Жаңалықтар

Қазақстандық топ-модель Гүлсезім Алтайбекова жәбірленушіге өтемақы төлеумен қатар, бір ай бойы бас бостандығынан айырылды.

Ақпаратты Гүлсезім Алтайбековамен жанжалдасқан ресейлік блогер Карина Фадеева әлеуметтік желідегі парақшасында хабарлады. Ол осы жағдай «бәріне сабақ болар деген үміттемін» деген сипатта жазба қалдырған.

Индонезия билігі Бали аралындағы барлардың бірінде болған оқиғаға байланысты тексеру басталғанын бұған дейін жазған едік.

Аif.ru басылымының жазуынша, оқиға 10 қаңтарға қараған түні Бадунг ауданында болған. Фадеева достарымен бірге барлардың бірінде жарақат алған. Полиция күдіктіні ұстаған. Ол – 2022 жылғы «ТМД аруы» байқауына Қазақстан атынан қатысқан, бірнеше жыл бұрын Балиге қоныс аударған топ-модель Гүлсезім Алтайбекова.

Фадееваның айтуынша...

АҚШ-тың сирек жер металдарын қайта өңдеумен айналысатын REAlloys компаниясы Қазақстандағы AltynGroup Qazaqstan компаниясымен ұзақ мерзімді әріптестік және стратегиялық инвестициялар жөнінде келісімдерге қол қойды.

Халықаралық дереккөздердің мәліметінше, тараптар Қазақстаннан АҚШ-қа сирек жер металдарын жеткізуге арналған 10 жылдық жоспарды бекіткен.

Келісім аясында REAlloys пен AltynGroup Қазақстандағы сирек кездесетін кен орындарын анықтау және игеру бағытында бірлесіп жұмыс істейді. Өндірілген шикізат өңделіп, тазартылғаннан кейін Солтүстік Америкадағы REAlloys кәсіпорындарына жөнелтіледі.

Жобаның негізгі шикізат көзі Қарағанды және Қостанай облыстарындағы «Көкбұлақ» кен орны болмақ.

Аумағы шамамен 127 мың шаршы шақырымды қамтитын бұл кен орнында 350 млн тоннадан астам темір рудасы бар. Сонымен...

Танымал қазақстандық блогер Камилла Теңлікова 18+ контент жариялайтын жабық арнасы барын мойындады. Бұл туралы блогер «Фирсов» YouTube арнасына берген сұхбатында айтты.

18+ арнасы

Блогердің айтуынша, Telegram желісінде Tenli Fans атты ақылы жазылым арқылы кіретін арна жұмыс істейді. Онда өзінің интим фото мен бейнематериалдарын жариялап отырады.

«Менің жабық Telegram-арнам бар. Онда 18+ форматтағы сурет пен видеоларымды жариялаймын. Бұл арнаның ашылғанына біраз уақыт болды. Бірақ жазылушылар саны ешқашан мыңнан асқан емес», – деді блогер.

Әншілік пен блогерлік

Камилла Теңлікова бұл жобаны шағын табыс көзі ретінде қарастыратынын жасырмады. Оның айтуынша, блогерлік пен музыка саласы...

Қатты боран салдарынан бірнеше өңірде жолдар жабылды. Құтқарушылар жетуі қиын аумақтарға барып, 44 адамды эвакуациялады, олардың ішінде бес бала бар деп хабарлайды Төтенше жағдай министрлігі.

Әсіресе, Жетісу облысында жағдай қиын болған. Алакөл ауданында автожолдарды қар басып, қозғалыс тоқтады. Үшарал – Достық тасжолында 11 жүк көлігі мен алты жеңіл автокөлік қар құрсауында қалды. ТЖМ қызметкерлері екі баланы қоса алғанда 32 адамды жылыту пунктіне жеткізді. Медициналық көмекке ешкім мұқтаж болған жоқ.

Осыған ұқсас жағдайлар Ақтөбе облысында да тіркелді. Ырғыз ауданында, Құрылыс ауылының маңында төрт автокөлік қарға батып қалды. Құтқарушылар үш баланы қоса алғанда 12 адамды эвакуациялады.

Кеше түнде «ҚазАвтоЖол» ауа райының қолайсыздығына байланысты Қарағанды облысында жол жабылғанын хабарлаған.

Әлемге танымал қазақстандық әнші Димаш Құдайберген Voice Beyond Horizon шоуының алғашқы эпизодында өзінің жаңа авторлық әнін таныстырды. «Fire» атты жаңа композиция тыңдармандарға ерекше форматта ұсынылып, бірден қаралым жинап үлгерді.

Жаңа туынды ағылшын және қытай тілдерінде орындалып қана қоймай, қазақ тіліндегі аса жылдам ырғақтағы рэп элементтерімен де ерекшеленді.

Шоудағы түрлі жанрлар тоғысы

Бағдарлама барысында қатысушылар түрлі жанрдағы шығармаларды орындады. Шоуда заманауи әуездегі опералық вокалдан бастап, Қытайдың биік таулы аймақтарына тән ұлттық әуендер, нәзік махаббат әндері және қырғыз тіліндегі битбокс элементтері бар композициялар ұсынылды.

Қазақстан атынан кім өнер көрсетті

Қазақстан намысын қорғаған Нұржас Садырбаев Димаш Құдайбергеннің авторлығымен жазылған...

Жақында сотта жеңілген Shell ағылшын компаниясы Қазақстанның мұнай-газ саласына инвестиция құюды уақытша тоқтататынын мәлімдеді. Бұл туралы Bloomberg хабарлайды.

Shell компаниясының бас директоры Ваэль Саванның мәлімдеуінше, компания Қазақстанға инвестиция құюды уақытша тоқтатады. Өйткені Үкімет миллиардтаған доллар талап етіп сотқа жүгініп жатыр. Ағылшынның ірі мұнай компаниясы даудың қаншалықты ұзаққа баратынын анықтап білмейінше, қазақ экономикасына тиын салмайды.

Қазақстан Батыс елдерінің ірі мұнай компанияларының үстінен шағымданып, халықаралық төрешілерге жүгініп жүр. Жақында Қарашығанақ мұнай кенін игерушілер қазақ үкіметінен сотта жеңіліп қалған. Төреші оларға 4 млрд доллар төлеуді міндеттеуі мүмкін. Қазір Қашаған акционерлеріне қатысты дәл осыған ұқсас шағым қаралып жатыр. Бұл жолы...

Жарты жыл бұрын қайырымдылық қорының жетекшісі Перизат Қайрат алаяқтығы үшін он жылға сотталған еді. Қазір темір тор ар жағындағы жағдайы қандай? Жұмыс істей ме? Tengrinews Қылмыстық-атқару жүйесі комитетіне арнайы сауал жіберген.

Комитет өкілдерінің сөзінше, Перизат Қайрат әзірге жұмысқа бекітілмеген.

«Сұрауда көрсетілген сотталған азаматша сот шешіміне сәйкес мекемеде жазасын өтеп жатыр. Қазіргі уақытта мекемеде бос жұмыс орындарының болмауына байланысты ол еңбек қызметімен айналыспайды», – деп жазылған жауапта.

Жалпы жазасын өтеушілер 48 мамандық бойынша жұмыс істей алады. Оның ішінде тігінші, шаштараз, визажист, кондитер немесе омарташы деген нұсқалар бар.

Әзірге Перизат Қайраттың қандай...

Бүгін аспанда «суқұйғыштар қауымы» басым болып, бизнес пен күнделікті өмірде қалыптан тыс шешімдер қабылдауға итермелейді. Kursiv LifeStyle Geocult.ru деректеріне сүйеніп отырып, жұлдызжорамалды ұсынады.

Тоқты

Белгіңіздегі Нептун «тағы ұйықтай тұр» деп сыбырласа, Марс әрекетке шақырып тұр. Энергияңызды бос сандыраққа емес, пайдалы адамдарды табуға бағыттаңыз.

Торпақ

Торпақтағы Уран Суқұйғыштағы планеталармен «келісімге келе алмай» тұр. Кенеттен қажеті шамалы, бірақ қатты ұнайтын гаджетке шығындалуыңыз мүмкін. Жеке өмірде тұрақтылық сақталады.

Егіздер

Бұл күн сіз үшін нағыз интеллектуалдық мереке. Суқұйғыштағы Меркурий сіздің толқында жұмыс істейді. Бизнесте идеялар қарша жауады, сондықтан оларды жазып үлгеріңіз. Кешке жеке өмірде жағымды әңгіме күтіп тұр харизмаңыз кез келген...

Қарағанды облысында ауа райының қолайсыздығына байланысты көлік қозғалысына уақытша шектеу енгізіледі. Бұл туралы «ҚазАвтоЖол» хабарлайды.

2026 жылғы 5 ақпан сағат 21:30-дан бастап республикалық маңызы бар «Астана – Қарағанды – Алматы» автожолының 92–164 шақырым аралығында, яғни Ақмола облысының шекарасынан Теміртау ақы алу пунктіне дейін, бүкіл көлік түрі үшін жол жабық.

Жол учаскесін 2026 жылғы 6 ақпан сағат 08:00-де қайта ашу жоспарланып отыр.

Жүргізушілерден жолға шығар алдында ауа райы мен жол жағдайы туралы ақпаратты нақтылап алуы керек.

9 ақпаннан бастап Астана – Павлодар автожолында көлік қозғалысының жылдамдығы шектеледі.

Нұрлан имам АҚШ президенті Дональд Трамп жайған дастарқаннан дәм татты. Имам әлеуметтік желідегі парақшасында Вашингтонда өткен дәстүрлі 74-ші Таңғы ас рәсіміне келгенін жазды.

Оның айтуынша, шараға Дональд Трамптың өзі қатысып, әлемнің әр түкпірінен келген екі мыңға жуық тұлға бас қосқан.

Нұрлан имам бұл жиынның ерекше маңызға ие екенін атап өтіп, жастардың білім мен ғылымға, өркениет пен мәдениетке ұмтылуы қажет екенін жеткізді.

«Америка Құрама Штаттарының астанасы Вашингтонда әдеттегі 74-ші Таңғы Ас рәсіміне келдім. АҚШ-президенті Трамп мырза өзі қатысатын ас екі мыңдай әлем тұлғаларын жинайтын бұл ерекше жиын. Жастарымыз білім мен ғылым...

«Қазақстан балалары» тұжырымдамасына Үкімет алдағы бес жылда 1,3 трлн теңге бөледі. Бұл туралы Оқу-ағарту вице-министрі Шынар Ақпарова мәлімдеді.

Аталмыш құжат балалардың негізгі құқықтарын қамтамасыз етуге бағытталған төрт басым бағытты қамтиды. Олар: қауіпсіздік, білім, денсаулық және отбасы, әлеуметтік қорғау саласындағы құқықтар.

Құжаттың тиімділігін бағалау үшін 10 индикатор белгіленген, ал нақты 158 іс-шара жүзеге асады. Бес жылдық кезеңде 1,3 трлн теңге бөлінбек.

Сонымен қатар 2027 жылдан бастап Қазақстанда «Бала жолы» атты цифрлық адрес­тік қолдау жүйесі іске қосылады. Бұл платформа ерте жастан кәмелетке толғанға дейінгі бүкіл қолдау шараларын бір жүйеге біріктіреді.

Онда білім беру, әлеуметтік қорғау, психологиялық-педагогикалық сүйемелдеу және...

Ресейдің «Татнефть» компаниясы «Бутадиен» жобасындағы 75 пайыздық үлесінен шығып, серіктестер құрамынан кетті. Бұл туралы PetroCouncil Telegram-арнасы жазады.

Шамамен 1 млрд долларды құрайтын «Бутадиен» жобасы Атырау облысында бутадиен және оның негізіндегі өнімдер өндіретін мұнай-химия кешенін салуды көздеген.

Кешенге қажетті шикізат Теңіз кен орнынан жеткізілуге тиіс еді. Жоба жоғары қосылған құны бар мұнай-химия өндірісін дамытудағы негізгі бастамалардың бірі ретінде қарастырылған.

Бұған дейін, өткен жылдың желтоқсанында ЕРС-мердігерді анықтау жоспарланып, жоба белсенді кезеңге өтеді деп күтілген. Алайда негізгі стратегиялық серіктестің шығуы жобаның мерзімі мен жүзеге асу форматына әсер етуі мүмкін екені айтылуда.

eGov деректері бойынша, «Татнефть» 29 қаңтарға...

Оқу-ағарту министрлігі кәсіптік-техникалық колледждердегі мұғалімдердің айлығын арттыруды қарастырып жатыр. Бұл туралы ОКҚ алаңында вице-министр Шынар Ақпарова мәлімдеді.

Ақпарова министр өз тарапынан да осы кәсіптік білім беретін педагогтерге жалақыны арттыру мәселесін көтергенін айтты.

«Қазір мораторийге байланысты бұл мәселе тоқтап тұр. Жан басына қаржыландыруды айтып өттіңіз. Ол кезде ұсыныс берілген. Ол жерде «ранжироаниені» төрт лигаға бөлу қарастырылған. Сол кезде ауылдық жердегі колледждер басқаларға қарағанда жалақысы одан да төмен болуы ықтимал. Сол себепті кәсіптік және техникалық колледждердегі жалақы мәселесіне толық талдау жүргізіліп жатыр», – дейді ол.

Бұған дейін Kursiv.Мedia Қазақстанда су саласына білікті кадрлар даярлайтын колледж ашылатыны жайлы...

2026 жылы баспана алуды жоспарлап жүрген азаматтар бірнеше ипотекалық бағдарламаға қатыса алады. Krisha.kz порталы әр бағдарлама бойынша негізгі талаптар мен құжат қабылдау қашан басталатынын жариялады.

«Наурыз» ипотекасы наурызда басталады

Бұл бағдарлама наурыз айынан іске қосылады. Оған соңғы бес жылда өз атында баспанасы болмаған азаматтар қатыса алады.

Үміткердің ресми табысы болуы, соңғы алты айдағы зейнетақы жарнасы және «Отбасы банкінде» кемінде 2 млн теңге жинағы болуға тиіс.

Бағдарлама шарттарына сәйкес, әлеуметтік санаттағы азаматтар үшін мөлшерлеме – 7%, ал қалғандары үшін – 9%. Бастапқы жарна таза әрлеудегі үйге 10%, қарапайым күйдегі пәтерге 20% болады.

Алматы мен Астанада...

Блогер Ырысбала Икрамбай ұлы – Расулдың тұсаукесер тойын өткізді. Бас-аяғы 4-5 күнде шешіліп, ұйымдастырылған жиынға Қазақстан эстрадасының бірталай жұлдызы қатысқан. Оған қоса, бірге толған баланың тұсауын бір емес, үш адам кескені бұл тойды басқа тойлардан өзгеше ете түсті. 

Ырысбала мен Роман ұлының тұсауын өздері қатты құрметтеп, үлгі тұтатын үш азаматқа кестірді. Бірінші болып белгілі әнші Мейрамбек Беспаев ақ тілегін арнап, ала жіппен кесті. Артынша тағы екі ер адам тоқ ішекпен және көк шөппен күрмеуін шешті.

Ырысбала бұл туралы: «ала жіп – ешкімнің ала жібін аттамасын деп, көк шөп – өссін, өнсін, көгерсін, көктесін деп...

Алматы 2029 жылғы қысқы Азия ойындары өтетін қала болып ресми түрде бекітілді. Бұл туралы Ұлттық олимпиада комитеті хабарлады.

Тиісті келісімге Италияның Милан қаласында Қазақстан Ұлттық Олимпиада комитетінің президенті Геннадий Головкин мен Азия Олимпиада кеңесінің басшысы Шейх Джоан бин Хамад Әл-Тани қол қойды.

Комитеттің мәліметінше, Алматыда спорттық және қала инфрақұрылымы толық қалыптасқан. Соның арқасында қала ауқымды қосымша құрылыссыз-ақ халықаралық жарысты өткізе алады.

Қолданыстағы спорт нысандарын тиімді пайдалану және ірі жарыстарды ұйымдастырудағы тәжірибе Азия ойындарын жоғары деңгейде өткізуге мүмкіндік береді деп жоспарланып отыр.

2029 жылғы қысқы Азия ойындарының Қазақстанда өтуі ел спорты үшін маңызды оқиға саналады. Бұл бастама...

Алатау қаласынан Алматы мен облыстың өзге қалаларына аэротакси қатынайды. Төрт жолаушыға арналған Joby Aviation S4 аппараттары 2026 жылы сынақтан өтеді. Бұл туралы Алматы облысы әкімдігі «Курсив» басылымының сауалына жауап ретінде хабарлады.

Әкімдіктің мәліметінше, Алатау қаласында әуе мобильділігі операторы ретінде жеке меншік Alatau Advance Air Group компаниясы белгіленген. Ол АҚШ, Оңтүстік Корея, Қытай және Италиядағы серіктестерімен бірге ұшу аппараттарын зерттеу және сынақтан өткізу жұмыстарын жүргізіп, Алатау қаласында сынақ инфрақұрылымын дайындап жатыр.

Қазақстандағы алғашқы әуе таксиін ұйымдастыру бойынша стратегиялық серіктес ретінде америкалық Joby Aviation компаниясы және оның S-4 моделі таңдалған.

Әкімдік өкілдері бұл компания тік ұшып-қонатын (eVTOL) аппараттар өндірісінде әлемдік...

Мәжіліс депутаты Айдарбек Қожаназаров ұлттық валютаның мәртебесін Конституцияда бекітуді ұсынып отыр. Оның сөзінше, бұл елдің экономикалық дербестік қағидатын айқындауға мүмкіндік береді.

«Теңгенің институционалдық маңызын Ата заң деңгейінде нақтылап, қаржы-валюта айналымы саласындағы мемлекеттік саясаттың сабақтастығын қамтамасыз етеді. Ұзақ мерзімді перспективада қаржылық және макроэкономикалық тұрақтылықтың құқықтық негіздерін нығайтады. Осы мәселені Ата заңда бекіту арқылы оны түбегейлі шешіп, болашақта әртүрлі алып-қашпа пікір мен алыпсатарлық әңгімелердің алдын алар едік», – деді депутат Конституциялық реформалар жөніндегі комиссияның отырысында.

Қазір «теңге» мәртебесі заңмен реттелген.

«Қазақстан Республикасының Ұлттық банкі туралы» заңға сәйкес ұлттық валюта – теңге. Алайда әлемдік...

Бас прокурордың бұйрығымен әділеттің аға кеңесшісі Нұрдәулет Сүйіндіков Бас прокуратураның Активтерді қайтару қызметінің басшысы лауазымына тағайындалды. Бұл туралы ведомствоның баспасөз қызметі хабарлады.

Нұрдәулет Сүйіндіков еңбек жолын Оңтүстік Қазақстан облысы Арыс ауданы прокурорының аға көмекшісі қызметінен бастаған.

Әр жылдары Бас прокуратура бөлімінің бастығы, Бас прокурордың аса маңызды тапсырмалар жөніндегі аға көмекшісі, Бас прокуратура департаменті бастығының орынбасары, Астана қаласы Сарыарқа ауданының прокуроры, Ақтөбе облысы прокурорының бірінші орынбасары, стратегиялық даму департаментінің, сондай-ақ халықаралық-құқықтық ынтымақтастық қызметінің басшысы қызметтерін атқарған.

Соңғы екі жылда Нұрдәулет Сүйіндіков Активтерді қайтару комитетін басқарды. Былтыр 30 желтоқсанда Тоқаев оны қызметінен босатқан.

Бұл қызмет Бас Прокуратураның бөлімі ретінде осы жылы 26 қаңтарда қайта құрылған...

Жамбыл облысында 95 келіден астам марихуанамен ұсталған тұрғын 7 жыл мерзімге бас бостандығынан айырылды.

Polisia.kz ақпаратына қарағанда, өткен жылдың маусым айында «Қарасора» жедел-профилактикалық іс-шарасы аясында Түрксіб станциясындағы желілік полиция бөлімінің есірткі қылмысына қарсы іс-қимыл жөніндегі қызметкерлері аса ірі мөлшердегі есірткінің заңсыз айналымын тоқтатты.

Меркі ауданына қарасты Қарасу елді мекеніндегі күзетілмейтін теміржол өткелінің маңында көлік полицейлері Жамбыл облысының 50 жастағы тұрғынын анықтап, ұстады. Тексеру барысында одан жалпы салмағы 95 келіден астам кептірілмеген марихуана тәркіленді.

Тергеу барысында ер адам жабайы түрде өсетін құрамында есірткі бар өсімдікті әдейі жинап, оны кейіннен өткізу мақсатында дайындағаны анықталды.

Аталған дерек бойынша өткізу мақсатында есірткі құралдарын...

Баку әскери соты Таулы Қарабақ республикасының бұрынғы президенті Араик Арутюнянды өмірлік түрме жазасына кесті. Бұл туралы APA әзербайжан ақпарат агенттігі хабарлайды.

Арутюнян 2020-2023 жылдар аралығында осы республиканың президенті қызметін атқарған. Бұған дейін прокуратура оған өмірлік түрме жазасын тағайындауды ұсынған.

Әзербайжан билігі экс-президентті бейбітшілік пен адамзатқа қарсы, сонымен бірге әскери қылмыстар жасады деп айыптап отыр.

Баку әскери соты Қарабақта жоғары қызметтер атқарған бірнеше шенеунікке дәл осындай ауыр жаға тағайындады. Олардың арасында қорғаныс министрі болған Левон Мнацаканян, парламенттің экс-спикері Давид Ишханян, Қарабақтағы армян күштерінің қолбасшыларының бірі Давид Манукян және бұрынғы СІМ басшысы Давид Бабаян бар. Бұрынғы шенеуніктердің ешқайсысы тағылған айыптарды...

Отбасы банкте ағымдағы шоттан қаражат аудару шарттары өзгерді. Енді ақшаны басқа банкке шығару кезінде комиссия аударым сомасының 0,95%-ына дейін жетуі мүмкін. Бұл, әсіресе, жылжымайтын мүлікпен жасалатын мәмілелерде маңызды. Бұл туралы Kursiv.Мedia Қазақстан Подешевле» дерегіне сілтеме жасап хабарлайды.

Сарапшылар ақшаның қай шотқа түсетінін алдын ала нақтылап алуға кеңес береді. Себебі дұрыс жоспарланбаған жағдайда тек комиссияның өзіне қомақты сома жоғалту қаупі бар.

Өзгерістердің мәні неде

Комиссия мөлшері қаражаттың қайда түсетініне байланысты:

Шымкентте кісі қолынан қаза тапқан 21 жастағы Нұрай Серікбайдың ағасы Сұлтан Серікбай күдіктіге қатысты айыптың өзгергені жөнінде пікір берді.

«11 қаңтар күні оқиға болған кезде «Адам өлтіру» бабымен іс қозғаған еді. Қазір «Аса қатыгездікпен адам өлтіру» бабына алмастырды. Бұл үшін дәлелдер, материалдар керек болды. Соның бәрін өткізгеннен соң, іс өзгерді. Бұған қоса «Некеге тұруға мәжбүрлеу» және «Сталкинг» бабымен іс тергеліп жатыр. Күдіктінің қанша жылға сотталатыны не сотталмайтынын сот шешеді. Бірақ біз өмір бойына бас бостандығынан айыру жазасын сұраймыз», – деді ол.

Сұлтан Серікбайдың айтуынша, бұл жәбірленуші тараптың бірінші мақсаты болған. Бұдан бөлек Нұрай Серікбайды еркінен...

Қазақстандық танымал әншілер Жанболат пен Жазира отбасындағы қуанышты жаңалықты жұртшылықпен бөлісіп, жаңа бейнебаян арқылы келіндерінің жүзін көрсетті.

Өнерлі отбасы Жандос Қаржаубайдың әніне, Бақыт Қалибектің сөзіне жазылған «Бауырсағы балдай қыз» атты жаңа әнге түсірілген бейнебаянды көрермен назарына ұсынды. Туынды «Әгугәй» ансамблінің қатысуымен түсірілген.

Әнші Жазира Байырбекова әлеуметтік желідегі парақшасында:

«Сүйінші! Келініміздің жүзін бейнебаянда көрсету – бір бөлек әсер», – деп қуанышымен бөлісті.

Жаңа ән келінге деген аналық мейірімді, ақ тілекті және отбасы берекесін паш ететін жылы туынды ретінде көрерменге жол тартты. Өнер иелері мұндай қуанышты сәттердің әр қазақ шаңырағында болуын тілеп, тыңдармандарына ақжарма тілектерін жеткізді.

Еске...