Жаңалықтар

Қазақстандағы соттар 1986 жылғы Желтоқсан көтерілісіне қатысушылардың азаматтық арызын қарап, оларды саяси құғын-сүргін құрбаны деп танып жатыр. Kursiv.Media жақында қабылданған осындай екі сот шешімінің көшірмесімен танысып шықты. Үкім бұдан да көп болуы мүмкін.

Желтоқсан көтерілісіне қатысқаны үшін қудаланған

Азаматтық істің бірі Ақтөбе қаласының № 3 сотына түскен. Дүйсенғали Бозжігітовтің арызы судья А.Ж. Жұмашеваның төрағалық етуімен ашық сотта қаралған. Бозжігітов «жаппай саяси құғын-сүргін құрбаны фактісін анықтау» талабымен сотқа жүгінген.

Бозжігітов Желтоқсан көтерілісі болған уақытта Қазақ мемлекеттік университеті Философия және экономика факультетінің екінші курсында оқып жүрген. 1986 жылғы 23 желтоқсанда студент «қоғамдық тәртіпті бұзды және оны милиция қызметкерлері ұстады...

Қазақстанда 2019 жылдан бері қылмыстық құқықбұзушылық саны екі есе азайған. Бұл туралы құқық қорғау органдарының кеңейтілген алқа мәжілісінде Қасым-Жомарт Тоқаев айтты.

Бірінші кезекте президент полиция мен мемлекеттік қызметкерлерін бүгін, 23 маусымда аталып өтіп жатқан Полиция күні және Мемлекеттік қызметші күнімен құттықтады.

«Бүгін елімізде – Полиция күні және Мемлекеттік қызметші күні аталып өтуде. Сондықтан, алдымен, еліміздегі полиция қызметкерлері мен мемлекеттік қызметшілерді кәсіби мейрамдарымен құттықтаймын. Мемлекетке қызмет ету – ең құрметті әрі аса жауапты міндет. Сіздер заң мен тәртіпті сақтауға және азаматтардың құқығын қорғауға зор үлес қосып жүрсіздер», – деді ол.

Сала қызметкерлерінің әсіресе...

Көлік министрлігі Автомобиль көлігі және көліктік бақылау комитетінің бастамасымен жүргізушілердің еңбек және демалыс режимінің сақталуын бақылау бойынша ауқымды «Тахограф» акциясын өткізіп жатыр.

Акция тасымалдауды жүзеге асыру кезінде жүргізушілер қаншалықты еңбек және демалыс режимін сақтайтынын бақылауды күшейтуді көздейді.

Тахографтар төмендегідей көлік құралдарына орнатылады:

Министрлік қолданыстағы қағидаға сәйкес, көлікті басқарудың күнделікті ұзақтығы 9 сағаттан аспау керек екенін атап өтті. Төрт жарым сағат бойы үздіксіз басқарғаннан кейін, жүргізуші кемінде 45 минут үзіліс жасауға тиіс.

Ведомство қағида талаптары...

Конституцияның қабылданғанына 30 жыл толуына орай сотталған 15 мыңнан астам адамға амнистия жарияланды. Бұл туралы президент Қасым-Жомарт Тоқаев мәлімдеді.

«Парламент тиісті заңды қарады, мен бұл заңға қол қойдым. Осы ізгі шараның арқасында жазасын өтеп жатқан 15 мыңнан астам адамға амнистия жарияланды.

Соның екі мыңнан астамы бостандыққа шығады. Қалғандарының жаза мерзімі қысқарады. Онша ауыр емес және ауырлығы орташа қылмыс жасағандар ғана рақымшылыққа ілінеді. Ең алдымен, әлеуметтік жағынан осал топқа жататын адамдарға, яғни, баласы бар әйелдерге, егде адамдарға, кәмелет жасына толмағандарға және осы санаттағы басқа да азаматтарға кешірім беріледі», – деді Тоқаев.

Президент мұны жаза...

Сенат 8 миллион адамды декларация тапсырудан босататын түзетуді мақұлдады. Бұл жөнінде Қаржы вице-министрі Ержан Біржанов Парламент кулуарында мәлімдеді.

23 маусым күні Сенат депутаттары жаңа Салық кодексінің жобасын екінші оқылымда талқылады. Депутаттар жалпы заң жобасын қолдағанымен бірқатар баптарға түзету енгізуді ұсынды. Осыған байланысты құжат Мәжіліске қайтарылды.

Сенаторлар қолдаған маңызды нормалардың бірі – жалпыға бірдей декларация тапсырудың төртінші кезеңінен бас тарту. Бұл кезең 8 млн адамды қамтуы тиіс.

«Бүгін Сенат 8 млн адамды декларация тапсырудан норманы мақұлдады. Бұл – тек жалақы мен әлеуметтік көмек алатын қарапайым азаматтар», – деді Ержан Біржанов.

Оның айтуынша, қазірг...

Қазақстан «ақшаны жылыстатуға қарсы» ұлттық жүйесін жетілдіре түседі. Бұл туралы «Эгмонт» қаржылық барлау бөлімшелері тобының төрағасы Эльжбета Франков-Яскевичті қабылдау кезінде президент Қасым-Жомарт Тоқаев айтты.

Кездесуде қаржыны заңсыз жолмен шығару және терроризмді қаржыландыруға қарсы күрес бойынша халықаралық ынтымақтастықтың өзекті бағыттары талқыланған. Тоқаев «Эгмонт» тобының жаһандағы қаржылық қауіпсіздікті нығайтуға және активтерді қайтару тиімділігін арттыруға үлес қосып жүрген басты халықаралық платформа ретіндегі рөлңн ерекше атап өткен.

Тоқаев заңның үстемдігін қамтамасыз ету және қоғамдық қауіпсіздікті күшейту мақсатында «Заң және тәртіп» тұжырымдамасының қабылданғанын мәлімдеді.

Сонымен бірге Қазақстанның ақшаны заңсыз жолмен шығаруға қарсы ұлттық жүйесін халықаралық стандарттарға сай жетілдіруге ниетті екенін мәлімдеген.

Қазақстан сыртқы істер министрілігі Қазақстан аумағына құлаған дрондарға қатысты пікір білдірді.

Ведомствоның ресми өкілі Айбек Смадияровтың айтуынша, Қазақстан аумағынан Ресейге қарай ұшқышсыз ұшу аппараттары жіберілгені туралы ақпарат шындыққа жанаспайды.

«Қазір құзырлы органдар Қазақстан аумағында ұшқышсыз ұшу аппараттарын табуға байланысты барлық оқиғаның мән-жайын тексеріп жатыр. Оқиғаны тексеру нәтижесін күтуді ұсынамыз. Нәтижесі бойынша тиісті жұмыс жүргіземіз», – дейді Смадияров.

Айтуынша, қазір қорғаныс министрлігі тергеу жүргізіп жатыр.

Айта кетейік, бұған дейін Қазақстанның батыс өңіріне бес дрон құлады. 19 маусымда күндіз Маңғыстау облысының тұрғындары қашықтан басқарылатын ұшу аппаратын тауып алды. Сұр түсті аппарат Қарақия ауданы аумағында Болашақ шекара темір жол...

Еуропа қайта құру және даму банкі (ЕҚДБ)Қазақстанның инвестициялық ахуалды жақсартудағы рөлін жоғары бағалайды. Соның дәлелі ретінде 2024 жылы тартылған инвестицияны атап өтуге болады. Бұл жылы банк Қазақстанға 930 млн еуро инвестициялап, қосымша 300 млн еуро тартуға жәрдемдескен. Бұл туралы Үкіметтің баспасөз қызметі хабарлады.

Қазақстандағы инвест ахуал қандай?

ЕҚДБ Орталық Азия және Моңғолия бойынша басқарушы директоры Хусейн Өзхан банктің елдегі құрылымдық реформаларды, оның ішінде банк секторы мен «жасыл» экономиканы дамытуға, Ұлттық инфрақұрылым жоспарын жүзеге асыруға қолдау көрсететінін атап өтті.

«Жалпы, Қазақстандағы реформалар барысына келетін болсақ, біз оң динамиканы байқап отырмыз. Әртүрлі салада жақсы...

Шымкентте тағы бір үшем перзентханадан шықты. Бұл – 24 жастағы Феруза Рахимова мен оның күйеуінің тұңғыш перзенттері. Сәбилер жүктіліктің 31 аптасында өмірге келіп, дәрігерлердің қарауында болған. Қазір анасымен бірге Мустафа, Муса, Хадияның да денсаулығы жақсы. Оларды дәрігерлер перзентханадан салтанатпен үйіне шығарып салды.

Шымкент қаласының тұрғыны 24 жастағы Феруза Рахимова қалалық перзентханада жатқанына 64 күн болған. Жас ана жүктіліктің 31 аптасында туылған тұңғыш перзенттері үшемін бір-бірден қолына алып, қайта-қайта бауырына басып, иіскеп жүр. Балаларының атын күйеуі Мустафа, Муса, Хадия деп атаған.

«Үшем екенін бірінші УЗИ-ден-ақ көрдім. Алғаш естігенде қатты таңғалдым. Шынымды айтсам, күтпедім. Артынан қуандым, өте қатты...

Toyota Land Cruiser Hybrid 48V:  жапонның жол талғамайтын аңыз көлігі тарихта алғаш рет жаңа гибридті жүйеге ие болды.

Жаңа 48V mild hybrid жүйесі көліктің жолда да, жолсызда да жұмсақ әрі жайлы жүруіне мүмкіндік береді.

Бұл жүйе қандай артықшылық береді?

Гибридті көліктердің трансмиссиясы – ішкі жану қозғалтқышынан немесе электроматордан дөңгелектерге қуаты беретін жүйе. Кәдімгі көліктерден айырмасы, бір немесе екі қуат көзін пайдалана алады.

Жолсыз жерлерді жүру қабілетіне де еш нұқсан келмеген. Бұрынғыдай тереңдігі 700 мм болатын суды еш қиналмай кешіп өте алады.

Жаңа жол талғамайтын көлік енді Еуропада сатыла бастамақ. 2025 жылдың соңында қарай алғашқы жеткізілімдері келеді.

Қазір Иранда шамамен 50-ге жуық, ал Израильде 170-ке тарта қазақстандық бар. Бұл туралы Қазақстан сыртқы істер министрілігінің ресми өкілі Айбек Смадияров айтты, деп хабарлайды KursivMedia.

«Біздің орташа есеппен Қазақстанның көк паспорты бар 50-ге жуық адам қалды. Оның Ирандағы қазақтарға қатысы жоқ, олар сол елдің азаматы саналады. 50-ге жуық адамның жартысы – біздің қызметкерлер. Олар бұл елден кете алмайды, жұмыс істеп жатыр. Оларды эвакуацияласақ, қалғандарына кім көмектеседі?», – дейді Смадияров.

Ал Израильде 170-ке жуық қазақстандық бар.

«Олар басқа әуежайлар арқылы шығып жатыр. Елшілікке хабарласса, көмек көрсетуге дайынбыз. Өткен аптада Таяу Шығыстағы...

Алматыда ұлыбританиялық Coventry University жоғары оқу орнының инженерлік кампусы ашылады. Бұл туралы қала әкімі Дархан Сатыбалды мен университет өкілдерінің кездесуінен белгілі болған.

Алматыда ашылатын жаңа кампуста машина жасау, электр қуаты, атом энергетикасы және құрылыс салаларында инженерлер даярланад

» Университет бизнес, қалалық құрылымдар және жоғары оқу орындарымен тығыз ынтымақтастық орнатуды жоспарлап отыр. Әкімдік қаланың кадрлық және технологиялық әлеуетін дамытуға бағытталған білім беру бастамаларын қолдауға дайын екенін білдірді», – делінген ақпараттық хабарламада.

2024 жылы Coventry University Kazakhstan-ның алғашқы кампусы Астанада ашылған. Қазір онда 360-тан астам студент оқиды. Оқу ағылшын тілінде жүргізіледі, университетте Ұлыбританиядан келген мамандар жұмыс істейді.

Иран-Израиль қақтығысы одан әрі ушықса, Қазақстан Таяу Шығыс арқылы тасымалданатын тауарларды жеткізетін балама жол қарастырады. Қазақстан Иранға негізінен азық-түлік сататындықтан, ел экономикасына қатты әсері болмайды. Бұл туралы Сенат кулуарында премьер-министрдің орынбасары Серік Жұманғарин мәлімдеді.

«Бізді алаңдататын жалғыз мәселе – логистика. Оңтүстікке баратын жалғыз теміржол Иран арқылы өтеді. Басқа теміржол жоқ, сондықтан бұл жағдай оған қандай да бір әсер етпесе екен дейміз», – деді Серік Жұманғарин.

Бұл ретте вице-премьер жағдай ушығып кетсе, Қазақстан балама жолдарды іздейтінін айтып өтті.

«Жағдай қалай боларын білмеймін. Грузия арқылы айналып өтуге болатын балама жол бар. Қытай...

2025 жылғы 23 маусымда Алматы облысы, Талғар қаласында халықаралық FIFA стандарттарына сай салынатын «KFF Academy by Almaty International Airport» футбол академиясының іргетасын қалау рәсімі өтті.

Салтанатты рәсім барысында алғашқы сөз TAV Airports Holding бас директоры Серкан Каптанға берілді.

«TAV Airports Holding үшін тұрақты даму – бұл тек жауапкершілік емес, сонымен қатар қоғаммен терең байланыс орнату мен келешекке бағытталған нақты қадам. Жастарды қолдау мен олардың дамуына үлес қосу – біздің қызметіміздің негізгі құндылығы», – деді Серкан Каптан.

Футбол академиясы жас буынның болашағына, елдің спорттық әлеуетіне жасалған ұзақ мерзімді инвестиция. Мұнда балалардың тұруына, оқып-білім алуына, кәсіби дайынды...

Сыбайлас жемқорлыққа қарсы қызмет 2022 жылдан бері халықаралық іздеуде жүрген әрі ақшаны заңдастыруға қатысы бар деп күдікке ілінген тұлғаның ақшалай қаражаты мен мүліктік активтері қылмыстық жолмен алынғаны дәлелденгенін хабарлады.

Ол жылжымалы және жылжымайтын мүліктің қымбат нысандарын, оның ішінде жұбайына ресімделген нысандарды сатып алу үшін шамамен 1,5 млрд теңге заңға қайшы ақша пайдаланған. Олардың қатарына Алматы қаласы мен Алматы облысындағы люкс автомобиль, пәтер, жер учаскелері, тұрғын үйлер мен құрылыстар жатады.

Қаржылық тергеу қосымша 1,7 млн АҚШ долларын (872 млн теңгеден астам) және Қазақстанның екінші деңгейдегі банктеріндегі айыпталушы мен оның жұбайының шоттарына рәсімделген 47 млн теңгені анықтаған. Олар қылмыс жасау кезеңінде алынған әрі оларды...

Ұлттық экономика министрі Серік Жұманғарин «Жаңбыр адам» атанып кеткен Алтай Айнабектің қолдан жаңбыр жауғыза алатынына сенбейді. Бұл туралы министр Сенат кулуарында айтты.

БАҚ өкілі Алтай Айнабектің жаңбыр жауғыза алатын құрылғыларын Өзбекстан билігінің жоғары бағалап, қолдау көрсетіп жатқанын айтты. Осы орайда өнертапқыштың «ғажайып құрылығысы» не себепті елде қолдау таппағанын сұрады.

«Алтай Айнабек қазір Өзбекстанда қолдан жаңбыр жауғызып жатыр. Біздің үкіметтен неге оған қолдау көрсетілмеді?» – деді журналист.

Министр қолдан жаңбыр жауғызуға сенбейтінін, тіпті Маңғыстау облысында бір жылдары сондай оқиға болып, соңы қылмыстық істің ашылуымен аяқталғанын ескертті.

«Мен мұндайды бірінші рет...

Еліміздегі«Ақтөбе – Ұлғайсын» автомобиль жолын жаңарту үшін Еуразиялық қайта құру және даму банкінен несие алынады. Бұл жайлы премьер-министр Олжас Бектенов пен ЕҚДБ басшысы Одиль Рено-Бассомен кездесуінен кейін белгілі болды.

Жол 4 жолақты қозғалысы бар 1 техникалық санатта болады, жалпы ұзындығы – 234 шақырым. Оны жаңалау үшін әзірге қанша көлемде несие алатыны белгісіз.

«Біздің назарымыз сапалы өсуді арттыру және халықтың әл-ауқатын жақсарту үшін экономикалық дамуды трансформациялауға бағытталған. Өткен жылдың өзінде біз Сіздермен келешегі зор салаларда рекордтық сомасы 935 млн доллар болатын 25 жаңа жобаға қол қойдық. Қазақстан Үкіметі Еуропалық қайта құру және даму...

Астанадағы президент саябағында интернет-ресурстарға сілтеме жасайтын QR-код жабыстырғандар әкімшілік жауапкершілікке тартылды. Бұл туралы Астана сотының баспасөз қызметі хабарлады.

Іс материалдарына сәйкес, 2025 жылдың 9 маусымында О. және Я. Астананың президент саябағында интернет-ресурстарға сілтеме жасайтын QR-кодтары бар арандатушылық мазмұндағы стикерлерді көшенің жарықтандыру тіректеріне жабыстырған.

Осылайша, қоғамдық тәртіп пен жеке тұлғалардың тыныштығын бұзған. Екі азамат сот отырысында кінәсін толық мойындап, істеген ісіне өкініш білдірген.
 
Әкімшілік құқық бұзушылық туралы кодекстің 434-бабының 4-бөлігі негізінде олар 20 күнге қамалды.

Сот шешім шығарған кезде құқық бұзушылықтың қоғамда азғындықтың таралуына түрткі болғанын ескерді.

Сот шешімі заңды күшіне енген жоқ.

Иранның соққыға ұшыраған ядролық нысандарынан радиация тарау қаупі кейбір қазақстандықтарды алаңдатып отырған жайы бар.

Ал Ядролық физика институтының Астана филиалы директорының орынбасары Дарын Бөрбеков «Қазақстанға ешқандай қатер жоқ» деп сабырға шақырып отыр.

 «АҚШ Иранның АЭС-терін емес, уран байытатын ядролық нысандарына соққы берді. Ешқандай радиация тарау қаупі жоқ. Зауыттары ғана бүлінді. Егер аймаққа радиация тарау қаупі болса, МАГАТЭ және БҰҰ секілді халықаралық ұйымдар бұған жол бермеуші еді. АҚШ президентінің өзі соққы жасауға пәрмен бермес еді», – дейді Дарын Бөрбеков.

Айта кететін жайт, Иранның үш ядролық нысанына, атап айтқанда, Фордоға шабуыл жасалды. МАГАТЭ әуе соққысынан радиация...

Сенатта премьер-министрдің бірінші орынбасары Серік Жұманғариннен ломбардтардың көбеюін немен байланыстыратыны жөнінде сұрақ қойылды.

Журналистердің бірі елде ломбардтардың саны артып жатқанына назар аударып, «бұдан елдің кедейленіп бара жатқанын көрмейсіз бе» ма деп сұрады.

Жұманғарин бұдан тек нарықтық қатынасты көреді.

«Ломбард ашқанның несі жаман, оған тыйым салына ма? Біз кәсіпкерлердің белсенділігіне ешқандай кедергі келтірмейміз деп талай айтып жүрміз. Сол себепті оларға ломбард сал ма деп айта алмаймыз. Керек болса, ашсыз. Ол да бәсекелестік қой», – дейді ол.

Қазақстандағы ресми кедейлік шегі 5,4%. Алайда үкіметтің кедейлік көрсеткіші мен Дүниежүзілік банк көрсеткіші сәйкеспейді. Дүниежүзілік банктің дерегінше, Қазақстандағы кедейлік деңгейі 8,5%-ға тең. Халықаралы...

Сенаттың Қаржы және бюджет комитеті Салық кодексін Мәжіліске қайтарды. Депутаттар әлі де шешуді талап ететін мәселелер бар екенін айтты.

«Салық кодексін қарау барысында депутаттық корпус үкіметпен бірлесіп, жаңа Салық кодесінің және ілеспе заң нормаларын жетілдіру бйынша ауқымды жұмыстар атқарды. Депутаттар негізгі және ілеспе заңға 166 түзету енгізді. Талқылай келе парламент Сенат депутаттарының ескретулерін қарап екінші оқылымға ұсыну барысында Мәжіліс қабылдаған заңнамалық актілерге негізгі бағыттар бойынша өзгерістер енгізу қажет деп шешті», – деді депутат Бекболат Орынбеков

Салық кодексін талқылау аясында әсіресе, бизнес өклдерімен кейбір мәселелер толық шешілмегенін анықтаған. Депутаттар кодексте мына мәселлерге мән...

«Астана халықаралық қаржы орталығы» Қазақстанның ішіндегі офшор аймаққа айналуы ықтимал. Бұл туралы Сенатта премьер-министрдің бірінші орынбасары Серік Жұманғарин мәлімдеді.

Жұманғарин АХҚО-ның кейбір компаниялар үшін салық төлемеудің жолына айналып отырғанын айтып, бұл үрдісті «алаңдатарлық жағдай» деп көрсетті. Министрдің айтуынша, АХҚО аясында тіркелген кәсіпорындар заңды түрде Қазақстандағы негізгі салық міндеттемелерінен босатылады. Соның салдарынан мемлекет жүздеген миллиард теңге жоғалтып отыр.

«Біз нақты компаниялардың атын атамай-ақ қояйық. Бірақ бір ірі холдинг өзінің бас кеңсесін АХҚО-ға көшіріп, осы арқылы 200 млрд теңгеден астам корпоративтік табыс салығы мен қосылған құн салығынан жалтарды», – деді Жұманғарин.

Осыған байланысты Үкімет бір мезетте ек...

«Қазгидромет» алдағы күндері ел аумағында ауа райы тұрақсыз сипат алатынын хабарлады. Бұған белсенді циклондар мен атмосфералық фронттар әсер етпек.

«Алдағы күндері елімізге тағы бір фронттық белсенділік толқыны әсер етіп, жауын-шашын болып, жел екпіні көтеріліп, найзағай ойнайды», – дейді синоптиктер.

Ел аумағының басым бөлігінде нөсер жауып, бұршақ түсуі мүмкін. Ауа температурасы біртіндеп төмендеп, аптап ыстықтың беті қайтады:

Бұған дейін табиғат тосын мінезін танытып, Павлодарда дауыл тұрған. Салдарынан облыста үш қала мен бірқатар ауданда ТЖ жарияланған.

Кәсіпорындар ҚҚС өседі дегеннен бағаларды көтеріп, инфляцияны жеделдетуге себеп болған. Салдарынан азық-түлік пен қызмет саласында бағалар шарықтап кеткен. Бұл туралы Сенатта Салық кодексін талқылау кезінде Ұлттық экономика министрі Серік Жұманғарин айтты.

«ҚҚС көтерілсе, біз инфляция 2,2%-2,3% көлемінде өсім береді деп жоспарлап отырмыз. Шын айтқанда, көптеген кәсіпорын Салық кодексі келесі жылдың басынан күшіне енетініне қарамастан, бағаны көтеріп тастаған. Мұны ешкім жасырып жатқан жоқ. Тіпті кейбірі ҚҚС 20% болады деген есеппен көтерген. Сол себепті күтілетін инфляцияның бір бөлігін осы жылдан бастап ала бастадық. Салдарынан азық-түлік бағасы 9,6%-ға, азық-түліктің емес өнімдер 9%, қызметтер 16%-ға көтерілген. Десе де, біз...