Жаңалықтар

Қазақстандағы алғашқы АЭС құрылысы 10-12 жылға созылуы мүмкін. Қазір Алматы облысындағы Үлкен ауылының маңында инженерлік ізденіс жұмысы жүріп жатыр. Атом энергиясы жөніндегі агенттік төрағасы Алмасадам Сәтқалиевтің айтуынша, халықаралық стандартқа сәйкес, бұл жұмыс кемі екі жыл уақыт алады. Жоба-сметалық құжатын жасау, құрылысқа дайындық кемі 3 жылға созылуы ықтимал. Содан кейін ғана станция құрылысы басталмақ.

«Одан кейін жоба-сметалық құжаттарына түзету енгізіледі. Сосын бұл құжаттар мемлекеттік сараптамадан өтіп, құрылыс бастауға рұқсат алуы тиіс», – деді агенттік төрағасы.

Нәтижесінде Сәтқалиев атом электр станциясының құрылысы 10-12 жылға созылуы мүмкін екенін ескертті.

«АЭС өндіретін энергия құны...

Депутат Ерлан Саиров Парламент кулуарында экс-қаржы полициясының бастығы Қайрат Қожамжаровтың кезінде кланаралық мәселелерді шешумен айналысып келгенін және құзырлы органда қызмет еткен жылдары адамды азаптаумен айналысқанын айтты.

«Антикор кезінде кланаралық саяси мәселелерді шешудің құралы болған. Ол кезде көптеген резонансты оқиғалар болды. Ол – Қорғас ісі, бұрынғы премьер-министр Серік Ахметовке қатысты іс. Міне осы істердің барлығында адамдарды қинаған деген күдік бар. Егер осы күдік анықталатын болса, оған қатысы бар адамдардың барлығы заң алдында жауап беруі керек. Сол кездері Қожамжаров кланаралық мәселелерді шешіп отырған. Сонымен бірге заңсыз байыған деген күдікте те айтылады», – деді депутат.

Саиров ...

Қазақстандағы бала құқықтары жөніндегі уәкіл Динара Закиева парламент кулуарында елде жыл басынан бергі 7 айда балаларға қарсы 1899 қылмыс жасалғанын айтты. Бұл – күн сайын 9-10 қылмыс жасалады деген сөз.

Закиева балаларға қарсы қылмыстың алдын алу үшін жаңа механизмдер енгізілгенін жеткізді.

«Жаңа заң бойынша мобильдік топтар құрылды. Олар балаларға қарсы қылмыстарды, қиын жағдайда тұратын балаларды анықтайды. Отбасылық қолдау орталықтары арқылы көмек ұйымдастырады», – дейді ол.

Уәкілдің сөзінше, сондай-ақ әр облыста психологиялық қолдау орталықтары ашылып жатыр. Солар арқылы барлық мектепке бірыңғай бағдарлама енгізілмек.

«Ол суицидтік көңіл-күйді, буллингті, зорлық-зомбылықты анықтауға бағытталған», – дейді Закиева.

Бұған дейін ұсталғаны туралы ақпарат тараған Сыртқы істер министрі Мұрат Нұртілеу көпшілік алдына шықты. Ол президент жолдауы басталмастан бұрын БАҚ өкілдерінің сұрақтарына жауап берді.

Министр желіде тараған ақпаратты «бұл да бір сынақ» деп бағалаған.

Нұртілеу өзі туралы ақпарат тараған кезде жұмыста болғанын айтты.

«Жиналыстарым болды. Басқа елдердегі әріптестеріммен телефон арқылы сөйлескенімді білесіздер. Инвесторлармен жұмыс кездесулері болды. Барлығы әдеттегідей», – деді министр.

БАҚ өкілдері сол жағдайдан...

АҚШ 17 елдің азаматтары үшін виза алу ережелерін қатаңдатты. Бұл иммиграциялық емес визаға қатысты болып отыр. Жаңа ережелерге сәйкес, Ресей азаматтары виза алу үшін Астанаға немесе Варшаваға баруға тиіс. Бұл туралы АҚШ Мемлекеттік департаменті жариялаған хабарламада айтылған.

АҚШ-тың иммиграциялық емес визаларына (NIV) өтініш берушілер өз елінде немесе тұратын жеріндегі АҚШ елшілігіне немесе консулдығына сұхбатқа жазылуы керек. Ал виза берудің стандартты процедурасы жүргізілмейтін елдердің азаматтары басқа елде тұрмаса, тиісті елшілікке немесе консулдыққа жүгінуге тиіс.

NIV (Non-Immigrant Visa) алуға өтініш берілетін жерлер

АҚШ 2021 жылдан бастап Ресейде виза қызметін тоқтатты. Ресей азаматтары үшін виза алуда ең танымал елдер Қазақстан...

Еуропалық комиссия Google компаниясына (Alphabet Inc.) жарнама бизнесіндегі бәсекелестікке қарсы әрекеттері үшін 2,95 млрд еуро айыппұл салды.

Комиссияның мәлімдеуінше, Google нарықтағы үстемдігін теріс пайдаланып келген. Бұл тәжірибе 2014 жылдан бері жалғасып, бәсекелестер мен онлайн-баспагерлерге залал тигізген.

«Шынайы еркіндік – бәрі тең жағдайда бәсекеге түскенде және азаматтарда таңдау құқығы толық сақталғанда ғана болады», – деді ЕО-ның бәсекелестік мәселелері жөніндегі комиссары Тереза Рибера.

Google-ге бұл тәжірибені тоқтатып, жағдайды түзету үшін нақты қадамдар жасау міндеттелді. Компания 60 күн ішінде Комиссияға өз жоспарын ұсынуы тиіс. Алайда Google бұл шешіммен келіспей, апелляцияға шағымданатынын мәлімдеді. Вице-президент Ли-Энн Малхолландтың айтуынша, «Еурокомиссия негізсіз...

Сауд Арабиясы, Ресей, Ирак, БАӘ, Кувейт, Қазақстан, Алжир және Оманнан құралған ОПЕК+ тобы – қазан айынан бастап мұнай өндіру көлемін тәулігіне 137 мың баррельге ұлғайтуға келісті. Бұл шешім қыркүйек айындағы деңгейден есептеліп отыр.

Ұйым өкілдері мұндай қадамды нарықтағы оң көрсеткіштермен түсіндірді.

«Бүгінгі күні мұнай нарығы теңгерімді. Макроэкономикалық болжамдар күткеннен сәл жоғары. Әлемдік экономиканың өсімі, әуе тасымалы мен автокөлік қозғалысының жандануы бізге осындай шешім қабылдауға мүмкіндік берді. Бұл – таза нарықтық қадам», – деді ОПЕК+ қатысушылары.

Келісім аясында Қазақстан да өндірісін ұлғайта алады. Қазан айында еліміздің мұнай өндіру көлемі (компенсация жоспарын есептемегенде) тәулігіне 1,556 млн...

Қазақстан Өзбекстаннан 900 млн кВт-сағ көлемінде электр энергиясын сатып алады. Бұл туралы Энергетика министрлігінің баспасөз қызметі хабарлады.

«Астана, Бішкек және Ташкент 2026 жылға дейінгі су-энергетикалық баланс бойынша келісімге келді», – делінген баспасөз хабарламасында.

Министрлік хабарлауынша, 2025 жылдың 7 қыркүйегінде Шолпан-Ата қаласында Энергетика министрі Ерлан Ақкенженов Қырғызстан және Өзбекстан елдерінің өкілдерімен кездескен. Жиын барысында өңірде су-энергетикалық теңгерімді реттеуге бағытталған бірқатар хаттамаларға қол қойған.

Тараптар бірнеше келісімге келген.

АҚШ президенті Дональд Трамп Қасым-Жомарт Тоқаевты «жақсы адам» деп атап, Қазақстанға келуі мүмкін екенін айтты. Бұл туралы Трамп Ақ үй маңында журналистердің сұрағына жауап берген кезде айтқан.

24.kz тілшісі Трамптан «Қазақстан туралы не ойлайсыз және Орталық Азиядағы осы елге бару жоспарыңыз бар ма?» деп сұраған.

«Баруым әбден мүмкін. Олармен әңгімеміз мазмұнды болды. Сәлем айтыңыз. Президентіңіз өте жақсы адам», – деп жауап берген Трамп.

Бұған дейін...

Әлеуметтік желіде Түркістан облысы Шардара ауданында қартайған мүгедек әкесін баласы аяусыз соққыға жыққан видео тарады.

Видеодан көшеде және үй ауласында баласы мен келіні сөйлей алмайтын, өздігінен жүріп-тұра алмайтын әкесін сүйреп бара жатқанын көруге болады. Баласы әкесін балағаттайды, жүре алмағаны үшін әкесін бірнеше рет ұрып-соғады. Алған соққыдан қарияның аузы қанап кеткенін байқауға болады. Бірақ қария бұған жауап қатпайды. Ал келіні араша түспейді.

Кеше әлеуметтік желіде қызу талқыланып, қатты шулаған соң облыстық полиция департаменті оқиғаға қатысты пікір білдірді.

«Оқиғаға қатысты қылмыстық іс қозғалды. Күдікті ұсталып, уақытша ұстау изоляторына қамауға алынды. Болған оқиғаның мән-жайы анықталуда. Тергеу амалдары жүруде» делінген полиция хабарламасында.

Қазақстан ұлттық құрамасының бас бапкері Әли Әлиев Бельгияға қарсы сәтсіз өткен ойынан кейін қызметінен кететінін жариялады.

«Қысқа ғана айтқым келеді: жеңілісті өз мойныма аламын, бұл – менің кінәм. Футболшылардың еш қатысы жоқ. Елге оралған соң бірден жұмыстан кету жөнінде арыз жазамын», – деді Әлиев матчтан кейінгі сұхбатында.

Әлем чемпионатына іріктеу кезеңі аясында Брюссельде өткен кездесуде Қазақстан құрамасы Бельгиядан 6:0 есебімен ойсырай жеңілді.

Еске...

Бүгін, 8 қыркүйек күні, президент Қасым-Жомарт Тоқаев Қазақстан халқына жолдауын жариялайды. 

Жолдау Парламент палаталарының бірлескен отырысында сағат 11:00-де басталады.

Жолдауды қайдан көруге болады?

Жолдауды азаматтар республикалық телеарналардан тікелей эфирден тамашалай алады. Оның ішінде Jibek Joly TV YouTube каналынан, 24 kz телеарнасынан, Qazaqstan ұлттық арнасының тікелей эфирінен көруге болады.

Сондай-ақ KursivMedia президент жолдауынан мәтін түрінде трансляция жүргізеді.

Әлем чемпионатына іріктеу кезеңінде Қазақстан ұлттық құрамасы Бельгияға қарсы матчта ойсырай жеңілді. Брюссельде өткен кездесу 6:0 есебімен аяқталды.

Алғашқы таймда қазақстандықтар қорғаныста табандылық танытқанымен, 42-минутта Кевин де Брюйне есепті ашты. Араға бір минут уақыт салмай Жереми Доку айып алаңындағы сәтті шабуылдың нәтижесінде есепті еселеп, бельгиялықтар 2:0 есебімен алға шықты.

Екінші тайм басталған соң, алаң иелері қысымды күшейтті. 51-минутта Николас Раскин үшінші голды соғып, Қазақстанның жағдайын қиындатты. 60-минутта Доку дубль жасап, есепті 4:0-ге жеткізді. Ал матчтың соңына қарай Бельгия тағы да шабуылдарын үдете түсіп, 84-минутта бесінші голды Де Брюйне салса, 87 минутта Томас Менье алтыншы голмен кездесуді түйіндеді.

Еске сала кетейік...

Париж-2024 Олимпиадасының күміс жүлдегері Нұрбек Оралбай Ливерпульде (Ұлыбритания) өтіп жатқан бокстан әлем чемпионатын сәтті бастады.

80 келіге дейінгі салмақта бақ сынап жатқан жерлесіміз алғашқы айналымда украиналық Матвей Ражбамен қолғап түйістірді. Жекпе-жек басталған сәттен-ақ Нұрбек қарсыласынан басым түсті. Бірінші раундтан бастап тізгінді өз қолына алып, жекпе-жектің соңына дейін басымдығын сақтап қалды.

Нәтижесінде төрешілер бірауыздан қазақстандық боксшының жеңісін тіркеп, кездесу 5:0 есебімен аяқталды.

Еске сала кетейік, бұған дейін 55 келі салмақ дәрежесінде қазақстандық Махмұд Сабырхан жеңіске жеткен еді.

Алматы облысының прокуратурасы Талғар ауданы полиция басқармасының лауазымды тұлғаларына қатысты қылмыстық іс қозғады. Бұған себеп – 6 қыркүйекте Кызылқайрат ауылында болған кісі өлтіру мен кәмелетке толмаған қызды ұрлау дерегіндегі полицейлердің әрекетсіздігі.

Прокуратураның мәліметінше, аталған іс Қылмыстық кодекстің 370-бабы, 4-бөлігі («Лауазымды тұлғалардың әрекетсіздігі») бойынша тіркелген. Оларға бұрын зорлау фактісі бойынша күдікке ілінген азаматты ұстауға шара қолданбаған деген айып тағылып отыр. Кейін дәл осы күдікті елді дүр сілкіндірген қылмысқа барған: ер адамды атып өлтіріп, жас қызды ұрлап әкеткен.

Іс арнайы прокурорлардың өндірісіне қабылданды. Тергеу барысы облыс прокуратурасының ерекше бақылауында, – деп хабарлады ведомство.

Сонымен қатар прокуратура...

Ұлыбританияның Ливерпуль қаласында өтіп жатқан бокстан әлем чемпионатында Махмұд Сабырхан алғашқы жекпе-жегінде жеңіске жетті.

55 келі салмақ дәрежесінде сынға түскен қазақстандық боксшы Махмұд Сабырхан мексикалық қарсыласы Бриан Оуен Ортизбен кездесіп, 3 раунд нәтижесінде басым түсті.

Еске сала кетейік, бүгін 7 қыркүйек күні тағы бес боксшымыз шаршы алаңға шығады.

Қазақстандағы тұңғыш спектакль экранизациясы көрерменге жол тартпақ. «Sham» театрының «№37» қойылымы толыққанды фильмге айналып, 20 қарашадан бастап еліміздің барлық кинотеатрларында көрсетіледі.

Фильмнің оқиға желісі метро жарылысынан басталады. Сол жарылыста қаза тапқан Расұлды отбасы 15 жыл бойы жоқтап келген. Алайда құрбандарды еске алу күнінде Расұл аяқ асты үйге оралады. Туыстары онымен қайта қауышқандарына қуанады, бірақ «Осы уақытқа дейін қайда болды?» деген сауалдың жауабын әркім өздігінше іздейді. Расулдың өзі болса, шындықты жасырғандай, нақты жауап бермейді.

Фильмнің режиссері – Жандос Айбасов, бұған дейін көрерменге актер әрі каскадер ретінде танымал болғанымен, кәсіби режиссерлік білім алғанын көпшілік біле бермейді. Түсірілім алаңындағы көпжылдық тәжірибесі оған...

Бүгін, 7 қыркүйек күні, Ливерпульде бокстан Әлем чемпионаты аясында қазақстандық боксшылар бірнеше жекпе-жек өткізеді.

Күндізгі сессияны Qazsport телеарнасы сағат 14:55-те көрсетеді.

Алғашқы кездесуде 55 келі салмақ дәрежесінде Махмұд Сабырхан мексикалық Бриан Оуен Ортизбен кездессе, 80 келіде Нұрбек Оралбай украиналық Матвей Ражбамен күш сынасады.

Кешкі сессия Qazaqstan арнасынан сағат 21:55-те тікелей эфирде көрсетіледі.

Бұл кезеңде 57 келіде Карина Ибрагимова Ұлыбритания боксшысы Элиз Глиннмен, 70 келіде Наталья Богданова үндістандық Санамача Чану Зочоммен, ал 65 келі салмақта Ертуған Зейнулинов франциялық Хуго Граумен кездеседі.

Еске сала кетейік, бұған дейін бірнеше боксшымыз әлем чемпионатында алғашқы жекпе-жектерін сәтті бастап, жеңіске жеткен...

Беларусь әншісі Макс Корждың 6 қыркүйекте Алматыда өтуі тиіс концерті болмай қалды. Дегенмен жанкүйерлер оңтүстік астанада бас қосып, қаланың әртүрлі жерінде әншінің әндерін бірге шырқады.

Жанкүйерлер арбатта, Орталық стадионда, тауда, автобустарда және көліктерде шырқалған әндерді бейнежазбаға түсіріп, әлеуметтік желілерде таратты.

«Макс Корж Алматы!» атты Telegram-чатта (12,8 мыңнан астам қатысушы) олар арнайы кездесу локацияларымен бөлісіп отырды.

Концертке дайындық бір жылға жуық жүргізілген еді. 35 мың билет сатылып, 17 мыңға жуық турист келеді деп жоспарланған. Алайда 27 тамызда Орталық стадион дирекциясы концерттің өтпейтінін хабарлады.

Макс Корж өз мәлімдемесінде Қазақстанға деген көзқарасы өзгермегенін айтып, тыңдармандарына қолдау көрсеткендері үшін алғысын білдірді.

Мидың қартаюы – бұл молекулалық, құрылымдық және функционалдық өзгерістер болатын табиғи процесс. Бұл мақалада мидың қартаюын баяулатудың дәрі-дәрмексіз және биологиялық белсенді қоспаларсыз (ББҚ) әдістері қарастырылады. Мидың қартаюын толық тоқтату мүмкін емес, бірақ оны баяулатуға болады.

Мидың қартаюы дегеніміз не және оның себептері

Мидың қартаюы нейрондардың санының азаюы, мидың ақ затының жұқаруы және басқа да молекулалық өзгерістермен сипатталатын процесс. Ми 25 жаста толық жетіледі, содан кейін қартаю басталады. МРТ арқылы 40 жастан кейін құрылымдық өзгерістер байқалады, ал 60 жастан кейін олар айқын болады. Ең көп зардап шегетін аймақтар — жад үшін жауап беретін гиппокамп және когнитивтік функцияларды басқаратын...

Қазақстандық UFC жұлдызы Шавкат Рахмонов УЕФА президенті Александер Чеферинмен кездесіп, оған қолтаңбасы қойылған қолғап сыйлады.

Шавкат бұл сәтті өзінің Instagram парақшасында бөлісіп, жазбаға:

«Kairat fc champion Алға Қазақстан» деп жазды.

Желіде жарияланған видеода «Қайрат» футбол клубының басшысы Қайрат Боранбаев та бой көрсетті. Спортшы оған да қолғабын тарту еткен.

Айта кетейік, жақында Алматыда футбол жанкүйерлерін тарихи ойын күтіп тұр. 30 қыркүйек күні «Қайрат» пен мадридтік...

Алматы қаласының Әуезов ауданында үш қабатты ғимараттың шатырынан өрт шықты. Қалалық төтенше жағдайлар департаментінің мәліметінше, тілсіз жау шаруашылық құрылыстан басталып, кейін шатырға жайылған.

Оқиға орнына жедел жеткен құтқарушылар өртті оқшаулап үлгерді. Қауіпсіздікті қамтамасыз ету үшін үздіксіз су беру ұйымдастырылған. Жалынмен күреске Алматы қалалық ТЖД-ның 32 қызметкері мен 9 арнайы техникасы жұмылдырылды.

Өрт салдарынан шатырдың бір бөлігі құлаған. Дегенмен құтқарушылар қауіпсіздік ережелерін сақтай отырып жұмыс жүргізуде.

Зардап шеккендер туралы ақпарат түскен жоқ.

Алматы облысындағы, аты шулы Талғар ауданында тағы бір қайғылы оқиға болды. 6 қыркүйек күні ҚызылҚайрат ауылында ер адам ауыл тұрғынын атып өлтіріп, 2 жасар жиенін ұрлап әкеткен. Кейінірек арнайы жасақ бүлдіршінді құтқарып, анасына табыстады. Жәбірленуші тарап пен адвокат Гаухар Сариева жаңа мәліметтермен бөлісті.

Адвокаттың айтуынша, 1998 жылы туған күдікті бұған дейін автокөлікке байланысты алаяқтық дерегі бойынша тергелген. Жәбірленуші Аружан медбике болып жұмыс істейді.

Қорқыту мен қысым

Адвокаттың сөзінше, күдікті бір ай бойы Аружанмен байланысын үзбей, қоқан-лоқы көрсеткен. «Зорлады деп арыз жазып қояды» деп қорқып, тәулік бойы қоңырауды қосулы ұстатып отырған. Қысымға төзе алмаған Аружан өзіне қол жұмсама...

7-сінен 8 қыркүйекке қараған түні Брюссельде футболдан 2026 жылғы әлем чемпионатының іріктеу кезеңі аясында Бельгия мен Қазақстан құрамалары кездеседі.

Ойынның тікелей трансляциясы Qazsport телеарнасынан көрсетіледі. Матч Қазақстан уақытымен 23:45-те басталады.

Қазіргі таңда Бельгия құрамасы іріктеуде үш ойын өткізіп, жеті ұпай жинады. Ал Қазақстан ұлттық құрамасы төрт матчта үш балл ғана еншілеп отыр. Соңғы ойында Әли Әлиевтің шәкірттері өз алаңында Уэльс құрамасына 0:1 есебімен жол берген болатын.