Жаңалықтар

2025 жылы жолаушылар вагондары паркін жаңартуға 65,5 млрд теңге бөлініп, 68 вагон сатып алынды. Бірақ вагондар әлі де халықтың игілігіне берілмеді. Бұл туралы Мәжіліс отырысында депутат Қарақат Әбден айтты.

Ол «Самұрық-Қазына» қорының өкілінен вагондар неліктен уақытында жеткізілмей, қабылданбай қалғанын, олардың қазіргі жағдайы қандай екенін сұрады.

Қарақат Әбденнің айтуынша, халықтың басым бөлігі пойызбен қатынайтынына қарамастан, елде вагон тапшылығы мәселесі әлі шешілмей келеді. Тіпті, бөлінген қомақты қаражаттың мақсатты жұмсалуы да күмән тудырып отыр.

«2025 жылы жолаушылар вагондарының паркін жаңартуға 65,5 млрд теңге бөлінді. Жоспар бойынша 68 вагон сатып алынып, 2025 жылдың соңына дейін пайдалануға берілуі тиіс еді. Кейіннен...

Журналист Жәмилә Маричева «ProTenge» жобасын сататынын хабарлады. Бұл туралы инстаграм парақшасында жазды.

«Өмірімдегі маңызды тараудың бірін жаптым. Мен «ПроТеңге» жобасын жаңа иесіне бердім. Мен үшін ол адамның медианы түсінгені және өз ортасында абыройлы болғаны маңызды», – деп жазды ол. Бірақ кім сатып алғаны белгісіз.

Жәмиля Маричева – белгілі журналист, медиаменеджер. ProTenge жобасында мемлекеттік сатып алу сайтындағы күдікті көрінген, сыбайлас жемқорлыққа қатысы болуы мүмкін деген сатып алуларды анықтады. Бірнеше рет ақпараттық шабуылға да ұшыраған.

Маңғыстау өңірінде Қазақстан үшін стратегиялық маңызы зор жаңа өндіріс орны бой көтермек. Үкімет Ақтау қаласында аммиак-карбамид кешенін салу туралы инвестициялық келісімге қол қоюды мақұлдады. Тиісті қаулыға Премьер-министр Олжас Бектенов қол қойған.

Зауытты миллиардердің компаниясы салады

Аталмыш жобаны «KazAzot PRIME» ЖШС жүзеге асырады. Аdata.kz дерегі бойынша 2022 жылы құрылған компания «Kazakhstan Petrochemicals» ЖШС серіктестігіне тиесілі. Ал бұл компанияның 7 иесі бар. Олар: Бахаридин Аблазимов, Рүстем Аязбаев, Айжан Балабатырова, Аркадий Кудабаев, Арман Мәулешев, Ермек Мырзаш, Тахмина Нагуманова.

Бахаридин Аблазимов – қазақстанда ең бай кәсіпкерлердің бірі, «ҚазАзот» АҚ Директорлар кеңесін...

Биыл үкімет қосылған құн салығын (ҚҚС) 16 пайызға дейін көтеріп, қазынаны ақшаға толтырамыз деп үміттенді. Алғашқы бес айда бұл салықтан бюджетке 3,48 трлн теңге түсті. Өте үлкен сома болғанымен, қазына жоспарын толық орындауға жетпеді.

Жоғары салық мөлшерлемесі күтілген ғажайып нәтижені берген жоқ. Қаржы министрлігінің мәліметінше жоспар 95,1%-ға ғана орындалды. Экономикаға салмақ салған жаңа мөлшерлеме неге бюджетті толтыра алмады?

Өсім бар, бірақ мәселе шешілген жоқ

2025 жылы дәл осы кезеңде жағдай бұдан да нашар болған еді. ҚҚС мөлшерлемесі 12% болған кезде бюджетке 2,4 трлн теңге түскен. Ол кезде үкімет жоспары 91,9%-ға орындалды.

Биыл салық көлемі абсолютті мәнде 1,1 трлн теңгеге...

Футболдан әлем чемпионаты жанкүйерлердің түрлі естелік бұйымдар мен кәдесыйлар жинайтын мерекеге айналады. Англиялық Гас Халли (Gus Hully) есімді азамат бұл дәстүрді мүлдем жаңа қырынан көрсетті.

Лондонда тұратын музыкант АҚШ, Мексика және Канадада өтетін биылғы Әлем чемпионатына қатысатын барлық 48 мемлекеттің сырасын тауып, бірегей коллекция жинаған.

48 елдің сусыны: Іздеу жұмыстары қалай жүрді?

Гас 2016 жылғы Еуропа чемпионатынан бері ерлер мен әйелдер арасындағы барлық ірі турнирлердің, тіпті «Еуровидение» байқауының да қатысушы елдерінен сусын жинауды әдетке айналдырған. Алайда, биылғы жылы командалар санының 48-ге дейін көбейгені қиындық тудырған.

«Мұның бәрін жинау үшін көп уақыт пен күш кетт...

2025 жылы Қазақстандағы ұлттық компаниялар мемлекет бюджетіне дивиденд төлеуді жоспардағыдан бес есе төмен орындаған. Осы мәселе 10 маусымда парламентте сөз болды.

Мәжіліс депутаты Серік Ерубаевтың мәліметінше, былтыр елдегі ұлттық компаниялар бюджетке 6,9 млрд теңге көлемінде қаражат төлемеген. Соған байланысты, депутаттың айтуынша, қазынаға квазимемлекеттік сектордан, 2024 жылмен салыстырғанда, бес есе аз ақша түскен.

«Үкімет шешімдерімен квазимемлекеттік сектордың он субъектісі мемлекет пайдасына дивидендтер төлеуден толық босатылды. Ал «Самұрық-Қазына» 140 млрд теңгеге босатылды», – дейді Ерубаев.

Оның айтуынша, «Бәйтерек» холдингінің 2024 жыл үшін төлеген дивидендінің көлемі оның алдыңғы жылмен салыстырғанда екі еседен аз болды. Мәселен, депутаттың дерегінше, холдинг...

Бүгін мәжілісте Жоғары аудиторлық палата республикалық бюджетке жүргізілген аудит есебін жариялады. Депутат Дәулет Мұқаевтың сөзінше, мемлекет қаржы бөлген фильмдердің басым көпшілігі табыс таппай, архивте қалып қойған, прокатқа шықпаған.

«Ұлттық киноны қолдау орталығы құрылғалы бері республикалық бюджеттен 30 млрд теңгеден астам қаражат бөлінді. Бірақ осы уақытқа дейін салаға бөлінген қомақты қаржының тек 1,5-3% көлеміндегі қаражаты ғана қазынаға кері қайтарылған», – деді депутат.

Оның мәліметінше, 2025 жылы 6 көркем фильм, 5 деректі фильм мен 5 анимациялық жоба және дебютті жүзеге асырыла бастады. Мұқаев «бұл фильмдерді қашан көреміз, неге мемлекеттік картиналар прокатта табысты емесі деген сұрақ қойды.

Соңғы жылдары халықтың несие алу көрсеткіші жылына 30%-ға дейін шарықтап кеткен. Жағдайды бақылауға алған құзырлы органдар банктердің «тәбетін тыюға» көшті. Несие мерзімін қысқарту және жаңа салықтар банктерді халықтан гөрі бизнеске көбірек ақша бөлуге мәжбүрлеп жатыр.

Мәжіліс кулуарында Ұлттық банк төрағасы Тимур Сүлейменов халықтың несие алуына шектеу енгізу, банктерді бизнеске көбірек несие бөлуге ынталандыру шаралары туралы айтып өтті.

«Былтыр тұтынушылық несиелендірудің шамадан тыс өсуін шектеуге арналған бірқатар шара қабылдадық. Яғни, біз халыққа берілетін несиелерге қатысты капиталдың жеткіліктілігіне байланысты салалық шектеу енгіздік. Сондай-ақ несие мерзіміне қатысты қосымша талап қойдық, – деді ол.

Сүлейменов бұрын тұтынушылы...

Ипотекалық қарыздарды қайта қаржыландыру бағдарламасы бойынша жаңа мерзімдер белгіленді. Бағдарлама аясындағы қолдау шаралары 2025 жылдың соңына дейін өтініш тапсырған азаматтар үшін 2026 жылғы 1 қыркүйекке дейін жалғасады. Бұл туралы Қаржы нарығын реттеу және дамыту агенттігінің қаулысында айтылған.

Құжатқа сәйкес, бұл талап банктерге, Қазақстан тұрғын үй компаниясы және өзге де уәкілетті ұйымдарға қолданылады. Барлық рәсімдер аяқталғаннан кейін банктер 2026 жылғы 1 қарашадан кешіктірмей Қазақстанның тұрақтылық қоры алдында қорытынды салыстыру актілерін ұсынуға міндетті.

Қаулыда тұрғын үйі ұйымдардың балансына өткен қарыз алушыларға ерекше назар аударылған. Егер проблемалық қарыз алушы тұрғын үйді сатып алуды қаржыландыру немесе оны жалға беру туралы өтінішт...

Мәжілістің пленарлық отырысында Жоғары аудиторлық палата (ЖАП) 2025 жылғы бюджеттің атқарылуына жүргізген аудит қорытындысын жарияланды. Палата басшысы Әлихан Смайылов мемлекеттік шығыстарды басымдықтарға сай бөлу ісіндегі шикіліктер әлі де жойылмай отырғанын мәлімдеді.

Әлихан Смайылов өз сөзінде бюджет процесін оңтайландыру мақсатында мемлекеттік органдардың дербестігін кеңейту тек басымдықтар нақтыланып, цифрлық кемелділік орнаған жерде ғана ақталатынын атап өтті. Алайда, ЖАП басшысының айтуынша, қазіргі жағдай көңіл көншітпейді.

«2025 жылдың қорытындысы бойынша бюджеттік үдерісті цифрландыру әлі де іске асыру сатысында қалып отыр. Республикалық бюджет қаражатының қадағалануы тек бюджеттің екінші деңгейіне дейін ғана қамтамасыз етілген. Ал олардың нәтиже параметрлері қолданыстағы...

Астана Ресей газын Өзбекстанға тасымалдауды бірнеше есе ұлғайтуға әзір. Қазақстан энергетика министрі Ерлан Ақкенженов осылай деп мәлімдеді.

Қазақ үкіметі Ресей мен Өзбекстан арасында газ транзитін 11 млрд текше метрге дейін, яғни шамамен екі есе ұлғайтуға дайын.

«Біздің осындай мүмкіндігіміз бар. Бәрі көлік инфрақұрылымына байланысты. Қазақстан жағынан осы мәселе бойынша бәрі дайын. Енді, менің білуімше, Ресей жағы Өзбекстанмен өз бетімен келіссөз жүргізіп жатқанға ұқсайды», – деп мәлімдеді Ақкенженов журналистерге. Оның мәлімдемесін ТАСС таратты.

Мәліметтерге қарағанда, Мәскеу мен Ташкент мұнай және газ тасымалын ұлғайтуды көздейтін келіссөздер жүргізіп жатыр.

2025 жылы Ресей Өзбекстанға 6,48 млрд текше метр...

«Көлсай көлдері» мемлекеттік ұлттық табиғи паркінің аумағында Жымбы сайындағы қорымнан орманшының көмекшісі аю мен оның қонжығын байқап, сәтті бейнетаспаға түсіріп үлгерген.

Орман шаруашылығы қызметкерінің қырағылығының арқасында таспаға түскен бейнежазба өте сирек әрі сәтті кадрлардың бірі болып шықты. Бейнежазбадан аю мен оның кішкентай қонжығының адам аяғы баса бермейтін қорым тастардың арасында еркін қозғалып, табиғи ортада серуендеп жүргенін көруге болады.

Мамандардың айтуынша, жабайы аңдардың, әсіресе қонжығы бар аюдың адам көзіне түсуі өте сирек құбылыс. Себебі олар әдетте дыбыс пен адам иісін алыстан сезіп, тасаға тығылуға тырысады.

Қызылордада фильм көргенің үшін миллион береміз деп алдаған күдіктілер ұсталды. Әйгілі голливуд компаниясымен аттас «WornerBros» қаржы пирамидасының бөлімшесін басқарған тұлғаға сот үкімі шықты деп хабарлайды қаржы агенттігі.

Ұйымдастырушылар азаматтарға «WornerBros» платформасы арқылы қысқа бейнероликтер мен фильмдерді көріп табыс табуға болады деген желеумен қаржы пирамидасына тартқан.

Қатысушылар құны 10 мың теңгеден 11 млн теңгеге дейінгі VIP-пакеттердің бірін сатып алуы керек болған. Есесіне оған күніне 735 мың теңгеге дейін табыс түседі деп уәде берген.

«Әрбір жаңа қатысушы үшін бонус төленіп отырған, бұл азаматтарды жүйеге тұрақты түрде тартуға ынталандырған. Схеманы насихаттау үшін WhatsApp топтары, әлеуметтік желілердег...

Дұрыс тамақтануға көшкісі келетіндердің көпшілігі көкөніс пен жеміс-жидекті көбірек жеуге тырысады. Бірақ бәріне бірдей бұл оңайға соқпайды. Мамандар пайдалы өнімдерді жақсы көруге көмектесетін кеңестерімен бөлісті.  Бұл туралы Kursiv.media loseit дерегіне сілтеме жасап хабарлады.

Жеміс-жидек пен көкөністі жеу не үшін маңызды

Жеміс-жидек пен көкөністердің құрамында ағзаның қалыпты жұмыс істеуіне қажетті клетчатка, дәрумендер, минералдар және антиоксиданттар бар. Бұл өнімдерді жеткілікті мөлшерде тұтынбау қоректік заттардың тапшылығына, іш қатуға және созылмалы қабынуға әкелуі мүмкін.

Дүниежүзілік денсаулық сақтау ұйымының мәліметінше, өсімдік тектес өнімдерді көбірек тұтыну семіздік, жүрек-қан тамырлары аурулары және қатерлі ісіктің кейбір түрлерінің қаупін төмендетеді.

Жеміс-жидек пен көкөністі рационға қалай қосуға...

Мадридтік «Реал» өзінің басты бәсекелестерінің бірі «Атлетико Мадридтің» шабуылшысы Хулиан Альваресті сатып алуға ұсыныс жасады.

Директорлар кеңесінің шұғыл шешімі

«Реал Мадрид» клубының ресми мәлімдемесіне сәйкес, директорлар кеңесінің отырысынан кейін клуб басшылығы аргентиналық шабуылшының федеративтік құқықтарын иелену туралы шешім қабылдаған. Мадридтік ұжым «Атлетикоға» бірден 150 млн еуро көлемінде ресми ұсыныс жасады.

Егер ауысу жүзеге асқанда, бұл трансфер футбол тарихындағы ең қымбат мәмілелердің біріне айналар еді.

«Атлетико Мадридтің» жауабы

«Атлетико Мадрид» клубы «Реалдың» ұсынысын ресми түрде кері қайтарды.

«Клуб ұсыныстан бас тартады. «Атлетико» ойыншыны жіберудің жалғыз жолы оның келісімшартында көрсетілген бас тарту өтемақысының толық төленуі екенін...

Республикалық маңызы бар жолдарда жол белгілерінің жағдайы бір ай бойы тексеріледі. Бұл туралы Көлік министрлігі хабарлады.

Мамандар еліміз бойынша шамамен 140 мың жол белгісін тексереді. Ең алдымен олардың техникалық жағдайына, оқылу сапасына және дұрыс орнатылғанына назар аударылады. Сондай-ақ мамандар белгілердің түнгі уақытта қаншалықты көрінетінін және жарық шағылдыратын элементтердің болуына назар аударады. Жол жағдайларын ескере отырып, олардың дұрыс орнатылуы да бағаланатын болады.

«Сонымен қатар жөндеу жұмыстары жүргізілген жол учаскелері бөлек тексеріледі. Ол жерлерде жылдамдықты шектейтін белгілерді қоса алғанда, уақытша немесе ескірген белгілер сақталып қалуы мүмкін. Сәйкессіздіктер анықталған жағдайда мұндай белгілер алынып тасталады немесе өзекті белгілермен...

UFC өзінің ресми сайтында барлық салмақ дәрежесі бойынша жаңартылған рейтингті ұсынды. Жартылай орта салмақ (77 кг) дивизионында күтпеген өзгерістер орын алып отыр.

Рейтингтің басты қаһарманы бразилиялық файтер Габриэль Бонфим болды. Ол бірден 6 сатыға көтеріліп, үздік бестікке табан тіреді.

Бонфим өткен демалыс күндері дивизионның экс-чемпионы, америкалық-палестиналық үздік жауынгер Белал Мухаммадты төрешілердің біраузыдан берген шешімімен айқын жеңген еді.

Бұл жеңілістен кейін бұрынғы чемпион Белал Мухаммад 7-ші орынға сырғыды. Сондай-ақ осы салмақтағы тағы бір экс-чемпионы, британиялық Леон Эдвардс та бір саты төмендеп, рейтингтің 8-ші жолына жайғасты.

Еске сала кетейік, қазіргі уақытта жартылай орта салмақтағы UFC чемпионы белбеуі ресейлік Ислам Махачевқа тиесілі.

Қазақстанда зейнетақы жинағының бір бөлігін мерзімінен бұрын алуға қойылатын ең төменгі жеткілікті шегі (ТЖШ) қоғамда үлкен дау тудырды. Әсіресе, жасы жиырмаға жаңа толған жастар үшін бұл меженің 6 миллион теңгеден асып жығылуы көпшілікті таңғалдырды. Осыған байланысты Бірыңғай жинақтаушы зейнетақы қоры (БЖЗҚ) жастар үшін талаптың неліктен жоғары екенін және бұл есептің артында қандай экономикалық заңдылықтар тұрғанын түсіндірді.

Болашақ зейнетақыға жас кезден жинау керек

БЖЗҚ мамандарының айтуынша, жеткіліктілік шегін есептеу кезінде адамның қазіргі табысы емес, оның болашақта алатын зейнетақысының көлемі негізге алынады. Әлемдік тәжірибеде зейнетақы жүйесі азаматтардың бүкіл еңбек жолында, яғни 30-40 жыл бойы қаражат жинауына негізделген...

Түркияның Анталья аймағындағы фермер тұрғындарға 4 тоннаға жуық қызанақты тегін таратып жіберді. Ол тауарларын сатып алатын адам таппаған деп хабарлайды Haberler.com.

Фермер қызанақты қоймада шірітіп алғанша, мұқтаж жандарға таратып берген әлдеқайда дұрыс болады деп шешкен.

«Баға үнемі құбылып тұрады. Қызанақты су тегінге өткізгенше, таратып бере салуды жөн көрдім», – дейді фермер Туран Кыврак.

Басылымның мәліметінше, бұл шара Анталья провинциясының Серик ауданындағы Чынарлыты алаңында өткен. Жергілікті тұрғындардың үлкен қызығушылығын тудырған. Көптеген адам көкөністі тегін алу үшін қолдарына сөмкелер мен жәшіктерін ұстап келген.

Осы жылы қыста Германияда тұрғындарға 4 млн келі картопты тегін таратпақшы екенін...

«Үлкен дулыға» турнирінің 23 дүркін жеңімпазы, бұрын әлемнің бірінші ракеткасы атанған, 44 жастағы Серена Уильямс төрт жылдық үзілістен кейін кәсіби спортқа ресми түрде қайта оралды.

Сәтті басталған жаңа кезең

Аты аңызға айналған америкалық спортшы өзінің алғашқы матчын Лондондағы беделді Queen’s Club (WTA 500) турнирінде өткізді. Ол жұптық сында 19 жастағы канадалық жас талант Виктория Мбокомен бірге өнер көрсетті.

Турнирдің алғашқы айналымында Уильямс пен Мбоко жұбы жарыстың 3-ші нөмірлі мықтылары Эрин Рутлифф пен Николь Меличар-Мартинесті 7:6 (7:2), 6:2 есебімен сенімді түрде жеңіп, жанкүйерлерін тәнті етті.

«Өзіме «C-минус» деген баға берер едім»

Матчтан кейінгі баспасөз мәслихатында Серена Уильямс өзінің физикалы...

Биылғы жаңа оқу жылына Су ресурстары және ирригация министрлігі 751 білім беру грантын бөліп отыр.

Бөлінген мемлекеттік тапсырыс мамандықтар бойынша төмендегідей үлестірілді:

Қазір жоғары оқу орындарында су саласы бойынша 2629 студент білім алып жатыр. Олардың басым бөлігі, яғни 2393-і бакалавриатта оқыса, 126 адам магистратурада, ал 110-ы докторантурада ғылыми бағытта ізденіп жүр.

Министрлік грант...

Алматы қаласының Түрксіб ауданында қайғылы оқиға тіркелді. Жеке сектор аумағында қария кісі өз үйінде көз жұмды.

Оқиғаның мән-жайы

Алматы қалалық Полиция департаментінің алдын ала мәліметтері бойынша, кешкі уақытта 71 жастағы ер адам аңшылық мылтығын қолдану арқылы өзіне қол жұмсаған.

Жақындарының айтуынша, марқұм тірі кезінде бірнеше ауыр дертпен ауырған. Ол бұған дейін де өмірмен қоштасу туралы ойларын туыстарына бірнеше рет айтқан екен.

«Аталған факті бойынша аудандық полиция бөлімі сотқа дейінгі тергеу амалдарын бастады. Қазіргі уақытта оқиғаның барлық мән-жайлары анықталып жатыр», – деп хабарлады полиция департаменті

Полиция оқиға орнында тиісті сараптамалар тағайындап, тексеріс жұмыстарын жалғастырып жатыр.

Қазақстанда қара шай бағасы бір жыл ішінде айтарлықтай өсті. Ұлттық статистика бюросының мәліметінше 2026 жылғы мамырда ел бойынша 1 келі қара шайдың орташа бағасы 5 899 теңге болды. Бір жыл бұрын, яғни 2025 жылғы мамырда бұл көрсеткіш 5 354 теңге еді. Демек, бір жылда шай бағасы шамамен 10,2%-ға қымбаттаған.

Шымкент қаласында шай бағасы ең қымбат. Мұнда 1 келі қара шай 7 000 теңге тұрады. Бұл елдегі орташа бағадан да, басқа өңірлердің басым бөлігінен де едәуір жоғары. 2025 жылғы мамырда Шымкентте шай бағасы 6 121 теңге болған. Яғни бір жылда баға 14,4%-ға өскен.

Түркістан облысында бір жасар бала жеке үйдің дәретханасына құлап кетті. Құтқарушылар сәбиді аман алып қалды.

Төтенше жағдайлар министрлігінің хабарлауынша, оқиға Темірлан ауылында болған. 112 пультіне 2025 жылы туған баланың дала дәретханасынан өз бетінше шыға алмай жатқаны туралы хабарлама келіп түсті.

«Оқиға орнына Қазақстан ТЖМ қызметкерлері жедел жетті. Құтқарушылар сәбиді абайлап шығарып алып, тексеру үшін 103 қызметінің бригадасына тапсырды», – деп баяндады құтқарушылар.

Ведомство балаларды тіпті қысқа уақытқа болса да және үй жағдайында үнемі бақылауда ұстау қажет екенін еске салды.

Айта кетейік, осыған дейін Ақтауда дәрігерлер темір құбыр құлап, басынан ауыр жарақат алған жеті жасар...