Жаңалықтар

Блогер Әлішер Елікбаев жарты жылға созылған сотта салықшыларды жеңгенін Facebook-тегі парағына жазды. Сот мемлекеттік кірістер комитетінің 5 млн теңге көлеміндегі талабы негізсіз деп шешті.

Елікбаев салықшыларға қарсы

Блогердің айтуынша, жаңа Салық кодексі қабылданар қарсаңында, 2025 жылғы 14 ақпанда, елдегі бірнеше жүз блогер салықтан жалтарғаны туралы ескерту хат алған.

«Әріптестерімнің бірқатары миллиардтаған теңге табыс тапты деп шешті. Ондаған инфлюенсер жүздеген миллионды жасырған болып шықты. Көбісіне 20-100 млн теңге аралығы деп көрсетілген. Маған екі жылда бар болғаны бес млн теңге қарызсың деп есептепті. Бұл тізімде басты аутсайдер атандым», – дейді блогер.

Соған қарамастан, Елікбаев...

Қазақ музыкасының тарихында өшпес із қалдырған сазгер, «Қазақ вальсінің королі» атанған Шәмші Қалдаяқов 1930 жылы 15 тамызда Оңтүстік Қазақстан облысы, Отырар ауданында дүниеге келді.

Шәмші Қалдаяқов 40 жылдан астам шығармашылық жолында 300-ге жуық ән жазды. 1965 жылы Қазақстан Комсомол сыйлығын иеленсе, 1991 жылы Қазақстан Республикасының Халық әртісі атағы берілді.

1950 жылдан бастап шығармашылықпен айналысқан Шәмшінің әндері елге, Отанға, ата-анаға, жарға, дос-жаранға деген шексіз сүйіспеншілікке толы болды. Әндеріне Мұхтар Шаханов, Қадыр Мырза Әли, Тұманбай Молдағалиев, Жұмекен Нәжімеденов сынды ақындар өлең жазды.

Қазақтың кең даласын жырға қосқан «Ақ ерке – Ақ Жайық», «Арыс жағасында», «Сыр сұлуы», «Теріскей», «Қарқаралы», «Өмір өзен» сынды әндер...

15 тамыз, жұма күні Қазақстанның көп бөлігінде жаңбыр жауып, күн күркірейді. Солтүстік және шығыс өңірлерде күндіз бұршақ аралас жаңбыр жауады. Қызылорда мен Маңғыстауда шаңды дауыл тұрады. Осыған орай Төтенше жағдайлар министрлігі ескерту жариялады.

Өрт шығу қаупі жоғары

Министрлік мәліметінше, Түркістан, Алматы, Қызылорда, Жамбыл, Ұлытау облыстарында және Шымкент пен Алматы қалаларында өрт шығу қаупінің ең жоғары – 5-сыныбы жарияланды. Бүгін Қазақстанның оңтүстігінде ғана ауа райы құрғақ, ыстық болады.

ТЖМ азаматтарға далада от жақпауға, темекі тартпауға, шөпті қураған ағаштар жанында өртемеуге кеңес берді.

Ірі қалалардағы ауа райы

Қазгидромет мәліметінше, 15 тамызда Астана қаласында кей уақытта найзағай ойнайды...

Танымал әнші Қайрат Нұртастың жұбайы Жұлдыз Әбдікәрімова болашақ сәбиінің жынысын анықтауға арналған гендер пати өткізді. Бұл туралы актриса өзінің Instagram парақшасында бөлісті.

Жұлдыздың айтуынша, бұған дейін төрт баласына да мұндай шара ұйымдастырмаған.

«Аса қатты гендер пати жасағым келмеді. Бірақ төрт құбыламның көңілін қимағандықтан, у-шусыз өткізейік деп ортақ шешімге келдік», – деп жазды Жұлдыз.

Айта кетейік, Қайрат пен Жұлдыздың Сезім және Алау есімді екі қызы, Нарұл мен Хан атты екі ұлы бар. Енді олар бесінші сәбиді күтіп отыр.

Жұлдыз гендер патиде болашақ баланың жынысын нақты ашып көрсетпеген. Дегенмен, желі қолданушылары бейнежазбада қуанышқа бөленген Алау мен...

14 тамызға қараған түні Шымкент қаласындағы Абай аудандық әкімдігі ғимаратының шатырынан өрт шығып, нәтижесінде 1200 шаршы метрлік шатыр толығымен өртенген еді.

Өрт неден басталды?

«Қазір шығын көлемі анықталып жатыр. Өрт шыққан кезде ғимарат ішінде күзетші болған. Ол «электр жүйесі атылғандай болды» деді. Бірақ нақты өрт неден шыққанын көрмеген. Ғимараттан шыққан кезде өрт басталып кеткен. Тергеп-тексеру жұмыстары аяқталған соң ғимараттан барлық құжаттар мен техникаларды алып шығамыз. Жақын арада нақты қай ғимаратқа көшетініміз белгілі болады», – деді Абай ауданы әкімдігі апаратының басшысы Шерхан Кеңес.

Оның айтуынша, қазір арнайы құзырлы органдар шығын көлемін есептеп жатыр. Оқиғаға...

Қазақстан – Ресей шекарасының жекелеген учаскелерінде көлік қозғалысында қиындықтар туындауы мүмкін. Бұл туралы Ұлттық қауіпсіздік комитеті хабарлады.

Шекара қызметі Қостанай облысының «Желқуар», «Аят», «Обаған», «Ақбалшық» және Солтүстік Қазақстан облысының «Қызыл жар» автокөлік өткізу пункттерінде көліктердің өтуі кезінде қиындықтар туындауы мүмкін екенін ескертті.

Ресми ақпаратқа сәйкес, Ресейдің «Мариинский», «Николаевка», «Звериноголовское», «Воскресенское» және «Казанское» өткізу пункттерінде жөндеу жұмыстары жүргізіліп жатыр.

«Осыны ескеріп, қозғалыс маршрутын алдын ала жоспарлауды сұраймыз. Басқа пункттер тұрақты режимде жұмыс істейді, ешқандай шектеулер енгізілмеген», – делінген ресми ақпаратта.

Айта кетейік, Қазақстан мен Қытай шекарасында жүргізушісіз жүк көліктері қатынайтын болады.

Олжас Бектенов Қырғызстандағы қазақстандық шипажайлардың құрылыс барысымен танысты.

Шолпан-Ата қаласында премьер-министр «Қазақстан» шипажайының жаңа ғимаратының құрылыс алаңында болды. Шипажайдың демонтаждау және құрылыс орынын дайындау жұмыстары аяқталған, негізгі корпустардың, коттедждер мен шаруашылық блоктардың іргетасы мен монолитті қаңқасын салу жалғасып жатыр.

Сондай-ақ 500 орындық «Самал» демалыс үйіне жаңғырту жұмыстарын жүргізу жоспарланған. Қазірдің өзінде инвестор анықталып, инвестициялық келісімнің жобасы дайындалып, жыл бойы жұмыс істейтін 3-4 жұлдызды заманауи қонақ үй салу үшін жобалау-сметалық құжаттама әзірленіп жатыр.

Бостери (Ыстықкөл облысы) ауылындағы «Университет» спорттық-сауықтыру лагері бойынша курорттық-рекреациялық аймақты дамыту тұжырымдамасы әзірленіп, нысанды реконструкциялау бойынша инвесторлармен келіссөздер жүргізіліп жатыр. Бұл нысан базасында қазақстандық спортшыларды жаттықтыруға арналған спорттық инфрақұрылым...

Алматыда Bek Air әуекомапниясының апаттан кейін қайтыс болған екі ұшқышына қатысты сот процесі өтіп жатыр. Айта кетейік, 2019 жылдың желтоқсанында Алматы маңында Fokker 100 ұшағы апатқа ұшырады.

Bek Air ұшағы апатқа ұшырады

Алматыдан елордаға шыққан ұшақ таңғы 07:22 кезінде бетон қоршауды бұзып, екі қабатты құрылыс нысанымен соқтығысқан. Әуе апаты салдарынан 12 адам қаза тауып, 49 адам зардап шеккен. Ұшақ бортында 93 жолаушы мен экипаждың 5 мүшесі болған. Қаза болғандардың ішінде ұшақ командирі Марат Мұратбаев та бар.

Екінші ұшқыш Мейіржан Молдақұлов ауруханаға түсті. Алайда бір айға жуық уақыттан кейін екінші ұшқыш үйінде қайтыс болды.

Сот...

Түркістан облысында полиция кәсіпкерден ақша бопсалады деген күдікпен блогерді ұстады. Бұл туралы ішкі істер министрлігі хабарлады.

Ведомство таратқан ақпаратқа сәйкес, ол жергілікті кәсіпкерден ақша бопсалаған.

«Ер адам әлеуметтік желіде жәбірленушіні беделіне нұқсан келтіретін мәліметтерді жариялаймын деп қорқытып, одан 2000 АҚШ долларын алып, тағы 4 миллион теңге талап еткен», – деп хабарлады полиция.

Полицейлер блогерді Түркістан облысы Сайрам ауданындағы дәмханада 6 900 доллар алып жатқан кезде ұстады.

Қазір тергеу амалдары жүргізіліп жатыр. Күдікті уақытша ұстау изоляторына қамалды.

Айта кетейік, жаңа Салық кодексіне сәйкес, келесі жылдан бастап ютуб немесе тик-токтан табыс табатын блогерлер декларация тапсырып, мемлекетке салық төлеуі керек.

Шымкент әкімі орынбасары Руслан Берденов өзі туралы тағы бір жалған мәлімет тарап жатқанын айтып, жазба жариялады.

«Бүгін ұсталған Шымкент қаласының сәулет және қала құрылысы басқармасының бұрынғы басшысы Арман Әбдешовке қатысты кейбір дереккөз таратқан ақпаратты жоққа шығарамын.

Оның «менің адамым» екендігі жөніндегі кез келген мәлімдемелердің ешқандай негізі жоқ. Менің оған еш қатысым жоқ. Ол бұл лауазымға мен әкімдікке келгенге дейін тағайындалған», – деп жазды Берденов.

Айта кетейік, бұған дейін Шымкент сәулет және қала құрылыс басқармасының басшысы Арман Әбдешов ұсталғаны туралы ақпарат тарады. Сыбайлас жемқорлыққа қарсы қызмет өкілдері Әбдешовті жұмыс орнынан бірден уақытша ұстау изоляторына әкеткен.

Маңғыстау облысында 11-сынып оқушысын «тәрбиелеймін» деп ұрып өлтірген ер адам сотталды.

Оқиға Бейнеу ауданы, Ақжігіт селосының орталығынан өтетін темір жол астындағы су өткізуге арналған өткелде болған.

Сотталушы сол жерде 11-сынып оқушыларын жинаған. Ж. болмашы нәрсені себеп қылып, оларды «тәрбиелеу мақсатында» бір қатарға тұрғызып, кәмелетке толмаған жәбірленуші Қ.-мен С.-ның кеуде тұсынан ұрған. С. Ақжігіт ауылдық медициналық бекетіне жеткізіліп, алған соққыдан өз-өзіне келместен, қайтыс болған.

Мемлекеттік айыптаушы Ж-ны 10 жылға бас бостандығынан айыруды сұрады. Сотталушы өз кінәсін мойындамады.

Сот үкімімен Ж. үшін кінәлі деп танылып, түпкілікті 10 жылға бас бостандығынан айырылды. Үкім заңды күшіне енген жоқ.

Бұған дейін Ақтөбеде қызды кепілге...

«Курсив» басылымы «Астана Моторс» компаниясынан BYD, Changan, Chery және Hyundai маркаларының бағасының қаншалық өзгергенін анықтады.

BYD

BYD Song Plus / Фото: Astana Motors

Қазақстандағы қытайлық бренд дистрибьюторы тамыз айының соңына дейін BYD Song Plus DM-i гибридінің «100 km Flagship» жинақтамасына жеңілдік барын растады. Қазір көлікті 15,6 млн теңгеге сатып алуға болады – бұл бұрынғы бағадан шамамен 2,3 млн теңгеге арзан.

Changan

Changan Alsvin / changan-auto.kz

Тамыздың басынан бастап бюджеттік Changan Alsvin седаны да арзандады. 1,5 литрлік 98 ат күшіне тең қозғалтқышы 5 сатылы роботпен жұптасқан көлік енді 5,9 млн теңгеге сатылады. Сонымен қатар, бұл модельд...

Қазақстан экономикасы Ресей мен Қытайды да басып озды. Халықаралық валюта қоры осындай мәлімет жария етті.

Қазақстан жалпы ішкі өнім көрсеткіші бойынша Қытай мен Ресейдің алдына шықты. Жалпы, посткеңестік кеңістікте алғашқы орынды иемденіп отыр.

Ресейдің жан басына шаққандағы табысы 14,26 мың АҚШ доллары болса, Қытайдікі 13, 69 мың АҚШ доллары болып отыр. Ал Қазақстанның көрсеткіші – 14,77 мың АҚШ доллары.

Мұндай жағдай 2015 жылы да тіркелген-ді. Қазақстанның ЖІӨ-сі Ресейді басып озған еді.

Мұның алдында ХВҚ 2027 жылға қарай Қазақстанның ЖІӨ-сі Еуропаның дамушы елдерін басып озады деп болжам жасаған болатын.

Мұның алдында Қазақстан экономикасы жеті айда 6,3%-ға көтерілгені хабарланған еді.

Оралда қоқыс жәшігінен сәбидің мәйіті табылды. Полиция оқиғаның мән-жайын анықтау мақсатында жедел-іздестіру шараларын жүргізіп жатыр.

«Орал қаласында сәби мәйіті табылуына байланысты полиция қызметкерлері оқиғаның мән-жайын анықтау мақсатында жедел-іздестіру шараларын жүргізіп жатыр.

Анасының жеке басын анықтау бойынша тексеру жүргізіліп жатыр», – делінген БҚО полициясы таратқан ақпаратта.

Бұған дейін 2025 жылдың сәуірінде пойыз ішінде босанған әйелдің сәбиін лақтырып кеткені белгілі болды. Бұл жағдай Қызылорда – Астана бағытында жолаушылар тасымалдайтын пойызда болған.

Ресей үкіметі Семей мен Өскеменде екі жылу электр станциясын (ЖЭС) салуды қаржыландыру мәселесін пысықтап жатыр. Бұл туралы Стратегия және инвестициялар жөніндегі басқарма мүшесі Александр Киселев хабарлайды.

«Қаржыландыруды ұйымдастыру мәселесі қазір Ресей Федерациясының Қаржы министрлігі мен үкіметі деңгейінде қарастырылып жатыр. Егер оң шешім қабылданса, 2025 жылы Семей мен Өскемендегі ЖЭО-ларды жобалау бойынша келісімшарттарға қол қою күтіледі», – деді Киселев.

Бұған дейін қаржыландыру мәселесіне байланысты Ресей Қазақстанда жалпы қуаты 1 ГВт болатын үш ЖЭС сала алмайтыны хабарланған. Премьер-министр Олжас Бектенов Көкшетаудағы ЖЭС-тің құрылысы басталып кеткенін де айтты.

Тиісті келісімге Ресей мен Қазақстан 2024 жылғы сәуірде қол...

Алаяқтық бойынша іздеуде болған NEF Qazaqstan басшысы Тарык Волкан Оскай ұсталды. Ақпаратты ҚазАқпарат агенттігіне ІІМ растаған.

«Алматы қаласы полиция департаменті бұл дерек бойынша Қазақстан Республикасы Қылмыстық кодексінің 190-бабының 4-бөлігі («Алаяқтық») бойынша сотқа дейінгі тергеп-тексеру жүргізіп жатыр. Тергеу аясында істің барлық мән-жайын толық, жан-жақты және объективті анықтау үшін шаралар қабылданып жатыр, – делінген ІІМ жауабында.

Алматы қаласы Бостандық ауданының полициясы NEF Qazaqstan компаниясының басқарушы серіктесі Тарык Волкан Оскайға көктемде іздеп жариялаған.

NEF Qazaqstan компаниясы Түркиялық NEF құрылыс холдингінің құрамына кіреді.

2023 жылдың күзінде NEF Qazaqstan компаниясы Astana International Exchange (AIX) алаңында дефортқа ұшыраған. Компания...

Қазақстанда абоненттік нөмір рәсімдеген кезде міндетті биометриялық сәйкестендіру енгізілмек. Тиісті бұйрық жобасы «Ашық НҚА» порталында жарияланып, 29 тамызға дейін қоғамдық талқылауға ұсынылды.

Егер азамат 10-нан көп SIM-карта сатып алғысы келсе, ұялы байланыс операторлары одан мұндай қажеттілікті растайтын дәлел сұрайтын болады. Бұл – алаяқтардың жаппай нөмір сатып алуын шектеу үшін қажет.

Сонымен қатар, абоненттер алаяқтық қоңыраулар туралы операторларға хабарлай алады. Байланыс операторлары Ұлттық банк жанындағы Алаяқтыққа қарсы орталықпен ақпарат алмасуға міндеттелмек. Аталған орталық күмәнді қаржылық операцияларды бақылаумен айналысады.

 Бұл өзгерістер азаматтарды ұялы байланыс арқылы жасалатын қылмыстық схемалардан қорғау мақсатында енгізіліп отыр.

Еске салайық Қазақстанда ID-сіз sim-карта сатуға тыйым салынады. Жаңа...

Аустралия ғалымдары 480 құсты зерттеп, олардың шамамен 5%-ы жұмыртқа жарып шыққан соң уақыт өте келе жыныс ауыстыратыны анықталды.

Le Figaro ақпаратына қарағанда, Квинсленд штатында жүргізілген зерттеу барысында 480 құс тексерілді. Оның ішінде лорикет, айдарлы көгершін, кукабарра және басқа да құстар бар. Орта есеппен олардың 5%-ында жыныс ауысу құбылысы анықталыпты.

Зерттеуге қатысқан профессор Доминик Потвеннің айтуынша, алғашында бұл мәліметке сену қиын болған. Сондықтан ғалымдар бірнеше рет қайта тексерген. ДНҚ сараптамасы бойынша, аталық құстарда ZZ хромосомалары, ал аналықтарда ZW жұбы болады.

Алайда кейбір құстардың генетикалық жынысы мен репродуктивтік жүйесі сәйкес келмеген.

Көп жағдайда генетикалық аналық құстарда аталық репродуктивтік жүйе болған. Бір...

Алматыда «Елге көмек» қайырымдылық қорының жетекшісі Ильяс Сариев сотқа тартылды, деп хабарлайды KursivMedia.

Оған қатысты іс қылмыстық кодекстің 190-бабы 3-бөлігі 4-тармағы бойынша қозғалған. Бұл бапта «алаяқтық» әрекеті көрсетілген.

Қылмыстық істе тағы бір сотталушы бар, ол – Ақтоты Дүйсеева.

Істі Алмалы аудандық сотының судьясы Ернар Қасымбеков қарап жатыр.

«Іс бойынша iс жүргiзудi тоқтатуға немесе уақытша тоқтатуға әкеліп соқтыратын мән-жай жоқ. Сотқа дейінгі тергеп-тексеру барысында сот мәжiлiсiн тағайындауға кедергi келтiретiн қылмыстық iс жүргiзу заңын бұзуға жол берiлмеген. Істе айыпталушылардың жаңа айыптау актісінің көшірмесін алғаны жөнінде қолхаттары бар.», – делінген іс материалдарында.

Айта кетейік, айыпталушыларға күзетпен ұстау...

Петропавлда ақын, ойшыл, ағартушы Мағжан Жұмабаевтың есімін иеленген елдегі алғашқы ғылыми-мәдени хаб – «Мағжан орталығы» ашылды, деп хабарлады Үкімет сайты.

Хабарламада жаңа орталық тек тарихи мұраны жаңғырту орны ғана емес, ғылыми зерттеулер, мәдени-ағартушылық бағдарламалар, халықаралық диалогтар мен шығармашылық жобалар жүзеге асатын заманауи зияткерлік кеңістік болатыны айтылған.

Салтанатты шараға қатысқан Премьер-министрдің орынбасары Ермек Көшербаев тарихи тұлғаларды ұлықтау – біздің парызымыз ғана емес, ол – тәуелсіздіктің рухани тірегі, ұлттық сана-сезімнің берік іргетасы екенін атап өтті.

«Мағжан Жұмабаев сияқты бірегей тұлғаға арналған орталықтың ашылуы – бүкіл ел үшін маңызды оқиға. Мағжан: «Мен жастарға сенемін» деді. Бүгінде оның «Батыр...

Ұлттық банк Конституцияға 30 жыл толуына орай коллекциялық монеталарын әзірледі. Олар 1000 теңге және 100 теңге номиналында шығарылды.

Монеталарда ел Конституциясын айшықтайтын ашық кітап, ал оның үстінде Қазақстан картасының контуры фонында «30» саны бейнеленген. Қазақстан картасының дәл ортасына күнді бейнелейтін шаңырақ орналасқан. «30» санын бейнелеу ісінде алтын жалату технологиясы қолданылған. Монетаның ерекшелігі де сонда.

«Қазақстан Конституциясының 30 жылдығы – еліміздің құқықтық мемлекет құру және демократиялық институттарды нығайту жолындағы тарихи тағдырын айшықтайтын айтулы дата. Ата Заң тәуелсіздіктің іргетасы, бірлік пен азаматтық келісімнің символы саналады», – деп хабарлайды Ұлттық банктен.

Монеталар алтын жалатылған 925 сынамды күмістен...

Блогер Аселина Батыр мен кондитер Ақбергенова Нұршаттың арасындағы 600 мың теңгелік тортқа қатысты дау жаңа кезеңге өтті. Бұған дейін блогер тапсырыс ақшасын төлеуден бас тартқан еді. Енді тортты тәуелсіз сарапшылардың көмегімен бағалап, 300 мың теңге деген қорытындыға келген.

Аселинаның айтуынша, торттың бағасы тапсырыс беру кезінде нақты айтылмағандықтан, олар өз құқықтарын пайдаланып, тәуелсіз сараптама жасатқан. Сарапшылар өнімнің құнын 250–300 мың теңге аралығында деп бағалаған. Осы бағалауға сүйеніп, блогер кондитердің шотына 200 мың теңге аударғанын айтады.

«Егер орындаушы сараптамамен келіспесе, дауды Қазақстан Республикасының заңдарына сәйкес шешуге дайынбыз. Біздің чектер мен басқа да құжаттарды талап етуіміз заңды...

15 тамыз жеңілдетілген салық жүйесі бойынша істейтін жеке кәсіпкерлер мен серіктестіктерге арналған 910-нысандағы есептілік тапсырудың соңғы күні. Осы ретте жеке кәсіпкер ретінде тіркеліп істеп жатқан таксистер аталған нысанды тапсыратынын я тапсырмайтынын анықтап көрдік

Жаңаша істейтін такси қызметі

Алматы қаласы Кірістер департаментінің мәліметінше, қолданыстағы заңдық нормаға сай, жүргізушілер такси қызметімен айналысу үшін e-Salyq Business мобильді қосымшасы арқылы жеке кәсіпкерлік рәсімдеуге тиіс. Содан кейін қалаған тасымалдау операторына тіркеле алады.

Жолаушы тасымалы үшін ақы алынған кезде e-Salyq Business қосымшасынан фискалды чек ұсынуға болады, бөлек бақылау-касса машинасын сатып алудың қажеті жоқ.

Таксистер декларация тапсыра ма

Департаментке қарасты Түсіндіру жұмысы...

Қазақстандық Clover Street Production студиясының «Жезтырнақ» фильмі Канадада өткен Bloody Horror International Film Festival байқауында «Үздік фильм» атанды. Бұл фестиваль — әлемнің түкпір-түкпірінен жиналған тәуелсіз қорқынышты фильмдер сайысатын, жоғары іріктеу деңгейімен танымал беделді шара.

«Жезтырнақ» — қазақтың дәстүрлі фольклорына негізделген, комедия элементтері бар хоррор. Фильм авторлары қазақ қоғамында көп кездесетін қорқыныштар мен фобияларды да шығарманың өзегіне қосқан.

Бұған дейін Kursiv отандық хоррор жайлы рецензия жазған еді. Анвар Матжанов түсірген «Жезтырнақ» фильмін Freedom Media платформасынан көруге болады.