Жаңалықтар

Олимпиада жүлдегері болған Жазира Жаппарқұлды қосымша кәсіп ашқаны үшін жұмыс істеп жүрген спорт мектебінен қудалап жатыр. Журналист Ақырыс Сейтқазы фейсбуктегі парақшасына осылай жазды.

«Енді Шымкент қалалық спорт басқармасы базарда істейтін болсаң, мындағы орынды босат деп, қиғылық салып жатыр. Қазір Жазира Жапарқұл денсаулық жағдайына байланысты демалыс алған. Егер жағдайы бес боп тұрса, Жазира базар аралап жүрмейді ғой. Артспортқа алған спорттық құрылғылардың біразын арзан бағаға, біразын тегін беріп жіберіпті. Әлі біраз кілем, татамилері шаң басып, қорада тұр. Мемлекеттің бағдарламасынан опық жеген спортшыға осылай бас салу дұрыс па?», – деп жазды журналист.

Өзінің кәсібі жайлы спортшы...

6 шілде — Астана күні. 2025 жылы бұл мереке ұзағырақ тойланады. Олай дейтініміз, қазақстандықтар үш күн қатарынан демалады. Оған қоса, бас қала күніне орай мәдени бағдарламаның да неше түрі жоспарланып отыр. Жаңа қоғамдық орындардың ашылуы да мерекеге орайластырылған.

Мерекенің шығу тарихы

Астана күні ресми түрде 6 шілде күні тойланады. Олай болса, бұл мерекенің тарихына аз-кем тоқтала кетсек.

Бас қаланың Алматыдан орталыққа көшірілуіне не себеп болды?

90-жылдардың басында, Қазақстан тәуелсіздік алған кезде ресми астанамыз Алматы болған екен. Дегенмен уақыт өте келе әкімшілік орталықты ауыстыру керек деген шешім шығарылады. Оған мына нәрселер себеп болған:

Ұлттық компаниялар жарғылық капиталын арттыруға бөлінген қаржыны жыл соңына дейін игермесе, бюджетке қайтаруға міндетті. Бұл туралы Жоғары аудиторлық палата (ЖАП) хабарлады.

Аудиторлық палата пайдаланылмаған қаражатты бюджетке қайтару механизмі бекітілгенін және ол қолданыстағы Салық кодексіне енгізілгенін жазады.

«Бұл қадам мемлекет қаражатын пайдалану тиімділігін арттыруға мүмкіндік береді. Ұлттық компаниялардың шоттарында «қажетсіз бос жатудың» орнына қаржы бюджетке қайтарылады. Нәтижесінде қаражат анағұрлым маңызды және шұғыл міндеттерге, мысалы, ұзақ мерзімді инвестициялық жобаларды іске асыруға бағытталуы мүмкін»,- делінген ЖАП хабарламасында.

Мұндай тәсіл бюджет қаражатын мақсатсыз немесе тиімсіз пайдалану тәуекелін азайтуға, ашықтық пен есептілікті күшейтуге мүмкіндік бермек.

Дүниежүзілік денсаулық сақтау ұйымы тәтті сусындар алкоголь және темекі өнімдерінің бағасын 2035 жылға дейін 50%-ға көтеруге шақырды. Осы шешімнің арқасында қант диабеті, жүрек аурулары мен қатерлі ісіктен болатын өлім-жітімді азайтуға болады деп санайды.  

Дүниежүзілік денсаулық сақтау ұйымының (ДДҰ) жаңа бастамасы «3-ке 35» деп аталады. Ол темекі, алкоголь және тәтті сусындармен күресуге бағытталған.

Бұл 10 жылдық бағдарламаның мақсаты — диабеттен, жүрек ауруларынан және онкологиялық сырқаттардан болатын өлім-жітімді азайту, сондай-ақ денсаулық сақтау саласын қаржыландыруды арттыру.

ДДҰ-ның жақында жариялаған есебінде айтылғандай, бұл өнімдерге бағаны бір реттік 50%-ға көтеру алдағы 50 жыл ішінде 50 млн мезгілсіз өлімнің алдын алуы мүмкін.

3 шілде күні Қазақстанның үздік теннисшісі Елена Рыбакина Уимблдон турнирінің екінші кезеңінде өнер көрсетеді. Қарсыласы грекиялық спортшы Мария Саккари.

Матч Астана уақыты бойынша 18:30-ға жоспарланған. Кездесуді sportplus телеарнасынан және ресми сайтынан онлайн көруге болады.

26 жастағы Рыбакина — әлемнің бұрынғы үшінші ракеткасы, қазіргі таңда ол WTA рейтингінде 11-орында тұр. Елена «Үлкен дулыға» турнирлерінің бірін — 2022 жылы осы Уимблдонды жеңіп алған. Сондай-ақ, 2023 жылы Australian Open финалына дейін жетіп, шешуші матчта беларусьтік Арина Соболенкоға жол берген еді.

Қарсыласы — 29 жастағы Мария Саккари де 2022 жылдың наурызында WTA рейтингінде үшінші орынға көтерілген. Алайда қазіргі уақытта ол 77-сатыға төмендеген. Грек...

Қытай көліктері мен корей көліктерінің сапасы салыстырылды. Ұлыбританияның көлік сарапшылары тест-драйв өткізді.

Сarwow ақпаратына қарағанда, олар Қытай көліктері мен кәріс көліктерін сынақтан өткізіп, қайсысы жақсырақ екенін анықтап, қорытынды шығарды. Бұл көлік сатып алғысы келетіндерге жақсы кеңес болмақ.

Қытай көліктерінің ерекшелігі

Қытай автокомпаниялары бүгінде Еуропа нарығын бағындырып жатыр. BYD, Omoda, Jaecoo, Leapmotor сияқты түрлі брендтер көздің жауын алатын көліктерін ұсынады. Қытай көліктері көбіне қолжетімді бағасы және сансыз көп жабдықтары арқылы ерекшеленеді. Сарапшылар сапасы мен жүрісін сынақтан өткізіп, жақсы және жаман тұстарын айқындаған.

Артықшылығы неде?

Қытай көліктері Еуропа, Жапония немесе Оңтүстік Корея көліктерімен салыстырғанда арзан немесе бағасы...

Жамбыл облысының бұрынғы әкімі Кәрім Көкірекбаев 12 жылға сотталды. Бұл туралы Алматы облысы сотының баспасөз қызметі хабарлады.

Іс Алматы облысының қылмыстық істер жөніндегі мамандандырылған ауданаралық сотында алқабилердің қатысуымен өткен.

Кәрім Көкірекбаев пен Ахатаевқа қатысты іс қылмыстық кодекстің 366-бабы (аса ірі мөлшерде пара алу), ал Поплавскийға 195 және 367-баптары (аса ірі мөлшерде пара беру, сондай-ақ ұрлау мақсатынсыз мүліктік залал келтіру) бойынша айып тағылған.

Сот Көкірекбаев пен Ахатаевтың лауазымды тұлғалар бола отырып, ЖШС директоры Поплавскиймен сөз байласып, орындалған жұмыстар актілеріне кедергісіз қол қою үшін одан аса ірі мөлшерде пара алғанын анықтады. Сондай-ақ Поплавский, шын мәнінде, орындалмаған құрылыс-монтаж жұмыстарының актілеріне қол қоюды...

Мәжіліс депутаты Самат Нұртаза бір топ депутат Астанадағы LRT-мен сапар шеккенін хабарлады.

Депутат сапар қорытындысы бойынша есеп жариялап, алған әсерін бөліскен.

«Жоба құны 1 миллиард 880 миллион доллар. Иә келісем, сұмдық сома. Бекеттердің саны – 18. Бекеттер арасындағы қашықтық әр қилы. 400 метрден 2 километрге дейін. Бекеттерде эскалатор мен лифттер қарастырылған. Бір құрамның ішінде 4 вагон, бір-бірінің арасы ашық. Құрам саны – 19 дана. Поездардың интервалы 2-4 минут деп отыр», – дейді ол..

Самат Нұртаза вагондардың сапасы жақсы, пластигі жұмсақ екенін айтады. «Әуежай – Нұрлы Жол Вокзал” маршрут ытолық аяқталып, іске қосылған соң, «Қосшы...

2025 жылы Астана халықаралық қаржы орталығының биржасы (AIX) бөлшек инвесторлар үшін жаңа өнім – Ұлттық банктің алтын монеталарын сатып алу мүмкіндігін енгізген. Сауда-саттық Tabys мобильді қосымшасы арқылы жүргізіледі. Осы уақыт аралығында Ұлттық банктің алтын монеталары 8 млрд теңгеге сатылған.

AIX өкілдерінің айтуынша, бұл өнім – алтынмен қамтамасыз етілген активтерге инвестициялаудың ыңғайлы тәсілі. Сауда халықаралық алтын бағасы мен теңге бағамына байланған.

Алтын монеталардан бөлек, 2025 жылдың алғашқы жартыжылдығында биржада 86 жаңа қаржы құралы листингке шығарылды. Олардың қатарында еурооблигациялар, құрылымдық өнімдер, биржалық қорлар (ETF) және БАӘ дирхамындағы алғашқы облигациялар бар. Мәселен жақында АҚШ-тың ірі банкі – JPMorgan Chase Bank өз ноталарын...

«Баян Сұлу» компаниясы Ресейдегі жалғыз филиалын жабады. Бөлім Челябі қаласында орналасқан еді. Бұл жайлы Қазақстан қор биржасында жарияланған хабарламада жазылған.

Бұл шешімді «Баян Сұлу» компаниясының директорлар кеңесі 1 шілдеде қабылдаған, алайда оның себебі белгісіз. 2024 жылдың қарашасында компания Алматыдағы филиалының жабылғанын хабарлаған.

Өткен жылдағы қаржы есебіне сүйенсек, жалпы компанияның үш филиалы болды. Қазір оның екеуі Алматы және Қостанайда жұмыс істейді. Филиалдар – компанияның негізгі тіркелген мекенжайынан тыс орналасқан, жеке заңды тұлға болып саналмайтын, құрылымдық бөлімшелері.

Өткен жылдың қорытындысы бойынша, «Баян Сұлу» компаниясы таза пайдасын 23,1%-ға арттырып, 3,45 млрд теңгеге жеткізді. Алайда компанияның негізгі нарығы – Қазақстандағы сатылымы 9,2%-ға...

Португалия құрамасы мен Англияның атақты «Ливерпуль» клубының шабуылшысы Диогу Жота жол-көлік апатынан қаза тапты. Бұл туралы испандық беделді Marca басылымы хабарлады.

Қайғылы оқиға Испанияның батысындағы Самора провинциясында орын алған. Футболшының жасы небәрі 28-де еді. Жол апатында оның туған інісі де көз жұмған.

Диогу Жота футбол мансабындағы ең жарқын кезеңін «Ливерпуль» сапында өткізді. Англия Премьер-лигасының чемпионы атанып, ел кубогын және Англия лигасының кубогын жеңіп алды. Португалиялық ойыншы 2020 жылдан бастап «қызылдардың» намысын қорғап келді.

Оған дейін Жота «Вулверхэмптон», Испанияның «Атлетико Мадрид», Португалияның «Порту» және «Пасуш де Феррейра» клубтарында өнер көрсеткен.

Сондай-ақ, Жота бір апта бұрын ғана 22 маусыда отау құрған...

Қазақстанның Бірыңғай жинақтаушы зейнетақы қоры (БЖЗҚ) мамырдың екінші жартысында Израильдің мемлекеттік қарызына 7,5 млрд теңге инвестиция салған. Ұлттық банктің қазіргі курсымен есептегенде 14,9 млн долларға тең. Бұл жайлы қордың инвестпортфеліндегі есебінде жазылған.

БЖЗҚ облигациялары үш траншпен алынған. Әрқайсысына шамамен 2,5 млрд теңгеден төлеген. Барлық қаржы он жылдық облигацияларды сатып алуға бағытталған.

Бұл қағаздардың купондық мөлшерлемесі – 5,625%, купон төлемі жылына екі рет жүргізіледі. Облигациялар 2035 жылғы ақпанда өтелуі тиіс. Олар номиналынан төмен бағамен (98,01%) орналастырылған.

Қор алғашқы екі траншты бір күнде – 2025 жылғы 15 мамырда жүзеге асырды. Business Insider дерегінше, сол кезде облигациялар номинал құнының 98,3%-мен...

Түркістан облысы Төле би ауданы Қасқасу ауылы маңындағы Сайрам су өзенінде 27 жастағы әйел суға батып қайтыс болды. Марқұм отбасымен өзен жағасына демалуға барған. Бұл туралы облыстық төтенше жағдайлар департаменті хабарлады.

«Төле би ауданы Қасқасу ауылы маңында Сайрамсу өзенінен 1998 жылы туған әйелдің денесі табылды. Марқұм туыстарымен бірге «Сайрам-Өгем» ұлттық паркіне демалуға барған. Ол белгісіз жағдайла өзенге құлап кеткен», – делінген облыстық төтенше жағдайлар департаментінің хабарламасында.

Бейресми ақпаратқа қарағанда, әйел жүктіліктің төртінші айында болған.
Қайғылы оқиға 29 маусым күні болған. Марқұмның денесін құтқарушылар сол күні кешке тапқан.

Биыл Түркістан облысында шомылу маусымы басталғалы 5 адам суға кеткен...

Соңғы төрт айда елдегі іскери белсенділік рекордты деңгейге жетті. Осы уақыт аралығында алғаш рет кадр саны артқан. Бұл жайлы Freedom Holding Corp. PMI зерттеуінде жазылған.

Freedom Holding Corp. PMI сарапшылары 2025 жылдың бірінші жарты жылдығы қазақ қызмет көрсетушілері үшін сәтті аяқталды деп есептейді.

Маусымда Қазақстанның қызмет көрсету саласында жаңа тапсырыстар саны ауқымды әрі тұрақты түрде өсті. Оған қоса, қызмет көрсету саласында жұмыспен қамту қайта артып, қызметкерлер саны аздап ұлғайды.

Негізгі көрсеткіш – Іскери белсенділік индексі. Бұл көрсеткіш қазақ қызмет көрсету секторында қатарынан алтыншы ай өсім болғанын көрсетті. Сонымен қатар индекс
мамырдағы 54,3-тен 55,1-ге көтеріліп, қатарынан төртінші ай бойы өсіп...

Оқу-ағарту министрлігінің ресми өкілі Мереке Амангелдіқызы мессенджерлер мен әлеуметтік желілерде ақылы негізде «Педстарт» атты олимпиада өткізілетіні жөніндегі ақпаратқа түсінік берді.

Оның сөзінше, Оқу-ағарту министрлігінің бұл олимпиаданы ұйымдастыру мен өткізуге ешқандай қатысы жоқ.

«Аталған ақпарат шындыққа жанаспайды. Ал министрліктің фирмалық бланкісін заңсыз пайдаланып, жалған хабарлама таратқан тұлғалардың әрекеті – заңға қайшы. Осыған орай, білім беру ұйымдарының басшыларын және педагогикалық ұжымдарды қызметкерлер арасында түсіндіру жұмыстарын жүргізіп, Оқу-ағарту министрлігі ұсынбаған, ақылы әрі күмәнді олимпиадалар мен байқауларға қатысуға жол бермеуге шақырамыз», – дейді Мереке Амангелдіқызы.

Ведомство ресми өкілі министрлік ұсынған олимпиадалар мен байқаулардың тізімі №514 бұйрықпен бекітілгенін атап...

Енді елімізде мерзімді әскери қызметтегілерге банктер мен микрокаржылық ұйымдардан жаңа несие алуға тыйым салынады. Мұндай ереже Қаржы нарығын реттеу және дамыту агенттігінің жаңа қаулысында көзделген.

Жобаға сәйкес, Қорғаныс министрлігі несиелік бюроларға мерзімді әскери қызмет өткеріп жатқан азаматтар туралы мәлімет беретін болады.

Бұл ақпарат әрбір әскери қызметшінің несие есебіне енгізіледі. Егер банк немесе микроқаржы ұйымы несие өтінішін қарау кезінде азаматтың мерзімді әскери қызметте екенін көрсе, олар несие беруден бас тартуға міндетті болады.

Әскери қызмет аяқталғаннан кейін, бұл белгі несие есебінен жойылады.

Айта кетейік, өткен жылы Қазақстан армиясына 40 мың адам шақырылды, олардың жартысынан көбі, яғни 22,4 мың сарбазда бұрыннан несиелері болған.

Бұған дейін Қаржы...

Қазақстанның Павлодар қаласында гипоаллергенді сүт шығарыла бастайды. Бұл туралы Аулы шаруашалық министрлігінің баспасөз қызметі хабарлады.

Министрлік мәліметінше, «Молком-Павлодар» компаниясы Қазақстанда алғаш рет құрамында бета-казеин A1 ақуызы жоқ гипоаллергенді сүтті өнеркәсіптік көлемде өндіретін сут фабрикасын іске қосқан.

Бұл жобаны жүзеге асыруға A2A2 генотипі расталған асыл тұқымды ірі қара малдың елге әкелінуі негіз болғаны айтылады. Мұндай сиырлардан алынған сүттің де құрамында A1 ақуызы болмай шыққан.

A2 сүтінің басты айырмашылығы – оның құрамында бета-казеиннің A1 формасы болмайды. Бұл ақуыз кейбір адамдардың ас қорыту жүйесіне жағымсыз әсер етуі мүмкін. A2 сүті, керісінше, жеңіл қорытылып, аллергиялық реакцияларды азайтуға ықпал етеді.

Компания құрылтайшысы...

2025 жылғы 6 шілдеде Қазақстанның бұрынғы президенті Нұрсұлтан Назарбаев 85 жасқа толады. Көпшілік «алтын мерейтой» деп атайтын елеулі белесті республика қалай атап өтеді? Kursiv.Media жергілікті саясаттанушылар мен саясаткерлердің пікірін білді.

6 шілде биыл демалыс күндердің біріне түсіп тұрғандықтан, қазақстандықтар жексенбімен бірге дүйсенбіде де демалады. Астана күнін 2008 жылы сол кезде билік басында отырған Назарбаевтың өзі бекіткен. 2009 жылы елбасының туған күніне сәйкес келетін бұл күн мемлекеттік мерекеге айналды. Республика тұрғындары содан бері ұзақ уақыт бойы оны экс-президент мерекесі деп қабылдап келген. Қазір ше?

Назарбаев – саяси бэкграунды бай ықпалды тұлға

Саясаттанушы Ғазиз Әбішевтің пікірінше, қазір халықтың көп...

106 жылдық тарихы бар әйгілі британдық Bentley автокөлік бренді өзінің жаңа логотипін таныстырды. Бұл – компанияның бесінші эмблемалық жаңартуы.

Жаңа логотип Bentley интерьер дизайнері Янг Намның қолынан шыққан. Қырлы сағат әйнектерінен және металдың жылтырақ өңдеуінен шабыт алып, белгіге жедел әрі заманауи көрініс сыйлаған. Эмблема бұрынғысынан айқын әрі люкс сегментіне тән нақышты көрсетеді.

Бұл жаңалық Bуntley-дің болашақ дизайнын көрсететін жаңа концепт-кардың премьерасымен тұспа-тұс келіп отыр. Компания жаңа логотип арқылы брендтің эволюциясын, заманауи эстетика мен техникалық шеберлікті айқын жеткізгісі келеді.

Bentley логотипінің даму кезеңдері:

Жамбыл облысының Сарысу ауданында имам жаназа намазы үшін 100 мың теңге көлемінде «ставка» бекіткен деген ақпарат тарады. Бұл мәселені анықтау үшін біз Қазақстан мұсылмандары діни басқармасына (ҚМДБ) хабарласып, мәселенің мән-жайын анықтадық.

Мәселенің мән-жайы

Өзінің facebook парақшасында айтыскер ақын Алик Бекмұсаев Жамбыл облысы, Сарысу ауданында жаназа рәсімін өткізген молданың марқұмның туыстарынан 100 мың талап еткені туралы жазба қалдырған. Бұл жазба үлкен резонанс тудырып, молданың бұл іс-әрекеті халықтың ашуын тудырған.

Бұл оқиғадан соң, мәселеге ҚМДБ-ның Жамбыл облысы бойынша бас имамы Асқар Сатылғанов араласты. Имам сұрастыра келе, марқұмның жаназасын ҚМДБ қызметкері шығармағынан анықтаған. ҚМДБ өкілі басқарма бекіткен имамның мұндай қаражат...

«Қазақстан темір жолы» ұлттық компаниясының (ҚТЖ) жаңа басшысы болып Талғат Сағиұлы Алдыбергенов тағайындалды. Бұл туралы компания баспасөз қызметі хабарлады.

Талғат Алдыбергенов бұған дейін ҚТЖ басқарма төрағасының орынбасары қызметін атқарған. Ол компания құрылымында ұзақ жылдар бойы түрлі басшылық қызметтерде болды.

Кәсіби жолы мен тәжірибесі

Талғат Алдыбергенов еңбек жолын 1992 жылы бастаған. Ол Батыс Қазақстан темір жолында станса кезекшісі, коммерциялық бөлімнің басшысы және бөлімше бастығы қызметтерін атқарған. Кейінірек «Қазтеміртранс», «Кедентранссервис» секілді логистикалық компанияларда басшылық лауазымдарда жұмыс істеді.

2008–2019 жылдары ол «Кедентранссервис» акционерлік қоғамының президенті, «АвтоГазАлматы» директорлар кеңесінің төрағасы, сондай-ақ «Kazakhmys Maker» компаниясының басқарма төрағасы қызметтерін атқарды. 2024 жылдан бастап ҚТЖ...

Қасым-Жомарт Тоқаев премьер-министр Олжас Бектеновті қабылдап, инвестиция тарту қарқынын арттырып, өңірлерді дамытуды тапсырды. Бұл туралы Ақорда хабарлады.

Бектенов экономиканы әртараптандыру және құрылымдық жаңғырту бойынша қабылданып жатқан шаралар жөнінде есеп беріп, президент тапсырмасы негізінде жалпы инвестиция көлемі 2,3 триллион теңгеден асқанын, олар бойынша 45 ірі өнеркәсіптік жоба іске қосылып, 20 мың жұмыс орнын құру көзделіп отырғанын айтқан.

Сонымен бірге президент Қауіпсіздік Кеңесінің отырысында тапсырған жұмыстар бойынша, нақты айтқанда көлік саласын дамытуға қатысты міндеттерді орындау бойынша бірқатар шаралардың қолға алынғанын жеткізген.

Президентке вегетациялық кезең туралы мәлімет ұсынылып, егістіктерді су ресурстарымен қамтамасыз ету бойынша барлық шаралар жүргізіліп жатқаны айтылған. Бұдан...

Бүгіннен бастап бір ай бойы докторантураға құжат қабылдау жүргізіледі. Құжатты жоғары оқу орындарына тапсырып, ал түсу емтиханына өтінішті testcenter.kz сайты арқылы жолдау керек.

Өтініш беру кезінде абитурент тек тестілеу орнын, яғни қаланы таңдай алады.

Ал тест тапсыратын күн, оның уақыты және мекенжайы туралы ақпарат 9 тамызда жеке кабинеттегі «Менің іс-әрекетім» бөліміне жіберіледі.

Өтінішті қабылдау мерзімі аяқталатын 3 тамызға дейін білім беру бағдарламасының тобына, тест тапсыру тілі мен орнына өзгеріс енгізуге мүмкіндік беріледі.

ДТЕ-ға (докторантураға түсу емтиханы) қатысу құны – 21 072 теңге.

Маңызды ақпарат

Air Astana 19 шілдеден бастап Астана-Бодрум бағыты бойынша тұрақты рейстерді орындауды жоспарлап отыр. Рейстер сәрсенбі және сенбі күндері аптасына екі рет орындалады.

«Астанадан Бодрумға ұшатын жаңа рейс Алматыдан аптасына бес рет орындалатын тікелей рейстерді толықтырып, Air Astana компаниясының Түркияға бағытталған маршруттық желісін кеңейтеді. Елордадан Бодрумға тұрақты рейстердің ашылуы жолаушыларға сапарларын ыңғайлы жоспарлауға, билеттерді қолайлы күндерге брондауға мүмкіндік береді»,– делінген хабарламада.

Әуе компаниясының мәліметінше, эконом-класс бойынша екі жаққа билет құны 304 337 теңгеден басталады. Билеттерді Air Astana-ның ресми сайтынан, мобильді қосымшасынан немесе сату кеңселерінен сатып алуға болады.

Бұған дейін бұл бағытта әуекомпания тек чартерлік рейстер орындайтын ед...