Жаңалықтар

Қаржылық мониторинг агенттігі Шымкент қаласы бойынша департаменті Шымкент жастар театрының директоры мен өзге де лауазымды тұлғаларға қатысты тергеуді аяқтағанын хабарлады. Олар 136 млн теңгеден астам көлеміндегі бюджет қаражатын жымқырды деп күдікке ілінген.

Мән-жайы

Мемлекеттік бюджеттен концерт өткізуге арналған жабдықтарды (соның ішінде колонкалар, сабвуферлер, сахналық ферма, күшейткіштер, микрофондар және т.б.) сатып алуға 320 млн теңге бөлінген.

«Алайда сатып алу талаптарын бұза отырып, лоттарды қолдан бөлшектеу арқылы 20-дан астам атау бойынша сатып алу электронды дүкен арқылы жүргізілген. Электронды сауда алаңы арқылы жабдықты нақты жеткізбеген жалған жеке кәсіпкерлермен келісімшарттар жасалып, қаражат қолма-қол ақшаға айналдырылған», – делінген...

Қазақстанда ең арзан темекі бағасы 12,1%-ға көтеріліп, 920 теңге болды. 2025 жылғы 1 шілдеден бастап жыл аяғына дейін осындай баға белгіленді. Бұл туралы ҚР қаржы министрі Мәди Такиевтің жарлығында айтылған.

Қаржы министрлігінің басшысы 2022 жылғы 22 ақпандағы «Фильтрлі, фильтрсіз сигареттерге, папиростарға, сигариллаларға және қыздырылатын темекісі бар бұйымдарға ең төмен бөлшек сауда бағаларын белгілеу туралы» бұйрықты өзгертті.

Жаңа жарлыққа сәйкес, 2026 жылғы 1 қаңтардан бастап ең төменгі баға 970 теңгеге дейін көтеріледі.

Бұған дейін Дүниежүзілік денсаулық сақтау ұйымы темекі өнімдерінің бағасын 2035 жылға дейін 50%-ға көтеруге шақырған. Ұйым сол арқылы қант диабеті, жүрек аурулары мен қатерлі ісіктен болатын өлім-жітімд...

Жоғарғы сот неке бұзуға қатысты істерді қарау тәртібін реттейтін нормативтік қаулыға өзгерістер енгізді. Бұл туралы Конституциялық сот хабарлады.

Бұл өзгеріс бұрынғы жұбайлардың мүлік құқығын қорғауды күшейтуге бағытталған.

Соған сәйкес, ортақ мүлікті бөлу неке бұзылған күнге қарамастан тараптардың өзара келісімі бойынша жүзеге асырылады. Бұған дейін мүлікті бөлу туралы талап қоюға неке бұзылған сәттен бастап үш жыл берілген. Енді бұл уақыт ерлі-зайыптының бірі өз құқығы бұзылғаны туралы білген немесе білуге тиіс болған сәттен бастап есептеле бастайды.

Конституциялық соттың хабарлауынша, бұған дейінгі талаптар заңды түрде сатып алынған кез келген мүлікті, оның ішінде некеде сатып алынған мүліктегі үлесті жеке меншікке алу құқығын шектеген.

Қазақстанның ең мықты ұстаздарын анықтайтын «Үздік педагог» байқауы басталды. Сайыста жеңген мұғалімге 4 млн теңге көлемінде мемлекеттік сыйақы беріледі. Бұл туралы Оқу-ағарту министрлігінің баспасөз қызметі хабарлады.

«Елімізде ұстаздарды қолдау мақсатында «Үздік педагог» байқауы басталды. Жеңімпаздарға 1000 АЕК (3,9 млн теңге) көлемінде мемлекеттік сыйақы қарастырылған», – делінген баспасөз хабарламасында.

Аталмыш байқауда мұғалімнің білім саласын дамытуға қосқан үлесі ескеріліп, оның ұстаз ретіндегі қызметінің тиімділігі және кәсіби шеберлігі мен біліктілігі сын тезіне түседі.

Шараға мектепке дейінгі, орта, техникалық және кәсіптік білім беру ұйымдарының педагогтері де қатыса алады.

Конкурс мынадай кезеңдерден тұрады:

1 кезе...

ҚР Тұңғыш президенті – Елбасы атындағы Ұлттық қорғаныс университетінің атауы өзгереді. Ондағы «елбасы» сөзі түсіп қалып, ЖОО атауы жай ғана ҚР Ұлттық қорғаныс университеті болып қалады. Құжат жобасы Ашық НҚА порталында жарияланды.

Ғылым және жоғары білім министрлігі «Жоғары және (немесе) жоғары оқу орнынан кейінгі білім беру ұйымдарының ерекше мәртебесі туралы ережені бекіту туралы» үкімет қаулысына өзгерту енгізгелі жатыр.

«Қазақстан Республикасының Тұңғыш Президенті – Елбасы атындағы Ұлттық қорғаныс университетінің атауын Қазақстан Республикасының Ұлттық қорғаныс университеті деп өзгерістер енгізу көзделген», – деп жазылған құжат жобасында.

Жобаны талқылау 18 шілдеге дейін созылады.

Жоғары оқу орныны...

Қазақстандық заңгер Мейірман Шекеев өзіне қысым жасалып жатқанын айтып жазба жариялады. Оның сөзінше, мұндай жағдай сотта марқұм Шерзат Полаттың әкесі Қаржаубай Нұрымовтың отбасының құқығын қоғағаннан кейін басталған.

«Маған қысым жасалып жатыр. Шерзаттың ісін алғалы маған жан-жақтан жасырын қысым жасалып келеді. Бәріне сабырлықпен төзіп келе жатқан маған енді біреулер басқаша әрекет етпек көрінеді. Шерзаттың апелляциялық сотына жібермеу мақсаты ма, әлде басқа ма – әзірге нақты білмедім. Десе де Астана қаласының азаматтық істер жөніндегі ауданаралық соттың судьясы Тулебаевтың айтпағанымды айттың деп, жеке ұйғарымдағы уәждерді көзіңді бақырайтып қойып, ойдан құрастырғаны жәйдан жай емес екені айдан анық. Сотталушылардың бірінің туысы...

Астанада өтіп жатқан ауыр атлетикадан жасөспірімдер мен жастар арасындағы Азия чемпионатында қазақстандық Кира Данилова 8 шілде өзінің туған күнінде алтын медаль жеңіп алды. Данилова 198 келі (87+111) зілтемір көтеріп, мансабындағы ең үздік нәтиже көрсетті.

Чемпионаттың бесінші күнінде топ жарған Кира үшін бұл жеңіс туған күнімен тұспа-тұс келді. Ал екінші орынға 186 келі (81+105) көрсеткішімен өзбекстандық Динура Холдорова жайғасса, үшінші орынды тағы бір қазақстандық Софья Шальгина иеленді – 175 келі (82+93).

Азия рекордын жаңартқан Полубояринов

Сол күні ерлер арасында 94 келіге дейінгі салмақта Қазақстан құрамасының тағы бір мүшесі — Денис Полубояринов Азия чемпионы атанды. Қоссайыс қорытындысы бойынша...

Балнұр есімді қазақ қызы Le Cordon Bleu атты әлемге әйгілі аспаздық мектепті тәмамдап, бүгінде Парижде мишлен жұлдызын алған мейрамханада кондитер болып қызмет етіп жатыр. Мейрамхананың бас аспазы 2024 жылдың ең үздік шеф-кондитері атағын алған.

Балнұр бұл жаңалығымен Threads желісіндегі парақшасында бөліскен еді.

«Жай ғана Le Cordon Bleu түлегі. Жай ғана Париждегі мишлен-кондитері. Жай ғана 2024 жылдың үздік шефімен бірге жұмыс істеймін. Жай ғана қазақ қызы», – деп жазды Балнұр.

Әлеуметтік желі қолданушылары бірден қызға қолдау білдіріп, қарапайымдылығына тәнті болды:

«Сен мені шабыттандырдың! Өз әпкемдей мақтан тұтамын!»
«Қазақ қыздары – ерекше...

Футболдан Қазақстан чемпионы «Қайрат» УЕФА Чемпиондар лигасы іріктеу кезеңін сырт алаңдағы тең нәтижемен бастады. Команда Словенияның «Олимпия» клубымен 1:1 есебімен тең ойнады. Алматылықтардың жалғыз голын небәрі 16 жастағы Дастан Сәтбаев соқты.

Матч екі команда үшін де қиын болды. Грек төрешісі Христос Вергетис сегіз сары қағаз (4+4) көрсетті. Допқа иелік етуде басымдық иесі көбіне алаң иелерінде болды, алайда «Қайрат» қауіпті қарсы шабуылдармен жауап беріп отырды.

59-минутта Жоржиньоның пасынан жас ойыншы Дастан Сәтбаев есепті ашты. Осылайша 16 жастен 10 ай 26 күн асқан Сәтбаев Чемпиондар лигасында гол соққан алғашқы қазақстандық футболшы атанды.

АҚШ президенті Дональд Трамп 2025 жылғы 1 тамызда күшіне енетін баж салығының мерзімін одан әрі созбайтынын ескертті. Бұл туралы ол өзінің Truth Social әлеуметтік желісіне жазды.

«Түрлі елдерге кеше жолданған, сонымен бірге бүгін және ертең, одан кейінгі аз уақытта жолданатын қосымшаларда жазылғандай, тарифтер 2025 жылғы 1 тамызда төлене бастауға тиіс. Бұл мерзім өзгермеді, өзгермейді де», – деп мәлімдеді Трамп.

Бұған қоса, ол «ешқандай қосымша уақыт берілмейтінін» тағы да ескертіп өтті.

Естеріңізге сала кетейік, бұған дейін Трамп Қазақстан тауарларына 25% баж салығын енгізетінін мәлімдеген. Құрама Штаттар басшысы Қазақстан президенті Қасым-Жомарт Тоқаевқа жолдаған хатында тариф 2025 жылғы 1 тамыздан...

«ҚазАвтоЖол» акционерлік қоғамы «Астана – Қарағанды – Алматы» автожолында өлшеу құралдары орнатылып жатқанын ескертті. Бұған қоса, кәсіпорын жеті адамның өмірін жалмаған ірі жол апаты туралы мәлімет жариялады.

Компания жөндеу жұмыстары жүріп жатқан жерлерде жылдамдықты дер кезінде төмендету керектігін ескертті.

«Жұмыс жүріп жатқан аумақта жөндеу жұмыстары туралы ескерту жасайтын, алдын ала жылдамдықты кезең-кезеңімен 90 км/сағ, 70 км/сағ, 50 км/сағ және 20 км/сағ дейін шектейтін, сондай-ақ басып озуға тыйым салатын барлық қажетті жол белгілері орнатылған», – деп хабарлады «ҚазАвтоЖол».

Кәсіпорынның мәліметінше, көлік жүргізушілердің кейбірі жол белгілері мен таңба талаптарын орындамай жатыр. Олар жылдамдықты мөлшерден асырып, тыйым...

Әйгілі Backstreet Boys тобы Алматы қаласында концерт өткізетінін жариялады. 1990-жылдарда бүкіл әлемге танылған әнші жігіттер 2025 жылғы 19 қыркүйекте Орталық стадионда өнер көрсетеді.

Концерт билеттері әзірге саудаға түскен жоқ. Музыкалық ұжымның ресми сайтында ән кеші өтетін күн ғана белгіленген.

Билеттер нақты қашан сатыла бастайтыны топтың әлеуметтік желілердегі ресми парақтарында, сонымен бірге сауда сервистерінде жарияланады.

Backstreet Boys поп-музыка тарихындағы ең сәтті жобалардың бірі саналады. Топ 1990-жылдары әлемнің барлық дерлік чарттарын бағындырған. Содан бері бұл ұжым бүкіл әлем бойынша 100 миллионнан аса альбом сатқан.

Естеріңізге сала кетейік, әйгілі поп-жұлдыз Дженнифер Лопес те Қазақстанға келе жатыр. Оның концерті 2025 жылғы 1 тамызда...

Ақмола облысында су құбырын тарту жұмыстары барысында екі жұмысшы қаза тауып, тағы екі адам зардап шекті. Олар құдыққа құлап кеткен.

Қайғылы оқиға 6 шілдеде күндіз Целиноград ауданының Қараөткел ауылында болған. Ақмола облысы бойынша еңбек инспекциясының мәліметінше, «Life Stroi» компаниясының жұмысшылары құдыққа құлаған. Соның салдарынан екі адам қаза тауып, тағы екі адам Астанадағы ауруханаға жеткізілді. Кісі өліміне не себеп болғаны әзірге нақты белгісіз.

«Оқиғаның анық-қанығы анықталып жатыр. Содан кейін ҚР Еңбек кодексі ережелеріне сай шара қолданады», – деп хабарлады еңбек мекемесіндегілер.

Полицияның хабарлауынша, осы оқиғаға байланысты сотқа дейінгі тергеу амалдары жүргізіле бастады. Сот-медицина сараптамалары тағайындалған.

Естеріңізге...

TOYOTA GAZOO Racing командасы GR Yaris Rally2 H2 – сутегі қозғалтқышымен жұмыс істейтін ралли көлігін таныстырады.

Команда Финляндия раллиінде осы  көлікпен дебют жасамақ. TOYOTA 2021 жылдан бастап Жапониядағы Super Taikyu сериясында сутегі қозғалтқышы орнатылған Corolla көлігімен жарысқа қатысып келеді. Бұл компанияның автоспортқа арналған керемет көліктерді жасауға ұмтылысын көрсетеді. Сонымен қатар, қоршаған ортаға зиянсыз – көміртексіз қоғам құруға үлес қосуды көздейді.

Сутекті қозғалтқышы бар көліктің кәдімгі көліктен айырмашылығы, жанармайдың орнына сутек газы құйылады.

Ол қалай жұмыс істейді?

Сутекті қозғалтқыштың екі негізгі түрі бар. Іштен жанатын сутекті қозғалтқышқа келсек, кәдімгі бензин қозғалтқышына ұқсайды. Бірақ жанармай орнына сығылған сутек газын...

7 шілде күні Астанада Тұран мен Ұлы Дала даңғылдарының қиылысында жедел жәрдем көлігінің қатысуымен ауыр жол апаты болды. Бұл туралы zhest_kz_official телеграм арнасы хабарлады.

Жедел қызмет көлігі Hyundai автокөлігімен соқтығысып, бір жағына аударылып түскен.

Апат салдарынан екі адам жарақат алған. Полицияның мәліметінше, жарақат жеңіл болған, дәрігерлік тексерістен кейін олар үйлеріне жіберілген.

Оқиғаға қатысты құқық қорғау органдары тексеру жүргізіліп, барлық мән-жайды анықтап жатқаны хабарланды.

Бұған дейін, Астанада бір күнде төрт бала терезеден құлап кетіп, дәрігерлер азаматтарға үндеу жасаған.

Бурабайда шетелдегі этникалық қазақтардың балалары үшін жазғы этно-лагерь ашылады. Балалар мұнда қазақ тілін, тарихын, ұлттық ойындарын үйреніп, атпен серуендейді. Бұл туралы Kursiv.Media тілшісі хабарлады.

Jas Qazaq лагері 9 шілдеде IQanat High School of Burabay мектебінің базасында ашылғалы жатыр. Шетелдегі қазақ балаларына арналған этно-мекенді «Отандастар» қоры ұйымдастырды. Ол Қазақстанның сыртқы істер министрлігіне қарайды.

«Биыл лагерьге шамамен 150 этникалық қазақ баласы демалады. Олар АҚШ, Түркия, Польша, БАӘ, Ресей, Моңғолия, Өзбекстан, Қырғызстан және Қытайдан келеді. Бәрі қор ұйымдастырған түрлі байқаулардың жеңімпазы», – дейді ұйым өкілі.

Лагерь 20 шілдеге дейін созылады. Екі апта ішінде балалар қазақ тілін, тарихын...

Қазақстанда банктер мен микроқаржы ұйымдары (МҚҰ) ірі тұтынушылық несие берген кезде ғана жұбайының келісімін сұрайды. Қаржы нарығын реттеу және дамыту агенттігі (ҚНРДА) қаулы жобасы «Ашық НҚА» сайтында жарияланған.

2025 жылдан бастап, егер клиент 3,9 миллион теңгеден (яғни 1000 АЕК) жоғары тұтынушылық несие алса, онда банк немесе МҚҰ оның жұбайынан жазбаша келісім сұрайды. Ал басқа несие түрлері үшін жұбайының келісімі керек емес.

Сондай-ақ, мынадай жағдайда келісім қажет етілмейді:

ҚНРДА бұл өзгерісті 2024 жылдың 1 қыркүйегінде қабылданған қаулыға енгізген. Яғни сол...

URTG зерттеуіне сәйкес, Қазақстанда екпеге қатысты қоғам көзқарасы екіге бөлінген. Зерттеу орталығы сауалнама жүргізген респонденттердің 51%-ы Ұлттық күнтізбеге сәйкес екпе алғанын және алатынын мәлімдесе, сұралғандардың 47,5%-ы екпе алуды жоспарламайтынын мәлімдеген.

Жас ерекшеліктеріне байланысты статистика қандай?

URTG мәліметінше, жасы 60-тан асқан респонденттер арасында екпе алуды жоспарламайтындар үлесі (53,9%) басым. Ал 30-44 жас аралығындағы орта буын өкілдерінің арасында екпе алғандар үлесі 53,8% екен. Жастар арасында екпе алғандар (49,6%) мен алмағандар (48,4%) үлесі тең түскен.

Ауыл мен қала

Бір қызығы, ауылды жерлердің тұрғындары негізінен міндетті вакцинацияны қолдайды. Мұнда респонденттердің 61,1%-ы екпе алады.Екпеге қарсы адамдар үлесі 37%. Ал қала...

«ҚазМұнайГаз» ҰК АҚ басқарма төрағасы Асхат Хасенов Жаңаөзенде салынып жатқан жаңа газ өңдеу зауытының құрылысына қатысты жиын өткізді. Ол құрылыс жүргізу кестесін қатаң сақтауды және барлық жұмысты белгіленген мерзімде орындауды тапсырды.

Қазір құрылыс уақытында аяқталу үшін бірнеше кезеңге бөлініп, қатар жүріп жатыр. Зауыт бірінші және екінші деп екі жобаға бөлінген.

«Жалпы, жобалау жұмыстары, жабдық пен материалдарды сатып алу мен жеткізу, сондай-ақ құрылыс-монтаждау жұмыстары 7,1%-ға орындалды, бұл жоспарлы көрсеткіштерге сай келеді. Сонымен қатар негізгі технологиялық тізбек, жалпы зауыттың шаруашылық және әкімшілік-шаруашылық мақсаттағы нысандары бойынша жобалық құжаттама әзірленуде. Болашақ зауыттың 3D модельдеу жұмыстарының 60%-дан астамы аяқталды», – деп жазылған...

Түркістан облысында жанармай бекетінде жарылыс болып, сұйық отын таситын көлік жүргізушісі зардап шеккен.

Облыстық Төтенше жағдайлар департаменті 29 жастағы жүргізушінің жағдайы ауыр екенін хабарлады. Дәрігерлердің айтуынша, оның денесінің 90%-ын күйік шалған.

Оқыс оқиға Тұрбат ауылы маңында тіркелген. Жарылыс жанармай таситын жүк көлігінен сұйық отын төгу кезінде болған. Жалын іргелес үйді, сауда орталығы мен дәріхананы да шарпып, көлемі 855 шаршы метрге дейін жеткен.

Өртті сөндіруге екі сағаттан астам уақыт кеткен. Оған 39-ға жуық құтқарушы, 11-ден астам техника, полицейлер мен әкімдік қызметкерлері жұмылдырылған.

Жарылыс себебі анықталу үстінде.

Бұған дейін, СҚО-да қытайлық компания иелік ететін кәсіпорында жарылыс болып, 9 адам зардап шеккен.

Президент Қ.Тоқаев жуырда ғана Ұлттық қауіпсіз комитетінің құрамына қосылған Сыбайлас жемқорлыққа қарсы іс-қимыл қызметінің директорын тағайындады.

«Мемлекет басшысының өкімімен Нұржан Маратұлы Құсайынов Қазақстан Республикасы Ұлттық қауіпсіздік комитетінің Сыбайлас жемқорлыққа қарсы іс-қимыл қызметінің директоры лауазымына тағайындалды», – делінген Ақорда таратқан ақпаратта.

Қ.Тоқаев 30 маусым күні Сыбайлас жемқорлыққа қарсы іс-қимыл агенттігін Ұлттық қауіпсіздік комитетінің құрамына кіргізу туралы жарлыққа қол қойған. Осылайша, Ұлттық қауіпсіздік комитетінің Сыбайлас жемқорлыққа қарсы іс-қимыл қызметі құрылған.

Соңғы 12 айда қазақстандықтардың 4 пайызы балгерлерге жүгінген. Ал респонденттердің басым бөлігі – 89,1%-ы оларға сенбейді.

Urtg сараптама орталығы әлеуметтік зерттеу жүргізіп, қазақстандықтардың қаншасы балгерлерге, көріпкелдерге сенетінін анықтапты.

Орталықтың мәліметінше, халықтың төрт пайызы оларға сенеді екен.

«Соңғы 12 ай ішінде бал ашу, болашақты болжау, эзотерика және мистикалық тәжірибелер саласындағы қызметтерді ұсынатын адамдарға жүгінгендердің үлесі – 4%», – деп көрсетілген зерттеуде.

Сұралғандардың 89 пайызы сенбейді

Зерттеуге қатысушылардың 2,7%-ы бақсы-құшынаштарға жүгінуден кет әрі емес екенін айтқан.

3,6% респондент мұндай қызметтерге 12 айдан бұрын жүгінген. Ал респонденттердің басым бөлігі – 89,1% – ешқашан мұндай қызметтерд...

Түркістан облысы Ошақты ауылында тұт жібек құртын өсіріп, оны өңдейтін кәсіпорын құрылысын бастады. Жобаны «АСВС Ойл» компаниясы қолға алған. Бұл туралы Ауыл шаруашылығы министрлігі хабарлады.

Жобаға салынатын инвестиция көлемі – 1,78 миллиард теңге. Қазіргі таңда жобаның бірінші кезеңі іске асып жатыр. 60 гектар жерге тұт ағашының көшеттері отырғызылған. Өйткені жібек құртының дернәсілдері осы өсімдік жапырағымен қоректенеді.

Сонымен қатар, компания Қытайлық серіктестермен қосымша тұт ағашы көшеттерін жеткізу туралы келісім жасасқан.

Жобаның алдында 0,5 гектар жерге тәжірибе ретінде тұт ағашы отырғызылып, оның жергілікті климатқа бейімділігі тексерілген болатын. Көшеттер жақсы өсіп, алғашқы өнімін де берген.

Келесі кезеңде инвесторлар тұт жапырағынан...

Астанада бір күнде төрт бала терезеден құлап кетіп, олардың екеуі қаза тапқан. Аман қалған екі баланың жағдайы ауыр. Осыған байланысты елордалық дәрігерлер үндеу жасады.

Балалар әртүрлі биіктен құлаған. 10 және 16-қабаттан құлаған балалар алған жарақаттарынан оқиға орнында көз жұмған. Оның біреуі 3 жаста, екіншісі 6 жаста болған. Тағы екі бала оқиға орнынан жедел жәрдеммен балалар стационарына жеткізілген. Олардың денесінде көптеген жарақат бар. Қазіргі уақытта екі бала да жансақтау бөлімінде жатыр. Мамандар олардың жағдайын ауыр деп бағалап отыр.

Дәрігерлер мұндай жағдайлар көбіне ересектердің салғырттығынан болатынын айтады.

«Ауыр халде түскен балаларды көргенде: «Мұндай жағдайға ересектер қалай жол...