Жаңалықтар

«Отбасы банкке» IPO-ға шығуға әлі ерте. Бәсекелестікті қорғау және дамыту агенттігі осындай ұйғарым жасады.

Жекешелендіру жөніндегі Ұлттық кеңсенің отырысы өтіп, «Самұрық-Қазына», «Бәйтерек» холдингінің IPO-ға шығу мәселелері талқыланды. Кеңсе мүшелері компанияларды жекешелендіру алдында бұрын реттеу саясатымен жұмыс істеу керек деген пікірде.

««Самұрық-Қазына» тобының бірқатар компанияларының (осы компаниялардың) ішінде бар табиғи монополиялар субъектілері бөлігінде IPO-ға мерзімінен бұрын шығу туралы алаңдаушылық айтылды. Бұл, атап айтқанда, ҚТЖ тобы. Сондай – ақ, бірінші кезекте осы активтерді реформалау бойынша қабылдануы тиіс реттеуші шешімдер талқыланды, содан кейін-акционерлеуге көшу. Бұл тәуекелдер алаңдаушылық ескерілді», – деді Бәсекелестікті қорғау және дамыту Агенттігінің Төрағасы Марат Омаров.

Президент Қасым-Жомарт Тоқаев Алматы әкімі Ерболат Досаевты қабылдады. Бұл туралы Ақорда хабарлады.

Әкім Алматы қаласында қаңтар-ақпан айларында қысқа мерзімді экономикалық индикатордың 7%-ға артқанын айтқан. Сонымен бірге жыл қорытындысы бойынша өңірлік жалпы өнім көрсеткіші 6,4%-ға өседі деп болжанады.

«Жыл соңына дейін құны 450 млрд теңгеден астам қаражатқа 33 жаңа инвестициялық жоба іске асырылады. Биыл жалпы инвестиция көлемі 2,2 трлн теңгеге жетіп, өткен жылмен салыстырғанда 10%-ға артады», – деді Досаев.

Әкім биылдан бастап, аулалар, көше-жол желілері мен жасыл аймақтарды кешенді түрде күтіп, баптау үшін үш жылдық келісімшарт тәсілі енгізілгенін айтқан.

Сонымен бірге президенттің қаладағы...

Қостанай қаласындағы өндіріс аймағында салынып жатқан KIA автокөлік өндіру зауыты 2025 жылғы қазанда іске қосылады.

Үкіметтің мәліметінше, инвестор жобаға 90 млрд теңге көлемінде қаражат бөлді. Бұған қоса, билік өндіріс аймағының инфрақұрылымын дамытуға 6,5 млрд теңгеден аса қаржы аударды. Премьер-министр Олжас Бектенов тиісті қаулыға қол қойды.

«6 млрд 560 млн теңге көлеміндегі қаражат Қостанай қаласындағы индустриялық аймақта KIA автокөлігін өндіретін зауытқа кірме жолдары мен 3-ші санаттағы теміржолдарды салуға бағытталады», – деп хабарлады Үкіметтің баспасөз қызметі.

Зауыт бір жылда шамамен 70 мың автокөлік құрастырады.

Қазір зауытты 500-ден аса адам салып жатыр. Жоба аясында барлығы...

Қазақстанда 87 мың Ресей азаматы жұмыс істеуге және тұрақты тұруға рұқсат алған. Бұл туралы Орталық коммуникациялар қызметінде Ішкі істер министрлігі Көші-қон комитетінің төрағасы Аслан Аталықов айтты.

Комитет басшысының айтуынша, соңғы жылдары Қазақстанға келетін шетелдіктер саны артқан. 2024 жылы елге 15 млн-нан астам шетелдік кіріп шыққан. Бұл көрсеткіш 2023 жылмен салыстырғанда 1 млн-ға артық екен.

«Биыл Қазақстанға 2,8 млн шетел азаматы кірген. Келушілердің 40%-ы Өзбекстан азаматтары, екінші орында Қырғызстан азаматтары, одан кейін Ресей азаматтары», – деді Аслан Аталықов.

Айтуынша, олардың барлығы елде қалмайды. Десе де, елде тұрақты жұмыс істейтін шетелдіктер баршылық. Қазіргі таңда Қазақстанда...

Қазақстанда бірқатар футбол клубтары жекеменшікке берілуі мүмкін. Бұл бастама елдегі квазимемлекеттік сектор объектілерін жекешелендіру аясында жүзеге аспақ.

Бәсекелестікті қорғау және дамыту агенттігінің мәліметіне сәйкес, жекешелендіруге ұсынылған спорттық ұйымдардың қатарында келесі клубтар бар:

Аталған тізім Бәсекелестікті қорғау және дамыту агенттігі дайындаған 461 нысаннан тұратын кешенді тізімге енгізілген. Бұл тізімде сондай-ақ отын-энергетика саласынан бастап агроөнеркәсіп, білім және БАҚ салаларына дейінгі түрлі объектілер қамтылған.

Жекешелендіру қашан іске асады?

Агенттік төрағасы Марат Омаровтың мәліметінше, тізімдегі нысандар алдымен Жоғары реформалар кеңесіне ұсынылады, кейін оларды жекешелендірудің кешенді жоспарына енгізу жоспарланған. Бұл жұмыстар 2028 жылдың соңына дейін бақылауда...

Тараз жақта тағы жер сілкінді. Бұл туралы Еуропа-Жерорта теңізі сейсмологиялық орталығы хабарлады.

Орталық мәліметінше, жер сілкінісі жергілікті уақыт бойынша 15:56-да тіркелген. Жер сілкінісінің ошағы Тараз қаласының шығысында, 84 км қашықтықта тіркелген. Жер асты думпулері 8 км тереңдікте болған. Ал қуаты 4,7 балды құраған.

Төтенше жағдайлар министрлігі жер сілкінісі кезінде зардап шеккендер тіркелмегенін хабарлады.

«ҚР ТЖМ «СБЗҰГО» ЖШС сейсмикалық станциялар желісімен 2025 жылғы 28 наурызда Астана уақытымен 16 сағат 00 минутта жер сілкінісі Жамбыл облысында тіркелді. Есептік қарқындылығы нақтылануда. Жер сілкінісінің ошағы Қырғызстан аумағында орналасқан. Зардап шеккендер мен қираулар туралы мәлімет түскен жоқ», – делінген...

Аз уақытта жасанды интеллект саласын дамытуға талпынған 29 жаңа кәсіпкердің жалпы табысы 71 млрд доллар болды. Bloomberg жаңа буын миллиардерлерін санап, табысына талдау жасады.

Жасанды интеллект байларын қозғаушы күш

2022 жылдың аяғында ChatGPT-ді көпшілікке таныстырған OpenAI құны 300 млрд долларға жетіп, әлемдегі ең қымбат стартаптардың бірі атануға дайын.

Осы компаниясының бұрынғы қызметкерлері 2021 жылы құрған Anthropic 60 млрд доллар тұрады.

Safe Superintelligence 2024 жылғы қазан айында ғана іске қосылғанның өзінде құны 32 млрд долларға жетіп үлгерген. Осындай мысалдардың бәрі миллиардерлердің жаңа буынын туғызуға сеп болды.

Бүгін – бар, ертең – жоқ

Агенттік мәліметінше, ЖИ-мен айналысатын...

Елімізде бір жылда 41 318 адамнан қатерлі ісік анықталды. Бұл туралы Денсаулық сақтау министрлігі KursivMedia ресми сауалына берген жауабында мәлімдеді.

«2024 жылдың қорытындысы бойынша қатерлі ісікпен сырқаттану 100 мың адамға шаққанда 205,1-ді құрады, алғаш тіркелген жағдай – 41 318. 2023 жылы 41 519 жағдай тіркелді», – деп жауап берді министрлік.

Ел бойынша 230 мыңнан аса адам онкологиялық аурумен ауырады. 2023 жылы бұл 218 186 науқасты көрсеткен. Өткен жылмен салыстырғанда өсім 5,9%-ды құрады.

Онкологияның қай түрі жиі кездеседі?

Қатерлі ісік түрлеріне келсек, Қазақстанда бірінші орында сүт безі обыры тұр. Жалпы науқастардың 13,7%-ы сүт безі обырына шалдыққан...

Әлеуметтік желіде Алматының бұрынғы әкімі Бауыржан Байбектің Жапонияда жүрген сәті бейнеленген суреті тарап кетті.

Bakordamems парақшасының жазуынша, Бауыржан Байбек «сакура гүлдеген маусымды тамашалауға келген».

Еске сала кетейік, Бауыржан Байбек 2015–2019 жылдар аралығында Алматы қаласының әкімі қызметін атқарды. Бұған дейін және кейінірек (2013–2015, 2019–2022) Nur Otan партиясы төрағасының бірінші орынбасары болды. 2022 жылғы Қаңтар оқиғаларынан кейін көпшілік алдында көрінбей кетті.

Көз тиюді түкіріп жазуға болады деп көп адамның сенетіні құпия емес. Көп ата-ана нәрестесі ызбайланса, түкіртетін адам іздей бастайды.

Дәрігерге жүгінудің орнына дереу «түкіріп беретін апа-аталарды білесің бе» деп таныстарынан сұрайды. Бұл ежелден келе жатқан наным-сенімнің бірі ме, әлде ғылымға әлі беймәлім құбылыс па?

Түкіріп жаза алатын адамдар

Көз тиюді түкіріп жазуға болады деп сенетіндер, әсіресе, оңтүстік өңірде көп кездеседі. Сондықтан мұндай «ерекше қабілетке ие» адамдардың да қарасы аз емес. Әр ауылда, әр қалада бар. Олар бұл қасиеттің ұрпақтан-ұрпаққа беріліп келе жатқанына сенеді.

«Кішкентай бала мазасызданып, ауырып тұрса, түкіріп, көмектескім келеді. Бірақ өзіме баруға...

19 наурызда Түркия астанаса Ыстанбұлда миллиондаған халық көшеге шықты. Шеру он күн бойы әлі басылған жоқ. Түркиялықтар қала мэрі Экрам Имамоғлудың тұтқындалуына наразылығын білдірді. Қазір Ыстанбұл көшелеріндегі жағдай қандай? Түркиялықтар Эрдоған мен Экрам Имамоғлу жайлы не ойлайды? Kursiv Media материалын ұсынамыз.

Түркия – қазақстандықтар үшін ең танымал бағыттың бірі. Көктемде Ыстанбұлға барушылардың қарасы көбейеді. Дана жеті жылдан бері Түркияға туристер апарады. Осы жылы наурыздағы сапары қаладағы көтеріліспен тұспа-тұс келді.

«Біз барған күні таңертең Экрамды қамады, сол күннен бастап елде митинг басталды. Алдымен Экрамның жақтастары көшеге шығып бастады, артынан қарапайым халық қосылды. Бірақ барлығы біз ойлағандай...

Алматы – Ош бағытында жаңа әуе рейсі ашылады. Бұл туралы Көлік министрлігінің Азаматтық авиация комитеті хабарлады.

Баспасөз қызметінің хабарлауынша бұл бағыттағы рейстер осы жылдың 28 мамырынан бастап ұша бастайды. Бұл бағытта «Эйр Астана» компаниясының әуе кемелері қатынайтын болады.

Рейстер аптасына 4 рет, сейсенбі, сәрсенбі, жұма және жексенбі күндері ұшады. Нәтижесінде Қазақстан мен Қырғызстан арасында ұшатын рейстер саны аптасына 7-ден 11-ге дейін артады.

«Әуе қатынасының ашылуы екі ел арасындағы сауда-экономикалық, іскерлік және туристік ынтымақтастық дамуына ықпал етеді. Көлік министрлігі тұрақты негізде рейстердің ұшу географиясын кеңейту үшін және жолаушылардың тұрақтылығы үшін рейстер санын көбейту...

29 наурызда Алматы қаласында Қазақстан Президенті Қасым-Жомарт Тоқаев пен Өзбекстан Президенті Шавкат Мирзиёевтің бейресми кездесуі өтеді. Бұл туралы Ақорда ресми түрде хабарлады.

Келіссөз барысында тараптар стратегиялық серіктестік пен одақтастық қатынастарды одан әрі нығайтудың жолдарын, сондай-ақ өңірлік өзекті мәселелерді талқылауды жоспарлап отыр.

Сонымен қатар, президенттер Алматыдағы бірқатар нысандарды аралап көреді. Атап айтқанда, қос мемлекет көшбасшылары жасанды интеллектке арналған заманауи көрмені тамашалайды.

Қазақстандық нарыққа арналған Kia автокөліктерінде қазақ тіліндегі мәзірі пайда болды. Бұл туралы Kia брендінің Қазақстандағы ресми дистрибьюторы – Allur Motor Qazaqstan (Allur автокөлік компаниясының құрамында) хабарлады.

Мультимедиа жүйесінің мәзірін орнату жұмыстары қазірдің өзінде басталып кеткен. Қазақ тіліндегі мәзір ең алдымен Kia K5 бизнес-седанынан бастап енгізілуде.

«Бұл қадам қазақстандық клиенттердің қажеттіліктерін барынша қанағаттандыру үшін Kia автомобильдерін бейімдеу үдерісіндегі маңызды кезең болды. Қазақстанда шығарылатын Kia көліктеріне 5 жыл немесе 150 000 км жүріс кепілдігі беріледі»,–делінген хабарламада.

Kia Corporation компаниясының негізі 1944 жылы қаланған. Бүгінде Kia 190-нан астам елде жыл сайын шамамен 3 миллион автокөлік сатады.

Kia...

«ҚазМұнайГаз» ұлттық компаниясы мұнай өңдеу зауытының үлесі жеке қолға, мәселен Ресейдің «Татнефть» компаниясына өтуі мүмкін екенін растады.

ҚМГ-ның хабарлауынша, Павлодар және Атырау мұнай өңдеу зауыттарының үлесін жекешелендіру – Бәсекелестікті қорғау және дамыту агенттігінің ұсынысы. Ұлттық компания жекешелендіру ісі бірнеше жылға созылуы мүмкін екенін ескертті.

Сонымен бірге ҚМГ мәліметінен мұнай өңдеу зауыттарының бірінің үлесі Ресейдің «Татнефть» компаниясына өтуі мүмкін екені белгілі болды.

«ҚМГ елімізде мұнай-газ химиясы саласын жан-жақты дамытып, барлық өндіріс тізбегін бірлесіп құру үшін серіктестермен ынтымақтастық орнатуға ашық компания екені белгілі. Осыған байланысты алыс және жақын шет елдердің түрлі компаниялары, соның ішінде «Татнефть» ЖАҚ қарастырылып...

Air Astana мен SCAT әуе компанияларының жолаушылары 28 наурыз түннен таңға дейін өз рейстерін тосқан. Ұшақтардың неге кешіктірілгенін KursivMedia редакцияcs Air Astana компаниясынан анықтап сұрады.

Компания баспасөз қызметінің хабарлауынша, К193 рейсі техникалық себептерге байланысты Алматы әуежайына шұғыл қонуға мәжбүр болған.

«28 наурызда Алматы-Нячанг бағыты бойынша түнгі К193 рейсін орындаған Air Astana ұшағы техникалық ақауға байланысты Алматы әуежайына шұғыл қонды. Терминалда рейсті күту кезінде жолаушыларға ыстық тамақ пен сусындар, трансфермен және қонақүймен қамтамасыз етілді», – делінген баспасөз хабарламасында.

Әуе компаниясы түнімен өз рейсін күткен жолаушылардың 7:15-те басқа ұшаққа отырғызылғанын хабарлады.

SCAT әуе компаниясы...

28 наурызда Оңтүстік-Шығыс Азияда ірі жер сілкінісі болды. Оны Мьянма, Таиланд және Қытайдың оңтүстігіндегі тұрғындар сезді. Бангкок қаласында 30 қабаттық ғимарат құлады.

Дүмпу ошағы Мьянмада тіркелді. Алғашқы дүмпу магнитудасы 7,7 балл болды. Ол Сикайн қаласынан 16 км жерде, 10 км тереңдікте тіркелді.

Бірнеше минуттан соң жер тағы да сілкінді. Бұл жолы оның магнитудасы 6,9 балл болды.

Жер сілкінісі салдарынан Таиланд астанасында жаңадан салынып жатқан 30 қабаттық тұрғын үй құлап түсті. 300 жұмысшының тағдыры әзірге белгісіз. Мәліметтерге қарағанда, құрылыста кем дегенде бір адам қаза тапқан, тағы 43 адам із-түссіз жоғалған.

Билік елдегі әуежайлар жұмысын шектеп, Бангкокта төтенше жағдай жариялады. Халы...

2025 жылдың 28 наурызынан бастап KASE басқарма төрайымы Алина Алдамбергеннің өкілеттігі оның өз бастамасы бойынша мерзімінен бұрын тоқтатылды. Қор биржасының баспасөз қызметі осындай хабарлама таратты.

«Биржаны басқарған тоғыз жыл ішінде Алина Алдамберген Биржаның ауқымды технологиялық трансформациясын, халықаралық аренадағы позициясын нығайтуды және жаңа қаржы құралдарын енгізуді қамтамасыз ете отырып, KASE-ні дамытуда маңызды рөл атқарды. Оның стратегиялық пайымдауының арқасында KASE әлемдік стандарттарға сәйкес келетін жоғары технологиялық сауда-саттық платформасына айналды», – деп жазылған қордың Алина Алдамберген жайлы хабарламасында.

Алина Алдамбергеннің басшылығымен:

Атырауда Қазақстанның мемлекеттік туын ұстап фотоға түскен ниқабтағы төрт қызға қылмыстық кодекстің мемлекеттік рәміздерді қорлау бабы бойынша қылмыстық іс қозғалды. Олардың кінәсі дәлелденсе, күдіктілер екі жылға дейінгі мерзімге бас бостандығынан айырылуы мүмкін, деп хабарлайды KursivMedia.

Қылмыстық кодекстің 372-бабы (Мемлекеттік рәміздерді қорлау) санкциясында 3 000 АЕК-ке дейінгі (1 1 796 000 теңге) мөлшерде айыппұл салынуы мүмкін не сол мөлшерде түзеу жұмыстарына тарту көзделген. Сондай-ақ 900 сағатқа дейінгі мерзімге қоғамдық жұмыстарға тартылады. Заңға сәйкес, мемлекеттік рәміздерді қорлағандар 2 жылға дейiнгi мерзiмге бас бостандығын шектелуі не сол мерзiмге бас бостандығынан айырылуы мүмкін.

Айта кетейік, бұған дейін фотодағы төрт күдікті де анықталып, полиция бөлімшесіне...

Алматы облысы Көлсай көліне жақын орналасқан Саты ауылында зираттарды қиратқан адам ұсталды. Ауыл тұрғыны «дінге қайшы» деген желеумен марқұмдардың басына қойылған құлыптастарын талқандап тастаған. Бұл жайында журналист Диас Нұрақын әлеуметтік желідегі парақшасында мәлімдеді.

Оның айтуынша, Саты ауылында соқыр сенім кезіп жүр. Ер адам ерсі қылығымен тұрғындардың ашу-ызасын тудырған.

«Осы ауылдың бір жігіті «дінімізге қайшы» деген желеумен зиратты талқандап тастапты. Өлген адамдардың құлыптастарын қиратып, жан-жаққа лақтырып кеткен. Жақындарының қабірі қорланғанын көрген аядай ғана ауыл тұрғындары ашулы», – деп жазды ол.

Тик-ток имамдар мен уағызшыл ұстаздардың кесірі…

Диас Нұрақын әсіредіншілердің кесірінен ел арасына ірітк...

Биыл Қазақстан экономикасының аяқ алысы жаман емес, бірақ инфляция көрсеткіші алаңдатады. Дүниежүзілік банктің қаңтар-ақпан айларына арналған есебінде осындай баға берілген.

Іскерлік белсенділік индексі

Қаржы мекемесінің мәліметінше, Қазақстанда 2025 жылдың басында өнеркәсіпте, сонымен бірге бірге қызмет көрсету саласында да өсім байқалады.

Іскерлік белсенділік индексі (PMI) қаңтарда 50,4 болса, ақпанда 51,3-ке дейін көтерілген. Осының өзі экономиканың кеңейгенінен хабардар береді.

Ал өңдеуші өнеркәсіпте PMI көрсеткіші 54-ке, қызмет көрсету саласында 50,6-ға жеткен. Дегенмен жұмыс күші мен шикізат шығынының өсуі компанияларды алаңдатып отыр.

Инфляция жоғары

Ақпан айында жылдық инфляция 9,4%-ға дейін көтерілді. 2024 жылғы желтоқсанда 8,6% еді. Алайда азық-түлік 6,5%-ға...

Мьянмада жер сілкінді. Жерасты думпулерінің магнитудасы 7,7 балды құраған. Бұл туралы АҚШ-тың Геологиялық қызметі хабарлады.

Жерасты дүмпулері Мьянма елімен қатар, Бангладеш, Үндістан, Таиланд, Лаос және Қытайда сезілген. Жер сілкінісінің магнитудасы кей ақпараттарда 7,7 балға жеткені айтылады. Ал АҚШ геологиялық қызметінің сайтында жер сілкінісінің қуаты 6,4 балды құрағаны жазылған.

Зілзала жергілікті уақыт бойынша 12:32-де болған. Ал эпицентрі Мьянманың Сагайна елдімекенінің оңтүстік-шығысында, 18 шақырым жерде, 10 км тереңдікте тіркелген.

Reuters басылымының хабарлауынша, бұл жер сілікінісі Таиланд халқының да үрейін алған. Бангкок және Янгон қалаларында халық қатты дүрлігіп, үйлерінен қашып шыққан. Бангкокта құрылысы жүріп жатқан ғимараттың құлағаны туралы ақпарат...

Halyk Bank директорлар кеңесі акционерлерге 2024 жылдың қорытындысы бойынша бір акцияға 29,64 теңге көлемінде дивиденд төлеуді ұсынады. Бұл туралы 2025 жылдың 30 сәуірінде өтетін жылдық жалпы жиналыстың күн тәртібінде айтылған деп хабарлайды Қазақстанның миноритарлық акционерлер қауымдастығы (QAMS).

Банктің айналымдағы 10,9 млрд акциясын ескерсе, дивидендтер бойынша жалпы төлем сомасы 322,6 млрд теңгеге жетеді. Бұл Halyk Bank-тің 2024 жылғы 921 млрд теңге таза пайдасының шамамен 35%-ын құрайды.

Акционерлерге дивиденд төлеу 2025 жылдың 22 мамырында басталады.

Егер 2025 жылдың екінші жартысында макроэкономикалық жағдай тұрақты болып, сыртқы факторлар айтарлықтай өзгермесе, банк өткен жылдардағы бөлінбеген таза табыстан қосымша дивиденд төлеу мәселесін қарастыруы мүмкін.

Halyk...

Hyundai Motor Group, Samsung Electronics және LG Electronics сынды Оңтүстік Кореяның ірі технологиялық және өнеркәсіптік алпауыттары Ресей нарығына қайта оралу мүмкіндігін қарастырып жатыр. Бұл туралы The Korea Times басылымы хабарлады.

Компания өкілдері санкциялардың жұмсаруы мүмкін деген ақпаратқа байланысты жағдайды жіті бақылап отырғандарын мәлімдеген. LG Electronics компаниясының бас директоры Чо Джу-ван:

«Санкциялар алынған жағдайда жұмысымызды қайта бастауымыз мүмкін», – деп мәлімдеді.

Басылым мәліметінше, Ресей мен Украина арасындағы бітім келіссөздері жандана бастаған тұста, оңтүстіккореялық компаниялар Ресейдегі қызметтерін қайта жандандыру бойынша техникалық-экономикалық негіздемелерін жылдамдатқан.

LG Electronics — қайта оралуға дайын тұрған бірінші компания. Мәскеудегі зауытта өндіріст...