Жаңалықтар

Ташкентте Қазақстан, Қырғызстан және Өзбекстанның су-энергетика салалары басшыларының келіссөздері өтті. Үш тарап Тоқтоғұл су қоймасынан су жіберудің келісілген көлемдері мен режимдерін бекітті.

Құжат егін науқаны басталған тұста аграршылар арасындағы белгісіздікті сейілтіп, қазақ және өзбек фермерлеріне суару жұмыстарын кедергісіз жүргізуге мүмкіндік бермек. Елдер маусым соңына дейін сумен жабдықтауды тұрақты ұстап тұру үшін кезең-кезеңімен әрекет етуге уағдаласты.

Келісімнің негізі маусымаралық кезеңде қаланды. 2025 жылғы қыркүйек пен 2026 жылғы сәуір аралығында Қазақстан Қырғызстанның энергожүйесіне 1 560 млн кВт·сағаттан астам электр энергиясын жеткізді. Мұндай қолдау көрші елге қыс мезгілінде суды артық шығындамауға мүмкіндік беріп, Тоқтоғұл су қоймасының ресурсын қазіргі ауыл шаруашылығы қажеттіліктері үшін...

Алматыда полиция қызметкерлері жол қозғалысы ережелерін өрескел бұзған екі жүргізушіні анықтап, жауапкершілікке тартты.

Polisia.kz хабарлауынша, олардың әрқайсысына бірнеше бап бойынша әкімшілік хаттама толтырылды. Сот шешімімен бір құқық бұзушы 5 тәулікке әкімшілік қамауға алынса, екіншісіне айыппұл салынды.

Полиция мұндай құқық бұзушылықтарды кешенді түрде тіркеуге ерекше көңіл бөліп жатыр.

«Бір құқық бұзушыға бірнеше әкімшілік хаттама толтырылып, бұл жауапкершілік деңгейін арттырып, жазаның бұлтартпау принципін қамтамасыз етеді. Жолдағы агрессивті жүргізу мен дрифт – азаматтардың өмірі мен денсаулығына тікелей қауіп. Біз мұндай фактілерге қатаң түрде әрекет етіп, барлық анықталған құқық бұзушылықтар бойынша жауапкершілікке тартамыз», – деді Алматы қаласы ПД әкімшілік полиция...

Лондонның ең таңдаулы әрі тарихи аудандарының бірі Сент-Джеймс (St. James’s) басшылығына Қазақстан тумасы Санжар Әбішев келді. Ұлыбританияның Консервативтік партиясының атынан түскен қандасымыз сайлауда айқын басымдықпен жеңіске жетті.

Сайлау нәтижесі

Сайлау қорытындысы бойынша, Санжар Әбішев 2,3 мың дауыстың ішінен өз қарсыласынан 350 дауыс артық жинап, басып озды. Бұл туралы танымал қазақстандық бизнесмен, Kusto Group негізін қалаушылардың бірі Қанат Көпбаев әлеуметтік желідегі парақшасында хабарлады

«Британдық элита арасында ешқандай таныс-тамырсыз, тек білімі, тәртібі және көпжылдық еңбегі арқылы Лондонның мәртебелі ауданының мэрі атанды. Бұл оның үлкен жолының басы ғана екеніне сенімдімін», – деп атап өтті Қанат Көпбаев.

Қазақстанда ең төменгі жалақы көлемі шамамен екі есеге ұлғайып, 150 мың теңгеге дейін жетуі мүмкін екені бір айдан бері жиі айтылып жүр. Алайда ұлттық экономика министрі Серік Жұманғарин көпшілікті қуантуға асығар емес.

«Қуанта алмаймын»

Вице-премьер Жұманғарин 8 мамырда Астанада өткен брифингте төменгі жалақы көлеміне қатысты сауалға аса сақтықпен жауап берді.

«Қазір біз осы мәселемен айналысып жатырмыз. Сонымен шұғылданатын арнайы жұмыс тобы бар. Төменгі жалақы көлемін көтереміз бе? Қаншаға дейін көтереміз? Бұның бәрі бюджет мүмкіндігіне байланысты болады», – дейді Жұманғарин.

Оның айтуынша, осы сұрақтардың дәл жауабы жақында мәлім болады.

«Қазір бір...

Көлік министрлігі Астанадан Германияға ұшып шығып, Ақтөбеге қонуға мәжбүр болған рейске қатысты тергеп-тексеру бастады. Ведомство оны ауыр оқиға ретінде бағалап отыр. Ақпарат жинау үшін оқиға орнына Көліктегі оқиғалар мен инциденттерді тергеп-тексеру департаменті қызметкерлері барады.

Министрлік мәліметінше, рейстің бағытын өзгертуіне техникалық мәселе себеп болған.

«Авиациялық оқиға әуе кемесінің күштік қондырғысындағы техникалық ақауға байланысты болды. Астана әуежайынан ұшып шыққаннан кейін әуе кемесінің экипажы қозғалтқыштардың бірінің істен шығуына байланысты PAN-PAN шұғыл дабылын жариялады. Осыған байланысты экипаж Ақтөбе қаласының қосалқы әуежайына қону туралы шешім қабылдады», – деп жазылған ведомство хабарламасында.

Еске салайық, бүгін Air Astana компаниясының Астанадан...

Премьер-министрдің орынбасары – Ұлттық экономика министрі Серік Жұманғариннің ұлттық валютаның нығаюы Қазақстан бюджетіне қалай әсер етіп жатқанын айтты.

Жұманғариннің дерегінше, теңгенің нығаюы мемлекет қазынасына түсетін кіріске оң әсер еткен. 2026 жылғы бюджет жоспарына сәйкес 1 доллар 540 теңгені құрайды деп жоспарланған.

Алайда әлемдегі геосаясаи жағдай мен Таяу Шығыстағы соғыс доллар бағамына әсер етіп, теңге бірнеше ай қатарынан нығайып келеді.

Серік Жұманғариннің айтуынша, долларды 510 теңгеден есептеген кезде, бюджеттің шығыны 500 млрд теңгеден асады.

Сәуірде Қазақстан қор биржасында (KASE) 1 доллар 455 теңгеге дейін төмендеп кетті. Одан қайтадан көтеріліп, 8 мамырда 460 теңгеден сатылып жатыр.

Бүгін, 8 мамыр қазақ киносы мен театрының жарық жұлдызы, Қазақстанның Еңбек Ері Асанәлі Әшімовтің туған күні.

Киностудия аумағындағы Асанәлі Әшімовтің есімі жазылған жұлдызды белгіге гүл шоқтары қойылды. Шараға жиналған әріптестері, шәкірттері мен өнерсүйер қауым ұлттық мәдениеттің символына айналған дара тұлғаның шығармашылық мұрасын еске алып, оның қазақ өнеріне қосқан өлшеусіз үлесіне тағы бір мәрте құрмет көрсетті.

Еске сала кетсек, қазақ өнерінің абызы Асанәлі Әшімов 2025 жылдың 21 желтоқсанында 88 жасқа қараған...

Алматыдағы клиникалардың бірінің дәрігерлері таңғаларлық оқиға туралы айтып берді. Келіншек іші ауырып, кеуіп кетті деп ойлаған.

Дәрігерлерге қаралуға келген әйел жүкті екенін мүлде білмеген.

Медициналық холдинг СЕО-сы Юсуф Мухамедовтың айтуынша, ішінің кебуі мен ішек тұсындағы ауырсынуға шағымданып, емханаға жүгінген.

Сондай-ақ дәрігерге соңғы уақытта қатты арықтап, кейін күрт салмақ қосқанын айтқан.

Науқастың жағдайының себебі ультрадыбыстық зерттеу кезінде анықталыпты. Бұған жас келіншек те, дәрігерлерді де қатты таңғалған. Алматылық жас келіншек жүкті екен. Сараптама қорытындысына сәйкес, жүктіліктің мерзімі де мүлде аз емес. Жеті ай болған.

Жаңалық әйелге қатты әсер еткендіктен, толғағы дәрігердің кабинетінде басталған.

«Дүниеге дені сау...

Өскеменде зауыттағы жарылыстан зардап шеккендердің бірі санавиациямен Астанаға жеткізіледі. Бұл туралы облыстық денсаулық сақтау басқармасы хабарлады.

«Омыртқасынан жарақат алған науқасты санавиациямен Астанадан Өскеменге алып ұшады. Дәрігерлер келгеннен кейін қосымша тексеріп, талдау жасап, бейінді мамандар тағы бақылайды», – дейді басқарма өкілдері.

Зардап шеккен екінші науқас төртінші тәулік қатарынан жансақтау бөлімінде. Денесінің 90%-ы күйген, дәрігерлер ауыр дәрежедегі күйік шогы деген диагноз қойды. Есін біледі. Әлі де интенсивті терапия жалғасып жатыр.

Еске салайық, бесінші мамырда таңертең Өскеменде «Қазмырыш» компаниясына тиесілі зауытта жарылыс болды. Цехтың 220 шаршы метрі опырылып түсті. Екі адам қайтыс болып, тағы бесеуі жарақат...

Forbes Kazakhstan журналының 2026 жылғы ең бай бизнесмендер рейтингі айтарлықтай жаңарды. Биылғы тізімге құрылыс, авиация, білім беру және ауыл шаруашылығы салаларында еңбек етіп жүрген алты жаңа есім қосылды.

Шахмұрат Мүтәліп: алтын өндірісіндегі жаңа белес

Рейтингке алғаш рет енген кәсіпкерлердің көшін Шахмұрат Мүтәліп бастап тұр. Ол бірден 22-сатыға жайғасқан, дәулеті 482 млн долларға бағаланды. Мүтәліп бұған дейін ірі теміржол мен автокөлік жолдарын, логистикалық кешен салған Integra Construction KZ компаниясы арқылы танылған болатын.

Алайда биыл ол «Алтыналмас» алтын өндіру компаниясының 100% акциясын сатып алды. Сонымен қатар кәсіпкер «Казмырыш» компаниясы мен Eurasian Resources Group (ERG) холдингінің 40% үлесін...

Астана мен Ақтөбе оқушылары АҚШ-та өткен дрон-футбол чемпионатына қатысып, бірінші орын алды. Олар 17 елден келген қарсыластарын басып озып, екі дисциплинада жүлделі орындарды иеленді деп хабарлады Жасанды интеллект және цифрлық даму министрлігі.

FIDA USA Drone Soccer Championship халықаралық чемпионаты 30 сәуірден 2 мамыр аралығында Калифорния штатында өтті. Қазақстан жарысқа бес команда жіберді. Оның төртеуі Астанадан, біреуі Ақтөбеден.

Super Pilot жеке дисциплинасы бойынша Астана қаласындағы №8 мектептің 9-сынып оқушысы Амантай Арсен бірінші орынды иеленді. Жаттықтырушысы Жәнібек Ражабовтың жетекшілігімен Арсен чемпионаттың ең күрделі кезеңінде басымдық танытып, алтын жүлдеге қол жеткізді. Дәл осы санаттағы екінші орын №82 мектептің 8-сынып оқушысы Хайралла...

Кейінгі екі жылда Орталық Азия өңіріне дендеп енген SpaceX америкалық компаниясы Қазақстанда жаңа тұтынушы тартуға ерекше көңіл бөліп жатыр. Миллиардер Илон Маскіге тиесілі компания Starlink жылдам спутниктік интернетін бар болғаны 11 500 теңгеден ұсынды.

SpaceX жоспары

Қазақстан Starlink-ке ресми түрде 2025 жылғы тамызда қосылған. Ал 2026 жылғы ақпанның басында оған Тәжікстан да кірді. Сәуірдің ортасында қырғыз билігі жуырда ел аумағына жылдам спутниктік интернет келетінін жариялады. SpaceX жоспары бойынша, Қырғызстан, Өзбекстан және Түркіменстан желіге 2026 жылы ресми түрде қосылуға тиіс.

Науқан

Әлемнің ең бай адамына тиесілі компания қазір Қазақстанда жаңа тұтынушы тарту мақсатында...

Павлодарда сот балабақша тәрбиешісіне қатысты үкім шығарды. Ол 2-2,5 жастағы 16 баланы азаптағаны үшін кінәлі деп танылды.

Павлодар облысының прокуратурасының ақпаратына қарағанда, айыптау тарапы сотталушының балаларға жүйелі түрде зорлық-зомбылық көрсеткенін анықтаған. Оларды ұрып-соғып, шаштарынан тартып, лақтырып, дене және психикалық зардап келтірген.

«Тәрбиешінің кінәсі мемлекеттік айыптауды қолдаған прокурордың белсенді ұстанымының арқасында дәлелденді. Ол даусыз дәлелдер ұсынып, ауырлататын мән-жайларды алға тартып, неғұрлым ауыр айып тақты», – делінген прокуратура хабарламасында.

2026 жылғы 17 сәуірде сот оған 4 жыл 6 ай мерзімге бас бостандығынан айыру жазасын тағайындады. Жазаны өтеуді кейінге қалдырып, 3 жыл мерзімге педагогикалық қызметпен айналысу құқығынан...

8 мамыр күнгі парламент отырысында «Қазақстан Республикасының Құрылтайы және оның депутаттарының мәртебесі туралы» Конституциялық заң жобасы бірінші оқылымда мақұлданды. Заң жобасы 1 шілдеден бастап күшіне енеді.

Мәжіліс депутаты Айдос Сарымның айтуынша, заманауи Құрылтай – бұрынғы тарихи Құрылтайды қайта құру емес. Қазіргі Құрылтай заң шығарушы билігін жүзеге асыратын жоғары өкілді орган ретінде жаңа мән-мағынаға ие болады.

Заң жобасына сәйкес, Құрылтайдың құрамы 145 депутаттан тұрады. Олар пропорционалды жүйе бойынша сайланып, өкілдік мерзімі 5 жыл болып белгіленеді.

«Заң жобасы Құрылтайдың мемлекеттік билік органдары жүйесіндегі орнын, қызметінің қағидаттарын, құрылымын, қалыптастыру тәртібін, сондай-ақ оның өкілеттіктерін жүзеге асыру нысандарын айқындайды», – деп...

Forbes журналы Қазақстандағы ең дәулетті 75 кәсіпкердің кезекті тізімін жариялады. Биылғы рейтинг бизнесмендердің ірі капиталы өсіп қана қоймай, халықаралық нарыққа белсенді шығып, жаңа салаларды игеріп жатқанын байқатады.

Көш басында Вячеслав Ким

Вячеслав Ким үшінші жыл қатарынан елдегі ең бай бизнесмен мәртебесін сақтап қалды. Оның дәулеті бір жылда 700 млн долларға артып, 7,8 млрд долларға жетті. Кәсіпкердің негізгі табыс көзі – Kaspi.kz компаниясындағы 20,75% үлесі.

Компанияның 2025 жылғы түсімі 60%-ға өсіп, 4 триллион теңгеден асты. Айта кетерлігі, Kaspi-дің табысының төрттен бірі халықаралық нарықтан, әсіресе, Түркияның Hepsiburada платформасынан түсіп отыр.

Сонымен қатар Ким банк секторындағы...

Алматыда бұрынғы әйелінің қыр соңынан қалмай, қудалаған ер адам ұсталып, жазаға тартылды.

Polisia.kz хабарлауынша, алматылық әйел бұрынғы жұбайының қудалауына байланысты полицияға арызданған.

«Полиция қызметкерлері дереу шара қабылдап, қылмыстық іс қозғады. Тергеу барысында заңға қайшы әрекеттердің болғанын дәлелдейтін айғақтар жиналды. Күдікті жедел түрде ұсталып, уақытша ұстау изоляторына қамалды. Іс материалдары сотқа жолданды», – делінген хабарламада.

Сот шешімімен ер адамға пробациялық бақылауға қою арқылы 100 сағат қоғамдық жұмыс түріндегі жаза тағайындалған.

Жәбірленуші өз өтінішінде полиция қызметкерлерінің кәсібилігі мен жедел әрекетін атап өтті.

«Полицияның дер кезінде әрекет етуінің арқасында қудалау тоқтатылып, өміріме тыныштық қайта оралды», – делінген...

Алматы қаласының әкімдігі Жеңіс күніне орай қала көшелерімен өтетін»Батырларға тағзым» атты шеруге рұқсат берді.

Ауған соғысы ардагерлері мен мүгедектері қоғамдық бірлестіктері үйлестіру кеңесінің төрағасы Мұрат Әбдішүкіровтің айтуынша, шеру 9 мамыр күні сағат 9:00 де Орталық демалыс паркінен бастау алып, Гоголь көшесінің бойымен жүріп өтіп, 28 гвардияшы-панфиловшылар паркіндегі Мәңгілік алау жанында аяқталады. Саябақ маңында тұрғындарға «Жеңіс лентасы» мен Қазақстанның мемлекеттік тулары таратылады.

Алматыдағы өзге де мерекелік шаралар

Гүл шоқтарын қою рәсімі Даңқ мемориалындағы ресми рәсім сағат 09:30-да басталады. Мерекелік концерт Панфиловшылар паркіндегі музыкалық бағдарлама ресми бөлімнен кейін, сағат 11:00-де шымылдығын түреді.

Дәстүр бойынша ардагерлер мен тыл еңбеккерлеріне арналған мерекелік түск...

Amanat партиясының мүшесі, депутат Мұрат Әбенов Құрылтай сайлауы қарсаңында жаңадан құрылған «Әділет» партиясына сәттілік тіледі.

«Әділетке» барған азаматтардың көбісін жеке танимын. Өте сауатты, жаңаша ойлайтын белсенді азаматтар. Сәттілік тілегім келеді», – деді Әбенов 8 мамырда парламенттегі журналистерге.

Facebook әлеуметтік желісінде 100 мыңнан астам оқырманы бар қоғам белсендісі саяси алаңда «ел үшін қызмет атқаратын азаматтар» көп болғанын қалайды.

Әбенов кей сарапшылардың «Amanat өз міндетін дұрыс атқара алмаған соң, билік жаңа партия құрып жатыр» деген долбарына жауап берді.

«Amanat міндетін дұрыс атқарып жүр. Біз ай сайын есеп беріп, жарты жыл сайын сайлаушылармен кездесіп...

Шығыс Қазақстан облысы Малонарым ауылының балабақша меңгерушісі мен есепшісі 3 жыл бойы өздеріне артық жалақы аударып келген. Жалпы алғанда олар 42 млн теңгеден астам қаражатты заңсыз аударылған.

Үлкен Нарын ауданының прокуратурасы «Малонарым ауылының балабақша-бөбекжайына» тексеру жүргізді. Тексеріс барысында балабақша есепшісінің 3 жыл бойы өзінің және меңгерушінің шотына артық жалақы, сондай-ақ салық пен міндетті аударымдарды төлеуге арналған қаражатты аударып келгенін анықтады.

Ал балабақшаның 18 қызметкеріне ұзақ уақыт бойы жеке табыс салығы, міндетті зейнетақы жарналары мен әлеуметтік аударымдар төленбеген.

«Балабақша меңгерушісі мен есепшісінің шоттарына 42 млн теңгеден астам қаражат заңсыз аударылған. Аталған факті бойынша аудан прокуратурасы сотқа дейінгі тергеп-тексеру амалдарын...

Мәжіліс депутаты Бақытжан Базарбек саяси партияға кіру туралы шешім қабылдады. Кезінде тәуелсіз үміткер ретінде парламентке өткен саясаткер 8 мамырда журналистерге осылай деп мәлімдеді.

«Партияға кіру жөнінде шешім қабылдадым. Жақын арада жариялаймын», – деп қысқа қайырды Базарбек.

Парламенттегі журналистер саясаткердің Құрылтай сайлауы қарсаңында нақты қай партияға кіргелі жатқанын анықтап біле алмады.

Бақытжан Базарбек 2023 жылғы наурызда өткен сайлауда Алматы қаласындағы №5 округта (Медеу, Бостандық және Наурызбай аудандары) жеңіске жетіп, парламентке өтті. Осы округта барлығы 34 үміткер тіркелген. Олардың арасында Мұхтар Тайжан, Санжар Боқаев, Динара Егеубаева сынды танымал тұлғалар болған.

Базарбек парламентте жер мәселесі, сыбайласқан жемқорлық, еск...

Белгілі журналист Динара Сәтжан жақын құрбысы Баян Алагөзованы дауға қалдырған «Қыз Жібектің» қамзолына қатысты пікір білдірді.

Оның айтуынша, бұл өмірде ештеңе кездейсоқ болмайды.

«Бәрінің өз мәні бар. «Қыз Жібек» қамзолы Баян үшін жай ғана сыйлық болған жоқ. Ол – белгі еді. Отыз жыл бойы қамзол оны сақтап келген әйелдің үйінде тыныш жатты. Бәлкім, Баян болмаса, өткеннің үнсіз куәсі болып қала берер ме еді… Баян әдеттегідей аңызға айналған дүниені instagram-парақшасында ашық көрсетті», – деді Динара Сәтжан.

Сәтжанның пікірінше, қамзол Баянға аңызға айналған актрисаның өмірін өзгерту үшін жолыққан.

«Меруерт Өтекешеваның жалдамалы пәтерде тұратынын ешкім білмеді. Бұл туралы...

Танымал әнші Ерболат Құдайберген үйленді. Бұл туралы оның жары Зәуре Құдайберген әлеуметтік желідегі парақшасында сүйіншілеген хабар таратты.

Желіде жарияланған видеода жұптың қолында неке қию туралы куәлік ұстап тұрғаны көрінеді. Жазбаның астында:

«Біз бүгін ресми түрде ерлі-зайыпты атандық» деген жазу қалдырылған.

Жаңалық желі қолданушылары арасында қызу талқыға түсті. Оқырмандардың пікірі сан алуан.

Көптеген тыңдарман жұпқа бақыт тілеп, «Махаббаттарыңыз баянды болсын!», «Бақытты болыңыздар!» деген ізгі тілектерін жаудырып жатса. Енді бірі желіде әншінің өткен өмірі мен бұрынғы отбасы туралы сұрақтарды қойып жатыр.

«Нешінші әйелі?», «Бұл кісінің отбасы бар емес пе еді?» – деп таңданыс...

Бүгін, 8 мамыр күні, елорда төрінде дзюдодан әлемдік рейтингтік Qazaqstan Barysy Grand Slam 2026 турнирі өтіп жатыр.

8–10 мамыр күндері аралығында өтетін байрақты бәсеке биыл Қазақстанда төртінші мәрте ұйымдастырылып отыр. Жарыста 3 құрлықтан 36 елден 295 дзюдошы бақ сынамақ.

«Жақсылық Үшкемпіров атындағы жекпе-жек сарайында өтетін додаға әлемнің үздік дзюдошылары қатысуда. Жарыс талаптарына сай 39 елден 300-ден астам спортшы тіркелді. Турнир барысында Олимпиада чемпиондары мен жүлдегерлері, әлем чемпиондары, сондай-ақ әлемдік рейтингтің көшбасшылары бақ сынайды», – делінген ақпаратта.

Халықаралық дзюдо федерациясының (IJF) талаптарына сәйкес, жарыс қорытындысы бойынша жеңімпаздар мен жүлдегерлерге әлемдік және Олимпиадалық рейтинг ұпайлары берілед...

Мемлекет басшысының жарлығымен Мұрат Ергешбаев Қызылорда облысының әкімі лауазымына тағайындалды. Бұл туралы Ақорда хабарлайды.

Жаңа әкімді өңір тұрғындарына премьер-министрі Олжас Бектенов таныстырды. Үкімет басшысы бұрынғы әкім Нұрлыбек Нәлібаевқа облысқа сіңірген еңбегі үшін алғыс айтты.

Мәліметтерге қарағанда, Қызылорда облысының әкімі қызметіне екі адам таласқан. Екінші үміткер – облыс әкімінің орынбасары Ардақ Зебешев. Өңір мәслихатындағы депутаттардың 81%-ы Ергешбаевқа, қалғаны Зебешевке дауыс берген.

60 жастағы саясаткер Мұрат Ергешбаев Қызылорда қаласында туған. Алматы халық шаруашылығы институтын бітірген.

Ол Сыр өңірін жақсы біледі. Мәселен, 2008-2010 жылдары Қызылорда қаласының әкімі болса, әр жылдары өңірдің Қармақшы, Шиелі, Қазалы және Сырдария аудандарын басқарған.

Қоғам қайреткер...