Жаңалықтар

Қазақстандық шахматшы Бибісара Асаубаева Кипрде өтіп жатқан 2026 жылғы үміткерлер турнирінде қатарынан екінші жеңісіне қол жеткізіп, көш бастады.

22 жастағы спортшы осының алдындағы 13-турда украиналық Анна Музычукпен кездесті. Аралық кестеде олар 3-4 орындарды бөлісіп тұрған болатын. Асаубаева ақ фигуралармен ойнап, жеңіске жетті. Бұл оның турнирдегі төртінші жеңісі болды.

Қазақстандық шахматшы 7,5 ұпай жинап, Үндістан өкілі Вайшали Рамешбабумен бірге 1-2 орындарды бөлісіп тұр. Қытайлық Чжу Цзиньэрдің еншісінде жеті ұпай бар, ол жарияланым шыққан сәтте 13-турдағы матчын әлі аяқтамаған еді. Келесі кездесулер 15 сәуірге жоспарланған.

Асаубаева соңғы турда үндістандық Дивья Дешмукхпен ойнайды. Олардың алтыншы турдағы матчы қазақстандықтың жеңілуімен аяқталған болатын. Бірінш...

Астаналық мектеп директоры Ақмоншақ Нұртазақызы продюсер Баян Алагөзованың «Алтын ханым» жобасында үздік атанып, «Алтын ханым – 2026» титулын иемденді.

Ақмоншақ Нұртазақызы өзі ұтып алған 3 млн теңгенің әйелдерді қолдайтын әлеуметтік жобаға жұмсайтынын айтты.

«Маған осы мүмкіндікті берген Баян Мақсатқызына, қолдау көрсеткен отбасыма, ата-ана мен ата-енеме алғыс білдіремін», – деді ол өз сөзінде.

Байқаудың ұсынған ақпаратына сүйенсек, Ақмоншақ Нұртазақызы – төрт дипломы бар ұстаз, мектеп директоры және блогер. 

Бұған дейін Ақмоншақ Нұртаза Айнұр Асанбердіге берген сұхбатында жобаға дайындық барысында өзіне қатаң талап қойып, қысқа уақыт ішінде 10 келі салмақ тастағанын айтқан. Оның айтуынша, бұл...

Қазақстанның басым бөлігінде жаңбыр жауып, найзағай ойнап, күн күрт суытады. Осыған орай алдын ала ескерту жарияланды. «Қазгидромет» 15 сәуірге ауа райы болжамын ұсынды.

Астанада көшпелі бұлт, қар аралас жаңбыр, жел 9-14, екпіні 15-20 м/с., түнде ауа температурасы +4..+ 6°C, күндіз + 7…+9°C.
Алматыда бұлтты, жаңбыр, найзағай, жел 3-8, екпіні 13-18 м/с., түнде …+11°C, күндіз + 22…+24°C. 
Шымкентте көшпелі бұлт, жаңбыр, жел 8-13, екпіні 15-20 м/с., түнде ауа температурасы +11…+13°C, күндіз + 19…+21°C. 
Ақтауда бұлтты, жаңбыр, найзағай, жел 9-14, екпіні 25 м/с., ауа температурасы түнде және күндіз +10…+12°C. 
Ақтөбеде бұлтты, жаңбыр, найзағай, жел 7-12, екпіні 23 м/с., түнде ауа температурасы +12…+14°C...

Астанада құрылыс алаңында мұнаралы кран өртенді, деп хабарлады ТЖМ. Оқиға Айтматов көшесінің бойында болған.

Әлеуметтік желілерде кран кабинасынан қою қара түтін шығып жатқан видео тарады. Оқиға орнына құтқарушылар жедел жетті. Алғашқы бөлімшелер келген бойда мұнаралы кранның кабинасы өртеніп жатқаны анықталды.

«Өрт сөндірушілер өртті қысқа мерзімде жедел түрде ауыздықтады. Зардап шеккендер жоқ», – деп хабарлады ведомство.

Кадрлардан кабинаны түтін басқанын, кей жерлерде бықсу ошақтары сақталғанын көруге болады. Өрт сөндірушілер биіктікте жұмыс істей отырып, өртті сөндіру шараларын жүргізді.

12 сәуірге қараған түні Астанада Түркістан көшесіндегі көпқабатты үйдің 15-қабатында орналасқан пәтерден шыққан өрт үш баланы...

Қазақстан 2026 жылғы Henley Passport Index әлемдік төлқұжаттар рейтингінде 57-орынға ие болды. Жаңартылған мәліметтерге сәйкес, Қазақстан азаматтары әлемнің 78 еліне визасыз немесе жеңілдетілген тәртіппен кіру мүмкіндігіне ие.

Рейтинг көшбасшысы болып 192 бағытқа қолжетімділігі бар Сингапур тағы да танылды. Екінші орынды Жапония, Оңтүстік Корея және Біріккен Араб Әмірліктері бөлісті (187 ел).

Индекс International Air Transport Association мәліметтері негізінде жасалады және әртүрлі мемлекеттер азаматтарының қозғалыс еркіндігі деңгейін көрсетеді.

Посткеңестік кеңістіктегі елдер арасында Қазақстан Ресей Федерациясынан (44-орын, 113 бағыт) төмен орналасқан, бірақ Орталық Азияның бірқатар мемлекеттерінен озып тұр.

Сарапшылар рейтингтегі позициялар елдің визалық саясатына, дипломатиялық келісімдеріне және халықаралық интеграция деңгейіне...

Алматы хайуанаттар бағында тянь-шань қоңыр аюларының екі қонжығы туылды, деп хабарлады Алматы әкімдігінің баспасөз қызметі.

«Алматы хайуанаттар бағында кезекті қуанышты оқиға орын алды. Тянь-шань қоңыр аюлары екі қонжықты болды. Қаңтар айы Алматы хайуанаттар бағы үшін ең өнімді ай болды. Бұған дейін хайуанаттар бағы амур жолбарыстарының, сұр және жирен кенгурулардың дүниеге келгені туралы хабарлаған болатын», – делінген хабарламада.

Қонжықтар Құрманбек пен Герда жұбында дүниеге келді. Аналық аю үшін бұл – төртінші ұрпақ.

«Мазасыз сәбилер қаңтар айында туылды, олар соқыр, саңырау және дерлік жалаңаш болып туылады. Шамамен үш-төрт ай бойы іште (үйшікте) өмір сүріп, ана сүтімен...

Астана қаласының Дін істері жөніндегі басқармасы «уағызшы» Дарын Мубаровты діни мазмұндағы материалдарды заңсыз таратқаны үшін кезекті рет әкімшілік жауапкершілікке тартты. Бұл оның соңғы бір жыл ішіндегі осындай екінші құқық бұзушылығы.

Заңды қайта бұзу

Айта кетейік Дарын Мубаров 2025 жылдың қазан айында дәл осындай әрекеті үшін жауапқа тартылған болатын. Алайда заң талаптарын қайта елемеген азамат бір жыл өтпей жатып құқық бұзушылықты қайталаған.

Сот шешімі және айыппұл көлемі

Басқарма мамандары аталған факті бойынша ҚР Әкімшілік құқық бұзушылық туралы кодексінің 490-бабы, 8-бөлігі бойынша хаттама толтырды. Бұл бап әкімшілік жаза қолданылғаннан кейін бір жыл ішінде заңды қайталап бұзғандарға қатысты қолданылады.

Сот шешімімен Мубаров...

Ұсталған жүргізушінің рұқсат құжаттары болмаған. Жетісу облысында құм-қиыршық тас қоспасын заңсыз өндіру дерегі анықталды, деп хабарлайды Polisia.kz.

Табиғатты қорғау полициясының қызметкерлері рейд барысында Балықты өзенінде рұқсат құжаттарынсыз табиғи ресурстарды өндіріп жатқан тиегішті (погрузчик) ұстады. Материалдар процессуалдық шешім қабылдау үшін уәкілетті органдарға жіберіледі. Техника мамандандырылған тұраққа қойылды.

«Пайдалы қазбаларды заңсыз өндіру – бұл тек заң бұзушылық қана емес, сонымен қатар экожүйеге төнген елеулі қауіп. Біз мұндай деректерді анықтау мен жолын кесуге бағытталған профилактикалық және жедел жұмыстарды жүйелі түрде жүргізіп жатырмыз», – деп атап өтті табиғатты қорғау полициясындағылар.

Жыл басынан бері полиция қызметкерлері Қазақстанда осыған ұқсас...

Президент екіжақты ынтымақтастықты кеңейтуге дайын екенін білдірді. Қасым-Жомарт Тоқаев Петер Мадьярды Венгриядағы парламенттік сайлаудағы жеңісімен құттықтады, деп хабарлады Ақорданың баспасөз қызметі.

Мемлекет басшысы атап өткендей, дауыс беру нәтижелері халықтың «Тиса» партиясының басшылығына және оның бағдарламасына деген жоғары сенімін көрсетеді. Тоқаев Венгрияның алдағы уақытта да тұрақты дами беретініне сенім білдірді.

«Президент Астананың Будапештпен стратегиялық серіктестікті нығайтуға үлкен мән беретінін атап өтіп, екі ел халқының игілігі үшін екіжақты ынтымақтастықты кеңейтуге дайын екенін растады. Қасым-Жомарт Тоқаев Петер Мадьярдың жауапты қызметіне табыс, ал дос Венгрия халқына бақ-береке мен өркендеу тіледі», – делінген хабарламада.

13 сәуірде Венгрия премьер-министрі Виктор Орбан...

Алматыда американдық рэпер Eminem мен колумбиялық поп-жұлдыз Shakira өнер көрсетеді. Жұлдыздар келетіндерін растады, бірақ концерттердің нақты күндері әлі белгісіз.

Жағымды жаңалықты Алматы қаласының Қоғамдық кеңес отырысында «Спорттық құрылыстар дирекциясы» ЖШС басшысы Есет Байтасов мәлімдеді. Екі әртістің де өнер көрсетуі қаланың Орталық стадионында жоспарланған.

Еске сала кетейік, Орталық стадион 2026 жылы реконструкциядан өткізілмек.

Айта кетейік, осыған дейін Қазақстанға әлем танымал 13 әртіс келуі мүмкін екенін жазған едік. Олардың арасында Eminem, Shakira мен Beyonce бар. Алайда бұл әншілердің Қазақстанға келуіне бір кедергі лайықты концерт залының болмауы.

Дональд Трамптың өзін Иса пайғамбар ретінде бейнелеген суреті діни топтар тарапынан қатты сынға ұшырады. Кейін ол суретін желіден өшіріп тастап, оған қатысты түсініктеме берді.

Трамп бұл суретті өзінің «Truth Social» желісінде жариялаған болатын. Ол мұнымен өзін «дәрігер» ретінде көрсеткісі келгенін айтады.

Star Advertiser жазуынша, оқиға Трамп пен Рим Папасының арасындағы текетірес аясында болған. Рим папасы Америка мен Израильдің Иранға қарсы соғысын сынаған еді.

Трамп суреттегі бейнесін Иса пайғамбарға ұқсатты деген сөздерді жоққа шығарып, мұны «жалған ақпарат» деп атады.

Мен дәрігер сияқты адамдардың сауығуына көмектесуім керек және шын мәнінде де көмектесіп жүрмін...

2026 жылғы наурызда Қазақстан аумағында ресми дилерлер 17 099 жаңа жеңіл және коммерциялық автокөлік сатқан.

Бұл туралы «Қазақстанның Автокөлік Одағы» хабарлады.

Бұл өткен жылдың наурызымен салыстырғанда 12,9%-ға төмен. Үш айдың қорытындысы бойынша 44 757 автокөлік сатылып, өткен жылдың сәйкес кезеңімен салыстырғанда 4,5%-ға азайды.

Топ-10

Наурыз айында ең көп сатылған брендтер рейтингінде бірінші орынды Hyundai тұр.

3 192 көлік сатылып, (былтырғы наурызбен салыстырғанда -28,3%) көш бастады.

Екінші орында Kia – 2 317 (+9,3%).

Үшінші орынды Chevrolet (2 142 ; -21,8%) алды.

Көктемнің алғашқы айында саудасы қызған бренд – Changan. Дилерлер 1 766 (+151,2%) автомобильдің кілтін тапсырған.

Одан бөлек тізімге Chery (1 270; -5,9%), Haval (1 227.; -4,6%), Jetour (850; -37,6%), Toyota (581 .; -32,6%), Jac (451.; -57,9%) және Geely (428 ; -58,1%) енді.

Ең танымал модельдер

Наурыз қорытындысы бойынша ең танымал модельдер арасында Chevrolet Cobalt (1 965) көш бастады

Екінші орында Hyundai Tucson (1 516 ), үшінші орын Kia...

Елде ең төменгі жалақыны 150 мың теңгеге дейін жеткізу жоспарланып отыр. Бұл туралы Ұлттық экономика бірінші вице-министрі Азамат Әмрин айтты.

Оның айтуынша, үкімет ең төменгі жалақы мөлшерін кезең-кезеңімен арттыру мүмкіндігін қарастырып жатыр. Алайда нақты мерзімі әзірге белгісіз.

Вице-министр бұл шешім бірнеше экономикалық көрсеткішке байланысты қабылданатынын атап өтті. Оның ішінде негізгі факторлардың бірі – медианалық жалақы деңгейі.

Әлемдік тәжірибеде ең төменгі жалақы медианалық жалақының шамамен 50%-ын құрайды. Біздің елде медианалық жалақы шамамен 302 мың теңге. Сондықтан ең төменгі жалақыны 150 мың теңгеге жеткізу – жақын уақыттағы мақсатымыз. Бірақ бұл бюджет мүмкіндіктеріне байланысты жүзеге асады, – деді Азамат...

Астанада қайғылы жағдайда қаза тапқан үш бала жер қойнына тапсырылды. Бұл туралы бапкер Берік Адам өзінің әлеуметтік желідегі парақшасында жазды.

Бапкер марқұмдардың бірі – Айзере тәрбиеленушісі болғанын айтып, отбасының қайғысына ортақтасты.

«Үш баланың үлкені – Айзеренің ЛФК жаттықтырушысы болдым. Отағасы Қабылқазы бауырымызға және барша жақындарына Алла сабырлық берсін. Жанаргүл ханымға Алла шипасын берсін. Біз үшін орны толмас ауыр қайғы. Балалардың топырағы торқа болсын», – деп жазды ол.

Еске сала кетейік, 12 сәуірге қараған түні Түркістан көшесіндегі көпқабатты үйдің 15-қабатында орналасқан пәтерден өрт шыққан. Салдарынан үш бала қаза тауып, анасын ауыр деңгейде күйік шалған. Денсаулы...

Ақтауда бұрынғы сүйіктісін ұрып-соғып, интимді материал таратқан ер адам сот шешімімен бас бостандығынан айырылды.

Lada.kz хабарлауынша, жеке өмірге қол сұғу және жеке деректерді заңсыз тарату дерегі бойынша 23 жастағы ер адам 3 жылға сотталған.

Ақтау қалалық соты биылғы ақпан айында оны жәбірленушінің келісімінсіз жеке өміріне қатысты мәліметтерді заңсыз таратқаны және дене жарақатын салғаны үшін кінәлі деп таныды.

Сот анықтағандай, жігіт қыздың қарым-қатынасты үзу туралы шешімімен келіспей, кек алуға барған. Ол жалған аккаунт арқылы әлеуметтік желіде бұрынғы сүйіктісінің интимдік сипаттағы материалдарын жариялаған. Сондай-ақ оны мазалап, жанжал шығарған. Осындай жанжалдардың бірінде қызды ұялы телефонмен бірнеше рет ұрған.

Жігітке қылмыстық кодекст...

Алаяқтар азаматтардың деректерін қолға түсіру мақсатында телефон иелеріне сілтеме жібереді. Сілтемеге өткен сәтте пайдаланушы қолдан жасалған көрнекі сайтқа тап болады.

Алаяқтардың жаңа айласы қандай?

Ұлттық банк мәліметінше, алаяқтар телефон арқылы азаматтардың дербес дерегін қолға түсіру үшін «несиеңіздің мәртебесі жаңартылды» деген мәтіні бар хабарлама мен сілтеме жібереді.

Телефон иесі сілтемеге өткенде екінші деңгейлі банктің немесе микроқаржы ұйымының ресми сайты іспетті қолдан жасалған көрнекі сайтқа тап болады.

Одан әрі пайдаланушыдан логин, телефон нөмірін, жеке басын куәландыратын құжат мәліметі мен банк картасының деректемелерін немесе басқа да құпия ақпаратты енгізуді сұрайды.

Ұлттық банк ескертуі

Ұлттық банк мұндай тосын...

Сәуір айының 13- 23 аралығында елімізде Ұлттық кітап күні мен Кітапханашылар күніне арналған онкүндік өтіп жатыр.

Шара аясында Оқу-ағарту министрлігінің Республикалық ғылыми-практикалық білім мазмұнын сараптау орталығы баспалар арасында «Мен ұсынған 7 кітап» челлендж-эстафетасын жариялады.

«Бұл бастаманың негізгі мақсаты – қоғамда кітап оқу мәдениетін қалыптастыру, оқырман қызығушылығын арттыру, сондай-ақ ұлттық әдеби мұраны дәріптеу», – делінген хабарламада.

Челлендж-эстафетаға қатысушы баспалар қорларынан оқырман қауымға ұсынуға лайықты 7 кітапты іріктеп, оларды ақпараттық ресурстар мен әлеуметтік желілерде жариялайды.

Министрлік хабарлауынша, бұл бастамаға кез келген азамат қатыса алады. Қатысушылар әлеуметтік желілерде сүйікті кітаптары туралы ұсыныстарын жариялап, ол кітаптардың маңызы

«Қазтелерадио» компаниясы 15 сәуірге жоспарланған профилактикалық жұмысқа байланысты көрермендер мен радиотыңдаушыларға ескерту жасады.

Сағат 03:00-ден 17:00-ге дейін спутниктік, цифрлық және балама желілердегі техникалық құралдар уақытша қызмет көрсетпейді. Осы уақыт аралығында бүкіл ел бойынша теле-радиоарналардың көрсетілімі мен хабар таратуы тоқтатылады.

Бұл жұмыс хабар тарату сапасын жақсарту үшін жүргізіледі.

Еске сала кетейік, Қазақстанда теледидар мен радио соңғы рет ақпан айында жоспарлы профилактикалық жұмыстарға байланысты өшірілген еді.

«ҚазТемірТранс» АҚ-ның бұрынғы вице-президенті Азамат Абайұлы Қапенов 5,2 млрд теңгеден астам мөлшерде залал келтірген.

Бұл туралы Қаржылық мониторинг агенттігі  хабарлады.

Оның үстінен қызметтік өкілеттіктерін асыра пайдалану және ақша жымқыру фактілері бойынша сотқа дейінгі тергеп-тексеру жүргізіп жатыр.  

«Тергеу амалдарына сай, А. Қапенов қызметтік жағдайын пайдалана отырып, жүк вагондарын басқару қызметтерін көрсету кезінде байланысы бар компанияларға заңсыз артықшылықтар жасаған. Салдарынан «ҚазТемірТранс» АҚ-ға 5,2 млрд теңгеден астам мөлшерде залал келтірілген», – делінген хабарламада.

Қазіргі уақытта А.А. Капеновке халықаралық іздеуге жарияланған. Сот оған қатысты «қамауда ұстау» түріндегі бұлтартпау шарасын санкциялаған. Тергеу жалғасып жатыр.

Алматыда Беларусь Республикасының Бас консулдығы ашылады. Бұл туралы Тоқаев пен Беларусь сыртқы істер министрі Максим Рыженковтың Ақордадағы кездесуінде айтылды.

Қазақстан президенті Алматыда Бас консулдық ашу жоспарын құптап, жоба мемлекеттер арасындағы байланысты кеңейте түсетініне сенім білдірді.

Бұдан бөлек Қазақстан өнімдерін экспорттау мәселесіне ерекше назар аударылды. Былтырғы қорытынды бойынша, екі ел арасындағы тауар айналымы 30% артып, 1,2 млрд доллар құраған.

Екі тарап өнеркәсіп кооперациясы, көлік, ауыл шаруашылығы, туризм және басқа да бағыттар бойынша ынтымақтастықты тереңдетудің де маңызын атап өтті. Өз кезегінде Беларусь сыртқы істер министрі арнайы қабылдағаны үшін Тоқаевқа алғыс айтып, Александр Лукашенконың сәлемін жеткізді.

Осыдан екі ай бұрын Мәжіліс төрағасы...

14 сәуірде таңертең BYD қытай компаниясының Шэньчжэнь зауытында өндіріс кешені өртенді. Reuters мәліметінше, оқыс оқиғадан адам зардап шеккен жоқ.

Өрт сейсенбі күні таңертең ерте тұтанған. BYD компаниясы зауытта оқыс оқиға болғанын растады.

Автоалып таратқан мәліметке қарағанда, өндіріс кешеніндегі автотұрақ өртенген. Мұнда сынақтан өткен, ескі көліктер тұрған.

Шэньчжэнь қаласының Пиншань ауданындағы өндіріс кешені өртеніп жатқанын бірінші болып жергілікті құтқару қызметі хабарлаған. Автокомпанияның бас кеңсесі де осы ауданда орналасқан.

Осы оқиғадан соң, Reuters дерегінше, BYD акциялары 0,6%-ға төмендеді.

Қытайдың ірі қаласындағы өрт туралы видеолар әлеуметтік желілерде тарады. Онда будақтаған қара түтін көкке көтеріліп жатқанын, бірнеше қабаттан тұратын гараждың жоғары жағын...

Бүгін 14 сәуір Алматы қаласындағы Республика сарайында «Алтын ханым» ұлттық байқауының салтанатты финалдық кеші өтеді. Еліміздің әр өңірінен іріктелген ең лайықты арулар мен аналар бақ сынайтын бұл кеш биыл да ерекше форматта ұйымдастырылмақ.

Байқауды тамашалау үшін Республика сарайына бара алмаған көрермендерге тамаша мүмкіндік бар. Шараның тікелей көрсетілімін Сағат 19:00-де BM PRODUCTION ресми YouTube арнасынан көруге болады.

Байқауға кімдер қатысады?

Биылғы додада Қазақстанның түкпір-түкпірінен іріктелген 27 қатысушы өнер көрсетеді. «Алтын ханым» жобасының басты ерекшелігі байқауға 30 бен 53 жас аралығындағы нәзік жандылар бақ сынайды. Қатысушылардың арасында көпбалалы аналар, кәсіпкерлер, түрлі саланың мамандары мен қоғам белсенділері бар.

Тіпті, бұған...

Қызылорда қаласындағы тұрғын үйлердің бірінде өрт шықты. Пәтер ішінде екі бала ұйықтап жатқан.

ІІМ дерегіне сәйкес, өрт шамамен сағат 10:30-да төртінші қабаттағы пәтердің балконынан тараған. Сол маңнан өтіп бара жатқан полиция қызметкері дереу жағдайды бағалап, өрт ошағына қарай барады. Ол құтқарушылардың келуін күтпей, түтін жайлаған пәтерге кіріп, өрт сөндіруге кіріскен.

Пәтер ішінде екі бала ұйықтап жатқан. Полицей оларды оятып, қауіпті аймақтан алып шығып, тілсіз жаудан аман алып қалды.

Кейін оқиға орнына қосымша күштер мен төтенше қызметкерлері келіп, жағдай толық бақылауға алынды.

Айта кетейік, 12 сәуірге қараған түні Түркістан көшесіндегі көпқабатты үйдің 15-қабатында орналасқан пәтерден шыққан өрт үш...

Қазақстандық кейбір блогерлерге қатысты салық тексеруі жалғасып жатыр. 600-ден аса блогер 1 млрд теңге салық төлеген.

Бұл туралы Үкіметтегі брифингте Қаржы вице-министрі Ержан Біржанов мәлімдеді.

Оның айтуынша, тексеру басталғалы салық органдары 854 блогерге табысты төмендеткені үшін жалпы сомасы 72 млрд теңге болатын 1 586 хабарлама жолдаған.

«Бүгінгі таңда олардың 622-сі қосымша салық декларацияларын тапсырды. Олар табыстарын 18,3 млрд теңгеге арттырып, қосымша 1 миллиард теңгеге дейін салық төледі. Сондай-ақ оларға тағы шамамен 600 млн теңге төлеу міндеттелді», – деді Ержан Біржанов.

Ержан Біржановтың айтуынша, қазіргі уақытта 7 блогерге қатысты тексеру жүргізіліп жатыр. Оларға қосымша есептелген салы...