Жаңалықтар

«Путин отпен ойнап жатыр» деп мәлімдеді Трамп. АҚШ президенті Ресей басшысына қатты қатулы көрінеді. Себеп – уәдесін орындамауы.

Трамп пен Путин телефон арқылы сөйлескен кезде, Ресей президенті бірнеше күннің ішінде «Бейбітшілік туралы меморандум» әзірлеп, Ақ үйге жіберуге сөз берген.

Кремль уәдесін орындамаған

CNN ақпаратына қарағанда, онда соғысты аяқтау туралы Мәскеудің талаптары көрсетілуі тиіс еді.

Алайда,  Кремль осы уақытқа дейін ешқандай құжат жібермеген. Бұл Трамптың шамына қатты тиген.

Ол Ресейге қарсы тағы да қатаң санкция салуды ұйғарыпты. Соңғы бірнеше аптада Мәскеуді жазалау мақсатымен бірнеше шара әзірленген. Әзірге оны Трамп мақұлдамады.

«Өте жаман нәрселер»

Трамптың пікірінше...

Қазақстанның көлеңкелі экнономикасы бүгінгі күні 42 млрд долларға жеткен. Ал 15 млрд доллар қаражат криптовалютада шығарылған. Шетелге мұндай жолмен шыққан ақшаның болашақта ел шаңырағын шайқалту мақсатында елге қайта келуі мүмкін. Бұл туралы Мәжілісте депутат Ерлан Саиров айтты.

Көлеңкелі экономика

Депутат келтірген мәліметке сенсек, Қазақстанның көлеңкелі экономикасы 42 млрд долларды құрайды.

«Бұл сома 3 жылдан бері өзгермегей келеді. Бүгін 15 млрд доллар криптовалюта шетелге кеткен туралы айтылды. Мемлекеттік органдар жағдайды бақылауда ұстай алмай отыр. Шетелге қанша қаражат кеткенін білмейді. Біз 30 жылда елден шығарылған активтерге қатысты аудит жүргізуіміз керек. Қанша капитал елден...

Аса ірі көлемде ақша жымқырды деп айыпталған Перизат Қайрат 9 маусымға дейін іс материалдарымен танысып болуға тиіс. Бұл туралы мәжілісте журналистер сұрағына жауап берген Қаржылық мониторинг агенттігі төрағасының орынбасары Жеңіс Елемесов мәлім етті.

Оның айтуынша, аталған істі тергеу толық аяқталып, айыпталушыға іс материалдары танысуға берілген. Перизат Қайрат материалдармен танысуды созып, оған нақты график берілген. Енді ол 9 маусымға дейін танысып бітуге тиіс.

«Одан кейін өтініш хаттарға үш күн беріледі. Одан ары қарай прокуратура 10 күн ішінде соттың алдын ала тыңдау күнін тағайындау бойынша шешім қабылдайды», – деді ол.

Оның сөзінше, іс бойынша әлі күнге дейін екі күдікт...

Премьер-министр Олжас Бектенов Қазақстан-Италия бизнес-форумында италиялық инвесторларды экономиканың басым секторларындағы бірлескен жобаларды іске асыруға белсенді қатысуға шақырды.

Форум аясында тараптар сауда, логистика және инвестиция салаларындағы екіжақты ынтымақтастықты дамыту мәселелерін талқылады.

Олжас Бектенов өз сөзінде форумның Қазақстан мен Италия арасындағы экономикалық байланыстарды тереңдетудегі рөлі зор екенін атап өтті. Оның айтуынша, екі ел арасындағы стратегиялық әріптестік мемлекет басшыларының күш-жігерінің нәтижесінде қарқынды дамып келеді. Энергетика, машина жасау, химия, фармацевтика, ауыл шаруашылығы секілді салаларда табысты жобалар іске асырылуда.

Екі ел арасындағы сауда-саттық артып келеді

2023 жылы екіжақты сауда айналымы 25%-ға артып, шамамен $20 млрд-ты құрады. Оның ішінде Қазақстанның Италияға...

Президент Қасым-Жомарт Тоқаев Қазақстанға ресми сапармен келген Руанда президенті Поль Кагамеме кездесті.

Тоқаев Кагамеге ілтипат білдіріп, бұл сапардың тарихи мәні зор деп бағалаған. Сондай-ақ Қазақстан мен Руанда арасындағы қарым-қатынас жаңа деңгейге шығатынын жеткізген.

– Сіздің бұл сапарыңыз және алдағы келіссөздер екіжақты ықпалдастыққа тың серпін беру тұрғысынан өте маңызды деп ойлаймын. Руанданың экономикасы қарқынды дамып келеді. Меніңше, өзара байланыстарды нығайта беру қажет. Өйткені Қазақстан – ІЖӨ көлемі, ІТ технологиялар мен жасанды интеллектті дамыту бойынша өңірдегі көшбасшы ел. Бұл біздің өзара тиімді ынтымақтастығымызды өркендетудің басым бағыттары бола алады. Сондықтан Сіздің сапарыңызға ерекше мән беремін, – деді Қасым-Жомарт...

Сыбайлас жемқорлыққа қарсы іс-қимыл агенттігі Төтенше жағдайлар министрлігіне ұқарасты «Қазселденқорғау» мекемесі облыстық филиалының басшысы сотталғанын хабарлады.

Шығыс Қазақстан облысында Өскемен қаласының № 2 соты «Төтенше жағдайлар министрлігінің Қазселденқорғау» ММ облыстық филиалының басшысы С. Станбековке қатысты үкім жариялаған.

Ол қала тұрғынын филиалға жалған жұмысқа орналастыру арқылы 2,7 млн теңге жымқырғаны үшін кінәлі деп танылған.

Оған мемлекеттік қызметте және квазимемлекеттік секторда лауазымдарды атқару құқығынан өмір бойына айыра отырып, 3 жыл мерзімге бас бостандығынан айыру түріндегі жаза тағайындалған

Сот актісі заңды күшіне енген жоқ.

Бұған дейін, «Қазатомөнеркәсіптің» бұрынғы топ-менеджері 4,5 жылға сотталған. Ол мемлекетке 20 млрд теңге көлемінде шығын келтірген деп...

Қазақстан KazSat-3 жер серігін 750 млн теңгеге сақтандырмақ. «Республикалық ғарыш байланыс орталығы жер серігін сақтандыру үшін тендер жариялаған.

Мемлекеттік сатып алу сайтында жарияланған техникалық сипаттамаға сәйкес, сақтандыру сомасы – 8,6 млрд теңге, ал келісімшарт құны – 750 млн теңге болуы мүмкін. Бұл ақпаратқ Тelegram-дағы «Президентке хат» арнасы назар аударған.

Сақтандыру мерзімі 2025 жылдың 6 шілдесінен 2026 жылдың 5 шілдесіне дейін жоспарланған. Құжаттарға қатысты қоғамдық талқылау 29 мамырға дейін жалғасады.

KazSat-3 — Қазақстанның байланыс жерсерігі. Ол ел аумағында теледидар, радио, телефон байланысы және интернет қызметтерін қамтамасыз етуге арналған.

Премьер-министрдің орынбасары Роман Склярдың айтуынша, «KazSat-3» жер серігін алмастыруға...

Мәжіліс қабырғасында қылмыстық жолмен алынған кірістерді жылыстатуға және терроризмді қаржыландыруға қарсы іс-қимыл мәселелері бойынша заң жобасы талқылануда. Заң жобасына сәйкес, қаржылық мониторинг органдарының өкілеттіктері кеңейтіледі. Енді «Азаматтарға арналған үкімет» 50 млн теңгеден асатын жылжымайтын мүлікпен жасалатын мәмілелер бойынша ақпарат беруге міндеттеледі.

Мәмілелерге мониторинг жүргізу күшейтіледі

Бұл шаралар осындай ірі мәмілелер арқылы заңсыз қаржыны заңдастырудың жолын кесуге мүмкіндік береді. Заңнамаға енгізілетін жаңа өзгерістер елдің қаржылық қауіпсіздігін нығайтуға және күдікті операциялардың алдын алуға бағытталған.

Сондай-ақ, ұялы байланыс операторлары мобильді теңгерімді толықтыру туралы деректерді қаржы мониторингі агенттігіне ұсынатын болады. Бұл ақпараттар арқылы күдікті ақша ағындары неғұрлым тиімді бақыланып, талданбақ.

2014 жылдан бері жиналған таза инвестициялық табыс 11,59 трлн теңгеге жетті. Бұл – Бірыңғай жинақтаушы зейнетақы қорынан хабарлады.

Осылайша таза инвестициялық табыстың үлесі зейнетақы жинақтарының жалпы көлемінің 39,8%-ын құрайды.

2024 жылғы 1 мамырдан 2025 жылғы 1 мамырға дейінгі аралықта:

1998 жылдан 2025 жылғы 1 мамырға дейінгі жинақталған табыстылық – 968,6%, ал инфляция – 875,1%.

Осыған дейін жыл басынан бері Ұлттық банктің сенімгерлік басқаруындағы 22,6 трлн теңге зейнетақы активінің ивесттабысы теріс қалыптасты деп...

Америкалық поп-музыка жұлдызы Дженнифер Лопестің Алматыдағы концертіне қызығушылық артты. Бүгін, 28 мамыр күні таңғы 10:00-де билеттер ресми түрде Ticketon платформасында сатылымға шықты. Алайда небәрі бір сағаттың ішінде кезекке тұрғандардың саны 10 мыңға жуықтады.

Freedom Ticketon жүйесінде көрсетілгендей, сағат 11:00 шамасында 9 146 адам билет алу кезегінде тұр.

Концерт өтетін орын – Алматының Орталық стадионы, трибуналардың сыйымдылығы ресми 23 800 көрерменді құрайды. Алайда фан-зонаға қосылатын аймақ пен орындықтармен көрермен саны 30 мыңға жуықтау керек.

Еске сала кетейік, Дженнифер Лопестің концерті 4 тамыз күні Астанада өтсе, 10 тамыз күні Алматыда өтетін болды.

Дрондар шабуылы қаупінен Мәскеу әуежайларында жүзге жуық рейс кешігіп жатыр. Әсіресе, Внуковада көп рейс кешеуілдеген.

RBC ақпаратына қарағанда, 60-тан аса ұшақ ұшпай қалған.

Басқа қалаларға қондырған

Өткен түндер Ресей астанасына шабуыл үдеп, төрт әуежайда да жұмыс тоқтаған. Онлайн-табло мәліметі бойынша, ұшатыны, қонатыны бар, жүздеген рейстер кешіккен.

Бір ғана Внуковода Мәскеу уақытымен 03:30-ге дейін 62 рейс кешеуілдепті. 16 ұшақтың қонуына рұқсат бермей, біразын Шереметьево әуежайына жіберген. Кейін мүлде жауып тастаған.

Кейбір ұшақтар Санк-Петербор әуежайына қонуға мәжбүр болды. Домодедоваға қонбақ болған ұшақтар да Шереметьевоға жіберілген.

Мәскеу мэрі шығын болмағанын мәлімдеді

Жуковский әуежайында екі рейс кешіктірілсе, үш ұша...

2025 жылдың сәуір айында Қазақстандағы банктер несие құнын қайта қарап, кейбір бағыттарда мөлшерлемелерді көтерді. Бұл туралы Ұлттық банктің жаңа есебінде айтылған.

Бизнеске берілетін кредиттің пайыз қандай?

Бизнеске теңгеде берілетін кредиттің орташа сыйақы мөлшерлемесі 19,0%-дан 19,1%-ға өсті. Шетел валютасында берілетін несиелер айтарлықтай қымбаттап, 6,5%-дан 7,2%-ға жеткен.

Бұл бизнестің қарыз алу шарттары біртіндеп қиындап жатқанын білдіреді. Әсіресе, валюталық қарыздар бойынша жүктеме артып отырэ

Тұтынушылық несие қымбат

Жеке азаматтарға берілетін кредиттің орташа пайызы да 21,4%-дан 21,5%-ға дейін көтерілді. Алайда, шетел валютасындағы несиелер, керісінше, біршама арзандап, 4,8%-дан 4,2%-ға төмендеген.

Бұл өзгеріс валюта нарығындағы тұрақтылыққа және банктердің ішк...

Емтиханға телефон алып кіріп, мұғалімді балағаттаған оқушыны қайта Назарбаев мектебіне қабылдамайды. Бұл жайлы «Назарбаев интеллектуалдық мектептері» ААҚ басшысы Әнуар Жанғозин мәлімдеді.

Жанғозин болған жағдайға қатысты оқушының өзі, ата-анасы және педагогикалық ұжыммен кездесу өткізгенін айтты. Оған Оқу-ағарту министрлігінің өкілдері, өңірлік бала құқықтары жөніндегі уәкіл де қатысқан.

«Кездесу барысында бұған дейін қабылданған шешім қайта қаралып, тараптар өзара түсіністікке келді. Назарбаев Зияткерлік мектебі өз шешімін өзгертпейді, оқушы мектептен шығарылып, мемлекеттік жалпы білім беретін мектепке ауыстырылды. Оқушының ата-анасы тарапынан ешқандай қарсылық жоқ», – деді ол жазбасында.

Жазбасында мұғалімдерге құрметпен қарау – мектеп үшін өзгермейтін және қата...

Әлеуметтік желілерде шегіртке қаптағаны туралы видеолар көбейіп кетті. Осыған орай Ауыл шаруашылығы министрлігі мәлімдеме жасады.

«Интернет кеңістігінде және бұқаралық ақпарат құралдарында шегірткелердің жаппай әрі бақылаусыз таралуы туралы шындыққа сәйкес келмейтін хабарламалар мен бейнематериалдар тарап жатыр. Мұндай ақпараттар шынайы жағдайға және зиянкестердің даму сатысына сәйкес келмейді. Қолданыстағы заңнамаға сәйкес, жалған ақпарат таратқаны үшін жауапкершілік көзделгенін еске саламыз», – деп ескертеді министрлік.

Ведомство мәліметінше, 2025 жылы шегіртке 2,1 млн гектар аумаққа таралуы мүмкін. Қазіргі уақытта 14 өңірде 596,3 мың гектар алқапта өңдеу жұмыстары жүргізілген. Министрлік жұмыстар жоспарға сәйкес, штаттық режимде жүргізіліп жатқанын хабарлайды.

Астанада өткен Alash Pride FC 108 турнирінде Қазақстанның танымал спортшылары – Дамир Исмағұлов, Арман Оспанов пен Қайрат Ахметов жанкүйерлердің назарын өзіне аударды.

Исмағұловтың жарқын жеңісі

Кештің басты жекпе-жегі – Дамир Исмағұлов пен UFC-дің бұрынғы файтері, бразилиялық Алан Патрик арасындағы жекпе-жек болды. Бес раундқа жоспарланған айқас екінші раундта-ақ аяқталды. Дамир қарсыласына бірнеше жойқын соққы жасап, техникалық нокаутпен жеңіске жетті.

Оспанов пен Барао: мықтылар тең түсті

Кештің тағы бір маңызды сәті – грэпплинг ережелері бойынша өткен Арман Оспанов пен UFC-дің бұрынғы чемпионы Ренан Барао арасындағы жекпе-жек. Тартысты өткен жекпе-жек нәтижесінде жеңімпаз анықталмады – есеп тең аяқталды...

Ел бойынша өтіп жатқан негізгі ұлттық бірыңғай тестілеуде оқушылардың білімі ғана емес, оларды дайындаған орталықтар да бәйгеге түсіп жатыр. Өйткені бүгінде қолы жеткеннің бәрі қосымша дайындыққа барады. Шәкірті неғұрлым көп грант жеңіп алса, соғұрлым орталықтың абыройы аспандап, тасы өрге домалайды. Осы ретте, «қосымша орталық таңдарда неге мән беру керек» деген сауалды осы саланың маманына қойып көрдік.

Мектеп тұрғанда, орталықтың керегі не

ҰБТ сұрақтары толықтай мектеп базасынан алынады. Олай болса, бәрі мектеп бағдарламасында тұр екен, сырттан қосымша білім іздеудің қажеті қанша. Qazbilim ұлттық лицей желісінің негізін қалаушы, педагог Аятжан Ахметжанға бірінші осы сұрақты қойдық. Сөйтсек, әңгіме мынада болып...

Талдықорғанда жасөспірім Шерзат Полаттың қазасы бойынша сот отырысы жалғасып жатыр. Сот отырысына қайғылы оқиға болған күні Нұрқанат Ғайыпбаев алған жарақатқа сараптама жүргізген сот-медициналық сарапшы Өмірбек Жолымбетов шақырылды.

Сараптама 2024 жылдың 9 қазанында жүргізілген.

«Тексеру барысында Ғайыпбаевтың сол көзінің астында мөлшері 3,0 және 5 см көгерген қанталау болды. Оң жақ құлағында дәл осындай сипатта қанталау болған. Мөлшері – 2,0 және 1,0 см. Шүйде бөлігінде жұмсақ тіндерінің ісініп қабынуы тіркелді. Оң жақ жамбасы тұсында жара болған, мөлшері – 1,2 және 0,1 см», – деді маман Жолымбетов.

Медициналық тексеруден кейін Ғайыпбаевқа «бас-сүйек миының жабық зақымы; бас миының шайқалуы...

Шымкент қаласы әкімінің орынбасары Руслан Берденовке оқ атқан Ернар Жиембайдың әйелі Луиза Алданова алғаш рет оқиғаға қатысты пікір білдірді.

«Көпшілігіңіз біздің отбасымызға қатысты болған оқыс жағдайдан хабардарсыздар.
Осы қиын кезеңде мені іздеп, уайымдап, отбасымыз үшін дұға тілеп жүрген барлық жанашыр жандарға алғысымды айтамын. Өткен бір ай біздің отбасымыз үшін де ауыр сынақ болғанын жеткізгім келеді. Енді ғана есімізді жиып, өз-өзімізге келіп жатқан жайымыз бар», – деп жазды күдіктінің жары өзінің әлеуметтік парақшасында.

Алданова өз отбасының әкім орынбасарының өмірі үшін алаңдағанын, аман-есен жазылып шыққан соң елге қызметін жалғастырады деген тілегін жеткізген.

«АзияАгроФуд» АҚ зауытының қоймасындағы жарылыстан кейін зардап шеккен төрт адам да ауруханада қайтыс болды. Бұған дейін жарылыс кезінде бір адамның көз жұмғанын жазған едік. Осылайша апат құрбандар саны бес адам болды.

Қызметкерлерінің қайтыс болғаны жайды «АзияАгроФуд» компаниясы сайтында жариялап, туған-туыстарына көңіл айтты.

«2025 жылғы 23 мамырда Алматы облысындағы «АзияАгроФуд» АҚ-ның құрамажем зауытында орын алған қайғылы оқиға салдарынан әріптестеріміздің қаза тапқаны туралы зор күйзеліспен және терең қайғымен хабарлаймыз. Бұл трагедия бүкіл компания үшін ауыр соққы болды. Біз тек қызметкерлерімізден емес, өз еңбегімен, адалдығымен және адами қасиеттерімен ұжым өмірінде өшпес із қалдырған жандардан айырылды...

2025 жылдың басынан бері Қазақстанда Facebook пен Instagram платформаларында 7 689 заң бұзушылық тіркелген. Бұл туралы Мәдениет және ақпарат министрлігінің баспасөз қызметі хабарлады.

Аталған мәселе Астанада өткен мәдениет және ақпарат министрі Аида Балаеваның Meta компаниясының мемлекеттік саясат жөніндегі директоры Сарим Али Азизпен кездесуінде талқыланды. Тараптар Қазақстанның ақпараттық кеңістігіндегі қауіпсіздік мәселелерін сөз етті.

Министрліктің мәліметінше, анықталған заңбұзушылықтардың 3 027-сі Facebook желісінде, ал 4 662-сі Instagram-да орын алған. Meta бұл контенттің 90%-ын Facebook-тан және 51%-ын Instagram-нан өшірген.

Аида Балаева әсіресе интернеттегі алаяқтық жарнаманың белсенді түрде көбеюіне алаңдаушылық білдірді.

«Мұндай жарнамалардың нақты сілтемесі болмайды, бұл оларды жедел...

HBO Original студиясы Хәрри Поттер туралы жаңа сериалдың басты кейіпкерлерін сомдайтын актерлер құрамын жариялады. Warner Bros. Discovery баспасөз хабарламасына сәйкес, Хәрри Поттердің рөлін Доминик Маклафлин орындайды. Ал оның адал достары Рон Уизли мен Гермиона Грейнджерді тиісінше Аластар Стаут пен Арабелла Стэнтон сомдайды.

Сериалдың кастинг директоры Франческа Гардинер:

«Көп ізденістен кейін біз Хәрримізді, Гермионамызды және Ронымызды тапқанымызға қуаныштымыз. Бұл үш ерекше актердің таланты таңғалдырады. Олардың экрандағы бірлескен сиқырын көрермендер асыға күтеді деген сенімдеміз».

Айта кету керек, бұл үш жас актер бұған дейін Хәрри Поттер әлемінде танымал болған Дэниел Рэдклифф, Эмма Уотсон және Руперт Гринттің рөлдерін қайта...

Түркістан облысы Қазығұрт ауданы Атажұрт ауылындағы Бауыржан Момышұлы атындағы мектептің 37 жастағы дене шынықтыру пәні мұғалімі 8-сынып оқушысына «көрінеу жыныстық сипаттағы әрекеттер жасады»деген күдікке ілініп, қамауға алынды. Бұл туралы Курсивке оқушының ата-анасы айтып берді.

14 жастағы оқушы мен оның ата-анасы оқиға биыл 23 наурызда болғанын айтады. Одан алдын әлеуметтік желіде хәл-жайын сұрап хат жазып жүрген мұғалім оқушыны «Шымкентке қыдыруға шақырған». Түн ортасында оқушы үйінен жасырын кетіп, мұғалімнің жеке көлігімен жолға шыққан. Бірақ мұғалім Шымкентке емес басқа бағытқа кеткен.

«Адам жүрмейтін жерге көлігін тоқтатты. Екеуміздің сөйлесіп жүргенімізді ешкімге айтпа деді. Жазған хаттарын өшіруді сұрады. Содан кейін сөз...

Еуропалық автокөлік өндірушілер қауымдастығы (ACEA) Еуроодақтағы жаңа автокөліктерді тіркеуге қатысты соңғы деректерді жариялады. Ақпаратқа сүйенсек, әлемдік экономикадағы тұрақсыздыққа қарамастан, нарық қалпына келе бастаған. 2025 жылғы сәуірде ЕО бойынша жаңа көліктерді тіркеу көлемі өткен жылдың сәйкес айымен салыстырғанда 1,3%-ға артты. Алайда жыл басынан бергі (YTD) қорытынды көрсеткіштер бойынша нарық әлі де былтырғыдан 1,2%-ға төмен.

Электрлендіру үрдісі жалғасуда: гибридтер мен электр қуатымен жүретін көліктерге сұраныс артуда

Экологияға зияны аз көліктерге сұраныстың артуы – ең маңызды трендтердің бірі. 2025 жылдың сәуір айының қорытындысы бойынша аккумулятормен жұмыс істейтін электромобильдердің (BEV) нарықтағы үлесі 15,3%-ға жетті. Бұл 2024 жылдың сәуіріндегі 12%-дық деңгеймен салыстырғанда айтарлықтай өсім. Дегенмен, бұл...

Францияның ашық біріншілігі – Roland Garros жарысында Қазақстан теннисшілерінің бәрі бірінші турдан сүрінбей өтті. Сейсенбі күні Александр Бублик, Александр Шевченко және Юлия Путинцева жеңіске жетті.

Қазақстанның бірінші теннисшісі Александр Бублик ірі турнирдің алғашқы кезеңін оңай еңсерді. Ол австралиялық Джеймс Даквортты үш сетте жеңді – 6:2, 6:4, 6:4. Екінші турда Бубликке тер төгуге тура келеді. Себебі ол Австралияның бірінші теннисшісі Алекс де Минаурмен кездеседі. Алекс әлемнің үздік 10 теннисшісінің бірі.

Іріктеу сынына сүрінсе де, «Lucky Loser» ретінде жарысқа қосылған Александр Шевченко да алғашқы раундта үш сетте жеңіс тойлады. Серб Душан Лайович оған айтарлықтай қарсылық көрсете алмады. Матч 6:2, 6:4, 7:6 есебімен...