Жаңалықтар

Ұлттық экономика министрлігінің өкілі елдегі кәсіпкерлерді қолдауды көздейтін жаңа жобаларға 2025 жылы қаражат аз бөлінгенін қаржы тапшылығымен түсіндірді.

21 мамырда Астанада өткен брифингте Ұлттық экономика министрлігі Кәсіпкерлікті мемлекеттік қолдау және қорғау департаментінің директоры Дарын Әбдуәлі биыл кәсіпкерлікті субсидиялауға қанша қаржы бөлінгенін жариялады.

«2024 жылдың қорытындысы бойынша, кредиттерді субсидиялау арқылы жеңілдікпен қаржыландыру шараларымен шамамен 1 трлн теңге кредит сомасына 17 мыңнан аса бизнес жобасы қамтылды. 310 млрд теңге сомасына 8 мың жоба бойынша кепілдік берілді. 2025 жылы кәсіпкерлікті субсидиялауға 275 млрд теңге бағыттау жоспарланып отыр», – деді министрлік өкілі.

Оның айтуынша, жобалардың басым бөлігі Алматы...

Бәсекелестікті қорғау және дамыту агенттігінің Астана қаласы бойынша департаменті «Documentolog» ЖШС-на қатысты тергеу басталғанын растады. Бұл туралы департамент басшысы Тимур Қаленовтің Kursiv.Media басылымына берген жауабында жазылған.

Documentolog-ке қарсы тергеу неге басталды?

Бәсекелес компаниялар мен мемлекеттік кәсіпорындардан түскен шағымдарға сүйенген агенттік Documentolog компаниясының әрекеттерінде нарыққа кіруге кедергі келтіру белгілері бар деп отыр. Бұл – Қазақстан Республикасының Кәсіпкерлік кодексінің 174-бабы, 10-тармақшасында көрсетілген заң бұзу болуы мүмкін.

Сол себепті агенттік 2025 жылғы 13 мамырда ресми түрде тергеп-тексеру жұмысын бастаған. Тергеу барысында компанияның бәсекелестік заңнамасын бұзған-бұзбағаны нақты анықталады.

Documentolog қандай заңды бұзды деген күдік бар?

Қазіргі таңда тергеу Кәсіпкерлік...

Бұдан былай МӘМС қаражаты қайда жұмсалып жатқаны туралы ақпарат ашық жарияланады. Мәжіліс депутаттары тиісті заң жобасын мақұлдады.

Заң жобасына сәйкес, МӘМС жүйесіне мемлекет жарналарының мөлшерлемелері кезең-кезеңімен өзгертіліп отырады. Сонымен бірге Әлеуметтік медициналық сақтандыру қорының және денсаулық сақтау субъектілерінің қаржылық қызметінің ашықтығын қамтамасыз ету үшін депутаттар міндетті әлеуметтік медициналық сақтандыру жүйесіндегі қаражаттың жұмсалуы туралы ақпаратты ресми интернет-ресурстарда міндетті түрде жариялауға міндеттеледі.

Қаражатты кері қайтару тетігі

Егер медициналық мекеме қызметтерді сатып алу шарты бойынша міндеттемелерді орындамаса немесе лайықты деңгейде орындамаса, олар қаражатты қайтаруы керек болады.

Сонымен бірге міндетті әлеуметтік медициналық сақтандыру жүйесінде жарналарды үздіксіз төлеп келген...

Мәжілісте «Қазақстан Республикасы мен Халықаралық Қайта Құру және Даму Банкі (ХҚҚДБ) арасындағы қарыз туралы келісімді ратификациялау туралы» заң жобасын қабылдады. Яғни Қазақстанның халықаралық банктен кезекті қарыз алуына мәжіліс келісімін берді.

Депутат Нұртай Сабильяновтың айтуынша, қарыз туралы келісімге былтыр 12 желтоқсанда қол қойылған.

«Оның (қарыздың – ред.) мақсаты – мұндай қызмет көрсетілмейтін немесе жеткіліксіз деңгейде көрсетілетін ауылдық елді мекендерді сапалы әрі тұрақты кең жолақты байланыс инфрақұрылымымен қамтамасыз ету», – деді депутат.

Былтыр қарашада Қаржы министрлігі халықаралық банктен 275 млрд теңге сомасында қаржы алатынын хабарлаған. Оны министрлік 11 жыл ішінде өтеуі керек.

Талдықорғанда өтіп жатқан сот отырысында Шерзат Полат мәйіті түсірілген фото көрсетілді, деп хабарлайды KursivMedia.

21 мамырдағы сот отырысында сотталушы Абзал Шынасылдан жауап алынды. Сотталушыға сұрақ қою барысында жәбірленуші тараптың адвокаттары марқұм Шерзат Полаттың мәйіті түсірілген фотоны көрсетті.

«Сот отырысында Гүлбара Бишембиева «баламның бетінде және денесінде жарақат болды» деп айтты. Мына дене жарақатына қатысты не айта аласыз?» деп сұрады фотоны көрсеткен жәбірленушінің адвокаты.

Сотталушы Абзал Шынасыл «білмеймін, Шерзатқа менің қолым тиген жоқ, Шерзат мені ұрған жоқ» деп жауап берді.

Айта кетейік, Абзал Шынасыл Қылмыстық кодекстің 293-бабы 3-бөлігі (бұзақылық), 99-бабы 2-бөлігі 5,9 және 14-тармағы (адам өлтіру), 24-бабы 3-бөлігі – 99-бабы 2-бөлігі 1,7 және...

Қазақстан Украина дрондарының қазақ мұнайын тасымалдайтын ірі құбыр жүйесіне шабуылына қатысты жауап күтіп отыр. Каспий құбыр консорциумы құбырына қайта шабуыл жасама, мәселе қайта көтерілмек. Бұл туралы Сыртқы істер министрінің орынбасары Әлібек Қуантыров журналистердің сұрағына жауап бере отырып айтты.

«Біз өз сөзімізді Украина жағына жеткіздік. Олар бұл жағдайдан хабардар. Иә, шабуылдар болды, бірақ қазіргі кезде КҚК қалыпты режимде жұмыс істеп тұр. Қазақстан өз мұнайын экспорттап жатыр. Егер мұндай жағдай қайталанса, мәселені қайта көтереміз», — деді ол.

Сыртқы істер министрінің тағы бір орынбасары Ақан Рахметуллин бұл мәселе бойынша Украинадан нақты жауап болмағанын айтты:

Қазақтар – жаңа дәуір адамдары. Ойлау жүйесі өзгеше. Кореяда тұратын ресейлік блогер Влад қазақтар туралы осылай деп айтты.

Влад Өзбекстанда туылған. Ресей азаматы. Қазір Кореяда тұрып жатыр. Соңғы кездері қазақтар туралы жиі әңгіме қозғайды. Оның айтуынша, қазақтар жаңа кезеңге қадам басқан.

Қазақтардың жолы бөлек

«Бұл бейнежазбам қазақтарға арналады. Үміттеріңізді жоғалтпаңыздар, еңселеріңізді түсірмеңіздер! Мен Қазақстанды мүлде басқаша қырынан көріп отырмын. Қазақстан Украинаның жолымен жүріп бара жатқан жоқ. Украина өткен дәуірлердегі реформаларды жасады», – деп блогер жаңа көзқарас білдірді.

Ол қазақтардың болашағы жарқын деп біледі.

Қазақтар роботтар дәуіріне дайын

Оның айтуынша, қазақтар жаңа, болашақ дәуірдің реформасын...

ForteBank 200 млн долларға синдикатталған несие алды. Қаражатты Еуропа, Таяу Шығыс және Латын Американың 14 халықаралық банкінен тартқан. Мәміле жайлы Қазақстан қор биржасының сайтында жазылған.

Алған қаражатты банк «жалпы корпоративтік мақсаттарға, оның ішінде экономиканың нақты секторын қаржыландыруға және қаржыландыру базасын әртараптандыруға» жұмсайды.

«Сонымен қатар бұл қаражат ForteBank-ке өз клиенттеріне бизнестерін кеңейту мен дамытуға ықпал ететін тартымды шарттармен қаражат ұсына отырып қолдау көрсетуге мүмкіндік береді», – деп хабарлайды банктен.

Мәмілені Commerzbank Commerzbank Aktiengesellschaft және MashreqBank PSC атты халықаралық банктер ұйымдастырған.

Синдикатталған несие деген не?

Синдикатталған несие – бұл бір ғана банк...

Жетісу облысы, Жаркент қаласындағы әскери гарнизонда қаза тапқан капитан Дархан Дәулеттің қарындасы болған жайтқа қатысты өз пікірін білдіріп, шыңдықты талап етіп отыр. Қарындасының айтуынша, ағасын үш сарбаз азаптап өлтірген. Сондай-ақ бұл жайтқа әскери бөлім басшылығы мен кезекшілер салғырттық танытқанына наразы.

«Ол күні ағам түнгі кезекшілікте болды. Оған 3 сарбаз келіп, аяқ-қолын байлап, аузын былғары қолғаппен жауып, азаптап өлтірген. Бірақ бұл жайтқа сол күнгі кезекшілер, патрульдік топ, жауапты көмекшілер неге дер кезінде әрекет етпеді? Әр бөлімде кезекшілер бар, бәрі қайда қарады? Неге ешкім оның жоғалғанын байқаған жоқ?», — дейді марқұм сарбаздың қарындасы.

Туыстарының айтуынша, капитан...

Жетісу облысының Табиғи монополияларды реттеу департаментінің басшысы А.Сағымбеков электр энергиясын тасымалдау тарифін жасанды жолмен көтергені үшін сотталды деп хабарлайды KursivMedia басылымы.

«Талдықорған қалалық соты облыс бойынша Табиғи монополияларды реттеу департаментінің басшысы А.Сағымбековке және «Талдықорған акционерлік көлік-электржелілік компаниясы» АҚ басқарма төрағасы А.Күзембаевқа қатысты үкім шығарды», – делінген Сыбайлас жемқорлыққа қарсы іс-қимыл агенттігінің хабарламасында.

Не үшін сотталды?

Сағымбеков пара алғаны үшін сотталса, ал квазимемлекеттік сектор субъектісінің басшысы – 2025 жылға арналған өңір халқы үшін электр энергиясын тасымалдау тарифін көрінеу көтергені үшін сотталып отыр. Күзембаев өз мақсатына жету үшін Сағымбековке 500 мың теңге сомасында...

Қазақстандық компаниялар Ресейдің санкцияны айналып өтуіне көмектесіп жатқан жоқ. Бұл туралы Мәжіліс кулуарында Сыртқы істер министрінің бірінші орынбасары Ақан Рахметуллин айтты. Дегенмен ондай қауіп бар екенін де жоққа шығармады.

Журналистер шенеуніктен Қазақстан компанияларының Ресейдің санкцияны айналып өтуіне көмектесіп жатқаны туралы ақпаратқа Сыртқы істер министрлігі жуап берді ме деп сұрады.

«Негізгі екі санция тізімі бар. Біреуі АҚШ-тың Ресейге салған санкциялары болса, екіншісі – ЕуроОдақтікі. Бұл ретте Қазақстанның санция талаптарын сақтау тұрғысынан әріптестермен қарым-қатырасы жақсы. Күмәнді жолдармен тауар тасымалдап, отандық өндірушілердің беделіне нұқсан келтіргіміз келмейді», – деді ол.

Сырты істер министрлігі бұл мәселен қатаң қадағалап отырған...

Петропавлда «Магнум» және «Семейный» сауда желілерін бопсалаған блогерлер 7 жылға сотталды. Бұл туралы Солтүстік Қазақстан облысының прокуратурасы хабарлайды.

Петропавл қаласының екі тұрғыны аталған сауда дүкендеріне барып, «меншік иелерінің мүдделеріне айтарлықтай зиян келтіруі мүмкін» ақпарат жинаған. Кейін ол видеоларды әлеуметтік жарияламас үшін дүкен иелерінен қомақты ақша талап еткен.

«Сотталғандардың кiнәсi жәбiрленушiлердiң, куәлардың айғақтарымен, жасырын тергеу әрекеттерінің нәтижелерімен және қылмыстық iстiң басқа да материалдарымен дәлелденді.  Айыптау үкiмi алқабилер алқасының қатысуымен шығарылып, екi адамға нақты мерзімі 7 жылға бас бостандығынан айыру түрiнде жаза тағайындалды», – деп хабарлайды прокуратурадан.

Бұл неге маңызды?

Блогерлер...

Қазақстанда мыс өндірумен айналысатын канадалық Ivanhoe Mines компаниясының басшысы Роберт Фридланд Bloomberg агенттігіне сұқбат берді. Ол әлем елдерінде, соның ішінде Қазақстандағы мыс өндірісіне миллиардтаған доллар инвестиция құйғаны туралы әңгімеледі.

«Біз кейінгі жиырма жылда 40 млрд долларға жуық инвестиция салдық. Қазақстанда, Моңғолияда және Конго Демократиялық Республикасында ірі кен орындары бар. Оларға 8 млрд доллар инвестиция құйылды. Өйткені бұл қаржы құюды талап ететін сала», – дейді Роберт Фридланд.

Кәсіпкердің пікірінше, дәл қазір мыс әлемге аса қажет металл. Ол Қазақстанда, Сауд Арабиясында, Конго және басқа да елдерде мыс өндірісінің болашағы зор деп есептейді.

Ivanhoe Mines – канадалы...

Талдықорғанда өтіп жатқан жасөспірім Шерзат Полаттың қазасы бойынша сот отырысында сотталушы Абзал Шынасыл «Хуторский» қылмыстық тобына қатысты пікір білдірді, деп хабарлайды KursivMedia.

Сотталушының айтуынша, Хутор – Тұрар Рысқұлов ауылының бұрынғы аты.

«БАҚ-та бандит, хуторский деп жауыз қылып жіберді. Ешқандай қатысымыз жоқ. Бәріміз ауылдың қарапайым баласымыз. Хутор деген ауылдың бұрынғы аты, қазіргі аты – Тұрар Рысқұлов. Неге олай айтып жатқанын білмеймін», – деді сотталушы Шынасыл.

Сот барысында Шынасыл өзіне...

Оқу жылының бітуіне санаулы күн қалғанда мектептерді тексеру заңгер, қоғам белсендісі Сауле Бикитееваның ашуын тудырды.

Сауле Бикитеева Алматы облысы Қарасай ауданындағы мектептерді тексеруге келген комиссия өкілімен арадағы дау-дамайды әлеуметтік желіге жария етті.

«Тексеру жүргізу үшін прокуратурадан рұқсат керек»

«Дана ханым, айтыңызшы. Бұл жерге неге келдіңіздер? Оқу-ағарту министрі Ғани Бейсембаев бұйрық берді дейсіз. Неге тоқтатпайсыздар? Мынау масқара ғой. Сіздер білесіздер, ҰБТ болып жатыр. Соңғы қоңырауға аз күн ғана қалды. Неге тексеріп жатырсыздар?» – деп ашуланды заңгер.

Заңгердің айтуынша, тексеру жүргізу үшін прокуратурадан рұқсат керек. Комиссия ата-аналардың рұқсатынсыз, балалардан сауалнама алған. Оқу жылының соңында...

ЖИ болашақты әлемдегі жұмыс орындарындағы тәртіпті өзгертеді. Халықаралық еңбек ұйымының сарапшылары осындай тұжырымға келген.

Сарапшылардың мәліметінше, дүние жүзіндегі барлық жұмыс орындарының төрттен бір бөлігі AI технологиясы арқылы өзгеріске ұшырайды. Қазірдің өзінде жасанды интеллектінің әсері табысы жоғары елдерде 34%, ал кедей елдерде 11%-ды құраған. Әсіресе, бұл өзгеріс әйелдер істейтін салаға айтарлықтай өзгеріс енгізуі мүмкін.

Халықаралық еңбек ұйымы мен Польшаның Ұлттық зерттеу институтының бірлескен ірі зерттеуіне сәйкес, дүние жүзіндегі барлық жұмыс орындарының төрттен бір бөлігін AI араласуымен трансформацияға ұшырайды. Дәл осындай болжам БҰҰ конференциясында да айтылған болатын.

Жасанды интеллектінің нарықтық құны көтеріледі

ЮНКТАД сарапшылары AI-дің 2033 жылға...

Қазақстандық Альбина Бунеску әлемге әйгілі испандық «Реал Мадрид» клубының құрамында ресми түрде жұмысын бастады. Бұл жаңалықты ол Instagram парақшасында бөлісті.

Альбина Бунеску – әйгілі клубта еңбек ететін алғашқы қазақстандықтардың бірі. Павлодар қаласында туып-өскен Альбина қазіргі таңда «Реал Мaдрид» клубында маркетолог ретінде қызмет етеді. Бунескудің айтуынша, мұндай мүмкіндікті Мадрид университетіндегі спорттық маркетинг бойынша магистратурада оқып жүргенде алды.

«Магистратура барысында үздік төрт студенттің ғана осындай мүмкіндікке ие болуына жол ашылды. Бағым жанып, Real Madrid Marketing Team құрамында жұмыс істеу бұйырды. Қазірдің өзінде бірнеше халықаралық жобалар күтіп тұр. Жауапкершілік жоғары, бірақ мен дайынмын», – деп жазды Альбина...

Мысырдың Шарм-әл-Шейх әуежайында болған қайғылы оқиға салдарынан қайтыс болған әйелдің денесі жақында Қазақстанға жеткізіледі. Бұл туралы ҚР Сыртқы істер министрінің орынбасары Әлібек Қуантыров мәлімдеді

Әлібек Қуантыровтың айтуынша, марқұмның денесі бүгін Қазақстанға жөнелтіледі. Египеттің азаматтық авиация министрі бұл мәселені жеке бақылауына алған.

«Менің білуімше, денені тасымалдау шығындарын египеттік тарап өз мойнына алған. Моральдық өтемақы мәселесі де шешілді. Бұған қоса, бұл сапарды сақтандырған қазақстандық сақтандыру компаниясы да іске араласты. Оқиға кезінде жеңіл жарақат алған екі азаматша да елге оралды», — деді Әлібек Қуантыров Мәжіліс кулуарында журналистерге берген сұхбатында.

Қазақстандағы миллиардерлер мен миллионерлердің не істейтінін, байлығын қалай жиғаны жайлы жиі айтамыз. Бірақ олардың жұбайы, балаларының анасы, өмірлік серігінің кәсібі бар ма? Олар немен айналысады? KursivMedia материалында ұсынамыз.

Нұрлан Смағұловтың жұбайы Мадина Смағұлова

«Астана Моторс» пен MEGA сауда орталығының иесі Нұрлан Смағұловтың жары – Мадина Смағұлова. 1970 жылы желтоқсанда туған. Ашық деректерде миллиардердің жұбайы туралы деректер аз. Бірақ күйеуінің өнерге деген сүйіспеншілігін қолдайды. Алматыдағы Almaty Art Centre атты шығармашылық галереяның директоры болған. Ол жерде шетелдік өнер қайраткерлерінің де көрмесі өтетін еді.

Қазір бұл галерея жұмысын тоқтатқан. Бірақ екі жыл бойы Смағұловтың қаржыландыруымен Алматыда Заманауи өнер мұражайыны...

Алматыда cалынып жатқан Medeu Park Hotel қонақүйінде Орталық Азиядағы ең жарқын сәулетшінің бірі өз туындысын ұсынбақ. Бұл туралы жоба жетекшісі кәсіпкер Қайрат Боранбаев хабарлады.

Боранбаевтың айтуынша, сәулетшінің есіме әзірге құпия. Іле-Алатау баурайында жаңа қонақүйіннің аумағында заманауи, әрі қазақы нақыштағы инсталляциялар мен мүсін орнатылады.

Мұндай бағыт бұған дейін Qazaq Auyl жобасында да көрініс тапқан болатын. Мұнда Сәкен Нарыновтың «Асықтар», Жанна Нөгербектің «Таң» атты туындылары орнатылып, кеңістікті ұлттық дәстүр мен мифологиямен толықтырған.

«Біз ресурстарымызды қалай пайдаланатынымыз және артта не қалдыратынымыз үшін қоғам алдында жауаптымыз. Суретші, сәулетші, мүсіншілерді қолдау – бұл елдің мәдени тұрақтылығына қосылған...

19 мамыр күні Түркістан облысы Ордабасы ауданы Темірлан ауылындағы Шоқан Уәлиханов атындағы мектеп-гимназияның 11-сынып оқушысы Жәнібек Әбілхан ұлттық бірыңғай тестілеуден алғашқы мүмкіндікте шекті 140 ұпай жинады. Ол тестілеуде информатика пәнін таңдаған, болашақта IT  маманы болуды армандайды.

Бүгін сабаққа келген Жәнібекті мектеп әкімшілігі мен сыныптастары ерекше ілтипатпен қарсы алып, құрмет көрсетті. Жәнібекке өзі оқуға түскен қаладан пәтер алып беретін болды.

Шоқан Уәлиханов атындағы мектеп-гимназияның мұғалімі, сынып жетекшісі Гүлзира Бортайдың айтуынша, Жәнібек сыныптастарының арасында сыйы бар оқушы. Мінезі – тұйық, эмоциясын сыртқа шығармайды. Сұрақ қойсаң тиянақты жауап береді. Математика, информатика пәнін жақсы көріп оқыған. Сабақ үлгерімі жақсы, 4 және 5 деген бағамен оқиды.

Sax Invest құрылымдық бөлімшелерін басқарған 10 адам күдікті деп танылды. Оларға тиесілі активтерге тыйым салынды.  

Қаржылық мониторинг агенттігінің Маңғыстау облысы бойынша департаменті Sax Invest қаржы пирамидасының құрылымдық бөлімшесін басқарған ұйымдасқан қылмыстық топқа қатысты тергеу жүргізіп жатыр.

9 млрд теңге қаражат тартқан

Аталған компания өзін инвестициялық қор, бағалы қағаздар, қаржы құралдары мен басқа да активтердің иесі деп таныстырған. Сондай-ақ Африкада алмаз өндіру бойынша жаһандық халықаралық жобаның қатысушысы деп көрсеткен.

Ұйымдастырушылар мыңнан астам салымшыдан 9 млрд теңгеден астам қаражат тартып үлгеріпті.

Тергеу барысында бұл қаражаттың көп бөлігі пирамиданың ұйымдастырушысы Мендығалиевтің жеке шотына аударылғаны анықталып отыр.

Казиноға...

Енді Toyota Motor корпорациясы нарыққа гибрид автокөлік көп шығарады. Жапон компаниясы 2025 жылы саудаға түсетін RAV4 кроссоверін де гибрид етіп жасайды. Бұл туралы Bloomberg хабарлады.

Естеріңізде болса, жапон компаниясы 2024 жылы Camry седанын да гидрид етіп жасаған.

«Гибрид көліктер саудасында айтарлықтай табысқа жеткен соң, RAV4 кроссоверін сатуда да осындай жетістікке жетеміз деп үміттенемін», – дейді Toyota Motor бас сауда директоры Марк Темплин.

Компания көп уақыт бойы толықтай электромобильге өтуден аяқ тартып жүрді. оның орнына гидрид көліктер шығарған жөн деп шешті. Осындай стратегия арқасында Toyota электр қуатымен жүретін өнімге сұраныстың азаюы мәселесінен оңай құтылды.

Toyota...

Әлемдегі ең бай адамның бірі Илон Маск (Forbes бойынша дәулеті 423,8 млрд доллар) саясаттан біртіндеп кетпекші. Бұл туралы ол Bloomberg-ке берген сұхбатында айтты.

Ал Tesla-ны алдағы бес жыл бойы басқаруға ниетті. Масктың осы сөзінен кейін Tesla акциялары 3,6%-ға өсіп кеткен.

Бұл неге маңызды?

Илон Маск Трамптың шақыруымен Ақ үйге барып, Мемлекеттік басқарудың тиімділігі департаментінің (DOGE) кураторы болды. Оның жетекшілігімен департамент тиімсіз жұмыс істеді деген ведомстволардың жұмысын тексере бастады. Екі-үш ай ішінде Масктың командасы USAID-тың қызметкерлерін қысқартты, жобаларын жапты.

Пентагонның жұмысын тексеріп, «Азаттық радиосы» мен Voice America медиакорпорацияларын жабуды ұсынды. Масктың жұмыс стиліне, оны...