Жаңалықтар

Танымал стендап-комик, Youtube-тегі рейтиңі топқа кіретін бірқатар бағдарламаның резиденті Руслан Тай осыдан бірнеше жыл бұрын қатты қиналған сәтінде өзіне қол салмақ болғаны туралы айтып берді. Айтуынша, сол сәттерде әйелінің қолдауы ғана оны алға жетелеген.

Руслан Тай мен әйелі Саида Youtube-тегі Estelik атты жаңа бағдарламада қонақ болып қайтты. Ол жерде жұп алғашқы кездесу, қиындықтар, қызық оқиғалар жайлы еске алып, естеліктерді ортаға салады. Бағдарламаның екінші қонағы болған Руслан мен Саида қалай танысқандарынан бастап, балаларының дүниеге келуі, Алматыға көшуі сияқты маңызды кезеңдерді де еске алды. «Алғашқы ашылу» бөлімінде олар телефонда сақталып қалған бір видеоның тарихын айтты. 

Ол жерде екеуі қыз-жігіт боп кездесіп жүрген. Видеода саябақта...

Air Astana 2025 жыл үшін әрбір жай акциясына 9.92 теңге көлемінде дивиденд төлеуді жоспарлап отыр. Бұл ұсыныс алдағы акционерлердің жалпы жиналысында ресми түрде бекітілуі тиіс.

Егер сізде халықаралық нарықтағы бір GDR (жаһандық депозитарлық қолхат) болса, оның ішінде 4 акция бар екенін ескерсек, бір қолхат үшін төлем 39.68 теңге болады. Компания бұл мақсатқа жалпы алғанда шамамен 3.5 миллиард теңге жұмсамақ.

Бұл шешім әлі түпкілікті емес. Егер акционерлер бұл ұсынысты қолдаса, ақша 2026 жылдың жазда төлене бастайды.

Айта кетерлігі, биылғы ұсынылған сома өткен жылмен салыстырғанда едәуір аз. Былтыр Air Astana әр акция үшін жалпы 53.7 теңге төлеген болатын...

Сая Оразғалиева өзі үшін не маңызды екенін, қарым-қатынаста материалдық байланыстан гөрі эмоциялық байланысты артық көретінін айтты.

«Әрине, мен үшін эмоциялық байланыс маңызды. Бірақ бұл тек мен үшін ғана. Ешкімге ештеңе таңбаймын. Саналы ғұмырымда, қаржы жағына келгенде, тек өзіме ғана арқа сүйеймін», – дейді актриса.

Өзінің айтуынша, ол осы уақытқа дейін ешкімнің қолына қараған емес. Өйткені, жастайынан ақша таба бастапты.

«Сосын мен ақша сұрай алмаймын. Тіпті, ол адам күйеуім болса да! Бұл қарапайымдылық па, әлде, өзімшілдік пе, ол жағын анық білмедім, әйтеуір өзімде ұдайы ақша болуы керек», – дейді Сая Оразғалиева.

Балалары туған соң, қағидаты күшейе түскен.  

Ғылым және жоғары білім министрі Саясат Нұрбек отандық ғалымдар әзірлеген қатерлі ісікке қарсы препараттың бағасы қанша болатынын айтты. Министр әлемде теңдесі жоқ дәрі өте арзан болады деп сендірді.

Министрдің айтуынша, аталған препараттың құрамы да қарапайым, глюкоза мен «арсеник» қышқылынан тұрады.

«Бұл дәрінің ішінара компоненттері өте арзан. Бір дәрі-дәрмектің өзіндік құны 15-16 мың теңгені құрайды. Біз «арсеник» қышқылын шетелден сатып аламыз, ал глюкозаны өзімізде шығады. Егер қышқылды да өзіміз шығарған жағдайда 10-12 мың теңге көлемінде болар еді. Өте арзан», – деп түсіндірді министр үкімет брифингінде.

Дәрі қатерлі ісіктің барлық түрін емдей ала ма

Жаңа Салық кодексіне сәйкес, бұдан былай InDrive немесе Aparu сияқты сервистер әр тапсырыстан түскен ақшаның бір бөлігін әлеуметтік төлем ретінде ұстап қалып, мемлекетке өздері аударуға тиіс. Алайда бұл бастамаға бизнес өкілдері қарсы шығып отыр. Осы мәселе Премьер-министрдің орынбасары – ұлттық экономика министрі Серік Жұманғариннің төрағалығымен өткен Салық кодексін енгізу жөніндегі жобалық кеңсенің кезекті отырысында талқыланған.

Бизнес иелерінің айтуынша, нарықта жұмыс істеудің екі жолы бар. Біріншісі – ақша платформа арқылы өтетін модель (мысалы, InDrive). Мұнда салықты ұстап қалу қиын емес. Екіншісі – жолаушы ақшаны жүргізушіге қолма-қол немесе тікелей аударыммен (P2P) беретін модель (мысалы, Aparu).

Бұл жағдайда...

Бүгін, 31 наурызда, футболдан Қазақстан ұлттық құрамасы FIFA Series турнирі аясындағы екінші кездесуін өткізеді. Талғат Байсуфинов шәкірттері Астана төрінде Комор аралдары құрамасын қабылдайды.

Қос ұжым арасындағы тартысты ойын елордадағы «Астана Арена» стадионында өтеді. Кездесудің басталуы жергілікті уақытпен сағат 17:00-ге жоспарланған. Ойынды Qazsport телеарнасы тікелей эфирде көрсетеді.

Турнирдегі қазіргі жағдай

FIFA Series – әртүрлі конфедерациялардың құрамалары арасындағы достық кездесулерді ілгерілетуге бағытталған жаңа жоба. Қазақстан құрамасы турнирді сәтті бастады: Алғашқы ойында Намибия құрамасымен кездесіп, 2:0 есебімен сенімді жеңіске жетті.

Еске сала кетейік, бұл турнирге «Челси» футбол клубы Дастан Сәтбаевты ұлттық құрама сапына жібермеген еді.

Айгүл Иманбаева АҚШ-та наурыз мерекесін тойлап жүр. Бұл шараны АҚШ-тағы қандастар ұйымдастырған.

Актриса әрі әнші Айгүл Иманбаева бұл шараға арнайы шақырумен келген. АҚШ-та өткен Наурыз қазақтың дәстүрімен өтіп жатыр. Америка төрінде қазақтың туы, ұлттық бұйымдар мен тағамдар ерекше көзге түседі.   

 «Сиэтл қаласы. Вашингтон штаты. Міне, осындағы Қазақ қауымдастығының президенті Лиза ханымның арнайы шақыруымен Америкаға аман-есен жеттік. 200-300 қазақ отандастарымыздың басы қосқан Наурыз мерекесі өтеді. Күн тамаша. Отель Тынық мұхиты жанында», – деп хабарлады Айгүл Иманбаева.

Мереке барысында әнші ұлттық костюм киіп, халық әндерін орындап берді.

Наурыз мейрамын жергілікті америкалықтар да қызықтау үстінде. Америка қазақтары...

Ғылым және жоғары білім министрі Саясат Нұрбек инновациялық штаб құруды ұсынды. Бұл туралы ол үкімет отырысы барысында мәлім етті.

«Инновациялық қызметке қатысты тәсілдердің жалпы трансформациясын қысқаша таныстыруға рұқсат етіңіздер. Қазір жаңа модель қалыптасып жатыр, ол анағұрлым тұтас, қолданбалы және экономикалық нәтижеге бағытталған. Бұл модельдің негізінде тәжірибелік-конструкторлық жұмыстарды (TRL 4–6 кезеңдері) қолдау жатыр. Сонымен қатар, бірыңғай инновациялық экожүйе қалыптастырып, бизнеске салықтық жеңілдіктер беру және өңірлердің рөлін күшейту көзделген», – деп түсіндірді министр.

Министр бұл идеядан бастап нарыққа дейінгі процесті біртұтас жүйеге біріктіретін үздіксіз инновациялық циклге көшу екенін айтты.

Валюта нарығындағы бүгінгі сауда-саттық отандық теңгенің сыртқы факторларға реакциясын айқын көрсетті. Астана уақытымен сағат 11:14-тегі жағдай бойынша, Қазақстан қор биржасында (KASE) белсенділік байқалып, ұлттық валютаның нақты құны қалыптасып жатыр. Валюта нарығында бір доллардың құны 478,54 теңгеге дейін арзандады.

Айырбас орындарындағы баға: доллар 483 теңгеге жуықтады

Елдің қаржылық тынысын білдіретін Алматы қаласындағы айырбас пункттерінде қазіргі сәтте доллар бағамы айтарлықтай құбылмалы. Жекеменшік айырбас кеңселері америкалық валютаны сатуды 479 – 483 теңге аралығында белгілеп отыр.

Теңгеге «мұнай тіреуіші» көмектесе ме?

Ұлттық валютаның тұрақтылығын қамтамасыз ететін сыртқы факторлар бүгін теңге үшін айтарлықтай қолайлы. Әлемдік нарықтағы шикізат бағасының күрт өсуі теңгенің еркін құлдырауына...

2026 жылы Қарағанды облысында клинкерлі плитка шығаратын жаңа зауыт іске қосылмақ. Бұл жоба елімізге сырттан келетін құрылыс материалдарының импортын азайтуға және жергілікті тұрғындар үшін 170 жаңа жұмыс орнын құруға мүмкіндік береді.

Бұл кәсіпорын Қазақстандағы ғимарат қасбеттеріне арналған клинкерлі плитка шығаратын тұңғыш өндіріс орны болмақ.

Зауыттың қуаттылығы жылына 1 млн шаршы метр өнім шығаруға қауқарлы. Өндіріс ошағы өз өнімдерін ішкі нарыққа ұсынып қана қоймай, экспортқа шығаруды да көздеп отыр. Кәсіпорын экологиялық тұрғыдан тиімді табиғи газбен жұмыс істейді, ол үшін қажетті инфрақұрылым толық дайындалған.

Жобаның жалпы құны 27,2 млрд теңгені құрайды. Қаржыландырудың бір бөлігі, атап айтқанда 16,6 млрд теңгес...

Экономист Ғалым Құсайынов қазақстандық кәсіпкер Владимир Ким өзіне тиесілі Bank RBK-ны сатуы мүмкін деп есептейді. Оның пікірінше, қаржы секторы кәсіпкер үшін басымдыққа ие актив емес.

«Қаржы секторы, атап айтқанда RBK, меніңше, Ким үшін негізгі актив емес. Ол қашанда тау-кен саласына көбірек ден қойды. Қаржылық қызмет оған ауыртпалық сияқты көрінеді», – деді Құсайынов Forbes Kazakhstan басылымына берген сұхбатында.

Желтоқсан айында Қазақстандағы ең ірі жекеменшік компания – «Қазақмыс» тау-кен металлургия корпорациясының акционерлері ауысқаны жарияланған.

Владимир Ким (70%) және Эдуард Огайдың (30%) үлестері Qazaq Stroy арқылы девелопер Нұрлан Артықбаевқа өтті. Алайда, активтерд...

Ғылым және жоғары білім министрі Саясат Нұрбек елде инновациялық жобаларды коммерцияландыру үшін тәжірибелік-конструкторлық жұмыстарға (ТКЖ) грант беруді ұсынды.

Министр инновациялық циклдің үзілуі жүйелі мәселеге айналғанын айтады. TRL 1–3 кезеңдерінде зерттеулер мемлекет тарапынан қолдау табады, TRL 7–9 кезеңдерінде бизнес жұмыс істейді. Алайда аралық TRL 4–6 кезеңінде жобалардың едәуір бөлігі тоқтап, коммерцияландыруға жетпейді.

Осы мәселені шешу үшін тәжірибелік-конструкторлық жұмыстарға (ТКЖ) грант беру атты жаңа құрал ұсынылды. Тиісті түзетулер қазіргі уақытта Мәжілісте қаралуда. Сонымен қатар, қосымша тежейтін фактор ретінде ҒЗТКЖ-ға жұмсалатын шығындардың төмен деңгейі сақталуда – ЖІӨ-нің 0,16%-ы ғана, ал технологиялық дамыған елдерде бұл көрсеткіш бірнеше...

2026 жылдың ақпан айында бағасы 6,99 млн теңгеден басталатын бұл ықшам седан еліміздегі жаңа көліктер нарығында үздік бестікке кірді.

Бұл туралы Қазақстанның Автокөлік Одағы хабарлады.

Ақпан айында қазақстандықтар 382 дана Kia Soluto сатып алған. Бұл көрсеткіш қаңтармен салыстырғанда 13,4%-ға жоғары. Қаңтар айында 337 көлік сатылған болатын.

Осылайша, 2026 жылдың алғашқы екі айында барлығы 719 автокөлік сатылып, модельге деген сұраныстың артып келе жатқанын көрсетті.

Kia компаниясының Қазақстандағы дистрибуция директоры Данияр Уразбаев бұл сұранысты көліктің бірқатар артықшылықтарымен түсіндірді. Оның айтуынша, модельдің сенімді конструкциясы, қажетті опциялар жиынтығы, басқарудың ыңғайлылығы, жұмсақ аспасы, кең жүксалғышы және қолжетімді бағасы сатып алушыларды тартып жатыр.

Мұны...

Қырғыз спортшысынан жеңілгеніне қарамастан, Еркебұлан Тоқтарды Алматы халықаралық әуежайында халық ерекше қошеметпен, ән-жырмен қарсы алды.

Әлеуметтік желілерде тараған видеода спортшыны күтіп алуға жүздеген адам жиналғанын көруге болады. Жиналған қауым домбырамен ән шырқап, құрмет көрсетті. Бұл көрініс желі қолданушыларының, соның ішінде көршілес елдердің де назарын аударды.

Инстаграм желісіндегі пікірлер легі халықтың спортшыға деген шынайы махаббатын көрсетті:

«Көңіл-күйіңді түсірме, Алла бұйырса, келесі жолы жеңесің!» – деп жазды Қарақалпақстаннан келген жанкүйер.

«Балам, сен біз үшін чемпионсың, жылап жібердім ғой. Қандай қошемет, қандай құрмет!» «Бүкіл халық сыйлайтын азаматсың» – деп тебіренді оқырмандар.

«Өнеркәсіпті дамыту қоры» 2025 жылы тапқан таза пайдасынан 5 мың теңгені ғана өз есебінде қалдырмақ. Ал табыстың негізгі бөлігі мемлекетке дивиденд ретінде аударылады. Бұл туралы қаржы есептілігі депозитарийіндегі хабарламада жазылған.

Қордың жалғыз акционерінің шешімімен 2025 жылдың қорытындысы бойынша таза кірісті бөлу және дивидендтер төлеу тәртібі бекітілген.

Соған сәйкес, былтырғы қызмет есебінен түскен 45 952 510 106 теңге көлеміндегі таза пайданың негізгі бөлігі, атап айтқанда 45 952 505 434,94 теңгесі дивиденд төлеуге бағытталды.

Бұл ретте бір жай акцияға шаққандағы дивиденд мөлшері 34 998,34 теңге болып белгіленді. Бекітілген ережеге сәйкес, төлемдер акционердің банктік шотына аударылады.

Күні кеше ұлын үйлендіріп, дүркіретіп той жасаған Жанболат пен Жазира қуаныштан кейін үйлерінде болған қызық оқиға туралы айтып берді. Жас ата-ене үйіне келін түсіргеніне әзірге үйрене қоймаған сыңайлы. 

Жазира Байырбекова өзінің Instagram парақшасының stories бөліміне оқиға туралы баяндап берді.

«Кеше тойдан кейін ертесіне бір ұзатуға тойға бардық. Шаршап келе жатқанбыз. Ұзату той ылғи түнгі 12-1 кезінде бітеді. Содан туфлиімізді, сөмкемізді қолымызға алып үйдің есігін қағып жатсақ, есікті Асека (жаңа түскен келіні – ред.) ашып тұр. Екеуіміз тұрып қалыппыз. Ұмытып кетіппіз. Басқа пәтер ме деп қалдық. 3-4 секунд бір-бірімізге қарап, қалай бұл деп қоямыз. Келінді болғанымызды ұмытып кетіппіз. Солай күліп жатырмыз...

Әл-Фарабидегі жол апатынан қайтыс болған жүргізушінің туыстарымен қарсы тарап келісімге келмек болған. Бұл туралы адвокат Олег Чернов 31 арнаға берген сұхбатында айтты.

Олег Чернов қайтыс болған 29 жастағы жүргізуші Еламанның мүддесін қорғайды. Айтуынша, айыпталушы тарап Еламанның туыстарымен келісуге тырысқан, бірақ марқұмның отбасы бас тартты. Марқұмның артында алты жастағы ұлы қалды.

Камерада жазба сақталған ба?

Қазір адвокат апат болған жердегі камералардағы бейнежазбаларды алып, күдіктінің сол күні кімге хабарласқанын анықтамақшы.

«У Афанасича» мейрамханасы мен ойын-сауық мекемесінен чекті және бейнежазбаларды тәркілеуді көздеп отырмыз. Қазіргі таңда олардың бейнекамералары істемейтіні немесе жазбаның сақталмағаны анықталды. Жүргізушін...

Халықаралық валюта қоры (ХВҚ) АҚШ пен Израильдің Иранға қарсы соғысы әлемдік экономикаға үлкен қауіп төндіріп тұрғанын ескертті.

Қордың басшысы Кристалина Георгиеваның айтуынша, қақтығыс бұрынғы дағдарыстардан енді ғана ес жия бастаған елдерге ауыр соққы болып тиеді.

Әсіресе, сырттан мұнай сатып алатын Африка мен Азия елдері қазірдің өзінде жанармай тапшылығын сезініп, оны тым қымбат бағаға алуға мәжбүр болып отыр.

ХВҚ мамандары жағдайдың соңы жаппай қымбатшылық пен экономикалық дамудың тежелуіне әкелетінін нақты айтты.

Егер соғыс ұзаққа созылса, әлемде энергия бағасы түспей, инфляцияны ауыздықтау қиындап, геосаяси тұрақсыздық сақталып қалады.

Соғыс басталған ақпан айының соңынан бері мұнай бағасы...

Британдық BBC корпорациясының орыс қызметі сайты мен «Новая газета Европа» басылымы Беларусьте экстремистік деп танылды. Могилев қаласының Ленин аудандық соты осындай шешім шығарды.

Құжатта тек орыс қызметінің сайты экстремистік деп танылғаны көрсетілгенімен, онда келтірілген www.bbc.com сілтемесі іс жүзінде бүкіл BBC сайтының бұғатталғанын білдіруі мүмкін деп жазады Deuche Welle.

Беларусьтің Әкімшілік құқық бұзушылық туралы кодексінің 19.11-бабына сәйкес, экстремистік материалдарды таратқаны (соның ішінде репост жасағаны), басып шығарғаны немесе сақтағаны үшін айыппұлдан бастап, қоғамдық жұмыстарға немесе құқық бұзушылық құралын тәркілеумен әкімшілік қамауға алуға дейін жаза қарастырылған.

Бұған дейін де Беларусь билігі халықаралық медиа ресурстарға қатысты осындай шаралар қолданған: 2022 жылғы наурызда Deutsche Welle (DW) редакциясының контенті экстремистік материалдар...

Танагөз Толқынқызының үстінен әлеуеметтік желідегі жазбасы үшін сотқа бір адам шағым түсірген. Бұл туралы ақынның өзі хабарлады.

Ол Астана қалалық Сарайшық ауданы полициясынан хабарласып, осы жайтты жеткізгені туралы парақшасында жазды  

«Менің үстімнен 7-наурыз күні фейсбук парақшамда жарияланған «Қазақстан тәуелсіздігін сақтап қала алмайды» деген постыма e-gov арқылы бір адамнан шағым түскенін мәлімдеді. Мені 31-наурыз күні таңғы сағат онда Сарайшық ауданы полиция бөлімшесіне келуімді сұрады»,  – деп жазды Танагөз Толқынқызы.

Ақын полицияға адвокатсыз бара алмайтынын, адвокаттың шығындарын көтеру қажет екенін алға тартты. Айтуынша, бұл Танагөз үшін үлкен мәселе болып тұр. Себебі 2022 жылдан бер...

Сот аппеляциялық шағымнан кейін Әсет Матаевты екі айға үй қамаққа шығарды. Бұл туралы оның қорғаушысы хабарлады.

«КазТАГ» ақпарат агенттігінің иесі Әсет Матаев ұсталғаны туралы 18 наурызда ақпарат тарады. ІІМ дерегінше, 17 наурызда төрт адамның ортасында жанжал шыққан. Оның соңы ары қарай төбелеске ұласқан. Полиция бұзақылық дерегі бойынша қылмыстық іс қозғалғанын хабарлады.

20 наурызда Әсет Матаев екі айға қамауға алынғаны белгілі болды.

Танымал блогер, заңгер әрі қоғам белсендісі Әділетхан Молдахан құқық қорғау органдары тарапынан ұсталып, уақытша ұстау изоляторына қамалды. Бұл туралы заңгердің көмекшілері хабарлады.

Адвокаттың айтуынша, Әділетханға Қазақстан Республикасы Қылмыстық кодексінің 274-бабы (көрінеу жалған ақпарат тарату) бойынша айып тағылып отыр.

Аталған іс бойынша тергеу амалдары жүргізіліп, қажетті жедел-тергеу шаралары қолға алынған.

Айта кетейік, Әділетхан Молдахан Алматыда Әл Фараби даңғылындағы адам өліміне әкеп соққан жағдайға байланысты әділ тергеуді талап етіп, видео түсірген еді.

Әнші Bayansulu (Баянсұлу Сағындықова) мен композитор Қуат Әбіл арасындағы авторлық құқық төңірегіндегі текетірес жаңа мәліметтермен толықты. Әнші композитордың айыптауларын жоққа шығарып, бұл іске бұрынғы продюсері Әлішер Бурхановтың да қатысы бар екенін мәлімдеді.

«Әр ән 30 мың доллар»: композитордың талабы

Баянсұлудың айтуынша, ән үшін ақы төлеуден ешқашан бас тартпаған. Алайда келісілген бағаның кенеттен үш есе өсіп кеткеніне наразы.

Әнші бұрынғы продюсерімен жұмысын тоқтатқан сәтте Қуат Әбіл әндердің авторлық құқығы өзінде екенін алға тартып, әр туындыны 30 мың долларға сатып алуды талап еткен.

«Әрине, бұл өте үлкен сома, менде ондай ақша болған жоқ. Сондықтан «өшіре беріңіз» деп айттым. Содан кейін әндер YouTube-тан өшіп кетті», – дейд...

Марқұм бизнесмен Александр Машкевичтің жесірі мен қыздары «Еуразиялық банктің» жанама ірі қатысушылары мәртебесін алды. Бұл туралы шешімді Қаржы нарығын реттеу және дамыту агенттігі (ҚНРДА) қабылдады.

Ведомствоның хабарлауынша, мәртебені иеленуге бірден үш адам – Алла Машкевич, Анна Машкевич және Лариса Машкевич келісім алған. Марқұм болған кәсіпкердің екі қызы мен жұбайы енді жанама иелік ету арқылы банктің ірі қатысушылары ретінде ресми түрде танылды.

Сондай-ақ агенттік Машкевичтің үш мұрагеріне «Еуразия» сақтандыру компаниясы» АҚ-ның жанама ірі қатысушысы мәртебесін алуына келісті.

Шешімдер 2026 жылғы 30 наурызда агенттік басқармасының қаулыларымен қабылданды.

2025 жылдың 16 қыркүйегінде сот Шухрат Ибрагимовтың талап-арызын қанағаттандырып, Директорлар кеңесінің бұрынғы шешімдерін заңды...