Жаңалықтар

Қытай технологиялары негізінде Toyota жасаған bZ7 моделі сатылым басталған алғашқы бір сағатта 3100 тапсырыс алды.

Кеше GAC-Toyota компаниясы өзінің жаңа толық электрлі ірі седаны – bz7 моделін ресми түрде таныстырды.

Бес түрлі комплектация

Сarnewschina ақпаратына қарағанда, көлік бес түрлі комплектацияда ұсынылып отыр. Субсидияны ескергенде бағасы 20 700 доллар мен 28 000 доллар аралығында. Көлік Huawei HarmonyOS 5.0 негізіндегі цифрлық панельмен, Momenta R6 ADAS жүргізушіге көмек жүйесімен және Huawei Drive ONE электр жетегімен жабдықталған.

bZ7 моделі 600 км, 700 км және 710 км жүріс қоры бар бес нұсқада ұсынылады. Бұл көлікке алдын ала тапсырыстар осы айдың басында қабылдана...

121 шетел азаматы мәжбүрлі түрде Қазақстаннан шығарылды, оның ішінде 8 адам – деструктивті-радикалды ағым өкілдері. Елден шығарылғандардың барлығына Қазақстанға кіруге бес жылға тыйым салынды. Бұл туралы республика көлемінде «Мигрант» жедел-профилактикалық іс-шарасын өткізген ІІМ хабарлады.

Кіруге тыйым салынғандарға қатысты қылмыстық іс қозғалған:

Полиция өкілдерінің сөзінше, көп жағдайда шетел азаматтарының елде заңсыз жүруіне Қазақстан азаматтары өздері себепкер болады. Олар тез пайда табу үшін құжаттар рәсімдеместен шетелдік жұмыс күшін заңсыз пайдаланады.

«Cover Show» жобасының жаңа маусымы көрерменге жол тартты. Алғашқы шығарылымда сахнаға латынамерикалық стилдегі бимен шыққан Мақсат Рақмет өзінің харизмасымен қазылар алқасын, әсіресе танымал әнші Ділназ Ахмадиеваны таңғалдырды.

«Сөз жоқ, керемет!»

Мақсат Рақметтің сахнадағы еркін биі мен нық қимылдары Ділназдың делебесін қоздырғаны соншалық, ол өз таңданысын жасыра алмады. Әнші қатысушының образына сүйсіне отырып, оның вокалдық диапазонына да ерекше тоқталды.

«Маған бәрі ұнады! Сөзім жоқ, шынымды айтсам… Жоғары жағы да, төменгі жағы да бәрі әдемі. Дауысты айтамын әрине!» – деп ағынан жарылды Ділназ.

Мақсаттың бұлай еркін билеп, образға енуі кездейсоқ емес. Актер әрі әнші театр сахнасында...

Жамбыл облысында миллиондаған теңге жымқырып, халықаралық іздеуде жүрген ерлі-зайыпты ұсталды деп хабарлады ІІМ.

Полиция департаментінің мәліметінше, күдіктілер – 40 жастағы ер адам мен оның 45 жастағы жұбайы. Екеуі сенімге кіре отырып, түрлі сылтаумен Астана және Семей қалаларының тұрғындарының шамамен 200 млн теңге көлеміндегі қаражат иемденген. Бірақ оны қайтармастан жоғалып кеткен.

Жедел-іздестіру іс-шаралары барысында олардың ұзақ уақыт бойы Жамбыл облысындағы елді мекендердің бірінде таныстарының үйінде жасырынғаны анықталды. Қазір ұсталғандар уақытша ұстау изоляторына қамалды.

Осыған дейін WhatsApp-пен ыдыс сатып, 50 млн теңгені жымқырған ерлі-зайыпты сотталғанын жазған едік.

Қазақстанның ішкі нарығында алтын бағасы соңғы айда айтарлықтай түзетуді бастан кешірді. Төменгідегі графиктен байқағанымыздай, ҚР Ұлттық Банкі бекіткен 1 грамм алтынның теңгемен шаққандағы ресми құны бір айдың ішінде күрт төмендеген. Нақтырақ айтсақ, 27 ақпанда грамына 83 477,19 теңге болған баға 27 наурызда 68 824,28 теңгеге дейін түсіп, бір ай ішіндегі құлдырау 17,55%-ды құрады. Осылайша бір айдың ішінде алтын құны 14 653 теңгеге арзандаған. Kursiv Media алтын бағасының күрт арзандауына қандай факторлар әсер еткенін талдап көрді.

Төреғали Төреәлінің үш жылда үш бала тапқан қарындасы, блогер Дина Төреәлі декрет туралы ойын ортаға салып, жаңаша образда оқырман алдына шықты.

«Әркім өзі жасайды таңдауын, Сезімнің жанып- жанбауын», – деген суреттер. Бал өміріңді жеке отбасын құру үшін арнау. Декрет деген – өзіндік бір соғысы бар өмірден шығу. Шашылған жаныңды, өзіңді қайта бөлшектеп жинау. Рухани, физикалық, психологиялық тұрғыдан шаршамау. Бәрінің көңілін табу. Үйіңе жайлы күй сыйлау. Күйеуіңе, балаларыңа махаббат беру. Айналаңа шуақ шашу. Ешкімге ренжімеу. Өзіңді жеке тұлға ретінде дамытып үлгеру, жеке кәсібіңді жұмысыңды жасау. Сырқаттанбау… Тағысын-тағы… Нәзік жаратылыс бір әйелдің мойнында қаншама көзге көрінбейтін жауапкершілік, шіркін. Сүйікті болу – ең алдымен өзіңді сүю! Біз...

Алматы маңындағы ең танымал демалыс орындарының бірі Бұтақты шатқалында заманауи визит-орталық өз жұмысын бастады. Бұл нысан Іле Алатауы мемлекеттік ұлттық табиғи паркінің 30 жылдығына орай ашылды.

Жоба «Туранга Групп» компаниясы мен «Іле Алатауы» ұлттық паркінің тығыз ынтымақтастығы аясында жүзеге асырылды. Маңызды нысанның іске қосылуына Алматы қаласының әкімдігі (электр желілерін тарту бойынша) және Инвесторлардың құқықтарын қорғау комитеті қолдау көрсетті.

Ашылу салтанатына Орман шаруашылығы және жануарлар дүниесі комитетінің төрағасы Данияр Тұрғамбаев қатысып, жобаның экологиялық мәдениетті қалыптастырудағы маңызын атап өтті.

Демалушылар үшін қандай мүмкіндіктер бар?

«Бұтақты» визит-орталығы бұл толыққанды демалыс пен білім беру кешені. Орталық екі негізгі блоктан тұрады:

Өткен аптадағы үлкен жаңалықтың бірі – Парламент Алатау қаласының ерекше мәртебесі туралы заңды қабылдады. Толыққанды Smart City ретінде дамыту көзделген жоба ерекшеліктерінің бірі – ұшқышсыз ұшатын таксилер болмақ. Қиял-ғажайып сыңайлы көрінгенімен, бұл бағытта бірқатар қадамдар жасалып қойған. Операторы ретінде Alatau Advance Air Group компаниясы белгіленген. Компания АҚШ, Оңтүстік Корея, Қытай, италиялық серіктестермен бірге жұмыс істейді. Америкалық Joby Aviation, қытайлық AutoFlight компаниясымен меморандум жасалған. Іске қосылғанда Алатау қаласынан Алматыға жету 10-15-ақ минут уақытты алады. Сонымен қатар туристер Алатау, Қонаев, Алматы қалалары мен облыстағы туристік нысандарға ұшып бара алады.

Қазіргі таңда мұндай дрон-таксилерге Қытайда рұқсат берілген. АҚШ-тың Лос-Анджелес қаласының билігі 2028 жылы...

30 наурызда Қазақстанның бірнеше өңірінде жаңбыр, тұман, жел күшейеді деп күтілуде. Кейбір аймақтарда су тасқыны қаупі бар.

Дауылды ескерту жарияланды

«Қазгидромет» 17 өңірде дауылды ескерту жариялады: Атырау облысы, Ақмола облысы, Абай облысы, Павлодар облысы, Қарағанды облысы, Қостанай облысы, Маңғыстау облысы, Ұлытау облысы, Ақтөбе облысы, Алматы облысы, Жамбыл облысы, Шығыс Қазақстан облысы, Қызылорда облысы, Солтүстік Қазақстан облысы, Жетісу облысы, Түркістан облысы және Батыс Қазақстан облысы.

Жаңбыр, найзағай және жел

Ұлытау облысы, Ақтөбе облысы, Алматы облысы, Жамбыл облысы, Жетісу облыстарында жел екпіні күшейіп, жылдамдық 15–20 м/с дейін жетеді.

Атырау облысында күндіз жаңбыр мен найзағай, ал түнде және...

Соңғы жылдары онлайн сауда қарқынды өсіп, маркетплейстер күнделікті өмірдің бір бөлігіне айналды. Сонымен қатар шағын және орта бизнесті алға жылжытушы да дәл осы электронды сауда алаңдары болып отыр. Мысалы, Қазақстанның ЖІӨ-дегі ШОБ үлесі 2018 жылы 25-26% болса, 2024 жылдан бері 40%-дан асты. Ал маркетплейстердегі сатушылардың 90% астамы ШОБ өкілдері. Олардан Қазақстан халқының 31,87%-ы зат сатып алады.

2026 жылдың басында ішкі электронды сауданың көлемі 3,2 трлн теңгеден асты. Осылайша, Қазақстан экономикасы да, қазақстандықтар да онлайн сауданың қызығын көре бастады. Алайда онлайн сауда оңай емес, сатушы үшін де, тұтынушыға да қатысы мәселе көп. Ең қарапайым сұрақтың бірі маркетплейстен алған тауарды қайтару. Әдеттег...

Париж, Рим және Барселона туристер үшін қауіпті қала болып шықты. Бұл қалаларда туристер жиі ұрлық, алаяқтық фактілеріне тап болады. Бұл деректер Google платформасындағы 13 мың пікірге негізделген халықаралық зерттеуде айтылған. Зерттеу нәтижесін испаниялық El Caso порталы жариялады.

Ұрлық-қарлық көбне Парижде орын алады. Оған барлық жағдайлардың 16,5%-ы тиесілі. Екінші орында Рим, пікірлерге қарағанда, онда ұрлық оқиғаларының 10,7%-ы тіркелген. Ал Барселона үшінші орында, бұл қалада осындай қылмыстың үлесі 5,3% құрайды.

Басылымда атап өтілгендей, Барселона туристерге жасалатын ұрлық жағынан әлемдік деңгейде өз позициясын нығайтып отыр.

Зерттеу барысында 2024 жылдың қазан айынан 2025 жылдың қараша айына дейін жарияланған пікірлер талданған. Туристер «қалта...

Ресеймен шекараға жақын орналасқан Атырау облысының Құрманғазы ауданында ұшқышсыз ұшу аппаратының сынықтарына ұқсас зат табылды. Бұл туралы Kursiv.media «Ақ Жайық» баслымына сілтеме жасап хабарлайды.

Жергілікті полиция департаментінің мәліметінше, бұл дерек бойынша тексеріс басталды. Мамандар қазір нақты не табылғанын және оның қайдан келгенін анықтап жатыр.

«Ұшқышсыз ұшу аппаратының бөлшектеріне ұқсас заттың табылуына байланысты уәкілетті қызметтермен бірлесіп тексеру шаралары жүргізілуде. Нысан дала аймағынан табылды, ешқандай зақым мен зардап шеккендер жоқ. Оқиғаның барлық мән-жайы анықталуда», – деп хабарлады полиция департаменті.

Жуырда Батыс Қазақстан облысында ұшқышсыз ұшу аппараты (ҰҰА) табылған болатын. Дронның суреті әлеуметтік желілерге...

30 наурызда Астананың бірнеше көшесіндегі тұрғын үйлер уақытша газдан ажыратылады. Бұл туралы елорда әкімдігі хабарлады.

«QAZAQGAZ AIMAQ» АҚ Астана Өндірістік Филиалы хабарлайды: Құлтума ақын көшесі 25/1 мекенжайында жаңадан газдандырылған нысанды Көктал-1 тұрғын алабы ауданындағы ГРПШ-8 орта қысымды газ құбырына қосу бойынша жоспарлы жұмыстың жүргізілуіне байланысты, 30 наурыз күні сағат 09:00-ден 18:00-ге дейін халыққа газ беру уақытша тоқтатылады. Осыған байланысты, газ есептеу құралдары мен газ жабдықтарының бұзылу қаупін болдырмау үшін, үйлердің сыртында, газ құбырының кіреберісінде орналасқан авариялық газ крандарын жабуды сұраймыз», – делінген хабарламада.

Әкімдік, жұмыстар толық аяқталғанға дейін сыртқы газ крандарын...

Иранның Ислам революциясы сақшылары корпусы БАӘ мен Бахрейндегі екі алюминий зауытына ракеталық және дрондық соққылар жасағанын хабарлады.

ISNA агенттігі жариялаған Иран әскери бөлімдерінің мәлімдемесіне сәйкес, соққының нысандары аймақтағы АҚШ-тың әскери және ғарыштық өнеркәсібіне қатысты болған. Соққы EMAL зауытына (BАӘ-дегі Emirates Global Aluminium тобына кіретін) және Бахрейндегі ALBA зауытына тиген.

Иран қарсыласына ауыр соққы жасады

«Иранның қарсыластарынан туындайтын қауіптерге жауабы енді «кек алу» принципі бойынша құрылмайды, керісінше, жаудың әскери және экономикалық инфрақұрылымына әлдеқайда жойқын соққылар жасалады», – деп айтылған
КСИР мәлімдемесінде.

«Ъ» газетінің хабарлауынша, екі компания да шабуыл фактін растаған. ALBA зауытында ек...

1 сәуірден бастап Қазақстандағы коммуналдық қызмет ұйымдарына тарифтерді заңды түрде көтеруге рұқсат беріледі.

Айта кетейік, 2025 жылдың қазанында коммуналдық тарифтерді көтеруге мораторий жарияланған болатын. Аталған шектеу 1 сәуірде күшін жояды.

Табиғи монополияларды реттеу комитетінде дөңгелек үстел жиынында тарифтердің қалай өзгеретіні, қайда және қаншаға көтерілетіні жайлы талқылады.

Енді коммуналдық қызмет көрсетушілер су, электр, жылу және басқа қызметтер бойынша тарифтерді көтере алады. Десе де, билік өкілдері тарифтерді бірден қымбаттамайтынын, ол кезең-кезеңімен көтеріледі деп уәде беруде.

Коммуналдық қызметтерге мыналар кіреді:

АҚШ Иранға қарсы құрлықта әскери операцияларды жүргізу мүмкіндігін қарастырып жатыр. Алайда әскер енгізу туралы соңғы шешім әлі қабылданған жоқ. Сонымен қатар Пентагон теңіз жаяу әскерін және арнайы мақсаттағы күштерді пайдалану сценарийлеріне дайындалуда. Бұл туралы The Washington Post хабарлады.

Иранмен соғыс құрлықта жалғасын таба ма

Америкалық әскерилер Иранда шектеулі құрлық операцияларын жүргізуге арналған жоспарлар әзірлеуде. Бұл толыққанды басып кіру емес, тек уақытша рейдтер мен нақты нысандарға бағытталған соққылар жоспарланып отыр.

Атап айтқанда, жоспарларда стратегиялық маңызды нысандарды, оның ішінде мұнай терминалдары немесе жағалаудағы әскери базаларды басып алу операциялары болуы мүмкін. Негізгі ықтимал бағыттардың бірі ретінде Харг аралы аталады, бұл...

Қытайлық BYD төрт жылдан кейін алғаш рет жылдық пайдасының шамамен 20%-ға азайғанын мәлімдеді.

BYD-дың жылдық пайдасын 32,6 млрд юаньға ($4,72 млрд) жеткенін хабарлады, бұл өткен жылмен салыстырғанда шамамен 20%-ға аз және компанияның күткенінен 8,4%-ға төмен.

Табыстың төмендеуінің негізгі себебі – Қытай нарығындағы сауда соғыстары болып отыр. Осының салдарынан компания нарықтағы үлесін жоғалтып отыр. Мәселен, 2026 жылдың алғашқы екі айында BYD үлесі шамамен 17%-ды құрады, ал бір жыл бұрын 27% болған.

Нәтижелердің нашарлауы

Ең қиын кезең – 2025 жылдың төртінші тоқсаны болды, ол кезеңде пайда 38%-ға төмендеп, 9,53 млрд юань болды. Өткен жылғы жалпы кіріс (804 млрд...

Жаңа iPhone-ның күзде өтетін тұсаукесеріне әлі көп уақыт бар, алайда ғаламтор желісінде болашақ iPhone модельдері туралы пікірталастар басталып кетті. India Today басылымы iPhone 18 Pro және 18 Pro Max флагмандары жөніндегі ішкі ақпараттарды жинақтаған.

Ондағы мәліметке сүйенсек, смартфондардың артқы панелі енді екі түрлі түсті, толық шыныдан жасалады, ал Dynamic Island кесіндісі кішірейеді. Сондай-ақ жаңа корпус кофе, күлгін және қою қызыл түстерде болады деп күтілуде. Дисплей өлшемдері бұрынғыдай қалады: Pro нұсқасында 6,3 дюйм, Pro Max-та 6,9 дюйм.

Смартфондардың негізгі техникалық жаңалығы – A20 Pro процессоры. Жаңа чиптің алдыңғысына қарағанда 15% жылдамырақ жұмыс істейтіні және 30% аз энергия тұтынатыны күтілуде...

Ресей Қазақстанға төрт амур жолбарысын береді. Бұл сирек кездесетін жыртқыштың санын қалпына келтіру бағдарламасы аясында жүзеге асырылып жатыр. Бұл туралы Kursiv.media РИА Новости агенттігіне сілтеме жасап хабарлайды.

Жануарлар қатаң талаптар бойынша іріктеледі. Жыртқыштар табиғатқа жіберілер алдында арнайы орталықта бейімделуден өтеді.

«Амур жолбарысы» орталығының бас директоры Сергей Арамилевтің айтуынша, жолбарыстарды беру туралы шешім ресми түрде бекітілген, ал қазір жануарларды іріктеуге байланысты тәжірибелік дайындық жүріп жатыр.

«Бұл бастама жоғары деңгейде құжатпен рәсімделген. Жолбарыстарды беру үдерісі қажетті жануарларды іріктеуді қамтиды, олар әртүрлі жынысты болуы тиіс. Екінші маңызды талап – денсаулығы мықты болуы керек, ешқандай жарақаты мен оны...

Ереван төрінде өткен кезекті ММА кеші қазақстандық файтер әрі актер Еркебұлан Тоқтар үшін ауыр соққымен аяқталды. Қырғызстандық спортшы Марсель Нұрланбекұлынан жеңілген Еркебұлан жекпе-жектен кейін спорттық мансабына қатысты маңызды шешім қабылдауы мүмкін екенін жеткізді.

Моральдық шаршау және жаңа басымдықтар

3 раундқа созылған тартысты кездесуден кейін Еркебұлан Тоқтар өзінің ішкі күйімен бөлісті. Ол жеңілудің ащы дәмін сезініп қана қоймай, спорттан моральдық тұрғыда қажығанын ашық айтты.

«Үйленіп, отбасыма көңіл бөлгім кеп жүр», – деді спортшы октагонның ішінде берген сұхбатында.

Қуат Хамитовтың қолдауы: «Еңсеңді түсірме!»

Кеш жүргізушісі ретінде қатысқан танымал файтер Қуат Хамитов қиын сәтте әріптесіне қолдау...

Армения астанасы Ереван төрінде өткен кезекті ММА турнирінде қазақстандық танымал актер әрі файтер Еркебұлан Тоқтар мен қырғызстандық Марсель Нұрланбекұлы арасындағы тартысты жекпе-жек аяқталды. Көптен күткен бұл кездесу Еркебұланның жанкүйерлері үшін көңілсіз аяқталды.

Кездесу толық 3 раундқа созылды. Жекпе-жек барысында екі спортшы да өздерінің мықты тұстарын көрсетуге тырысты.

Үш раундтың қорытындысы бойынша төрешілер алқасы жеңісті бірауыздан қырғызстандық спортшыға берді.

«Моральдық тұрғыда шаршадым»: Еркебұланның жан сыры

Жекпе-жектен кейін спортшы өзінің қазіргі ішкі күйі туралы ашық айтты. Оның сөзінше, ұдайы жаттығулар мен жауапты кездесулер оны моральдық тұрғыда біраз шаршатқан.

«Шыны керек, қазір моральдық тұрғыда өте қатты шаршадым. Маған...

Таразда құрылыс материалдарын өндіретін екі жаңа зауыт іске қосылды. «Alit Holding» компаниясының екі өндірістік кәсіпорнында – мәрмәр ұнын өндіретін зауыт пен құрғақ құрылыс қоспалары өндіріледі.

Жоба «Бәйтерек» ұлттық басқарушы холдингі» АҚ құрылымына кіретін «Qazaqstan
Investment Corporation» (QIC) АҚ тарапынан «Baiterek Venture Fund» АҚ тікелей
инвестициялар қоры арқылы қаржылай қолдауымен жүзеге асырылды.

Инвестициялардың жалпы көлемі 3,8 млрд теңгені құрады. Қаражат өңдеу өнеркәсібін
дамытуға, жергілікті өндірісті кеңейтуге және отандық құрылыс материалдары
өндірушілерінің позициясын нығайтуға бағытталған.

Өнімдер жайлы..

Салалық сарапшылардың бағалауынша, Қазақстандағы құрғақ құрылыс қоспалары
нарығы жылына 1–1,3 млн тоннадан асады және құрылыс көлемінің артуына
байланысты өсіп келеді. Елде жыл сайын 20 млн шаршы метрден астам тұрғын...

29 наурыз, жексенбі күні Қазақстанның бірнеше өңірінде жаңбыр жауады. «Қазгидромет» мәліметінше, оңтүстікте ауа температурасы 24 градусқа дейін көтеріледі.

Қазақстан сыртқы істер министрлігі Мысырды баруға болмайтын елдер тізімінен шығарды. Әзірге мұндай тізімде әлі 13 ел бар.

«Бұл шешім аталған елдегі қазіргі жағдайды, сондай-ақ азаматтық инфрақұрылымның, оның ішінде халықаралық әуежайлар мен туристік аймақтардың жұмыс істеу жағдайларын ескере отырып қабылданды», – деп түсіндірді СІМ.

Дегенмен министрлік Таяу Шығыстағы ахуалдың әлі де тұрақсыз екенін ескертіп отыр. Соған байланысты ел азаматтарын 13 елге бармауды сұрайды. Олар: Бахрейн, Біріккен Араб Әмірліктері, Израиль, Йемен, Иордания, Ирак, Иран, Қатар, Сауд Арабиясы, Кувейт, Ливан, Оман және Сирия.

Бұған қоса СІМ соғыс жүріп жатқан өңірде жүрген ел азаматтарына жеке қауіпсіздік шараларын...