Жаңалықтар

Тамызда белгілі поп-жұлдыз Jennifer Lopez Қазақстанға келе жатыр. Әнші әлемдік турнесіне біздің бір емес, екі қаламызды қосып, Алматы мен Астанада концерт береді. Дженнифердің есімі гламур, драйв, құмарлықпен синоним болып кеткелі қашан?! Ал оның өткізетін әр концерті жай музыка емес, энергия сыйлайтын, тыңдарманына сенімділік қосатын кешке ұласады. Мұндай деңгейдегі артистердің Қазақстанға келіп жатқаны – өз алдына бөлек тарихи оқиға. Олай болса, «билет қалтада, енді концертке не киіп барам?» деп отырсаңыз, Kursiv.Media тілшісі дайындаған гайдты назарыңызға ұсынамыз.

J.Lo концертінің атмосферасы: сахна құдіреті мен көрермен залының стилі үйлесетін жер

Поп-диваның бұған дейінгі концерттерін басқа елдерден көргендер, тым құрығанда интернеттен үзінділерін көргендер...

Қазақстандық теннисші Александр Бублик осы маусымдағы екінші ірі жеңісін тойлады. Ол Швейцарияның Гштад қаласындағы турнирдің финалында Хуан Мануэль Серундолоны үш сетте жеңді.

Қазақстанның бірінші теннисшісі Александр Бублик 2025 жылғы екінші, жалпы кәсіпқой теннистегі алтыншы атағына ие болды. Жақында ғана ол Галле қаласындағы ірі турнирде топ жарған.

Гштадтағы жарыстың финалына ешкімге сет бермей жеткен Бубликке 23 жастағы аргентиналық айтарлықтай қарсылық көрсетті. Бірінші сетте Александр 6:4 есебімен басым түссе, екінші партия дәл осындай есеппен оның қарсыласының пайдасына шешілді.

Турнир жеңімпазы үшінші – шешуші сетте анықталды. Александр партияның алтыншы геймінде брейк жасап, одан әрі қарқынынын үдете берді. Матч ...

Ауыл шаруашылығы министрлігі ақбөген етін жеуге болмайды деген мәліметті жоққа шығарды. Бұған дейін әлеуметтік желілерде ақбөкен еті адам денсаулығына зиян деген мәлімет тараған.

Ауыл шаруашылығы министрлігі Қазақстан аумағында көбейген ақбөкен етінің әр келісін 1600 теңгеден сатуды көздейді. Соған байланысты блогер Кирилл Павлов оның етінен созылмалы аурулар тарауы мүмкін деп топшылаған.

Артынша министрлік осы мәселеге қатысты жауап жариялады. Оны ветеринариялық бақылау және қадағалау комитеті дайындады.

«Жануарлардың аса қауіпті ауруларын (ұсақ күйіс қайыратын жануарлардың обасы, аусыл, бруцеллез, пастереллез, сібір жарасы және тағы басқа) болдырмау мақсатында ақбөкендердің бүкіл популяциясына Ұлттық ветеринария референттік орталығы тұрақты түрде эпизоотиялық мониторинг жүргізед...

«Алтын доптың» сегіз дүркін иегері Лионель Месси MLS лигасында тағы екі гол соқты. Бұл дубль аргентиналық футболшыға гол саны бойынша (пенальтисіз) Криштиану Роналдуды басып озуға мүмкіндік берді.

«Интер Майами» клубының шабуылшысы Лионель Месси 20 шілдеде «Нью-Йорк Ред Буллз» қақпасына екі гол соқты. Бұл матч 5:1 есебімен аяқталды.

Осылайша, аргентиналық сұрмерген пенальтисіз соққан гол санын 764-ке жеткізді. Роналду 763 гол соққан.

11 метрлікті қоса есептер болсақ, португалиялық шабуылшы алда келеді. Бұл екеуі футбол тарихындағы ең көп гол соққан футболшылар. Роналду 1281 ойында 938 гол, ал Месси 1114 матчта 874 гол соққан.

«Алтын доп» сыйлығын сегіз мәрте алған Месси футбол тарихында...

Алматы қаласында 21 шілдеден бастап 1 тамызға дейін ыстық су болмайды. Себебі мегаполис билігі осы уақытта жылу жүйелерін жөндеуді көздеп отыр. Бұл туралы қала әкімдігінің баспасөз қызметі хабарлайды.

Алматы билігінің мәліметінше, қаладағы барлық сегіз ауданда ыстық су беруді тоқтатады. Алдағы жылыту маусымына дайындық бір аптаға созылады. Жылу желілеріне гидравликалық сынақ күн сайын таңғы сағат 4-тен 7-ге дейін жүргізіледі.

Осыған байланысты қала тұрғындары мен қонақтарына қауіпсіздік шараларын сақтауға кеңес беріледі.

Бұған қоса, әкімдік аудандарда жүргізілетін сынақ кестесі, шұғыл қызметтердің байланыс нөмірлері және өзге де пайдалы ақпарат жариялады.

Қай аудандар ыстық судан ажыратылады

21-23 шілде аралығында Алмалы, Жетісу, Алатау...

Әлемде бензиннің орташа бағасы-672,09 теңге

GlobalPetrolPrices зерттеу орталығының мәліметінше, осы жылдың 7 шілдесіндегі жағдай бойынша октан-95 (АИ-95) маркалы бензиннің әлемдегі орташа бағасы литріне 672,09 теңгеге жеткен. Елдер арасындағы бағалардың айырмашылығы бензинге салықтар мен субсидиялардың әртүрлілігіне байланысты болып келеді. Барлық ел халықаралық нарықтардағы бірдей мұнай бағасына қол жеткізе алғанымен, ішкі салықтық реттеулердің салдарынан бензиннің бөлшек саудадағы бағасы әртүрлі.

Зерттеу орталығының есебі бойынша, әлемдегі 150-ден аса елдің бөлшек саудадағы бензиннің ең төмен баға мен ең қымбат баға арасындағы айырмашылығы 400 еседен асып отыр. 20 елде жанармай бағасы 1000 теңгеден жоғары, солардың ішінде Швейцария, Сингапур, Дания елдерінде АИ-95 маркалы...

Ақтау қаласында тыржалаңаш бір жас жігіт он бір қабатты биік тұрғын үйдің шатырынан құлап, мерт болды. Оқиға орнынан түсірілген видеоны жергілікті Lada.kz басылымы жариялады.

Басылым мәліметінше, қайғылы оқиға 20 шілдеде таңертең Ақтаудағы бесінші ықшам ауданда орналасқан № 22 үйде болды.

Құтқарушылар биік тұрғын үй шатырында 5G антеннаға жармасып тұрған жігітті аман алып қалуға тырысты. Олар шатырға қарай автобаспалдақ көтерді. Алайда құтқарушылар жақындап қалған сәтте, әлгі жігіт шалқасынан төмен қарай құлады.

Маңғыстау облысының жедел медициналық жәрдем станциясының хабарлауынша, ол дәрігерлер жетем дегенше сол жерде жан тапсырған.

Өңірлік полиция департаментінің хабарлауынша, осы оқиғаға байланысты «өз-өзіне қол жұмсау жағдайына дейін жеткізу...

Әлемнің ең бай адамы Илон Маск балаларға ыңғайлы жасанды интеллект (ЖИ) жасап шығаратынын мәлімдеді. Бұл туралы миллиардер өзінің X әлеуметтік желісіне жазды.

«Біз балаларға ыңайлы Baby Grok қосымшасын жасауды қолға аламыз», – деп мәлімдеді ол.

Миллиардер бұдан басқа ештеңе жазған жоқ. Қосымшаның балаларға қандай көмегі тиетіні әзірге белгісіз. Оның нақты қашан жариялатыны туралы да ақпарат жоқ.

Маскқа тиесілі xAI компаниясы шілде айында Grok 4 чат-ботын іске қосқан. Бұған дейінгі нұсқасы бірнеше ай бұрын ғана жарияланған. Соған қарағанда, ЖИ дайындау жоғары қарқынмен жүріп жатқанға ұқсайды.

Bloomberg агенттігі аталған бот X әлеуметтік желісінде антисемитизм сипаты бар...

Саяхат үнемі түрлі естелікке толы болады. Тап болған жағдайларыңыз, сезінген сезімдеріңіз, ойларыңыз — уақыт өте келе ұмытылып кетуі мүмкін. Дәл сол кезде маңызды көрінген дүниелердің де естен шығып кетуі ғажап емес. Аядай ғана кафеде ішкен кофенің дәмі, күн батуға таяған кездегі аспанның ғажап көрінісі, бейтаныс біреумен айтылған әңгіме — бәрі-бәрі санадан кетпегені абзал. Сондықтан саяхатқа жиі шығатын жандарға күнделік жүргізген дұрыс. Бұл жай жолжазба емес, кейін анализ жасауға, басқаларға шабыт беруге көмектесетін керемет құрал бола алады. Олай болса, күнделікті қалай қызық, жүйелі әрі әсерлі жүргізуге болатыны туралы айтайық.

1. Саяхат күнделігін жүргізгеннің пайдасы

Бастамас бұрын ең алдымен не...

Әзербайжан президенті Ильхам Әлиев жеті ай бұрынғы ұшақ апаты жауапкершілігін Ресей билігі мойнына алғанын қалайды. Бұл туралы Reuters агенттігі хабарлайды.

«Біз не болғанын нақты білеміз. Оны дәлелдей аламыз. Одан қалды, Ресей шенділері де нақты не болғанын біліп отыр. Неге олар, жауапты көрші ретінде, жасағанын ісін мойнына алмай отыр? Басты мәселе осы», – деп мәлімдеді Әлиев Ханкенді қаласында өткен баспасөз конференциясында.

Azerbaijan Airlines (AZAL) әуе компаниясының жолаушы ұшағы 2024 жылғы желтоқсанның аяғында Ақтау әуежайына жақын маңға құлаған. Апаттан 38 адам қаза тапқан. 29 адам аман қалған.

Ресей президенті Владимир Путин бұған дейін Әлиевтен кешірім сұраған...

Украина боксшысы Александр Усик Лондон қаласында ағылшын спортшысы Даниэль Дюбуаны жеңді. Жекпе-жек бесінші раундта нокутпен аяқталды. Осылайша украин боксшысы екінші мәрте аса ауыр салмақта әлемнің абсолют чемпионы атанды.

Усик Дюбуадан Халықаралық бокс федерациясы (IBF) нұсқасы бойын чемпион атағын тартып алды. Бұған қоса, украин боксшысы Дүниежүзілік бокс кеңесі (WBC), Дүниежүзілік бокс қауымдастығы (WBA) және Дүниежүзілік бокс ұйымы (WBO) белдіктерін сақтап қалды.

Ол аса ауыр салмақта екінші мәрте әлемнің абсолют чемпионы атанып отыр. Алғаш рет мұндай атақты Усик 2024 жылғы мамырда жеңіп алған. Сол кезде ол ағылшын Тайсон Фьюриді жеңген. Бірақ кейін украин боксшысы IBF атағынан бас тартқан. Ол белдікт...

Мадрид қаласында алғашқы қазақ-испан сөздігін шығару туралы ұсыныс жасалды. Бұл туралы Қазақстан сыртқы істер министрлігі (СІМ) хабарлайды.

Министрлік мәліметінше, Қазақстанның Испаниядағы елшісі Данат Мұсаев Мадрид қаласында Сервантес институтының директоры Луис Гарсия Монтеромен кездесті.

«Олар білім, мәдениет және тіл алмасу салаларындағы екіжақты ынтымақтастықты нығайту мәселелерін талқылады», – деп хабарлады СІМ.

Кездесу барысында алғашқы қазақ-испан сөздігін шығару туралы ұсыныс айтылды. Мұндай бастама екі ел арасындағы мәдениетті, академиялық диалогты кеңейте түседі.

Олар Қазақстан мен Испания арасындағы мәдени және гуманитарлық байланыстарды нығайтуға бағытталған нақты жобаларды іске асыруға дайын екенін растады.

Қазақстандағы орта мектептерде, жоғары оқу орындарында көбіне...

Төтенше жағдайлар министрлігі (ТЖМ) жексенбі, 20 шілдеде республиканың бірнеше өңірінде ауа температурасы 45-46 градусқа дейін көтерілетінін ескертті. Министрлік мәліметінше, ыстық аймақтарда өрт шығу қаупі жоғары.

Қазақстанда 9 шілдеде басталған аптап ыстық 22 шілдеге дейін созылады. Сол себепті министрлік өңірлерде өрт қаупі жоғары екенін күнде ескертіп жүр.

Ақтөбе, Атырау, Алматы, Түркістан, БҚО, Маңғыстау, Жамбыл және Жетісу облыстарында + 45 ° дейін ыстық болады деп ескертті ТЖМ.

Министрліктің ресми сайтында жарияланған мәліметке қарағанда, шыжыған ыстықтың беті 20 шілдеден бастап қайтуы тиіс. Дегенмен кей өңірде аптап тағы бірнеше күнге созылады.

Атап айтқанда, Түркістан облысында ауа температурасы 44 градусқа дейін, ал өңірд...

Бүгін, 19 шілде күні Денис Теннің қайғылы қазасына жеті жыл толды. Осыған орай Forbes журналының «30 жасқа дейінгі 30 үздік» тізіміне енген журналист Рашит Ильясов нейрожелі көмегімен жасалған видеоны ұсынды. Бұл видеода қазақстандық мәнерлеп сырғанаушының бұлттар арасында жүрген видеосы әсерлі музыкамен әрленген. Музыканың өзі Денистің тірі кезінде жазған туындысы.

Осыдан тура жеті жыл бұрын Олимпиаданың қола жүлдегері, дарынды мұзайдын шебері қайғылы жағдайда көз жұмған  болатын. Ол кезде небәрі 25 жаста еді. Денис көлігінің айнасын ұрламақ болған қылмыскерлерді тоқтатпақ болған сәтте қаза тапқан.  

Бейнежазбада бұлттардың арасында Теннің бейнесі оның өз музыкалық шығармасының сүйемелдеуімен көрсетілген. Бұл — автордың Денис бүгінде...

Ұлттық сейсмологиялық бақылау және зерттеу ғылыми орталығының сейсмикалық станциялар желісі Астана уақытымен 13:35-те жер сілкінісін тіркеді.

Жер асты дүмпуінің ошағы Қазақстанда, Алматыдан шығысқа қарай 141 шақырымда орналасқан. 

«Жер сілкінісінің есептік қарқындылығы төмен болған — ол жер бетінде сезілген жоқ. Қирау, зардап шеккендер немесе өзге де салдарлар туралы ақпарат түскен жоқ», — делінген сейсмологтардың мәліметінде.

Соған қарамастан, мамандар өңірдегі жағдайды мұқият бақылауда ұстауды жалғастыруда. Қазақстан, әсіресе оның оңтүстік аймақтары, сейсмикалық белсенділігі жоғары аймаққа жатады. Сондықтан тіпті әлсіз жер дүмпулері де бақылауға алынады.

Еске салсақ, 16 шілде күні Астана уақытымен 06:27-де Қырғызстан аумағында жер сілкініс...

Алматыда Майлин көшесінде екі түн жөндеу жұмыстары жүреді. Осыған байланысты  көшеде көлік қозғалысы шектеледі.

«Жөндеу жүргізілетін аумақта ескерту белгілері, мердігер ұйым жетекшісінің байланыс деректері көрсетілген тақталар орнатылады. Маршрутыңызды алдын ала жоспарлауыңызды сұраймыз»,–делінген хабарламада.

Бұған дейін, құбыр ауыстыру жұмысына байланысты Клочков көшесінің бір бөлігінде қозғалыс жарты айға, ал Серкебаев көшесінде 3 күнге шектелетінін хабарлағанбыз. 

«Қазавиақұтқару» тікұшағы Алматыдағы «Медеу» спорт кешені аумағынан қауіпті жағдайда ұшып шығып, адамдарды қағып кете жаздады. Бұл сәт бейнежазбаға түсіп, әлеуметтік желілерде тарады.

Кадрлардан тікұшақтың жерден бірден көтеріле алмағанын, бірнеше рет қисайып, ағаштардың бұтақтарына тиіп кеткенін анық көруге болады.

«Қазавиақұтқару» АҚ хабарлауынша, тікұшақ «Медеу» спорт кешені маңындағы ресми алаңнан алдын ала берілген өтінім бойынша жоспарлы ұшуды орындаған.

«Әуе бортын біліктілігі расталған тәжірибелі ұшқыш басқарған. Ұшуға дейін бортмеханик азаматтарға қауіпсіз қашықтықты сақтау...

Қазақ қоғамында бұрын ашық айтыла бермейтін тақырыптың бірі пластикалық ота болатын. Ал кейінгі жылдары тенденция өзгерді. Блогерлер, әншілер мен кино әлемінің жұлдыздары хирургтың көмегіне жүгініп, кем-кетігін түзейтінін жасырмай айтатын болып жүр. Біреу тойып секіреді, біреу тоңып секіреді демекші, пластикалық операция жасау туралы шешімге келетіндердің түрі көп. Мысалы біреу эстетика үшін жасатса, енді біреуге денсаулығына байланысты жасауға тура келеді. Бүгінгі материалымызда ота жасатқан жұлдыздарды тізіп шығамыз.

1. Маммопластика: төсін үлкейткендер

Данеля Садықова (@dequine)
Жас әнші төсін жасатқаны туралы ашық айтып, тыңдармандары мен оқырмандарынан ештеңе жасырғысы келмейтінін жазған. Оның айтуынша, бұрын оған өзінің сырт келбеті, дене бітімі толықтай ұнайтын. Дегенмен операция...

Украина президенті Владимир Зеленский жақын арада отставкаға кетуі мүмкін. Келесі президенті кім болатынына қатысты да болжам бар. Бұл туралы америкалық журналист Сеймур Херш мәлімдеді.

Оның айтуынша, Вашингтон қазіргі Украина басшысын алдағы бірнеше айда қызметінен босату туралы шешім қабылдаған. Журналистің мәліметіне сәйкес, АҚШ Зеленскийдің орнына келетін үміткерді де таңдаған, бұл лауазымға бұрынғы Қарулы күштер Бас қолбасшысы Валерий Залужный қарастырылып отыр.

Сеймур Херштің дерегінше, егер Зеленский өз еркімен отставкаға кетуден бас тартса, оны қызметтен кетуге мәжбүрлеуі де мүмкін.

Бұған дейін де Вашингтонда Украина президентін бірнеше рет сынға алған болатын. Сонымен қатар, Зеленскийдің ресми өкілеттік мерзімі өткен жылдың көктемінде аяқталғаны да атап...

АВТОВАЗ Lada Iskra моделінің Ресейдегі бағаларын жарияланды. Жаңа көлік үш түрлі кузовта, үш қозғалтқыш нұсқасымен және төрт негізгі жабдықталу деңгейінде ұсынылады.

Lada Iskra модельдері

Ең қарапайым нұсқасы — 90 ат күшіне ие 1.6 литрлік қозғалтқышпен және механикалық беріліс қорабымен жабдықталған седан. Бағасы 1 249 000 рубльді немесе шамамен 8,5 млн теңгені құрайды. Бұл нұсқада екі қауіпсіздік жастығы, электрондық көмекшілердің базалық жиынтығы, жауын мен жарық датчигі, алдыңғы терезелерге ғана арналған электрлі көтергіштер қарастырылған. Кондиционер мен жылыту жүйелері бұл жинаққа кірмейді.

Life нұсқасы кондиционермен, алдыңғы орындықтардың жылытқышымен, айналардың жылыту жүйесімен және 106 ат күшіне ие 1.6 қозғалтқышпен бірге жұптасқан вариатор...

Бүгін, 19 шілдеде, сағат 07:00-ден 13:00-аралығында  «Нұрсұлтан Назарбаев» халықаралық әуежайы аумағында, сондай-ақ бизнес-авиация терминалы аймағында ауқымды антитеррорлық оқу-жаттығулар өтеді.  Бұл туралы Астананың терроризмге қарсы жедел штабының баспасөз қызметі хабарлады.

Мақсат – ықтимал террорлық қауіп туындаған жағдайда құқық қорғау органдары мен арнайы бөлімшелердің жедел әрекет ету дайындығын тексеру.

«Оқу барысында террорлық сипаттағы түрлі сценарийлерге жедел әрекет ету мәселелері пысықталады. Осыған байланысты азаматтардан оқу-жаттығу кезінде түсіністік танытып, көлік пен тұрғындар қозғалысына қатысты уақытша шектеулерге сабырмен қарауды сұраймыз», – делінген штабтың хабарламасында.

Сондай-ақ штаб азаматтарды қауіпсіздік талаптарын сақтауға, мемлекеттік органдар өкілдерінің заңды талаптарын орындауға, тек ресми ақпарат көздеріне сүйеніп, жалған...

Ресей Думасының ақпараттық саясат жөніндегі комитеті төрағасының орынбасары Антон Горелкин Telegram-дағы парақшасында WhatsApp мессенджері Ресей нарығынан кетуі мүмкін екенін мәлімдеді.

Депутаттың айтуынша, бұл мессенджер Ресейде әзірленіп жатқан «достық қатынаста емес елдердің бағдарламалары» деп аталатын арнайы тізіміне енгізілуі мүмкін. Мұндай тізімді әзірлеу тапсырмасын Владимир Путин берген.

Айта кетейік, ресейліктердің 68%-ы күнделікті режимде WhatsApp мессенджерін пайдаланады. Танымалдық жағынан екінші орында – Telegram. Оны күн сайын ресейліктердің 55%-ы қолданады.

Горелкиннің пікірінше, WhatsApp-тың орнын VK компаниясы әзірлеп жатқан ресейлік ұлттық мессенджер – Max басуы мүмкін.  Депутат Telegram бұл тізімге енбейтінін айтады.

«Telegram-ның юрисдикциясы әлі де толық анық емес: Роскомнадзор тізілімінде...

Астанадағы Тұрар Рысқұлов көшесіндегі «Абырой» тұрғын үй кешенінің құрылыс алаңында қайғылы оқиға орын алды. Қатты жел салдарынан кран құлап, бір адам көз жұмды.

 Оқиға 18 шілде кешкі сағат 20:07 шамасында орын алған. Екпінді жел кенеттен қатты соғып, салдарынан құрылыс алаңында мұнаралық кран аударылып түскен. Нәтижесінде оқиға орынында бір жұмысшы қаза тапты.

Салынып жатқан тұрғын үй кешені BI Group холдингіне тиесілі болған.

«Кран техникалық тұрғыдан жарамды күйде болған және алаңдағы барлық техника секілді жұмыс басталар алдында міндетті тексерістен өткен. Оқиға болған сәтте кран машинисі жұмысын аяқтап жатқан, жұмыс күні де аяқталуға жақын еді», — деп хабарлады BI...

Энергетика министрлігі сұйытылған газ бағасын жыл басынан бері екінші рет көтеруді ұсынды.  Тиісті бұйрық жобасы «Ашық НҚА» порталында жарияланды.

Баға қаншаға дейін өседі

Министрдің бұйрығына енгізілетін өзгерістер жобасына сәйкес, 1 тамыздан бастап Астана мен Алматы қалаларында автогаз бағасы қазіргі 102 теңгеден 112 теңгеге дейін өседі.

Бағаның көтерілуі автогаз бен АИ-92 маркалы бензин бағасы арасындағы айырмашылықты азайтады. Мәселен, қазіргі уақытта Астанада Qazaq Oil жанармай құю бекеттерінде АИ-92 бензині литріне 219 теңге тұрады (2025 жылдың қаңтар айының соңында бұл баға республика бойынша ең көбі 205 теңге болған). Қоғамдық талқылауға ұсынылған жобаға сәйкес, республика бойынша ең төменгі бөлшек баға...