Жаңалықтар

Kursiv Media Қазақстандағы демографиялық ахуалға талдау жасап, соңғы 20 жылдағы қаңтар-наурыз айларындағы туу көрсеткіштерінің динамикасын зерттеді. Нәтижесі бала туу көрсеткіші төмендегенін байқатып отыр.

Ұлттық статистика бюросының мәліметінше 2026 жылдың бірінші тоқсанында дүниеге келген сәбилер саны небәрі 74 067-ні құрады. Бұл былтырғы жылдың осы кезеңімен салыстырғанда (77 345) 4,2%-ға кем.

Егер көрсеткішті бэби-бум байқалған 2021 жылмен (100 454 сәби) салыстыратын болсақ, тіпті 26,2%-ға құлдырағанын көреміз. Яғни, бес жыл ішінде туу көрсеткіші төрттен бір есе азайып отыр.

Қазақстанда су қорының азаюына байланысты су пайдалану лимиттері қысқартылды. Соның салдарынан елдің оңтүстігінде вегетациялық кезеңде су тапшылығы туындауы мүмкін. Бұл туралы Су ресурстары және ирригация министрі Нұржан Нұржігітов мәлімдеді.

Министрдің айтуынша, биылғы вегетациялық маусым 2025 жылғы құрғақшылықтың салдарынан қалыптасқан жағдайға байланысты өтеді.

Сырдария бассейні: су деңгейі төмен

Сырдария өзені бассейні бойынша қазіргі су қоймаларындағы су көлемі көршілес мемлекеттер аумағындағы көрсеткіштен 1,6 млрд текше метрге аз.

«Жазғы кезеңде аталған су қоймалары су жинау режимінде жұмыс істейтінін ескере отырып, Қазақстан аумағына келетін су ағыны орташа көпжылдық норманың 70%-ын ғана құрайды. Бұл төмен су жағдайына сәйкес келед...

Шымкентте полицейлер көшеде толғағы басталған әйелге көмек қолын созып, перзентханаға жедел жеткізді.

Polisia.kz ақпаратына қарағанда, қызмет барысында патрульдік полиция қызметкерлеріне ер адам жүгінген. Ол жұбайының толғағы басталғанын және оны шұғыл түрде перзентханаға жеткізу қажеттігін айтқан.

«Жағдайды дереу бағалаған тәртіп сақшылары уақыт жоғалтпай көмекке кірісті. Арнайы жарық және дыбыс белгілерін қосқан патрульдік көлік қала көшелеріндегі қозғалысты жедел еңсеріп, әйелді перзентханаға қауіпсіз әрі дер кезінде жеткізді», – делінген ақпаратта.  

Соның арқасында әйел медициналық көмекті уақтылы алған. Отбасы мүшелері полиция қызметкерлеріне шынайы алғысын білдірді. Қиын сәтте қолғабыс бергеніне ризашылығын жеткізген.

Айта кететін жайт, алматылық әйел өзін...

Отандық кинонарықта өзіндік қолтаңбасы бар «Хотя бы кинода» франшизасының төртінші бөлімі үлкен экранға жол тартып, алғашқы аптасында-ақ көрермендердің қызуғышылығын арттырды.

Режиссер Ернар Нұрғалиев фильмнің динамикасына айтарлықтай әсер етіп, комедиялық драйвқа толы туындыға айналдырды. Алайда фильм күлкілі болғанымен, өзінің бастапқы мағынасынан алыстап кеткендей әсер қалдырады.

Нұржан Төлендиевтің кинодағы дебюті

Бұл жолғы бөлімнің басты ерекшелігі – танымал әзілкеш Нұржан Төлендиевтің кино әлеміндегі дебюті. Осы уақытқа дейін оннан астам жобалардан бас тартқан актердің дәл осы сценарийге тоқтауы тегін емес. Ол сомдаған Абдан есімді кейіпкердің харизмасы мен өзіне ғана тән сөйлеу мәнері туындының басты «фишкасына» айналған.

Сюжет желісі бойынша басты кейіпкер Қайрат (Қайрат...

Еуропа футбол қауымдастықтары одағы (УЕФА) биылғы маусымдағы еурокубок турнирлерінің ортақ кезеңіне қатысқан 108 клубқа қанша сыйақы берілетінін жариялады.

Sports.kz мәліметінше, лондондық «Арсенал» клубы табыс бойынша көш бастап тұр. Клуб 143,2 миллион еуро сыйақыға ие болды. Бұл- барлық еурокубок қатысушылары арасындағы ең жоғары көрсеткіш.

Сонымен қатар алғаш рет Чемпиондар лигасының ортақ кезеңінде өнер көрсеткен алматылық «Қайраттың» нәтижелсі үлкен қызығушылық тудырды. Қазақстандық клуб 21,2 миллион еуро (11 млрд 617 млн теңге) табыс тапты. Бұл еурокубок қатысушылары арасындағы ең төменгі көрсеткіш.

Басқа турнирлердегі жағдайға тоқтала кетсек, Еуропа лигасында ең көп табысты ағылшынның«Астон Вилласы» иеленіп, шамамен 35 миллион еуро табыс тапты, ал...

Оңтүстік Қазақстанда уран өндіретін «Заречное» бірлескен кәсіпорны» 2025 жылы бас директорына 50,5 млн теңге сыйақы төлеген. Қазақ-қытай-қырғыз компанияларына тиесілі кәсіпорын хабарламасы қаржы есептілігі депозитарийінде жарияланған.

Кәсіпорынды 2024 жылдан бері Қанат Нұржанов басқарады. Ол кәсіпорынның стратегиялық дамуы, жедел жоспарлау және жалпы қызметті бақылауға жауапты.

«Заречное» БК» Оңтүстік Қазақстандағы аттас кен орнында уран өндірумен айналысады. Компанияның акционерлері қатарында «Қазатомөнеркәсіп» ұлтық уран операторы, қытайлық SNURDC Astana Mining Company және «Қаратау» кәсіпорыны бар.

CGN қытай корпорациясы 2024 жылғы желтоқсанда «Заречное», «Хорасан-U» және «Қызылқұм» кәсіпорындарындағы үлесті «Росатомнан» сатып алды.

Маңғыстауда мұғалім кәуапқа қақалып қайтыс болды. Қайғылы оқиға 10 мамыр күні мектеп ұжымының табиғат аясында тынығуы кезінде болған.

Qaz365.kz хабарлауынша, Ақтау қаласындағы мектептердің бірінің қызметкерлері Маңғыстау ауданындағы Жармыш ауылы маңында орналасқан Аралбай сарқырамасына демалысқа барған.

Далада дастарқан басында отырған кезде 56 жастағы ер адам кәуаптың сүйегіне қақалып қалған. Өкінішке қарай, оған дер кезінде көмек көрсетілмеген. Ол оқиға орнында көз жұмған.

Маңғыстау облысы Полиция департаментінің баспасөз қызметі аталған дерек бойынша жан-жақты тексеру басталғанын хабарлады.

Қазіргі уақытта тергеушілер оқиғаның барлық мән-жайын анықтап жатыр. Құқық қорғау органдары азаматтарды табиғат аясындағы демалыс кезінде барынша сақ әрі мұқият болуға шақырды.

Айта кететін жайт...

Ауыл шаруашылығы министрлігі әкімдіктермен бірлесіп, су көп қажет ететін дақылдардың егіс алқаптарын қысқартып, егіс құрылымын қайта қарамақшы. Бұл туралы вице-министр Азат Сұлтанов хабарлады.

Биылғы жалпы егіс көлемі 23,8 млн гектарды құрайды. Бұл 2025 жылмен салыстырғанда 180 мың гектарға көп.

Басымдық жоғары табысты дақылдарға берілді. Осы жылы келесі дақылдардың егіс алқаптары ұлғайтылады:

Сонымен қатар ішкі нарықты әлеуметтік маңызы бар азық-түлік өнімдерімен қамтамасыз ету мақсатында шаруашылықтардағы картоп егіс көлемі 10 мың гектарға...

Биыл Қазақстанда ауыл шаруашылығы техникасы паркін 8%-ға жаңарту жоспарланған. Бұл туралы үкімет отырысында ауыл шаруашылығы вице-министрі Азат Сұлтанов хабарлады.

Елде ауыл шаруашылығы техникаларын жаңарту қарқыны оң нәтиже көрсетіп отыр. 2025 жылдың қорытындысы бойынша көрсеткіш 6,5%-ға жетсе, биылғы жоспар 8% болған. Осы жұмыстың нәтижесінде техниканың тозу деңгейі 10%-ға азайып, отандық өндіріс көлемі бір жылда 22%-ға артты, ал биыл тағы 9,9 мың бірлік техниканы шығарту көзделген.

Мемлекет тарапынан жергілікті өндірушілерге басымдық беріліп, отандық техника сатып алғандардың шығыны 30%-ға дейін өтелсе, импорттық техника үшін жеңілдік 15-25% көлемінде белгіленген. Сонымен қатар, егіс науқанын сапалы өткізу мақсатында 402 мың тонна арзандатылған дизель отыны бөлініп, қазірд...

Қазақстанда биыл жаз әдеттегіден ыстық болады деп күтіліп отыр. Елдің кей өңірлерінде жауын-шашын азайып, құрғақшылық қаупі сақталады. Бұл туралы Экология және табиғи ресурстар министрі Ерлан Нысанбаев мәлімдеді.

Министрдің айтуынша, мамыр-маусым айларында республика аумағының басым бөлігінде ауа температурасы климаттық нормадан 1-2 градусқа жоғары болады. Ал шілдеде елдің көп бөлігінде температура норма шегінде сақталғанымен, батыс аймақтарда аптап ыстық болуы мүмкін.

«Жалпы мамыр айында ауа райы егін егу жұмыстарын жүргізуге қолайлы болады. Алайда жоғары температураға байланысты топырақтың үстіңгі қабаты тез кебуі мүмкін», – деді Ерлан Нысанбаев.

Егістікке ылғал жеткілікті ме

Көктемгі дала жұмыстары кезеңінде елдің көп бөлігінде...

Қазақстанда экономикалық қылмыс жасаған тұлғалар мен заңсыз істерге араласқан компаниялардың арнайы тізімі жарияланады. Экономикалық қылмысқа бюджет қаржысын жымқыру, жалған ақша жасау, қаржы пирамадасын құру, салықтан жалтару, контрабандамен айналысу, ақша жылыстату, тұтынушыларды алдау жатады.

Бұл тізім қоғам мен кәсіпкерлерді қаржы алаяқтығы пен қауіпті келісімшарттардан сақтандыру үшін құрылып отыр.

Оған экономикалық құқық бұзушылық жасағаны үшін сот үкімімен кінәлі деп танылған азаматтардың аты-жөні, туған жылы, қылмыс түрі және тергеу жүргізген орган туралы мәліметтер енгізіледі.

Сондай-ақ заңсыз істерге пайдаланылған компаниялардың атаулары, олардың бизнес-сәйкестендіру нөмірлері (БСН) және қаржы пирамидаларының толық тізімі көрсетіледі.

Қаржылық мониторинг агенттігі ақпаратты өз сайтында тоқсан сайын...

Әлемге әйгілі Netflix стриминг сервисі испаниялық феноменге айналған «Қағаз үй» сериалы қайта оралатынын ресми түрде хабарлады.

Netflix YouTube арнасында трейлер шығарып көрермендерін қызықтырып қойды.

«Революция аяқталған жоқ. «Қағаз үйді» енді біз басқарамыз. Егер келесі жоспар қандай екенін білгіңіз келсе, бізбен бірге болыңыз», – делінген хабарламада.

Қазіргі уақытта жобаның нақты форматы құпия сақталып отыр. Netflix бұл сериалдың толыққанды жаңа маусымы бола ма, әлде басқа бір форматта жалғасы ма, ол жағын нақтыламады. Сондай-ақ актерлік құрамнан кімдер оралатыны да әзірге белгісіз.

«Қағаз үй» сериалының тарихы

2017-2021 жылдары шыққан сериал тонаушылар тобының айналасындағы оқиғаларға құрылған. Урсула Корберо, Альваро...

Алматыда Әл-Фараби даңғылында үш адамның өмірін қиған жантүршігерлік жол апатына қатысты тергеу аяқталды. Бұл туралы жәбірленушілердің бірінің адвокаты Олег Черно хабарлады.

«Әл-Фарабидегі апат бойынша іс материалдарын зерттеуге кірістік. Іс бітті», – деп жазды ол инстаграм парақшасында.

Еске салайық, 21 наурыз түнгі сағат 03:30 шамасында, Алматыдағы Әл-Фараби даңғылы мен Меңдіқұлов көшесінің қиылысында жол апаты болды. Zeekr маркалы машинасы Mercedes көлігіне соғылып, үш адам да сол жерде тіл тартпай кетті. Ал апатқа кінәлі делінген Zeekr жүргізушісі ауыр жарақат алып ауруханада жатыр. 

Кейін жол апатынан қайтыс болған жүргізушінің туыстары күдікті тараптың келісімге келмек болғанын...

Алматы облысы Есік қаласында хабарлама арқылы балағаттағаны үшін інісі туған ағасын 16 жерінен пышақтап өлтірген.

Осы іс бойынша жақында Алматы облысының қылмыстық істер жөніндегі мамандандырылған ауданаралық сотында 34 жастағы Камиль Худайбердиевке қатысты үкім жарияланды. Ол туған ағасы Бахтияр Худайбердиевті өлтіргені үшін айыпты деп танылды.

Қайғылы оқиға биыл 11 ақпанда Есік қаласында болған. Таңертең Камиль баласын балалар орталығына апарып келе жатып, жолда ағасынан WhatsApp арқылы бірнеше хабарлама алған. Онда балағат сөздер болған.

Ағалы-інілі екеу алдымен телефон арқылы сөйлесіп, дауласқан. Сосын көзбе-көз тәжікелесуді жөн көреді.

Соңында Худайбердиевтер Бахтиярдың үйінің маңында кездесіп, қайта жанжал шығады. Сол сәтте Камиль қалтасынан пышақ шығарып, ағасына бірнеше...

Интернет пен әлеуметтік желілерде жасөспірімдердің жарылыс, өрт қою және басқа да қауіптер туралы жалған хабарламаларды белсенді түрде тарап жатыр. Осыған орай Ішкі істер министрлігі жалған ақпарат үшін жауапкершілік барын ескертті.

Ведомствоның мәліметінше, Алматы облысында терроризм актісі туралы көрінеу жалған хабарлама таратты деген күдікпен 9-сыныптың екі оқушысы ұсталған. Тергеу барысында олардың Астана мен Алматы облысында осындай 14 дерекке қатысы бары анықталған.

Сонымен қатар, Шығыс Қазақстан облысындағы 9-сынып оқушысы әлеуметтік желідегі қолданушылармен жанжалдан кейін олардың атынан Шымкент әкімдігі мен Ақтаудағы сауда үйлерінің бірінің электрондық поштасына жарылғыш құрылғы қойылғаны туралы хабарламалар жіберген.

Қылмысты жасау кезінде олар анонимді телефон нөмірлері мен электронды...

2026 жылдың қаңтар-сәуір айларында Қазақстанның жалпы ішкі өнімінің (ЖІӨ) өсімі 3,6%-ды құрады. Бұл туралы Ұлттық экономика министрлігінің баспасөз қызметі хабарлады.

Бірінші тоқсанның қорытындысымен салыстырғанда, экономикалық өсу динамикасы айтарлықтай жақсарды. 2026 жылдың қаңтар-наурыз айларында ЖІӨ өсімі 3% болған.

Төрт айдың қорытындысы бойынша өнеркәсіптік өндіріс оң аймаққа шықты. Нақты көлем индексі 102,1%-ды құрады, ал бірінші тоқсанның қорытындысы бойынша 99,9%-ға дейін төмендеу тіркелген.

«Өнеркәсіптің қайта қалпына келуінің негізгі факторы өңдеу секторының жеделдеуі болды, онда өндіріс көлемі 9,9%-ға ұлғайды. Ал қаңтар-наурызда 8,5% болған», – деп түсіндірді Экономика министрлігі.

Көлік құралдарын, ауыл шаруашылығы және теміржол техникасын, электротауарлар мен жабдықтарды...

Kaspi.kz қаржы-тех компаниясы 2026 жылдың І тоқсанындағы қаржы нәтижесін жариялады. Есепті кезеңде компанияның негізгі бағыттары бойынша өсім байқалғанымен, таза пайда деңгейі былтырғы көрсеткішпен салыстырғанда 1%-ға төмендеп, 252 млрд теңгені ($526 млн) құрады.

Жалпы түсім артқан

Компанияның жалпы түсімі бір жыл ішінде 31%-ға артып, 1,1 триллион теңгеге жетті. Операциялық пайда (EBITDA) 9%-дық өсіммен 368 млрд теңге деңгейінде қалыптасты. Таза пайданың аздап төмендеуіне екі фактор әсер еткен: біріншісі – Қазақстандағы пайыздық мөлшерлемелердің жоғары болуына байланысты депозиттерді қаржыландыру шығынының артуы.

Екіншіден, түркиялық Hepsiburada маркетплейсінің толық шоғырлануы. Қазір түркиялық бизнес платформаны әрі қарай дамытуға бағытталған инвестицияларға бссымдық берілмек.

Лондонда Халықаралық үстел теннисі федерациясының (ITTF) туын Қазақстанға салтанатты түрде тапсыру рәсімі өтті. Бұл Астана 2027 жылғы Әлем чемпионатын қабылдайтын ресми қожайын мәртебесіне ие болғанын білдіреді.

2027 жылы өтетін дода бүкіл Орталық Азия аймағы үшін тарихи оқиға болмақ. Бұған дейін өңірде үстел теннисінен мұндай ауқымдағы жарыс ешқашан өтпеген.

Болжам бойынша, Астанадағы Әлем чемпионатына 1250-ге жуық ресми қатысушы келеді. Сонымен қатар, елордаға мыңдаған шетелдік жанкүйер мен қонақ келеді деп күтілуде. Бұл елдің туристік әлеуетін арттырып, спорттық имиджін нығайтуға үлкен септігін тигізбек.

«Әлем чемпионатын Астанада өткізу – Қазақстандағы үстел теннисінің қарқынды дамуы мен өсуінің айқын дәлелі. Бұл тек...

Түркістан облысындағы Арыс қаласының шетінде орналасқан жеке тұрғын үйлердің бірінде ірі синтетикалық есірткі зертханасы жойылды. Мамырда Ішкі істер министрлігінің қызметкерлері жедел-іздестіру шараларын жүргізіп, ағайынды екі адамның есірткі өндірісін тапқан.

Тінту кезінде оқиға орнынан жарты тоннаға жуық сұйық мефедрон мен 1,5 тонна прекурсор, сондай-ақ реакторлар, колбалар мен магниттік араластырғыштар сияқты арнайы зертханалық жабдықтар табылып, тәркіленді.

Қазіргі уақытта алынған заттарға сараптама тағайындалып, күдіктілер уақытша ұстау изоляторына қамауға алынды. Аталған дерек бойынша Қылмыстық кодекстің 297-1-бабы негізінде сотқа дейінгі тергеу амалдары жүргізіліп жатыр және бұл бап бойынша кінәлілер өмір бойына бас бостандығынан айырылуы мүмкін.

Бұған дейін гаражын есірткі қоймасына айналдырған Семей...

Алматы қаласында соңғы тәулікте жауын-шашынның рекордтық мөлшері тіркелді. Синоптиктер мен қалалық қызметтердің мәліметінше, небәрі бір күн ішінде қалаға мамыр айына тиесілі айлық норманың жартысынан астамы жауып үлгерген.

10 мамыр сағат 11:00-ден 11 мамыр сағат 20:00-ге дейінгі аралықта қала аумағына 50,4 мм жауын-шашын түсті. Бұл мамыр айына белгіленген айлық норманың (99 мм) тура 51 пайызы. Мұндай қысқа мерзімдегі мол жауын қаланың дренаждық жүйесі мен инфрақұрылымына айтарлықтай салмақ салды.

Төтенше әрекет ету шаралары

Су басудың алдын алу және салдарын жедел жою мақсатында қалалық коммуналдық қызметтер мен Төтенше жағдайлар департаменті күшейтілген жұмыс режиміне көшті.

Тәулік бойы қала көшелерінде 3080 жол жұмысшысы мен 1225 арнайы техника жұмылдырылды. Төтенше жағдайлар...

Президент Қасым-Жомарт Тоқаев Иранның ядролық мәселесін шешіп беруге көмектескісі келеді. Мемлекет басшысы 11 мамырда өткен кездесуде осылай деп мәлімдеді.

Дүйсенбі күні Тоқаев Бразилияның сыртқы істер министрі Мауро Виейраны қабылдады. Ақорда таратқан мәліметке қарағанда, шағын топпен өткен кездесуде президент халықаралық қауіпсіздік, ядролық қарусыздану және жаппай қырып-жоятын қаруды таратпау мәселелеріне тоқталды.

Бұдан бөлек, БҰҰ және оның құрылымдарын реформалау жайы, сондай-ақ Иранның ядролық бағдарламасы төңірегіндегі ахуал қарастырылды.

«Мемлекет басшысы еліміз ізгі ниет таныта отырып, Ирандағы ядролық проблематиканың шешілуіне септігін тигізуге дайын екенін мәлімдеді. Ол үшін тиісті халықаралық уағдаластыққа қол жеткізіліп, аталған мәселе нақты іске ұласуы қажет...

АҚШ президенті Дональд Трамп бензинге федералдық салықты уақытша тоқтатуды ұсынды. Бұл туралы Bloomberg хабарлайды.

11 мамырда CBS News-ке телефон арқылы берген сұхбатында Трамп бензиннің әр галлонына салынатын 18,4 цент көлеміндегі салықты «белгілі бір уақытқа» тоқтатқысы келетінін мәлімдеді. Өйткені Құрама Штаттарда жанармай бағасы шарықтап барады.

Қазір АҚШ-та бір галлон бензиннің (3,7 литр) бағасы 4,52 доллар болып тұр. Калифорния сияқты жанармай тапшы штаттарда оның құны 6 доллардан асып кетті.

Трамптың салықты алып тастау туралы ұсынысы бағаны қаншалықты түсіретіні әзірге белгісіз. Алымның мұндай түрі негізінен жол салуға, жөндеу, техникалық қызмет көрсетуге жұмсалып жүр.

Құрама Штаттарда бағаның көтерілуіне Ирандағы соғыс, әсіресе Ормұз...

Солтүстіктен антициклон Қазақстанға да жетуіне байланысты республикада күн райы айтарлықтай бұзылды. Елдің солтүстістік өңірлерінде қар аралас жаңбыр жауып, түнде ауа температурасы түнде -3 градусқа дейін төмендейді. Ауа райы болжамы «Қазгидромед» мәліметі негізінде дайындалды.

Дүниежүзілік денсаулық сақтау ұйымы (ДДСҰ) MV Hondius кемесімен круизге шыққан тоғыз адамның хантавирус жұқтырғанын анықтады. Бұл туралы Reuters хабарлайды.

Жолаушылар вирус жұқтырды

11 мамыр, дүйсенбі күні, ДДСҰ хантавирус (Andes virus штаммы) жұқтырған азаматтар туралы мәліметті жаңартты. Алдында жетеу болған. Франция екі жолаушының вирусқа шалдыққанын анықтаған соң, науқастардың жалпы саны тоғызға жетті.

Ұйым мәліметінше, жұқпалы аурудан барлығы үш адам қайтыс болған.

Қазір круизден оралған лайнер Испанияның Тенериф аралында тұр. Жергілікті билік оны портқа кіргізбей, зәкірді ашық теңізге тастауды бұйырған.

Енді кемедегі жолаушыларды катерлермен эвакуациялап, өз елдеріне жіберіп жатыр. Олардың арасында Испания, Германия, Нидерланд, АҚШ және Франция азаматтары бар...