Жаңалықтар

Иранның ядролық қару отын дайындауға арналған Фордо ядролық нысаны тау арасында, жер астында орналасқан. Ғарыштан түсірілген суреттер соған дәлел. Оны Израиль қаруларымен жою мүмкін емес деп топшылайды CNN.

Аса құпия, сыртқ көзден таса жерде орналасқан кешен туралы әлемдік қауымдастық 2009 жылы ғана білді. Фордо Иранның қасиетті Құм қаласына жақын маңда, Тегераннан оңтүстікке қарай шамамен 150 шақырым жерде орналасқан.

Бірнеше жыл бұрын Израиль барлау қызметі осы зауыт туралы құжаттарды ұрлаған. Кешеннің басты нысандары 80-90 метр тереңдікте жатқаны сол кезде ғана мәлім болды. Сол себепті Израиль бізге белгі қаруларымен оны әуеден жоя алмайды деп жазды CNN.

Телеарна сарапшылары дәл осы Фордода...

Қазақстандағы банктер қайталама нарықтағы пәтерлер үшін ипотека шартын өзгертіп жатыр, ал кейбірі уақытша тоқтатты. Kursiv нарықта ипотека беретін ойыншылармен байланысып көрді.

Ипотека беруді уақытша тоқтатты

Ипотекасын уақытша тоқтатқан банктің бірі – NurBank.

«Ипотека өнімі бойынша қаржыландыруды уақытша тоқтаттық. Бұл тек уақытша, өнім қайтадан қолжетімді болғанда сіздерге хабар береміз», – деп жазылған банктің баспасөз қызметі таратқан хабарламада.

Дәл осылай «ЦентрКредитБанкі» де қайталама нарық үшін ипотека беруді үзіліске қойған.

«Заңнамадағы өзгерістерге, атап айтқанда, ең жоғары ЖТСМ мөлшерлемесінің шекті деңгейіне байланысты банк ипотекалық бағдарламалар шарттарын қайта қарауда. Өтінімдерді қабылдау...

Ақмола облысы Далабай ауылының тұрғындары алкоголь өнімдерін сатудан ерікті түрде бас тартты. Бұл туралы облыстық прокуратура хабарлады.

Ауылда «Заң және Тәртіп» идеологиясын ілгерілету мақсатында кездесу өтіп, тұрғындар ауыл аумағында алкоголь өнімдерін сатудан ерікті түрде бас тарту мәселесін талқылаған.

Бастама ауыл ақсақалдарының қолдауына ие болып, олар моральдық құндылықтарды, қоғамдық тәртіп пен өсіп келе жатқан ұрпақтың қауіпсіздігін сақтау маңыздылығын атап өткен.

Кездесу қорытындысы бойынша тұрғындар дені сау және қауіпсіз орта құруға деген ұмтылысты бекіткен хаттамаға қол қойған.

«Жергілікті қоғамдастықтың қолдауы қоғамдық келісімді нығайту мен құқық бұзушылықтардың алдын алу жолындағы маңызды қадам болды. Мұндай бастамалар Қазақстанның түрл...

2025 жылдың қаңтар–мамыр айында Қазақстан экономикасы 6 пайызға өсіп, соңғы он жылдағы ең жоғары көрсеткіш байқатты. Бұл өсімге негізінен мұнай өндіру көлемінің артуы әсер етті. Сонымен қатар, көлік, құрылыс және сауда салаларындағы жандану да экономикалық көрсеткіштерге оң ықпал етті.

Алайда Halykfinance сарапшысы Салтанат Игенбекова бұл өсімнің тұрақты емес екенін, негізінен мемлекеттік шығын есебінен болып отырғанын атап өтті.

«Ұлттық статистика бюросының мәліметінше, қысқа мерзімді экономикалық индикатор – КЭИ (яғни негізгі салалардағы нақты өндіріс көлемінің өзгерісі) 8,6 пайызға артты. Бұл көрсеткіш экономиканың шынайы жағдайын дәл көрсетеді және соңғы он жылда тіркелген ең жоғары деңгей болып...

Бельгиялық компания Қазақстан мен Қытай шекарасында айналма жол салады. Бұл туралы Олжас Бектеновтың Sarens басшысы Людо Саренспен кездесуі кезінде айтылған.

Кездесу барысында «Нұр жолы» өткізу бекетінің айналма жолын салу мәселесін талқылаған. Сонымен бірге тараптап өзара ынтымақтастықты, оның ішінде машина жасау саласы бойынша кеңейту перспективаларын да қарастырған.

«Жоба шекара маңы инфрақұрылымының өткізу қабілетін арттыруға және қолданыстағы көлік ағындарына жүктемені азайтуға бағытталған. Салмағы 100 тоннадан асатын ірі габаритті жүктерді өткізуге арналған ұзындығы 3,2 шақырым және ені 12 метр айналма жол салу, сондай-ақ ауданы 81,6 га көліктерге арналған тұрақтар салу жоспарланып отыр», – делінген баспасөз хабарламасында.

Қаржаубай Нұрымовтың адвокаты Мейірман Шекеев Шерзат ісі бойынша Айтбек Амангелді мен оның командасын қатты сынға алды.

Мейірман Шекеев Айтымның Қаржауға қатысты айтқан сөздері мен өздерін мадақтаған бейнежазбаны жариялады. Сонымен қатар, бұрынғы адвокаттардың мәдениеттілігі мен сауаттылығына күмән келтірді.

«Айтымның айтуынша, Қаржаубайдың өзі кінәлі» дейді. Тапсырыс берушімен орындаушының арасында келісімшарт бұзылып, сенімхат қайтарылып алғаннан кейін, кейбір заңгерлермен адвокаттардың клиентінің артынан сөйлегені қаншалықты мәдениеттілікке және ақылға қонымдылыққа, сауаттылыққа жатады?», – деп сауал тастады Мейірман Шекеев.

Мейірман Шекеев шындықты білу үшін парақшасына тіркелуге шақырып отыр.

«Айтым командасына да, менің командама да бағасын халық береді», – деп мәлімдеді Мейірман...

Америкалық Meta компаниясы алдағы бірнеше айда WhatsApp мессенджеріне бүкіл әлем бойынша жарнама енгізуді жоспарлап отыр. Бұл жайлы компания мәлімдемесіне сілтеме жасаған Financial Times жазады.

«Бизнестен мұндай сұраныс бұрыннан бар. Компаниялар үшін адамдардың жеке кеңістігін сақтау өте маңызды», – дейді WhatsApp-тың бизнес-хат алмасу жөніндегі вице-президенті Никила Сринивасан.

WhatsApp мессенджерінде ақылы арналар пайда болады. Оны жарнамалап, қолданушылар арасында танымал ету үшін ақы төлейді.

Жарнама чаттардан бөлек «Статус» бөлімінде көрсетіледі.

Қазір WhatsApp-ты ай сайын белсенді пайдаланатын қолданушылар саны 3 миллиардтан асады, оның ішінде 200 миллионнан астамы – бизнес өкілдері.

Еске салайық, осыған дейін WhatsApp-та жаңа функция енгізілген...

«Үлкен жетілік» елдерінің көшбасшылары Таяу Шығыста бейбітшілік пен тұрақтылықты қолдайтынын растай отырып, қақтығыста Израильді қолдайтынын мәлімдеді.

G7 елдерінің басшылары Иранды тұрақсыздық аймағы әрі террордың отаны деп айыптады.

«Біз, «Үлкен жетілік» елдерінің көшбасшылары, Таяу Шығыста бейбітшілік пен тұрақтылықты қолдайтынымызды растаймыз. Осыған байланысты біз Израильдің өзін-өзі қорғау құқығын мойындаймыз және елдің қауіпсіздігін қолдайтынымызды қайта мәлімдейміз. Сондай-ақ, бейбіт тұрғындарды қорғаудың маңыздылығын атап өтеміз. Иран — аймақтағы тұрақсыздық пен террордың басты көзі», – делінген ресми мәлімдемеде.

Осы орайда G7 Иранның ядролық қаруға ие болуына қарсы екенін жеткізген. Десе де, көшбасшы елдердің басшылары Таяу Шығыстағы дағдарысты...

Маңғыстаулық блогер Азамат Сәрсенбаев бостандыққа шықты. Ол әкімшілік құқық бұзушылық әрекеті үшін 20 күнге қамалған. Мұны блогердің өзі әлеуметтік желідегі парақшасында жазды.

«Еш себепсіз 20 тәулік әкімшілік қамауда отырып шықтым. Алда әлі талай нәрсені ой елегінен өткізіп, адвокаттарыммен келесі қадамдарымызды талқылауымыз керек… Алда үлкен жұмыс күтіп тұр», – деп жазды блогер.

Айта кетейік, ол бұған дейін Антикор қызметкерінің ар-намысына нұқсан келтірді деп танылып, әкімшілік құқық бұзушылық туралы кодекстің 73-3-бабы бойынша жауапқа тартылды.

Қазақстандықтардың депозиттегі ақшасы жыл басынан бері 1 трлн теңгеге өскен. 2025 жылдың қаңтарында депозитте сақталған қаржы көлемі 40,4 трлн теңге болса, мамырдың соңында ол 41,4 трлн теңгеге жеткен.

Ұлттық банктің дерегіне сәйкес, халықтың депозиттегі қаржысы 22,9 трлн теңгені құраса, 18,5 трлн теңгесі бизнеске тиесілі.

Жеке тұлғалардың банк депозитінде сақтаған ақшасы жыл басынан бері 22,1 трлн теңгеден 22,9 трлн теңгеге жеткен.

Ал заңды тұлғалардың депозиті 5 айда 240 млн теңгеге өскен.

Бұл қаржының 32 трлн теңгесі ұлттық валютада сақталған депозит болса, 9,5 трлн теңгесі шетел валютасында жиналған.

Сәуір айында теңгедегі салымдар 800 млрд теңгеге немесе 2,5%-ға артып, 31,9 трлн

Қазақстан Қытайға 1,5 мың киік сыйламақ. Шығыс көршімізде оның популяциясын қалпына келтіру жұмыстары жүргізіледі.

Қазақстандағы киіктер Қытайдың батыс өңіріне көшірілмек. Қазақстан Президенті Қасым-Жомарт Тоқаев Қытай үкіметіне 1,5 мың киік сыйлау туралы шешім қабылдағанын мәлімдеді. Бұл туралы Ақорда баспасөз қызметі хабарлады.

Мақсат – бұл жануарлардың популяциясын қайта қалпына келтіру. Қытай төрағасы Си Цзиньпин Қазақстан Президентіне осындай шешімі үшін алғыс білдірді.

Қазіргі таңда киіктердің әлемдік популяциясының 98%-дан астамы Қазақстан аумағында шоғырланған. Соңғы жылдары фермерлер киіктердің егістік алқаптарын таптап, зиян келтіріп жатқанын айтып, шағымданып жатыр.

Бүгінде киіктердің саны 4 миллионнан асқан. Әсіресе Батыс, Солтүстік және Орталық Қазақстандағы ауыл шаруашылығына айтарлықтай шығын келтірген.

Бұған...

Шымкентте қыз бен жігіт болып жүруден бас тартқаны үшін қызды пышақтап өлтіріп, мәйітін қорлап, жасырды деген айыппен ұсталған жігіт пен оның сергінің ісі сотта қарала бастады. Басты айыпталушы тағылған айыпты ішінара мойындайтынын айтты, ал екіншісі кінәсін толық мойындайтынын жеткізді. Сот тергеуінде айыптау актісін оқыған прокурор оқиғаның жай-жапсарын айтып берді.

Қылмыстық іс Шымкент қалалық қылмыстық істер жөніндегі мамандандырылған ауданаралық сотында қаралып жатыр. Сотқа айдауылмен жеткізілген 18 жастағы Нұрсұлтан Тойлыбай «Адам өлтіру» және «Өлген адамдардың мәйiттерiн және олар жерленген жерлердi қорлау» бабымен, ал оның серігі 18 жастағы Дінмұхаммед Сейітбек «Қылмысты жасырып қалу» бабымен айыпталған. Сотта айыпталушылар өзін фото-видеоға түсіруге қарсы болды. Прокурор...

Теңіз кен орнынан Атырау қаласы маңындағы зауыттарға екі газ құбырын тартуға арналған тендерге төрт компания қатысады. Жобаға түріктер мен қытайлар таласады. Бұл туралы Қазақстанның мұнай және газ кеңесі Upstream мәліметіне сүйене отырып хабарлады.

Кеңестің мәліметінше, газ құбырлары Атырау маңындағы «Силлено» және KPI зауыттарына тартылады. Тендерді KMG Petrochem жариялаған. Құбырлар сұйытылған этан мен пропан тасымалдайды. Олардың ұзындығы – шамамен 200 шақырым.

Upstream порталының дерегінше, тендерге Қытайдың төрт компаниясы қатысады. Олардың арасында Sinopec Engineering те бар. Ал SMEC қытай компаниясы түріктің Esta Construction компаниясымен бірге тендерге түседі. Бұлардан бөлек байқауға Қытайдың тағы екі мемлекеттік құрылыс компаниясы қатысқалы жатыр.

Тендер...

Қазақстандық 1Fit стартапы шетелде ашқан бизнесін жауып жатыр. Жақында Малайзиядағы кәсібін тоқтатуға тура келген. Бұл жайлы компания басшысы Мұрат Әліханов инстаграмдағы парақшасында жазды.

«Біз 1Fit-ты Малайзияда іске қосқанда, үлкен армандарымыз болған. Фитнестің тек қолданушылары үшін ғана емес, спортзалдар мен студиялар үшін де барынша қолжетімді, ыңғайлы болғанын қаладық. Көп жағдайда бұл қолымыздан келді. Былтыр Малайзиядағы 1Fit қосымшасы арқылы 356 мың жаттығу өткіздік», – деді Әліханов.

Оның сөзінше, компания Куала-Лумпурдағы 600-ден аса студиялар мен спорт залдарымен серіктес болып, бизнесін қолдау үшін 1,2 млн доллар төлеген. Оңтүстік-Шығыс Азия, оның ішінде Малайзия фитнес үшін болашағы зор нары...

Нұрсұлтан Назарбаев халықаралық әуежайының ұшу-қону алаңын жөндеуге 2,77 млрд теңге жұмсалады. Мемлекеттік сатып алу сайтына Астана қаласының басқармасы осындай лот жариялады.

Құжатта айтылғандай, байқауға қатысқысы келетін компаниялар лот құнының 1%-ын өтізуі тиіс. Қызмет түрі ретінде әуежайдың ұшу-қоны алаңын жөндеу деп көрсетілген.

Халықаралық әуежайдың 100% акциясына Terminals Astana Airport Management компаниясы ие. Ол БАӘ-дегі Terminals Holding құрамына кіреді. Компания тағы бір ашу-қону алаңы мен жаңа жолаушы терминалын салуды жоспарлап тұр. Бұл туралы жыл басында астана әуежайы хабарлаған.

2024 жылы халықаралық әуежай 8,3 млн жолаушыға қызмет көрсетті. Бұл 2023 жылмен салыстырғанда 11%-ға артық.

Terminals Astana Airport Limited халықаралық әуежайды дамытуға ...

Қазақстан биыл өндірілетін мұнай көлемін 96,2 миллион тонна деңгейінде қалдыруды жоспарлап отыр. Бұл туралы Энергетика министрі Ерлан Аққенженов мәлімдеді.

«Біз әзірге осы жоспардан айныған жоқпыз», – деді министр журналистерге берген сұхбатында.

Бұл – елдегі мұнай өндірісі биылғы жоспар бойынша жүреді деген сөз.

Министрлік бұған дейін мұнай өндіру жоспарында ОПЕК+ ұйымы алдындағы міндеттемелер ескерілмегенін мәлімдеген. Дегенмен Қазақстан өзінің квотасы аясында жұмыс істеуін жалғастырады.

АҚШ президенті Дональд Трампқа тиесілі Trump Organization компаниясы Trump Mobile атты жаңа мобильді байланыс қызметін іске қоспақ. Сондай-ақ T1 Phone смартфонын Бұл жайлы компания басшысы, президенттің ұлы Эрик Трамп айтты.

Trump Mobile қызметі MVNO (виртуалды оператор) моделінде жұмыс істейді және АҚШ-тың үш ірі байланыс операторы, AT&T, Verizon және T-Mobile желілері, арқылы қызмет көрсетеді.

Пайдаланушылар Trump Mobile-ды арнайы T1 Phone арқылы немесе өзге смартфондармен де пайдалана алады.

Басты тарифтік жоспар – «47 Plan» деп аталады, ай сайынғы төлемі – 47,45 доллар. Бұл атау Дональд Трамптың АҚШ-тың 45-ші және 47-ші президенті болуына сілтеме жасайды.

Еске салайық, мамырда Дональд Трамп Apple компаниясына...

Актер Шәріп Серіктің сотталған Қуандық Бишімбаевпен бірге отырғаны бейнеленген сәті көрсетілген сатиралық видео тараған еді. Содан кейін Серік AI-видеоны жасаған авторға қарсы арыз жазған.

Полиция контентмейкер Арман Тұрлыбековтің жұмысын тексерді. Ол «Бишімбаев түрмеде Шәріп Серікті жұбатып отыр» деген видео жасаған. Бұл видео Шәріп Серіктің бұрынғы сүйіктісі актердің қол көтергенін мәлімдегеннен кейін жарияланған. Видеодағы жазбада Тұрлыбеков: «Зорлық-зомбылыққа жол жоқ» деп жазған.

2024 жылдың 28 сәуірінде Шәріп Серік Тұрлыбековке қарсы полицияға арыз жазды. Серіктің айтуынша, жасанды интеллект көмегімен жасалған видео оның намысына тиген. Актер өзін Бишімбаевпен салыстыруды мүлде орынсыз деп есептейтінін айтып, «мен екінші Бишімбаев бола алмаймын, өйткені бұл – оны...

Алматы қаласы әкімінің баспасөз қызметі М. Әуезов атындағы Қазақ ұлттық драма театры жөндеу жұмысы аяқталғаннан кейін қандай кейіпке енетінін көрсетті.

Әкімдік мәліметінше, театрдың қасбеті жаңартылып, ішкі кеңістіктер, оның ішінде аспашамдар, барельефтер мен еден жабыны қалпына келтіріледі.

«Барлық жұмыс театрдың тарихи келбетін сақтай отырып жүргізіледі. Сахналық жабдықтар жаңартылып, репетицияға, қызметкерлердің жұмысы мен декорация сақтауға арналған бөлмелер жасалады», делінген әкімдік хабарламасында.

Қала әкімдігі театр айналасындағы аумақ көркейтіліп жатқанын атап өтті. Онда ұлттық өрнектермен безендірілген элементтер, музыкалық аспап пішініндегі шағын сәулет нысандары орнатылып, сәндік алма ағаштары егілмек.

Бұған дейін, Алматының қала құрылысын бақылау басқармасы «Ақсай-4» шағынауданында орналасқан...

«Самұрық-Қазына» Ұлттық әл-ауқат қоры «Бәйтерек» басқарушы холдингіне 50 млрд теңге қарыз береді. Қазақстан қор биржасының (KASE) сайтында жариялаған ақпаратқа сәйкес қарыз 30 жылға рәсімделмек.

Бұл қарызды «Бәйтерек» холдингі 30 жылға арзан пайызбен алады. Жылдық сыйақы мөлшерлемесі жылына небәрі – 0,1%. Сыйақы жылына бір рет, ал қарыздың негізгі сомасы мерзім соңында қайтарылады. Қарыз кепілсіз беріледі.

Қор ақпаратына сәйкес, бұл қаржы экономиканың маңызды салаларын қаржыландыруға бағытталады. Атап айтқанда, кәсіпкерлікті қолдау, тұрғын үй құрылысы мен ірі инвестициялық жобаларды жүзеге асыру көзделіп отыр.

«Бәйтеректің» жоспарлары қандай?

2025 жылы «Бәйтерек» холдингі 8 трлн теңгені кәсіпкерлікті дамыту, тұрғын үй салу және инвестициялық жобаларға...

Алматыда IQanat Олимпиадасының финалы басталды. Қазақстанда бір жылдан бері өткізіліп келе жатқан білім жарысы өз межесіне жақындады. 50 мыңнан астам сегізінші сынып оқушысы қатысқан жарыста мың бала суырылып шығып, финалист атанды.

Іріктеудің жаңа стратегиясы

Енді IQanat финалистері эмоциялық интеллект, көшбасшылық және кәсіпке бейімділік бойынша тест тапсырады. Балалар осылайша жаңа стратегия арқылы іріктеледі. Көп жағдайда баланың жетістіктерін мектеп пәндері бойынша білімі емес, «soft skills» дағдылары айқындайды. Осылайша, биылдан бастап қорытынды тестілеудің академиялық бөлігі 80%-ды құраса, қалған 20% бөлігі «жұмсақ» дағдыларға тиесілі болады.

«Біздің міндетіміз – балалардың арасынан ең ақылдыларды емес, ең ынталы, бастамашыл және...

Қостанайда колледж студенттерін емтиханнан военкоматқа алып кетті. Әскерилер емтиханның аяқталуын аудитория мен дәлізде күткен.

Қостанайдағы құрылыс колледжіне әскери комиссариаттың бір топ өкілі студенттер емтихан тапсырып жатқанда аудиторияға кіріп келген.

Желіде тараған видео авторының айтуынша, бұл студенттердің қорытынды емтиханы болған. Оқу 30 маусымға дейін жалғасуы тиіс. Бұған қарамастан, 3-курс студенттері әскерге топ-тобымен әкетілген.

«Максим Громадиннің анасымын. Бүгін баламды емтиханға шығарып салдым. Олар әлі колледж оқушысы. Ертең екінші емтиханы бар. Балалар колледжге келсе, военкомат автобусқа тиеп жатыр. Емтихан үстінен алып кетіп жатыр. Бұл не? Не болып жатыр?» – дейді қостанайлық тұрғын Ирина Готкова.

Әскерилер болса, балаларды...

Астана қаласында Орталық Азиядағы алғашқы Tier 4 деңгейіндегі дата-орталықтың құрылысы басталды. Бұл орталық AKASHI DATA CENTER компаниясына тиесілі. Жоба елге үлкен пайда әкеліп, 10 мыңға дейін жаңа жұмыс орнын ашуы мүмкін. Бұл туралы компанияның бас директоры Владислав Минкевич айтты.

Не үшін қажет?

Қазір Қазақстанда деректер сақтайтын серверлер жетіспейді. 2024 жылдың соңында елде 3800 сервер сөресі болғанымен, олар толып кеткен. Жаңа орталықта 4000 сөре болады. Бұл – бизнес, интернет қызметтері және мемлекеттік жүйенің жақсы жұмыс істеуіне көмектеседі.

Tier 4 деген не?

Tier 4 – бұл дата-орталықтардың ең сапалы деңгейі. Ондай орталықтар жылына бар-жоғы 26 минут қана тоқтауы...

Ұлттық банктің хабарлауынша, 2025 жылғы мамыр айында Қазақстанда инфляция деңгейі 11,3%-ға жетті. Ақша құнсызданып, тауардың қымбаттау көрсеткіші сәуірде 10,7% болған.

Қадағалаушы мекеме жылдық инфляция республиканың 16 өңірінде өскенін, үш өңірде баяулап, бір өңірде бұрынғы деңгейде сақталғанын анықтады.

Алматы қаласында инфляция көрсеткіші 13% болды.

Мамыр айында азық-түлік тауарлары 9,6%-ға дейін көтерілді. Сәуірде мұндай көрсеткіш 8,5% болған. Әсіресе Ақмола облысында (11,4%) азық-түлік қатты қымбаттады. Алматы қаласында (8%) айтарлықтай қымбат.

Биыл мамырда азық-түлікке жатпайтын басқа да тауар бағасы 9%-ға көтерілген. Әсіресе Түркістан облысында (14,2%) тауар қымбат. Павлодар облысында (5,4%) аса қымбат емес.

Ақылы қызметтердің бағасы да 16%-ға дейін өсті. Сәуірде 15,7% болған. Қызмет көрсету құны Алматы қаласында...