Жаңалықтар

Қытайлық мұнай-газ алыбының еншілес компаниясы – «СНПС-Ақтөбемұнайгаз» – Ақтөбе облысындағы жаңа «Северный-1» кен орнын барлайтын болады. Барлау жұмыстарына 3,5 млрд теңге инвестиция салуға дайын екендіктерін Энергетика министрлігі хабарлады.

Энергетика министрлігі Ақтөбе облысындағы «Северный-1» жер қойнауы учаскесінде көмірсутектерді барлау және өндіруге келісімшартқа қол қойды. Келісімнің қатысушылары – «СНПС-Ақтөбемұнайгаз» және QazaqGaz компаниялары.

Келісімшарт аясында 2D және 3D барлау жұмыстары, сондай-ақ іздеу ұңғымаларын бұрғылау қарастырылған. Жұмыстарға салынатын инвестицияның жалпы көлемі 3,5 млрд теңгені құрайды.

Мәміле қатысушылары бұл учаскенің көмірсутектердің жаңа қорлары бойынша әлеуеті зор деп есептейді. Атап айтқанда, әңгіме табиғи газ туралы болып отыр. Энергетика министрлігі бұл келісімшарт мемлекетаралық экономикалық іс-қимылдың дамуын...

Қазақстан мен Қырғызстан азаматтары бұдан былай Еуропадағы ең танымал әскери мұражайлардың біріне кіре алмайды. Әңгіме Германияның Кобленц қаласындағы Wehrtechnische Studiensammlung экспозициясы туралы, онда бірқатар мемлекеттердің тұрғындары үшін кіруге қатаң шектеулер енгізілді.

Тыйым не себепті енгізілді?

Мұражай әкімшілігінің бұл шешімі жеке көзқарасқа емес, қатаң заңнамаға негізделген. Мекеменің ресми хабарламасында көрсетілгендей, «тыйым әскери қауіпсіздік талаптарына байланысты және арнайы тізімге енгізілген мемлекеттердің азаматтарына қолданылады».

Бұл тізім Германияның сенімділікті тексеру туралы заңы (SÜG) негізінде жасалған. «Қара тізімге» 26 ел енді, олардың арасында Қазақстан, Қырғызстан, Ресей, Украина, Қытай және Тәжікстан бар.

Бұл қандай мұражай?

Wehrtechnische Studiensammlung – бұл «Бундесвердің қару-жарақ, ақпараттық технологиялар және пайдалану жөніндег...

Астана халықаралық әуежайы (Нұрсұлтан Назарбаев әуежайы) алдағы жылдары жолаушыларға қызмет көрсету сапасы бойынша Skytrax рейтингінде әлемнің үздік 100 әуежайының қатарына кіруді жоспарлап отыр, деп хабарлады әуежай өкілі Дәулет Хамзин.

«Алдағы үш жылға арналған стратегиялық мақсатымыз – Астана әуежайының тұрақты хабтық моделін қалыптастыру және Skytrax рейтингі бойынша сертификаттаудан өтіп, қызмет көрсету сапасы бойынша әлемнің үздік 100 әуежайына қол жеткізу», – деді ол Central Asia Aviation Summit Kazakhstan 2026 форумында.

Бұл үшін әуе айлағы рейтингте қарастырылатын 800-ден астам параметр бойынша өз көрсеткіштерін жақсартуы керек. Әңгіме жайлылық пен инфрақұрылым (160 параметр, соның ішінде үй-жайлардың тазалығы мен техникалық жағдайы...

Президент Қасым-Жомарт Тоқаев «Астана» халықаралық қаржы орталығының басқарушысы Ренат Бектұровты қабылдады.

Президентке АХҚО қызметінің 2025 жылғы және 2026 жылдың I тоқсанындағы негізгі нәтижелері, сондай-ақ Орталықты одан әрі дамыту жоспары таныстырылды.

Активтер көлемі

Ренат Бектұров Орталық құрылғаннан бастап тартылған инвестиция көлемі 21,5 миллиард долларға жеткенін (2025 жылдан бері – 7,2 миллиард доллар) мәлімдеді.

Оның есебінше, орталықтың басқаруындағы активтердің жалпы көлемі 5,4 миллиард доллар болған.  

АХҚО қатысушылары ел бюджетіне 284,3 миллиард теңге салық төлегенін (2026 жылғы 1 қаңтардағы жағдай бойынша), былтырдың өзінде 135,9 миллиард теңге аударғанын айтты.

«Салық түсімдері өсуіне негізінен қатысушылар санының артуы...

Мәскеу мен Баку 2024 жылдың соңында болған ұшақ апатының салдарын реттеу, соның ішінде өтемақы төлеу мәселесі бойынша ресми келісімге келді. Бұл туралы Ресей СІМ хабарлады.

Құжатқа сәйкес, тараптар 2024 жылғы 25 желтоқсанда Ақтау қаласына жақын маңда апатқа ұшыраған «AZAL» әуе компаниясының Embraer 190 ұшағына қатысты барлық түйткілдерді толық шешті.

Ресми мәлімет бойынша, апатқа Ресей әуе кеңістігіндегі әуе шабуылына қарсы қорғаныс (ӘШҚ) жүйесінің абайсызда іске қосылуы себеп болған.

Ресей министрлігінің мәліметінше, мәміле аясында қаза тапқандардың отбасыларына өтемақы төлеу және апаттың өзге де салдарларын жою мәселелері толық реттелді.

СІМ мәлімдемесінде бұл қадам екі ел арасындағы одақтастық қарым-қатынастың нығайғанын және кез келген...

Молдова 2027 жылғы 8 сәуірде Тәуелсіз Мемлекеттер Достастығынан ресми түрде шығады, Минскіге тиісті хабарлама жіберіліп қойды. Бұл туралы Сыртқы істер министрі Михай Попшой мәлімдеді.

«Президент Майя Санду Молдованың ТМД-ға қатысуы туралы келісімдердің күшін жою туралы парламент шешімдерін бекіткеннен кейін, 8 сәуірде Минскідегі хатшылыққа хабарлама жіберілді. Біз оның алынғаны туралы растауды қабылдадық, 2027 жылдың сәуірінде республика ТМД-дан ресми түрде шығуы тиіс», – деді министр.

Республика парламенті ТМД-дан шығу себебін Еуроодаққа интеграциялану бағытымен байланысты деп түсіндірді. Бүгінгі таңда Молдова ТМД-ның 283 келісімінің 71-інің күшін жойды, ал 60-қа жуығы қарастырылу процесінде.

Ел парламенті Тәуелсіз мемлекеттер достастығы (ТМД...

Ел тұрғындары дүкен сөрелерінде 1000 теңгеден төмен бағада алма сатып ала алмайтындарын айтты. Ал базарда алма келісі 800 теңге, бірақ сапасы нашар. Тіпті сатушылардың өзі бұл рекордтық көрсеткіш деген пікірде. Сауда министрлігі бағаның шарықтауына байланысты түсініктеме берді.

Министрлік жауабына сай, Қазақстан нарықтық экономика жағдайында өмір сүреді, яғни, тауарлар мен қызметтердің бағасын кәсіпкерлер сұранысқа, ұсынысқа және шығындарға байланысты өздері белгілейді. Алайда, мемлекет халық үшін ең маңызды азық-түлік түрлерінің бағасын бақылауда ұстайды.

Алма бағасы неге шарықтап тұр?

Қазіргі уақытта жеміс-жидек, соның ішінде алма бағасының өзгеруіне бірнеше себеп бар. Күз бен қыс мезгілінде нарықта отандық алма көп болғандықтан, баға тұрақты болады. Ал көктемде...

Бибісара Асаубаева мен Жавохир Синдаров Әлем чемпионы атағына үміткерлер турнирінің сенсациясына айналды. Қазақ гроссмейстері бүгін кешке ең соңғы шешуші матчын өткізсе, өзбек шахматшысы жарыстың аяқталуына бір тур қалғанда жеңімпаз атанып үлгерді. Бірақ шахмат әлемі олардың жетістігін ғана емес, екеуінің қарым-қатынасын да көбірек талқылап жатыр.

Романтикаға толы суреттер

Қазақ қызы мен өзбек жігітін шахматтан бөлек тағы не байланыстырады? Екеуінің әлеуметтік желілерге жүктелген лифтлуктері нені білдіреді? Бибісараның Жавохир туралы әр жазбасындағы «алқызыл жүрек» смайлын қалай түсінуге болады?

Көпшілікті осы сұрақтар мазаласа, бірқатары болжам жасап үлгерді.

Бір күн бұрын Асаубаева әлеуметтік желілердегі парағына өзбек жігітімен түскен тағы бір суретін жариялап, оған «мен...

2025 жылы экономикаға шамамен 390 млн доллар түрік инвестициясы тартылды, ал 20 жыл ішінде бұл сома 6 млрд доллардан асты. Бұл туралы Үкімет басшысы Олжас Бектенов мәлімдеді.

Түркия – Қазақстанның бес негізгі сауда серіктесінің бірі. Екі ел арасындағы тауар айналымы былтыр 9%-ға артты. Оның ішінде Қазақстан тауарларының экспорт көлемі 17%-дан өсіп, 3,9 млрд долларға жетті.

Қазір құрылыс, жеңіл өнеркәсіп, металлургия, АӨК өнімдерін терең өңдеу, көлік және логистика, фармацевтика өндірісі, электрондық аспаптар және тағы да басқа салаларда жалпы сомасы 4 млрд доллар болатын 98 инвестициялық жоба іске қосылды. Одан бөлек құны 3,9 млрд долларға тең тағы 50 жоба жүзеге...

Қазақстан экономикасына берілген кредит көлемі 2025 жылдың 1 наурызынан бері 20,2%-ға артты. Осылайша, 2026 жылғы наурызда көрсеткіш 50,6 трлн теңгеге жеткен.

Қарыз алушылардың құрылымына үңілсек, халықтың алған қарызы бизнестің кредитінен асып кеткені байқалады.

50,6 трлн теңгенің 47,0%-ы немесе 23,8 трлн теңгесі бизнес өкілдеріне (қаржылық емес заңды тұлғалар мен дара кәсіпкерлерге) тиесілі болса, қалған 53,0%-ы немесе 26,8 трлн теңгесі – халыққа берілген несие.

Кредиттің басым бөлігі ұлттық валютада рәсімделген. Нақтырақ айтқанда, теңгедегі қарыздың үлесі 89,3% (45,2 трлн теңге) болса, шетел валютасындағы несиенің үлесі небәрі 10,7% (5,4 трлн теңге) деңгейінде қалып отыр.

Сонымен қатар экономиканы...

Ішкі істер министрлігі жол қауіпсіздігін бақылауды күшейтті. Жолдағы цифрлық бақылау автоматты режимде іске асады.

Цифрландыру аясында интеграцияланған ақпараттық жүйелер мен мемлекеттік деректер базаларын пайдалану арқылы жолдағы бірқатар құқық бұзушылықты анықтау жүзеге асырылмақ.

Әкімшілік құқық бұзуға не жатады

ІІМ ақпаратына қарағанда, бүгінде бұл жұмыс жүйелі түрде күшейтіп келеді. Мақсат – жол қауіпсіздігін қамтамасыз ету және жол жүрісіне қатысушылардың барлығы үшін тең жағдай қалыптастыру.

«Сақтандыру полисінің болмауы, сондай-ақ міндетті техникалық байқаудан өтпеу – әкімшілік құқық бұзушылық санатына жатады», – делінген хабарламада.

База арқылы қанша жүргізуші жазаға тартылды

Қазіргі таңда мемлекеттік деректер базалары республика...

Жамбыл облысының Қордай ауданында тоғызыншы сыныптың екі оқушысы суицид жасады. Олардың мәйіттері сарай ішінен табылған.

Жамбыл облыстық Полиция департаментінің мәліметінше, оқиға 15 сәуір күні таңғы сағат 06:00 шамасында Қаракемер ауылында болған.

«Аталған дерек бойынша ҚР Қылмыстық кодексінің 105-бабы (Өзін-өзі өлтіруге дейін жеткізу) бойынша қылмыстық іс қозғалды. Қазіргі уақытта құқық қорғау органдарының қызметкерлері оқиғаның мән-жайын жан-жақты, толық әрі объективті анықтауға бағытталған қажетті тергеу амалдарын жүргізіп жатыр», – деп хабарлады ведомствоның баспасөз қызметі.

ҚР Қылмыстық-процестік кодексінің 201-бабына сәйкес, тергеу мүддесі үшін өзге ақпарат жария етілмейді.

Жергілікті БАҚ жазуынша, облыс әкімі Ербол Қарашөкеевтің тапсырмасымен оқиға болған жерге...

2026 жылғы тамызда өтетін құрылтай сайлауы қарсаңында, Қазақстанда жаңа саяси партия құрылады. «Әділет» деп аталатын саяси ұйым Әділетті Қазақстан құндылықтарын қорғауды көздейді. Бастамашыл топтың 15 сәуірде жариялаған мәлімдемесінде осылай делінген.

Партия мақсаты

Өзін «прогрессивті реформа жақтаушылары» деп есептейтін топ Әділетті Қазақстан құру идеясын қолдайды.

«Біз 2026 жылғы 15 наурызда Қазақстанның жаңа Конституциясын қолдаған көпшілік атынанбыз», – деп таныстырды өзін жаңа саяси ұйым құруды көздейтін бастамашыл топ.

«Әділеттің» негізгі мақсаты мен міндеті де соған сай келеді: азаматтар құқығын, еркіндігі мен мүддесін қорғау.

Жаңа ұйымның миссиясы да айқын: референдумда қабылданған Конституция ережелерін сақтау. Партия «прогрессивт...

2025 жылдың қорытындысы бойынша ақылы учаскелерден түскен табыс шамамен 86 млрд теңгені құрады. Ал 2024 жылғы көрсеткіш 48 млрд теңге болған. Бұл туралы Көлік министрлігі хабарлады.

Бүгінгі таңда елімізде жалпы ұзындығы шамамен 4,9 мың шақырымды құрайтын 26 ақылы учаске бар. Олардың саны артып, негізгі республикалық тасжолдарды қамтып отыр. Ақылы жүйе мемлекеттік бюджетке тәуелді болмай, өзін-өзі қаржыландыратын мүмкіндікке ие болды.

Ақылы жолдардан түскен табыс артып келеді

2024 жылы ақылы жолдан түскен 48 млрд теңге табыс жол инфрақұрылымының үздіксіз жұмыс істеуіне, оның ішінде ақылы учаскелерді күтіп ұстауға жұмсалды. Сонымен қатар төлем алу жүйесінің қызметін қамтамасыз етті. Жиналған табысқа 43 мың шаршы...

Bayansulu лақап атымен танылған әнші Баянсұлу Сағындықова мен композитор Қуат Әбіл арасындағы дау-дамай шешімін тапты.

Әнші мен композитор әлеуметтік желіге екеуі түскен видео жариялап, келісімге келгенін айтып берді.

«Баян сұлу қарындасымыздың арасында әнге, әншіге, композиторға байланысты туындаған дауға бүгін нүкте қойдық. Барлығы орнында. Өзара келісімге келдік. Бір-бірімізге өкпе-ренішіміз жоқ. Бір-бірімізбен қол алысайын деп, сіздерге жолдау жолдап жатырмыз. Айып етпеңіздер. Бізбен бірге болғандарыңызға рахмет», – деді Қуат Әбіл.

Ол Баянсұлу  Сағындықоваға әрі қарай табыс тілейтінін жеткізді. Bayansulu да сөз алып, түйіннің тарқатылғанын айтты.

«Бізде бәрі шешілді. Екі жақта да ешқандай қарсылық жоқ.  Болды. Айтарым осы», – деді Баянсұлу.

Мұның алдында әнш...

2026 жылдың қаңтар-ақпан айларында Қазақстанның сыртқы саудасында айтарлықтай өсім байқалды. Ұлттық статистика бюросының мәліметінше, Қазақстанның жалпы сауда айналымы 21,7 млрд долларға жетті. Бұл өткен жылдың сәйкес кезеңімен салыстырғанда 11,3%-ға артық. Ең бастысы, біз сатып алғаннан (импорт) көрі, сатқанымыз (экспорт) басым.

Экспорт: Әлемге не ұсынамыз?

Қазақстанның экспорттық әлеуеті әлемдік нарықта энергия ресурстары мен стратегиялық шикізаттың маңызды көзі ретінде айқын көрініс тауып отыр.

2026 жылдың басындағы жалпы 12,0 млрд долларлық экспорттың тең жартысына жуығы, яғни 48%-ы – шикі мұнай мен мұнай өнімдеріне тиесілі.

Бұл ретте біздің ең ірі сатып алушымыз – Италия (18,1%), ол Қазақстан «қара алтынының» негізгі тұтынушысы...

Цифрландыру туралы әңгімелер жиі айтылғанына қарамастан, Қазақстанда қашықтан жұмыс істейтіндер көбейген жоқ. Finprom порталының мәліметінше, бүгінде қазақстандықтардың тек 0,5%-ы ғана үйден жұмыс істейді. Бұл бүкіл ел бойынша шамамен 44 мың адам ғана.

Әйелдер үлесі басым

Қазақстанда қашықтан жұмыс істеу негізінен «әйелдерге тән» үрдіс болып отыр. Онлайн форматты ерлерге қарағанда әйелдер жиі таңдайды. Көптеген қазақстандық әйелдер үшін қашықтан жұмыс істеу – мансап пен үй шаруасын немесе бала тәрбиесін қатар алып жүрудің жалғыз жолы болып тұр.

Зерттеу деректеріне сүйенсек, қашықтан жұмыс істеуде урбанизация процесі байқалады:

Қаржы нарығын реттеу және дамыту агенттігінің (ҚНРДА) төрайымы Мәдина Әбілқасымова шетелге заңсыз аударылған 7 трлн теңгеге қатысты жүргізіліп жатқан тексеріс барысын айтып берді.

Агенттік бұл іске қатысы бар деген күдікпен бірнеше банкті тексерген. Тексеріс әлі толық аяқталған жоқ, бірақ алдын ала қорытынды бойынша заң бұзылғаны анықталды.

Неге егжей-тегжей ақпарат айтылмады?

Мәдина Әбілқасымованың сөзінше, тексеріс талаптарына сәйкес, әзірге нақты қай банктердің заң бұзғанын атап айтуға болмайды.

Агенттік анықталған кемшілікті жою үшін арнайы қадағалау жоспарын құрмақ. Егер банктердің кінәсі толық дәлелденсе, ірі көлемде айыппұл салынады

Дау неден шықты

Қасым-Жомарт Тоқаев Қаржы мониторинг агенттігінде өткен жиында банктерд...

Қытайдың Қазақстанмен іргелес Шыңжаң Ұйғыр автономиялы ауданында аусыл індеті өршуіне байланысты, ресми Астана Қытай және Ресеймен арадағы шекарада ветеринариялық бақылауды күшейтті. Қажет болған жағдайда шектеу енгізіледі. Бұл туралы Ауыл шаруашылығы министрлігі Kursiv.Media тілшісіне хабарлады.

Астана Бейжің уәжімен келіспейді

Ауыл шаруашылығы вице-министрі Аманғали Бердалин ірі қарада тарап, адамға да жұғатын аусыл індеті Қазақстаннан Қытайға өтті деген мәліметті жоққа шығарды.

«Қытайдың уәкілетті органынан аусыл ауруының Қазақстаннан таралуы мүмкін екендігін растайтын ресми хабарлама осы күнге дейін Министрлікке келіп түскен жоқ. Аталған індеттің Қазақстанмен байланысы туралы мәліметтер ресми түрде расталмаған және дәлелсіз», – делінген вице-министрдің Kursiv.Media-ға жауабында.

Қаржы нарығын реттеу және дамыту агенттігінің төрағасы Мәдина Әбілқасымова коммерциялық банктер Отбасы банк секілді 5%-дан басталатын мөлшерлемемен ипотека беруі мүмкін екенін айтты. Сөзінше, Freedom Bank-тен кейін басқа банктер де бұл бастамаға қосыла алады.

«Банктерге тұрғын үй-құрылыс жинақ жүйесіне қатысуға рұқсат берілді. Бұған басқа банктер де қатыса алады. Мысалы, Freedom Bank азаматтардың депозитін тартып, қажет сома жиналағаннан кейін төмен мөлшерлемемен ипотека беретінін мәлімдеді», – деді Әбілқасымова.

Айта кетейік, 19 наурыздан коммерциялық банктерге де тұрғын үй-құрылыс жинақ жүйесіне қатысуға рұқсат берілген.

«Freedom Bank осы жүйеге белсенді түрде қатысатынын ресми түрде мәлімдеймін. Бастапқы жарнасы...

Наурыз айының қорытындысы бойынша алтын неке жүзігінің бағасы бір айда 5,5%-ға өссе, бір жылда 45%-ға қымбаттаған. Бұл туралы Ұлттық статистика бюросы мәлімдеді.

Өңірлер бойынша қарасақ, Маңғыстау облысында неке жүзігі аса қымбаттамаған. Облыстағы баға 14,5% көтерілсе, Шымкентте – 29%, Астанада 29,9% өскен. Жас жұбайларға арналған сақиналардың бағасы Ұлытау облысында қатты қымбаттап, бір жылда баға 71%-ға көтерілген.

Сонымен қатар Қазақстанда зергерлік бұйымдар өндірісі артып келеді. 2024 жылмен салыстырғанда, 2025 жылдың қаңтар–желтоқсан аралығында өндіріс көлемі 7,7% өсіп, 2,7 млрд теңгені құрады.

Айта кетейік, елімізде 1 грамм алтынның теңгедегі құны өсім көрсетіп отыр. Ұлттық банк дерегіне сәйкес, 15 сәуірде алтынны...

Түркия басшысы Режеп Тайып Ердоған мамырда іcсапармен Қазақстанға келеді. Бұл туралы Астанада өтіп жатқан Қазақстан мен Түркия арасындағы экономикалық серіктестік бойынша үкіметаралық комиссия отырысында премьер-министр Олжас Бектенов айты.

«Осыған байланысты біз Түркия Президентінің мамыр айында Қазақстанға жасалатын мемлекеттік сапарын ерекше ықыласпен күтеміз. Бүгінгі Үкіметаралық комиссия отырысы Түрік мемлекеті басшысының алдағы сапарының мазмұнын байытуға қомақты үлес қосып, жаңа бастамалар әзірлеуге септігін тигізеді деп сенемін», – деп толықтырды ол.

Бектенов Астананың Түркиямен қарым-қатынасқа ерекше назар салатынын, болашақта екі елдің арасында жаңа мүмкіндіктер де болатынын атап өтті.

Осы жылы ақпанда Қазақстанның сыртқы істер министрі Ермек Көшербаев...

Таразда мектепте төбелес болып, салдарынан 10-сынып оқушысы ауыр жарақат алды. Оның бір көзі ағып түскен. Оқушы отадан өтті, қазір оның жағдайы ауыр.

Оқиға сабақ арасындағы үзіліс уақытында болған. КТК телеарнасының мәліметінше, жасөспірімді киім ауыстыратын бөлмеге шақырып, сол жерде 9-сынып оқушылары жабылып, соққыға жыққан.

Бейнебақылау камералары төбелес бірден басталып кеткенін көрсетті. Куәгерлердің айтуынша, зардап шеккен оқушыны басынан ұрған, ал оның досын араша түспеуі үшін ұстап тұрған.

Балаға ота жасалды. Анасының айтуынша, ол көп нәрсені есіне түсіре алмады, бірақ шабуыл жасағандардың қолында темір болғанын байқаған.

«Дәрігер көзін бөлшектеп жинап шыққан. Ол алдағы 10 күннің өте қауіпті екенін...

Өскемендегі арматура шығаратын зауыт қазақ мұнайын тасымалдайтын Каспиий құбыр концорциумымен 4,7 млрд теңгенің келісімін жасады. Бұл туралы қаржы есептілігі депозитарийінде жазылған.

Құжатқа сәйкес, зауыт «Каспий құбыр Консорциумы-Р» компаниясына шарлы крандар, қосалқы және құрамдас бөлшектерді жеткізеді. Зауыт өнімдерін жеткізу уақыты қосымша келісім арқылы нақтыланады. Ірі келісім зауыт активінің 25 пайызынан аспайды.

Бұл келісімге қос тарап 2025 жылдың желтоқсанында қол қойған. Соған сәйкес, зауыт құбырға Қазақстанда өндірілген жоғары технологиялық материал, жабдықтар жіберуге келіскен.  

«Өскемен арматура зауыты» 1999 жылдан бері жұмыс істеп келеді. Кәсіпорынның 2024 жылғы есебіне сәйкес, компанияның 100 пайыз үлес...