Жаңалықтар

Қазақстан – тек Орталық Азиядағы ең ірі ел ғана емес. Бұл сайын дала мен асқар таулардың, тұнық көлдер мен үнсіз шөлдердің үйлескен мекені. Мұнда табиғаттың күшін, тарихтың тереңдігін және тыныштықтың мәнін сезінуге болады. Kursiv.media тілшісі Қазақстанды шын жүректен танығысы келетін әр адам баруы тиіс он ерекше мекенді шолып шықты.

Гранд-Каньоннан еш кем емес Шарын шатқалы (Алматы облысы)

Жел мен уақыт мүсіндеген қызыл тастардан құралған алып шатқал. Әсіресе «Қамалдар аңғары» ерекше әсер қалдырады. Мұнда тастар ертегі сарайларына ұқсап кетеді. Күн батқанда шатқал ерекше әдемі түске боялады.

Шарын шатқалы шамамен 12 млн жыл бұрын ежелгі үстірттің эрозияға ұшырауы нәтижесінде пайда болған. Оны...

Қосшы қаласында даулы тұрғын үйлердің бірі –  «Сиреневый сад» кешенінің үлескерлері пәтер кілтін алды.

Ақмола облысы әкімдігінің хабарлауынша, 2013 жылы құрылысына қаржы салған 110 отбасы 11 жылдан кейін баспанасына кіретін болды.

Көп жылдан бері қаңырап бос тұрған бұл тұрғын үй кешеніне «Ынтымақ» атауы берілді.

Облыс әкімі Марат Ахметжановтың айтуынша, кешен құрылысын қайта жандандыру үшін облыс әкімдігі «КГС Сауда» ЖШС-мен келіссөздер жүргізіп, нақты уағдаластыққа қол жеткізді. Құрылыс былтыр жылдың соңында қайта басталып, бірнеше айдың ішінде толық аяқталды.

Алматыда Марков көшесінің кей бөлігіне орташа жөндеу жұмыстарының жүргізілуіне байланысты көлік қозғалысына уақытша шектеу қойылады. Бұл туралы қала әкімдігі хабарлады.

Соған сәйкес, 26 шілде сағат 22:00-ден 27 шілде сағат 08:00-ге дейін әл-Фараби даңғылынан Тимирязев көшесіне дейінгі аралықта жол жабылады.

27 шілде сағат 22:00-ден 28 шілде сағат 08:00-ге дейін Тимирязев көшесінен Павлов көшесіне дейінгі аралықта жол жабық болады.

Жөндеу жүріп жатқан аумақта ескерту белгілері мен мердігер ұйым жетекшісінің байланыс мәліметтері көрсетілген тақталар орнатылады.

Қала әкімдігі өзгерістерге байланысты маршрутты алдын ала жоспарлауды сұрады.

2025 жылы шетелде демалу жоспарлағандар үшін басты сұрақтардың бірі – Түркия мен Мысыр арасында таңдау жасау. Екі ел де қазақстандықтар арасында танымал бағыттарға жатады. Алайда қазіргі экономикалық ахуал, валюта бағамдары, климаттық жағдай және қауіпсіздік мәселелері туристердің шешіміне ықпал етуі мүмкін. Осы мақалада Kursiv.media тілшісі мамандар пікіріне сүйене отырып, екі бағытты салыстырып көрді.

Баға мен бюджет мәселесі

Сарапшылардың бағалауынша, 2025 жылы Түркиядағы демалыс орта есеппен 20%-ға қымбаттады. Бұл туралы TUI Group мәлімдеді. Түркиядағы инфляция, лира бағамының тұрақсыздығы және қонақ үй қызметкерлеріне еңбекақы өсімі турпакеттердің қымбаттауына алып келді.

Мысырда болса, қонақүйлер бағаны ұстап тұруға тырысып жатыр. ANEX Tour компаниясы Шарм-эль-Шейх...

Ұлттық банк төрағасы Тимур Сүлейменов теңге бағамына қысым бар екенін, бірақ оған интервенция көмектеспейтінін мәлімдеді.

Әлеуметтік желідегі жазбасында Сүлейменов теңге бағамына әсер ететін факторларды үш негізгі санатқа бөліп көрсеткен.

Фундаменталды: мұнай мен өзге де экспорт тауарларының әлемдік бағасы, негізгі сауда серіктестері валюталарының динамикасы, жаһандық конъюнктура және өзге де макроэкономикалық көрсеткіштер.

Нарықтық: бизнес, халық және мемлекет тарапынан валютаға деген сұраныс пен ұсыныс, импорт сатып алулар, маусымдық ауытқулар (мысалы, туристік белсенділік, дивиденд төлеу).

Спекулятивті: валютаға нақты қажеттілікке емес, қысқа мерзімді бағам құбылуында пайда табуды көздейтін нарық қатысушыларының операциялары.

«Қазір фундаменталды факторлар теңгенің бағамы төмен бағаланып отырғанын көрсетед...

Павлодарда бүлдіршіндерді ұрған видео жария болғаннан кейін №116 балабақша тәрбиешісі жұмыстан босатылды.

Бұл туралы Instagram парақшасында өңірлік бала құқықтары жөніндегі уәкіл Сәуле Шәкенова хабарлады.

«Қазір №116 балабақшаның тергеуде жүрген тәрбиешісімен еңбек шарты жұмыс берушінің бастамасымен бұзылды. Оның себебі – тәрбиелеу функцияларын орындайтын қызметкердің осы жұмысты жалғастыруға сәйкес келмейтін адамгершілікке жат қылық жасауы», – деп жазды Сәуле Шәкенова.

Бұған дейін ата-аналар дабыл қаққан болатын. Олардың сөзінше, балалар үйде жылап, балабақшаға барудан бас тарта бастаған. Аналар мектепке дейінгі мекеме басшысына барып, бейнебақылау камерасындағы жазбаларды көрсетуді талап еткен. Кадрларда тәрбиешінің балаларға дөрекі қарағаны, итеріп, ұрып...

Петропавлда жатақханада өрт шықты. Төтенше жағдай қызметкерлері өрттен 42 адамды эвакуациялады.

Өрт Петропавл қаласы Нұрсұлтан Назарбаев көшесінде орналасқан бес қабатты жатақханада шыққан. Өрт ғимараттың екінші қабатындағы бөлмелердің бірінде басталған.

ТЖМ күштері баспалдақ маршымен 42 адамды, оның ішінде 8 баланы эвакуациялады. Көрші бөлмелерге өрттің таралуына жол бермеген.

Айта кетейік, Алматыдағы Кеңсай-1 аумағында өрт шықты. Төтенше жағдай министрлігінің хабарлауынша, жалын 15 гектар жерге жайылған.

Алматылық хакер шетелдік компаниялардан криптовалюта түрінде төлем талап еткен. Бұл туралы Ұлттық қауіпсіздік комитеті хабарлады.

Шілдеде Алматы қаласында Ұлттық қауіпсіздік комитеті шетелдік әріптестерімен бірлесіп, қазақстандық азаматты киберқылмыс жасады деген күдікпен ұстады.

«Тергеу материалдары бойынша, ол шетелдік компаниялардың серверлеріне заңсыз кіріп, компьютер деректерін шифрлайтын бағдарламалар орнатқан. Деректерді қалпына келтіру үшін криптовалюта түрінде төлем талап еткен», – делінген ақпаратта.

Тінту барысында кибершабуылдарды жасау үшін пайдаланылған заттай айғақтар тәркіленді.

Қылмыстық-процестік кодекстің 201-бабының 1-бөлігіне сәйкес өзге ақпараттар жарияланбайды.

Александр Македонский коллекциялық монеталары сатылымға шығады. Мұны Қазақстан ұлттық банкі хабарлады.

«Ұлы қолбасшылар» сериясынан ALEXANDER THE GREAT коллекциялық монеталарын 2025 жылдың 29 шілдесінен бастап https://kazcoins.nationalbank.kz банктің интернет-дүкені арқылы сатып алуға болады.

Монеталар 925 сынамалы күмістен жасалған. Массасы 31,1 грамм, диаметрі 38,61 мм, дайындау сапасы – proof, номиналы – 1 000 теңгелік, таралымы – 2000 (екі мың) дана.

Коллекциялық монеталар Қазақстан теңге сарайында дайындалған.

Ұлттық банк бұған дейін «Қазақстанның футбол клубтары» және «Қазақстан Футбол Федерациясына» арналған коллециялық монеталарын айналымға шығарды.

Қазақстанның көлік министрлігі Lufthansa неміс әуе компаниясының елімізге рейстерін  уақытша тоқтатуына не себеп болғанын түсіндірді. Бұл туралы KursivMedia тілшісі жазды.

Ведомствоның мәліметінше, әуе компаниясы 2025 жылдың 26 қазанынан 2026 жылдың 29 наурызына дейін Қазақстанға рейстерді орындауды уақытша тоқтатады.

Министрлік бұл жағдайға қатысты үш негізгі себепті атады:

Әскери жағдайға байланысты Ресей әуе кеңістігін айналып ұшу шығынның артуына әсер етіп отыр.

Сондай-ақ Lufthansa әуе паркіндегі ұшақ жетіспеушілігі және жаңа ұшақтар мен қосалқы бөлшектердің дер кезінде жеткізілмеуі де әсер еткен. Қазір көптеген әлемдік әуе компаниялары тапсырыс берген ұшақтарды уақытында ала алмай отыр, сондықтан тасымалдаушылар өз жоспарын қайта қарап жатыр.

Тағы бір...

Төтенше жағдайлар министрлігі құтқарушылары жоғалып кеткен әуе кемесінің фрагменттерін анықтады.

Отар елді мекені аумағында байланыс үзілген Әуе қорғаныс күштерінің тікұшағына қатысты оқиғаның мән-жайын анықтау бойынша іздестіру-құтқару жұмыстары жалғастырып жатыр.

«Министрліктің командалық орталығында жүргізілген ғарыштық мониторинг барысында Алматы облысындағы Сорбұлақ көлінің акваториясында майлы дақтың болуы мүмкін екендігі анықталды. ТЖМ құтқарушылар тобы шұғыл түрде осы аймаққа шықты.

Іздеу жұмыстары түнгі уақытта да жалғасты. Жұмыс барысында Қорғаныс министрлігіне тиесілі болуы мүмкін әуе кемесінің фрагменттері табылды», – делінген ақпаратта.

Оқиға орнында ТЖМ құтқарушылары жұмыс істеп жатыр. Ол жерде арнайы жабдықтар пайдаланылып жатыр: эхолоттар, ұшқышсыз ұшу аппараттары және...

Астанадағы «Астана Аренада» өтетін Дженнифер Лопестің концерті кезінде қозғалыс уақытша шектеледі. Бұл туралы қала әкімдігі хабарлады.

Айта кетейік, Дженнифер Лопес 1 тамызда елордадағы «Астана Арена» стадионында Up All Night әлемдік туры аясында өнер көрсетеді. Қоғамдық қауіпсіздікті қамтамасыз ету, қонақтардың ыңғайлы келіп-кетуі мен қозғалысын ұйымдастыру мақсатында «Астана Арена» стадионы маңындағы «Алау» мұз сарайы мен «Сарыарқа» велотрегі жағынан автокөлік қозғалысы уақытша шектеледі.

Көлікті мына жерлерге қоюға болады:

Дженнифер Лопес концертіне келушілерд...

Александр Бублик тағы бір турнирдің финалына шықты. Бұл туралы Қазақстан теннис федерациясы хабарлады.

Қазақстанның бірінші ракеткасы Кицбюэльдегі жартылай финалда нидерланд Ботик ван де Зандсхюлпты 6:3, 6:4 есебімен жеңді. Енді финалда Артюр Казомен кездеседі.

Бұл – Бубликтің маусымдағы үшінші финалы. Алдыңғы екеуінде ол чемпион атанған. Оның бірі – Галле қаласында өткен TERRA WORTMANN OPEN турнирі. Ал екіншісі – Швейцариядағы Swiss Open Gstaad турнирі.

Айта кетейік, биыл Бублик Германияның Галле...

Алматыдағы Кеңсай-1 аумағында өрт шықты. Төтенше жағдай министрлігінің хабарлауынша, жалын 15 гектар жерге жайылған.

«Медеу ауданындағы өрттің жалпы ауданы шамамен 15 гектарды құрайды. Таулы жер бедері, тік жартастар және өрт сөндіру техникасы үшін жол шектеулі болуы өртті сөндіру жұмыстарын қиындатты», – делінген ақпаратта.

Өртті сөндіруге жалпы жеке құрамнан 99-ға жуық қызметкер және 39-дан астам техника, соның ішінде жергілікті атқарушы органдардан су тасымалдайтын машиналар жұмылдырылған.

2025 жылдың 25 шілдесінде түнде алдын ала 15 гектар алаңда өрттің оқшауланғаны айтылды. Зардап шеккендер жоқ.

Алматы әкімдігі ірі «Жібек жолы» автобазарын жапқалы жатыр. Қалалық билік аумақта орналасқан контейнерлер мен нысандарды заңсыз деп таныған. Автобөлшек сатушылар мен автосервис иелері өздерін қуып шығуға тырысып жатқандарын наразы. Кейбір кәсіпкерлер тіпті өздерін өртейміз деп қорқытқан, деп хабарлады КТК телеарнасы.

Аудандық қала құрылысы бақылау бөлімінің басшысы Әлібек Түлбасиевтің айтуынша, автобазар иелерінің құрылысқа рұқсат беретін құжаты жоқ.

Әкімдіктің ұстанымына қарамастан, кейбір саудагерлер сауда орындарын толықтай сатып алғанын және кетуге ниетті емес екенін айтады. Кәсіпкерлер өзіне қол жұмсау туралы айта бастағанда, оқиға орнына полиция мен өрт сөндірушілер жеткен.

«Мен алты несие алдым! Үйімді кепілге қойдым. Төрт ай бұрын 3,5 миллион теңге беріп, бұл орынды сатып алдым. Жалға алу ақысын уақтылы төлеп жүрмін. Біз бұл жерден...

Әнші Жұбаныш Жексенұлы Астана әуежайында әйел адаммен жанжалдасып, оны балағаттағаны үшін әкімшілік жауапкершілікке тартылды.

Істі Астана қаласының әкімшілік құқық бұзушылықтар жөніндегі мамандандырылған ауданаралық соты ұсақ бұзақылық бабы бойынша (ӘҚБтК 434-бабының 1-бөлігі) қараған.

Іс материалдарына сәйкес, 2025 жылғы 21 шілде сағат 00.30 шамасында Астана қаласының халықаралық әуежайында әнші мас күйде әйел адамға балағат сөздер айтып, қоғамға ашық түрде құрметсіздік танытып, қоғамдық тәртіп пен тыныштықты бұзған.

Сот отырысы барысында ол құқық бұзушылық жасағанын мойындап, сол сәтте эмоционалдық күйде болғанын, істеген ісіне өкінетінін жеткізіп, кешірім сұраған.

Судья әншінің кінәсін мойындап, шын жүректен өкінгенін ескеріп, 20 АЕК (78 640 теңге) мөлшерінде айыппұл салу...

Lynk & Co компаниясы Z20 электрокроссоверінің екі жаңа, қолжетімді нұсқасын таныстырды. CarNewsChina мәліметінше, модельдердің техникалық сипаттамалары арзандату мақсатында оңтайландырылған, енді кең аудиторияға қолайлы болады деп күтіліп отыр.

Жаңа Plus және Pro нұсқалары алдымен шағын қуатымен ерекшеленеді: бұрынғы 335 ат күшінің орнына енді электрқозғалтқыш 235 ат күшін береді. Жүріс қоры 530 км-ден 430 км-ге қысқарған. Дөңгелек диаметрі де 19 дюймнен 18 дюймге дейін азайтылды. Harman Kardon аудиожүйесі (14 динамикпен) енді тек қосымша опция ретінде ұсынылады. Базалық жинақтаманың бағасы $15,200 немесе шамамен 8,3 млн теңгеден басталады (қазіргі бағам бойынша).

Қытайлық БАҚ пікірінше, бұл – қолжетімді көлік мінгісі келетін тұтынушыларды тарту тәсілі. Техникалық параметрлер өзгергенімен, жаңа Z20 үлгілері Lynk & Co-ның айқын танылатын дизайнын сақтап қалған.

Электрокроссоверлердің өлшемдері өзгермеген. Артқы бөліктегі LED-спойлер мен «жарқыраған қанат» стиліндег...

ІІМ криминалдық полиция департаменті мен Ақмола облысы полиция департаментінің қызметкерлері аудандық мәслихат төрағасына жасалған қарақшылық шабуылды әшкерелегенін хабарлады.

Оқиғаның мән-жайы

15 шілдеде бетперде және капюшон киген екі ер адам Астраханка ауылында ерлі-зайыптылардың үйіне кіріп, аңшы мылтығымен қорқыту арқылы қарақшылық шабуыл жасаған. Олар жәбірленушілерді байлап, үйлерінің жертөлесіне қамап кеткен. Өздері бағалы бұйымдарды қолды қылған. Келген залал 4 млн теңгені құраған.

Үш күдікті ұсталған

Жедел-іздестіру іс-шаралары барысында күдікті үш адам ұсталған. Олардың екеуі Жамбыл облысының, бірі Түркістан облысының тұрғыны. Олар бұған дейін бірнеше рет осындай қылмыстар үшін сотты болғаны анықталған. Тінту барысында жәбірленушілерге тиесілі алтын бұйымдар тәркіленген...

Қоғамдық белсенді Аружан Саин Бағанашылдағы балалар үйін тұруға жарамсыз деп тапқан қорытындыға қатысты қабыспайтын нәрселер көп екенін мәлімдеді.

Күмәнді қорытынды негізінде көшіру

Белсенді балаларды Бағанашылдан Қонаевқа көшірудің ресми негізі ретінде 2024 жылы «Астанақұрылыссервис» ЖШС берген техникалық қорытынды көрсетілгенін атап өтіп, құжатта Алматы облыстық №1 балалар үйінің ғимараты «пайдалануға жарамсыз» деп танылғанына назар аударған.

Аты өзгерген мекеме

Ол Алматы облысының әкімдігі қорытындының өзін емес, тек титулдық бетін көрсеткенін, ал онда тапсырыс беруші ретінде «Алматы облыстық №1 балалар үйі» МКҚК көрсетілгенін айтады. Бірақ ресми деректерге сүйенсек, мұндай мекеме 2022 жылдың сәуір айынан бастап жоқ.

Қазақстан ІІМ Интерпол Ұлттық орталық бюросының сұрауы бойынша Мысыр астанасы Каир қаласында халықаралық іздеуде жүрген қазақстандық азамат ұсталды.

Оны криминалдық полиция қызметкерлері Шымкент қаласына жеткізген.

2023 жылы ер адам басқа адамдармен сөз байласып, жәбірленушілердің атына автокөліктерді несиеге рәсімдеп, кейін оларды үшінші тұлғаларға сатқан деп айыпталып отыр. Оның осы әрекетіне қатысты полицияға 105 адам арызданған. Келтірілген жалпы материалдық шығын 1,5 миллиард теңгеден асқан.

Күдіктіге қатысты Қылмыстық кодекстің төмендегідей баптары бойынша қылмыстық іс қозғалған:

Теңгенің күрт әлсіреуіне байланысты Ұлттық банк валюта нарығындағы жағдайды тұрақтандыру үшін шұғыл шараларға баруға дайын екенін мәлімдеді. Бұл туралы «Капитал» басылымына Үлттық банк төрағасының орынбасары Әлия Молдабекова айтқан.

Қаржы реттеуші нарықта алыпсатарлық байқалса, интервенциясын жүргізу арқылы теңгенің шамадан тыс құнсыздануына жол бермейтінін атап өтті.

Нарыққа бақылау күшейтілді

Ұлттық банк Қазақстан қор биржасындағы (KASE) және банкаралық нарықтағы операцияларды жіті бақылап отыр. Егер нарықта алыпсатарлық әрекеттер байқалып, яғни кейбір ойыншылар теңгенің бағамын пайдаланып табыс табуға тырысса, Ұлттық банк валюта сату арқылы нарыққа араласуға ниетті.

Резерв жеткілікті

Қаржы реттеушінің айтуынша, қазір елдің халықаралық резерві 52,2 млрд долларды...

Перизат Қайрат сот басталған кезде қор құрылтайшыларынан жауап алуды сұрап, сол сәтте «Нұр Отан» (қазіргі Amanat) партиясы төрағасының бұрынғы бірінші орынбасары Бауыржан Байбектің атын атады.

2025 жылдың 25 шілдесінде Перизат Қайрат 10 жылға сотталды. Үкім шыққаннан кейін адвокат Асланбек Дәулетияров Бауыржан Байбектен жауап алу туралы тараптардан өтінішхат түспегенін, бұл мәселе қаралмағанын айтты.

Айта кетейік, Перизат Қайрат жазасын қауіпсіздігі орташа мекемеде өтейді.

Сондай-ақ сотталған 10 жыл мерзімге қайырымдылық қаражатын жинаумен байланысты қызметпен айналысу құқығынан айырылды.

Ұлттық қауіпсіздік комитеті қызметтік өкілеттіктерін асыра пайдаланды деген күдікпен ҚР Энергетика министрлігінің Атомдық және энергетикалық қадағалау мен бақылау комитетінің Қызылорда облысы бойынша аумақтық департаментінің басшысын ұстағанын хабарлады.

Шенеунік жер қойнауын пайдаланушылардан жүйелі түрде материалдық пайда алуға мүмкіндік беретін сыбайлас жемқорлық схемасын ұйымдастырды деген күдікке ілінген.

Оған қатысты Қылмыстық кодексінің 362-бабы 4-бөлігінің 3-тармағы (Билiктi немесе лауазымдық өкiлеттiктерді асыра пайдалану) және 364-бабы 1-бөлігі (Кәсіпкерлік қызметке заңсыз қатысу) бойынша тергеу іс-шаралары жүргізіліп жатыр.

Бұлтартпау шарасы ретінде қамауда ұстау шарасы тағайындалған.

ҰҚК бұған дейін Ақмола облысында Кіріс департаментінің басшысын жемқорлық күдігімен ұстаған.

2025 жылдың 6 айында Қазақстанда 54 жаңа сауда үйі ашылып, пайдалануға берілген. Бұл туралы Ұлттық статистика бюросы хабарлады.

Олардың жалпы аумағы – 87,3 мың шаршы метр, ал нақты құны – 39,7 млрд теңге. Ең көп сауда үйі Шымкент қаласы (15 нысан) мен Қызылорда облысында (14 нысан) салынған.

Сол кезеңде жалпы аумағы 39 мың шаршы метрді құрайтын 60 супермаркет ашылды. Бұл нысандардың жалпы құны – 19,5 млрд теңге.

Супермаркеттердің көпшілігі Шымкентте (21 нысан), Жамбыл және Түркістан облыстарында (әрқайсысында 12 нысан) іске қосылған.

Сонымен қатар, 176 минимаркет пайдалануға берілді. Олардың жалпы аумағы – 30,3 мың шаршы метр, ал құны...