Жаңалықтар

2025 жылғы 1 қыркүйектен бастап лоукостер Wizz Air Абу-Дабидегі жұмысын тоқтатады. Бұл Қазақстанмен де әуе қатынасы тоқтайды деген сөз.

Wizz Air компаниясы Қазақстанға тек Абу-Даби арқылы ғана рейстер орындап келген. Сондықтан Абу-Дабидегі қызметтің тоқтауы елімізге ұшатын барлық бағыттардың жабылуына әкеледі.

Reuters агенттігінің хабарлауынша, әуе компания Таяу Шығыстағы тұрақсыз жағдайға байланысты Абу-Дабиден ұшатын рейстерін тоқтатып жатыр.

«Жабдықтау тізбегіндегі шектеулер, геосаяси тұрақсыздық және нарықтарға шектеулі қолжетімділік бастапқы жоспарымызды жүзеге асыруға кедергі келтіруде», – деді компания басшысы Йожеф Варади.

Осы себепті Wizz Air енді өз қызметін негізгі нарықтарға – Орталық және Шығыс Еуропаға, сондай-ақ Австрия, Италия және...

Жамбыл соты облыстық мәслихаттың экс-депутаты Дамир Ташқараевтың «Amanat» партиясының мүшесіне қайта тіркеу және мандатын қайтару туралы апелляциялық шағымын қарады. Алайда сот оның бұл талабын қанағаттандырудан бас тартты.

Ташқараев өзінің шағымында партиядан шығарылғанын заңсыз деп тануды, партия мүшелігі мен депутаттық өкілеттігін қайта қалпына келтіруді талап еткен.

Қалалық соттың хабарлауынша, ол 2023 жылдың көктемінде «Amanat» партиясынан Жамбыл облыстық мәслихатының депутаты болып сайланған, ал 2025 жылдың наурызында партия жарғысын сақтамағаны үшін мүшеліктен шығарылған.

Шағымданушының өкілі Ташқараевтың партия мүшесі ретінде ешқандай міндетін бұзбағанын, оған қандай да бір ескерту хаттары, хабарламалар немесе шешімдер берілмегенін алға тартады. Ал жауапкер тараптың өкілдері Ташқараевты партия қатарынан шығару туралы...

Түркістан облысы Шардара ауданында орналасқан Шардара су қоймасының жағалауында орналасқан демалыс аймағында санитарлық нормаларды сақтамаған демалушылар мен кәсіпкерлерге әкімшілік айыппұл салынды. Олар әкімшілік құқықбұзушылық туралы кодекстің «Ұсақ бұзақылық» бабымен жауапқа тартылған.

Әлеуметтік желіде Шардара су қоймасының жағалауында орналасқан демалыс аймағында тазалық талаптары сақталмай, қоқыс шашылып жатқаны туралы бейнематериал жарияланған еді. Өзін демалуға келгенін айтып видео түсіріп тұрған әйел: «Бұл бет те оңып тұрған жоқ. Балаларым «мына жағажайда суға түскім келмейді» дейді.

Суда қарбыздың қабығы, қоқыс жатыр. Кеше судан тері аурулары жұққанын естідік. Су ластанып кеткен» дейді. Видеодан жағажайда арнайы шағын тапшандардың орнатылғаны, ондағы адамдардың санитарлық талаптарды сақтамағаны, суда қалқыған...

1 шілдеден бастап Қазақстанда отандық өндірушілер үшін дәрілік заттар мен медициналық бұйымдарға сараптама жүргізу құны 90%-ға төмендеді. Бұл туралы Медициналық және фармацевтикалық бақылау комитеті хабарлады.

Төмендетілген тарифтер мемлекеттік тіркеу, қайта тіркеу және тіркеу дерегінде өзгерістер енгізу секілді барлық кезеңдерді қамтиды. Жаңа бағалар жыл соңына дейін күшінде болады.

Мәселен, бұрын құрамында бірнеше компоненті бар түпнұсқалық биологиялық препаратты сараптау құны 1,7 миллион теңгеден асса, енді ол шамамен 177 мың теңгені құрайды. Ал биоаналог дәріні қайта тіркеу бағасы бұрын 877 мың теңге болса, қазір – 87 мың теңге.

Ведомствоның мәліметінше, бұл шешім отандық өндірушілерді қолдау және құжаттаманы Еуразиялық экономикалық одақ (ЕАЭО) талаптарына...

«Астана ЭКСПО-2017» ұлттық компаниясының бұрынғы басшысы Талғат Ермегияевке шартты түрде мерзімінен бұрын босату туралы өтініші қанағаттандырылмады.

Бұл туралы Алматы облыстық сотының баспасөз қызметі хабарлады. Сот Ермегияевтің өтінішін қарап, қанағаттандырудан бас тартқан.

Айта кетейік, 2016 жылдың маусымында Талғат Ермегияев 14 жылға бас бостандығынан айырылған. Сот шешімімен ол «Астана ЭКСПО-2017» ұлттық компаниясы пайдасына 5,9 миллиард теңге өтемақы төлеуге міндеттелген. Ермегияев өз кінәсін мойындамай, ақталуға тырысып келеді.

Өскеменде адасып кеткен 71 жастағы жергілікті тұрғынды жарты күн іздеп, қалың шөп арасынан тапты.

Ол 12 шілде күні үйінен шығып, қайта оралмаған. Туыстары өз бетінше іздеп, нәтиже шықпаған соң полицияға жүгінген.

Полицейлер жедел-іздестіру шараларына кіріседі. Іздеу барысында дрон пайдаланылған. Дрон операторы жерді әуеден шолып, патрульдік топтарға нақты координаттарды жеткізіп отырған.

13 шілде күні түнгі сағат бір кезінде зейнеткер қалың шөп арасына кіріп кеткен жерінен табылған. Ол адасып жүріп, үйге қайтар жолды таба алмаған.

Полиция қазіргі уақытта оның өмірі мен денсаулығына ешқандай қауіп төніп тұрмағанын хабарлады.

Бұған дейін, Алматы облысында тауда адасып кеткен 10 жасар бала аман-есен табылған.

VietJet Qazaqstan (Qazaq Air) әуе компаниясы қол жүгінің өлшемін ұлғайтты. Өзгерістер қазірдің өзінде күшіне енді және бұл барлық үш тарифке қатысты. Бұл туралы компания өзінің Telegram-арнасында хабарлады.

Енді жолаушылар ұшақ салонына өздерімен бірге бұрынғыдан көбірек зат ала алады. Қол жүгінің өлшемі 56 × 36 × 23 см болып өзгерді (бұрынғысы – 40 × 25 × 20 см). Бұл – көптеген халықаралық әуе компаниялары қолданатын стандартқа сәйкес келеді.

Сондай-ақ қол жүгінің максималды салмағы да артты:

Бұдан бөлек, компания билетті қайта брондау шарттарын жеңілдетті.

Comic Con Astana-2025 фестиваліне бес күннің ішінде 120 мыңнан аса адам қатысты.  Осыған дейінгі өткізілген фестивальдермен салыстырғанда рекордық көрсеткішке жетіп отыр.

Жалпы биылғы Comic Con Astana фестиваліне 75 000-нан астам бірегей келуші тіркелген. Бес күнге созылған шара барысында көрермендер саны күн сайын артып отырды: бірінші күні – 13,5 мың, екінші күні – 15,5 мың, үшінші күні – 14,5 мың, төртінші күні – 19,5 мың және соңғы күні – 12,2 мың адам келген.

«Фестивальге 10 000-нан астам шетелдік қонақ қатысып, олардың келу географиясы 36 елді қамтыды. Олардың қатарында АҚШ, Канада, Франция, Германия, Қытай, Оңтүстік Корея, Түркия, Тайланд, Ресей...

Қазгидромет 14-17 шілде күндеріне арналған ауа райы болжаным жариялады.

Синоптиктердің мәліметінше, ел аумағының басым бөлігінде атмосфералық фронтальды бөліктердің өтуіне байланысты жаңбыр, найзағай күтіледі. Алайда жекелеген аймақтарда қатты ыстық болады.

16 шілдеде батыста, солтүстікте, 17 шілдеде солтүстік-батыста және солтүстікте қатты жаңбыр, бұршақ, дауылды жел болжанады. Тек елдің оңтүстігінде жауын-шашынсыз, ыстық ауа райы күтіліп отыр.

Республика бойынша желдің күшеюі болжанады, ал солтүстік-батыста түнде және таңертең тұман түседі.

Күндіз 16–17 шілдеде республиканың оңтүстік-батысында қатты ыстық – 39–44°С, 17 шілдеде орталықтың жекелеген аудандарында 40°С дейінгі ыстық болжанады.

Оңтүстікте 40–44°С, оңтүстік-шығыста 40–42°С, солтүстік өңірлерде 30–35°С, ал шығыста 35–38°С ыстық күтіледі.

Бұған дейін, Денсаулы...

Астана қаласының қоғамдық көлік жүйесін басқаратын City Transportation Systems LLP компаниясы 2024 жылы 41,2 млрд теңге шығынға батты. Бұл 2023 жылғы 4,6 млрд теңгемен салыстырғанда 8,9 есе көп. Ал 2024 жылғы есеп беру күнінде жинақталған шығын 213,5 млрд теңгеге жеткен.

Қаржы есебінде шығын артуының басты себебі ретінде валюта бағамының теріс айырмасы мен активтердің құнсыздануы көрсетілген.

2023 жылы компания шетел валютасы есебінен 4,6 млрд теңге пайда көрсе, 2024 жылы, керісінше, 33,5 млрд теңге көлемінде зиян шекті. Бұл – бүкіл операциялық нәтижеге тікелей әсер еткен негізгі факторлардың бірі. Яғни, доллар/евро секілді валюталардағы қарыз, төлем немесе міндеттемелер теңгеге шаққанда қымбаттап, компания қомақты...

Дүкен сөрелеріндегі тауарларда баға белгісі болса, әкімшілік айыппұл салынуы мүмкін. Бұл жайлы сауда және интеграция министрлігінің сауда комитеті төрағасының орынбасары Ернұр Жәутікбаев мәлімдеді. Осы жылдың бірінші жартысында белгі жапсырмаған кәсіпкерлерге 233 қаулы шығарылған.

«Баға белгісі – жай ғана қағаз емес, тұтынушыны қорғайтын қарапайым элемент. Клиент сатып алғанға дейін бағаны көруге құқығы бар. Баға белгісінің болмауы айыппұлға негіз болады», – деді Жәутікбаев ірі сауда желілері мен супермаркет иелерінің қатысуымен өткен жиналыста.

Комитет өкілдерінің атап өтуінше, баға белгісінің болмауы, дұрыс оқылмауы және кассадағы бағамен айырмашылық жасау сауда желілеріндегі жүйелі мәселенің бірі.

Әкімшілік құқық бұзушылық туралы...

Ұлттық қауіпсіздік комитеті ведомство атынан әрекет ететін адамдардың алаяқтық іс-әрекеті туралы хабарлады.

Қылмыскерлер азаматтарға ҰҚК және басқа да ведомстволардың қызметкерлері ретінде телефон соғып, олардың банк шоттарында күмәнді операциялар болып жатқаны немесе істі тергеуге байланысты мәселе туындағаны туралы хабарлайтын болған.

Жеке жағдайларда алаяқтар «ұлттық қауіпсіздікке деген ықтималды қауіп-қатерді» негізге ала отырып, «терроризм әрекетін тоқтату үшін әрекет қажет» деп мәлімдейді. Шынайылық үшін жалған куәліктерді (мысалы, мессенджердегі бейне қоңыраулар арқылы) көрсетіп, ҰҚК логотипі бар жалған құжаттарды жібереді.

Әңгіме барысында олар азаматтарды ақшаларына қауіп төніп тұрғанына сендіріп, қорғаныс немесе тексеру үшін қаражатты қауіпсіз шотқа аударуды ұсынады. Кейде оларға жинақтарын құтқару үшін несие алуға...

Құқыққорғаушы Ләззат Рақышева әлеуметтік желіде Түркістан облысы Отырар ауданында 9-сынып оқушысының аяғы ауыр екенін хабарлады. Оның жазуынша, күдікке 4 адам ілінген. Оның бірі – 11-сынып оқушысы, қалғаны ересек адамдар.

Оқушы қыздың жүкті болып қалуы туралы Kursiv.Media облыстық полиция департаменті ақпарат берді. Полицияның мәліметінше, бірнеше адамның құқыққа қайшы әрекеті және кәмелетке толмағанның жүктілік фактісі туралы ақпарат шындыққа жанаспайды. Тергеу кезінде бұл расталмаған.

«Отырар ауданы тұрғынының кәмелетке толмаған туысына кәмелетке толмаған танысының тарапынан құқыққа қарсы іс-әрекеттің жасалуы туралы арыз полицияда қаралып, тергеу жүргізілуде. Тергеу аясында сараптамалар тағайындалды және барлық мән-жайларды анықтауға бағытталған қажетті іс-шаралар атқарылуда. Нәтижесі бойынша...

МӘМС-ке мемлекет төлейтін жарна көлемі артады. Тиісті заңда президент Қасым-Жомарт Тоқаев қол қойды.

«Мемлекет басшысы «Қазақстан Республикасының кейбір заңнамалық актілеріне міндетті әлеуметтік медициналық сақтандыру және медициналық қызметтер көрсету мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды», – делінген Ақорда хабарламасында.

Заңға сәйкес Қазақстанда міндетті әлеуметтік медициналық сақтандыру (МӘМС) жүйесін қаржыландыруды жетілдіру мақсатында мемлекет тарапынан төленетін жарналар мөлшері кезең-кезеңімен ұлғайтылады. Атап айтқанда, 2027 жылдан бастап 2037 жылға дейінгі аралықта мемлекеттің МӘМС жүйесіне жасайтын аударымдары қазіргі 2,2%-дан 4,7%-ға дейін өседі.

Сонымен бірге  2026 жылдан бірыңғай базалық медициналық көмек пакеті іске қосылады...

Перизат Қайрат пен оның анасы Ғайни Алашбаеваға қатысты қылмыстық істе куә ретінде «Жас Отан» жастар қанатының бұрынғы волонтері Сергей Матюшенко қатысты. Ол «BizBirgemiz» қоғамдық қорының жиналысына қатысқан деп көрсетілген.

Куәден жауап алу барысында Сергей Матюшенко іс материалдарындағы екі хаттаманың біріне ғана қол қойғанын, екінші хаттамадағы өзінің қолы емес екенін айтты. Содан кейін сотталушы Перизат Қайрат куәге сұрақ қойды.

Перизат Қайрат: Сергей, сәлеметсіз бе. Сіз екінші хаттамаға шын мәнінде қол қоймағаныңызды растайсыз ба?

Сергей Матюшенко: Иә, рас, екінші хаттамаға қол қойған жоқпын.

Перизат Қайрат: Өтірік айтып тұрған жоқсың ба?

Сергей Матюшенко: Өтірік айтып тұрған жоқпын.

Перизат Қайрат: Қазір менің тағдырым шешіліп...

Қазақстанда баланың атына рәсімделген үйді сату үшін міндетті түрде қамқоршылық органдарының рұқсаты қажет. Рұқсат қандай жағдайда қажет, оны қалай алуға болады және мұндай пәтерді сатып алғанда неге мән беру жөн?! Кrisha.kz сарапшылары заңды жолын түсіндіріп көрді.

Кім басты тұлға болып есептеледі?

Егер бала тұрғын үйдің тек бір бөлігінің иесі болса да, пәтерді сатуға қорғаншылық және қамқоршылық органының рұқсаты қажет. Бұл – міндетті талап, оны айналып өту мүмкін емес.

18 жасқа толмаған балалар өз мүлкіне өз бетімен иелік ете алмайды. Олар үшін бұл шешімді ата-анасы немесе қамқоршысы қабылдайды, бірақ қорғаншылық органының рұқсатымен ғана. Онсыз тұрғын...

Қытайлық автомобиль дилерлері қауымдастығы (CADA) құнын жақсы сақтайтын көліктер рейтингін жасады. Зерттеу шыққанына 3 және 1 жыл болған көліктерге жүргізілген. Зерттеу нәтижесін «Қытайлық автомобильдер» порталы жариялады.

Зерттеу барысында CADA үш жыл ішінде құнын аз жоғалтатын көлік түрі минивэн екенін анықтаған. Олар бастапқы бағасының 59,42%-ын сақтайды. Екінші орында – ірі седандар (55,95%), үшінші орында – ірі жол талғамайтын көліктер (SUV) (55,69%). Ал құны ең көп төмендейтін көліктерге шағын көліктер (48,92%) мен шағын кроссоверлер (49,15%) енген.

Құнын жақсы сақтайтын бренттер

Үш жылдық көліктер сегментінде күтпеген жағдай тіркелмеген. Үздік үштікке импорттық Porsche, Lexus және Mercedes-Benz кірген. Олар бастапқы құнының 69,08%, 60,51% және...

Алматы облысының тауларында адасып кеткен 10 жастаға баланы құтқарушылар тауып, ата-анасымен табыстырды. Бұл туралы Төтенше жағдайлар министрлігінің баспасөз қызметі хабарлады.

«Кеген ауданының полицейлері мен құтқарушылары аяғынан тік тұрып, түні бойы Ақтасты ауылы маңындағы таулы аймақта жоғалған 10 жастағы баланы іздестіріп, аман-есен тапты», – делінген баспасөз хабарламасында.

Баспасөз қызметінің мәліметінше, баланың ата-анасы полицияға түн ортасында хабарласып, баланың тауда жоғалып кеткенін, өз күштерімен іздеп таппағанын айтқан. Белгілі болғандай, бала туыстарымен бірге тауға саңырауқұлақ теруге барып, адасып кеткен. Жақындары баланы түн ортасына дейін өздері іздеген. Бірақ нәтиже шықпаған соң, құқық қорғау органдарына хабарласқан.

Хабар түскен...

«Қазатомөнеркәсіп» ұлттық атом компаниясы Словакияның энергетикалық алыбы – Slovenské elektrárne a.s. (SEAS) компаниясымен атом саласындағы ынтымақтастық туралы меморандумға қол қойды. Құжат Словакиядағы атом электр станциялары үшін табиғи уран концентратын жеткізуге қатысты екіжақты ниетті бекітеді.

Алайда қос тарап жеткізілетін уран көлемі мен мерзімін нақтыламаған.

SEAS – Словакиядағы ең ірі электр энергиясын өндіруші компания. Ол елдегі электр қуатының 70%-дан астамын қамтамасыз етіп, елдегі екі атом электр станциясын басқарады. Бұл АЭС-терде ВВЭР-440 типіндегі бес реактор жұмыс істеп тұр.

SEAS-тің 66%-ы Slovak Power Holding-ке тиесілі, ал қалған 34%-ы тікелей мемлекет меншігінде. Бұл компанияның ел үшін стратегиялық маңызын көрсетеді.

«Қазатомөнеркәсіп» уран өндірісі бойынша...

20 қыркүйек күні Ресейде өтетін халықаралық музыкалық «Интервидение – 2025» байқауында Қазақстан атынан танымал әнші, «Дарын» мемлекеттік жастар сыйлығының лауреаты — Amre (Ернар Садырбаев) өнер көрсетеді.

Amre есімімен танылған Ернар Садырбаев – Т. Жүргенов атындағы Қазақ ұлттық өнер академиясының түлегі. Pop, pop-classic, latino және R&B жанрларында ән шырқап, тыңдарман жүрегінен ерекше орын алған талант иесі.

Ернардың халықаралық сахнадағы алғашқы ірі жеңістерінің бірі — 2018 жылы Витебск қаласында өткен «Славян базары» фестивалінде бірінші орын алған еді.

2021 жылы Қазақстанда өткен танымал «Маска» телевизиялық шоуына қатысып, көрерменнің ыстық ықыласына бөленді. Бұл жобада «Бүркіт» бейнесінде өнер көрсетіп, ерекше образымен есте қалды.

Сондай-а...

Сейсенбі, 15 шілдеге арналған валюта бағамы анықталды. Қазақстан қор биржасының (KASE) мәліметінше, қазір 1 АҚШ доллары 524,24 теңге тұрады. Ұлттық валюта бірден 3,31 теңгеге арзандаса, криптонарық капиталы артып жатыр.

Ұлттық валюта бірден 3 теңгеге әлсіреді

Шілденің басында аздап болса да нығайған теңге өткен аптаның аяғында долларға жол берді. Құрама Штаттар валютасы бүгін бір тәулікте шамамен 3 теңгеге көтерілді. Бір ай бұрын доллар 508 теңгеден саудаланған. Содан бері доллар шамамен 16 теңгеге күшейді.

Kurs.kz сайтының мәліметінше, Алматы қаласындағы ақша айырбастау мекемелерінде бір доллар 523,5 теңгеден қабылданып, 526 теңгеден сатылып жатыр. Астана қаласындағы валюта саудасы – 521 және 527 теңге.

Криптонарық капиталы артты

Дүйсенбі, 14 шілдеде Bitcoin (BTC)...

Перизат Қайрат бірнеше эпизод бойынша алаяқтық жасады деп айыпталып отыр. Оның ішінде оңалту орталығын салуға жиналған қаражат, Газа секторы тұрғындарына көмек көрсетуге жиналған қаражат және су тасқыны салдарынан кейін қазақстандықтарға көмек көрсетуге жиналған қаражатты жеке мақсатында пайдаланды деп айыпталған.

Прокурор Арман Кезекеннің айтуынша, Таяу Шығыстағы жағдай 2023 жылғы қазан айында өршіген. Перизат Қайрат осы жағдайды пайдаланып, халықтан көбірек қаражат жинау мақсатында әрекет еткен. Ол үшін 2023 жылдың қазанында Қайрат әскери қақтығыстан зардап шеккендерге көмек көрсету мақсатында қор атынан Палестина елшілігіне ынтымақтастық туралы келісім жасау жөнінде ұсыныс жасаған.

«Қайрат Instagram әлеуметтік желісінде гуманитарлық көмек көрсетіліп жатқанын...

Алматы әкімі Дархан Сатыбалды Сорбұлақ жинағышының жағдайымен танысты. Бұл туралы Алматы әкімдігінің баспасөз қызметі хабарлады.

«Алматы қаласының әкімі Дархан Сатыбалды кезекті жұмыс сапары аясында кәріздік тазарту құрылыстарын (КТҚ) және «Сорбұлақ» шайынды сулар жинағышын аралап көріп, нысандардың қазіргі жай-күйімен және оларды жаңарту мен тазарту жүйелерінің тиімділігін арттыруға бағытталған шаралармен танысты», – делінген баспасөз хабарламасында.

Әкім бірінші Іле ауданындағы Жәпек Батыр ауылында орналасқан аэрация станциясына барған. Ол жерде Алматы мен қала маңындағы елді мекендерден келетін шайынды сулар бірінші механикалық тәсілмен тазартылып, артынша биологиялық жолмен тазаланады. 1992 жылы салынған бұл нысан қазіргі таңда қалалық инфрақұрылымның маңызды...

Қазақстанда атом электр станциясының (АЭС) құрылысы кем дегенде екі жылдан кейін басталады. Үкімет станцияны 5 жыл ішінде салып бітіруді жоспарлап отыр. Бұл туралы Атом энергиясы жөніндегі агенттік төрағасының орынбасары Тимур Жантикин Jibek Joly телеарнасына берген сұхбатында айтты.

Оның айтуынша, алдымен шамамен бір жыл ішінде төрт шетелдік вендордың (технология ұсынушылардың) коммерциялық ұсыныстары бағаланады. Одан кейін тағы бір жыл станцияның қауіпсіздігі, экологияға әсері және басқа да техникалық аспектілері бойынша құжаттар дайындалады.

Құжаттар толық әзір болғаннан кейін ғана құрылыс жұмыстары басталады. Жантикиннің айтуынша, құрылыс кезеңі шамамен бес жылға созылады. Осылайша, АЭС жобасын жүзеге асыруға жалпы жеті жыл кетуі мүмкін.

Айта кетейік, бұған...