Жаңалықтар

Түркістан облысы Иқан ауылында қыз ұзату кезінде той кортежімен жүрген автокөлік жүргізушілері біріне-бірі жол бермей текетірескен. Әлеуметтік желіде тараған видеоға қарағанда, қара түсті Mercedes-benz автокөлігі мен ақ түсті  Toyota автокөлігінің жүргізушілер бірін-бірі соққан. Видеодан Toyota көлігінің алдыңғы бампері жұлынып кеткенін байқауға болады. 

Облыстық полиция департаменті оқиғаға қатысты ақпарат таратты. Департаменттің мәліметінше, бірнеше автокөлік жүргізушілері жол қозғалысы ережелерін өрескел бұзған. Тексеру кезінде оқиға Сауран ауданында қыз ұзату тойы кезінде болғаны анықталған. Mercedes-benz, Toyota және Nexia 5 автокөліктің жүргізушілері ұсталған. Көрсетілген көлік құралдары айыптұраққа  қойылған.

«Құқықбұзушылар авариялық жағдай жасағаны, жолаушыларды тасымалдау жөніндегі талаптарды сақтамағаны, көлікті мемлекеттік тіркеу нөмірлерінсіз...

7 тамызда Қазақстанда оқу гранты иегерлерінің тізімі жарияланды. Оқуға түскен азаматтарға грант куәлігі беріледі. Kursiv.Media оны қайдан, қалай алуға болатынын түсіндіреді.

Тізімдегі 77 мыңнан астам азамат грант куәлігін grant.testcenter.kz сайтынан ала алады. Ұлттық тестілеу орталығы грант куәлігі үш жұмыс күні ішінде дайын болатынын хабарлады.

Орталық сайтына кіріп, жеке сәйкестендіру нөмірі (ЖСН) мен тест тапсырушының жеке нөмірін (ТЖК) енгізу қажет. Сол арқылы сіз куәлікті жүктеп ала аласыз.

Тест тапсырған азаматтардың ТЖК нөмірі грант байқауына қатысуға ұсынылған ҰБТ сертификатында жазулы тұрады.

2025 жылы білім байқауына шамамен 113 мың өтініш қабылданған. Мемлекеттің білім гранттарының 60%-ы техникалық мамандыққа бөлінген.

Камбоджа билігі АҚШ президенті Дональд Трампты Нобель бейбітшілік сыйлығына ұсынды. Осы елдің үкіметі Трампты Таиландпен арадағы қақтығысты тоқтатуға үлес қосты деп есептейді. Бұл туралы Bloomberg хабарлайды.

7 тамызда Камбоджа премьер-министрі Хун Манет Норвег Нобель комитетіне хат жазды. Ол Трамптың Камбоджа мен Таиланд арасындағы қарулы жанжалды доғаруға қосқан үлесін атап өтті.

Бұған дейін Трамп Камбоджа билігін көрші елмен астысты тоқтатпаса, сауда келісімін тоқтатып тастаймын деп қорқытқан. Содан кейін Оңтүстік-Шығыс Азиядағы елдер бейбіт келісімге келген.

Камбоджа мен Таиланд арасында бес күнге созылған қарулы қақтығыс барысында ондаған адам қаза тапты. 300 мыңнан аса адам шекара маңындағы үйін тастап кетуге мәжбүр болды.

АҚШ...

Алматы қалалық мәслихаты мегаполисті басқарудың жаңартылған құрылымын бекітті. Кеңес отырысына қала әкімі Дархан Сатыбалды да қатысты. Бұл туралы қалалық әкімдік хабарлайды.

Мегаполис билігінің мәліметінше, 7 шілдеде Алматы мәслихатының XXXII кезектен тыс сессиясы өтті. Қала әкімі Дархан Сатыбалды қатысқан жиналыста басқару жүйесінің жаңартылған құрылымы бекітілді.

Әкімдік «қабылданған шешімдер әкімшілік құрылымның тиімділігін арттыруға бағытталған» деп сипаттады.

Атап айтқанда, бірқатар басқарма бірігіп, жаңаша аталған. Сонымен бірге жол-көлік саласы қайта ұйымдастырылған.

«Енді қалалық мобильділік басқармасы қозғалысты ұйымдастыру және инфрақұрылымды дамыту басқармалары болып екі дербес органға бөлінеді», – деп хабарлайды Алматы әкімдігі.

Бұған қоса, жалпы су пайдаланудың жаңа ережелер...

8 тамызда Қазақстанның орталық, солтүстік және шығыс өңірлерінде бұршақ аралас жаңбыр жауады. Оңтүстік және батыс өңірлерде ауа температурасы 41 градусқа дейін көтеріледі. Бұл туралы Қазгидромет хабарлайды.

Жұма күні Абай, Ақмола, Қарағанды, Солтүстік Қазақстан және Қостанай облыстарында жаңбыр жауып, бұршақ түседі. Ақтөбе мен Павлодар облыстарында да найзағай ойнап, жаңбыр жауады. Түнде және таңертең тұман түседі.

Астана қаласында күндіз бұршақ аралас жаңбыр жауып, дауыл тұрады. Елордада солтүстік-шығыстан жел соғады. Оның екпіні 15-20 м/с дейін күшейеді.

Қазақстанның оңтүстік және батыс өңірлерінде күн ыстық болады. 8 тамызда күндіз Қызылорда облысының орталығында, солтүстігінде шаңды дауыл тұрады. Күндіз ауа температурасы 41 градусқа дейін көтеріледі. Қызылорда...

АҚШ-тың Александрия қаласында (Вирджиния штаты) мектеп командалары арасында әлем чемпионаты аяқталды. Алматының физмат мектебі құрамасы күміс жүлдеге ие болды. Жеке есепте Иманғали Ақылбай алтын, Эдгар Мамедов пен Зарина Нұрғалиева қола жүлдегер атанды.

FIDE World Schools Team Championship 2025 жарысына 48 елден 55 команда қатысты. Қазақстан бес топ алып барды.

Турнирдің аяқталуына бір тур қалғанда әлем чемпионы мәлім болды. Velammal MHS School (Ченнай, Үндістан) командасы 14 ұпай жинап, қарсыластарын артта қалдырды.

Екінші орынға Республикалық физика және математика мектебінің (Алматы) командасы көтерілді – 12 ұпай. Астаналық физмат командасы төртінші орынды місе тұтты. SEED Educational Complex (Астана) 8-орынға тұрақтады.

Қазақстаннан барған...

Жетісу облысы Панфилов ауданының прокуратурасы мемлекеттік органдардың қызметіне мониторинг жүргізу барысында кәсіпкерлік қызметке кедергі келтіретін әрекеттердің орын алу фактісін анықтағанын хабарлады.
 
Аудан әкімінің орынбасары «Үркер» ЖШС-не қолданыстағы автовокзалды Жаркент қаласынан тыс жерге көшіру туралы талаппен хат жолдаған.
 
Кәсіпкерлік қызметке заңсыз араласқаны үшін кінәлі тұлға Әкімшілік құқық бұзушылық туралы Кодекстің 173-бабы бойынша жауапкершілікке тартылып, 190 мың теңгеден астам сома айыппұл арқалаған. Сол арқылы кәсіпкерлік субъектісінің құқықтары қалпына келтірілген.

Бұған дейін, бас прокуратура ірі көлемде бюджет қаражатын жымқырған бас есепші сотталғанын хабарлаған.

Қоғамда жиі айтылатын «жын кіру» құбылысы шын мәнінде не? Бұл — халық арасында ертеден келе жатқан наным-сенім бе, әлде медициналық тұрғыдан шизофрения сынды психикалық ауытқулардың белгісі ме?

Бүгінде жан күйзелісіне түсіп, ішкі дағдарысқа ұшырап жүрген жастардың саны артып келеді. Бұл – жай ғана уақытша депрессия емес, тұқым қуалауы мүмкін, тіпті ауыр психикалық аурулардың бастамасы болуы ықтимал.

Емші не дейді? Психологтар қалай түсіндіреді? Бақсы мен дәстүрлі халық емшілерінің көзқарасы қандай?

Жын туралы таным мен психикалық саулық арасындағы шекара қайда? Беймәлім жағдайға тап болғанда кімге сеніп, қайда жүгінген дұрыс? Бұл сұрақтардың жауабын Kursiv Media арнайы зерттеді. Толығырақ YouTube арнасынан көруге болады.

АҚШ-тың Қазақстандағы елшілігі ескі мүліктерін онлайн-аукционға сатуға шығарды. Елшілік автокөлігін, компьютерлерін, кеңсе техникасын, теңіз контейнерлерін сатады. Бұл туралы дипломатия өкілдігінің ресми сайтында хабарланды.

Барлығы 17 лот ұсынылған. Тауарлар қазір қандай болса, сондай күйде сатылады. Ең қымбаты – 2011 жылғы Mitsubishi L200 көлігі. Оның аукциондағы бастапқы құны 2 млн теңге. Ұйымдастырушылардың айтуынша, автокөлік жүріп тұр.

Бұған қоса, елшілік үш адамға арналған Polaris Ranger 6×6 UTV мотоциклін сатады. Бастапты бағасы — 200 мың теңге.

Сканер, принтер, монитор секілді техникалар да саудаға шығарылды. Олар 70 мың теңгеден 120 мың теңге аралығында бағаланды. Тағы екі теңіз контейнері бар. Оларды 100 мың және 75 мың теңгеге...

Геннадий Головкиннің бұрынғы жаттықтырушысы Серік Қалиев 22 жылдық бас бостандығынан айыру жазасын өтеп, бостандыққа шықты.

Orda.kz ақпаратына қарағанда, Қалиев Қазақстанның әуесқой бокс федерациясының бұрынғы президенті Асқар Құлыбаевқа қастандық жасау айыбы бойынша сотталған.

Ол Головкиннің өзге де танымал қазақстандық боксшыларды жаттықтырған. Жаттықтырушылық мансабы барысында Қалиев Геннадий Головкин, Серік Әлеуов, Павел Сторожук сынды спортшылармен жұмыс істеген.

Адвокат Айман Омарованың айтуынша, бостандыққа шыққан сәтте Серік Қалиевтің денсаулығы ауыр жағдайда болған.

«Ол 22 жыл түрмеде отырды. Осы уақыт ішінде ұлы мен немерелерінің өскенін көре алмады, түрлі қиындықты бастан кешті. Түрмеде С гепатитін жұқтырып, бірнеше созылмалы ауруға шалдықты. Соның салдарынан бостандыққа шығу бірнеше рет...

Астана қаласының Полиция департаменті жарнама бағанына соғылған автобус жүргізушісінің үстінен қозғалған қылмыстық іс рақымшылық аясында тоқтағанын хабарлады.

Департамент мәліметінше, жүргізуші жол жүру ережелерін бұзып, адамның денсаулығына зиян келтіру фактісі бойынша кінәлі деп танылған. Алайда «Амнистия туралы» Заңға сәйкес күдікті тарапынан қылмыстық қудалауды тоқтату туралы өтініш түскен. Осыған байланысты қылмыстық іс амнистия актісіне сәйкес тоқтатылған.

Қылмыстық іс тоқтатылғанымен, жүргізуші қылмыстық жауапкершілікке тартылған деп есептеледі. Сонымен қатар, құқық бұзушылық пен басқа да заң бұзушылықтарға себеп болған мән-жайларды жою мақсатында Астана қаласының әкімдігіне ұсыныс жолданған.

2 маусымда Астанада жолаушы автобусы ақпараттық бағанға соғылған. Жол апатынан 15 адам зардап шеккен. Үш жолаушы ауруханаға...

Forbes тізіміндегі миллиардер Эдуард Ким (80 пайыз үлесі) мен Ренату Исмаиловқа (20 пайыз үлесі) тиесілі «Фаэтон компаниясы» былтыр 1,4 млрд теңге пайда тапқан. Бұл 2023 жылғы таза пайдамен салыстырғанда 3 есе аз. Алдыңғы жылы компанияның таза табысы рекорд орнатып, 4,3 млрд теңгеден асқан болатын.

Компания жылдық есебінде таза пайдасының азаюын шығындардың өсуімен түсіндіреді. Атап айтқанда, 2024 жылы жалпы пайда 1,8 млрд теңгені құрады. Бұл алдыңғы жылмен салыстырғанда 6,7%-ға аз. Операциялық пайда 3,7 млрд теңгеге дейін төмендеді.

Әкімшілік шығындар 276,4 млн теңгеге жетіп, бір жыл ішінде 67,9 млн теңгеге артты. Әсіресе, банк қызметтері мен салықтарға кеткен шығын айтарлықтай өскен.
⠀
Соған қарамастан...

Шымкент қаласы әкімінің орынбасары Руслан Берденовке екі күн ота жасалады. Бұл туралы сот талқылауында жәбірленушінің заңды өкілі Жеңіс Тыныбек мәлім етті.

Жеңіс Тыныбектің сөзінше, Руслан Берденовке 7-8 тамыз күні ота жасалады. Одан кейін 20 күндей оңалтудан өтеді. Бірақ ол Берденовтің қай жеріне қандай ота жасалатынын нақтыламады.

Сотта жәбірленушінің заңды өкілі сотқа талап-арыз түсірген. Онда Берденовтің қазіргі жайы жазылған. Ол саматикалық емге жатқызылған. Стационарлық тексеруге, оңалтуға және одан әрі хирургиялық емдеуге дайындық жасауға жүгінген. Сот процесіне қатыса алмайтынына байланысты тергеу барысында берген жауаптарын қолдайтынын мәлімдеген.

Сондай-ақ сотта оның қазіргі денсаулығы туралы анықтаманы «Keruen Medicus” медициналық орталығы берген. Берденов «Keruen Medicus” медициналы...

Жамбыл облысында аяғы ауыр әйелін өлтірген ер адамға үкім шықты.

Қылмыстық істер жөніндегі мамандандырылған ауданаралық сот қылмыстық кодекстің 99-бабы 2-бөлігінің 4-тармағы бойынша түскен қылмыстық істі қарады.

Қайғылы оқиға 2024 жылдың тамызында Қордай ауданы Масаншы ауылында болған. Үй ауласында сотталушы мен оның әйелі арасында отбасылық-тұрмыстық қатынастар негізінде жанжал туындаған. Ер адам әйелінің жүктi екенін біле тұра тесетін-кесетін затпен әйелдің мойнынан ұрған.

Әйел оқиға орнында қаза болған.

Сотталушы кінәсін мойындамады.
Сот үкім шығарар кезде ер адамның кәмелетке толмаған балалары бар екенін ескерді.

Сот үкімімен ер адам адам өлтіргені үшін кінәлі деп танылды. 15 жылға бас бостандығынан айырылды.

Алакөлдің Абай облысы жағындағы шығыс жағалауында 17 жастағы жасөспірім суға батып кетті. Бұл туралы Tengrinews.kz басылымы хабарлады.

Белгілі болғандай, жасөспірім шомылуға арналмаған аумақта құтқару жилетісіз қайықтан суға секіріп, қайта шыға алмаған.

32 жастағы қайық иесі қауіпсіздік талаптарына сай келмейтін қызмет көрсеткені абайсызда адам өліміне әкеп соққаны үшін тергеуге алынған.

«Анықталған алдын ала мәлімет бойынша, қайғылы оқиға Алакөл көлінің шомылуға арналмаған аумағында болған. Жағадан шамамен 500 метр қашықтықта 17 жастағы жасөспірім құтқару жилетісіз қайықтан суға секіріп, батып кеткен», – деп мәлімдеген Абай облыстық полиция департаментінің баспасөз қызметі.

Департамент қазіргі уақытта қажетті сараптамалар тағайындалып, оқиғаның барлы...

«Азық-түлік келісімшарт корпорациясы» 2024 жылғы қаржы есебін KASE-де жариялады. Ұлттық компаниясы мен оның еншілес кәсіпорындары былтыр тағы 23 млрд теңге шығынға батқан. Соған қарамастан, компания топ-менджерлері миллиондаған сыйақы алған.

Корпорацияның таза шығыны бір жылда шамамен 4,5 млрд теңгеге артқан. Өйткені ұлттық компанияның 2023 жылдағы шығыны шамамен 19 млрд теңге болған.

Тауар мен қызметтен 45,6 млрд теңге түскен. Бұл 2023 жылға қарағанда екі есе артық көрсеткіш. Алайда ауыл шаруашылығы тауарларын жеткізушілерге 65,8 млрд теңге төленген.

Ұлттық компания шығыны артқанына қарамастан, топ-менеджерлер сыйақысы одан сайын көбейіп отыр. 2024 жылы басқарма мүшелері 124,4 млн теңге, ал директорлар кеңесінің мүшелері 3,75 млн...

2025 жылдың алғашқы жартыжылдығында Orbis Auto тобының премиум санатындағы автокөліктерінің сатылымы өткен жылдың сәйкес кезеңімен салыстырғанда 52%-ға артып, 760 бірлікті құрады. Компанияның мәліметінше, бұл көрсеткіш Қазақстандағы жаңа премиум көліктер нарығының 29%-ын қамтамасыз етті.

Сатылым өсімін негізінен Audi, Porsche, Cadillac, Infiniti және Lexus маркалары қамтамасыз етті. Мәселен, Audi сатылымы екі есеге жуық өсіп, 212 көлікке жеткен. Porsche алғашқы жартыжылдықты 205 сатылған көлікпен (+42%) аяқтады. Infiniti — 137, Cadillac — 136, Lexus — 73 көлік сатты.

Премиум сегментінде ең көп сұранысқа ие  кроссоверлер

Porsche ішінде Cayenne (109 дана), Audi ішінде Q5 (110) алда. Cadillac сатылымының 87%-ы Escalade үлесіне тиіп отыр...

Тұрсынбек Қабатовтың әйелі Мөлдір Мұқан тұрмыстық зорлық-зомбылық туралы әлеуметтік желіге екіұшты жазба қалдырды.

«Сен менсіз ешкім емессің” дедің, сол сәтте мен үнсіз қалдым. Бір кезде сені сүйгенмін. Сөзіңе сенгем. Мені қолдайды, қорғап жүреді деп ойлағам. Бірақ сен мені әлсіз етіп, өзіңе бағынышты еткің келді», – деп жазды Мөлдір Мұқан.

Тұрсынбек Қабатовтың жары қыздарды тұрмыстық зорлық-зомбылыққа төзбеуге шақырып отыр.

«Қыздар, егер біреу сізге дауыс көтерсе — бұл зорлықтың бастамасы. Егер біреу сені итерсе, шапалақпен ұрса — бұл зорлықтың жалғасы. Егер біреу саған «Сен менсіз ешкім емессің» десе — бұл психологиялық қысым!» – деп пікір білдірді.

Оны...

6 тамыз күні Алматыдағы Орталық стадион алаңында «Қайрат» пен словакиялық «Слован» командалары арасында УЕФА Чемпиондар лигасының іріктеу кезеңі аясында матч өтті. Бұл матч футболшылардың тартысты ойынымен ғана емес, көрермендерге жасалмаған жағдаймен де есте қалды.

Көпшілік әлеуметтік желіде стадиондағы орын тапшылығына, билет сатылғанымен, кей жерлерде мүлде орындықтың болмағанына наразы болды. Халық стадионда бірнеше сағат тұрып футбол көруге мәжбүр болған. Ал санитарлық жағдай тіптен сын көтермейді. 23 мың адамға арналған стадионда әжетханаға тек бір есік арқылы ғана кіреді.

Енді, дәл осы стадионда 10 тамыз күні әлемдік жұлдыз Дженнифер Лопес концертін өткізбек. Алматы қаласының әкімдігі «стадион концерт өткізуге толық дайын» екенін...

Марғұлан Баймұхан Қазақстанның Таиландтағы елшісі қызметіне тағайындалды. Ақорданың хабарлауынша, Баймұхан БҰҰ Азия мен Тынық мұхитқа арналған экономикалық және әлеуметтік комиссиясы жанындағы Қазақстанның тұрақты өкілі қызметін қоса атқарады.

Айта кетейік, 5 шілдеде Марғұлан Баймұхан Қазақстанның Бельгия Корольдігіндегі төтенше және өкілетті елшісі, Еуропа Одағының жанындағы және Солтүстік Атлант Шарты ұйымындағы (НАТО) Қазақстан өкілдігінің басшысы, Люксембург Ұлы Герцогтігіндегі елшісі қызметін қоса атқарушы лауазымдарынан босатылды.

Қазақстанда 2026 жылдан бастап тұрғын үйді табиғи апаттан міндетті сақтандыру енгізіледі. Бұл туралы вице-премьер Қанат Бозымбаев баспасөз мәслихатында айтты.⠀

Оның мәлімдеуінше, қазір мемлекеттік органдармен бірлесіп, табиғи апаттн келген залалды сақтандырумен айналысатын мемлекеттік сақтандыру компаниясын құру мәселесі қарастырылып жатыр. Компания жиналған қаражатты қайта сақтандыруға бағыттайды.

Сантардыру міндетті болмақ және үш негізгі қатер қаупі жоғары өңірлерге енгізіледі:

Сақтандыру жарнасы жылына бір рет төленеді. Жарна мөлшері әзірге белгісіз, өйткені алдымен тұрғын үйдің құны бағаланады.

«Шалғай ауылдағы...

«BIG Шанхай» базарындағы өрттен зардап шеккен 263 кәсіпкерге ресми анықтама берілді.

Кәсіпкерлер жедел штаб арқылы Төтенше жағдайлар департаментінен арнайы анықтама алған. Бұл құжат несиені шегеруге мүмкіндік береді. Анықтамалар банктер мен микроқаржы ұйымдарына жолданды. Бұл туралы Respublica партиясы хабарлады.

Несиені шегеру үшін не істеу керек?

Айта кетейік, BIG Шанхай базарындағы өрт салдарынан 300-ден астам кәсіпкер зардап шекті. Сауда министрі Арман Шаққалиевт...

Қазақстан қор биржасының (KASE) мәліметінше, сағат 15.30-да 1 АҚШ доллары 539,38 теңге болады. Доллар бір тәулікте 2,80 теңгеге қымбаттады. Ұлттық валюта ақша айырбас мекемелерінде 544 теңгеден сатылып жатыр.

Алты күн бойы үздіксіз көтерілген теңге бейсенбі күні долларға жол берді. KASE-дегі күндізгі сауда барысында Құрама Штаттар валютасы 2,80 теңгеге нығайды.

Қор биржасындағы валюта саудасы барысында шамамен 85 млрд теңгеге, яғни 157 млн долларға сауда жасалды. Ұлттық банк биржадағы валюта саудасына араласып жатқан жоқ.

Қазақстандағы екінші деңгейлі банктерде көк қағаз 540 теңгеден жоғары көтерілген жоқ. Дегенмен ақша айырбастау мекемелерінде АҚШ валютасы 544 теңгеден сатыла бастады.

Kurs.kz мәліметінше, қазір Алматы қаласындағы...

Алматы әкімдігі әлемдік поп-жұлдыз Дженнифер Лопестің 10 тамыз күні болатын концертін жоғары деңгейде өткізу үшін Орталық стадионды дайындап жатқанын хабарлады. Дайындық аясында қауіпсіздік шаралары күшейтіліп, инфрақұрылым толық жаңғыртылған. Трибуналар жөнделіп, баспалдақтар жаңартылып, орындықтар ішінара жөнделіп жатқаны айтылды.

Стадион аумағында жүріп жатқан кішігірім құрылыс және жөндеу жұмыстары 9 тамызға дейін толық аяқталады деп сендіреді әкімдік. Бұған дейін стадионның жарық жүйесі жаңартылып, 50-ден астам шам ауыстырылған.

Қазіргі таңда сахнаның техникалық жабдықталуы мен қауіпсіздік талаптарына сәйкестігі тексеріліп жатқаны, сыртқы дәретханалар жаңартылып, қоршаулар қалпына келтірілгені хабарланды.

«Бұл концерт Алматы үшін аса маңызды оқиға. Оның қалай өтетіні қаланың халықаралық беделіне...