Жаңалықтар

Астанадағы «BIG Шанхай» сауда үйіндегі өрттен зардап шеккен кәсіпкерлердің несиесі жарты жылға шегеріледі.

Ведомствоаралық отырысқа қатысқан «Respublica» партиясының төрағасы Айдарбек Қожаназаров кәсіпкерлерге қолдау көрсетілетінін атап өтті.

Қаржы нарығын реттеу және дамыту агенттігі мен екінші деңгейлі банктердің, атап айтқанда Kaspi Bank, Банк ЦентрКредит, ForteBank, Freedom Bank өкілдері зардап шеккен клиенттерге несиелік төлемдерді кемінде 6 айға шегере тұруға дайын екендіктерін жеткізді. Әрбір өтініш жеке тәртіппен, нақты жағдайларға сүйене отырып қаралатын болады.

Сонымен қатар, егер отбасының жалғыз табыс көзі осы бизнес болса, кәсіпкерлердің жұбайларына да жеке шегерім беру мәселесі қарастырылады.

Алдын ала деректер бойынша өрт салдарынан 260-тан астам кәсіпкер зардап шеккен. Келтірілген шығын...

Түркістан облысы Келес ауданы әкімдігі ғимаратының ішінде екі адам бірімен-бірі сөзге келіп төбелескен. Олардың бірі аудан әкімдігінде келісімшартпен жұмыс істеп жүрген. Екіншісі – аудан тұрғыны, жұмыссыз. Әкімдіктің дерегінше, оқиға 21 шілде күні таңертең болған.

«Аталған тұлғалар мемлекеттік қызметшілер болып табылмайды. Қазіргі таңда бұл оқиға бойынша құқық қорғау органдары сотқа дейінгі тергеп-тексеру амалдарын жүргізуде» делінген Келес ауданы әкімдігінің Kursiv.Media-ға жіберген хабарламасында.

Төбелескендер таныс болған. Әзірге екі адамның арасындағы төбелес себебі
белгісіз, оны кім қалай бастағаны беймәлім.

Полиция оқиғаға қатысты ақпарат бермеді.

Бейресми ақпаратқа қарағанда, төбелес кезінде бір адам жарақат алған. Келес аудандық ауруханасы науқастың құқығына байланысты бұл...

Түркияның Safi Holding компаниясы Қазақстандағы қант зауытының құрылысына 150–200 млн АҚШ доллары инвестиция салмақ. Бұл туралы Ауыл шаруашылығы министрлігі хабарлады.

Ауыл шаруашылығы министрі Айдарбек Сапаров Түркиялық Safi Holding компаниясының бас атқарушы директоры Сафи Атаканмен кездескен. Келіссөз барысында Қазақстанда өндірістік қуаты жоғары жылына 140 мың тонна қант шығаратын зауыт салу жоспары талқыланды.

Жоба толық іске қосылған жағдайда, зауыт жылына 1 млн тоннаға дейін қант қызылшасын өңдей алады. Түріктер бұл жобаға 50–200 млн АҚШ доллары көлемінде инвестиция құюы мүмкін.

Қазір инвесторлар зауытты қай өңірде салуға болатынын қарап жатыр. Ол үшін ең маңызды факторлар – қант қызылшасын өсіруге жарамды жерд...

Қазақстанда алкоголь сату тек жұмыс уақыты шектеулі арнайы дүкендерде ғана жүзеге асырылуы мүмкін. Бұл туралы Ішкі істер министрі Ержан Сәденов Құқықбұзушылықтардың алдын алу жөніндегі ведомствоаралық комиссия отырысында айтты.

Сәденов маскүнемдік мәселесін шешу кешенді тәсілді қажет етеді деп санайды. Келтірген мәліметке сенсек, лицензиясынан айырылған кейбір кәсіпкерлер спирттік ішімдікті үшінші тұлғалар арқылы немесе тәулік бойы істейтін барлардың атын жамылып сатуды жалғастырып жатыр.

Ведомство дерегі бойынша, алкоголь айналымы саласындағы 7 мың құқықбұзушылықтың жолы кесілген. Бизнес субъектілеріне жалпы сомасы 370 млн теңге айыппұл салынған, 2 252 кәсіпкер лицензиясынан айырылған.

«Қоғамдық орындарда алкоголь ішуге қатысты 107 мың құқықбұзушылықтың жолы кесілд...

Президент Қасым-Жомарт Тоқаев Амур облысындағы ұшақ апатына байланысты Ресей Федерациясының Президенті Владимир Путинге көңіл айтты, деп хабарлады Ақорданың баспасөз қызметі.

Ресей Төтенше жағдайлар министрлігі алдын ала мәлімет бойынша ұшақ апатынан әуе кемесіндегілердің бәрі қаза тапқанын мәлімдеді.

Ұшақ тау баурайындағы ит тұмсығы өтпейтін орман ішіне құлағандықтан, құтқарушылар апат орнына үлкен қиындықпен бара жатқаны айтылады.

«Құтқарушылар өту қиын таулы аймақ арқылы жоғары өтімді техникамен жылжып барады. Жол мүлде болмаған жағдайда ауыр инженерлік техника жол ашады. Қазіргі уақытта топ ең күрделі бөліктен өтіп жатыр. Апат орнына дейін шамамен 3 шақырым қалды. Жалпы 149 маман және...

Бас прокуратура мен Қаржы мониторингі агенттігі «СҚ-Фармация» компаниясы мен бірқатар фармацевтикалық ұйымдарға қатысты қылмыстық тергеуді бастады. Бұл туралы Мәжіліс депутаты Бақытжан Базарбек өзінің Facebook парақшасында хабарлады.

Депутаттың айтуынша, тергеу Жоғары аудиторлық палата анықтаған деректер негізінде басталған. Бақытжан Базарбек әріптесі Мұрат Әбеновпен бірге Бас прокуратураға ресми түрде жүгінген. Олардың өтінішінен кейін құқық қорғау органдары тексеру мен тергеу жұмыстарын қолға алған.

Депутат келтірген мәліметке сүйенсек, мемлекетке келтірілген жалпы шығын 35,8 миллиард теңгені құрайды. Бұл сома «СҚ-Фармация» компаниясы дәрі-дәрмек сатып алу кезінде кеткен тиімсіз әрі күмәнді шығындармен байланысты.

Бұдан бөлек, тергеу барысында бірқатар нақты заңбұзушылықтар анықталған. Атап айтқанда, 166,4 миллион теңгеге...

«Қазгидромет» тамыз айында Қазақстанның қай өңірлерінде құрғақшылық болуы мүмкін екенін хабарлады.

Алдын ала мәлімет бойынша, елдің оңтүстік бөлігінде құрғақшылық қаупі жоғары деңгейде сақталады.

Дегенмен елдің басым бөлігінде орташа құрғақшылық күтіледі:

Жаркент әскери гарнизонында қаза тапқан әскери капитан Дархан Дәулет ісі бойынша сот үкімі шықты, деп хабарлайды KursivMedia. Сот үкімін тыңдауға Zoom арқылы басқа да әскери бөлімдер, әскери институт, қорғаныс саласы бойынша облыс департаменттері қосылды.

Істі Қылмыстық істер жөніндегі мамандандырылған ауданаралық әскери сотта судья Еркін Шәріпбеков қарады.

Майор мен үш сарбаз айыпталды

Дархан Дәулет Жамбыл облысы Қордай ауданы Отар ауылында 5 жыл қызмет еткен. 2024 жылдың қыркүйегінде Жаркент әскери гарнизонына инженерлік бөлімнің бастығы болып ауысқан. 2024 жылдың 13 қарашасынан 14 қарашасына қараған түні тәуліктік кезекшілікке түскен. 26 жастағы әскери сол түні қайтыс болған.

Сотталушылар қатарында 4 адам бар: майор Дархан Қазтай 1988 жылы туған, ал үш сарбаз – Нұрман...

Бүгін 24 шілде қазақстандық екі клуб «Астана» мен «Ақтөбе» UEFA Конференциялар лигасының іріктеу кезеңіндегі алғашқы матчтарын өткізеді.

«Астана» – «Зимбру» (Молдова)

«Астана» командасы жаңа еуромаусымды екінші іріктеу кезеңінен бастайды. Қарсыласы молдовалық «Зимбру» клубы. Кишинев ұжымы өз елінің чемпионатында үшінші орын иеленген.

Алғашқы матч «Астана Аренада» сағат 19:00-де басталады. Qazsport арнасы тікелей эфирде көрсетеді. Ал қарымта кездесу келесі аптада Кишиневте, 22:00-де өтпек.

Бұл қос команданың алғашқы ресми кездесуі болмақ. Қазіргі таңда «Астана» ҚПЛ турнирлік кестесінде 40 ұпаймен көш бастап тұр (18 турдан кейін), ал «Зимбру» Молдова чемпионатының бес турынан кейін 7 ұпаймен төртінші орында.

Бұл жұптағы жеңімпаз келес...

Ұлттық банк басқаруындағы 23,5 трлн теңге зейнетақы активі жыл басынан бері алғаш рет инвестициялық табысқа шықты. Биыл 6 айда қазақстандықтардың БЖЗҚ-дағы зейнетақы жинағын 1,51% табыс алған. Жалпы сомасы 371 млрд долларды құрайды.

Бұған дейінгі бес айда зейнатақы активтері әр айда әртүрлі инвест шығын алған болатын. Ұлттық банк төрағасының орынбасары Әлия Молдабекова бұл уақытша жағдай екенін айтқан.

«Бұл нақты жоғалған ақша емес, тек активтердің нарықтағы құнының өзгеруіне байланысты қалыптасқан қағаз жүзіндегі шығын. Мұндай жағдайлар инвестицияда болып тұрады», – дейді ол.

2025 жылғы 1 шілдеде БЖЗҚ активтерінің көлемі 23,47 трлн теңгені құрады. Бұл...

Қазақстан қор биржасында (KASE) ұлттық валюта тағы әлсіреді. Қазір 1 доллардың ресми бағамы 541,93 теңге тұрады. Доллар бір тәулікте тағы 3,29 теңгеге нығайды.

Ұлттық валюта бір айдың ішінде шамамен 24 теңгеге құнсызданды. Салыстырар болсақ, доллар мамырдың аяғында шамамен 508 теңге тұратын. Содан бері ұлттық валюта шамамен 40 теңгеге әлсіреген. Ал бір күн бұрын АҚШ валютасы бірден 6,21 теңгеге күшейді.

Ұлттық банк теңге бағамының ауытқуына бірқатар маусымдық факторлар әсер етті деп есептейді. Атап айтқанда, жыл ортасынан бастап импорттық төлемдер мен туристік сапарлар көбейіп, шетел валютасына сұраныс өседі. 

Қазақстандағы валюта айырбастау мекемелерінде де Құрама Штаттар ақшасының бағасы әжептәуір көтерілд...

«Қазақстан темір жолы» ҰК» АҚ Abu Dhabi Commercial Bank және Deutsche Bank-тен 3 жыл мерзімге 480 млн швейцариялық франк (323 млдр 520 млн теңге) қарыз алды.

Компания қарыз Президент Тоқаевтың 2025 жылғы 28 қаңтардағы Трансқазақстандық теміржол дәлізін жедел дамыту жөніндегі тапсырмаларын орындау мақсатында алынғанын айтады.

«Мемлекет басшысы «Мойынты – Қызылжар» желісі құрылысын жандандырудың, инфрақұрылымның шамадан тыс жүктелген учаскелерін жаңғыртудың және елдің транзиттік әлеуетін кеңейтудің маңыздылығын атап өтті. Синдикатталған қарыз қаражаты «Мойынты – Қызылжар» учаскесін салуды, теміржол желісінің шамадан тыс жүктелген учаскелерін жаңғыртуды қоса алғанда, Трансқазақстандық теміржол дәлізінің негізгі жобаларын аванстық қаржыландыруға, сондай-ақ «ҚТЖ» ҰК» АҚ-ны...

Түркияда Аккую атом электр станциясын (АЭС) тұрғызып жатқан ондаған жұмысшы 23 шілдеде ереуілге шықты. Олар жалақыны төлеуді талап етті. Жоба жетекшісі «Ростатом» айлықтың кешігуін «дос емес елдердің әрекетінен» көрді.

Әлеуметтік желілерде таралған видеоларда түрік жандармының ереуілге шыққан АЭС жұмысшыларын қуып, ұстап жатқанын көруге болады. Журналист Михаил Козачковтың мәліметінше, мұнда шамамен 200-ге тарта қазақстандық жұмыс істейді.

Жалақы талап еткен жұмысшылар құрылысты тоқтатып, жолды жапқан. Видеолардың бірінің авторы олар көліктерді өткізбей жатқанын, өтуге талпынған автомобильдерді таспен атқылағанын айтты. Соған байланысты жергілікті полиция ереуілді күшпен тарқатқан. Жандарм водомет қолданған. Жұмысшылар полицияға қарсылық көрсеткен.

Түркияда АЭС салып жатқан «Росатом» компаниясының баспасөз қызмет...

Алматы қаласының әкімі Дархан Сатыбалды Жетісу ауданында бірқатар өзекті мәселе талқыланған жұмыс жиынын өткізді. Кеңеске аудан әкімдігі, салалық басқармалар, коммуналдық қызметтер мен тиісті мекемелердің өкілдері қатысқан.

Күн тәртібіндегі басты мәселелердің бірі Солтүстік айналма жол бойындағы рұқсатсыз сауда орындары болған.. Атап айтқанда, осы жол мен Жұмабаев көшесінің бойынан бейберекет сауда нүктелері көптеп анықталған. Аудандық полиция өкілдерінің мәліметінше, биыл жыл басынан бері осы факті бойынша 756 әкімшілік хаттама толтырылып, жалпы сомасы 4 миллион теңге көлемінде айыппұл салынған. Бұл бағыттағы рейдтік шаралар жалғасып келеді.

Жиын барысында базар аумақтарындағы өрт қауіпсіздігі де жеке қаралған. 2022 жылдың қарашасынан бері бұл аумақта бірнеше өрт оқиғасы...

Starship-тің бірнеше мәрте қолданылатын зымырандары жердің кез келген нүктесіне жарты сағатта жетуге мүмкіндік береді.  Ол кезде аппарат жылдамдығы 25 Махқа дейін жетеді. Бұл туралы Илон Маск мәлімдеді.  

«Starship-тің арқасында (ракета ұшыруына рұқсат етілген аймақтарда) жер шарының кез келген нүктесіне шамамен 30 минутта жетуге болады. Жылдамдық – 25 Мах», – деп жазды Маск.

Толығымен қайта пайдалануға болатын бұл ғарыш кемесі Super Heavy үдеткішімен жабдықталған және Raptor қозғалтқыштарымен іске қосылады. Масктың ойынша, дәл осы жүйе халықаралық әуе қатынасын бұрын-соңды болмаған деңгейге жеткізеді. Алайда жоба әзірге сынақ кезеңінде тұр және АҚШ-тың Азаматтық авиация федералды басқармасы (FAA...

Қазақстан премьер-министрі Олжас Бектенов Ресей үкіметінің төрағасы Михаил Мишустинмен кездесті. Кездесуде бұған дейінгі уағдаластықтарды жүзеге асыру мәселелері талқыланды.

2024 жылдың қорытындысы бойынша өзара сауда көлемі 27,8 млрд долларға жетті, 2025 жылғы қаңтар-мамырда 9,6 млрд долларды құрады.

«Мемлекеттер басшыларының тапсырмасы бойынша біз өзара сауда көлемін 30 млрд долларға дейін ұлғайту бойынша мақсатты жұмыс жүргізіп жатырмыз. Инвестициялық ынтымақтастықта зор мүмкіндіктер бар. Жалпы екіжақты өзара іс-қимыл мәселелерінің кең ауқымын шешуде ынтымақтастық жөніндегі үкіметаралық комиссияның тиімді қызметін атап өткім келеді», – деді Олжас Бектенов.

Үкімет баспасөз қызметінің хабарлауынша, екі мемлекет арасындағы әріптестікті тереңдету аясында күзде Оралда өтетін Қазақстан...

Ninety One тобының мүшесі, АCE (Эйс) лақап атымен танымал Азамат Ашмақын өзінің сүйіктісімен бірге түскен видеоны алғаш рет әлеуметтік желіде жариялады. Бейнежазбада сезімге толы сөздер айтып, жұртшылықты махаббат пен жарыққа толы өмір сүруге шақырды.

Оны алғаш көрген сәт әлі есімде. Дәл сол күні менің өмірім өзгерді. Менің өміріме тыныштық пен жарық алып келді. Баршаңызға осындай ерекше сезімді бастан кешіруді тілеймін. Жарық, махаббатқа толы өмір кешіңіздер. Бақытты болыңыздар. Баршаңызға бақыт тілеп келдім, енді кезек маған келген сияқты, – деп жазды әнші.

Арудың есімі — Нұрила Шакирова. Instagram парақшасында продюсер деп көрсетілген. Желі қолданушылары әншіге жүрекжарды...

ҚР Қорғаныс министрінің орынбасары Дархан Ахмедиев әскери саланы цифрландыру барысын таныстырды.

Ол алдағы уақытта әскери қызметшінің бірыңғай жеке кабинеті құрылатынын жеткізді.

«Мақсат – egov.kz порталы сияқты заманауи, ыңғайлы және ашық жүйе құру, онда әскери қызметші қызмет еткен мерзімін, қашан демалыс алатынын, келесі атақ қашан берілетінін, рапорттар мен бұйрықтарды көреді, сондай-ақ әртүрлі қызметтерді алады. Мұның бәрін әскери е-Gov-қа аударамыз», – деді спикер ОКҚ алаңында өткен баспасөз конференциясында.

Вице-министр таныстырған тағы бір цифрлық жоба – келісімшарт бойынша әскери қызметке қабылдайтын «Jauynger.gov.kz» порталы. Портал көмегімен енді Қарулы Күштердің қатарына қосылу...

Микроқаржы ұйымдарына қойылатын талаптар күшейеді: мерзімі өткен қарыздардың үлесі азаюы керек

Қазақстанда микроқаржы ұйымдары (МҚҰ) төленбегенінен 3 айдан асқан қарыздың үлесін азайтуы тиіс. Бұл туралы Қаржы нарығын реттеу және дамыту агенттігі қабылдаған қаулыда жазылған.

Соған сәйкес, 2025 жылғы 1 қыркүйектен бастап микроқаржы ұйымдарының несие портфеліндегі 90 күннен аса кешіктірілген қарыздың үлесі 15%-дан аспауы керек. Ал 2026 жылдың 1 қаңтарынан бастап бұл шек 10%-ға дейін төмендейді.

Егер ұйым осы шектен асып кетсе, бір жұмыс күнінің ішінде жағдайды түзету жоспарын жасап, Қаржы нарығын реттеу агенттігіне жолдауы тиіс. Бұл жоспарда қандай қарыз және қалай азайтылатыны нақты көрсетілуі керек. Агенттік жоспарды қарап...

Қазақстан құрамасының және Түркияның «Бешикташ» клубының жартылай қорғаушысы Бахтиер Зайнутдинов Ресейдің «Динамо Мәскеу» клубына ауысуға жақын. Бұл туралы инсайдерлік ақпараттар жариялайтын Telegram-арна «Инсайды от Карпа» хабарлады.

Ақпаратқа сәйкес, 27 жастағы футболшы 2,5 млн еуро + бонус жүйесі бойынша ауысады. Бүгін 24 шілде күні Зайнутдинов Мәскеуге ұшып, медициналық тексерістен өтпек. Егер бәрі сәтті аяқталса, футболшы 2029 жылға дейін есептелген келісімшартқа қол қояды.

Бахтиер өткен маусымда түріктің атақты «Бешикташ» клубының құрамында өнер көрсеткен. Алайда негізгі құрамда тұрақты ойнай алмады.

Бұған дейін испандық «Реал Вальядолид» клубы қазақстандық ойыншыны жалға алуға қызығушылық білдірген еді. Алайда түрік тарапы ойыншыны тек 5 млн еуроға...

Таиланд пен Камбоджа шекарасында атыс болды.  Reuters агенттігінше, қақтығыс 24 шілдеде екі ел шекарасындағы Та Моан Тхом храмының жанында болған.

Таиландтағы Сурин провинциясының билігі мәліметінше, Камбоджаның әскері артиллериядан елдімекендерге шабуыл жасап, нәтижесінде екі тұрғын қайтыс болды. Таиланд әскері тағы екі жауынгердің мерт болғанын да хабарлады.

Ал Камбоджаның қорғаныс министрлігінің өкілі Таиланд әскері негізсіз басып кіріп, олар қорғануға мәжбүр болғанбыз деп айтты. Осы шиеленістен кейін Таиланд әскері F-16 жойғыш ұшақтармен Камбоджадағы әскери нысандарды атқылаған.

Шекарадағы қақтығыстар Таиланд 23 шілдеде Камбоджа елшісін елден шығаратынын және өз елшісін Камбоджадан қайтарып алатынын жариялағаннан кейін басталды.

Қазір Таиланд Камбоджамен шекарасын жапқан.

1 қыркүйектен бастап қазақстандықтар, оның ішінде медициналық сақтандыруы жоқ адамдар да, онкологиялық ауруларға арналған скринингтен тегін өте алады.

«Енді онкологиялық ауруларды ерте кезеңде анықтау тек МӘМС жүйесіне қатысушылар арасында ғана емес, бүкіл халық арасында жүргізіледі. Бұл тәсілдер ауруларды ерте анықтауға, өлім-жітімді азайтуға және алдын алу мен халықтың ұзақмерзімді денсаулығына бағытталған медициналық жүйе қалыптастыруға мүмкіндік береді», – деді Денсаулық сақтау министрлігінің өкілдері.

Тегін скрининг сүт безі, жатыр мойны, тік және тоқ ішек обырына, сондай-ақ бұрын тек  МӘМС аясында ғана қолжетімді болған басқа да онкопатологияларға қатысты болмақ. Енді скринингтен өту үшін тек емханаға тіркелу жеткілікті, жолдама сол...

Бағанашылдағы балалар үйіндегі жағдайдан кейін, Алматы облысының әкімі Марат Сұлтанғазиев отставкаға кете ме? Премьер-министрдің орынбасары Ермек Көшербаев бұған қатысты пікір білдірді.

«Мұндай ұсыныстарды естідім, депутаттардың бірі айтқан. Бұл менің құзыретім емес. Бірақ меніңше, әкім, әкімшілік, оның командасы, әкімдік кей дүниелерге келісім жасамаған, бұрыс істеді», – деді ол.

Көшербаев балаларды көшіру «дәл сондай түрде» болады деп ойламағанын айтты. Бірақ өзінің де жауапкершілігі бар екенін қосты.

«Жауапкершілік толығымен атқарушы органға жүктеледі, бұған жол беруге болмайтын еді. Әрине, біз тиісті лауазымды тұлғалардың әрекеттері өз өкілеттіктерінен асып кеткен деп есептейміз», – деді премьер-министрдің орынбасары.

AMMKZ жаңа зауытының жоспарланған модельдік қатары кеңейіп жатыр. Енді Алматыда конвейерден шығатын тағы екі автокөлік белгілі болды. Chery Tiggo 7 және Tiggo 9 кроссоверлері еліміздегі автосалондарда (Қытайда шығарылған нұсқасы) қолжетімді болады.

Ең жаңа Tiggo 7 нұсқасы 13,5 млн теңгеден басталса, Tiggo 9 2.0 литрлік турбомоторы мен толық жетекпен жабдықталған жалғыз жиынтықта 20,5 млн теңгеге ұсынылуда.

Қазақстанда құрастыру басталғаннан кейін, Tiggo 9 моделінің қатары гибридті екі нұсқамен толығуы мүмкін. Сертификаттық құжаттарға сүйенсек, қарапайым гибридті нұсқа 143 ат күші бар 1.5 литрлік турбомотор, екі электромотормен жабдықталады.  Сондай,ақ DHT беріліс қорабы және 19,4 кВт/сағ көлеміндегі Gotion High-Tech батареясы негізінде жұмыс істейтін бензин-электрл...