Жаңалықтар

Қарашада қызмет көрсету саласында өндіріс бәсеңдеп, іскерлік белсенділік соңғы 15 айдағы ең төмен деңгейге түсті. Freedom Holding Corp. пен S&P Global-дың PMI есебіне сәйкес, негізгі индекс 49,3-тен 48,7-ге төмендеп, секторда құлдырау тенденциясы күшейгенін көрсетті.

Белсенділіктің бәсеңдеуіне, ең алдымен, Қазақстан-Ресей шекарасында жүк көліктерінің өте алмауы мен жаңа тапсырыс көлемінің азаюы себеп.

Жыл соңына жақындаған сайын жаңа тапсырыс өсімі бұрынғыдай серпінді болмай, наурыздан бергі ең әлсіз деңгейге түсті. Алты ай қатарынан бәсеңдеген бұл динамика нарықтағы сұраныстың әлсіздігін айқын көрсетіп, компаниялардың болашақ жоспарларын қайта қарауына себеп болған.

Сектордағы кадрлық саясат та осы жағдайдың ықпалын сезді: кәсіпорындар үшінші ай...

Ұлытау облысының әкімі Дастан Рыспеков өңір азаматтарының орташа айлық жалақысын атады.

Аймақ әкімінің мәліметіне сенсек, орташа айлық жалақы 554 277 теңгеге жетіп, республика бойынша төртінші орынға жайғасқан. Облыс басшысы өңірде жұмыссыздық деңгейі де төмендеді деп сендірді.

«Жыл басынан бері жаңа нысандарды құру және жұмыс істеп тұрған нысандарды кеңейту арқасында 2 200 жұмыс орыны құрылды. 8200 адам жұмысқа орналастырылды. Жұмыссыздық деңгейі 4,1%, бұл жалпы республикалық көрсеткіштен төмен. Ағымдағы жылдың үшінші тоқсанының қортындысы бойынша орташа айлық жалақы 7,5%-ға өсті. Он айдың қортындысы бойынша. АӘК алушылар отбасы саны 3,1%-ға азайды», – деп мәлімдеді Рыспеков Астанада...

Ұлттық валюта бүгін де нығайып жатыр. 3 желтоқсан, сәрсенбіде Қазақстан қор биржасындағы (KASE) валюта саудасы барысында, түскі сағат 12:00-де, 1 доллар 502,55 теңге болды.

Осылайша төл теңге санаулы сағаттың ішінде тағы шамамен 5 теңгеге нығайды. Бір күн бұрын – 2 желтоқсанда да ұлттық валюта бірден 5 теңгеге күшейген.

Елдегі екінші деңгейлі банктер де долларда 502-503 теңге аралығында айырбастап жатыр.

Валюта нарығындағы өзгеріс айырбас мекемелерінің бағасына әсер етті. Kurs.kz мәліметінше, сәрсенбі күні түсте Алматы қаласында валюта айырбастау пунктері долларды 504 теңгеден қабылдап, 506 теңгеден сатып жатыр. Астанада, әдеттегідей, бағам сәл жоғарырақ – 503 және...

«ҚазМұнайГаз» ұлттық компаниясы «Akkaiyn Operating» ЖШС-ның 50% акциясын иелене бастады. Бұл туралы хабарлама қаржы есептілігі депозитарийінде жазылған.

egov.kz дерегі бойынша, аталмыш компания 2025 жылдың 27 қарашасында тіркелген. Кәсіпорынның екі құрылтайшысы бар: 50% акциясы – «ҚазМұнайГаз» ұлттық компаниясына тиесілі болса, қалған жартысы қытайлық Sinopec International Energy Investment Holdings меншігінде.

ҚМГ 2023 жылы Sinopec компаниясымен бірлесе Қазақстан аумағында геологиялық барлау жүргізу туралы келісімге келген.

Ал 2025 жылы аталмыш компания Батыс Қазақстан облысындағы «Березовский» учаскесінде мұнай мен газ барлау және өндіру жұмысын бастады.

Қазақстанның мұнай-газ саласындағы ірі активтерін басқаратын ҚМГ қазіргі кезде 66 компанияның акцияларын...

«Даму» қоры алғашқы цифрлы кредитті үй жануарларының түбегіне арналған гигиеналық түйіршек – абсорбент шығаратын кәсіпорын салуға бөлді. Бұл туралы Kursiv.Media кәсіпкерлікті дамыту қорының мәліметіне сүйене отырып хабарлады.

Түбекке арналған ақ ұнтақ

Цифрлы теңгені пайдаланған алғашқы кәсіпкер – павлодарлық Виталий Кремберг. Ол қаражатты абсорбент шығаратын кәсіпорын салуға жұмсайды. Ақ ұнтақты ит пен мысық түбегін толтыру үшін ғана емес, басқа да салаларда пайдалануға болады.

«Біз бұл жобаны тек бизнес үшін бастаған жоқпыз. Өзіміз мақтан тұтатын өнім – сапалы отандық сіңіргіш шығарғымыз келеді. Жануарлардың түбегін толтыратын сорбент қана емес, фермада, құрылыста, экологияда қолданылуға болатын әмбебап...

Үкімет басшысының орынбасары Қанат Бозымбаев Ақтауда Әзербайжан ұшағының апатын тергеу жұмыстары жайлы сұраққа жауап берді.

Мәжіліс кулуарында журналистер вице-премьерге Әзербайжан ұшағының апаты жайлы сұрақ қойды. Бозымбаев тексеру нәтижесі жақында жарияланатынын мәлімдеді. Тергеу екі бағытта жүргізілгенін, Бас прокуратура қылмыстық құрамды тергесе, Көлік министрлігі авиациялық апаттың өзін тексеріп жатқанын айтты. Соңғысы тергеуді аяқтауға жақын қалған.

«Қазір технологияның, аэронавигациялық құралдардың және басқа жабдықтарға лицензия берушілерден немесе өндірушілерден қорытынды есеп күтіп отырмыз. Жалпы, Көлік министрлігінің тергеуін аяқтауға дайынбыз, яғни биыл немесе келесі жылдың басында нәтижесі шығады. Бас прокуратура тергеуінде де ілгерілеу бар. Осы мәселе бойынша көршілес мемлекеттер басшыларының тиіст...

Екінші деңгейлі банктер халыққа кепілсіз несие беруді азайтқан. 2025 жылы кепілсіз несиеге деген сұраныс төмендеп, керісінше халықтың ипотека, автокредит және мүлік кепілімен берілетін тұтынушылық қарызға қызығушылығы артты. Қаржыгерлер қауымдастығы сарапшыларының пайымдауынша, бұл үрдіс жоғары базалық ставка мен табыстың қысқаруы, нарықты реттеудің күшеюімен байланысты,

Сараптама орталығының есебіне қарағанда, 2025 жылдың қаңтар-қыркүйек айларында банктерге түскен кредит өтінімдері 13,1%-ға азайған. Былтыр дәл осы уақытта халық кредитті көптеп алған.

Сұраныстың құлдырауы, ең алдымен, кепілсіз несие сегментте байқалды: кепілсіз несиеге түскен өтінімдер 16,4%-ға кеміді. Ал қамтамасыз етілген қарыз түрлеріне сұраныс, керісінше, өскен: ипотекаға – 10,2%, автокредитке – 48%, мүлік кепілімен берілетін тұтынушылық қарыздарға...

Prada сән үйі Capri Holdings холдингінен Versace брендін сатып алу жөніндегі мәмілені аяқтады. Келісім құны – 1,375 млрд доллар.

«Prada S.p.A. бүгін Capri Holdings-тен Versace брендін сатып алу туралы мәміле барлық қажетті реттеуші органдардың рұқсатын алғаннан кейін сәтті аяқталғанын хабарлайды», – делінген компания хабарламасында.

Versace 2018 жылдан бері Capri Holdings-ке тиесілі болған. Брендті сату туралы жоспар биыл сәуірде жарияланған. Capri Holdings бұл қаражат қарыздарын өтеуге жұмсалатынын мәлімдеді. Холдингке Michael Kors және Jimmy Choo брендтері де қарайды.

Мәмілені Versace негізін қалаған марқұм Джанни Версаченің қарындасы Донателла Версаче құптады. Ол келісім туған күні 2 желтоқсанда аяқталғанын атап...

Қырғызстанда аутизмі бар қыз психологтың қабылдауында зардап шеккен. Бұл іске омбудсменнің араласуын сұрап отыр.

24. kg ақпаратына қарағанда, «Бала құқықтарын қорғаушылар лигасы» қоғамдық қоры омбудсменге жүгініп, істі жеке бақылауға алуға шақырып отыр. Сонымен қатар баланың құқықтарын қорғауды сұрады.

Қордың мәліметінше, қыздың анасы Чынара Жунусова жариялаған видеода ауыр аутизмі бар қызы жеке психологтың сабағы кезінде қатыгездікке тап болғанын айтқан.

«Анасының айтуынша, қыз ұзақ уақыт бойы ауыртатын әдістерге ұшырап келген. Ал 2024 жылдың 23 желтоқсанында оның қолы сынған. Одан кейін дерті асқынып, қатарынан бес операция жасалған. Қазір бала қатты үрейленіп, адамдарды жанына жақындатпайды және оңалтудан өтіп...

Су ресурстары және ирригация министрі Нұржан Нұржігітов Алматы қаласындағы №79 гимназияның оқушысы, жас өнертапқыш Дана Қадырбекпен кездесті.

10-сынып оқушысы заманауи наноматериалдарды пайдалана отырып, атмосферадағы суды жинайтын, электр қуатын қажет етпейтін инновациялық құрылғы әзірлеген. Бұл технология ауадағы ылғалды тиімді сіңіріп, қосымша қуат көзінсіз-ақ конденсациялауға мүмкіндік береді. Ерекшелігі – ылғал аз аймақтарда да жұмыс істей алуы және күн энергиясын қолдануы.

Меморандумға қол қойылды

Кездесу қорытындысы бойынша министрлік пен жас ғалым құрылғының жұмысын бірлесіп талдау, жобаны пилоттық режимде сынақтан өткізу, деректер алмасу және технологияның кеңінен қолданылу мүмкіндігін зерттеу мақсатында ынтымақтастық туралы меморандум жасасты.

Нұржан Нұржігітов министрліктің Ғылым және инновациялы...

Астанада тұрғын үйдің қасбеті құлап, басына кондиционер құлап қайтыс болған фельдшерге ескерткіш орнатылады. Бұл туралы Мәжіліс кулуарында Денсаулық сақтау министрі Ақмарал Әлназарова айтты.

«Біз (Ұлдана Мырзуан) оқыған медициналық колледжде оның атына аудитория ашу бастамасын көтеріп отырмыз. Әлбетте, бұл өте қайғылы оқиға. Сонымен қатар оның аты ұмытылмас үшін ескерткіш орнатқымыз келеді», – деді Ақмарал Әлназарова.

8 қарашада Астанадағы тұрғын үй қасбеті құлаған. Сол кезде көмекке келген фельдшердің басына кондиционер құлап, ауруханада қайтыс болды. Кейін әкімдік марқұм Ұлдана Қалдарханқызының отбасына материалдық көмек көрсететінін хабарлады.

Ішкі істер министрінің орынбасары Санжар Әділов кешенді сот сараптамасы тағайындалғанын...

Мәжіліс кулуарында Денсаулық сақтау министрі Ақмарал Әлназарова әлеуметтік желіде қызу талқыланған ұшақта медициналық көмек көрсеткен кейсіне қатысты сұрақтарға жауап берді. Журналистер министрден аталған жағдайды растауын және оның «пиар» ретінде бағаланған пікірлерге көзқарасын сұрады.

Әлназарова бұл оған жолыққан алғашқы жағдай емес екенін, алайда алғаш рет оқиғаның елге жария болғанын атап өтті.

«Бұл мен көмектескен бірінші жағдай емес. Тек бірінші рет біреу суретке түсіріп, әлеуметтік желіге салып жіберді. Жолаушының қысымы көтеріліп, құсып жатқанын көргенде, бортсеріктер «дәрігер бар ма» деп сұрады. Мен жүгіріп барып көмектестім. Менің орнымда кез келген дәрігер дәл солай жасар еді», – деді министр.

Ол...

Алматы қаласының әкімі Дархан Сатыбалды «Қалқаман» метро бекеті мен оған іргелес тоннельдердің құрылыс жұмыстарын тексерді. Бұл туралы Kursiv.Media қала әкімдігінің мәліметіне сүйене отырып хабарлады.

«Әкім жұмыстың сапасы мен белгіленген мерзімді қатаң сақтау қажет екенін айтты», – деп тараты әкімдіктің баспасөз қызметі.

Әзірге сол жақтағы тоннельде рельстер төселіп, жарықтандыру, кабель тарту, су құбыры мен дренаж жүргізу, инженерлік жабдықтарға арналған кронштейндер орнату жұмысы аяқталды. Енді бейнебақылау, дауыс хабарлау жүйесі, өрт және күзет дабылдарын монтаждау жоспарланған.

«Құрылыс тәулік бойы жүргізіліп жатыр. Нысанда 478 маман жұмыс істейді».

Оң жақ тоннельде...

Малайзияның Джохор штатына қарасты Клуанг қаласында діни полиция бір айдан кейін үйленгелі жүрген қалыңдық пен күйеуді қамауға алды.

Mothership басылымының хабарлауынша, басқа қалада тұрған қыз жігітінің туыстарымен танысу үшін Клуангқа келген. Жігіт қалыңдығының пәк екенін тексеріп алу үшін қонақүйден бір бөлмені жалға алған.

Түнде қонақүйге діни полиция баса-көктеп кіріп келген. Қыз есікті бірден ашпай, нөмірде жалғыз екенін айтқан. Алайда полиция қызметкерлері оған сенбей, үстелдің астына тығылып қалған күйеу жігітті тауып алған.

Қалыңдық пен күйеу жігітке «халват» деп аталатын айып тағылды. Бұл – ер мен әйелдің заңсыз оңаша қалуын білдіретін діни құқықбұзушылық.

Бұған дейін Малайзияның Теренгану штатында екі әйелмен төсекте...

Қазақстан алдағы 5 жылда бөлшек саудадағы электронды сауда үлесін 20%-ға жеткізбек. Бұл туралы Үкіметтің 2030 жылға дейін қабылдаған сауда саясаты туралы тұжырымдамасында жазылған.

Соңғы төрт жылда нарық көлемі 476,7 млрд теңгеден 3,2 трлн теңгеге дейін өсіп, бөлшек саудадағы үлесі 14,1 %-ға жетті. Мемлекеттік жоспарға сәйкес, бұл көрсеткіш 2030 жылға қарай 20%-ға дейін артуға тиіс. Мұндай серпінді өсім халықтың жоғары интернет қамтылуы мен қаржылық технологиялардың дамуына сүйеніп отыр.

Нарық динамикасы және тұтынушы мінез-құлқы қандай

Цифрлық сервистерді белсенді пайдаланатын 15-45 жас аралығындағы 8,2 млн адам электронды сауданың негізгі аудиториясын құрайды. Халықтың 92,3%-ның интернет пайдаланатыны және 90,2%-ның компьютерлік...

Үй қамаққа алынған Гүлнәр Бажкенова әріптестеріне үндеу жариялады. Бұл жайлы оның адвокаты Мұрат Адам фейсбуктегі парақшасында жазды.

«Достарым, мен сабырлымын және сынбадым, өзімді қорғаймын. Қазір үйқамақтамын, басқа амалым жоқ. Бұл кезең де аяқталады, заңдылық пен әділдікке үміт артамын. Қолдауларыңыз үшін рақмет – ол маған дәл қазір өте маңызды. Менің жанымда болғандарыңызға рақмет, сондай-ақ барлық әріптес-журналистеріме алғыс айтамын», – дейді журналист әріптестеріне.

Қорғаушы Мұрат Адам редакцияны тінту кезінде полицияның заңсыз әрекеттеріне және редакция мен Гүлнар Бажкеновадан алып кеткен мүлікке қатысты Бас прокуратура мен Алматы прокуратурасына шағымдар жолдағанын хабарлады. Сонымен бірге...

2025 жылы қазақстандықтар «Жасыл ипотека» бағдарламасы аясында 14,7 млрд теңгеге 570 несие рәсімдеді. Ең көп несие Астана қаласында берілген. Бұл туралы krisha.kz ақпаратында айтылған.

Бағдарлама іске қосылған 2023 жылдан бері 46,1 млрд теңгеге 1825 жасыл ипотека берілді.

«Жасыл ипотека» деген не

«Жасыл ипотека» – Отбасы банкінің энергиялық тиімді және экологиялық тұрғыдан таза тұрғын үй сатып алуға арналған бағдарламасы.

Халықаралық LEED, BREEAM, ГОСТ Р стандарттары немесе қазақстандық OMIR стандарты бойынша сертификатталған тұрғын үй жасыл деп саналады. Бұл сертификатты KazGBC – Қазақстанның жасыл құрылыс кеңесі береді.

Тұрғын үй кешендері «жасыл» сертификатты мына негізгі талаптарға сай келген жағдайда алады:

Өзбекстанда құрылысы енді ғана басталған Атом электр станциясы (АЭС) қызметкерлері үшін 10 мың адамға арналған жаңа қала салынады. Бұл туралы өзбек президентінің баспасөз қызметі хабарлады.

2 желтоқсанда президент Шавкат Мирзиёев Жизақ облысына сапарлап, АЭС құрылысының барысымен танысты. Шенеуніктер мемлекет басшысына атом энергетикасы жобасы қалай жүзеге асып жатқаны туралы есеп берді.

Жизақ облысы Фориш ауданында жаңа АЭС құрылысы 2025 жылғы қазанда басталған. Төрт блоктан тұратын станцияның екеуіне қуатты реактор орнатылады. Шағын өндіріс 2029 жылы іске қосылады. Станция құрылысы 2035 жылы толық аяқталуға тиіс.

Президенттің баспасөз қызметі таратқан мәліметке қарағанда, қазір өңірде реактор ғимараты түсетін үлкен шұңқыр қазылып жатыр...

Энергетика министрлігі 2026–2032 жылдарға арналған электр энергиясына шекті тарифтерді бекіту тәртібіне қатысты мәлімдеме жасады. Ведомствоның түсіндіруінше, заңға сәйкес, жетіжылдық кезеңге тарифтерді бекіту  қолданыстағы тарифтердің қолданылу мерзімі аяқталғанға дейін орындалуы керек.

Жобада көрсетілген (2025 жылғы деңгейде) цифрлар макроэкономикалық тұрақтылықты қамтамасыз ету жөніндегі қолданыстағы тапсырманы ескере отырып қалыптастырылған. Бағаларды көтеруге қатысты мораторий жағдайында Энергетика министрлігінің болашақ кезеңдерге арналған тарифтердің өсуін нормативтік құқықтық актіде белгілеуге заңды құқығы жоқ. Осыған байланысты, құжат қазіргі уақытта күшінде тұрған шектеу шараларына толық сәйкес келетін қолданыстағы баға параметрлерін бекітеді, – деп жазылған хабарламада.

Ведомство түсіндіруінше, Қазақстан заңнамасында «шекті тарифтерді түзету» деген механизм бар. Бұл...

«Қазгидромет» деректеріне сәйкес, алдағы күндері елдегі 12 қалада ауа сапасы нашарлайды. 3 желтоқсанда Ақтөбе, Алматы, Шымкент, Өскемен, Павлодар, Қарағанды, Жезқазған, Балқаш, Теміртау қалаларында, сондай-ақ түнде Астана, Петропавл және Қостанай қалаларында желдің әлсіздігі, жауын-шашынның болмауы және ауаның тұрып қалуы салдарынан атмосферадағы ластаушы заттар таралмай, шоғырлануы мүмкін. Ал қалған өңірлерде ауа сапасына қолайлы метеожағдай сақталады.

Мамандардың айтуынша, ауадағы ластану деңгейіне әсер ететін негізгі фактор – синоптикалық жағдайдың өзгеруі. Сейсенбі, 2 желтоқсан күні елдің солтүстік-батысында, солтүстігінде және орталығында фронтальды бөліктердің өтуіне байланысты жаңбыр мен қар аралас жауын-шашын жауып, көктайғақ болады деп күтіледі. Маңғыстау облысында да жауын-шашын болады, күндіз өңірдің батысында қатты жаңбыр жаууы...

Ресейдің Қазақстандағы елшілігі Ақтау қаласы әуежайындағы дауға қатысты мәлімдеме таратып, ел азаматтары «ұшақты басып алды» деген мәліметті жоққа шығарды. Ақпарат елшіліктің телеграмдағы парағында жарияланды.

Бұған дейін «Pegasus Airlines» түрік әуе компаниясының Ыстанбұлдан Ақтөбеге ұшқан ұшағы Ақтау әуежайына қонуға мәжбүр болғаны, ресейлік бірнеше жолаушы борттан шығудан тас тартқаны туралы мәлімет тараған еді.

«16 адамнан тұратын топ, оның ішінде Ресейдің 11 азаматы, ұшақтан түсіп, қонақүйге баруға келісті. Оларға 3 желтоқсанда Ақтөбеге дейін тікелей рейске билет сатып алып береді», – деп мәлімдеді елшілік.

Дипломатиялық қызмет мәліметінше, әуе компаниясының Қазақстандағы агенті – «Трансавиа» компаниясы жолаушыларды...

Қазақстандағы көлеңкелі экономика – бұл елдің экономикалық өмірінің көзге көрінбейтін, бірақ зор ықпалы бар құбылыс. Бұл құбылыс елдің қазіргі жағдайында экономика мен қоғамның ажырамас бөлігіне айналды. Бірақ көлеңкелі экономика, бір жағынан, «құпия» түрде жұмыс істейтін болса, екінші жағынан, оның нәтижелері еліміздің экономикалық денсаулығына айтарлықтай зиян тигізеді. Бұл салада заңсыз тауарлар мен қызметтер ұсынылады, салықтар төленбейді, еңбек шарттары бұзылады. Яғни көлеңкелі экономика қоғамда толық ашықтық пен әділдіктің болмауына алып келеді.

Қазақстанда көлеңкелі экономиканың қаншалықты кең тарағанын әртүрлі сала мен аймақтардағы мәліметтер көрсетіп отыр. Елде жыл сайынғы көлеңкелі экономика үлесі миллиондаған адамның өміріне ықпал етеді. Бұл өз кезегінде елдің жалпы әлеуметтік-экономикалық дамуына...

WBO және IBF әлем чемпионы, қазақстандық боксшы Жәнібек Әлімханұлы допинг-тестен оң нәтиже шығарып, яғни допинг қолданды деген күдікке ілінді, деп хабарлайды The Ring.

«Жәнібек Әлімханұлы VADA сынағынан кейін тыйым салынған препаратты қолданғаны белгілі болды», – деп жазды The Ring.

Айыптаудан кейін Әлімханұлы X желісінде жазба қалдырып, өзінің таза спортпен айналысатынын атап өтті.

«Жаңалықтарды оқығанда таңғалдым. VADA бірінші сынақты өткізіп, бәрі таза екенін айтты. Витаминдерді қабылдау режиміне ешқандай өзгеріс енгізген жоқпын. Екінші тесте не болғанын білмеймін, сондықтан оны қайта тексеруді талап еттім», — деп жазды ол.

Осы даудың әсерінен...

Ресей президенті Владимир Путин Мәскеуге келген америкалық келіссөз жүргізушілермен кездесуді бастады. Кремльге арнайы елші Стивен Уиткофф және АҚШ президенті Дональд Трамптың күйеу баласы Джаред Кушнер келген.

ТАСС хабарлауынша, келіссөздердің негізгі тақырыбы – Украинадағы соғысты тоқтату бойынша АҚШ ұсынған 28 тармақтан тұратын Бейбітшілік жоспары.

Кремль кездесудің қатаң уақыт ережесі жоқ және «қажет болғанша» жалғасады деп мәлімдеді. Путин мен америкалық эмиссарлар бұрын Киев пен Вашингтон арасында бейбіт келіссөздерге дайындық кезінде қол жеткізілген келісімдерді талқылауға мүмкіндік алады.

Reuters Путин Кремльде АҚШ президенті Дональд Трамптың екі ықпалды елшісімен кездескенге дейін Украина бойынша еуропалық ұсыныстардан бас тартқанын хабарлады.

Трамп соғысты тоқтатқысы келетінін мәлімдед...