Жаңалықтар

12 тамызда Алматы облысындағы Сорбұлақта, су асты іздестіру жұмыстары барысында тікұшақ экипажының үшінші мүшесінің денесі табылды. Бұл туралы Қорғаныс министрлігі хабарлайды.

Министрліктің мәліметінше, сейсенбі, 12 тамыз күні экипаж командирінің көмекшісі капитан Аман Амангелдінің денесі табылды.

Естеріңізге сала кетейік, 9 тамызда экипаж командирі майор Нұржігіт Үйсінбаевтың, ал ертесіне авиациялық эскадрилья авиациялық буынының борт технигі капитан Бақтияр Ержігітовтің мәйіті су астынан шығарылған. 10 тамызда Үйсінбаев Түркістан облысы Төле би ауданы Сұлтанрабат ауылына жерленді.

Тікұшақ апатынан қаза тапқан офицерлер

Қаза тапқан ұшқыштардың үшеуі де Әуе қорғанысы күштері әскери институтының түлегі. Қорғаныс министрлігі марқұмдардың әрқайсына қысқаша сипаттама беріп өтті.

Нұржігіт...

Bereke Bank 2025 жылдың алғашқы алты айында 25,8 млрд теңге тауып, жарты жылда пайдасын 56%-ға арттырды. Былтыр дәл осы кезеңде банк 16,5 млрд теңге пайда тапқан еді. Бұл жайлы қаржы ұйымы жариялаған есепте жазылған.

Жарты жылда банктің жалпы активі 6,7%-ға өсіп, 2,6 трлн теңгеге жетті.

Банктің капиталы 198 млрд теңгені құрады. Былтырғы есептік кезеңде 182 млрд теңге болған еді. Бір жыл ішінде 8,5%-ға артқан.

Бірақ міндеттемелері де өсе түсті. 2025 жылдың бірінші жартыжылдығында 6,5%-ға...

Бүгін 12 тамыз күні, сағат 23:15-те алматылық «Қайрат» сырт алаңда Словакияның «Слован» командасына қарсы ойнайды. Бұл кездесу Чемпиондар Лигасының үшінші іріктеу кезеңіндегі жауап матчы болмақ.

Словокияның астанасы Братиславада өтетін ойынды тікелей эфирден Qazsport телеарнасынан тамашалауға болады.

Еске салайық, алғашқы ойын 6 тамыз күні Алматыда өткен болатын. «Қайрат» өз алаңында 1:0 есебімен жеңіске жетті. Жеңіс голын 90-минутта Дастан Сәтбаев пенальтиден соқты. Бұл нәтиже қазақстандық клубқа жауап ойында бір голдық артықшылықпен шығуға мүмкіндік беріп отыр.

Егер «Қайрат» «Слованнан» өте алса, плей-офф кезеңінде Шотландияның «Селтик» клубымен кездеседі. Бұған дейін алматылықтар турнир барысында Словенияның «Олимпиясын» (3:1) және Финляндияның КуПС клубын (3:2) жеңген еді.

Нұртас Адамбай Mercedes-Benz GLE Coupe 53 AMG көлігін сатуға шығарды. Актер оның бағасын 58 000 000 теңге деп көрсеткен.  

Cатылымға шығарылған автокөліктің жылы – 2021. Жарнамасы Қазақстанда көлік саудасын қыздырып отырған kolesa.kz сайтына жарияланды.

«Көлік мінсіз техникалық және эстетикалық жағдайда. 2022 жылы Германиядан жаңа күйінде әкелінген. Бір ғана иесі болған. Жүрісі – 8 500 шақырым», – деп Нұртас Адамбай Mercedes-Benz көлігінің жай-күйіне сипаттама қалдырған.

Mercedes-Benz ең толық комплектацияда. Барлық көмекші жүйелер мен ассистенттер орнатылған. Кеңейтілген былғары пакетті. Яғни, есіктерінің карталары, панель түгел былғарымен қапталған. Төбесі –  алькантара.

AMG тежеу жүйесі бар...

Биыл негізгі конкурс қорытындысы бойынша 77 мыңнан астам талапкер мемлекеттік білім грантына ие болды. Алайда грантқа қол жеткізбеген түлектер үшін де жоғары білім алудың жолдары бар.

Бұл туралы Жоғары және жоғары оқу орнынан кейінгі білім комитеті төрағасының орынбасары Жанна Есінбаева Jibek Joly телеарнасының «Бүгін LIVE» бағдарламасында мәлімдеді.

«Жергілікті атқарушы органдар тарапынан да гранттар қарастырылған. Биыл олардың саны 1 700-ден асты. Әрбір әкімдік өңірлік қажеттілікке байланысты өз гранттарын бөледі. Талапкерлерге осы конкурстарға құжат тапсыруға кеңес айтамыз», — деді Жанна Есінбаева.

Оның айтуынша, жергілікті гранттарға құжат қабылдау 15 тамызға дейін жалғасады. Ақпарат әр әкімдіктің ресми сайтында...

2025 жылғы шілде айында Қазақстанның жеті азаматы «террористік қылмыс жасағаны үшін» сотталды. Бұл туралы Ұлттық қауіпсіздік комитетінің (ҰҚК) баспасөз қызметі хабарлайды.

Комитет мәліметінше, Түркістан қаласының соты жергілікті бір тұрғынды 8 жылға соттау жөнінде шешім шығарды. Ол «шетелдегі террористік ұйымның қызметіне қатысты» деп айыпталды.

«Бұған дейін ол шетел аумағында ұсталып, арнайы күзетпен Қазақстанға депортацияланған», – деп хабарлайды ҰҚК.

Сонымен бірге, Алматы облысының түзеу мекемесінде жазасын өтеп жатқан бір азамат 9 жылға бас бостандығынан айрылған. Комитет оны «радикалды идеологияның жақтаушысы» деп сипаттады. Ол «кісі өлтіруге әрекеттенгені және терроризмді насихаттағаны үшін» сотталған.

Бұған қоса, Алматы, Жамбыл, Батыс...

Түркияның солтүстік-батысындағы Чаннаққала өңірінде желдің күшеюіне байланысты орман өрті одан сайын өршіді. Соған байланысты жүздеген адам қауіпсіз жерге көшірілді. Елу шақты адам зардап шекті. Бұл туралы Reuters хабарлайды.

Өңір орталығының губернаторы Омер Тораманның айтуынша, 770 құтқарушы орман өртін сөндіруге талпынып жатыр. Ұшақ, тікұшақ және басқа да техника тартылған.

Билік аса қауіпті аймақтарды тұрғындарды эвакуациялап жатыр. Олардың арасында университет кампусы, әскерилер мен тұрғындар бар. Бұған қоса, жергілікті билік азаматтарға орман өртеніп жатқан өңірге келмеуге кеңес берді.

Қала әуежайы, Дарданелла бұғазы, сонымен бірге алты тас жол дүйсенбі күні бірнеше сағатқа жабылды. Содан кейін таң атқанда қайта ашылды.

Түркия метеорология...

Жоғары аудиторлық палата мемлекеттік-жекеменшік әріптестіктегі (МЖӘ) жобалардың тиімділігіне тексеру жүргізді. Аудит жеке серіктестер салған инвестицияға қарағанда мемлекеттік міндеттемелері әлдеқайда көбірек екенін анықтады деп хабарлайды ұйымның баспасөз қызметі.

Палатаның дерегінше, осы уақытқа дейін жеке сектор 1,4 трлн теңге салғанмен мемлекет оны 2 трлн теңге етіп қайтаруы керек.

«ЖАП мемлекеттік-жекеменшік әріптестік (МЖӘ) және концессиялық жобалардың тиімділігіне мемлекеттік аудит жүргізді. Нәтижесінде, бұл жобалар бойынша мемлекеттік міндеттемелердің көлемі жеке серіктестердің міндеттемелерінен айтарлықтай жоғары екені анықталды. Бұл жекелеген жобалардың құнының жоғары болуымен, сондай-ақ валюталық тәуекелдерді өтеу, несиелерді инвестиция құрамына енгізу сияқты қолдау тетіктерімен байланысты. Жобалардың күрт қымбаттауына жол бермеу...

Алаяқтарға алданып, баспанасынан айырылып қала жаздаған қарт профессор Кәкен Қамзин қуанышты жаңалығын бөлісті.

Аты-жөнін жарияламауды жөн көрген қайырымды бір азамат профессорға 23 млн теңге әкеп табыстапты.  

«Бір жарым ай бұрын  баспанамнан айрылып қала жаздаған ауыр жағдай бастан өтті. Өкінішке қарай, алаяқтарға алданып, үйімді қайтарып алу үшін шілденің 5-інен бастап ел-жұрттан «жылу» жинауға мәжбүр болдым. Бұл мен үшін де, отбасым үшін де оңай шешім болмады. «Өлімнен ұят күшті» дейді. Бірақ сіздердің шынайы жанашырлықтарыңыз, қолдауларыңыз, жылы сөздеріңіз бізге үміт сыйлады», – деп Кәкен Қамзин басындағы жағдайда бей-жай қарамаған халыққа алғыс білдірді.

Оның айтуынша, «жылу» жинау ресми...

Қазақстандық суретші Әсел Сабыржанқызы америкалық әлемдік жұлдыз Дженнифер Лопеске ерекше сый жасады. Суретші әншінің портретін кілем үстінде салып, Алматының көрікті орындары мен тауларын бейнелеген.

Кескіндеменің көлемі — 170х120 см. Суретші портретке ең әсерлі фотосуретті таңдап алып, оған ұлттық нақыш қосуды мақсат еткен. Артқы фонда Алматының басты нышандары мен таулары бейнеленген.

Әсел Сабыржанқызының айтуынша, кілем — ұлттық өнердің символдық мәнін жеткізетін ерекше материал.

«Символизм мен өткенмен байланыс кілемді ұлттық өнер үшін мінсіз материал етеді. Сол себепті мен портретті дәл осы материалға салуды жөн көрдім. Бұл — Қазақстаннан есте қаларлық сыйлық болсын деп ойладым», — дейді суретші.

Бас прокурор Берік Асылов елімізде азаптау фактілері үш есеге қысқарғанын мәлімдеді.

Айтуынша, қылмыстық процеске қатысушылар құқықтарының кепілдіктері күшейтіліп жатыр.

«Қылмыстық ортаға 2547 адамды негізсіз тартуға жол берілмеді. Азаптау фактілері үш есеге қысқарды (-67%, 152-ден 50-ге дейін). 81 сотталған адамның жағдайы жақсарды», – деді ол.

Тергеу органдарының 12 мыңнан астам заңсыз шешімінің күші жойылған.

Жеті айда 354 млрд теңге қайтарылды

Асылов активтерді қайтару комитетінің жұмысына да тоқталған. Сөзінше, биыл 354 млрд теңгеден астам сома қайтарылды.

«Қаржы 400-ден астам әлеуметтік объектінің құрылысына жұмсалып жатыр. Оның ішінде шалғай елдімекендер мен қалаларда 333 объектінің құрылысы басталды. Қазірдің өзінде...

АҚШ президенті Дональд Трамп Қытаймен арадағы «тариф келісімін» тағы 90 күнге ұзартты. Ол сәйкес құжатқа қол қойды деп жазады Euronews. Бұл құжат күшіне енбесе, қытайлық импортқа салынатын баж салығы 145%-ға дейін көбейетін еді.

Америкалық БАҚ-тың жазуынша, Ақ үйдегі шенеуніктер 90 күн ішінде нақты сауда келісіміне қол қойылуы мүмкін деген болжам айтады. Оған дейін үш айда Бейжің мен Вашингтон сауда-саттық саласындағы өзара ұстанымдарын айқындап алу үшін келіссөздер жүргізуі керек.

АҚШ пен Қытай арасындағы сауда соғысы осы жылы көктемде басталды. Трамп Америкаға тауар импорттайтын елдер үшін жаппай баж салығын көтере бастады. Ең үлкен жүктеме Бейжіңге түсті. Қытайлық тауарлар үшін...

Әлемдік футбол жұлдызы, 40 жастағы португалдық шабуылшы Криштиану Роналду сүйіктісі Джорджина Родригеске үйленуге ұсыныс жасады.

Джорджина Instagram-да қалыңдық сақинасын тағып тұрған суретін жариялап, астында:

«Иә, мен қалаймын. Бұл өмірімде де, барлық өмірлерімде онымен бірге болуды қалаймын» деп жазып, Роналдуды белгілеп қойды.

Криштану мен Джорджина 2016 жылдан бері бірге және бес баланы тәрбиелеп отыр: Роналдуның тұңғышы – кіші Криштиану және екі егіз Ева мен Матео...

«Атырау мұнай өңдеу зауытының» («ҚазМұнайГаз» компаниясының еншілес кәсіпорны) бұрынғы бас директоры Мұрат Досмұратов кінәсіз деп танылды. Бұл туралы Досмұратовтың әйелі Назгүл Досмұратова жергілікті «Ақ Жайық» редакциясына хабарлаған.

Әйелдің сөзінше, Атырау облыстық соты Мұрат Досмұратовты толық ақтап, мемлекет атынан кешірім сұраған. Мұндай шешім прокуратура оның әрекеттерінде қылмыс құрамы жоқ екенін мойындап, барлық тағылған айыптан бас тартқаннан кейін қабылданған.

Айта кетейік, бұған дейін Жоғарғы сот Мұрат Досмұратовқа қатысты сот үкімінің күшін жойды.

Досмұратов 2024 жылы Атырау қаласы сотының үкімі негізінде Қылмыстық кодекстің 371-бабының 2-бөлігі бойынша қылмыстық құқық бұзушылық жасағаны үшін кінәлі деп танылып, қылмыстық кодекстің 71-бабының 1-бөлігіне сәйкес қылмыстық жауаптылыққа тарту мерзімін...

2025 жылдың алғашқы жеті айында Қазақстанның жалпы ішкі өнімі (ЖІӨ) 6,3%-ға өсті. Ұлттық статистика бюросының қаңтар-шілде айларына арналған мәліметтерін Экономика министрлігінің баспасөз қызметі таратты.

Жыл басынан бері тауар өндіру көлемі 8,3%-ға, қызмет көрсету 5,2%-ға (әсіресе көлік пен сауда), ал өнеркәсіп 6,9%-ға артты. ЖІӨ-нің өсуіне ең көп үлес қосқан салалар: көлік және қойма – 22,5%, құрылыс – 18,5%, көтерме және бөлшек сауда – 8,6%, тау-кен өнеркәсібі – 8,5%, өңдеу өнеркәсібі – 6,1%.

Көлік және қойма саласындағы қызмет көлемі 22,5%-ға өсті. Бұған теміржол, құбыр желілері және автомобиль көлігімен жүк тасымалы көлемінің жоғары болуы әсер етті.

Құрылыс көрсеткіштері көтерілді

Құрылыс

12 тамыз күні «Қайрат» футбол клубының жас шабуылшысы Дастан Сәтбаев 17 жасқа толды. Жас болса да, алматылық талант өз қатарластары арасында ғана емес, жалпы қазақ футболында да бірқатар рекордтарды жаңартты.

Алматы тумасы – «Қайрат» академиясының түлегі. 2024 жылы QJ League біріншілігінде ерекше көзге түсіп, 19 гол соғып, 7 нәтижелі пас берген. Бұл көрсеткіш елдегі ең үздік жас шабуылшылар қатарына қосты.

2025 жылдың ақпан айында Дастанға Англияның атақты «Челси» клубы назар аударып, жас вундеркиндтің трансфер құқығын толықтай сатып алды. Лондондық «аристократтар» бұл келісім үшін қазақстандық футбол тарихында бұрын-соңды болмаған сома — 2+1,6 миллион фунт стерлинг төледі.

Алайда, ФИФА-ның кәмелетке...

Төтенше жағдайлар министрлігі 12 тамызда Қазақстанның көптеген өңірінде найзағай ойнап, бұршақ аралас жаңбыр жауатынын, дауыл тұратынын ескертті.

Астана қаласында сейсенбі күні таңертең және күндіз бұршақ аралас жаңбыр жауып, дауыл тұрады. Найзағай ойнайды. Солтүстік-батыстан жел соғады. Оның екпіні кей уақытта 25 м/с дейін күшейеді, деп ескертті министрліктің баспасөз қызметі.

12 тамызда Ақмола облысының батысында, солтүстігінде, шығысында бұршақ аралас жаңбыр жауып, дауыл тұрады. Найзағай ойнайды. Солтүстік-батыстан жел соғады. Облыстың батысында, солтүстігінде, шығысында оның екпіні кей уақытта 23-28 м/с дейін күшейеді.

Бүгін Солтүстік Қазақстан облысының оңтүстігінде бұршақ аралас жаңбыр жауып, дауыл тұрады. Найзағай. Таңертең облыстың батысында, солтүстігінде тұман түседі. Оңтүстік-шығыстан соғатын жел батысқа...

Дональд Трамп осы жұма күні Ресейге баратынын айтты. Оның сөзіне қарағанда, АҚШ президенті Ресей президенті Владимир Путинмен кездеспек.

«Мен Путинмен кездесемін, Ресейге бара жатырмын», – деді ол Ақ үйде өткен баспасөз мәслихаты кезінде.

Мұның алдында Ресей президентімен кездесу 15 тамызда Аляскада өтеді деп жоспарланған болатын. Тіпті, АҚШ-тың құпия қызметі бір үйді жалға алғаны да жазылған еді.

Ақ үй қожайыны Ресей мен Украина арасындағы соғысты тоқтатуға бар күш-жігерін салып жатыр. Мұның алдында ол Ресейге арнайы өкіл жіберген. Стив Уиткофф тараптар арасындағу кездесуді сәтті өтті деп мәлімдеген еді.

Трамп сайлау науқанында бұл...

Тоқаев Армения премьер-министрі Никол Пашинянды Армения мен Әзербайжан арасындағы бейбіт келісімге келуімен құттықтады.

Бұл жайында Ақорданың баспасөз қызметі хабарлады. Вашингтонда Армения мен Әзербайжан бейбітшілік орнату туралы декларацияға қол қойған еді.

Қазақстан президентінің пікірінше, бұл тарихи маңызы бар құжат. Пашинянның саясаткер ретіндегі алғырлығының арқасында қол қойылған.

Декларация Оңтүстік Кавказдағы ауқымды халықаралық ынтымақтастыққа, сондай-ақ Қазақстан мен Армения арасындағы анағұрлым қарқынды экономикалық және инвестициялық ықпалдастыққа жол ашады.

Қасым-Жомарт Тоқаев Армения Премьер-министрінің жыл соңына жоспарланған ресми сапарына Астана әзірлік жұмыстарын бастап кеткенін мәлімдеді. Қазақстан келіссөздерге өз алаңын ұсына отырып, Армения мен Әзербайжан арасындағы саяси диалогқа одан әрі септігін тигізуге ниетті.

Никол Пашинян...

Әзербайжан Армениямен бейбіт келісім мәтінін жария етті. Онда Кавказ аймағындағы тыныштықтың басты бес қағидасы көрсетілген.

Құжат бойынша, екі ел бір-біріне аумақтық талаптардың жоқ екенін мойындайды. Болашақта да бұдан бас тартады.

Баку мен Ереван бір-біріне қатысты күш қолданбауды немесе қауіп төндірмеуді міндетіне алады. Сондай-ақ үшінші тараптардың мұндай әрекеттеріне жол бермеуі қажет. Шекара бойында үшінші елдердің әскери күштерін орналастыруға тыйым салынады.

Осы келісім бойынша Әзербайжан мен Армения арасында дипломатиялық қатынастар орнатылады.

Тараптар экономикалық, транзиттік-транспорттық, экологиялық және мәдени ынтымақтастықты жолға қоюды жоспарлайды.

Баку мен Ереван келісімнің орындалуын қадағалау үшін арнайы комиссия құрмақ.

Мұның алдында Әзербайжан Армениямен бейбіт келісімге келген. Тоқаев Ильхам Әлиевті тарихи...

Психологтар демалыстан кейін  жұмысқа қайта оралу оңай емес екенін алға тартып отыр. Кейбір адамдар күйзеліске түседі.

Алайда қайта қалыпқа келу үшін  алдын ала бірнеше қадам жасау керек. Психолог Наталья Наумованың VM-ға берген сұхбатында айтуынша, демалыстың соңғы бес күнінде кесте жасау қажет. Сонда дағдылы ырғағына қайта бейімделу жеңіл бола түспек.

Маманның сөзінше, жұмысқа қайта бейімделе алмай, қиналатын адамдарға бұл кеңес таптырмас көмек болмақ.

«Адамдар демалыста жиі кештерге қатысып, көңіл көтереді. Уақыт ырғағы бұзылады. Сондықтан жұмысқа шығуға бес күн қалғанда қалыпты күн тәртібіне көшу қажет. Әдетте, жұмыс күндеріндегідей уақытта ұйықтап, оянғаныңыз жөн. Егер адамның әдеттегі уақыт ырғағына...

Қызылордада пробация есебінде тұрған сотталушы электронды бақылау құрылғысын үзіп тастағаны үшін жазасының қалған бөлігін түрмеде өтейтін болды.

Қызылорда қалалық пробация қызметінде тіркеуде тұрған Р. есімді азамат ҚР Қылмыстық кодексінің 188-бабы 3-бөлігінің 3-тармағы бойынша кінәлі деп танылып, 3 жыл 6 ай мерзімге бас бостандығын шектеу жазасына кесілген. Оған пробациялық бақылау орнатылып, электронды білезік тағылған.

Алайда ол сот белгілеген міндеттерді жүйелі түрде орындамай, жазаны өтеу тәртібін бірнеше рет бұзған. Пробация қызметкерлерінің төрт рет берген ескертуіне де құлақ аспаған.

– Бұл азамат жазаны өтеу тәртібін бірнеше мәрте бұзды. Оның үстіне мас күйінде электронды құрылғысын өз еркімен үзіп тастаған...

Халыққа қызмет көрсету орталықтарындағы танымал қызметтердің бірі – тұрғылықты жер бойынша тіркеуге тұру сервисі енді тек онлайн көрсетіледі.

Аталған өзгерісті көздейтін бұйрық жобасы Ашық НҚА порталында жарияланған. Оны Цифрлық даму, инновациялар және аэроғарыш өнеркәсібі министрлігі мен Ішкі істер министрлігі әзірлеген.

Өзгеріс тұрғылықты жер бойынша тұрақты тіркеу қызметін де, уақытша тіркеу қызметін де қамтиды.

Пилоттық жоба мемлекеттік қызмет көрсету процесін үнемі жетілдіру және тиімділігін арттыру мақсатында әзірленгені аталып өтілген.

Бұған дейін, 11 тамыздан бастап электрондық цифрлық қолтаңбаны алу тәртібі өзгеретінін жазғанбыз. Бұл қызмет те толық онлайн форматқа ауыстырылған.

Осы жылдың 16 шілдесінен бастап Алматы-1 және Алматы-2 вокзалдары «Қазақстан темір жолы» ұлттық компаниясының сенімгершілік басқаруына өтті. Бұл жайлы компанияға сілтеме жасаған «Қазақпарат» жазады.

Ұлттық компания екі нысанды жаңалауды жоспарлап отыр. Алматы-1 вокзалының ғимараты жөндеуден өтеді.

«Өз кезегінде, тарихи-мәдени ескерткіш болып саналатын Алматы-2 теміржол вокзалы ғимараты Қазақстан Республикасының тарихи-мәдени мұра объектілерін қорғау және пайдалану саласындағы заңнамасының талаптарына сәйкес қайта қалпына келтіріледі. Бұл жұмыстар жоспарға енгізілген және барлық нормативтік талаптарды сақтай отырып орындалады», – деп жазылған хабарламада.

Жөндеу жүргізу мерзімі әзірге белгіленген жоқ. Нақты жұмыс көлемі мен уақыты жобалық-сметалық (ғылыми-жобалық) құжаттамаға...