Жаңалықтар

Қаржы мониторингі агенттігі төрағасының орынбасары Жеңіс Елемесов блогерлер Жанабыловтер отбасы мен пен Just King-ке қатысты материалдар ведомствоға әлі түспегенін айтты.

Десе де, агенттік олардың ұтыс ойынынан қаншалықты табыс тапқанын және салықты төлеу фактілеріне қатысты тексеру жүргізеді. Егер табыс көлемі 10 мың АЕК-тен (шамамен 39 млн теңге) асса, заңсыз кәсіпкерлік үшін қылмыстық іс қозғалады.

Сонымен қатар ҚМА блогерлердің қаржы пирамидасын немесе казиноны жарнамалау фактілерінің бар-жоғын да зерттеп жатыр.

«Егер қылмыстық іс тергеуі барысында олардың тек жарнама жасаушы ғана емес, сондай-ақ қатысушы, көмекші немесе қылмыстық ұйымды құруға тікелей араласқан тұлға екені анықталса, олар қылмыстық жауапкершілікке тартылуы мүмкін...

Мәжілісте «Қылмыстық жолмен алынған кірістерді заңдастыру (жылыстату) және терроризмді қаржыландыру қауіп-қатеріне баға беретін халықаралық орталықты құру туралы келісімді ратификациялау туралы» талқыланды. Оған сәйкес бұл орталық құрылса, оның операторы ретінде Ресей тағайындалады. Яғни заңсыз қаржы ағынына Ресей бақылау жүргізіп отырады.

Атап айтқанда, орталықтың операторы ретінде Ресейдің Қаржы мониторингі жөніндегі федералды қызметі белгіленген. Депутаттар не себепті Қазақстанның қаржылық ағынына қатысты деректер Ресей бақылауына өтетінін сұрады.

«Бұл орган жүйені ұйымдастырушылық және техникалық тұрғыда қамтамасыз етеді. Техникалық құжаттаманы әзірлейді. Деректердің құпиялылығын сақтайды. Сондай-ақ деректерді өңдеуге арналған бағдарламалық ақпараттық кешен Ресей аумағында орналастырылады. Неліктен орталық оператор ретінде Ресей анықталған...

7 жылға сотталған Ғайни Алашбаева қызы Перизат Қайраттың ақшаны қайдан алғанынан хабары болмаған. Мұны апелляциялық сотта адвокат Асланбек Дәулетияров айтты. Оның сөзінше, Перизат Қайрат анасының шотына ақша аударған кезде оның қайдан келгенін түсіндірмеген.

«Жәбірленушінің ешқайсысы Алашбаева тарапынан жымқыру әрекеті болғанын айтпады. Олар Алашбаеваға қатысты бірде-бір азаматтық талап арыз бермеді. Тек AsarUme қоры процестің аяғында ғана талап арыз жолдады. Жәбірленушілердің өзі бұл іске Алашбаеваның қатысы жоқ екенін түсініп отыр.

Перизат Қайрат сотта берген жауабында өз шотынан анасына ақша аударған кезде қаражаттың қайдан келгенін айтпағанын жеткізді», – дейді адвокат.

Айтуынша, қайырымдылық қоры шотынан Алашбаеваның шотына тікелей аударым...

Елордада Президент Жолдауына орай «Отбасы басты назарда: қазіргі сын-тегеуріндер мен бағдарлар» атты SARAP эксперттік клубының отырысы өтті. Іс-шараны Қазақстандық қоғамдық даму институты ұйымдастырды.

Жиында сарапшылар отбасы институтын дамыту мен нығайтуға қатысты мәселелерді, әлеуметтік-экономикалық және мәдени сын-тегеуріндерді талқыға салды.

Қазақстандық қоғамдық даму институты (ҚҚДИ) басқарма төрағасының орынбасары Бекзат Рахимов елімізде адами капиталды дамыту маңызды екенін атап өтті.

«Мемлекет басшысының биылғы Жолдауы 7 негізгі бағытты қамтыды. Басты басымдықтардың бірі ретінде адами капиталды дамыту қажет екені ерекше атап өтілді. Ал отбасы – осы адами капиталдың өзегі, қоғамның берік іргетасы. Сондықтан демографиялық үдерістерді терең зерттеп, болашақты ескеріп шешімдер қабылдауға айрықша...

23 қыркүйек күні Алматы әуежайында әлемге танымал актер әрі жекпе-жек өнерінің шебері Джеки Чан төбе көрсетті. 71 жастағы жұлдыздың суреттері әлеуметтік желіде тарады, куәгерлер оны ұшақтан түсе салысымен түсіріп алған.

Белгілі болғандай, Чанды Қазақстандағы Salem Entertainment компаниясының өкілдері күтіп алған. Бұл компания «5:32», «Қара аула», «Шекер» сияқты табысты сериалдарымен танымал. Дегенмен актердің елімізге сапарының нақты мақсаты әзірге жария етілген жоқ. Киносыншы Кәрім Қадырбаев жақын арада Джеки Чан қатысатын жобаның мән-жайын өзі түсіндіретінін мәлімдеді.

Қазір әлеуметтік желілерде түрлі болжамдар айтылып жатыр. Көпшілік оны жаңа фильм немесе Salem Entertainment-пен бірлескен жоба аясында келді деп болжап отыр. Тағы бір нұсқа бойынша, актер...

Қазақстан соңғы жылдары туризмге бөлінген бюджет шығынын арттырып келеді. 2025 жылғы қаңтар–тамыз айларында туризмді дамытуға 8,4 млрд теңге жұмсалды. Бұл көрсеткіш өткен жылдың сәйкес кезеңімен салыстырғанда 43%-ға жоғары. Айта кетсек, екі жыл қатарынан шығындар екі таңбалы қарқынмен өсіп отыр: 2023 жылдың алғашқы сегіз айында өсім 30%-ды құраған. Бұл туралы ҚР Қаржы министрлігінің дерегіне сүйене отырып DATA HUB телеграм-арнасы жазады.

Бюджет шығынының басым бөлігі туристік қызметті реттеуге кеткен. Бұл бағыт дәстүрлі түрде туризмді дамытуға бөлінетін қаржының шамамен екіден бірін қамтиды. 2025 жылғы қаңтар–тамыз аралығында осы мақсатқа 5,4 млрд теңге бөлінді, бұл өткен жылмен салыстырғанда 40%-ға артық.

Дегенмен, бұл қаржыны...

Украина президенті Владимир Зеленский Ресей президенті Владимир Путинге Қазақстанда кездесу өткізуді ұсынды.

Зеленскийдік сөзіне қарағанда, Путинмен кездесу алаңы ретінде Түркия, Сауд Арабиясы, Қатар, Аустрия мен Швейцарияны ұсынған. Путин Қазақстанды таңдаса, Зеленский бұған дайын екенін жеткізді.

Саяси ғылымдар докторы Сайын Борбасов соғысып жатқан екі ел басшыларының Қазақстанда кездесу мүмкіндігін ой елегінен өткізіп, сараптап көрді.  

Тоқаев пен Зеленскийдің кездесуі не берді?

«Біздің президент Қасым-Жомарт Тоқаев Нью-Йоркқа – БҰҰ ассамблеясының сессиясына барды. Сол кезде көп адамдармен кездесті. Оның арасында Украина президенті Владимир Зеленский де болды. Бүкіл әлемдік қауымдастық «Қазақстан Ресей жағында, Украинаны қолдамайды, қарым-қатынасы жоқ» деген әңгімені көп айтты. Тіпт...

Қазақстан қашықтан жұмыс істеп, саяхаттауды ұштастыратын шетелдіктер үшін тартымды елге айналып келеді. Өткен жылы іске қосылған Neo Nomad Visa бағдарламасы аясында 14 шет мемлекеттің 27 азаматы елімізде бір жылға тұру құқығына ие болды. Бұл туралы Kazakh Tourism хабарлады.

Қай елдерден келді?

Neo Nomad Visа негізінен АҚШ, Канада және Франция азаматтарына берілген. Сонымен қатар бұл мүмкіндікті Жаңа Зеландия, Ұлыбритания, Ирландия, Сингапур, Оңтүстік Корея, Аустралия, БАӘ, Бразилия, Латвия және Польша азаматтары да пайдаланды.

Neo Nomad Visa не береді?

Бұл виза шетел азаматтарына:

Astana Group компаниясының негізін қалаушы Нұрлан Смағұлов елдегі автоөндірісті 50%-ға дейін жергіліктендірмекші. Бұл мақсаты туралы Алматыда өтіп жатқан Kazakhstan Growth Forum экономикалық форумында айтты.

Кәсіпкердің сөзінше, осы мақсатқа жету үшін Алматыдағы жаңа автозауытта бірнеше қосымша цех салуға тура келген.

«Бүгінде біз орындықтар жасаймыз, шығару жүйесін, жылыту және салқындату жүйелерін, мультимедиа жабдықтарын өндіре бастадық», – деп атап өтті Смағұлов.

Миллиардердің айтуынша, өндірісті жергіліктендіруге 16 млн доллар инвестиция салған.

«Келесі жылы да инвестициялар болады. Енді сым, кабель, қаптамалар жасаймыз, орындықтарға қаптауыштар тігеміз», – деді кәсіпкер.

Автоөндірісті жергілікті бизнес те көмектесіп, шағын...

Ресей президентінің баспасөз хатшысы Дмитрий Песков Украина президенті Владимир Зеленскийдің Ресей басшысы Владимир Путинге Қазақстанда кездесу туралы ұсынысына пікір білдірді.

24 қыркүйекте Песков РБК радиосының эфиріне шығып, Украина мен Ресей арасындағы жанжалға қатысты сауалдарға жауап берді. Сұхбат барысында украин басшысының жоғары деңгейдегі саммитті Қазақстанда өткізу туралы ұсынысы да сөз болды.

Агенттік мәліметінше, Песков Путиннің мұндай келіссөзді Мәскеуде өткізуді ұсынғанын, бірақ Киев бір бас тартқанын еске салды.

«Диалогқа ашық болса, неге келмейді?» – деп сұрады Песков.

Баспасөз хатшысының айтуынша, украин тарапы «көптеген ұсыныс үйіп-төккен». Олар Қазақстанда кездесу туралы сөз қозғамас бұрын Ресейге «тіпті қолайсыз» елдерд...

Инфляцияны жасанды түрде, қолдан төмендету экономиканың даму қарқынын баяулатады. Ал оны қалпына келтіруге ұзақ уақыт қажет болады. Вице-премьер Серік Жұманғариннің Kazakhstan Growth Forum барысында айтқан сөзін BES.media басылымы келтіреді.

Жұманғариннің айтуынша, Қазақстандағы қазіргі инфляция елдің дамуы мен экономиканың кеңеюімен байланысты. «Инфляцияны 5%-ға түсірейік, содан кейін қайта өсеміз» деген пікірлерге ол қарсы екенін жеткізді.

«Мұндай тәсілді мен де, әріптестерім де қолдамаймыз. Біздің экономика өзара байланысты, Қазақстан жеке арал емес», – деді ол.

Оның сөзінше, инфляцияны қысқарту шаралары экономикалық өсімді баяулатады, ал оны қайта жандандыру үшін бірнеше жыл кетуі мүмкін.

«Қазіргі саясат...

23 қыркүйектен бастап Қарағанды мен Семейді байланыстыратын тікелей әуе рейсі ашылады. Ұшақ аптасына екі рет — сейсенбі және бейсенбі күндері қатынайтын болады.

«Қарағанды – Семей – Қарағанды» бағытында сыйымдылығы 50 орындық «Bombardier CRJ200» ұшағы жолаушыларды тасымалдай бастады. Субсидияланған рейсті «SCAT» әуе компаниясы жүзеге асырады. Жолаушылар аптасына 2 рет – сейсенбі және бейсенбі күндері қатынайтын болады», – делінген әкімдік хабарламасында.

Билет бағасы бар болғаны 15 000 теңге.

Қазіргі уақытта Семей қаласынан «Семей – Алматы», «Семей – Астана», «Семей – Үржар», «Семей – Қарағанды» бағыттары бойынша әуе рейстері орындалуда. Аталған рейстерді «FlyArystan», «Оңтүстік аспаны», «SCAT...

Перизат Қайраттың адвокаты Асланбек Дәулетияров бірінші сатыдағы үкімнің күшін жоюды сұрады.

Адвокаттың сөзінше, Перизат Қайрат пен анасы Ғайни Алашбаеваға тиесілі бағалы заттардың түпнұсқа екені нақтыланбаған. Ал бұл заттардың бағасына, тағылған айып сомасына әсер етеді.

«Қылмыстық істің барлық материалы, заттай айғақтар, мамандар шығарған қорытынды, куәлердің айғағы, сотқа дейінгі тергеу органдарының қылмыстық процесс қағидаларын бұзуы Алашбаева мен Қайраттың кінәсі дәлелденбегенін көрсетеді», – деді адвокат.

Айтуынша, олардың әрекетінде қылмыс құрамы жоқ.

«Сәйкесінше, бірінші инстанция сотының үкімі заңсыз әрі негізсіз, себебі ол айыптау тарабының өзара қайшы және дәлелденбеген айғағына негізделген», – деді ол.

Соған...

Астана сотында Перизат Қайрат пен Ғайни Алашбаеваға шыққан үкім апелляциялық сатыда қаралып жатыр, деп хабарлайды KursivMedia.

Шағымды Астана қалалық сотының қылмыстық істер жөніндегі сот алқасы қарап жатыр. Сот алқасының құрамында судья Нұрлан Баяхметов, Жарас Арыстанбеков, Даулешова бар.

Перизат Қайрат сот процесіне қатысу үшін өтінішхат жолдаған. Алайда сот алқасы тараптардың пікірін тыңдап, сотталғандардың сот процесіне қатысуына негіз жоқ деп тапты.

Перизат Қайрат ісі

2025 жылдың шілдесінде Biz Birgemiz Kazakhstan 2030 қорының жетекшісі Перизат Қайрат 10 жылға бас бостандығынан айырылды. Ол қылмыстық кодекстің 190-бабы 4-бөлігінің 2-тармағы бойынша – «Алаяқтық», 218-бабы 3-бөлігінің 3-тармағы – «Аса ірі көлемде қылмыстық жолмен...

Алтын құны тарихи межеге жақындап, трой унциясы 3 796 долларға жетті. Инфляциялық қысымның күшеюі, доллардың әлсіреуі және геосаяси тәуекелдердің артуы – инвесторларды «қауіпсіз айлаққа» жүгінуге итермелеген негізгі факторлар. Қаржыгерлер қауымдастығы сарапшыларының пікірінше, бұл құбылыс әлемдік нарықтағы белгісіздіктің күшейгенін көрсетеді.

Валюта нарығындағы қысым

Қазақстанда шетел валютасына сұраныс жоғары болды. USD/KZT бағамы бір күнде 1,98 теңгеге өсіп, 544,91 теңгеге жетті. Сауда көлемі де 326,1 млн долларды құрады. Сарапшылардың пікірінше, бұған импорттық келісімшарттарды төлеу, сыртқы қарыздарды өтеу және тоқсан соңындағы дәстүрлі валюта операциялары әсер еткен. Таңғы саудада доллар 543,90 теңге деңгейінде қалыптасты. Бұл теңгенің алдағы аптада да қысымда болатынын аңғартады.

Алматыда 28 қыркүйек күні өтетін марафонға байланысты жолдар жабылады. Бұл туралы Алматы әкімдігінің баспасөз қызметі хабарлады.

«2025 жылдың 28 қыркүйек күні он төртінші Almaty Marathon өтеді. Almaty Marathon ұйымдастыру комитеті оңтүстік астананың тұрғындары мен қонақтарын 28 қыркүйек күні жарыс қала көшелеріндегі қозғалыс ішінара шектелетіндігі жөнінде хабарлайды», – делінген баспасөз хабарламасында.

Шараға 60-тан астам елден келген 16 000 адам қатысатыны айтылған. Жарыс 28 қыркүйек күні сағат таңғы 6-да бастап, шамамен 12:30-да аяқталады деп жоспарланып отыр. Спортшылар жүріп өткен жолдар кезең-кезеңімен ашыла бастайды.

Қандай көшелер жабылады?

Әкімдік 27 қыркүйек күні сағат 6-дан...

Отбасы банк пәтерді немесе үйді жөндеуге арналған несие ұсынып отыр. Бұл несие интерьерді жаңартып қана қоймай, болашақ баспанаға да ақша жинауға кедергі келтірмейді.

Банк үйге арналған жинақтан бас тартпай-ақ, қосымша жөндеу жасауға арнайы несие беру тетігін қарастырып отыр.

Кім ала алады?

Несиені банктің кез келген салымшысы рәсімдей алады, яғни депозитте қаражат жинап жүрген азаматтарға қолжетімді.

Басты шарт – депозитте несие сомасының кемінде жартысы болуы тиіс.
Максималды сома – 3 млн теңгеге дейін, жылдық мөлшерлеме – 3,5%-дан басталады, депозит мерзімі – кемінде 3 жыл.

Бір ұтымды пәтердің иесі болу міндетті емес. Тұрақты тіркеуіңіз немесе тұрғын үйде үлесіңіз болса...

УЕФА жастар арасында Чемпиондар лигасы аясындағы «Қайрат» U-19 – «Реал Мадрид» U-19 кездесуі көрерменсіз өтеді. Бұл туралы «Қайрат» футбол клубы мәлімдеді.

Матч 30 қыркүйек күні сағат 12:00-де Майлин көшесіндегі Сегізбаев атындағы Академия алаңында ұйымдастырылады. Алайда ойынға жанкүйерлер кіргізілмейді. Клубтың шешіміне сәйкес, матчты тек академияның бапкерлер құрамы, қызметкерлері, ойыншылардың ата-аналары және бұқаралық ақпарат құралдарының өкілдері ғана тамашалай алады.

ФК «Қайраттың» хабарлауынша, бұл шешім стадионның сыйымдылығының шектеулі болуына байланысты қабылданған. Академия алаңы бар болғаны 250 орынға есептелген.

Айта кетейік, сол күні кешке, яғни 21:45-те Алматының Орталық стадионында «Қайрат» пен «Реал Мадридтің» негізгі құрамдары арасындағы Чемпиондар лигасы ойыны өтеді. Бұл ойынға барлы...

Дүниежүзілік денсаулық сақтау ұйымы (ДДСҰ) парацетамолдың аутизм қаупін тудыруы туралы мифті жоққа шығарды. Ұйым сарапшыларының айтуынша, бүгінгі таңда мұндай тәуелділікті растайтын сенімді ғылыми дәлелдер жоқ деп жазады Reuters.

«Қазіргі уақытта аутизм мен парацетамолды қолданудың арасында тұрақты байланыс анықталмаған», – делінген ұйымның ресми хабарламасында.

Осылайша ұйым ғылыми қауымдастықтың бұл тұжырымды растайтын да, жоққа шығаратын да зерттеу нәтижелеріне ие емес екенін атап өтті. Дегенмен сарапшылардың пікірінше, мұндай тақырыптардағы алып-қашпа әңгімелер денсаулық сақтау жүйесіне деген сенімді әлсіретіп, негізсіз үрей туғызуы, тіпті тиімді медициналық құралдардан бас тартуға әкелуі мүмкін.

Халықаралық мамандардың еске салуынша, парацетамол әлемде температураны түсіру...

Премьер-министрдің орынбасары Серік Жұманғарин жеңілдігі бар арнаулы салық тәртібімен қай кәсіпкер жұмыс істей алатынын түсіндірді. Вице-премьер 24 қыркүйекте Астанада жаңа Салық кодексіне қатысты семинарда сөйледі.

Жұманғарин өткен аптада интернетте таралған «Қолдануға тыйым салынған қызмет түрлері тізімінің» жобасын «фейк» деп атады. Шенеуніктің мәлімдеуінше, мұндай тізім жобасы әлі талқыланып жатыр.

«Шын мәнінде, біз мұндай тізімді жариялаған жоқпыз. Онымен әлі жұмыс істеп жатырмыз. Оған Ұлттық кәсіпкерлер палатасы да белсенді түрде қатысып жүр», – дейді Жұманғарин.

Оның айтуынша, талқыланып жатқан жобадағы басты қағида – оңайлатылған декларациямен жұмыс істеп жүргендер бұрынғыша салық жеңілдігімен жұмыс істей береді.

Мемлекеттік тұрғын үй қорынан берілетін тұрғын үйлерді жекешелендіру қағидасы өзгереді. Бұл туралы премьер-министр Олжас Бектеновтің қаулысында жазылған.

Қаулыға сәйкес «Мемлекеттік тұрғын үй қорынан берілетін тұрғын үйлерді жекешелендіру қағидаларын бекіту туралы» Қазақстан Республикасы Үкіметінің 2013 жылғы 2 шілдедегі № 673 қаулысына өзгеріс енгізілмек.

Мемлекеттік тұрғын үй қорынан әдетте коммуналдық тұрғын үй қорына, мемлекеттік кәсіпорындардың тұрғын үй қорына не мемлекеттік мекемелердің тұрғын үй қорына тиесілі және республикалық немесе коммуналдық мүлік құрамына кіретін тұрғынжайлар беріледі.

«Тұрғынжайды жекешелендіру – Заңға сәйкес жүзеге асырылатын, азаматтардың мемлекеттік тұрғын үй қорынан өздері тұрып жатқан тұрғынжайларды меншігіне сатып алуы...

Қазақстанда MyArmy.kz атты портал іске қосылды. Енді әскерге бару үшін онлайн өтініш беруге болады.

Жаңа цифрлық сервисті қорғаныс министрлігі әзірлеген. Ол арқылы әскери бөлімшеге бармастан мерзімді немесе келісімшарттық әскери қызметке жазылуға болады.

Өтінім үш кезеңнен өтеді: «жасалды», «өңделуде», «қабылданды/қабылданбады». «Өңделуде» сатысында кандидат медициналық комиссиядан өту үшін қажетті талдаулар мен анықтамалардың тізімін алады. Бұл үдерісті жеделдетіп, бюрократияны азайтады.

Сондай-ақ порталда төмендегідей қызметтер бар:
— әскерге қатысты жиі қойылатын сұрақтарға жауаптар;
— өзекті жаңалықтар мен материалдар;
— кері байланыс нысандары.

Жоба SARBAZ+ пилоты аясында жүзеге асырылып жатыр. Сынақтан өткеннен кейін, жүйені бүкіл ел бойынша енгізу жоспарланып отыр.

Еске салайық, 2 қыркүйекте әскерге...

Қазақстан алғаш рет China Mobile International (CMI) компаниясының ғаламдық картасына енгізілді. Ал Akashi Data Center Орталық Азиядағы цифрлық инфрақұрылымды дамытуға арналған стратегиялық алаңға айналды. Бұл туралы Астанада өткен CMI конференциясында белгілі болды.

CMI өкілдері компания Akashi-дің Tier IV деңгейіндегі (100 МВт) қуаттылығын операторлар мен мемлекеттік құрылымдардың AI-жүктемелерін қамтамасыз ету үшін тірек алаң ретінде пайдалануды жоспарлап отырғанын айтты.

Akashi Data Center бас директоры Владислав Минкевич MI-мен әріптестік Қазақстан үшін маңызын түсіндірді:

«Бүгін біз маңызды қадам жасадық — Akashi алғаш рет жаһандық бұлт картасында халықаралық мойындауға ие болды. Қазақстан үшін бұл елдің Орталық Азиядағы цифрлық хаб ретінде орныға...

Павлодардағы жылу электр орталығында ар адам қаза тапты. Павлодар облысы жедел медициналық жәрдем станциясы шақыртудың 23 қыркүйек сағат 15:00 шамасында түскенін хабарлады, деп жазды «Қазақпарат».

Жедел жәрдем бригадасы оқиға орнына 9 минутта жеткен. Зардап шеккен ер адам оқиға орнына дәрігерлер келгенше қайтыс болған.

Жұмысшының қазасын еңбек инспекторлары да растаған. Павлодар облысы бойынша мемлекеттік еңбек инспекциясы мамандарының хабарлауынша, «Павлодарэнерго» АҚ-ның ЖЭО-2 алаңында қайғылы жағдай болған. Салдарынан 1992 жылы туған 4-разрядты дәнекерлеуші көз жұмды.