Жаңалықтар

Прокуратутар халықты криптонарыққа ақша салуға үгіттейтін коучтар мен блогерлердің қызметін шектейді. Бұл туралы Бас прокурор Берік Асыловтың Мәжіліс депутаттарының сауалына берген жауабында жазылған.

Бас прокурор соңғы кездері азаматтарды күмәнді криптонарығына тартатын блогерлер мен коучтар көбейгенін, құзырлы органның олардың жұмысын шектеу бойынша тиісті шаралар әзірлеп жатқанын айтқан.

«Криптовалюта инвестицияларының белсенді таратылуы жəне нарықта жүйелі ағарту жұмыстарының болмауы жағдайында өздерін крипто-коучтар мен блогерлердің агрессивті жалған ақпараттары кең таратылып жүр. Жағдайды талдай келе, аталған проблема тек Қазақстан үшін емес, көптеген шет мемлекеттер үшін де өзекті екені анықталды. Халықаралық тəжірибе мұндай көріністермен күресуге кешенді тəсіл мен тиімд...

Батыс Қазақстан облысында 25 жыл бұрын жасалған қылмысқа қатысты үкім шықты. Істі Алқабилер соты қараған. Қылмыстық іс сотқа қылмыстық кодекстің 99-бап, 2-бөлім, 1, 7 тармағы бойынша түскен.

Сот барысында 2000 жылдың 13 желтоқсанында шамамен сағат 18:00-де Орал қаласында Б. мен С. жәбірленушілермен бірге автокөлік ішінде отырып, Ш. мен С.-ның басы мен мойнынан тапаншамен атқан.

Жарақаттан жәбірленушілер сол жерде қайтыс болған.

Сотталушы Б. екі адамды өлтіру бойынша өз кінәсін мойындап, өкінетінін айтты, С өз кінәсін мойындаған жоқ.

Алқабилер алқасының үкімімен Б. және С. өздеріне тағылған айып бойынша кінәлі деп танылды. Б. 19 жылға, ал С. 15 жыл мерзімге бас бостандығынан айырылды. Олар...

Қазгидромет демалыс күндеріне арналған ауа райы болжамын жариялады. Синоптиктердің мәліметінше, елдің бір бөлігінде нөсер күтіліп отырса, бір бөлігінде аптап ыстық болжанады.

Атмосфералық фронтальды бөліктердің өтуімен Қазақстанның көп бөлігінде найзағайлы жаңбыр күтіліп отыр. 5 шілдеде республиканың солтүстігінде, 5-6 шілдеде шығысында қатты жаңбыр, бұршақ және дауыл болжанады. Тек республиканың оңтүстігінде жауын-шашынсыз ауа райы сақталады. Ел бойынша желдің күшеюі, оңтүстікте шаңды дауыл күтіледі.

5 шілдеде елдің шығысында күндіз өте қатты ыстық – 40-42°С, оңтүстігінде – 45-46°С, оңтүстік-шығысында – 40-45°С болады деп күтіледі. Қалған өңірлерде ауа температурасының айтарлықтай өзгеруі болжанбайды.

Бұған дейін, Денсаулық сақтау министрлігі жазда ыстықтан сақтану жолдары туралы ақпараттық жаднама жариялаған...

Өнеркәсіп және құрылыс министрлігі елдегі 39 пайдалы кен орнын аукционға шығарды. Өтініш 2025 жылғы 2 қыркүйекке дейін қабылданады. Электронды сауда 19 қыркүйекте өтеді.

Аукционға шығарылғалы жатқан кен орындары арасында алтын, асбест, марганец, темір, қорғаныс мен мырыш, никель мен кобальт, көмір мен кварц кеніштері бар.

Актриса Құралай Анарбекова қалыңдық атанды. Сүйінші жаңалықты тележурналист Ләйлә Сұлтанқызы бөлісті.

«Бақыттың ерте-кеші жоқ. Құрбым, жақыным Құралай Анарбекова қалыңдық атанды.Ақжүрек, кең пейіл азаматың сені алақанында аялап өтетініне сенемін! Бір-бірін ұзақ күтіп, жолықтырған құрдастарға мәңгілік махаббат тіледім», – деп жазды Сұлтанқызы.

Айта кетейік, Құралай Анарбекова Ақан Сатаевтың «Жаужүрек мың бала» тарихи драмасында Корлан кейіпкерін сомдады. 2017 жылдан бері бірнеше бөлімі шыққан «Брат или барк» фильмінде басты...

Қонаев қаласындағы №6 жағажайда бүгінде 40-қа жуық бизнес нысан жұмыс істеп тұр. Бұл кәсіпкерлер сенімгерлік басқарушы компаниямен келісімшартқа отырып, жалға алынған аумақта қызмет көрсетіп жатыр. Алайда соңғы уақытта тұрғындар мен қала қонақтары жағажайдың санитарлық тазалығы мен қауіпсіздігіне байланысты көптеген шағым білдіріп жатыр. Осыған байланысты қала әкімдігі ресми түсініктеме берді.

Келісімшарттағы негізгі талаптар

Келісімшарттың үшінші тармағында кәсіпкерлердің құқықтары мен міндеттері нақты көрсетілген. Құжат бойынша, жалға алушы кәсіпкерлер жағажай аумағын абаттандырып, санитарлық қауіпсіздікті қамтамасыз етуге, күн сайын киім ауыстыратын орындар мен дәретханаларды, жасыл аймақтарды тазалауға, жалға алған аумақты жарықтандыруға міндетті. Сонымен қатар қоқыс жәшіктерін су жиегінен кем дегенде 20 метр...

Кеденде алаяқтық жасап келген қылмыстық топ мемлекетке 33 млрд теңге шығын келтірген. Бұл туралы Алматы қаласының прокуратурасы хабарлады.

Алматы қаласының прокуратурасы кедендік сәйкестендіру құралдары арқылы тексеріс жүргізген. Соның нәтижесінде тауарларды шекара арқылы өткізу кезінде жүзеге асырылатын бірқатар қылмыстық схемаларды анықтаған.

Кеден саласындағы уәкілетті экономикалық операторлар тауарларды шекарадан өткізу кезінде нақты орындалмаған жұмыстар мен көрсетілмеген қызметтерге, тиелмеген тауарларға жалған шот-фактура толтырған.

Тексеріс барысында жиналған құжаттар негізінде прокуратура бірнеше қылмыстық істерді тіркеген. Бұл істер бойынша кеден саласындағы уәкілетті экономикалық операторлардың басшылары күдікті ретінде танылған.

Прокуратураның хабарлауынша, қылмыстық топтың заңсыз әрекеті барысында мемлекетке келтірілген залал көлемі 33 млрд теңгені құраған.

Қаржылық мониторинг агенттігі Шымкент қаласы бойынша департаменті өздерін зергерлік бұйымдар сатумен айналысатын компания ретінде таныстырған «Ansar Gold» қаржы пирамидасының қызметін тоқтатқанын хабарлады.

Күдіктілер салымшыларға 5 ай ішінде салынған қаражаттың 40–60%-ы көлемінде ай сайын табыс түсетінін және негізгі капиталдың сақталуына кепілдік берілетінін уәде еткен.

Алайда, іс жүзінде төлемдер тауар сатуынан түскен табыстан емес, жаңа қатысушылардың салымдары есебінен жүзеге асырылған.

Нәтижесінде бұл қаржы пирамидасына 200-ден астам адам тартылып, 400 млн теңгеден астам қаражат салынған.

Сонымен қатар, күдіктілер өздерінің туыстарын «дроп»  ретінде тартып, олар арқылы басқа қатысушылардан түскен ақшаны қолма-қол шешу үшін олардың банк карталарын пайдаланған.

Қаржы пирамидасын ұйымдастырушы қамауға алынып, қазіргі уақытта оған тиесілі автокөлік...

Қызылорда қаласының әкімдігі 1 млрд 45 млн теңгеге бес қабатты тұрғын үй сатып алуды көздеп отыр. Әкімдіктің құрылыс бөлімі осындай тапсырысты мемлекеттік сатып алу порталына орналастырды.

Тапсырыстың техникалық сипаттамасында Қызылорда қаласында орналасқан бес қабатты тұрғын үйде 60 пәтер болуы керектігі айтылған.

«Көп қабатты тұрғын үй 5 қабатты болуы тиіс. Пәтер саны кем дегенде 60, оның ішінде кем дегенде 3 бөлмелі 16 пәтер, кем дегенде 2 бөлмелі 44 пәтер болуы керек. Тұрғын үйдің жалпы ауданы 3075,22 шаршы метрден кем болмауы қажет», – деп жазылған құжатта.

Бұған қоса, тұрғын үй газға, жылуға, суға, кәріз және...

АҚШ-тың Колумбия округінің округтік соты «Азат Еуропа / Азаттық радиосы» (АЕ/АР) корпорациясының кезекті шағымын қанағаттандырып, АҚШ-тың ғаламдық медиа агенттігін (USAGM) маусым айына бөлінген қаржыны дереу аударуға міндеттеді. Бұл жайлы Deutsche Welle жазады.

Бұл – USAGM агенттігіне қарсы қозғалған сот ісі аясында қабылданған төртінші оң шешім. Бұған дейінгі сот шешімі мамыр айының соңында шығып, сол айға тиесілі Конгресс бөлген қаражаттың төленуіне қатысты болған.

RFE/RL корпорациясының бас директоры Стивен Капус бұл сот шешімін «тағы бір маңызды құқықтық жеңіс» деп бағалады.

«75 жыл ішінде RFE/RL маңыздылығы бірнеше рет дәлелденді. Жақында ғана Таяу Шығыстағы дағдарыс кезінде миллиондаған...

2025 жылдың 4 шілдесінде Америка Құрама Штаттары өзінің ең басты ұлттық мейрамы — Тәуелсіздік күнін атап өтіп жатыр. Биыл елдің тәуелсіздігіне 249 жыл толып отыр. АҚШ тәуелсіздігіне қалай қол жеткізді? Kursiv Media осы тақырыпқа қысқаша шолу жасады.

Тарихи бастама: 1776 жылдың 4 шілдесі

18-ғасырдың ортасында Солтүстік Америкадағы 13 британдық колония Ұлыбританияның салық саясаты мен қатаң бақылауына қарсы шықты. 1775 жылы АҚШ-тың Тәуелсіздік соғысы басталды. Бір жылдан кейін, 1776 жылы 4 шілде күні Томас Джефферсон бастаған топ Тәуелсіздік декларациясын дайындап, 4 шілдеде Екінші Континентальды Конгресс оны бекітті.

Құжатта халықтың еркін өмір сүруге, бақытқа ұмтылуға және тең құқыққа ие...

Алматы BYD электробустарын шығаратын орталыққа айналуы мүмкін. Бұған «Астана Моторс» коммерциялық техника зауыты база болмақ.

Алматы әкімдігінде қала әкімі Дархан Сатыбалды мен Орталық Азия өңірі бойынша BYD компаниясының басқарушы директоры Айван Цаомен кездесті.

«Кездесудің негізгі тақырыбы Түрксіб ауданында орналасқан «Астана Моторс» коммерциялық техника зауыты базасында BYD электробустары өндірісін жолға қою мәселесі болды», – делінген хабарламада.

Жоба аясында ірі торапты құрастырудан бастап, дәнекерлеу, шанақ бояу және қосалқы бөлшектерді дайындау жұмыстары қолға алады. Яғни, өндірісте жергілікті үлес кезең-кезеңімен артатын болады. Алматы әкімдігі экологиялық таза әрі энергия үнемдейтін көлік түріне басымдық беріп отыр.  Бұл – қалалық көлік инфрақұрылымын...

Қазақстанда 2021 жылы қабылданған Экология кодексіне сәйкес тағам қалдықтарын полигонға сұрыптамай көмуге тыйым салынған. Бұл туралы заңның 351-бабында көрсетілген. Алайда бұл талап әлі күнге дейін орындалмай келеді. Мұны Экология министрлігі де растап отыр. Ведомство KursivMedia сайтына ұсынған ақпаратқа сәйкес, жыл сайын елімізде 4,5-5 млн тонна қатты тұрмыстық қалдық жиналады, ал оның 37%-ы – органикалық қалдықтар.

«Тамақ қалдықтарын қатты тұрмыстық қалдық полигондарында көмуге тыйым салынғанына қарамастан, өңірлерде тамақ қалдықтарын жинау және қайта өңдеу инфрақұрылымы жеткілікті деңгейде дамымаған», – деп мәлімдеді министрлік.

Елімізде полигонның 20%-ы ғана талапқа сай

Экология министрлігінің ресми сауалға берген...

Ішкі істер министрлігі ведомствоға қарасты Интерпол қызметі ел азаматын еңбек құлдығына түсу қаупінен құтқарғанын хабарлады.

Оқиғаның мән-жайы

Қазақстандық қыз Камбоджа Корольдігіне қонақүй әкімшісі ретінде жұмысқа орналасу мақсатында ұшып барған. Алайда шет елге келгеннен кейін ұсыныстың артында басқа нәрсе тұрғаны белгілі болады. Ол еңбек құлдығына тартылу қаупіне тап болған.

Оқиғаға жедел ден қойған Қазақстан ІІМ Интерполы Камбоджадағы Интерполдың Ұлттық орталық бюросына және Интерпол Бас хатшылығының адам саудасына қарсы күрес тобына ресми сұраныстар жолдаған.

Шетелдік әріптестермен үйлесімді әрекет пен жедел байланыс нәтижесінде қыз дер кезінде құтқарылып, аман-есен елге қайтарылған. Қазіргі уақытта қазақстандық аруды шетелге жұмысқа орналастыру ұсынысымен алдап, заңсыз...

Wildberries компаниясының атын пайдаланып, халықты алдаған алаяқ экстрадицияланды. Бұл туралы Бас прокуратураның баспасөз қызметі хабарлады.

Халықаралық іздеуде жүрген алаяқты ұстау ісіне үш құзырлы орган қатысқан.
Күдіктіні Дубай қаласынан елге экстрадициялауға Қазақстан Республикасының Бас прокуратурасы мен Ішкі істер министрлігінің Интерпол қызметкерлері және Қазақстан Республикасының Біріккен Араб Әмірліктеріндегі Елшілігі көмектескен.

Күдікті 2022–2023 жылдар аралығында Алматы қаласының тұрғындарын «Wildberries» компаниясына инвестиция салуға үгіттеген. Компанияға ақша салу арқылы қомақты сыйақы алуға болатынын айтқан. Бірақ іс жүзінде жәбірленушілердің қомақты қаражатын өз мақсаттарына жұмсаған.

Алаяқтық жасаған ол бой тасалап, шетелге қашып кеткен. Прокуратура күдіктіге халықаралық іздеу жариялаған. Екі жыл бойы халықаралық іздеуде...

Италиялық автоалпауыт бюджетті көлік шығарды. Жаңа модель Ferrari Amalfi деп аталады.

Жаңа көлік 240 мың еуроға бағаланған. Ferrari бұл модельді «бастапқы нұсқа» деп атайды. Сарапшылардың пікірінше, бағасы қомақты болғанымен, Ferrari-дің модельдер желісінде мұндай арзан нұсқа бұрын болмаған.

Автокөлік сағатына 100 шақырым жылдамдыққа 3,3 секундта жетеді, ал ең жоғарғы жылдамдығы сағатына 320 шақырым жылдамдықты құрайды. Ішкі жабдықталуында қуаты 1200 ватт Burmester премиум аудиожүйесі орнатылған.

Бұған дейін Chevrolet компаниясы жаңа моделін таныстырғанын жазған едік. Tracker 2026 моделінің жаңартылған нұсқасын ресми түрде келесі жылы жазда таныстырылуы керек.

Ақтөбеде қызды кепілге алып, ата-анасын өлтірген ер адам өмір бойына сотталды. Қылмыстық іс  Ақтөбе облысының қылмыстық істер жөніндегі мамандандырылған ауданаралық сотында қаралған.

Айта кетейік, оқиға 2025 жылдың қаңтарында болған.

Ер адам қылмыстық кодекстің 99-бабының 2-бөлігінің 1,3,5-тармақтары (адамдарды кепілге алып, аса қатыгездікпен екі адамды өлтірген), 126-бабының 2-бөлігінің 3,4-тармақтары (өмірге қауіпті күш қолданып, қаруланып, бас бостандығынан заңсыз айырған), 107-бабының 1-бөлігімен (денсаулыққа қасақана ауырлығы орташа зиян келтірген) бойынша айыпталды.

Сот барысында Сәрсенбек Басанов бұрынғы араздықты себеп қылып, кек алу ниетімен қыздың үйіндегі жазғы ас үйіне заңсыз кіріп, оны күтіп отырады.
Басанов сарайға қыздың анасы Ш. кіргенін көріп, оның қарт жасына қарамастан, кенеттен...

Тоқаев АҚШ-тың тәуелсіздік күнімен құттықтап, Трампқа жеделхат жіберді. Бұл туралы Ақорда хабарлады.

Президент бұл мерекені Америка халқының табандылығы мен өршіл рухын, сондай-ақ бостандық пен демократия қағидаттарына деген мызғымас беріктігін бейнелейтін айтулы күн ретінде атап өтті.

«Мен екіжақты кеңейтілген стратегиялық серіктестікті одан әрі дамытуға ұмтылысымды тағы да растаймын. Сондай-ақ халықтарымыздың игілігі жолында көпжақты ықпалдастықты тереңдетуге әзір екенімді жеткіземін», – делінген хатта.

Қасым-Жомарт Тоқаев сонымен бірге Дональд Трамптың жауапты мемлекеттік қызметіне табыс тілеген.

Бұған дейін президент Трампты туған күнімен құттықтап, жеделхат жолдаған болатын.

Әлемдегі ең танымал әрі табысты футбол клубтарының бірі — «Реал Мадрид» француздың атақты Louis Vuitton сән үйімен көпжылдық серіктестік келісімшартқа отырды.

13 маусым күні Мадридте Louis Vuitton сән үйінің ерлер киімі жөніндегі креативті директоры, әйгілі музыкант әрі дизайнер Фаррелл Уильямс әзірлеген Formal Wear коллекциясы таныстырылды. Жаңа сән үлгілеріне костюмдер, пальто, жейделер, аяқ киімдер, аксессуарлар мен шабадандар енген. Әр бір зат ерекше шеберлікпен, егжей-тегжейге мұқият мән бере отырып тігілген. Коллекцияда «Реал Мадридтің» айрықша монограммасы мен Louis Vuitton-ның танымал элементтері — табиғи былғары, алтын түсті-ақ реңктер және қымбат маталар үйлесім тапқан.

Sports Business Journal мәліметінше, Louis Vuitton спортшыларға алаңнан тыс...

АҚШ президенті Дональд Трамп пен Ресей президенті Владимир Путин Украинадағы соғыс жайлы телефон арқылы сөйлесті, алайда бітім жөнінде ешқандай келісімге келе алмады. Бұл туралы Трамп журналистерге Вашингтон маңындағы «Эндрюс» әскери әуе базасында мәлімдеді.

«Жоқ, мен Путинмен бұл мәселе бойынша ешқандай прогреске жеткен жоқпын», — деді Трамп.

Украинада соғысты тоқтату жөнінде қандай да бір келісімге қол жеткізілді ме деген сұраққа жауап бере отырып. Сондай-ақ Трамп Украинадағы соғыстың жалғасып жатқанына «қанағаттанбайтынын» айтты.

Тараптар арасындағы бұл телефон әңгімесі шамамен бір сағатқа созылған. Ресей президентінің көмекшісі Юрий Ушаковтың айтуынша, бұл — Трамп қаңтарда екінші мерзімге президенттікке қайта...

Жол-көлік оқиғасына тап болу – әрдайым уайым тудыратын күрделі жағдай, әсіресе, жаңадан көлік тізгініне отырған жүргізушілер үшін қиын. Мұндайда бастысы сабыр сақтап, нені бірінші істеп, нені кейінге қалдыруға болатынын білу керек. Дұрыс әрекет ету – қосымша қиындықтардан құтылуға, құқықтарыңызды қорғауға көмектеседі.

Тоқтап қауіпсіздікті қамтамасыз етіңіз

Егер сіз жол апатына тап болсаңыз, ең алдымен, көлікті дереу тоқтатыңыз. Жеңіл-желпі жол көлік оқиғасы болған күннің өзінде қозғалысты жалғастыруға болмайды. Қазақстанның жол ережесіне сәйкес, жүргізуші оқиға орнында көлікті тоқтатып, апаттық жарық сигналын қосып, жолға апаттық тоқтау белгісін қоюы тиіс. Бұл жолдағы басқа адамдардың қауіпсіздігі мен басқа апаттардың алдын алу үшін маңызды.

Қазақстанда университетте білім алу қанша тұрады? 2025–2026 оқу жылында елдегі жоғары оқу орындарында бакалавриат бойынша оқу ақысы 500 мыңнан 7,6 миллион теңгеге дейін жетеді. Ең қымбаты Астанадағы Nazarbayev University: мұнда бір жылдық оқу ақысы 7,6 млн теңге.

Қазақстанда жоғары білім алуға төленетін ақы жыл сайын өзгеріп отырады. 2025–2026 оқу жылында бакалавриат бағдарламалары бойынша баға университеттің мәртебесіне, мамандықтың бағытына және орналасқан қаласына қарай әртүрлі деңгейде белгіленген. Бұл мақалада елдегі ең үздік университтердегі ақылы оқу ақысына шолу жасалған.

Назарбаев Университеті (NU)

Назарбаев Университеті 2025–2026 оқу жылында еліміздегі ең қымбат оқу орны болып отыр. Университеттегі бакалавр бағдарламасының жылдық ақысы...

Тұрсынбек Қабатов өз әйелі Мөлдір Мұқанованы туған күнінде ернінен сүйіп, бір шоқ гүл сыйлаған. Видеосы әлеуметтік желіге тарады.

Алайда бұл бейнежазбаның қашан түсірілгені беймәлім. Бірақ көпшілік жақында түскеніне сенімді. Сондықтан бұл жайт көпшілікті қайран қалдырды. Қабатовтар отбасы «хайп қуып жүр» деген сынның астында қалды.

«Туған күнім осылай басталды» деген жазуға қарағанда видео Мөлдір Мұқанованың атынан жарияланған секілді. Ерлі-зайыптар бірін-бірі ұзақ құшақтап тұрады. Араларын қара мысық кесіп еткен жұбайларға мүлде ұқсамайды. Тұрсынбек Қабатов қызыл шоқ гүлді әйеліне сыйлайды.

Мөлдір Мұқанова болса, кері шегінген күйеуін қайыра қайтарып, тағы да құшақтайды. Сыйлығына рақмет айтады.

Кадр сыртында бір қыздың дауысы естіліп, Тұрсынбек Қабатовты меңзеп...

Талдықорғанда орталық алаңында Ұлттық домбыра күніне арналған флешмоб ұйымдастырылды. Бір сәтте 5000 адам күй орындап, рекорд орнатты.

Бұл шараға кәсіби музыканттар, мектеп оқушылары, студенттер, өнер сүйер қауым қатысқан. Қазақстан рекордтар кітабының бас редакторы Қайрат Тазабеков рекордты ресми түрде тіркеді. Оны астайтын сертификат Жетісу облысының әкімдігіне табысталды.

Домбырашылар жыршылық-термешілік дәстүрінің көрнекті өкілі Бақтыбай Жолбарысұлының 190 жылдық мерейтойына орай «Бақтыбайдың әуені» және танымал күйші-композитор Әбдімомын Желдібайдың «Ерке сылқым» күйлері орындалды.

Еске салайық, бұған дейін Түркістан облысында Наурыз мерекесі қарсаңында  2,5 мың литр наурыз көже пісіріп, рекорд орнатқан еді.