Жаңалықтар

«Jibek Joly» арнасындағы «Бүгін.Live» бағдарламасына Алакөлде гидроцикл жүргізіп, әлеуметтік желіде танымал болған 82 жастағы зейнеткер Жадыра Жаниман сұхбат берді. Ол қалайша қорықпай су үстіндегі көлікке отырғанын айтып берді. 

«Жастайымнан әкем еркелетіп соғыстан келгенде атқа мінгізіп үйреткен. Финагент болып істеген райкомда. Сонымен маған велосипед алып берген. Бәрін көргенмін жастық шағымда. Одан кейін Алла бұйыртып тұрмысқа шықтым. Құдайдың берген 12 баласын өсірдім, соларды жеткіздім. Батыр ана болдым. Әрі жұмысыммен қабаттасып оларды тәрбиеледім әрі жұмыс істедім. Сонымен депутат болып та сайландым. Елдің халықтың көтермелеуімен өзімді бақытты санадым. Шетелдерге балалардың арқасында бардым зейнетке шыққасын. Мысырда судың астына түстім 8 метр тереңдікке. Онда да...

Несиені қайтару қиынға соғып, ай сайынғы төлемдер қалтаңызға жүк болатын жағдайлар кездеседі. Бірақ банктен хабарласқан операторлардың телефонын алудан қашпаңыз. Кез келген жағдайда банкпен келісуге мүмкіндік бар. Назарларыңызға несие төлеуді жеңілдететін төрт әдісті ұсынамыз.

Қайта құрылымдау

Қарызды қайта құрылымдау – банкпен арадағы қазіргі несие келісім-шартын қайта өзгерту. Яғни бұл тәсіл аясында ай сайынғы төлемді азайтуға, несие мерзімін қысқартуға және пайыздық мөлшерлемені төмендетуге болады.

Қайта құрылымдауға өтініш беру үшін банкке қаржылық жағдайыңыздың қиындағанын растайтын құжат керек. Мысалы,

Заңға сәйкес, кредиттік ұйым несиенің мерзім...

АҚШ президенті Дональд Трамп Израиль мен Иран арасындағы қарулы қақтығыстың жақын арада аяқталатынын хабарлады. Бұл туралы Трамп өзінің Truth Social әлеуметтік желісінде екі тараптың толық атысты тоқтату туралы келісімге келгенін жазды.

«Израиль мен Иран атысты толық және түбегейлі тоқтату туралы келісімге келді (қазірден бастап алдағы 6 сағат ішінде өздерінің соңғы әскери миссияларын аяқтап, шегінеді!). Осыдан кейінгі 12 сағатта соғыс ресми түрде аяқталады!», – деп жазды Трамп.

Трамптың айтуынша, Иран атысты тоқтату режимін бірінші болып бастайды, ал 12 сағат өткеннен кейін Израиль де оған қосылады. 24 сағат ішінде әлем 12 күнге созылған соғыстың ресми аяқталғанын...

Саяхатта тек жаныңа қуаныш сыйлайтын дүниелерге ғана ақша жұмсағың келеді. Артық шығын, алданып қалу, бюджетті тиімсіз жұмсау — кез келген саяхатшының қорқынышты түсі сияқты. Әсіресе, ел ішінде жүргеннің өзінде дамыл бермейтін алаяқтар шетелде де туристердің қалтасын қағуға дайын тұрады. Оқырмандарымыздың ақшасын сақтау үшін саяхатта көп кездесетін алаяқтық түрлерін және одан қалай қорғану керегін жазып шықтық. Мақаланы оқып шығу саяхатта әмияныңыз бен жүйкенізді сақтайды:

Такси

Саяхатта туристер арасындағы ең танымал алаяқтық түрі. Әуежай/вокзалдан қалаға жеткісі келетін шетелдікті қыруар ақшаға түсіру барлық елде кездесетін жағдай. Бұған жол бермес үшін:

Түркістан облысы Сайрам ауданында шаруалар ағын судың аздығына шағынды. Айтуларынша, Ақсу өзенінен келетін су азайған. Еккен егіндері қурап жатыр. Шығынға батып қалғанын айтқан диқандар судың мәселесін шешіп беруді сұрайды. Ал ағын судың тапшылығын аудан әкімдігі растады.

Сайрам ауданы Қарабұлақ ауылының тұрғыны Тахиржан Нартаев жылда картоп егіп, оны сатып, отбасын асырап келген. Биыл Ақсу өзенінен келетін ағын су азайып, еккен егініне су жетпей қалған.

«Қараңызшы, бір жарым миллион теңгеге картоптың ұрығын сатып алдым. Жер жырту, жұмысы бар, жалпы есептегенде егіннен өнім алу ниетінде 3 миллион теңге жұмсадым. Кеше клиент алып келдік. Картопты қарады да, тіпті сұрамай кетіп...

Қазіргі өмір салтыңыздың қарқынын қатты өзгертпей, бірақ қаржы жағынан еркін бола түскіңіз келе ме? Онда сізге аз-аздан қадам жасаудан бастау керек. Бір қарағанда елеусіз болып көрінуі мүмкін. Дегенмен әдетке айналдырсаңыз, көп ұзамай жағымды нәтижесін көре бастайсыз. Бүгінгі материалымызда сізді байыта түсетін, санаңызды сілкінтетін, болашаққа сенімдірек ететін күнделікті әдеттер туралы айтамыз.

Байлық аспаннан түспейді

Лотереядан аяқ-асты ұтып алмасаңыз не кинодағыдай бай біреудің мұрагері екеніңізді жылдар өте білмесеңіз, басқа жағдайдың бәрінде байып кету үшін үздіксіз қадам жасау керек. Ол үшін міндетті түрде ауқымды өзгеріс қажет емес. Қайта елеусіз көрінген қадамдар күнделікті жасалған сайын ақша туралы ойыңызды дұрыстап, сауаттырақ ете түсед...

23 маусымда түнде Иран АҚШ-тың Ирак пен Катардағы әскери базаларына соққы жасады. Тегеран базаларға шабуыл жасағанын CNN телеарнасына америкалық екі шенеунік растады.

Дүйсенбі күні түнде Иран Құрама Штаттардың Ирак пен Катардағы әскери базаларына бірнеше зымыран ұшырды. Ислам революциясының сақшылары корпусының мәлімдеуінше, соққы Катардағы Әл-Удейд әуе базасына жасалған. Тегеран мұны АҚШ-тың Иранға шабуылына қарымта соққы деп атады.

Катар астанасы – Доха тұрғындары CNN телеарнасына қалада қатты жарылыстар болғанын мәлімдеді. Жергілікті билік азаматтарды қауіпсіз жерге жасырынуға кеңес берді.

Катар билігі иран зымырандарын әуеде жойғанын, ешкім зардап шектегенін мәлімдеп отыр. Бұған қоса, Доха шабуылға тікелей жауап беру құқығына ие екенін ескертті. Бұл...

Қазақстандық шахматшы Бибісара Асаубаева Лас-Вегаста өтетін Freestyle Chess Grand Slam турниріне қатысады. Бибісара турнирге қатысатын алғашқы қазақстандық әйел шахматшы болмақ.

Турнирге шақырту алғаны жайлы 21 жастағы спортшы әлеуметтік желідегі парақшасында жазды.

«21 жастағы бойжеткеннің Карлсен, Каруан, Накамура және басқа да топ-шахматшылардың қатысуымен өтетін супертурнирге шақырту алуы орындалмас арман сияқты көрінеді. Бірақ солай болды, мен тіпті таңғалып отырмын. Әйелдерден супертурнирде кім ойнаған? Юдит полгар, Хоу Ифань және енді мен», – деді ол парақшасында.

Freestyle Chess Grand Slam турнирі Лас-Вегаста 16-20 шілде аралығында өтеді. Бұл – жабық форматтағы жарыс. Яғни кез келген шахматшы қатыса...

Freedom Broker америкалық компанияның қатысуымен Қазақстанда алғашқы Non Deal Roadshow өткізді. Нарықтық капиталы 538,6 млн доллар деп бағаланатын Venu Holding компаниясының иесі Рот Қазақстанға арнайы келіп, брокерлер мен клиенттердің алдында сөз сөйледі. Сонымен қатар Freedom Finance компаниясының сараптама департаментінің директоры Вадим Меркуловке сұхбат беріп, өзінің бизнесі туралы әңгімеледі.

Роттың айтуынша, бүгінде холдинг жалпы құны 1,2 млрд доллар болатын жобаларды жүзеге асырып жатыр. Бұл жетістікке концерт билеттерінің рекордтық сатылымы мен жаңа әртістердің үнемі пайда болып отыруының арқасында қол жеткізген. Осыған байланысты АҚШ-та жаңа концерттік алаңдар салу қажеттілігі туындады.

«Білесіз бе, мен өмір бойы музыканың жанкүйері болдым. Venu...

Енді заң бұзылғаны жайлы полицияға мобильді қосымша арқылы хабарлауға болады. Egov Mobile қосымшасында жаңа «Заң және тәртіп» белгішесі пайда болды деп хабарлайды ІІМ.

Бұл белгішені басу арқылы пайдаланушылар полицияға тікелей хабарлама жолдай алады.

«Өтініш формасы қарапайым әрі түсінікті. Қоғамдық тәртіпті бұзу, тұрмыстық зорлық-зомбылық немесе жол-көлік оқиғасы секілді жағдайлар туралы сигнал жедел қабылданады, және полиция ол туралы хабарлама алған сәттен бастап дереу әрекет етеді», – деп хабарлады ІІМ.

Ұқсас белгішелер кейбір банк қосымшаларына да енгізілген. Қызмет тәулік бойы жұмыс істейді және ел бойынша барлық өңірлерден өтініштерді қабылдайды.

Айта кетейік, бүгін Қасым-Жомарт Тоқаев құқық қорғау органдарыны...

Павлодарда Ақсу қаласындағы дауыл кезінде көз жұмған әйелдің отбасына көмек көрсетіледі. Бұл туралы жергілікті Kerek.pv арнасы жазады.

Басылымның мәліметінше, марқұм – 57 жастағы Марина Пахомова. Ол балабақшада хореограф болып жұмыс істеген, балаларға би үйреткен. Сол күні кешке жұмысынан таксимен қайтып келе жатқанда, көлікке ағаштың сынығы құлайды. Соққы салдарынан Марина Пахомова сол жерде көз жұмған.

Енді марқұмның отбасына еңбек өтілі үшін 310 мың теңге өтемақы және жерлеу рәсімін ұйымдастыруға арналған қаражат ретінде 360 мың теңге беріледі.Сондай-ақ жергілікті билік тарапынан қосымша көмек ретінде 950 мың теңге бөлінді. Қоштасу күні туыстарды тасымалдау үшін автобус та қарастырылды.

Еске салайық, 19-20 маусымда Павлодар облысында...

Алматыда Ақкент ықшам ауданында үш жасар бала тоғызыншы қабаттан құлап кетті. Оқиға орнына келген дәрігерлер сәбидің өмірін сақтап қала алмады деп хабарлайды құзырлы органдар.

Оқиға 23 маусымда болған. Әзірге қайғылы жағдайдың мән-жайы белгісіз.

«Үш жасар баланың өліміне қатысты тергеу басталды. Алатау ауданы Полиция басқармасының қызметкерлері болған жайтты анықтап жатыр», – деп жазылған Алматы полиция департаментінің хабарламасында.

Өкінішке орай, балалардың абайсызда терезеден құлап кетуі – жиі таралатын қайғылы жағдай. ТЖМ мәліметінше, жыл басынан бері 60 бала терезеден құлап кеткен. Ал 2024 жылы 196 жазатайым оқиға тіркелген. Көбінде терезеден аңдаусызда 2 жастан 13 жасқа...

Counter-Strike 2, Dota 2, GTA, League of Legends, Minecraft және Genshin Impact сияқты танымал ойындар шариғатқа сай келмейді. Қазақстан мұсылмандары діни басқармасы (ҚМДБ) мұсылмандарға бұл ойындарды ойнауға кеңес бермейді. Басқарманың Kursiv.Media сауалына жіберген жауабында осылай жазылған.

ҚМДБ хабарламасында зорлық-зомбылық, кісі өлтіру, соғыс, дінсіздік немесе дінге күлкі етіп қарау секілді көріністер бар барлық ойынға қатаң тыйым салынатыны айтылған. Оған негіз ретінде Мәида сүресінен үзінді келтірілген.

«Әй мүміндер! Арақ, құмар, тігілген тастар (пұттар) және бал ашатын оқтар лас, шайтанның істерінен. Одан сақтаныңдар, құтыларсыңдар», – деп жазылған Мәида сүресінің 90-аятында.

Бұл қағида Counter-Strike 2, Dota 2, GTA сияқты...

Air Astana компаниялар тобы 24 маусым, сейсенбіге белгіленген үш рейсті тоқтатты. Әуе компаниясы мұндай шешімді Таяу Шығыстағы жағдайдың шиеленісуімен түсіндірді.

Air Astana Біріккен Араб Әмірліктері мен Катар қалаларына қатынайтын әуе рейстерін тоқтату жөнінде шешім қабылды:

Компания орындалмаған рейстердің жолаушыларына ақысыз қайта брондау немесе билет құнын толық қайтаруды ұсынды.

Әуе компаниясы Таяу Шығыстағы жағдайды мұқият қадағалап отыр. Әуе компаниясы рейстер кестесін 25 маусымда қайта қарайды.

Естеріңізге сала кетейік, бүгін SCAT әуе компаниясы да бірқатар рейсін ауыстырды. Оның алдында Wizz Air Abu Dhabi әуе компаниясы Астана-Абу-Даби, ал Air Astana Атырау-Дубай рейсін тоқтатты.

Президент Қасым-Жомарт Тоқаев Қазақстанда қылмыстық-атқару жүйесін жетілдіру қажетін атап өтіп, жазасын өтеушілерді қоғамнан оқшаулау емес, оларды қайта тәрбиелеп, қалыпты өмірге бейімдеу керек деді. Осы ретте Президент кәсіпкерлерді түрме жанынан өндіріс орындарын ашуға шақырды.

Тоқаевтың айтуынша, мемлекет қателікке бой алдырған адамнан теріс айналмауы керек.

«Мемлекет шалыс қадам басқан азаматтан теріс айналмайды, тек оның тура, дұрыс жолға түсуіне жәрдем береді. Өйткені, әділетті елдің соты – әділ, ниеті түзу болуға тиіс. Бірақ рақымшылық жасау дегеніміз, бұл – барлық мәселенің шешімі емес, бір реттік қана шара екенін түсінген жөн», – деді ол.

Президент қылмыстық атқару жүйесінде тәрбие...

ҰБТ қалай өтіп жатқаны жөнінде Ғылым және жоғары білім министрлігі ақпарат жариялады. Аралық қорытындыда қызық жайттар көп.

Министрліктің ақпаратына қарағанда, ҰБТ 2025 жылғы 16 мамырда басталған. Содан бері 268 мыңға жуық тестілеу өткізілген.

Қандай тіл таңдалды?

Түлектердің 74%-ы – қазақ тілін, 26%-ы – орыс тілін таңдаған. Ал 221 талапкер ағылшын тілінде тапсыруды ұйғарыпты.

Бес апта қорытындысына қарағанда, олардың 70%-ы шекті балл жинаған. Бес пән бойынша орташа балл 66 болып отыр. Түркістан облысының тумасы Жәнібек Әбілхан 140 балл жинап, ең жоғары нәтиже көрсетті.

210 талапкер тестілеуден шеттетілді

Төрт апта ішінде ҰБТ қалай өткені туралы мынадай деректер...

Таяу Шығыстағы жағдайдың ушыққанына қарамастан, қазақстандықтар Дубайға ұшып жатыр. Бұл туралы Қазақстан сыртқы істер министрлігі ресми өкілі Айбек Смадияров мәлімдеді.

«Кеше ғана Әмірліктердегі (БАӘ – ред.) дипломаттарымызбен сөйлестім. Олар кейінгі 6-7 ұшақтың лық толы барғанын айтты. Бұл – бір ғана тәуліктегі жағдай.  Енді әрі қарай өзіңіз есептей беріңіз. Бірнеше күн өтті, сол уақыт ішінде қанша адам ұшып кеткенін ойлай беріңіз», – дейді Смадияров.

Айта кетейік...

Енді ауыл инспекторлары мен үздік курсанттардың шені тез өседі. Бұл туралы Қасым-Жосарт Тоқаев полиция күніне орай ұйымдастырылған жиында айтты.

Президент аталмыш салада кадрлық әлеуетті күшейтуді тапсыра келе, ауылдағы инспекторлардың әлеуетін нығайтуды ұсынды.

«Учаскелік инспекторлардың әлеуетін одан әрі нығайту қажет. Себебі олар іс жүзінде мемлекет мен қоғам арасындағы басты дәнекер саналады. Әсіресе, бұл ауылдық жерде анық байқалады. Өйткені жергілікті тұрғындар үшін учаскелік инспектор – қорғаушы, құқықтық кеңесші, тіпті, әділдік сұрап жүгінетін соңғы инстанция. Менің ойымша, ауылдағы учаскелік инспекторларға шен берген кезде жеңілдік жасап, яғни бір жылдық еңбек өтілін 1,5 жыл деп есептеу қажет...

Қасым-Жомарт Тоқаев елде алаяқтық жағдайлардың жиілеп кетуіне байланысты азаматтардың жеке мәліметтерін сенімді жерде сақтауды тапсырды. Бұл туралы президент құқық қорғау органдарының кеңейтілген алқа мәжілісінде айтты.

Шетелден әрекет ететін қылмыстық топтар

Президент интернет және телефон алаяқтығының алдын алу мәселесіне арнайы тоқталып өтті. Қылмыстың бұл түрі бүкіл әлемде белең алып кеткенін, көбіне мұндай істерді тыңғылықты ұйымдасқан қылмыстық топтар ұйымдастыратынын айтты.

Президенттің айтуынша, қылмыскерлер шетелден әрекет ететіндіктен, тергеу жүргізіп, қылмысты ашу қиынға соғады.

«Бұл ретте алдын алу шараларының мәні зор. Өткен жылы Ұлттық банк жанынан заманауи антифрод-орталық ашылды. Олар күмән тудырған операцияларды анықтап...

Қазақстан 2025 жылдың шілде айында екі траншпен еурооблигация шығаруды жоспарлап отыр. Бұл туралы Астана халықаралық биржасына (AIX) сілтеме жасай отырып, «Интерфакс-Қазақстан» агенттігі хабарлайды.

Жоспарға сәйкес, еуробондтар 7 және 12 жылға орналастырылмақ. Облигациялар Лондон қор биржасы (LSE), Астана халықаралық биржасы (AIX) және Қазақстан қор биржасында (KASE) шығарылады.

Эмиссия долларлық, кепілсіз және үкімет міндеттемелері ретінде шығарылады. Қанша облигация шығарылатыны нарықтағы сұранысқа байланысты болмақ.

Бұған дейін Жаржы министрі Мәди Такиев еурооблигациялар арқылы 2,5 млрд доллар тарту жоспарланып отырғанын мәлімдеген болатын.

Облигация шығарылымының жетекші ұйымдастырушылары мен букраннерлері ретінде Citi, JP Morgan және Societe Generale таңдалған. Қазақстан тарапынан Halyk Finance пен Teniz Capital...

Қазір елімізде қылмыстық жаза саясатын жетілдіруге баса мән беріліп келеді. Сондай-ақ бас бостандығынан айырудан бөлек жаза түрлеріне басымдық беріледі. Бұл туралы президент Қасым-Жомарт Тоқаев айтты.

Президенттің айтуынша, бұл пробация қызметіне анағұрлым көп салмақ түсіреді.

«Сондықтан аймақ әкімдері осы салада жұмыс істейтін адамдардың әлеуметтік жағдайын біртіндеп жақсарту жолдарын қарастыруы керек. Сондай-ақ пробациялық қызметтің материалдық-техникалық базасын нығайтуды қолға алу қажет. Пробациялық бақылауды тиімді жүргізуге септігін тигізетін цифрлық шешімдерді белсенді түрде енгізген жөн», – деді Тоқаев.

Мемлекет басшысы кез келген мәселенің салдарымен емес, себебімен күресуге шақырды.

«Қылмыстық-атқару жүйесінің басты мақсаты тек жазалау деген...

23 маусым күні Иран АҚШ-тың Сирия аумағындағы әскери базасына шабуыл жасалған. Бұл туралы MehrNews сайты хабарлаған.

Ақпарат көздерінің айтуынша, шабуылдың нысаны – Сирияның Эль-Хасака провинциясының батысындағы Касрак ауданында орналасқан АҚШ әскери базасы болған.

Мұның алдында АҚШ Иранның ядролық нысандарына соққы берді. Иран мен Израиль бір-біріне әуеден бомба тастауы толастамай тұр.

Айта кетейік, 22 маусымда Қазақстан Республикасының Сыртқы істер министрлігі Таяу Шығыстағы жағдайға қатысты мәлімдеме жасады.

Ведомствоның мәліметінше, АҚШ пен Иран арасындағы соңғы әскери әрекеттер салдарынан «халықаралық жағдай күрт ушығып, бұл біздің аймақ елдерінің қауіпсіздігіне қауіп төндіруі мүмкін».

Сондай-ақ министрлік Қазақстанның Каспий маңы елдері тобына кіретінін...

Танымал қазақстандық рэпер, «91» тобының мүшесі Дулат Мұхаметқалиев (ZAQ) «Айқап» подкастына берген сұхбатында Алматыдан Астанаға көшуінің себебін алғаш рет айтты.

«Әйелімнің екіқабат екенін білген сәтте Алматыда жер сілкінісі болды. Бірінші сілкіністен кейін, ол өзін жайсыз сезіне бастады. Алғашында біз мұны жай қорқыныштан деп ойладық, бірақ кейін бала көтергенін білдік», — дейді музыкант.

ZAQ айтуынша, отбасы 13-қабатта тұрған және қауіпсіздік мақсатында төменгі қабаттардан пәтер іздей бастаған. Алайда бағаның күрт көтерілуі олардың шешіміне әсер еткен.

«2 бөлмелі пәтер үшін кварталға 5,6 млн теңге сұрады, оған қосымша депозит пен риелтор ақысы бар. Біз ойлана келе, одан да алғашқы жарна...

Kursiv.Media тілшісі Рауан Мутаир Алматыда бұқаралық ақпарат құралдары қызметкерлері арасында өткен үстел теннисі турнирінде бірінші орынға ие болды.

Журналистер күні қарсаңында Алматыдағы ҚР Ұлттық кітапханасында ерекше форматтағы спорттық іс-шара өтті. Белгілі журналист, тележүргізуші Бейсен Құранбекті еске алуға арналған турнирге кітапхана қызметкерлері мен медиа саласының өкілдері қатысты.

Қатысушылар үстел теннисінен бақ сынап, өзара шеберліктерін ортаға салды. Турнир қорытындысы бойынша, бас жүлде Алматы қалалық Орталықтандырылған кітапхана жүйесінің Жамбыл атындағы кітапханасының жетекшісі Аян Темірбекұлына бұйырды. Ал бірінші орынды Kursiv.Media порталының журналисі Рауан Мутаир жеңіп алса, екінші орынды Qazaqstan ұлттық телеарнасының қызметкері Нұрлыбек Сайділдаұлы иеленді. Үшінші орын ҚР Ұлттық кітапханасының қызметкері Зарина Әжібековаға табысталды.