған өрт сөндірушілердің техникасында кідіріс болған, яғни өрт сөндіретін сұйықтық болмай шыққан.

Қаланың төтенше жағдай департаментінің хабарлауынша, сағат 15:41-де «112» жүйесінің бейнебақылау камералары көліктің толықтай өртке оранғанын тіркеді.

«Бұл хабарламаның кеш түскенін және жүргізушінің өздігінен өртті сөндіруге тырысқан болуы мүмкін екенін көрсетеді. Өрт сөндірушілер оқиға орнына жеткенде «Газель» маркалы көліктің 7 шаршы метр аумақта өртеніп жатқанын байқады. Өрт оқиға орнына келген соң 6 минуттан кейін сөндірілді», – делінген ақпаратта.

Өрт сөндіру барысында техникалық кідіріс болған...

Backstreet Boys концертін ұйымдастыру жөніндегі келіссөздер өткен жылдан бері жүргізілген. Бұл туралы Алматыда ұйымдастырылған баспасөз жиынында айтылды.

Алматы қаласы Мәдениет басқармасы басшысының орынбасары Арман Халбеков әртістердің концерті әлемдік тур аясындағы гастроль емес, арнайы қала күніне орай өткізілетін ауқымды шоу екенін айтады.

Концерт қандай қаражатқа жасалады

First Media Group компаниясының басқарушы директоры Әлфия Нұрғұмарова концерт толықтай коммерциялық жоба екенін атап өтті. Оның сөзінше, концерт жеке қаражатқа жасалады, әкімдік тек қауіпсіздік жағын үйлестіруге көмектеседі.

Әртістердің гонорары

Журналистер әртістердің гонорары туралы сұрағанда ұйымдастырушылар коммерциялық құпияға сілтеп, айтқысы келмеген. Алайда «ондаған миллион доллар төлегелі жатсыздар ма» дегенде одан едәуір аз екенін айтып...

Президент Қасым-Жомарт Тоқаев Швейцария Ұлттық банкінің басқарушылар кеңесі төрағасы Мартин Шлегельді қабылдады. Бұл туралы президенттің баспасөз қызметі хабарлады.

Тараптар Қазақстан мен Швейцария Ұлттық банкі арасындағы ынтымақтастықты дамыту мәселелерін талқылаған.

Президент швейцариялық мамандардың Қазақстан Ұлттық банкінің тәуекелдерді басқару және төлем жүйелері бойынша техникалық көмек көрсететудегі қызметін жоғары бағалаған.

Ал Шлегель Қазақстан мен Швейцарияның ұлттық банктері ақша-кредит саясаты және цифрлық қаржы салалары бойынша өзара диалог жолға қойылғанын және екі ел ретеушілерінің бұл саладағы ықпалдастық аясын кеңейтуге ниетті екенін жеткізген.

«Сонымен қатар әңгімелесу барысында валюта нарығын нығайту, ұлттық валюталарға сенімді күшейту шаралары және цифрлы...

Қазақстанда соңғы жылдары кәсіпкерлікке бет бұрған спортшылар саны артып келеді. Бұл үрдіс – тек табысты инвестиция жасау емес, спорттан кейінгі өмірін жаңа бағытта жалғастырудың амалы. Kursiv Media отандық спорттың жұлдыздары бизнеске қалай келгенін және нақты қандай жобалармен айналысып жатқанын ұсынады.

Геннадий Головкин: кәсіпкерлік пен спортты ұштастырған чемпион

Кәсіпқой бокстағы аңызға айналған есімдердің бірі – Геннадий Головкин өзінің мансабы барысында ғана емес, одан кейін де ерекше іскерлік шешімдерімен көзге түсіп жүр. Оның бизнестегі жолы стратегиялық инвестициялар мен халықаралық брендтермен серіктестіктерден басталды.

2016 жылы Головкин Қарағанды облысында көмір өңдеуге арналған өндірістік зауытқа инвестиция салды. Бұл жоба «KAZ Феррит» және «Самұрық-Қазына...